"အိုး သခင်လေးယော့တောင်ဒီအရွယ်အထိရောက်ယာက်လာပြီပဲ"
ယော့လေးတဲ့လား ဝမ်ချန်းကတော့စိတ်မသက်မသာဖြစ်မိသည် နန်းတော်ထဲကိုအဲ့ဒီ့သားအမိကိုအတင်းခေါ်သွင်းထားသည့်ဆွန်းမင်ဟာ ဒါ အွန်းလေးငယ်ငယ်ကနို့ချိုတိုက်ကျွေးထားတဲ့အဲ့ဒီ့အချိန်ကမြို့စားကတော်လို့သေချာရှင်းပြသည်
ဒါပေမဲ့ အွန်းဗြောနဲ့အရွယ်ဘယ်လောက်မှမကွာတဲ့အီယော့ဆိုတဲ့ကောင်ကိုလုံးဝကြည့်မရပါ
အရပ်ကသူ့ခါးလောက်သာရှိဦးမယ်ဆိုပေမဲ့ နန်းပြင်မှာအွန်းဗြောကိုလိုက်ကြည့်နေထဲကမကြည်နေတာဖြစ်သည်
ဆွန်းမင်ကသူ့အဆောင်ကိုခေါ်လာပြီးစားစရာတွေနဲ့ဧည့်ခံထားသည်
အွန်းလေးကအိပ်ပျော်နေပေမဲ့အွန်းလေးအနားမှာအရွယ်နဲ့မလိုက်အောင်တင်ပလ္လင်ခွေထိုင်ပြီးစာရွက်နဲ့စုတ်တံတစ်ခုပေးထားသည်ကိုပန်းချီထိုင်ဆွဲနေသည့်မလောက်လေးမလောကမစားလက်တောက်လောက်လေးကြောင့်ဝမ်ချန်းမှာဖင်တကြွကြွ
ဆွဲနေတဲ့ပုံကသူ့သမီးတော်လေးအိပ်ပျော်နေသည့်မျက်နှာဖောင်းဖောင်းလေးပုံဖြစ်နေပါသည်
ဒီကောင်ကအားရပါးရကြည့်ပြီးဆွဲနေတာပဲ
"မင်းကြီးသိလား အွန်းလေးငယ်ငယ်ကလေ သခင်မပဲ စောင့်ရှောက်ပေးရတာ ကျွန်တော်ကဆေးမြစ်တွေဝယ်ဖို့ဟန်ယန်းကိုတက်လာရင်လေ သခင်မအိမ်တော်မှာအမြဲထားခဲ့ရတာ အဲ့ဒီ့အခါကျရင်အီယော့သခင်လေးကသူ့ညီမလေးနဲ့အဖော်နေပေးတယ်"
ဆွန်းမင်ကတော့စိတ်ပါလက်ပါရှင်းပြနေသလို မြို့စားကတော်တစ်ဖြစ် ယခု နန်းတွင်းအမတ်ကြီးတစ်ဦးရဲ့အမျိုးသမီးဖြစ်သည့်သခင်မကြီးကပြုံးရုံလေးသာပြုံးပြီးငြိမ်သက်လျက်ကြည့်နေသည်
"ကျွန်တော်မျိုးမအလွန်အမင်း ဝမ်းမြောက်မိပါတယ်အရှင်"
"ဘာကိုလဲ"
"အရှင်မင်းကြီးတို့မိသားစုလေးစုံနေတာမြင်တော့ ဝမ်းမြောက်မိတာပါ ကြင်ယာတော်လောင်းလေးကိုလည်းဂရုစိုက်ပေးပါရှင် နဂိုထဲက စိတ်ထားနူးညံ့တဲ့ကလေးမို့လို့ပါ"
"ကောင်းပြီ ကိုယ်တော့်သမီးတော်လေးကိုစောက်ရှောက်လာခဲ့ရတာပင်ပန်းပြီ ကျေးဇူးဆပ်မကုန်ပါဘူး"
"မခံယူဝင့်ပါဘူး ကျွန်တော်မျိုးမ ဒီကလေးတွေသားအဖနှစ်ယောက်မင်းကြီးအရိပ်မှာနေနိုင်ရင်ကျေနပ်ပါပြီ"
ကျေးဇူးတင်ထိုက်တဲ့သူကိုတော့သေချာပေါက်ကျေးဇူးဆပ်ရမယ်မှန်းသိပေမဲ့ ဝမ်ချန်းစကားတွေ ဘောက်ဆတ်ဆတ်နိုင်နေပါသည်
အကြောင်းသည်ကား အီယော့ဆိုတဲ့လက်တောက်လောက်လေးကြောင့်ဖြစ်ပါသည်
"သခင်ယော့လေး.. မဟုတ်ပါဘူး ..ယော့လေး ဒီကိုလာဆွဲထားတာလေးပြပါဦး"
ဆွန်းမင်ကအနားတောင်ခေါ်လိုက်သေးသည် သေချာထိုင်ပြီးလက်နှစ်ဖက်နဲ့ကမ်းပေးလာတဲ့စာရွက်မှာအွန်းလေးနဲ့တစ်ပုံစံတည်းတူတဲ့ မှင်ဆေးပန်းချီတစ်ခုဖြစ်သည်
တစ်ပုံစံတည်းကိုမှဖောင်းဖောင်းအစ်အစ်ပါးအိအိလေးတွေကအစတူသည်
"ကြည့်ပါဦး အွန်လေးပုံဆွဲထားတာ အီယော့လေးကပါရမီကိုပါတာ ဒါနဲ့မင်းကြီး အွန်းလေးနဲ့ယော့လေးကိုတူတူပညာသင်ခိုင်းရင်မကောင်းဘူလား"
အဟွတ်!
ဆွန်းမင်ကချီးကျူးလျက်ထပြောလာတော့ဝမ်ချန်းသောက်နေတဲ့ရေနွေးကြမ်းတောင်သီးသည်
သူ၏သမီးတော်အလှလေးအား ဒီလိုကုပ်ကမြင်းဖြစ်လောက်မည့်ကောင်နဲ့ပညာအတူသင်ရမယ်
ဝမ်ချန်းစဉ်းစားရကြပ်နေပေမဲ့
"အဟမ့်း နန်းပြင်ကစာသင်ကျောင်းမှာ အထူပညာသင်ခွင့်ကို..."
"နန်းတော်ထဲကစည်းကမ်းတွေကိုမသိပေမဲ့ အွန်းလေးနဲ့ကျွန်တော်မျက်နှာနဲ့ကိုထောက်ပြီးစီစဉ်ပေးလို့မရဘူးလား ဟင် မင်းကြီး"
ဆွန်းမင်အနေနဲ့တစ်ခါမှဒီလောက်တောင်းဆိုဖူးတာမဟုတ်သလို ဝမ်ချန်းစကားလည်းအများကြီးမပြောဖူးပါ
ဒါပေမဲ့ မြို့စားကတော်မိသားစုကဆပ်မကုန်နိုင်တဲ့ကျေးဇူးကြွေးရှိတာမို့လို့ ပြည့်စုံပြီးသားမိသားစုအတွက်လက်ဆောင်ပဏာတွေအစား သခင်လေးအီယော့၏ပညာရေးကိုစီမံပေးခြင်းကသာကောင်းမွန်တဲ့အလားအလာဖြစ်လာမည်ဟုထင်သည်
ဝမ်ချန်းကဆွန်းမင်ကိုကြည့်သည် မြို့စားကတော်အမျိုးသမီးကတော့ငြင်းနေပေမဲ့ဝမ်ချန်းကတော့ဆွန်းမင်ကိုပဲစိုက်ကြည့်နေသည်
သူ့ကိုကြည့်ပြီးတောင်းဆိုတဲ့မျက်လုံးလေးတွေသာမန်ထပ်ဝိုင်းစက်ပြီးတောက်ပလျက်
မင်းငါ့ကိုဘာထင်နေတာတုန်းကွ!
"နန်းတော်ထဲပညာသင်ဖို့ခွင့်ပြုတယ် ဒါပေမဲ့..အွန်းလေးကလည်းငယ်နေတဲ့အတွက် အိမ်ရှေ့စံမင်းသမီးဖြစ်တဲ့အလျောက်ကိုယ်ခံပညာကဆယ်ကျော်သက်အရွယ်မှာကိုယ်တော်ကိုယ်တိုင်သင်ကြားမှာဖြစ်တဲ့အတွက် မင်းမီးလုံခြုံရေးအတွက် အတူပညာသင်ကြားမဲ့အီယော့ကိုကိုယ်ခံပညာသင်ကြားထားမယ် ခန္ဓာကိုယ်ကခံနိုင်ရည်ရှိရင်လက်ခံပါ"
"အယ် မင်းကြီး ယော့လေးကအခုမှငယ်ငယ်လေး"
ဆွန်းမင်ကလည်းဝင်ရောက်ပြီးတားရသည်
ကလေးကငယ်သေးတယ်မလား
"ကျွန်တော်မျိုး လက်ခံပါတယ်"
အီယော့လေးကကြားထဲကနေကလေးသံလေးနဲ့လူကြီးလေးတစ်ယောက်လိုပြောလာတော့သည်
လပ်ခံသည်ဆိုတော့လည်းဆွန်းမင်မှာအသံကိုတိတ်လို့
အီယော့ကဘယ်လောက်လိမ္မာနေပါစေ ဝမ်ချန်းကတော့အပီတွယ်ဖို့တွေးနေပြီလေ အရပ်ကခါးလောက်ရှိတာတော်သေးသည် ဒူးလောက်ရှိရင်ကိုင်ပေါက်မိပြီပဲ
မိခင်ကိုကျေးဇူးတင်ပေမဲ့သားဖြစ်သူတော့မပါ
အဘယ့်ကြောင့်ဆိုသော် နန်းပြင်မှာအွန်းဗြောကိုကြည့်ပြီးပြုံးနေခြင်းကြောင့်ဖြစ်သည်
"ကောင်းပြီ"
..........
"မင်းကြီးကလည်းလွန်ပါတယ်"
"ဟ လွန်စရာလားကွ"
နှစ်ယောက်ကြားမှာဘာမဟုတ်တဲ့သေးသေးမွှားမွှားကိစ္စလေးကအစ စကားရည်လုလာတတ်ကြသလို ဆွန်းမင်ကလည်းဝမ်ချန်းကိုတစ်ခုမှအလျော့မပေးပါ
"အီယော့ကကျွန်တော်တို့ခါးလောက်ပဲရှိတာကို ဘာကိုယ်ခံပညာလဲ"
ဘာရယ်တော့မဟုတ် သခင်လေးအီယော့တို့သားအမိပြန်သွားထဲက ဝမ်ချန်းကဘာရယ်မဟုတ်အကြောင်းရှာပြီးနှစ်ယောက်သားလက်ဖက်ရည်သောက်ကြမယ်ဆိုပြီးအမိုးအကာတစ်ခုအောက်ရောက်နေခြင်းပင်
အနားမှာ အုံ့ဆိုင်းနေတဲ့ပင်စည်လုံးပတ်ကြီးကြီးသစ်ပင်အမြင့်ကြီးတစ်ခုရှိသည်
ကျေးငှက်အချို့ကိုလည်းတွေ့မြင်ရသလို ပတ်ပတ်လည်မှာစိုက်ပျိုးထားတဲ့ပန်းပွင့်လေးတွေကြောင့်လိပ်ပြာအချို့လည်းပျံဝဲနေသေးသည်
"အာ ဆွန်းလေး"
"ကျွန်တော့်ကိုဆွန်းလေးလို့မခေါ်ပါနဲ့နော်"
"ကိုယ်တော့်ကိုစိတ်ဆိုးတာလား"
ဆွန်းမင်ဘာမှမပြော စားဖို့သာချထားတဲ့မုန့်တွေသာထိုင်စားပေးနေလိုက်တော့သည်
စိတ်ဆိုးရအောင်သူကဘာမို့လို့လဲ
"မဟုတ်ဘူး ဒါပေမဲ့မင်းကြီးလွန်တယ်"
"အွန်းလေးအတွက်ပါ အွန်းလေးကအိမ်ရှေ့မင်းသမီးဖြစ်လာပြီပဲ ကိုယ်ရဲ့လောဘကြောင့်လားမသိပေမဲ့ အွန်းလေးကိုတော့ဒီနိုင်ငံရဲ့ပထမဆုံးဘုရင်မဖြစ်လာစေချင်တယ်
မိန်းကလေးမို့နိုင်ငံကိုဦးမဆောင်နိုင်ဘူးဆိုတဲ့အရာကိုကြားရတာ ကိုယ်အာဏာရှိနေတဲ့ကာလကနောက်ဆုံးဖြစ်စေရမယ် ဒါကြောင့်သူ့ဘေးမှာစောင့်ရှောက်ပေးနိုင်တဲ့သူရှိရမယ် ဒါကကလေးဖြစ်ဖြစ် လူကြီးဖြစ်ဖြစ်"
ပြောပုံကတော့ဟုတ်ပေမဲ့ အီယော့လေးကငယ်လွန်းသည်ကို
ကလေးကိုဘယ်နဲ့ဓားပေးကိုင်မတုန်း
"မင်းကြီးကလည်း ကလေးကိုဓားဘယ်လိုပေးကိုင်မှာတုန်း"
"ဆွန်းလေး မင်း ဈေးလမ်းထဲကအရူးလေးလား ကလေးကိုဘယ်သူကဓားရေးအရင်စသင်မှာလဲ"
ဝမ်ချန်းကရယ်လျက်ပြောသည်
ဒါပေမဲ့တစ်ခုခုကိုသတိထားမိသွားတဲ့ဆွန်းမင်ကတော့မျက်နှာကြီးမဲ့လာပါတော့သည်
"အရူး...?"
"အင်း အရူးလေး"
ဆွန်းမင်ဆီကအသံထွက်မလာတော့ နဂိုထဲကအေးသည့်အလျောက်စိတ်ဆိုးတာတောင်ထုတ်မပြပဲ ဒီအတိုင်းငြိမ်ကုပ်သွားတာဖြစ်သည်
ဝမ်ချန်းကတော့ဒါကိုသတိထားမိနေသည်မို့ဆွန်းမင်ရဲ့ပေါင်ပေါ်မှာချထားတဲ့လက်ကလေးတွေကိုကြည့်လိုက်တော့
လက်သီးသေးသေးလေးတွေဆုတ်ထားတာမှတင်းနေတာပဲ
"ဆွန်းလေး"
ဆတ်ကနဲဆိုမျက်စောင်းကခဲလာသည်
ဝမ်ချန်းမှာမျက်စောင်းအထိုးမခံရတာတောင်အတော်ကြာပြီမို့လန့်တောင်လန့်သည်
"ဖြည်းဖြည်းလုပ်ပါကွ ကိုယ်တော်သက်တော်ကြီးရင့်နေပြီ"
တားမြစ်ရင်းနဲ့သာမျက်စောင်းခဲထားသူ၏ပါးစောင်ထဲကိုဆန်မုန့်အသေးလေးနှစ်ခုထိုးထည့်ပေးလိုက်တော့ လက်ကိုလာကိုက်သည်
ဆွန်းမင်ပါးစပ်ထဲလည်းဆန်မုန့်ကအပြည့်ဖြစ်နေသလို
ဝမ်ချန်းရဲ့လက်ကိုလည်းကိုက်ထားသည့်အပြင်မျက်စောင်းကလည်းခဲထားတော့မာန်ဖီနေသည့်ခွေးပေါက်လေးနဲ့တူနေသည်မို့ဝမ်ချန်းကဆွန်းမင်ပါးလေးကိုရွှတ်ကနဲနမ်းတော့ လန့်ပြီးမတ်တပ်ထရပ်သည့်
ဆွန်းမင်သည်အနားကအစောင့်တွေဟိုဘက်လှည့်နေလားမလှည့်နေလားကိုအရင်စစ်ဆေး၏
"မင်းကြီး! ကျွန်တော့်ခွင့်ပြုချက်မရပဲနဲ့ဒီလိုလုပ်တာမကြိုက်ဘူးနော်"
"မင်းလည်းငါ့ခွင့်ပြုချက်မရဘဲ အရမ်းချစ်စရာကောင်းနေလို့မရဘူးနော်"
ကျစ် အတွဲတွေ အတွဲတွေ တော်ဝင်အတွဲအတော်ဆိုးနေတာ
တစ်စက္ကန့်လေးမှကိုမခွဲဘူး ဟိုမှာ ချင်နိုင်ငံကသူ့တိုင်းပြည်သာလာသိမ်းသွားမယ်
ကြင်ယာတော်ရူးရူးနေတာနဲ့ဒီဘုရင်သိလိုက်မှာမဟုတ်ဘူး
ရန်ဟွာမှာစိတ်ပျက်လက်ပျက်နဲ့သာယပ်ခတ်ပြီးလာရာလမ်းအတိုင်းလှည့်ပြန်သွားတော့သည်
သူ့မှာလည်းချင်နိုင်ငံကစစ်ပွဲအတွက်ပြင်ဆက်ထားပြီဖြစ်ကြောင်းပြောဖို့အရေးခရီးနှင်လာသမျှ အခုထိအရာမထင်သေးပါ
"ယူရှင်းရောဘယ်မှာလဲမသိ"
ရန်ဟွာတစ်ယောက်ရှာပုံတော်ခရီးကထွက်ရဦးမည် ပုံမှန်ဆိုဝမ်ချန်းဘေးတွေ့နေကျယူရှင်းကိုတွေ့တာမို့လို့နန်းတော်ထဲပတ်ရှာကြည့်တော့မှ တွေ့ပါပြီ
ဟိုးနန်းတော်အနောက်ဘက်အရင်မင်းကြီးလက်ထက်ကအလောင်းတွေပစ်တဲ့သေမင်းတမန်မြစ်ကြီးကိုမျက်နှာမူလျက်သေရည်အိုးကိုဖက်ပြီးထိုင်သောက်နေတဲ့ယူရှင်းက လူကပါငိုက်စိုက်ကျပြီးပါးနှစ်ဖက်ကသာမန်ထပ်ရဲပြီးမျက်လုံးကပါမပွင့်တော့ပါ
ရန်ဟွာလည်း ခတ်နေတဲ့ယပ်တောင်ကိုခေါက်လျက် ယူရှင်းနားအထိရောက်အောင်သွားပြီးမူးပြီးငိုက်စိုက်ကျနေတဲ့ခေါင်းကို ယပ်တောင်နဲ့နှစ်ချက်သုံးချက်ခေါက်လိုက်သည်
"အ့..နာတယ် မရိုက်နဲ့"
"ရှင်း..မင်းသေရည်ပဲသောက်နေရင်သေလိမ့်မယ်နော်"
ပြောတာတောင်နားမထောင်ဘူးထင်သည်
သေရည်တစ်ငုံထပ်မော့ဖို့ပြင်နေတာမို့သေရည်အိုးကိုပါ ယူပြီးပစ်ထုတ်လိုက်တော့ ယူရှင်းကမူးမူးနဲ့လက်ညိုးတစ်ချောင်းကိုမိုးပေါ်ထိုးပြလာသည်
"ခုန်ချလိုက်မှာ"
"ဟမ်"
"ချစ်လား မချစ်ဘူးလားပြော"
အသံကလုံးနေသေးသည် ခုန်ချမဲ့ခုန်ချရေထဲခုန်ချပေါ့မိုးပေါ်ကိုဘာလုပ်မှာတုန်း
ရန်ဟွာ ယူရှင်းရဲ့လက်ညိုးကိုလက်နှစ်ဖက်နဲ့ဆိုတ်ကိုင်ပြီးမြစ်ရေပြင်ဘက်ကိုဦးတည်ရာတည့်အောင်ညွှန်ပြလိုက်သည်
ယူရှက်းကအာလေးလျှာလေူနဲ့တသ်ခုခုကြိဆက်ပြောဖို့ပြင်တော့၏
"ရေကိုမြင်ရင် မင်းကိုလွမ်းတယ်
နေကိုမြင်ရင် ဒီ.."
ယူရှင်းဟာ သူ့အရှေ့တည့်တည့်ကမျက်နှာတည်တည်နဲ့ရန်ဟွာရဲ့မျက်လုံးတည့်တည့်ကိုလက်ညိုးထိုးပြလာပြန်သည်
"အဲ့ဒီ့...တောက်လွန်းနေတဲ့မျက်လုံးတွေကိုသတိရတယ်
ဓားရေးကျင့်ပြီးမြင်းစီးနေရင်တောင် မင်းကိုပဲထပ်ခါထပ်ခါတွေးမိတဲ့အခါ၁၅နှစ်အရွယ်ငါ့ကိုဘာလုပ်သွားတာလဲ"
"မူးနေရင်တောင်ယဉ်ယဉ်ကျေးကျေးပြော ငါမင်းထပ်အသက်ကြီးတယ် ကိုယ်ရံတော်တပ်မှူးယူရှင်း"
"ရူးတော့မယ်...သိသိရက်နဲ့ထားသွားပြီးမှထပ်ပြီးငြင်းတယ် ရန်ဟွာ မင်းငါ့ကိုဘယ်အချိန်အထိစောင့်ခိုင်းမှာလဲ"
ရန်ဟွာတိတ်တဆိတ်နဲ့လှည့်ထွက်သွားသည်
ထပ်ခါထပ်ခါမသိချင်ယောင်ဆောင်ပြရှောင်လွှဲနေတဲ့အနေအထား
သူလိုနှစ်နိုင်ငံကိုလျို့ဝှက်သူလျှိုလုပ်နေတဲ့ သွေးနှောသူတစ်ယောက်က ဘယ်လိုလုပ်ပြီးသာမန်ထပ်ပြိီးတဲ့သံယောဇဉ်ကိုထားနိုင်မှာတဲ့လဲ
"မင်း မနေ့ကပြောလိုက်တဲ့စကားကအခုထိရင်ထဲမှာတဆစ်ဆစ်နဲ့နာနေတုန်းပဲ ငါ့ကိုပြတ်ပြတ်သားသားပြောလို့ရပါတယ် ဒါပေမဲ့ အခုက"
နောက်ကိုလည်းလှည့်မကြည့်မိသလို စဉ်းစားရကြပ်တဲ့ဒီဇာတ်လမ်းတွေကိုဒီမှာတင်အပြီးအပြတ်ဖြတ်တာပိုပြီးအဆင်ပြေနိုင်သည်ဟုတွေးမိတာကြောင်း ရန်ဟွာထုတ်ပြောလိုက်သည်
"တော်ရအောင် ရှင်း ငါနဲ့မင်းနဲ့လုံးဝမဖြစ်ဘူး"
တုန့်ပြန်သံကိုထပ်ပြီးမကြားလာ
ရန်ဟွာကလည်းအနောက်ကိုလှည့်မကြည့်မိ
ယူရှင်းရဲ့ခြေထောက်အစုံကမ်းပါးနဲ့အနည်းငယ်အလိုမှာ ရေစီးသန်နေတဲ့မြစ်ရေပြင်ကိုကျောခိုင်းလျက်ရပ်နေပြီး သူရှေ့ကကျောခိုင်းထားသူကိုပြန်ပြီးကြည့်နေသည်
"ပြောစရာဒါအကုန်ပဲလား ရန်ဟွာ"
"အင်း အကုန်ပဲ"
ဗွမ်းကနဲဆိုရေအစက်အပျောက်တွေကမ်းပါးပေါ်အထိစင်အောင်တက်လာသလို အသံကြောင့်ရုတ်တရပ်လှည့်လာတဲ့ရန်ဟွာရဲ့မျက်နှာကိုလည်းရေမှုန်ရေမွှားတွေစင်လာတော့သည်
"ယူ..ယူရှင်း"
ယူရှင်းကိုလည်းမတွေ့တော့
ရုတ်တရပ်ဆိုသလိုပတ်ဝန်းကျင်ကအုံ့မှိုင်းလာပြီး တစ်နေရာက အပုတ်နံ့တွေလိုမျိုးလွန်လေပြီးသောနှစ်ပေါင်းများစွာကဝိညာဉ်တွေကခြောက်လှန့်နေသလိုခံစားချက်မျိုးရသည့်အရက်ကသင်္ချိုင်းတစ်ခုဖြစ်ခဲ့ဖူးတဲ့ဒီနေရာမှာ ယူရှင်းပျောက်သွားလေပြီ
ရန်ဟွာတုန်တုန်လှုပ်လှုပ်နဲ့ကမ်းပါးအထိကပ်သွားမိသည် ရေမျက်နှာပြင်တုန်ခါနေသေးသည် မဟုတ်ဘူးမလား မင်း ငါ့ကြောင့်နဲ့ခုန်ချခဲ့တာမဟုတ်ဘူးမလား
"ရှင်း!"
တစ်ဖက်တွင်လည်း အိမ်ရှေ့စံမင်းသမီးဖြစ်တဲ့အွန်းလေးအတွက်ပညာရေးအတွက်
ဝမ်ချန်းနဲ့ဆွန်းမင်ဟာအတိုင်ပင်ခံအမတ်တွေနဲ့အတူဆွေးနွေးရင်း ဆွန်းမင်အသံတစ်ခုခုကိုနားထဲထင့်ကနဲ ကြားလိုက်တာမို့ အနားတင်ရှိတဲ့ဝမ်ချန်းကိုမသိမသာလက်ကလေးကုပ်လျက်
"ဟင် မင်းကြီး ကိုယ်ရံတော်ရှင်းကိုခေါ်တဲ့အသံတစ်ခုခုမကြားဘူးလား"
"အို ဒင်းကအသည်းကွဲရင်သုံးလေးရက်ကြာတယ်"
တစ်ဖက်ချင်နိုင်ငံရဲ့စစ်ရေးပြင်ဆင်မှုအတွင်းတွင် ဂျိုဆွန်းကနတ်ဆရာအချို့ပါပျောက်ဆုံးကုန်ကြသည်
သတိမထားမိဘဲတစ်စတစ်စကြီးထွားလာတဲ့အန္တရာယ်ရှိပြီးထူးဆန်းတဲ့ပျောက်ဆုံးမှုနန်းတော်ထဲမှာကြီးကြီးမားမားတစ်ခုပြီးတစ်ခုရန်ဟွာပြောတဲ့အတိုင်းအထက်လမ်းအောက်လမ်းတွေနဲ့အစီအရင်များသာရှိခဲ့လျှင် နန်းတော်အတွင်းသွေးချောင်းစီးမှုကဖြစ်လာမှာမလွှဲမသွေပင်ကြုံရမှာပင်ဖြစ်တော့သည်
___________________________
Stella : Wild Flower Kimကအပိုင်းရှည်မှာပါHistoricalကိုThe Kingတုန်းကအတိုလေးပဲရေးလိုက်ရတော့အခုထပ်ရှည်ရှည်လေးသွားချင်လို့ပါ
အဲ့တာကြောင့်လေNever Notတို့Raindropsတို့ကိုအရင်ရေးပေးရင်ကောင်းမလားလို့ မင်းတို့သဘော🫰