<<.. بعد وقت ..>>
الكل على حاله ينتظرون الدكتور يخرج لأجل يطمئنهم على الجد راجح و سرعان ما فزوا كلهم من خرج الدكتور ، أبتسم دكتور لذياب أتجه له : أبشرك جدك بخير بس أرتفع ضغطه و الحين بخير ولكن لازم تنتبه مايصير يتعرض لأي ضغط واضح ضغطه نزل بسبب شيء
أبتسم بخفيف له : بشوفه
أبتسم دكتور على طريقه ذياب ما ياخذ الأذن إلا إنه يأمره أن راح يدخل : أكيد تفضل بس شوي شوي عليه لا تدخلون كلكم مع بعض
دخل ذياب بسرعه للجد و مزون مشت معه بدون أدارك لإن ذياب إلي ألان ماسك أيدها ، دخلوا على الجد و دخلت الجدة أبتسم الجد بخفيف يشوف مسكة ذياب ليد مزون : شعندك ماسك أيد بنتي جذي !
مزون بعدت بخجل : خلاص أبوي طلع بسلامة
صد ذياب يضحك ما أستوعب قرب من الجد ينطق بسخريه: واضح إنك جذوب تضحك علينا ما فيك إلا عافيه أجل تتحرش فيني من تقوم بعدين بنتك زوجتي
الجد صد يضحك : أقول تراك تكلم جدك أحترام شوي حنا مو بين بعض
صد ذياب يمنع نفسه يضحك
قربت مزون إلتف ذياب عليها بعدم فهم لنظراتها: شنو تبين
مزون بحرج : بعد بسلم على أبوي
ضحك ذياب يبعد ، قربت مزون تحب رأس الجد : خوفتني عليك
الجد أبتسم: افاا تخافين أنا أبوج محد يقدر يهزني
ابتسمت مزون الجدة بضيق : محد يهزك ماتدري شنو سويت فينا أنت!
الجد ألتفت عليها أبتسم بحب : والله ما عرفت أربيكم تخلون حبيبة القلب تبجي ليش
مزون ضحكت : والله شوف هي كانت تعصب علينا محد قدر عليها و الحين الله يعينك
ضحكت الجدة غصب تقرب بجانب الجد : محد يقدر يبعدني عن راجح أجل يقولون لي اقعدي بالبيت حنا نعطيج خبر
الجد أبتسم و سرعان ما صد بضيق من دخلوا عياله و شاف حال أبو ذياب و أبو سعود
الجد نطق بضيق من ذكر كل إلي صار : وينهم سديم و جراح !
أبو سعود : سديم بنتِ برا و جراح بعد إلي سوه مو معروف وين أختفى
ذياب نطق بحده : من قال جراح مو هني
أبو ذياب بعدم فهم : جراح مو هني يا ذياب
ذياب صد عنهم يلتفت على الجد : عندي كم شغله أخلصه و أجي
الجد فهم على ذياب نطق بضيق : روح بس لا تبطي أنت و شغلك
صد ذياب يخرج من عندهم ...
عند جراح ...
توتر كل ماله يزيد مو عارف أي شيء يخص جده يعترف أن غلط و تصرفه غلط بس ما توقع بيصير بجده جذي تأنيب الضمير يعذبه يبي يعرف أي معلومة عن حال جده ماله وجه ينزل يشوف ولأ يقدر يجلس جذي قاطع تفكيره من طق ذياب على جامة سيارة
جراح صد بضيق فتح له باب ، ركب ذياب برود ينطق بحده : تعتقد إذا قعدت هني راح تخفف من إلي سويته
جراح نطق برود : ما سويت شيء قلت حقيقه
ذياب إلتف عليه ينطق بسخريه : دام إنك تقول ما سويت غلط ليش قاعد هني ليش ما تدخل
جراح صد بضيق
ذياب بحده : أشرح لي الموضوع كله بدون جذب ولأ لف و دوران يا جراح
جراح لف عليه : كل شيء وأضح أنا خنت سديم و كلمتها بس هي ما أقتنعت و تبي طلاق دام أنها مو قادره تسامحني على غلط تروح ماني مجبور أبرر للكل ليش سويت جذي
ذياب برود : قلت بدون جذب
جراح : أنا قلت لك بدون جذب حاولت أتفاهم معها بس ماتبي تتفاهم شنو أسوي يعني
ذياب بغضب : يعني تقول إنك خليت سديم عشان وحده مو كفو !
جراح صد بغضب : لا تغلط
ذياب عقد حواجبه : أنت صج ماتدري ليش جدي رفض تأخذها ؟
جراح : ما يهم ولأ أبي أعرف تزوجت سديم غصب عني ولأ قدرت أبعد عنها و راح اتزوجها بس ماقدرت أقول قدام جدي لإن طاح علينا
ذياب بغضب نطق بحده : تخسي تأخذها و إذا عن سديم تبي تطلقها طلق لإنك غبي ماراح تعرف قيمتها إلا بعدين الندم مو الحين يا جراح
جراح بضيق صد : خلني أندم مع ألي أحبها
نزل من سياره نطق برود : جدي بخير بس لا تنزل و تزيد همه بكلامك
جراح بغضب : اصلاً رايح محد منكم موقف معي و على قراري
ذياب بسخريه : أي قرار تبي نوقف معك بقرار يدمرك
جراح : هذا شيء يخصني أنا محد له رأي على
صد عنه ذياب برود يتجه لجده ، جراح ضرب الديركسون بغضب : محد راضي يفهم إلي فيني
عند مزون ...
خرجت بعد ما دخلوا بنات لأجل ما يزدحم المكان على الجد و استوقفها صوت بيان إلتفت عليها تنطق برود : نعم
بيان : ماعندج كرامة تتقربين بعد كل إلي قلته لج تعتقدين ذياب راح يحبج بيوم !
مزون برود : أعتقد هذا شيء ما يخصج و عيب تتدخلين بين متزوجين
بيان بقهر من طريقه كلامها و بخوف من أنها تقول لذياب شيء ، مزون نطقت قبل لا تتكلم بيان : شوفي المكان تعتقدين مناسب لكلامج الفاضي و حابه أقول لج كلامج كله ما يأثر على ولأ راح أهتم كملت كلامها تنطق بكل ثقه : و أهم ما عندي حالياً أبوي راجح مو فاضيه لج ..
بيان صدت عنها بضيق من نطقت بأخر كلامها بثقه خوفها بدأ يزيد من أنها تقول لذياب و زاد توترها من شافت ذياب يتجه لمزون ...
ذياب قرب من عمانه نطق برود :سالفة جراح و سديم راح تبعدون جدي عنها نحل الموضوع بينا بدون مشاكل
أبو سعود صد بضيق ، نطق سعود : أنا هم أشوف هل قرار مناسب ما هو زين نزيد على جدي نحل الموضوع بينا أحسن
ذياب : هذا إلي راح يصير ولأ أحد يجب طاري الموضوع عنده حتي
اكتفوا كلهم بالموافقة ، بعد عنهم ذياب يتجه لمزون إلي كانت واقفه بعيد تحاول تصحصح من نفسها ماهي قادره توقف عدل من تعب من حست بحرارتها زادت خرجت عنهم و بعدت لأجل محد يشك
ذياب قرب منها من شك أن فيها شيء: نرد البيت ؟
صدت عنه تبعد لأجل ما يشك إن حرارتها أرتفعت: لا بقعد عنده
ذياب كشفها من نبرة صوتها مسك جبينها رغم رفض مزون الشديد
مزون بعدت عنه لأجل ما يعرف ولكن ذياب ما عطها فرصة مسك أيدها : بتولعين علينا من حرارة و ما قلتِ لي
مزون بتعب : مافيني شيء و بعدين مالك دخل
ذياب برود مسك أيدها يتجاهل كلامها
حاولت تبعد ولكن كان أقوي منها و شاد على أيدها مو معطيها مجال تبعد : ما أبي أروح البيت
ذياب بسخريه : من قال رايحين البيت بخليهم يشوفون حرارتج يعطونج أدوية أحسن لج من نوم
مزون زمت شفايفها : ما أبي أدوية ما احتاجهم و بعدين مالهم فايدة كلش !
إلتف عليها برود : مالهم فايده ! خلاص أجل تاخذين إبرة إذا ما تبين أدوية
تجمدت مكانها نطقت بخوف : إبرة ؟
عض شفايفه يمنع نفسه يضحك بعد ما عرف من نبرة صوتها بأنها تخاف من الإبرة نطق بسخريه لأجل يستفزها : لايكون بنت سيف تخاف منها
كشرت بوجهها هي تصد عنه : من قال بنت سيف تخاف منها أصلاً سخيفه ما تخوف
ذياب مسك أيدها يمنع نفسه يضحك : خلاص أجل أمشي تأخذين إبرة و كله ساعتين مايصير فيج شيء
مزون وقفت تبعد أيده : لا ماله داعي أحس الأدوية أحسن
ذياب رفع حواجبه بسخريه : توا تقولين مالهم فايدة شنو إلي غير كلامج
مزون بعدت تمشي أمامه : استغفرالله الله يهديك شكلك أنت تعبان معي متي قلت جذي مافي أهم من الأدوية خل نروح نشوف دكتور
ذياب صد يبتسم يشوفها تمشي أمامه ما تعطيه فرصة يرفض ولأ يتكلم
«... عند الجد ...»
لأحظ بعد سديم تتجنب النظر بعينه من دخلت نطقت بحمدالله على سلامة فقط و بعدت هل شيء ضايق الجد من يشوفها تحس بذنب بشيء مالها علاقة فيه صد عنها يشوف تغريد تبعد بنات عنه بخوف عليه تنطق بإنه : محد يجي أبوي حقي بس ضحك ينطق بهدوء:يبه تغريد أخذي بنات أطلعوا شوي برا أبي سديم بموضوع
تغريد فهمت عليه سحبت بنات معها يخرجون، الجدة نورا أبتسمت بخفيف : أنا بشوف مزون مادري وين أختفت أحس أنها تعبانه
أبتسم الجد بخفيف و من خرجوا كلهم ألتفت لـسديم أشار لها تقرب منه : تعالي قريب
سديم بمحاولة تمسك نفسها لأجل ما تنزل دموعها عنده تحس بذنب بشكل فضيع قربت تجلس بجانبه ولكن وقفت من أشار لها الجد تجلس على طرف سرير جلست هي تتجنب النظر بعيون جدها لأجل ما تضعف : هلا
الجد أبتسم بخفيف يمسك أيدها : تتجنبين جدج افااا يا سديم ما هقيتها منج
سديم بنبرة باكيه: ماقدر أحط عيني بعينك مالي وجه
الجد تعدل بجلسته يمسح دمعة إلي خانت سديم و نزلت : أنتِ مالج ذنب الذنب كله مني أنا
سديم شدت على أيده: لا والله مايجي الغلط منك
الجد نطق بغضب من جراح : والله المهبول يخلي هل قلب حنون و يحلق **
سديم صدت بضيق ولكن الجد لف وجهها عليه : أنا ما قلت جذي لأجل تصدين إلي ما يعرف قيمة بنتِ يطس بالي ما يحفظه أنتِ ما سويتِ شيء غلط لأجل تخجلين ولأ تنزلين راسج
سديم : بس لو ما قلت الموضوع الحين ما صار فيك شيء
الجد ضحك بثقه : شنو صار فيني بس شويه تعب ولأ أنتِ تقصدين أني كبرت بالعمر يعني
ضحكت غصب تصد عن الجد : جدي
ضحك الجد يقربها يحضنها : أي من الأول أبي أشوف هل ضحكة الحلوه ماش وجهج و أنتِ تبجين مو حلو
سديم مسحت دموعها تضحك : جدي لا تقول جذي بكل حالاتي حلوه
ضحك الجد يمسح على رأسها : بهذي صدقتي
بعدت سديم مسك الجد وجهها بكل أيده : هل ضحكة ما أبيها تختفي أنا لي شغل مع الحمار إلي برا
سديم عقدت حواجبه بصدمه : شلون عرفت أنه برا حتي ذياب عرف شلون
الجد أبتسم بثقه : ما يطوف على شيء أنا و ذيبي و بعدين جراح و أعرفه ما يحتاج أحد يعلمني فيه و أدري أنه من طحت و هو برا بس مو قادر ينزل تدرين ليش مايبي ينزل
سديم بحزن : عشان محد يلومه و يتضايق
الجد ضرب رأسها بخفيف : غلط لإنه مايبي يزيد من الحزن إلي موجودين ولأ يبي يزيد التوتر فا فضل إن يبعد نفسه
سديم صدت بضيق : مايهمني شنو يسوي
الجد بضيق من حالهم و عارف جراح وراه مصيبه غير ألي قاله بس يخاف تكون مصيبته إلي يفكر فيها و أن يرد طاري البنت إلي رفضها ،شتت تفكيره ينطق بهدوء : يلا قومي شوفي متي راح يطلعوني من هني ريحة المستشفى تجيب الهم
سديم : بس جدي مايصير لازم تقعد شوي
الجد : ماش محد يعرفني غير ذيبي خليهم ينادون ذيبي يطلعني من هل مكان
سديم : كأنه قام تتدلع !
الجد صد يضحك : الدلع ماهو للرجال يلا خلوني أطلع ولأ بطلع من كيفي
سديم : خلاص خلاص وقف بشوف سعود يشوف ذياب
الجد بثقه نطق بضحك لأجل تضحك سديم : أي ما تجون ألا بالعين الحمرا
صدت سديم تضحك خرجت تتجه لسعود ...
<<..... عند مزون و ذياب ....>>
دكتور عقد حواجبه بصدمه : حرارتج حيل مرتفعه ماينفع معج الأدوية
مزون بتوتر : شلون ما ينفع يمكن في غلط بالجهاز
ذياب عض على شفايفه يمنع نفسه يضحك ألتفت على الدكتور ينطق برود : دام أن ما تنفع الأدوية شنو ينفع يعني
الدكتور : ماراح يخفف حرارتها ألا إذا عطيتها فولتارين
مزون زمت شفايفها تحاول تكتم دموعها : مو لازم الأدوية أحسن و راح التزم فيهم
ذياب أستغل الفرصه نطق : لا مايصير مالهم فايده خلاص عطنا ورقه أخليها تأخذ فولتارين
دكتور أبتسم يكتب لهم لأجل يدخلون بسرعه : أي هذا أحسن لإن الادوية ماراح تجيب نفع حرارتها حيل مرتفعه محد راح يوقفها ألا إذا أخذت فولتارين و تفضل هذي ورقه تطلع من غرفه تمشي للأمام و بعدها على يمين راح تكون قدامك غرفه هناك راح يعطونها
أبتسم ذياب بخفيف يأخذ الورقه مسك أيدها يخرج من غرفه ، مزون بضيق من شافت الغرفة ، نظرت لذياب يتكلم مع الممرضة للحظة دعت ممرضه تقول إنتهى فولتارين من عندنا ولكن خاب أملها من مسكها ذياب يجلسها على كرسي ينطق بهدوء : لا تخافين أنا معج
مزون صدت بضيق نطقت بخوف : بنت سيف ما تخاف من هل أشياء
ذياب وقف بجانبها هز راسه بسخريه يمشي الموضوع معها لأجل ما تصيح من الخوف : صح عليج
مزون شدت على إيدها المثبته على فخذها بتوتر تتجنب النظر بالممرضة إلي تجهز الإبرة إلتفت على ذياب بأخر أمل أن تتهرب : أحس أني تحسنت ليش ما نروح نشوف أبوي راجح شلون صار وضعه !
صد ذياب عارف أنها تتهرب نطق بهدوء : مافي وجهج أحمر من الحراره و تقولين أحس مافي طلعه من هني ألا لم تأخذينها
صدت عنه تحس بأنها مو قادره تتنفس من شافت طرف الإبرة و من قربت منها الممرضة ألتفت لـذياب تمسك أيده تشد عليها ، أنتبه ذياب عليها شافها مغمضة عينها ترجف بخوف و الممرضة حتي ما قربت منها كتم ضحكته شد على أيدها و كأنه يطمنها ولكن مزون دمعت عيونها تبعد عن الممرضة : دقيقه دقيقه
أبتسمت الممرضه نطقت تخفف من خوفها : ما عليه صدقيني ماراح تحسين فيها ماله داعي الخوف ياعمري
مزون بخوف : مو خايفه بس مو مستعدة مافي أصغر من هل أبرة
ممرضة ضحكت : مافي هذي إلي لازم تأخذينها ممكن تقعدين
مزون كانت بترفض ولكن أنتبهت على ذياب الي يمنع نفسه يضحك كشرت بوجهها جلست توضح له الثقه : أوك سوي بس بشويش
ممرضة قربت تساعد مزون تنزع طرف عبايتها : لا تخافين و شوفي صوب ثاني عشان ما تتوترين
مزون صدت تغمض عيونها ، مايمدي تقرب الممرضه بعدت مزون هي تنطق بخوف : خلصتِ
الممرضه وقفت مكانها مو عارفه شنو تسوي فيها كل ما قربت بعدت ولكن أنقذها ذياب من قرب من مزون غمض عيونها يمسك أيدها يثبتها : أنا معج ماله داعي كل هل خوف
مزون شدت على قميصه من حست بالممرضه ، بعدت الممرضه تبتسم : بس خلصنا حمدالله على سلامة
بعدت مزون عن ذياب من حست بنفسها ذياب ضحك يقرب يعدل عبايتها لأجل ما تتعور : أجل ما تخافين يا بنت سيف ما هقيت حرم ذياب تخاف هل كثر
مزون كشرت بوجهه تنكر خوفها : أقدر أساعد نفسي و بعدين كم مره أقول ما خفت
ذياب أبتسم بخفيف يقف يمسك أيدها يخرج : ياكثر جذبج ياحرم ذياب
مزون صدت بغضب : بنت سيف
الممرضه أبتسمت من خرجوا تنطق : يمه حيل حلوين كل واحد يقول الزين عندي شلون بصير إنتاجهم هذول أخخخ قلبي يارب تسعدهم حيل حلوين مع بعض ...
عند الجد أبتسم من دخلوا مزون و ذياب ولأحظ ملامح مزون : مزعل بنتِ يا ذياب
ذياب برود جلس: بنتك إرتفعت حرارتها و ساكته ما تقول لازم نجي بنفسنا نشوفها
مزون صدت عنه بغضب قربت من الجد : ما عليك منه أهم شيء أنت
ذياب إلتف عليها بذهول ينطق بحده : بنت شنو ما عليك منه
الجد ضحك : خلاص امسحه بوجهي ماراح تقول لها شيء و هي عندي
صد ذياب من شاف مزون تبتسم لأجل تستفزه نطق لنفسه : نتفاهم بعدين يا حرم ذياب
الجد : ألا ليش للحين ما طلعت إلي متي بقعد هني
الجدة : يا راجح نشف حلقي أنا أقول لك مافي طلعه لم تطيب ترد تقول متي أطلع
الجد : أنتم ما تفهمون أقعد ليش مافيني إلا عافيه
ذياب نطق برود : مافي طلعه كلمت دكتور قال بكرا تقدر تطلع و اليوم لازم تقعد
الجد صد : حتي ذيبي خرب معكم
مزون أبتسمت تمسك أيد الجد راجح : أتفق معك قعدة المستشفى تجيب الضيق شرايك أساعدك و ننحاش
الجد ضحك من قلبه : أي أخيرآ أحد يفهم مثلي ما غلطت يوم سميتج بنت راجح ، ضحكت مزون
ذياب حس بغيره من طريقه كلامها مع الجد تمني لو تتكلم معه جذي بدال صد و البعد نطق بسخريه : أي بنتك ما تعرف ألي تنحاش
مزون ضحكت هي تتجاهل كلامه : أي مو يقولون نص الشجاعة بالهروب
صد ذياب يضحك
ضحكت الجدة و الجد أبتسم من شاف ذياب صد يضحك
تغريد دخلت : ما شاءالله على خيانة يوم إنك خلصت موضوعك مع سديم ليش ما تناديني بس الغلط مني صرت محترمة و طلعت أول ما قلت لي
ضحك الجد على غضبها : شوي شوي ماهو زين كل هل غضب وأنا أبوج
تغريد صدت عنه بغضب : بنت منو
ضحك الجد تقصد أنها طالعه عليه بهل شيء: خلاص يابنت راجح تعالي و أرضي علينا
تغريد جلست جنب الجدة نورا : أفكر بعدين بس الحين زعلانه عليك أنت و بنتك أجل تسحبون على
الجد ألتفت على مزون : زعلت علينا
مزون أبتسمت تقرب منها تحضنها : شلون تتوقعين أقدر أسحب عليج
تغريد صدت تحاول ما تضعف عندها : لو سمحت قول حق بنتك تبعد هل حركات ماتجيب فايده عندي
الجد ضحك : لا تخلينها و أنا أبوج و ضميها بدالي
مزون ضحكت : أبشري
تغريد ضحكت تصد : خلاص تمام رضيت بس بعدي عني قبل لا يذبحني زوجج
ضحكوا كلهم من نظرات ذياب إلي واضح مو عاجبه صدت عنه مزون تحضن تغريد بعناد ولكن تجمدت من مسك كرسي يقربها منه : الكل فهم إلا أنتِ !
تغريد ضحكت من ملامح مزون إلي أنصبغت بالاحمر من خجلها ...
<<...... تسريع الأحداث .....>>
الصبح عند الجد متمد على سرير من ملامح وجهه توضح الضيق و الملل من قعده المستشفى ولكن سرعان ما أبتسم من دخلوا تغريد و مزون بهدوء لأجل ما تنتبه الجدة نورا نطقت تغريد تهمس : بناتك جاين يهربونك تجي معنا
ضحك الجد وقف بتعب : أنا انطر هل لحظة من الأول رجلي نامت من كثر ما قعدت
مزون ضحكت تمسك أيده: الحين بنخليها تتمشي بالحديقه كله بوريك الورد هناك يهبللل
ضحك الجد يشوفهم يمسكون أيده و يمشون : ألا تعالوا مع منو جاين أنتم !
تغريد أبتسمت : ذياب
الجد رفع حواجبه : شلون ذياب كأن عندي من أمس
ذياب وقف أمامهم بملل : بناتك مثلك مايعرفون يسكتون ألا يجون مطلعيني من الفجر أجي أخذهم
مزون صدت عنه : قلت بنجي مع السائق أنت رفضت
ذياب : طلع لسانها الحين
ضحك الجد : أقول بعد بس خلهم يمشوني تعبت من كثر القعده أنت و جدتك ما تفهمون
ذياب صد برود : ما يعجبك شيء
ضحك الجد يخرج معهم يتمشون بحديقه المستشفى يسمع سوالفهم : ياكثر جذبكم نص سوالفكم جذب
مزون ضحكت : حرام عليك وين جذب
الجد ضحك : ألا خلكم من هذا و قولوا لي شلون طلعتوا بدون ما يحسون فيكم هتان و قصيد ؟
تغريد ضحكت : أنا أقول لك أمس مو أزعجونا يقولون حنا راح نجي أول عاد هني شاش رأسنا محد يفوز علينا ما نقبل الهزيمه و أول ما صلينا صلاة الفجر دقينا على ذياب و جينا هم للحين نايمين
مزون ضحكت: أي ياقلبي عليهم من أمس بالمطبخ ميري ابتلشت فيهم كل ما قالت أنا أسوي قالوا حنا نسوي عشان يأكل من أيدنا
تغريد ضحكت من تذكرت كلام ميري : أي يبه حتي أخر شيء أنفجرت ميري قالت لهم هذا أكل يخلي بابا راجح يروح مستشفى مره ثانيه
الجد ضحك : والله لو شنو أكلهم راح اكله لعيونهم إلا سديم شلونها شفتوها !
مزون بحزن على سديم : ما جت معنا راحت مع سعود
الجد بضيق : و بيان
تغريد : مادري بيان من أمس مختفيه بس أرسلت رساله إنه تحس بصداع و ردت البيت ترتاح
الجد كأن راح يتكلم ولكن ضحك من شاف قصيد و هتان يقربون عندهم : استعدوا على هجوم
تغريد : تكفي بوجهك حنا
هتان بغضب : يا قليلات أدب متي يمديكم تجون
تغريد : سر المهنة مانقدر نقول لكم
قصيد : أمحق سر خله لكم المهم جدي يذوق أكلنا صنع بكل حب له
الجد أبتسم: يلا نروح الغرفه نتريق كلنا
هتان ضحكت تمشي معهم : عاد جدي حتي لو مو حلو سلك لنا تكفي لا تهدم جهدنا أكلنا زف لم قلنا بس من ميري
ضحك الجد : أصلًا من ريحة واضح أن لذيذ ما عليكم من أحد مايجي منكم ألا زين
قصيد بثقه : شلون ما تبون تكون عندنا ثقه و هذا كلام جدنا لنا
ضحك الجد يدخلون كلهم على صدمه الجدة نورا إلي مايمدي تنصدم بعدم وجود راجح دخل و معه البنات
الجد ضحك من ملامح الجدة : رحت اتمشي يا نورا ما رديت البيت
مزون ضحكت تساعد البنات
الجدة : أجذب عليك إذا قلت أن ما فكرت إنك رديت البيت بدون علمنا
تغريد ضحكت : لا يمه بس خليته يتمشي شوي
صدت الجدة تضحك
هتان : خلكم من هل كلام و شوفوا الأكل لذيذ
أبتسم الجد يمد أيده يأكل و سرعان ما أبتسم يسلك لهم لأجل ما يزعلون : أي هذا الأكل الزين عن أكل المستشفى وينكم من قبل ما تسون لي
قصيد بحماس : صج لذيذ
الجد أبتسم: شنو كلمه لذيذ عنده ولأ شيء
هتان تحمست جربت تأكل و سرعان ما بعدت لقمة هي تمنع الجد يأكل: جدي تكفي من علمك الجذب أكيد بناتك
الجد مد أيده يأكل ولكن قصيد منعته : لا هذا الأكل ما ينوكل
مزون منعت نفسها تضحك و مسكت فم تغريد تمنع ضحكتها لأجل ما ينجرحون البنات : أسكتِ لا تفضحينا حرام
تغريد تكتم نفسها ولكن دمعت من ضحك : ماقدر
هتان ضربتهم من رأسهم : اضحكوا بدال هل كتم لا تموتون علينا
ضحكوا مزون و تغريد و ضحكوا معهم الجد و الجدة
قصيد جلست بزعل : حرام تعب إلي قعدتها بتيك أدور طبخات أخر شيء صار كل شيء ألا أكل ينوكل
هتان جلست بجانبها : طيب أنا جوعانه شنو الحل
الجد ضحك يقرب يجلس بينهم يحضنهم : صح أن ما أكلنا بس غيرتوا جونا كله الله يخليكم لي
هتان و قصيد أبتسمهم يبادلون الجد حضن : الله يجبر بخاطرك
ضحك الجد و سرعان ما أبتسم من شاف بتال و حنين يدخلون معهم أكياس مطعم إلي يحبه الجد
بتال ضحك : هربنا الأكل أنا و بنتي لعيونكم
حنين ضحكت : أنا سويت لكم كرك هذا ألي أعرف له و مزون قالت بتسوي شاي فا تطمنت
مزون أبتسمت سوت شاي لعيون الجد و حطتها بدون لا يحس الجد من دخلوا
الجد : جاء بوقته
هتان أخذت الأغراض تساعد بتال و قصيد أخذت مسك من حنين
بتال جلس بجانب جده يحط الأكل على طاوله بعد ما هتان و قصيد بعدوا أكلهم ألتفت بتال حول الغرفه: ذياب وينه
الجدة نورا أبتسمت تأشر لـمزون : شوفي زوجج وينه خليه يجي
مزون : أبشري
خرجت مزون تدور بعيونها ذياب أنتبهت له بأخر الممر قربت ولكن وقفت من سمعته يتكلم بحده و هيبه بتلفون ما حست بنفسها هي تتأمله تشوف فخامة صوته و هو ينطق بهيبه و حده ، صدت بسرعه من حس فيها ذياب إلتف عليها يسكر مكالمة : شعندج يا بنت سيف
مزون توترت للحظة نست ليش جت : نسيت
أبتسم ذياب بخفيف يمسك أرنبة أنفها: شنو إلي يخليج تنسين
مزون بعدت عنه بتوتر تنطق : تذكرت أبوي راجح و بتال يقولون لك تعال تريق معنا
ذياب أشار تمشي أمامه : أمشي
صدت عنه مو عارفه ليش قلبها ينبض بسرعه بشكل فضيع و مرعب تشك أن يسمع صوت قلبها
أبتسم ذياب على ملامحها ألي توردت يموت بكل تفاصيلها
دخلوا جلس ذياب بجانب الجد و بتال و مسك بحضن بتال سرعان ما ضحكوا من مسك إلي ميلت رأسها تنظر لـذياب ضحك بتال يضرب رأسه : فشلتني خفيفه بزيادة هل بنت
تغريد ضحكت : عرفت تختار أخذت مزيون العائلة
ذياب صد يبتسم
قصيد : ذياب كرك ولأ جاي
ذياب : ولأ شيء مو مشتهي
الجدة أبتسمت : ترا الجاي من أيد زوجتك
ذياب نطق برود : أجل نشرب جاي
هتان ضحكت بخفيف تغمز لمزون همست لها : شنو مسويه فيه بس أقول لج شيء ما الومه جاي مالج إدمان
مزون أبتسمت بخجل من نظرات الكل ضربت هتان بخفيف بدون ما ينتبه أحد : شرايج تأكلين و أنتِ ساكته
ضحكت هتان تكمل أكلها
أبتسم ذياب بخفيف من نظرات مزون إلي تحاول ما توضح له أنها تشوفه تنطر ردة فعل على رايه بجاي صد عنها لأجل يستفزها مثل ما تصد عنه أكمل يشرب يروق على شاي إلي يوم وراء يوم صار يدمنه بسببها
الجد : إلا متي بطلع طالت السالفة
بتال ضحك : ليه مستعجل دكتور راح يشوفك بعدها تطلع
الجد أخذ مسك منه : أقول بس جيب مسكي لا تعلمه قلة أدب ما تعرف تتكلم مع جدك عدل
بتال ضحك : نعتذر
صد عنه الجد يلاعب مسك إلي تضحك و أنظارها على ذياب ..
_,
بعد دقائق طويله من سوالف إلي جمعتهم و ضحكهم على مسك استأذن بتال و حنين لأجل موعد مسك و بنات رتبوا المكان لأجل أي ضيف يدخل و ذياب سحب مزون معه يخرجون ...
عند مزون و ذياب ....
مزون بعدت أيده بهدوء : كررت عليك أن ما أحب هل حركة تسحبني معك بدون حتي ما تسألني
ذياب رد يمسك أيدها متجاهل كلامها : أمشي نشوف شلون حرارتج
مزون صدت بغضب منه كل هل إهتمام مو قادره تشوفه غير شفقه تتذكر كلام بيان تغضب من نفسها أكثر تكره من تنسي نفسها معه للحظات يغضبها لم تتذكر أن كل هل إهتمام مجرد شفقه أو مجبور عليه ، بعدت أيده بضيق و نطقت بنبرة جديه : أقدر أمشي بدون لا تمسك
ذياب صد بغضب من حالها إلي مو عارف من شنو متغير لا هي راضيه تقول له ولأ هو راضي يجبرها تقول مايبي يحزنها يبي هي تخبره من نفسها بدون أجبار
دخلت مزون تتجاهل وجود ذياب تترك بينهم مساحة توضح له إن ماراح تسمح له يكسر هل حاجز
ذياب بغضب من حركتها صد يتمالك نفسه نطق بهدوء للدكتور : شلونها
الدكتور أبتسم: لا حمدالله في تحسن حيل بحالتها
مزون : ما يحتاج أخذ ابرة ثانيه صح
الدكتور ضحك : لا لا الأمور كله تمام ما يحتاج
أبتسم بخفيف من شاف ملامح وجهها تتحول من خوف إلي راحة ...
عند سطام ..
دخل المستشفى أنظار الكل عليه بذهول لإن كان لابس بدلة الرسيمة للدوام و توضح النجوم و شاراته على كتفه الي تبين منصبه الكبير ، لابس نظاراته مبين هيبه بشكل مشي بخطواته يتصل على ذياب لأجل يعرف رقم غرفة الجد و ما هي إلا ثواني رد عليه ذياب : هلا
سطام أبتسم: يلا زين قلت هلا مو شتبي
ذياب صد : يالليل أخلص شتبي
سطام : غرفة الجد أي وحده قايل لك من أمس بمر عليه اتحمد له بسلامة
ذياب : غرفة 103
سطام أبتسم: مانت موجود هناك
ذياب : لا مو فاضي لك أدخل لحالك
سطام : أكبر جحده
ذياب ضحك يسكر بوجهه
سطام ضحك و سكر تلفونه يكمل طريقه متجه لغرفة الجد ، وصل لها طرق ألباب بهدوء و سرعان ما أبتسم من سمع صوت الجد يسمح له بدخول بعد ما أعرف أنه هو ..
الجد أبتسم: ياهلا بعميدنا
أبتسم سطام و قرب منه يحب رأسه يجلس بجانبه : هلا فيك يا كبيرنا حمدالله على سلامة
الجد أبتسم: الله يسلمك وأنا أبوك
الجدة نورا أبتسمت : يمه تغريد مدي القهوة له
تغريد صدت بملل : يمكن ما يطول
الجد تنحنح ينطق بحده : تغريد
تغريد وقفت بملل زاد غضبها من إبتسامة سطام الساخرة لها مدت له قهوة
أبتسم سطام يأخذ منها القهوة ، بعدت تغريد تجلس بين البنات همست لها هتان : ياليت لو جدي قال لي أنا إلي اقهوي
تغرير بغضب : تكفين أسكتِ أحسن لج عشان ما أفصل عليج
ضحكت هتان و قصيد نطقت : يلا قومي قهوي من جديد عيب خلصت قهوة بالفنجان
تغريد وقفت من نطق الجد : القهوة يا تغريد
أخذت منه فنجان هي تفول الفنجان تمد له ، صد سطام يمنع نفسه يضحك و هو يدري أنها تقصدت تفول الفنجان بمعني أخلص و روح بس تقصد يكمل سوالف مع الجد و الجدة لأجل يقهرها
الجد : ألا شلون شغل معك
سطام أبتسم: مثل ما هو مافيه شيء تغير
ضحك الجد : لايكون تفكر تأخذ مهمه ثانيه و تختفي عاد هني بيكون بينا زعل كبير
سطام : لا وين مالي نيه حالياً بس يجوز كل شيء
أبتسم على كلام سطام و دخول ذياب ...
ذياب : ما خلصت يلا أمش
ضحك سطام : يلا عاد أنا استأذن لازم أروح مع طويل العمر ولأ بيذبحني إذا ما لحقنا على أجتماع
أبتسم الجد : حافظكم الله
ذياب قبل لا يخرج : مزون معكم
الجد ضحك : ماراح أنسي بنتي روح أنت بس
صد ذياب يمنع نفسه يبتسم يخرج لسطام و كلن ركب سيارته متجهين لاجتماع بخصوص قضية مهمه....
«... بيت الجد راجح ...»
دخلت تغريد بسرعه تفتح ألباب ، مزون مسكت أيد الجد هتان و قصيد يعدلون الجلسة للجد ، أبتسم الجد لـهم بأنهم يسون كل شيء بسرعة لأجل ما يتعب جلس بمساعدتهم : لو أدري أن بتدلع جذي جان من زمان ط
تغريد وقفت أبوها قبل لا ينطق: لا تقولها راح نتهاوش معك
ضحك الجد : خلاص ماني قايل شيء
الجدة نورا : أي كفو على بنتي سكتِ أبوج من كلام فاضي
صد الجد و سرعان ما أبتسم من دخلت سديم تركت الأغراض إلي معها على طاولة و توجهت للجد تحضنه تحاول تبين نفسها طبيعيه لأجل لا يشك الجد و يتعب : سويت أحلى كيكة ليمون لعيونك أدري إنك تحبه من أيدي و سويته لك
أبتسم الجد بحزن يعرف بأنها تمثل : يلموني بحبج
مزون و تغريد تنحنون يعدلون السرير من أجل الجد : لا عادي مزوني ما يزعل أنا أحبج
مزون : أي عادي ما نحتاج حب بالإجبار حنا نكفي لبعض
الجد ضحك يصد عنهم : أخذوا كل هذا و يقولون عادي
سديم ضحكت تصد عنهم تفتح الكيكة و تبدأ تقطع للكل
الجد أنتبه على إتصال من جراح أبتسم بخفيف وقف يخرج : سديم تعالي المكتب أبيج بموضوع
صدت سديم وقفت تخرج مع الجد تتمني ما يفتح الموضوع لأجل ما تكبر السالفة و يتعب كل همها ما يحصل شيء لجدها ....
عند جراح ..
وقف أمام بيت جده أتصل عليه لأجل يطلع لديوانيه و يشوفه ولكن الجد رد عليه ينطق بجملة وحده فقط : تعال مكتبي بسرعه
صد جراح بضيق و نزل من سيارته و زاد ضيقه من شاف نظرات سعود له ماقدر يتحمل هل نظرات من سعود كأن أقرب واحد له و الحين يصد عنه بضيق تجاهل جراح ضيقه مشي برود لداخل
سعود بغضب من شاف جراح يدخل : وين داخل
جراح برود : بكلم جدي يا سعود بعد عن طريقي
سعود نطق برود أبرد من جراح : أول شيء أسمي ما تنطقه على إلي سويته حطيت أختي أمانة عندك و طلعت مو كفو قلت لك بهذاك اليوم كل شيء عندي عادي إلا سديم و ثاني شيء جاي تكمل إلي ماقدرت تسويه تضايق على جدي أكثر
جراح صد : لا حول ولأ قوة ألا بالله أسمع مالي خلق مشاكل جدي طلبني بعد عن طريقي
سعود أكتفى ينظر له نظرة مشمئز منه ولكن بالحقيقه كانت نظرة ضيق و عتاب من فعلته
جراح صد عنه يدخل محد راح يوقفه على ألي برأسه تعب من أن الكل يقول له شنو يسوي يبي يختار شيء بنفسه حتي لو راح يندم يبي يندم بشيء إختاره بنفسه ، دخل لمكتب جده أنتبه على حركة سديم من تغطت منه صد يتجاهل الغضب ألي بداخله يمثل بأنه ما تأثر بحركتها
سديم غطت نفسها تتجنب النظر بجراح و كل تركيزها على جدها ...
إنتهي 🤎
#من_وصايف_زينها_تجعل_القاسي_يلين