" ဟင့် ဘယ်လိုလုပ်ရမလဲ မခွဲချင်သေးဘူး "
သူ့အခန်းရှေ့ရောက်နေပြီးဆိုပေမယ့် Jisoo ပခုံးပေါ်ခေါင်းလေးတင်ရင်း Jisoo ရဲ့ လက်မောင်းကိုလည်း သူ့လက်၂ဖက်လုံးနဲ့ အတင်းတွယ်ထားသေးသည်
အတင်းကပ်ချွဲနေတဲ့ ကောင်မလေးကိုကြည့်ကာ ပြုံးလိုက်ပြီး သူ့ခေါင်းလေးကို ခပ်ဖွဖွပုတ်ပေးရင်း
" Chu လည်း မခွဲချင်သေးပါဘူး ဒါပေမယ့် ဘယ်လိုလုပ်မလဲ စာသင်ရဦးမယ်လေ Chu ရဲ့ ကလေးလေးက လိမ္မာပါတယ် နေ့လည်ကျရင် ကန်တင်းသွားဖို့လာခေါ်ရမလား ဒီနေ့က အစည်းအဝေးလည်းမရှိတာမို့အချိန်ရတယ် "
" ဟင့်အင်း ကန်တင်းမှာ စောင့်နေမယ် အဲ့ဒီကိုပဲလာခဲ့ "
" အင်းပါ အဲ့ဒါဆိုလည်း သွားတော့မယ်နော် အထဲဝင်တော့ "
" Chu အရင်သွားလေ သွားတာကြည့်ပြီးမှ ဝင်မယ် "
" မဟုတ်တာ Jendeukie ဝင်သွားတာကြည့်ပြီးမှ စိတ်ဖြောင့်ဖြောင့်နဲ့ သွားလို့ရမှာပေါ့ "
" ဟင် မရပါဘူး Chu အရင် .. "
" ဒီနေ့ ပြီးကြဦးမှာလား စာသင်ခန်းထဲကိုရောက်တော့မှာပဲ Ruby Jane တို့က အပိုတွေသိပ်လုပ်တာ "
ရုတ်တရက်ကြားလိုက်တဲ့ အသံကြောင့် နောက်လှည့်ကြည့်လိုက်တော့ သူတို့ကို လက်ပိုက်ကာ နံရံမှီပြီးကြည့်နေတဲ့ Joy
" လန့်လိုက်တာ ပတ်ခ်ဂျိုအီရယ် "
" လန့်စရာတွေလုပ်နေတာကိုး တကယ်ပါပဲ ကျောင်းခန်းထဲဝင်ဖို့အရေးကို နှုတ်ဆက်နေတာက ခရီးဝေးသွားတော့မယ့်အတိုင်း Unnie လည်း Unnie ပဲ သူ့ကို တအားအလိုလိုက်ထားတာမဟုတ်လား လူတိုင်းကြောက်ရတဲ့ student council president တဲ့ ကြားလို့မှမကောင်း "
" တော်ပါ နင့်မှာရည်းစားမရှိတိုင်း မနာလိုဖြစ်မနေပါနဲ့ "
" huh! ငါကလည်း မလိုချင်ပါဘူး နင့်လိုရည်းစားမျိုးတော့ အလုပ်ရှုပ်လွန်းလို့ "
Jisoo က Joy စကားကြောင့်ရယ်နေပေမယ့် Jennie ကတော့ မျက်စောင်းတွေချည်း လှိမ့်ကျွေးလျက်
" ကဲပါ Unnie လည်း အခုသွားပါတော့ ကျောင်းတက်တော့မယ် ဒီအရှုပ်ထုပ်ကို အထဲခေါ်သွားတော့မယ်နော် နေ့လည်ကျရင်လည်း တွေ့ရမှာပဲကို "
" အင်းပါ Chu သွားပြီးနော် "
" ဟုတ် နေ့လည်မှတွေ့မယ် "
Jisoo ထွက်သွားတဲ့အထိ မပြီးနိုင်မစီးနိုင် လက်လှမ်းပြနေတဲ့ Jennie ကို Joy ကပဲ ကျောပိုးအိတ်ကဆွဲပြီး အထဲခေါ်သွားရတော့တယ်
" ဘာလဲ ဘာဖြစ်နေတာလဲ တကယ်ပါပဲ! "
အတန်းထဲရောက်တော့ ခုံပေါ်ထိုင်လိုက်ရင်း သူ့ကိုဆွဲခေါ်လာတဲ့ Joy ကို မကျေမနပ်နဲ့ပြောတယ်
" ဘာဖြစ်ရမှာလဲ နင်ကတော့နင်ဆိုပေမယ့် Jisoo Unnie လည်း အံ့သြစရာပဲ "
" ဘာကို အံ့သြရမှာလဲ သူ့ရည်းစားဖြစ်တဲ့ငါ့ကို တုန်နေအောင်ချစ်တာလေ ဘာဖြစ်လဲ "
ကပ်ကပ်လန်အောင်စွာနေတဲ့ Jennie ကို စိတ်ပျက်သလိုကြည့်လိုက်ရင်း
" ဘာမှမဖြစ်ပါဘူး နင်တို့ခေတ်ပဲ လုပ်ချင်တာသာလုပ်ကြ "
" ဘာလဲ နင်က မနာလိုတာလား မဟုတ်မှလွဲ ငါ့ကိုကြိုက်နေတာလား "
" ငါက ရူးနေလို့လား! "
" မသိဘူးလေ ရည်းစားမရှိတဲ့သူတွေ ဒုက္ခကလည်း မသေးဘူးပဲ သူများချစ်သူနဲ့ ကြည်နူးနေတာကို ဖျက်လိုဖျက်ဆီးနဲ့ "
" ထားပါ ရန်ဖြစ်ကြမှ ငါ့ဆီလာငိုကြည့်နော် တံခါးဝက ရိုက်ထုတ်မယ် "
" ဖွ ဖွ လွဲပါစေ ဘာလို့ စကားကို အဲ့လိုကြောက်ဖို့ကောင်းအောင်ပြောရတာလဲ "
" huh! "
Joy တစ်ယောက် ဘာမှပြန်မပြောနိုင်ဘဲ ဆွံ့အသွားရသည် ပြီးကျ ရန်ဖြစ်ကြရင် သူတို့ မဟုတ်တဲ့အတိုင်း
စွာတေးလန် Jennie Ruby Jane ကိုတော့ လက်မြှောက်အရှုံးပေးပါတယ်
.
.
.
" Chu! ဒီမှာ "
ကန်တင်းကို Joy နဲ့ အရင်ရောက်နှင့်နေပြီး သူ့ရည်းစားကိုမြင်တာနဲ့ လက်ထောင်ပြီး ဂနာမငြိမ်တဲ့ Jennie ကို လျစ်လျူရှုလိုက်ပြီး စားလက်စ ဘာဂါဆီပဲ အာရုံထားလိုက်သည်
Jisoo တစ်ယောက် ကန်တင်းကို ရောက်လာရင်း သူ့ကို လက်ပြနေတဲ့ Jennie ကိုမြင်တော့ ပြုံးကာ သူတို့ဝိုင်းကို လျှောက်သွားပြီး ဝင်ထိုင်လိုက်ရင်း
" အစောကြီးရောက်နေတာလား "
" အင်း အတန်းက စောစောပြီးသွားလို့ ကြာတော့ မကြာသေးပါဘူး ခုနကပဲ "
" Aigoo မုန့်ကို ကလေးလေးလိုစားနေတာပဲ ပါးစပ်မှာလည်း ပေကုန်ပြီး "
ကျင့်သားရနေတဲ့လက်က ဘေးနားမှာရှိတဲ့ တစ်သျှူးဘူးဆီကို လှမ်းယူကာ ပြောလည်းပြောရင်း ပေနေတဲ့မုန့်စလေးတွေကိုပါ သုတ်ပေးလိုက်သည်
တစ်သျှူးပြန်ချထားလိုက်ပြီး ဘေးမှာအသင့်ရှိတဲ့ အချိုရည်ဘူးကို ယူဖောက်လိုက်ကာ
" အင့် ဒါလေးသောက်ရင်းနဲ့စား "
Jennie က Jisoo အတွက်တော့ မျက်စိအောက်က အပျောက်မခံနိုင်တဲ့ကလေးလေး အထွေအထူးလုပ်ပေးနေရတာမျိုးလည်း မဟုတ်ဘဲ အလိုလိုနေရင်း ကျင့်သားရနေသလို သူလိုအပ်တာမှန်သမျှ အရိပ်တကြည့်ကြည့်နဲ့ ဖြည့်ဆည်းပေးချင်တာပဲ
Jennie အတွက် အကုန်လုပ်ပေးပြီးသွားမှ Joy ဘက်လှည့်ကာ
" Joy ah~ ခုနက မနှုတ်ဆက်လိုက်မိလို့ sry "
" ရပါတယ် Unnie လူကိုသာ ဂရုစိုက်ပါ အခုတောင် ရန်ရှာချင်နေပြီးထင်တယ် ငါက စားလို့ပြီးသွားပြီးမလို့ စာကြည့်တိုက်ကိုသွားဦးမယ် ရည်းစားနဲ့ချစ်ကြည်နူးကြဦးမှာမလား နေခဲ့တော့ "
သူ့ကို စိုက်ကြည့်နေတဲ့ Jennie ကို ကြည့်ရင်း Joy ပြောကာ ထသွားသည်
" Joy စိတ်ဆိုးသွားတာများလား "
" Unnie ကလည်း သူလား စိတ်ဆိုးမှာ သက်သက်နောက်သွားတာ တခြားလိုက်တွေးမနေဘဲ Unnie က ဒီအတိုင်း ငါ့ကို အာရုံစိုက်ရင်ရပြီး "
" haha အင်းပါ သိပါပြီး "
ဒုန်း 💥💥
သူတို့စကားပြောနေတုန်း စားပွဲခုံပေါ်ရောက်လာတဲ့ လက်တစ်စုံနဲ့ အသံပါ တစ်ပြိုင်နက်
" လန့်လိုက်တာ ah! Chaeyoungie? ဒီကို ဘယ်လိုလုပ် .. "
ဒေါသထွက်နေပုံရတဲ့ Chaeyoung က Jisoo ကို စိုက်ကြည့်ပြီး
" လန့်သင့်တာပေါ့ ဘယ်လိုလုပ်တွေ ဘယ်ဟာလုပ်တွေ မပြောနဲ့ မနက်က ဘာလို့ မနှိုးဘဲ တစ်ယောက်တည်း လစ်သွားတာလဲ မဟုတ်ဘူး သွားမယ်ဆိုလည်း အန်တီ့ကို နှိုးပေးဖို့ ပြောသွားလေ "
" မဟုတ်ဘူး အဲ့ဒါက Jennieကို နှိုးဖို့ နောက်ကျမှာစိုး.. အယ် "
" ဘာ ! "
" ဟို.. အဲ့ဒါကလေ "
" ah! Unnie ကတော့ တကယ်ပါပဲ သူ့ရည်းစားကို နှိုးဖို့ကျ သတိရတယ် "
" Hi Chaeyoungie "
" Jennie Unnie! လွမ်းနေတာ Chaeတို့ selca ရိုက်ကြမလား "
Jennie ကိုမြင်တာနဲ့ သူ့ကိုဒေါသထွက်နေရာ mood ပြောင်းသွားပြီး ခါးလေးဖက်ကာ selca ထရိုက်နေတဲ့ ညီမဖြစ်သူ
Chaeyoung က Jennie ကို Jisoo ထက်ပိုချစ်ပုံရတယ် Jennie နဲ့ သူနဲ့က ဝါသနာတူတာလည်းပါမှာပေါ့လေ
Selca ရိုက်ရင်း မတ်တပ်ထရပ်လိုက်တော့ Jennie စကပ်လေးက အနည်းငယ်တိုနေတာကြောင့် Jisoo အပေါ်ရုံအနွေးထည်လေးက Jennie ပေါင်ပေါ်ရောက်နှင့်ပြီးသား
" Jennie Unnie ဘယ်လိုချုပ်ထားတာလဲ Kim Jisoo ကို ရည်းစားကို ချစ်တတ်မှုကြီးကတော့ လေးစားပါတယ် "
" Yah! Park Chaeyoung! နင့်ထက် ၂နှစ်ကြီးတဲ့အစ်မကို နာမည်အပြည့်အစုံခေါ်စရာလား ဒီကောင်မလေးကတော့ "
" ဟုတ် ဟုတ်ကဲ့ပါ မှားသွားပါတယ် "
ပြောင်ချော်ချော်လုပ်နေတဲ့ ချယ်ယောင်းကို Jisoo တစ်ယောက် ဘာမှဆက်မပြောတော့ဘဲ Jennie ကိုသာ အာရုံထားလိုက်သည်
" Unnie ငါသွားတော့မယ် သူငယ်ချင်းတွေ စောင့်နေသေးတာမလို့ မုန့်ဖိုးပေးပါဦး မနက်က အလောတကြီးထွက်လာတာနဲ့ ဘာမှမယူလာခဲ့ရဘူး မသနားဘူးလား ငါ့ကို "
" သနားစရာကောင်းအောင်လုပ်မနေဘဲ လိုသလောက်သာယူသွား ဟုတ်ပြီးလား "
" hehe ဟုတ်ပြီး မနက်က ကိစ္စကိုလျော်လိုက်ပြီးပဲထားပါတော့ ငါသွားပြီး Jennie Unnieရော သွားပြီးနော် "
" အင်း ကောင်းကောင်းသွား "
Chaeyoung ထွက်သွားတော့မှ Jisoo ပခုံးပေါ် ခေါင်းမှီလိုက်ကာ
" အခုမှပဲ ၂ယောက်တည်းရှိရတော့တယ် လွမ်းနေတာ မနက်ကတည်းက Chu ရော ငါ့ကို သတိမရဘူးလား "
" သတိရတာပေါ့ ငါ့ရဲ့ပေါက်စလေးကို ဘယ်လောက်လွမ်းနေလိုက်လဲ "
" တကယ်လား "
" အင်းပေါ့ "
" ဒါနဲ့ Unnie! ငါတို့ ဒီတစ်ပတ်ပိတ်ရက် ဘယ်သွားကြမလဲ "
Jisoo ပခုံးပေါ်က ရုတ်တရက် ဆတ်ခနဲထလိုက်ကာ မေးတော့
" ဒီအပတ်လား "
" အင်း Chu အားတယ်မလား ငါကြည့်ချင်တဲ့ကားက ဒီတစ်ပတ် ရုံတင်မှာ .. အာ မဟုတ်သေးဘူး ဟန်မြစ်သွားပြီး ကြက်ကြော်နဲ့ ခေါက်ဆွဲစားကြမလား စာလည်းလုပ်ရင်းနဲ့ပေါ့ "
" ဟန်မြစ်လား "
" ကောင်းတယ်မလား မရောက်တာလည်းကြာနေပြီး "
" အဲ့မှာ အေးမယ်ထင်တယ် "
Jennie က သူ့လက်မောင်းလေးကို ပြန်တွယ်လိုက်ရင်း ပခုံးပေါ်ခေါင်းလေးမှီကာ
" ဘာဖြစ်လဲ အနွေးထည်ဝတ်ပြီးသွားရင်ရတာပဲကို "
မကျေမနပ်နဲ့ စူပုတ်ပုတ်လေးပြောတော့ Jisoo က ပြုံးကာ ခေါင်းတဆတ်ဆတ်ငြိမ့်ပြလိုက်ပြီး
" အင်းပါ သိပါပြီး "
" အာ့ဆိုရင် ဟန်မြစ်သွားပြီး ဘာထပ်လုပ်ရင်ကောင်းမလဲတွေးထားလိုက်ဦးမယ် "
" အွန်း "
" ငါတို့သွားရင်းနဲ့ စားဖို့ မုန့်နည်းနည်းဝယ်သွားရအောင် Chu ~ ငါမနေ့ကပြောတဲ့ဇာတ်လမ်း download ထားတယ် တူတူကြည့်ရအောင် .. "
ရုတ်တရက် Jisoo က တစ်ခုခုကိုသတိရသွားတဲ့ပုံနဲ့ သူ့လက်မောင်းကိုဖက်တွယ်ထားတဲ့ Jennie လက်ကလေးကို အသာကိုင်လိုက်ရင်း
" အာ Jen.. တောင်းပန်ပါတယ် ခဏနေ ငါ သူငယ်ချင်းတွေနဲ့ စာစုလုပ်ကြဖို့ပြောထားကြလို့ "
" ဘာလဲ မနေ့ညတည်းက ဖုန်းပြောရင်းနဲ့ ပြောထားတယ်လေ ဒီနေ့ နေ့လည်စာတူတူစားပြီး ရုပ်ရှင်တူတူကြည့်မယ်လို့! "
စိတ်ဆိုးနေတဲ့ Jennie ကိုကြည့်ပြီး Jisoo ဆက်ပြောဖို့ အတွေးများနေသည်
" အရင်အပတ်တည်းက ပြောထားကြလို့ .. "
" အဲ့ဒါဆိုလည်း မနေ့ကဖုန်းပြောတည်းက ကြိုပြောထားလေ! "
Jisoo ဘာဆက်ပြောရမလဲမသိတာကြောင့် အားနာတဲ့ အကြည့်နဲ့သာ ကြည့်နေတာမလို့ Jennie ကပဲ သက်ပြင်းခပ်ဖွဖွချလိုက်ရင်း
" သိပြီးမလို့ သွားတော့ .. ခဏနေမှ ဆက်သွယ်လိုက် "
ပြောပြီး Jennie က ဆတ်ခနဲထသွားတာသည်
" Yah! Kim Hanbin ငါနဲ့တူတူသွားမယ် "
သိပ်မလှမ်းမကမ်းမှာရှိနေတဲ့ Hanbin တို့ အုပ်စုကို လှမ်းပြောလိုက်ရင် Jennie ပြေးသွားတာကို Jisoo ငေးနေမိသည်
" Jennie နင်ဒီလိုလုပ်လို့ရလား "
သူ့လက်ညှိုးနှစ်ချောင်းကို နဖူးနဲ့ ထိကြည့်နေတဲ့ Hanbin
" ဘာလဲဟာ "
" အခု trend ဖြစ်နေတဲ့ဟာလေ "
" ရူးကြောင်ကြောင်တွေ တအားလုပ်တာပဲ နင် "
Jennie က Hanbin ပခုံးကို ရိုက်လိုက်ကာ သူတို့နဲ့ စကားပြောရင်း ထွက်သွားပေမယ့် Jisoo ကတော့ ခပ်ဆွေးဆွေးကြည့်ကာ သက်ပြင်းခပ်ဖွဖွချမိတော့သည်
.
.
.
TBC 》 》》