( Unicode )
မြေပေါ်ရှိ ရွက်ကြွေအချို့ကို တက်နင်းမိရာမှ ထွက်လာည့်အသံက လွဲပြီး ပတ်ဝန်းကျင်တစ်ခုလုံး ငြိမ်သက်တိတ်ဆိတ်လျက်ရှိသည် ။အဝါရောင်ပန်းပင်တို့ စီတန်းနေသည့် လမ်းပေါ်မှာ ဘုဏ်းဇေက ရှေ့ကနေ ဟက်ပီးလေးကို အတင်းဆွဲ၍ သွားနေသော်လည်း ဟက်ပီးလေးကတော့ ဘေးက အတူပါလာသည့် ရှင်းသန့်ကိုသာ ငဲ့စောင်းကြည့်နေ၏ ။ မျက်လုံးရွဲကြီးများက အချိန်ကာလတစ်ခု ကြာခဲ့သည်တိုင် ရှင်းသန့်ကို မှတ်မိကြောင်း ပြောနေသယောင် ။
ဟက်ပီးလေးကရော ကာလအကြာကြီး ပျောက်သွားခဲ့တဲ့ သူ့ကို စိတ်များဆိုးနေပါသေးသလား ။ သခင်ဖြစ်သူကို ဒဏ်ရာတွေပေးခဲ့သူမို့ သူ့အပေါ် နာကြည်းနေခဲ့ပါသလား ။
" လွမ်းနေခဲ့တာ "
ဘုဏ်းဇေဆွဲထားသည့် မြင်းဇက်ကြိုးက တင်းခနဲ ။ နောက်ပြီး ခြေလှမ်းတို့ကို ရှင်းသန့်နှင့် ဝေးသထက်ဝေးအောင် အရှိန်ထပ်တင်နေ၏။
" လွမ်းနေခဲ့တာ ဟက်ပီးလေး "
ဘေးကနေ ကပ်လိုက်လာရင်း ကျောကို ဖွဖွသပ်ပြီးပြောတော့ ဟက်ပီးလေးက မျက်တောင်သုံးချက် ပုတ်ခတ်ပုတ်ခတ် လုပ်ပြသည်။ အရှင်မင်းသားလိုမျိုး သူ့အပေါ် စိမ်းစိမ်းကားကား မဆက်ဆံတာ ကျေးဇူးတင်ရမည် ။
" မနက်ဖြန် မွေးနေ့ လာခဲ့ပေးပါလား "
ဟက်ပီးလေးကို မြင်းဇောင်းထဲ ပြန်ထားပြီးသည့်အချိန်ထိ ဘုဏ်းဇေက ရှင်းသန့်ကို လှည့်ပင်မကြည့်ပါ ။ ဥပေက္ခာတရားကလွဲပြီး တစ်သက်လုံး သူ့ကို ဘာမျှပြန်မပေးတော့မည့်ပုံပင် ။ စိတ်ထဲရှိသည့်အတိုင်း ဝန်ခံရလျှင် သည်အပြုအမူကို မြင်ရတာ ရှင်းသန့်ရင်ထဲမှာလည်း နာကျင်ရ၏ ။ ဖြစ်နိုင်လျှင် နောက်ကနေ ဘုဏ်းဇေအင်္ကျီစကိုဆွဲပြီး ကလေးတစ်ယောက်လို ငိုယိုပူဆာလိုက်ချင်သည်။ သူ့ကို ခွင့်လွှတ်ပေးဖို့ ၊ သူ့အပေါ် မစိမ်းကားဖို့ ၊ ပြီးတော့ သူ့ကို ပြန်ချစ်ပေးဖို့ ။
လက်တွေ့မှာတော့ တားထားသည့်စည်းကိုလည်း မကျော်ဖြစ်သလို မျက်ရည်လည်း မကျဖြစ်ပါ ။ ဘုဏ်းဇေရှေ့မှာ သူ မငိုချင်တာ ဟိုအရင်ကတည်းက ။ သူလည်း ပြိုလဲတတ်ကြောင်း ဘုဏ်းစေကို မသိစေချင်။ သန်မာသည့်ပုံစံကိုသာ အမြဲမြင်စေချင်တာ အခုထိ။
" လာခဲ့ပါနော် ၊ မွေးနေ့မှာ မင်းနဲ့ အတူတူရှိချင်လို့ "
" အပိုတွေပြောနေမဲ့အစား ပြန်လိုက်တော့ "
" မင်းလာမယ်လို့ ကတိပေးရင် ပြန်မယ် "
" လာစရာ အကြောင်းမရှိဘူး "
" ကိုခန့်ကို ဂုဏ်ပြုမပေးတော့ဘူးလား "
မနက်ဖြန်က ရှင်းသန့်မွေးနေ့တင်မဟုတ်ဘဲ ကိုခန့်အတွက် အရင်းနှီးဆုံးလူအနည်းငယ်နှင့် ဂုဏ်ပြုပွဲပါ ကျင်းပဖို့ စီစဉ်ထားသည်။ ဘုဏ်းဇေဆီလည်း ဖိတ်စာရောက်ပြီးသား ဖြစ်လိမ့်မည် ။ သို့သော် သူရှိနေမှန်းသိလျှင် ဘုဏ်းဇေက လာမည်မဟုတ်ပေ ။ ထို့ကြောင့် မလာလာအောင် ခေါ်ဖို့အတွက် အခု သည်ကို သူ ရောက်လာရခြင်းဖြစ်၏ ။
ရိုးရိုးနည်းလမ်းနှင့် ခေါ်လို့ မရတော့လည်း ဆန်းဆန်းနည်းလမ်းကို သုံးရတော့မှာပေါ့လေ ။
" ကလွမ် "
စံအိမ်ဆီ ခြေလှမ်းတို့ကို ဦးတည်ရင်း ဖုန်းထဲက ထွက်လာသည့် အချက်ပေးသံကြောင့် အိတ်ထောင်ထဲကထုတ်ပြီး ဖွင့်ကြည့်လိုက်ရာ ဘုဏ်းဇေ မမြင်ဖူးသည့် နံပါတ်အစိမ်းတစ်ခုကနေ ပို့လာသည့် ဓာတ်ပုံတစ်ပုံ ။
ဓာတ်ပုံထဲမှာ အဝတ်မပါဘဲ ပူးကပ်နေသော ခန္ဓာကိုယ်အပေါ်ပိုင်းနှစ်ခုနှင့် ယောက်ျားလေးနှစ်ယောက် ။ တစ်ယောက်က အခြားတစ်ယောက်ကိုယ်ပေါ်ကို မှောက်ပြီး ရင်ဘတ်ပေါ် ခေါင်းတင်ကာ အိပ်ပျော်နေသည်။ အိပ်ပျော်နေသူက တခြားသူမဟုတ်ဘဲ ဘုဏ်းဇေကိုယ်တိုင်။ နောက်ပြီး ဘုဏ်းဇေ အိပ်နေချိန် ထိုဓာတ်ပုံကိုရိုက်ထားသူမှာလည်း သူခေါင်းအုံးထားသည့် ရင်ဘတ်ပိုင်ရှင်ဖြစ်ပြီး အခုလက်ရှိ သူနှင့် မလှမ်းမကမ်းမှာရှိနေသူပင် ။
" Damn it "
ဖုန်းမျက်နှာပြင်ကို ကြည့်နေရာကနေ သူ ဆတ်ခနဲ လှည့်ကြည့်တော့ ရှင်းသန့်က ရယ်ကျဲကျဲနှင့် ဖုန်းထောင်ပြ၏ ။ မနက်ဖြန် သူ လာအောင် သည်ဓာတ်ပုံနှင့် ခြိမ်းခြောက်သည့်သဘောပေါ့ ။
" ရှင်းသန့်တည်ကြည် "
" အဲလိုကြီး မခေါ်ပါနဲ့ ၊ မင်း ငါ့နာမည်ကို အပြည့်အစုံခေါ်လိုက်တိုင်း ဒီကမ္ဘာပေါ်မှာ ငါ တစ်ယောက်တည်းကို မုန်တိုင်းကွက်တိုက်သွားသလို ခံစားလိုက်ရတာ "
" မင်း အတော် ပလီတတ်လာပါလား "
" ဘာလို့လဲ ၊ ကြွေသွားလို့လား "
ဘာပြောပြော အပြုံးမပျက် တုံ့ပြန်တတ်သည့် ပုံစံက အရင်နှင့် တခြားစီ ။ ရှင်းသန့်တည်အစစ်ရော ဟုတ်ရဲ့လားတောင် မသိပါ ။ ရုပ်ရှင်တွေထဲကလိုမျိုး တစ်ယောက်ယောက်က မျက်နှာကို ခွဲစိတ်ပြီး ရှင်းသန့်ဟန်ဆောင်ကာ သူ့ရှေ့များ ရောက်လာသလား။
" လာမှာလား မလာဘူးလား ၊ ဒီ့ထက်ပိုပြီး ပွင့်လင်းမြင်သာတဲ့ပုံတွေ ရှိသေးတယ်နော် ၊ ဒီပုံတွေ အင်တာနက်ပေါ် ရောက်မသွားစေချင်ရင် ... "
" ရှင်းသန့်တည် ... မင်း ဦးနှောက်က တကယ် အလုပ်မလုပ်တော့ဘူးလား "
" ဦးနှောက်လဲ အလုပ်လုပ်တယ် ၊ နှလုံးသားလဲ အလုပ်လုပ်တယ် ၊ လက်ချောင်းတွေလဲ အလုပ်လုပ်တယ် မင်းသားလေး ၊ ငါ လက်ချောင်းတစ်ချောင်း ရွှေ့လိုက်တာနဲ့ တစ်မိနစ်အတွင်း ဒီဓာတ်ပုံကို လူဘယ်နှစ်ယောက် မြင်သွားမယ်ထင်လဲ "
" မင်းတင်ရဲရင် တင်လိုက်လေ "
" မတင်ရဲဘူး ထင်နေတာလား "
ရှင်းသန့်က စိန်ခေါ်သည့် မျက်နှာပေးနှင့် ။ မတင်ရဲဘူးလို့လည်း ဘုဏ်းဇေ တထစ်ချမပြောနိုင်ပါ ။ အရင်က ရှင်းသန့်ဆိုလျှင်တော့ မတင်မှာ ကျိန်းသေပေမဲ့ အခုက သူသိခဲ့သည့် ရှင်းသန့်မှ မဟုတ်တော့ဘဲ ။
" လာခဲ့နော် မောင် "
ပြောပြီး လှည့်ထွက်သွားတော့လည်း ချက်ချင်းပင် ။ ဘုဏ်းဇေသာ ဘာလဲဟဆိုသည့်အမူအရာနှင့် ကျန်ရစ်ရပြန်သည်။ အရေးထဲ သူ့ဝဲဘက်ရင်အုံကလည်း အရင်က သည်ခေါ်သံကိုကြားတိုင်း တုံ့ပြန်သလို တဒုတ်ဒုတ်ထခုန်ပုံက မပြောင်းမလဲ ။ ရင်ခုန်လို့ မဖြစ်ပါဘူးဆို။
ရှင်းသန့်လည်း ကားကို အမြန်မောင်းထွက်လာခဲ့ပြီး နောက်ကြည့်မှန်ထဲကနေတောင် ဘုဏ်းဇေကို ပြန်မကြည့်ရဲတော့ ။ အသက်နှစ်ဆယ့်ရှစ်နှစ်ကျမှ ဘာတွေလုပ်နေရမှန်းမသိ ။ ကလေးအထာတွေ ။
ဟိုတုန်းက သူ ဘာစိတ်ကူးပေါက်ပြီး ရိုက်ထားမိမှန်း မသိသည့် ဓာတ်ပုံကို ပို့လိုက်သည့်အပြင် အရှက်မရှိ ပါးစပ်ကနေ မောင်ဟုပါ ခေါ်လိုက်သေး၏။ ဘုဏ်းဇေတော့ သူ့ကို ဘယ်လိုမြင်မည်မသိပါ ။
စိတ်အိုက်အိုက်နှင့် ဆံပင်တွေ သပ်တင်မိတော့ ပေါ်လာသည့် နားရွက်ဖျားတွေက ရဲရဲတွတ်နေသည်။ မျက်နှာတစ်ခုလုံးလည်း ထူပူနေပြီ ။
ရှိသမျှ အရှက်သိက္ခာအားလုံးလည်း ကုန်ပြီထင်ပါရဲ့ ။
*****
ဆည်းဆာနေရောင်အောက်တွင် ရွှင်လန်းကြည်ဝေခြံကြီးက လှချင်တိုင်းလှနေသည်။ ယှက်ဖြာနေသော သစ်ပင်တို့ကြောင့် တောအုပ်အငယ်စားလေးနှင့်တူ၏ ။ လအလိုက် ပွင့်တတ်သော ပန်းပင်တို့လည်း စုံစုံလင်လင်။ ဘယ်အချိန်ဖြစ်ဖြစ် ခြံထဲဝင်လာသူအပေါင်းကို အေးမြလန်းဆန်းမှု ပေးစွမ်းနိုင်သည့် နေရာပင် ။
လေးရန်နိုင်နှင့်အတူ ဘုဏ်းဇေ ကားပေါ်က ဆင်းလိုက်သည်နှင့် သရဖီပန်းရနံ့တို့ကို အရင်ရှုရှိုက်ရသည်။ အဝါရောင်ဝတ်ဆံနှင့် သရဖီပန်းဖြူဖြူလေးများက ရနံ့သင်းသော်လည်း ညှာတံတိုပြီး တစ်ပွင့်နှင့်တစ်ပွင့် ခပ်ကြဲကြဲ ပွင့်ကြ၏။ အပင်ကနေ အခိုင်လိုက် ပွင့်ခြင်းမဟုတ်ဘဲ အကိုင်းအခက်များမှ တစ်ပွင့်ချင်း ထွက်ခြင်းကြောင့်ဖြစ်မည် ။
" ဦးဦးဘုဏ်းဇေ လာပြီ ...ဦးဦးဘုဏ်းဇေ လာပြီ ... ဦးဦးဘုဏ်းဇေကို သားသားက မျှော်နေတာ "
သရဖီပန်းပွင့်ပုံကို ဘုဏ်းဇေ သေချာကြည့်နေစဉ်မှာပဲ ဘော်ဘီလေးက သူရှိရာကို အပြေးလာကြိုသည် ။ ဘုဏ်းဇေကိုမြင်တော့ လင်းရောင်ရှိန်တို့အုပ်စုကလွဲပြီး တော်တော်များများက ထိုင်ရာမှထ၍ နှုတ်ဆက်ကြ၏။ မွေးနေ့နှင့် ဂုဏ်ပြုပွဲဆိုသော်လည်း ဧည့်သည်များများစားစားတော့မရှိ ။ ခြံထဲမှာ စားပွဲဝိုင်းလေးငါးဝိုင်းသာ ချထားသည် ။ ကိုခန့်တို့ပါတီက လွှတ်တော်အမတ်များကိုပင် ဖိတ်ထားဟန် မတူပါ ။
လိင်တူလက်ထပ်ခွင့်ဥပဒေ အတည်ပြုနိုင်ဖို့ ကိုခန့်နှင့်အတူ ဝိုင်းဝန်းကြိုးစားပေးခဲ့ကြသည့် Prince Houseက ရှေ့နေအချို့သာ တွေ့ရသည်။ ပြောရမည်ဆို ဘုဏ်းဇေလူတွေချည်းသာ ။ သည်ဥပဒေဖြစ်မြောက်လာဖို့ နောက်ကွယ်ကနေ အိမ်ရှေ့စံပါ ကူညီပေးခဲ့ကြောင်း သိထားသည့်လူတွေ ။
ဝန်ကြီးချုပ်တို့ ဇနီးမောင်နှံကို နှုတ်ဆက်အရိုအသေပေးတော့ ဘုဏ်းဇေ ရောက်လာသည့်အတွက် ဝမ်းသာကြောင်း ထပ်တလဲလဲ ဆိုကြသည်။ သူ့အပေါ် တူလိုသားလို နွေးထွေးချစ်ခင်ပုံက ဘယ်တော့မှ ပြောင်းလဲမသွား။ ပျံ့ပျံ့ကတော့ သူ့ဘေးမှာ လာရပ်သည့်အပြင် သူ့ကိုကြည့်ပြီး မျက်ဝန်းထောင့်က မျက်ရည်တို့ကိုပါ ခိုးသုတ်နေသေး၏။ ရှင်းသန့်ထွက်သွားပြီးကတည်းက ပျံ့ပျံ့နှင့်ပါ အဆက်အသွယ် မရှိ ။ ပျံ့ပျံ့ ဆရာဝန်ဘွဲ့ယူသည့်နေ့ကတော့ မမေ့မလျော့ ဂုဏ်ပြုပန်းစည်း ပို့ပေးဖြစ်ခဲ့သည် ။ ပျံ့ပျံ့အပေါ် ညီမလေးတစ်ယောက်လို ချစ်ခင်ရသည့် စိတ်ရင်းက အရင်အတိုင်းပါ။
ရောက်ကတည်းက မွေးနေ့ရှင်နှင့် မျက်လုံးချင်း မဆုံမိအောင်တော့ တမင်တကာ ရှောင်နေလိုက်သည်။ သူလာတာ မွေးနေ့မှ မဟုတ်ဘဲ ။ ကိုခန့်ကို ဂုဏ်ပြုပေးဖို့ ရောက်လာခဲ့ရုံသာ ။
" ဦးဦးဘုဏ်းဇေ ....သားသား Puzzle ဆက်ထားတာ ပြမယ် ၊ သားသားနဲ့ လိုက်ခဲ့နော် "
ကိုခန့်ရယ် ရှေ့နေတွေရယ်နှင့် စကားပြောနေစဉ် ဘော်ဘီက သူ့လက်ကိုဆွဲပြီး အိမ်ထဲခေါ်သွား၏။ ရောင်ရှိန်တို့က သူ့ကို လှမ်းကြည့်နေကြသည် ။ သီဟတော့ မပါပေ။
" ဦးဦးဘုဏ်းဇေ သားသား တော်တယ်မလား "
ဘော်ဘီဆက်ထားသည့် အရုပ်ကားချပ်ကို ဖြန့်ခင်းကြည့်လိုက်တော့ ဟယ်ရီပေါ်တာထဲက မှော်ကျောင်းတော်ကြီးပုံ ။ ဟယ်ရီပေါ်တာဇာတ်လမ်းနှင့် ပတ်သက်ပြီး အရင်က ရှင်းသန့် သူ့ကို ခဏခဏ စိတ်ဆိုးခဲ့ဖူးတာ မြင်ယောင်မိသေး၏။ သူက ဟယ်ရီပေါ်တာဆို ဝတ္ထုရော ဇာတ်ကားပါ လုံးဝ စိတ်မဝင်စားဘဲ ပျင်းဖို့ကောင်းသည်ဟု မှတ်ချက်ပေးခဲ့သူမို့ ။
" သားသားမေးတာ ဖြေဦးလေ ဦးဦးဘုဏ်းဇေ "
" ဆောရီး .... တော်တာပေါ့ ...ဘော်ဘီက သိပ်တော်တာပဲ ၊ အကုန်လုံးမှန်အောင် ဆက်နိုင်တယ် "
ချီးကျူးခံလိုက်ရ၍ ဘော်ဘီလေးက ပါးလေးတွေမို့အောင် ရယ်ပြီး ဘောင်းဘီအိတ်ထောင်ထဲက အသည်းပုံ ချိုချဉ်လေးတစ်လုံး ထုတ်ပေးသည် ။ ချိုချဉ်က သူကြိုက်သည့် စတော်ဘယ်ရီနို့ အရသာလေး ။
" ရော့ ....သားသားက ဦးဦးဘုဏ်းဇေကို ချစ်လို့ ကျွေးတာ "
" ဟုတ်ပါပြီဗျာ "
" ဖောက်စားလေ ...စားလို့ရပါတယ် ...အဆိပ်ပါဘူး "
ချိုချဉ်ကို လက်ထဲမှာပဲ ကိုင်ထားရာမှ ဘော်ဘီကျေနပ်သွားအောင် ပါးစပ်ထဲ ထည့်ငုံပြလိုက်ရသေးသည်။ နောက်ပြီး အိမ်ထဲက ပြန်ထွက်မခင် ရောင်ရှိန်က သူတို့နှင့်အတူထိုင်ဖို့ လာခေါ်၏ ။ ဘော်ဘီနှင့် စကားပြောပြီး သူပြန်တော့မည်ကို ရိပ်မိသောကြောင့်ဖြစ်မည် ။
သူတို့ရောက်တော့ မွေးနေ့ရှင်က အနားမှာ ရှိမနေ ။ ပျံ့ပျံ့နှင့် စကားသွားပြောနေသည် ။ ရောင်ရှိန်က သူ့ကို တစ်ခုခုစားဖို့ပြောပေမဲ့ နန်းတော်က စားလာခဲ့ပြီဟုပြောပြီး မစားဖြစ်။ သည်မှာ ကြာကြာနေဖို့လည်း စိတ်ကူးမရှိပါ ။
ထိုအချိန်မှာပဲ ဘုဏ်းဇေမျက်လုံးထဲ ကန့်လန့်ဖြစ်နေသည့်အရာတစ်ခုက ပေါ်လာသည်။ ကောင်းယံက စီးကရက်တစ်လိပ်ကို လက်ကြားညှပ်ပြီး လှည့်နေခြင်းပင် ။ ကောင်းယံပါ ဘယ်အချိန်ကစပြီး ဆေးလိပ်သောက်တတ်သွားလဲမသိ ။
" မင်း ဘယ်တုန်းက ဆေးလိပ်သောက်တတ်သွားတာလဲ "
" ဟမ်! "
လေသံမာမာနှင့် မေးလိုက်သည့်သူ့ကို ကောင်းယံက ကြောင်တောင်ကြောင် ပြန်ကြည့်နေ၏ ။ ဘုဏ်းဇေ အော်လိုက်တိုင်း ကောင်းယံက သည်အရွယ်ထိ လန့်သွားတတ်တုန်းပင် ။
" မြန်မြန်သေချင်လို့လား ...ဆေးလိပ်သောက်နေရအောင် "
" ငါ ... ငါ မသောက်ပါဘူး "
" ဒါဆို မင်းလက်ထဲကဘာလဲ "
" ရှင်းသန့်ဟာပါ ... ဘာရယ်မဟုတ်ဘူး ၊ ဒီတိုင်း စားပွဲပေါ်တွေ့လို့ ကိုင်ထားမိတာ "
" မကိုင်နဲ့ ချထား "
" အမ် "
နေရင်းထိုင်ရင်း အငေါက်ခံရသဖြင့် ကောင်းယံမျက်နှာက ဆီး(ဇီး)ရွက်လောက်လေး ကျန်တော့သည်။ ရောင်ရှိန်နှင့် အာကာက မျက်နှာချင်းဆိုင်ပြီး ကြိတ်ခွီနေကြ၏ ။ ထိုစဉ် သူ့အနောက်ဘက်ကနေ ခပ်တိုးတိုး ရယ်သံနှင့် မွေးနေ့ရှင် ရောက်လာသည်။
" လူကို ပြောချင်ရင် ဒဲ့ပြောလေ ကိုကိုဘုဏ်းဇေရဲ့ ၊ ဘာလို့ မဆိုင်တဲ့သူကို သွားပြောနေတာလဲ "
" မင်းဟာမှန်း မသိလို့ ပြောမိတာ "
" ဪ ....ငါ့ကို ဆေးလိပ်ဖြတ်စေချင်နေတာပဲ "
" မင်းကို မပြောဘူးလို့ "
ရယ်နေသည့်ကောင်တွေကိုပါ စူးစိုက်ကြည့်ပေးလိုက်၏ ။ ဒါလည်း ဆက်ရယ်နေကြဆဲ ။
" မပူပါနဲ့ ... ဆေးလိပ်ကို မင်းနှုတ်ခမ်းတွေလောက် ငါ မစွဲပါဘူး "
" ရှင်းသန့်တည် "
" နမ်းမလား ....အနမ်းခံမလား ၊ နှစ်ခုထဲက တစ်ခုရွေးလေ ၊
ဒါဆို ဆေးလိပ်မသောက်တော့ဘူး "
" Shit "
သည်နေရာမှ ထပြန်မှ ဖြစ်တော့မည်။ ရှင်းသန့်ဘေး ဘုဏ်းဇေ အကြာကြီးနေ၍မဖြစ်ပါ။ သူ့ကို လိုက်ကလိနေလိမ့်မည် ။ ပြန်ရောက်လာပြီးကတည်းက ညတိုင်းလည်း သူ့ဆီကို အကောင့်တုတွေ တစ်ခုပြီးတစ်ခုနှင့် စာတွေလှည့်ပတ်ပို့တတ်သည်။ ဘာစာတွေလဲဆိုတော့ ' ပြန်ချစ်ပါနော် ၊ ပြန်ချစ်ပါနော် ' ဆိုသည့် ကလေးကလား ရည်းစားစာတွေ ။
ထိုအချိန်မှာပဲ
" အီးဟီးဟီး ....သားသား နေလို့ကောင်းတော့ဘူး ၊ ရင်ဘတ်ထဲက ပူလာပြီ ... အီးဟီးဟီး "
ရုတ်တရက် ဘော်ဘီ့ငိုသံကြောင့် သူတို့အားလုံး ပျာယာခတ်ကုန်တော့၏ ။
" ကလေး ဘာဖြစ်တာလဲ ၊ မေးကြပါဦး "
" တီတီ့အသည်းလေး ဘာဖြစ်လို့လဲ ၊ တီတီ့ကိုပြော "
" မတည့်တာများ စားမိလို့လား ၊ သေချာ စမ်းသပ်ကြပါဦး "
လူတွေဝိုင်းမေးကြလေ ဘော်ဘီက စူးစူးဝါးဝါး အော်ငိုလေပါ ။
" သားသား အာပုပ်တော့မှာ ... အီးဟီးဟီး ... သားသား လိမ်ပြောမိတာ ၊ နေလို့ကောင်းတော့ဘူး "
" ဟေ "
" ဦးဦးရှင်းရှင်းက လိမ်ခိုင်းတာ ၊ ဦးဦးဘုဏ်းဇေကိုကျွေးတဲ့ ချိုချဉ်က သားသားဟာဟုတ်ဘူး ၊ ဦးဦးရှင်းရှင်းဟာ ၊ ဦးဦးရှင်းရှင်းက လိမ်ကျွေးခိုင်းတာ ... အီးဟီးဟီး "
ဘုဏ်းဇေမလာခင်က ရှင်းသန့် ဘော်ဘီ့ကို ချိုချဉ်နှစ်လုံးပေးပြီး တစ်လုံးကို ဘုဏ်းဇေလာရင် ကျွေးဖို့နှင့် သူပေးတာဟု မပြောဖို့ သေချာမှာထားခဲ့သည်။ သည်တုန်းကတော့ ဘော်ဘီက သဘောတူခဲ့ပြီး အခုမှ ဘာအတွေးပေါက်ပြီး ထငိုမှန်းမသိပေ ။
ရှင်းသန့်ကတော့ တရားခံ ဖြစ်ရပြီ ။
ဘော်ဘီ့ကြောင့် ဘုဏ်းဇေကလွဲပြီး လူကြီးတွေအပါအဝင် အကုန်လုံး ရယ်ချင်နေသည့် မျက်နှာတွေနှင့်။ ရှေ့နေတွေ ပြန်သွား၍သာ တော်တော့သည်။ မဟုတ်လျှင် သူတို့ပိုပြီး အနေရခက် ကုန်တော့မည် ။
ကျေးဇူးရှင်လေးကတော့ ပြောချင်တာပြောပြီးသွား၍ အငိုတိတ်သွားပြီး နေရထိုင်ရ သက်သာသွားသည့်ပုံစံဖြင့်
" ခုမှပဲ စိတ်ထဲ ပေါ့သွားတော့တယ် ၊ တီပျံ့ သားသား အာပုပ်တော့ဘူးမလား " တဲ့ ။
ပျံ့ပျံ့က တူဖြစ်သူကို ကောက်ချီပြီး သူတို့နှင့်ဝေးရာ ခေါ်သွားတော့၏ ။
ရှင်းသန့် ဘုဏ်းဇေကို ကြည့်မိတော့ မျက်နှာကို လက်ဖြင့်ကွယ်ပြီး တစ်ဘက်လှည့်သွားသည်။ သို့သော်လည်း လှစ်ခနဲပေါ်သွားသည့် အပြုံးလေးတစ်ခုကို တွေ့လိုက်ရတာကတော့ သူ မျက်စိမှားတာ မဖြစ်နိုင်ပါ ။
သူ လွမ်းနေခဲ့ရသည့် အပြုံးလေး ။ တူတော်မောင် ကောင်းမှုနှင့် ခဏတာ တွေ့မြင်လိုက်ရပြီ ။
သည့်ထက်ပိုပြီး အဆပေါင်းများစွာ ပြုံးစေချင်ပေမဲ့ သည်လောက်ဆိုလျှင်ပဲ အခြေအနေ မဆိုးဘူး မဟုတ်လား ။
*****
" ကော်ဖီသောက်လိုက်ဦး အစ်ကို "
ကွန်ပျူတာရှေ့မှာ သုံးနာရီလောက် ဆက်တိုက်ထိုင်ပြီး ရောင်ရှိန် အလုပ်လုပ်နေရာသို့ မန်နေဂျာဖြစ်သူ အင်ကြင်းက ကော်ဖီဖျော်ပြီး လာပို့ပေးသဖြင့် အလုပ်စားပွဲမှထကာ ခဏနားဖို့ပြင်လိုက်သည် ။
သူ အခုရောက်နေသည့်နေရာက သူတို့မိသားစုပိုင်သည့် လင်း ကော်ပိုရေးရှင်းနှင့် မသက်ဆိုင်သည့် Unity ဟုအမည်ရသော ကုမ္မဏီတစ်ခု၏ ရုံးခန်းထဲမှာ ။ အများအမြင်အရ သူက Unity ၏ CEO ဖြစ်ပြီး တကယ်တော့ သူ့ပိုက်ဆံ တစ်ပြားတစ်ချပ်မှ သည်ကုမ္မဏီမှာ မပါဝင်ပေ ။
ပြောရလျှင် ရောင်ရှိန်က အမည်ခံထားရုံသက်သက်ဖြစ်ပြီး နောက်ကွယ်ကနေ ကြိုးကိုင်စီစဉ်နေသူက သူ့သူငယ်ချင်း အိမ်ရှေ့စံသာဖြစ်၏ ။
ဘုဏ်းဇေ စစ်မှုထမ်း တာဝန်ပြီး၍ ဆယ်ရက်လောက်အကြာမှာ ပိုက်ဆံအလုံးအရင်းနှင့် Unityကို စပြီးထူထောင်ဖို့ သူ့ကို ပြောလာသည်။ အိမ်ရှေ့မင်းသားတစ်ယောက်အနေနှင့် စီးပွားရေးလုပ်၍ မသင့်တော်သည်မို့ သူက ကုမ္မဏီပိုင်ရှင် အမည်ခံပေးရမည်တဲ့ ။
နောက်ပြီး Unity၏ ထူးခြားချက်က ဝန်ထမ်းများကို အမျိုးသမီးများနှင့် LGBTQ+ communityက အရည်အချင်းရှိသူများကိုသာ ရွေးချယ်ပြီး ခန့်အပ်ထားခြင်းပင် ။
ကုမ္မဏီအဆောက်အဦး အဝင်မှာကတည်းက LGBTQ+တို့၏ အမှတ်အသားဖြစ်သည့် သက်တံရောင်အလံကို လွှင့်ထူထားသည် ။
ထို့အပြင် " ဤနေရာသည် LGBTQ+ တို့ စုဝေးတည်ရှိရာ အသိုက်အမြုံ တစ်ခုဖြစ်သည်။ ကျွန်ုပ်တို့အနေဖြင့် လူတိုင်းကို နွေးထွေးစွာ ကြိုဆိုသော်လည်း ကျွန်ုပ်တို့ LGBTQ+ အသိုင်းအဝိုင်းကို ဆန့်ကျင်သူ ဖြစ်နေပါက ဤအဆောက်အဦးအတွင်းသို့ ဝင်မလာရန် တားမြစ်အကြံပြုလိုပါသည်။ ဝင်ရောက်လာပြီးမှ ပြဿနာရှာမည် ၊ ကျွန်ုပ်တို့အပေါ် ခွဲခြားဆက်ဆံမည်ဆိုပါက သင့်အား လူ့အခွင့်အရေး ချိုးဖောက်သည့် ပြစ်မှုအရ တရားဥပဒေနှင့်အညီ အရေးယူဆောင်ရွက်သွားပါမည် ။ သင်တို့၏ အခွင့်အရေးကို လေးစားသလို ကျွန်ုပ်တို့၏ အခွင့်အရေးကိုလည်း လေးစားပေးလိုပါသည် " ဆိုသော စာများကိုလည်း အဆောက်အဦးအဝင်မှစပြီး နေရာအနှံ့ ကပ်ထားသေး၏ ။
ငွေကြေးအရင်းအနှီးများစွာ စိုက်ထုတ်ပြီး စတင်နိုင်ခဲ့သည့်အပြင် ဝန်ထမ်းများကလည်း ကြိုးစားပြီး ထက်မြက်ကြသူတွေမို့ Unityက အချိန်တိုအတွင်း စီးပွားရေးလောကမှာ နာမည်တစ်ခုရလာခဲ့သည် ။ လင်း ကော်ပိုရေးရှင်းနှင့် မိတ်ဖက်လုပ်ငန်းအဖြစ် ပွဲဦးထွက်ခဲ့သောကြောင့်လည်း လူသိများဖို့ လွယ်ကူခဲ့သည်ဟု ပြောရမည် ။
ရောင်ရှိန်ရော နောက်ကွယ်ကနေ စီမံနေသည့် ဘုဏ်းဇေရောကလည်း စီးပွားရေးနှင့် ပတ်သက်ပြီး အမျှော်အမြင်ရှိကြသူများပင် ။ တက္ကသိုလ်နောက်ဆုံးနှစ်တုန်းက ရောင်ရှိန်တို့ ကုမ္မဏီမှာ Internship ဆင်းကြစဉ်အခါက ဘုဏ်းဇေသာ အိမ်ရှေ့မင်းသားတစ်ယောက် မဟုတ်ခဲ့လျှင် သိပ်တော်သည့် စီးပွားရေးလုပ်ငန်းရှင်တစ်ယောက် ဖြစ်လိမ့်မည်ဟု ရောင်ရှိန့်အဖေက မှတ်ချက်ချခဲ့ဖူး၏ ။
အခုလည်း လူမသိပေမဲ့ ဘုဏ်းဇေက ကုမ္မဏီတစ်ခုကို အောင်မြင်အောင် နောက်ကွယ်ကနေ ဆောင်ရွက်နိုင်ခဲ့သည် ။ စီးပွားရေးအရ အောင်မြင်ခဲ့သလို ဝန်ထမ်းများကိုလည်း စိတ်ဓာတ်ပိုင်းဆိုင်ရာမှာ ရဲရင့်သော ၊ ကိုယ့်ကိုယ်ကိုယ် တန်ဖိုးထားလေးစားတတ်သောလူများဖြစ်အောင် မြှင့်တင်ပေးနိုင်ခဲ့သည် ။
လွှတ်တော်မှာ လိင်တူလက်ထပ်ခွင့်ဥပဒေ ပြဌာန်းပေးဖို့ စတင်အဆိုပြုတင်သွင်းခဲ့သည့် အချိန်ကစပြီး Unityက ဝန်ထမ်းများက သည်ဥပဒေကို ထောက်ခံပေးကြဖို့ ၊ LGBTQ+ တို့ရဲ့ အခွင့်အရေးကို တောင်းဆိုကြဖို့ တစ်နိုင်ငံလုံးရှိ LGBTQ+ အသိုင်းအဝိုင်းနှင့် ပြည်သူလူထုကို ဦးဆောင် ဆော်ဩခဲ့ကြသည် ။ Unityက ဝန်ထမ်းများကြောင့် သည်နိုင်ငံမှာ သက်တံရောင်လူမှုအသိုင်းအဝိုင်းဆီက အသံတို့ ပိုမိုကျယ်လာခဲ့သည်ဟု ပြောလျှင်လည်း မမှား ။
နောက်ထပ် Unity၏ ထူးခြားချက်တစ်ခုမှာ ကုမ္မဏီမှ ရရှိသည့် အကျိုးအမြတ်အားလုံးကို ဝန်ထမ်းများအား သုံးပုံတစ်ပုံ ပြန်ခွဲပေးပြီး ကျန်ရှိသည့်နှစ်ပုံကိုတော့ နိုင်ငံတွင်းရှိ လူထုအကျိုးပြုနေရာတွေမှာ လှူဒါန်းခြင်းပင် ။
ထို့ကြောင့်လည်း ဘုဏ်းဇေ၏ Unity အတွက် အလုပ်လုပ်ပေးရခြင်းကို ပင်ပန်းသည်ဟု ရောင်ရှိန် မထင်မိပါ ။ အဓိကက သူငယ်ချင်းဖြစ်သူ၏ စိတ်ကူးကို ဘေးကနေ ပံ့ပိုးကူညီပေးခွင့်ရတာမို့ ကျေနပ်ရပါသည် ။
Ringing ~~~
ကော်ဖီသောက်နေစဉ် ဖုန်းဆက်လာသူက သီဟအကြောင်း သူစုံစမ်းခိုင်းထားသည့် ထောက်လှမ်းရေးဘက်က အရာရှိ ဦးကျော်နိုင် ။
ဦးကျော်နိုင်က လူချင်းတွေ့ပြီးပြောတာ ပို၍ကောင်းသည်ဟု ဆိုသဖြင့် အချိန်ဆွဲမနေဘဲ ဦးကျော်နိုင့်အိမ်သို့ ချက်ချင်း ထွက်လာခဲ့သည်။ သူရောက်တော့ ဦးကျော်နိုင်က ဖိုင်တစ်တွဲဖြင့် အဆင်သင့်စောင့်ကြိုနေ၏ ။
" ဒီကိစ္စက မောင်ရင့်အတွက် သိပ်အရေးကြီးသလား ၊ သိမှ ဖြစ်ကိုဖြစ်မှာလား "
ဦးကျော်နိုင့်မေးခွန်းက သီဟအပေါ် ရောင်ရှိန့်စိတ်ဝင်စားမှုကို ပိုပြီးမြင့်တက်သွားစေခဲ့သည် ။
" ဟုတ်ကဲ့ .... ကျနော့်အတွက် အရေးကြီးပါတယ် အန်ကယ် "
ဦးကျော်နိုင်က သက်ပြင်းကို လေးတွဲ့စွာချပြီး ခေါင်းကို ဖြည်းဖြည်းချင်းညိတ်၏ ။ နောက်ပြီး စားပွဲပေါ် ချထားသည့် ဖိုင်ကို ဖွင့်ကာ သူ့ရှေ့တိုးပေးသည် ။
" တကယ်တော့ သူ့အကြောင်းကို အန်ကယ်တစ်ခါ တွေ့ဖူးသေးတယ် ၊ နှစ်တွေကြာပြီဆိုတော့ အန်ကယ် ရုတ်တရက် ဒီနာမည်ကို မမှတ်မိခဲ့တာ ၊ အခု ရှာပြီး လိုက်ရင်းမှ ပြန်ပေါ်လာတာ "
" ဟုတ်ကဲ့ "
" ဒီကောင်လေးကလဲ မင်းသူငယ်ချင်းပဲနော် "
" ဟုတ်ပါတယ် အန်ကယ် ၊ ကျနော့် ငယ်သူငယ်ချင်းပါ "
" အင်း ....ဒါဆို မင်းတို့အထက်တန်းတုန်းက ကျောင်းမှာ ပစ်ခတ်မှု ဖြစ်ခဲ့တာ မှတ်မိတယ်မဟုတ်လား ၊ မင်းသူငယ်ချင်း အိမ်ရှေ့စံနဲ့ ဝန်ကြီးချုပ်သားတို့ နှစ်ယောက် တရားခံနဲ့အတူ ပိတ်မိပြီး ဆေးရုံရောက်ခဲ့ကြတာလေ "
ရောင်ရှိန် ကောင်းကောင်းမှတ်မိတာပေါ့ ။ သည်ကိစ္စကို ဘယ်သူများ မေ့နိုင်လို့လဲ ။
" ဟုတ်ကဲ့ ...ကျနော် မှတ်မိပါတယ် "
" သီဟမင်းတည်က အဲဒီတုန်းက တရားခံနဲ့ ဆက်စပ်နေတဲ့သူပဲ မောင်ရင် "
" ဗျာ "
" သူက အဲဒီတုန်းက တရားခံ ဝဏ္ဏမင်းရဲ့တူပဲ ၊ သူ့အမေက ဝဏ္ဏမင်းရဲ့ တစ်ဦးတည်းသောညီမ သီတာမင်းတဲ့ ၊ တကယ်တော့ အဲဒီတုန်းက မင်းတို့ရဲ့ ကျောင်းအချိန်ဇယားကို ဝဏ္ဏမင်းကို ပေးတဲ့သူက တခြားသူမဟုတ်ဘူး ၊ မင်းတို့ သူငယ်ချင်း သီဟမင်းတည် ကိုယ်တိုင်ပဲ မောင်ရင် ၊ တရားရုံးမှာတော့ ကျောင်းသားမိဘဟန်ဆောင်ပြီး စုံစမ်းခဲ့တာလို့ ထွက်ဆိုခဲ့တာပေါ့ ၊ ဝဏ္ဏမင်း အဲဒီပြစ်မှု ကျူးလွန်မှာကိုလဲ သီဟမင်းတည်က ကြိုသိခဲ့တဲ့သူပဲ ၊ ကျည်အစစ်ပါ သုံးမယ်လို့တော့ သူ မသိခဲ့ရဘူးပေါ့ "
ရောင်ရှိန် အံ့ဩလွန်း၍ ခြေဖျား လက်ဖျားတွေပါ အေးစက်လာသည် ။ ဒါကြီးကို ယုံဖို့လည်း ခက်ခဲနေ၏ ။ သီဟက ကိုယ့်သူငယ်ချင်းတွေကို လုပ်ကြံဖို့ ကြိုးစားရာမှာ ကူညီပေးခဲ့တဲ့သူတဲ့လား ။ ဒီလောက်ကြီးအထိ လုပ်ရက်ရသလား ။
" အဲအချိန်တုန်းက ဒီကိစ္စကို ဝန်ကြီးချုပ်ဦးသန့်စင်ရော ၊ သူ့သားရော သိခဲ့ကြတယ် "
" ဘယ်လို "
" ဟုတ်တယ် မောင်ရင်ရဲ့ ၊ အဲ့တုန်းက ဝန်ကြီးချုပ်တို့ သားအဖနှစ်ယောက်စလုံးနဲ့ အန်ကယ် စကားပြောခဲ့ရတယ် ၊ ဝန်ကြီးချုပ်ရဲ့သားကပဲ ဒီအမှုကနေ သီဟမင်းတည်ကို ဖယ်ပေးဖို့ အန်ကယ့်ဆီမှာ တောင်းဆိုခဲ့တာ "
ဒါက ပိုပြီး အံ့ဩဖို့ကောင်းသည် ။ ရှင်းသန့်က သီဟအကြောင်း သိတာတောင် သီဟ အပြစ်လွတ်ဖို့ တောင်းဆိုခဲ့သတဲ့လေ ။
" ကျနော် ဘယ်လို ယုံရမှန်းတောင် မသိတော့ဘူး "
" မောင်ရင်အနေနဲ့လဲ သူငယ်ချင်းဆိုတော့ ဘယ်ယုံချင်ပါ့မလဲ ၊ ပြီးတော့ အဲဒီတုန်းက ဝန်ကြီးချုပ်သားလေးက ပြောခဲ့သေးတယ် ၊ သီဟ အခုလိုလုပ်တာ သူတို့အနေနဲ့ သီဟအပေါ်မှာ သူငယ်ချင်းမေတ္တာ လုံလောက်အောင် မပေးနိုင်ခဲ့လို့များလားတဲ့ ၊ အဲဒါမို့ သူ့အနေနဲ့ သီဟကို အခွင့်အရေးပေးချင်ပါသေးတယ်တဲ့ "
ဦးကျော်နိုင့်စကားအဆုံးမှာတော့ ရောင်ရှိန် ထပ်ခါ အံ့ဩသွားရပြန်ပါသည် ။
ဒီကိစ္စကြီးကို ရှင်းသန့်က သူတို့ကို မပြောဘဲ ဘယ်လိုများ ဖုံးကွယ်ထားနိုင်ခဲ့ရတာလဲ ။
#PoPoPhoenix
*
*
*
*
*
( Zawgyi )
ေျမေပၚရွိ ႐ြက္ေႂကြအခ်ိဳ႕ကို တက္နင္းမိရာမွ ထြက္လာည့္အသံက လြဲၿပီး ပတ္ဝန္းက်င္တစ္ခုလုံး ၿငိမ္သက္တိတ္ဆိတ္လ်က္ရွိသည္ ။အဝါေရာင္ပန္းပင္တို႔ စီတန္းေနသည့္ လမ္းေပၚမွာ ဘုဏ္းေဇက ေရွ႕ကေန ဟက္ပီးေလးကို အတင္းဆြဲ၍ သြားေနေသာ္လည္း ဟက္ပီးေလးကေတာ့ ေဘးက အတူပါလာသည့္ ရွင္းသန႔္ကိုသာ ငဲ့ေစာင္းၾကည့္ေန၏ ။ မ်က္လုံး႐ြဲႀကီးမ်ားက အခ်ိန္ကာလတစ္ခု ၾကာခဲ့သည္တိုင္ ရွင္းသန႔္ကို မွတ္မိေၾကာင္း ေျပာေနသေယာင္ ။
ဟက္ပီးေလးကေရာ ကာလအၾကာႀကီး ေပ်ာက္သြားခဲ့တဲ့ သူ႔ကို စိတ္မ်ားဆိုးေနပါေသးသလား ။ သခင္ျဖစ္သူကို ဒဏ္ရာေတြေပးခဲ့သူမို႔ သူ႔အေပၚ နာၾကည္းေနခဲ့ပါသလား ။
" လြမ္းေနခဲ့တာ "
ဘုဏ္းေဇဆြဲထားသည့္ ျမင္းဇက္ႀကိဳးက တင္းခနဲ ။ ေနာက္ၿပီး ေျခလွမ္းတို႔ကို ရွင္းသန႔္ႏွင့္ ေဝးသထက္ေဝးေအာင္ အရွိန္ထပ္တင္ေန၏။
" လြမ္းေနခဲ့တာ ဟက္ပီးေလး "
ေဘးကေန ကပ္လိုက္လာရင္း ေက်ာကို ဖြဖြသပ္ၿပီးေျပာေတာ့ ဟက္ပီးေလးက မ်က္ေတာင္သုံးခ်က္ ပုတ္ခတ္ပုတ္ခတ္ လုပ္ျပသည္။ အရွင္မင္းသားလိုမ်ိဳး သူ႔အေပၚ စိမ္းစိမ္းကားကား မဆက္ဆံတာ ေက်းဇူးတင္ရမည္ ။
" မနက္ျဖန္ ေမြးေန႔ လာခဲ့ေပးပါလား "
ဟက္ပီးေလးကို ျမင္းေဇာင္းထဲ ျပန္ထားၿပီးသည့္အခ်ိန္ထိ ဘုဏ္းေဇက ရွင္းသန႔္ကို လွည့္ပင္မၾကည့္ပါ ။ ဥေပကၡာတရားကလြဲၿပီး တစ္သက္လုံး သူ႔ကို ဘာမွ်ျပန္မေပးေတာ့မည့္ပုံပင္ ။ စိတ္ထဲရွိသည့္အတိုင္း ဝန္ခံရလွ်င္ သည္အျပဳအမူကို ျမင္ရတာ ရွင္းသန႔္ရင္ထဲမွာလည္း နာက်င္ရ၏ ။ ျဖစ္ႏိုင္လွ်င္ ေနာက္ကေန ဘုဏ္းေဇအက်ႌစကိုဆြဲၿပီး ကေလးတစ္ေယာက္လို ငိုယိုပူဆာလိုက္ခ်င္သည္။ သူ႔ကို ခြင့္လႊတ္ေပးဖို႔ ၊ သူ႔အေပၚ မစိမ္းကားဖို႔ ၊ ၿပီးေတာ့ သူ႔ကို ျပန္ခ်စ္ေပးဖို႔ ။
လက္ေတြ႕မွာေတာ့ တားထားသည့္စည္းကိုလည္း မေက်ာ္ျဖစ္သလို မ်က္ရည္လည္း မက်ျဖစ္ပါ ။ ဘုဏ္းေဇေရွ႕မွာ သူ မငိုခ်င္တာ ဟိုအရင္ကတည္းက ။ သူလည္း ၿပိဳလဲတတ္ေၾကာင္း ဘုဏ္းေစကို မသိေစခ်င္။ သန္မာသည့္ပုံစံကိုသာ အၿမဲျမင္ေစခ်င္တာ အခုထိ။
" လာခဲ့ပါေနာ္ ၊ ေမြးေန႔မွာ မင္းနဲ႔ အတူတူရွိခ်င္လို႔ "
" အပိုေတြေျပာေနမဲ့အစား ျပန္လိုက္ေတာ့ "
" မင္းလာမယ္လို႔ ကတိေပးရင္ ျပန္မယ္ "
" လာစရာ အေၾကာင္းမရွိဘူး "
" ကိုခန႔္ကို ဂုဏ္ျပဳမေပးေတာ့ဘူးလား "
မနက္ျဖန္က ရွင္းသန႔္ေမြးေန႔တင္မဟုတ္ဘဲ ကိုခန႔္အတြက္ အရင္းႏွီးဆုံးလူအနည္းငယ္ႏွင့္ ဂုဏ္ျပဳပြဲပါ က်င္းပဖို႔ စီစဥ္ထားသည္။ ဘုဏ္းေဇဆီလည္း ဖိတ္စာေရာက္ၿပီးသား ျဖစ္လိမ့္မည္ ။ သို႔ေသာ္ သူရွိေနမွန္းသိလွ်င္ ဘုဏ္းေဇက လာမည္မဟုတ္ေပ ။ ထို႔ေၾကာင့္ မလာလာေအာင္ ေခၚဖို႔အတြက္ အခု သည္ကို သူ ေရာက္လာရျခင္းျဖစ္၏ ။
႐ိုး႐ိုးနည္းလမ္းႏွင့္ ေခၚလို႔ မရေတာ့လည္း ဆန္းဆန္းနည္းလမ္းကို သုံးရေတာ့မွာေပါ့ေလ ။
" ကလြမ္ "
စံအိမ္ဆီ ေျခလွမ္းတို႔ကို ဦးတည္ရင္း ဖုန္းထဲက ထြက္လာသည့္ အခ်က္ေပးသံေၾကာင့္ အိတ္ေထာင္ထဲကထုတ္ၿပီး ဖြင့္ၾကည့္လိုက္ရာ ဘုဏ္းေဇ မျမင္ဖူးသည့္ နံပါတ္အစိမ္းတစ္ခုကေန ပို႔လာသည့္ ဓာတ္ပုံတစ္ပုံ ။
ဓာတ္ပုံထဲမွာ အဝတ္မပါဘဲ ပူးကပ္ေနေသာ ခႏၶာကိုယ္အေပၚပိုင္းႏွစ္ခုႏွင့္ ေယာက္်ားေလးႏွစ္ေယာက္ ။ တစ္ေယာက္က အျခားတစ္ေယာက္ကိုယ္ေပၚကို ေမွာက္ၿပီး ရင္ဘတ္ေပၚ ေခါင္းတင္ကာ အိပ္ေပ်ာ္ေနသည္။ အိပ္ေပ်ာ္ေနသူက တျခားသူမဟုတ္ဘဲ ဘုဏ္းေဇကိုယ္တိုင္။ ေနာက္ၿပီး ဘုဏ္းေဇ အိပ္ေနခ်ိန္ ထိုဓာတ္ပုံကို႐ိုက္ထားသူမွာလည္း သူေခါင္းအုံးထားသည့္ ရင္ဘတ္ပိုင္ရွင္ျဖစ္ၿပီး အခုလက္ရွိ သူႏွင့္ မလွမ္းမကမ္းမွာရွိေနသူပင္ ။
" Damn it "
ဖုန္းမ်က္ႏွာျပင္ကို ၾကည့္ေနရာကေန သူ ဆတ္ခနဲ လွည့္ၾကည့္ေတာ့ ရွင္းသန႔္က ရယ္က်ဲက်ဲႏွင့္ ဖုန္းေထာင္ျပ၏ ။ မနက္ျဖန္ သူ လာေအာင္ သည္ဓာတ္ပုံႏွင့္ ၿခိမ္းေျခာက္သည့္သေဘာေပါ့ ။
" ရွင္းသန႔္တည္ၾကည္ "
" အဲလိုႀကီး မေခၚပါနဲ႔ ၊ မင္း ငါ့နာမည္ကို အျပည့္အစုံေခၚလိုက္တိုင္း ဒီကမာၻေပၚမွာ ငါ တစ္ေယာက္တည္းကို မုန္တိုင္းကြက္တိုက္သြားသလို ခံစားလိုက္ရတာ ၊ "
" မင္း အေတာ္ ပလီတတ္လာပါလား "
" ဘာလို႔လဲ ၊ ေႂကြသြားလို႔လား "
ဘာေျပာေျပာ အၿပဳံးမပ်က္ တုံ႔ျပန္တတ္သည့္ ပုံစံက အရင္ႏွင့္ တျခားစီ ။ ရွင္းသန႔္တည္အစစ္ေရာ ဟုတ္ရဲ႕လားေတာင္ မသိပါ ။ ႐ုပ္ရွင္ေတြထဲကလိုမ်ိဳး တစ္ေယာက္ေယာက္က မ်က္ႏွာကို ခြဲစိတ္ၿပီး ရွင္းသန႔္ဟန္ေဆာင္ကာ သူ႔ေရွ႕မ်ား ေရာက္လာသလား။
" လာမွာလား မလာဘူးလား ၊ ဒီ့ထက္ပိုၿပီး ပြင့္လင္းျမင္သာတဲ့ပုံေတြ ရွိေသးတယ္ေနာ္ ၊ ဒီပုံေတြ အင္တာနက္ေပၚ ေရာက္မသြားေစခ်င္ရင္ ... "
" ရွင္းသန႔္တည္ ... မင္း ဦးေႏွာက္က တကယ္ အလုပ္မလုပ္ေတာ့ဘူးလား "
" ဦးေႏွာက္လဲ အလုပ္လုပ္တယ္ ၊ ႏွလုံးသားလဲ အလုပ္လုပ္တယ္ ၊ လက္ေခ်ာင္းေတြလဲ အလုပ္လုပ္တယ္ မင္းသားေလး ၊ ငါ လက္ေခ်ာင္းတစ္ေခ်ာင္း ေ႐ႊ႕လိုက္တာနဲ႔ တစ္မိနစ္အတြင္း ဒီဓာတ္ပုံကို လူဘယ္ႏွစ္ေယာက္ ျမင္သြားမယ္ထင္လဲ "
" မင္းတင္ရဲရင္ တင္လိုက္ေလ "
" မတင္ရဲဘူး ထင္ေနတာလား "
ရွင္းသန႔္က စိန္ေခၚသည့္ မ်က္ႏွာေပးႏွင့္ ။ မတင္ရဲဘူးလို႔လည္း ဘုဏ္းေဇ တထစ္ခ်မေျပာႏိုင္ပါ ။ အရင္က ရွင္းသန႔္ဆိုလွ်င္ေတာ့ မတင္မွာ က်ိန္းေသေပမဲ့ အခုက သူသိခဲ့သည့္ ရွင္းသန႔္မွ မဟုတ္ေတာ့ဘဲ ။
" လာခဲ့ေနာ္ ေမာင္ "
ေျပာၿပီး လွည့္ထြက္သြားေတာ့လည္း ခ်က္ခ်င္းပင္ ။ ဘုဏ္းေဇသာ ဘာလဲဟဆိုသည့္အမူအရာႏွင့္ က်န္ရစ္ရျပန္သည္။ အေရးထဲ သူ႔ဝဲဘက္ရင္အုံကလည္း အရင္က သည္ေခၚသံကိုၾကားတိုင္း တုံ႔ျပန္သလို တဒုတ္ဒုတ္ထခုန္ပုံက မေျပာင္းမလဲ ။ ရင္ခုန္လို႔ မျဖစ္ပါဘူးဆို။
ရွင္းသန႔္လည္း ကားကို အျမန္ေမာင္းထြက္လာခဲ့ၿပီး ေနာက္ၾကည့္မွန္ထဲကေနေတာင္ ဘုဏ္းေဇကို ျပန္မၾကည့္ရဲေတာ့ ။ အသက္ႏွစ္ဆယ့္ရွစ္ႏွစ္က်မွ ဘာေတြလုပ္ေနရမွန္းမသိ ။ ကေလးအထာေတြ ။
ဟိုတုန္းက သူ ဘာစိတ္ကူးေပါက္ၿပီး ႐ိုက္ထားမိမွန္း မသိသည့္ ဓာတ္ပုံကို ပို႔လိုက္သည့္အျပင္ အရွက္မရွိ ပါးစပ္ကေန ေမာင္ဟုပါ ေခၚလိုက္ေသး၏။ ဘုဏ္းေဇေတာ့ သူ႔ကို ဘယ္လိုျမင္မည္မသိပါ ။
စိတ္အိုက္အိုက္ႏွင့္ ဆံပင္ေတြ သပ္တင္မိေတာ့ ေပၚလာသည့္ နား႐ြက္ဖ်ားေတြက ရဲရဲတြတ္ေနသည္။ မ်က္ႏွာတစ္ခုလုံးလည္း ထူပူေနၿပီ ။
ရွိသမွ် အရွက္သိကၡာအားလုံးလည္း ကုန္ၿပီထင္ပါရဲ႕ ။
*****
ဆည္းဆာေနေရာင္ေအာက္တြင္ ႐ႊင္လန္းၾကည္ေဝၿခံႀကီးက လွခ်င္တိုင္းလွေနသည္။ ယွက္ျဖာေနေသာ သစ္ပင္တို႔ေၾကာင့္ ေတာအုပ္အငယ္စားေလးႏွင့္တူ၏ ။ လအလိုက္ ပြင့္တတ္ေသာ ပန္းပင္တို႔လည္း စုံစုံလင္လင္။ ဘယ္အခ်ိန္ျဖစ္ျဖစ္ ၿခံထဲဝင္လာသူအေပါင္းကို ေအးျမလန္းဆန္းမႈ ေပးစြမ္းႏိုင္သည့္ ေနရာပင္ ။
ေလးရန္ႏိုင္ႏွင့္အတူ ဘုဏ္းေဇ ကားေပၚက ဆင္းလိုက္သည္ႏွင့္ သရဖီပန္းရနံ႔တို႔ကို အရင္ရႈရႈိက္ရသည္။ အဝါေရာင္ဝတ္ဆံႏွင့္ သရဖီပန္းျဖဴျဖဴေလးမ်ားက ရနံ႔သင္းေသာ္လည္း ညႇာတံတိုၿပီး တစ္ပြင့္ႏွင့္တစ္ပြင့္ ခပ္ႀကဲႀကဲ ပြင့္ၾက၏။ အပင္ကေန အခိုင္လိုက္ ပြင့္ျခင္းမဟုတ္ဘဲ အကိုင္းအခက္မ်ားမွ တစ္ပြင့္ခ်င္း ထြက္ျခင္းေၾကာင့္ျဖစ္မည္ ။
" ဦးဦးဘုဏ္းေဇ လာၿပီ ...ဦးဦးဘုဏ္းေဇ လာၿပီ ... ဦးဦးဘုဏ္းေဇကို သားသားက ေမွ်ာ္ေနတာ "
သရဖီပန္းပြင့္ပုံကို ဘုဏ္းေဇ ေသခ်ာၾကည့္ေနစဥ္မွာပဲ ေဘာ္ဘီေလးက သူရွိရာကို အေျပးလာႀကိဳသည္ ။ ဘုဏ္းေဇကိုျမင္ေတာ့ လင္းေရာင္ရွိန္တို႔အုပ္စုကလြဲၿပီး ေတာ္ေတာ္မ်ားမ်ားက ထိုင္ရာမွထ၍ ႏႈတ္ဆက္ၾက၏။ ေမြးေန႔ႏွင့္ ဂုဏ္ျပဳပြဲဆိုေသာ္လည္း ဧည့္သည္မ်ားမ်ားစားစားေတာ့မရွိ ။ ၿခံထဲမွာ စားပြဲဝိုင္းေလးငါးဝိုင္းသာ ခ်ထားသည္ ။ ကိုခန႔္တို႔ပါတီက လႊတ္ေတာ္အမတ္မ်ားကိုပင္ ဖိတ္ထားဟန္ မတူပါ ။
လိင္တူလက္ထပ္ခြင့္ဥပေဒ အတည္ျပဳႏိုင္ဖို႔ ကိုခန႔္ႏွင့္အတူ ဝိုင္းဝန္းႀကိဳးစားေပးခဲ့ၾကသည့္ Prince Houseက ေရွ႕ေနအခ်ိဳ႕သာ ေတြ႕ရသည္။ ေျပာရမည္ဆို ဘုဏ္းေဇလူေတြခ်ည္းသာ ။ သည္ဥပေဒျဖစ္ေျမာက္လာဖို႔ ေနာက္ကြယ္ကေန အိမ္ေရွ႕စံပါ ကူညီေပးခဲ့ေၾကာင္း သိထားသည့္လူေတြ ။
ဝန္ႀကီးခ်ဳပ္တို႔ ဇနီးေမာင္ႏွံကို ႏႈတ္ဆက္အ႐ိုအေသေပးေတာ့ ဘုဏ္းေဇ ေရာက္လာသည့္အတြက္ ဝမ္းသာေၾကာင္း ထပ္တလဲလဲ ဆိုၾကသည္။ သူ႔အေပၚ တူလိုသားလို ေႏြးေထြးခ်စ္ခင္ပုံက ဘယ္ေတာ့မွ ေျပာင္းလဲမသြား။ ပ်ံ႕ပ်ံ႕ကေတာ့ သူ႔ေဘးမွာ လာရပ္သည့္အျပင္ သူ႔ကိုၾကည့္ၿပီး မ်က္ဝန္းေထာင့္က မ်က္ရည္တို႔ကိုပါ ခိုးသုတ္ေနေသး၏။ ရွင္းသန႔္ထြက္သြားၿပီးကတည္းက ပ်ံ႕ပ်ံ႕ႏွင့္ပါ အဆက္အသြယ္ မရွိ ။ ပ်ံ႕ပ်ံ႕ ဆရာဝန္ဘြဲ႕ယူသည့္ေန႔ကေတာ့ မေမ့မေလ်ာ့ ဂုဏ္ျပဳပန္းစည္း ပို႔ေပးျဖစ္ခဲ့သည္ ။ ပ်ံ႕ပ်ံ႕အေပၚ ညီမေလးတစ္ေယာက္လို ခ်စ္ခင္ရသည့္ စိတ္ရင္းက အရင္အတိုင္းပါ။
ေရာက္ကတည္းက ေမြးေန႔ရွင္ႏွင့္ မ်က္လုံးခ်င္း မဆုံမိေအာင္ေတာ့ တမင္တကာ ေရွာင္ေနလိုက္သည္။ သူလာတာ ေမြးေန႔မွ မဟုတ္ဘဲ ။ ကိုခန႔္ကို ဂုဏ္ျပဳေပးဖို႔ ေရာက္လာခဲ့႐ုံသာ ။
" ဦးဦးဘုဏ္းေဇ ....သားသား Puzzle ဆက္ထားတာ ျပမယ္ ၊ သားသားနဲ႔ လိုက္ခဲ့ေနာ္ "
ကိုခန႔္ရယ္ ေရွ႕ေနေတြရယ္ႏွင့္ စကားေျပာေနစဥ္ ေဘာ္ဘီက သူ႔လက္ကိုဆြဲၿပီး အိမ္ထဲေခၚသြား၏။ ေရာင္ရွိန္တို႔က သူ႔ကို လွမ္းၾကည့္ေနၾကသည္ ။ သီဟေတာ့ မပါေပ။
" ဦးဦးဘုဏ္းေဇ သားသား ေတာ္တယ္မလား "
ေဘာ္ဘီဆက္ထားသည့္ အ႐ုပ္ကားခ်ပ္ကို ျဖန႔္ခင္းၾကည့္လိုက္ေတာ့ ဟယ္ရီေပၚတာထဲက ေမွာ္ေက်ာင္းေတာ္ႀကီးပုံ ။ ဟယ္ရီေပၚတာဇာတ္လမ္းႏွင့္ ပတ္သက္ၿပီး အရင္က ရွင္းသန႔္ သူ႔ကို ခဏခဏ စိတ္ဆိုးခဲ့ဖူးတာ ျမင္ေယာင္မိေသး၏။ သူက ဟယ္ရီေပၚတာဆို ဝတၳဳေရာ ဇာတ္ကားပါ လုံးဝ စိတ္မဝင္စားဘဲ ပ်င္းဖို႔ေကာင္းသည္ဟု မွတ္ခ်က္ေပးခဲ့သူမို႔ ။
" သားသားေမးတာ ေျဖဦးေလ ဦးဦးဘုဏ္းေဇ "
" ေဆာရီး .... ေတာ္တာေပါ့ ...ေဘာ္ဘီက သိပ္ေတာ္တာပဲ ၊ အကုန္လုံးမွန္ေအာင္ ဆက္ႏိုင္တယ္ "
ခ်ီးက်ဴးခံလိုက္ရ၍ ေဘာ္ဘီေလးက ပါးေလးေတြမို႔ေအာင္ ရယ္ၿပီး ေဘာင္းဘီအိတ္ေထာင္ထဲက အသည္းပုံ ခ်ိဳခ်ဥ္ေလးတစ္လုံး ထုတ္ေပးသည္ ။ ခ်ိဳခ်ဥ္က သူႀကိဳက္သည့္ စေတာ္ဘယ္ရီႏို႔ အရသာေလး ။
" ေရာ့ ....သားသားက ဦးဦးဘုဏ္းေဇကို ခ်စ္လို႔ ေကြၽးတာ "
" ဟုတ္ပါၿပီဗ်ာ "
" ေဖာက္စားေလ ...စားလို႔ရပါတယ္ ...အဆိပ္ပါဘူး "
ခ်ိဳခ်ဥ္ကို လက္ထဲမွာပဲ ကိုင္ထားရာမွ ေဘာ္ဘီေက်နပ္သြားေအာင္ ပါးစပ္ထဲ ထည့္ငုံျပလိုက္ရေသးသည္။ ေနာက္ၿပီး အိမ္ထဲက ျပန္ထြက္မခင္ ေရာင္ရွိန္က သူတို႔ႏွင့္အတူထိုင္ဖို႔ လာေခၚ၏ ။ ေဘာ္ဘီႏွင့္ စကားေျပာၿပီး သူျပန္ေတာ့မည္ကို ရိပ္မိေသာေၾကာင့္ျဖစ္မည္ ။
သူတို႔ေရာက္ေတာ့ ေမြးေန႔ရွင္က အနားမွာ ရွိမေန ။ ပ်ံ႕ပ်ံ႕ႏွင့္ စကားသြားေျပာေနသည္ ။ ေရာင္ရွိန္က သူ႔ကို တစ္ခုခုစားဖို႔ေျပာေပမဲ့ နန္းေတာ္က စားလာခဲ့ၿပီဟုေျပာၿပီး မစားျဖစ္။ သည္မွာ ၾကာၾကာေနဖို႔လည္း စိတ္ကူးမရွိပါ ။
ထိုအခ်ိန္မွာပဲ ဘုဏ္းေဇမ်က္လုံးထဲ ကန႔္လန႔္ျဖစ္ေနသည့္အရာတစ္ခုက ေပၚလာသည္။ ေကာင္းယံက စီးကရက္တစ္လိပ္ကို လက္ၾကားညႇပ္ၿပီး လွည့္ေနျခင္းပင္ ။ ေကာင္းယံပါ ဘယ္အခ်ိန္ကစၿပီး ေဆးလိပ္ေသာက္တတ္သြားလဲမသိ ။
" မင္း ဘယ္တုန္းက ေဆးလိပ္ေသာက္တတ္သြားတာလဲ "
" ဟမ္! "
ေလသံမာမာႏွင့္ ေမးလိုက္သည့္သူ႔ကို ေကာင္းယံက ေၾကာင္ေတာင္ေၾကာင္ ျပန္ၾကည့္ေန၏ ။ ဘုဏ္းေဇ ေအာ္လိုက္တိုင္း ေကာင္းယံက သည္အ႐ြယ္ထိ လန႔္သြားတတ္တုန္းပင္ ။
" ျမန္ျမန္ေသခ်င္လို႔လား ...ေဆးလိပ္ေသာက္ေနရေအာင္ "
" ငါ ... ငါ မေသာက္ပါဘူး "
" ဒါဆို မင္းလက္ထဲကဘာလဲ "
" ရွင္းသန႔္ဟာပါ ... ဘာရယ္မဟုတ္ဘူး ၊ ဒီတိုင္း စားပြဲေပၚေတြ႕လို႔ ကိုင္ထားမိတာ "
" မကိုင္နဲ႔ ခ်ထား "
" အမ္ "
ေနရင္းထိုင္ရင္း အေငါက္ခံရသျဖင့္ ေကာင္းယံမ်က္ႏွာက ဆီး(ဇီး)႐ြက္ေလာက္ေလး က်န္ေတာ့သည္။ ေရာင္ရွိန္ႏွင့္ အာကာက မ်က္ႏွာခ်င္းဆိုင္ၿပီး ႀကိတ္ခြီေနၾက၏ ။ ထိုစဥ္ သူ႔အေနာက္ဘက္ကေန ခပ္တိုးတိုး ရယ္သံႏွင့္ ေမြးေန႔ရွင္ ေရာက္လာသည္။
" လူကို ေျပာခ်င္ရင္ ဒဲ့ေျပာေလ ကိုကိုဘုဏ္းေဇရဲ႕ ၊ ဘာလို႔ မဆိုင္တဲ့သူကို သြားေျပာေနတာလဲ "
" မင္းဟာမွန္း မသိလို႔ ေျပာမိတာ "
" ဪ ....ငါ့ကို ေဆးလိပ္ျဖတ္ေစခ်င္ေနတာပဲ "
" မင္းကို မေျပာဘူးလို႔ "
ရယ္ေနသည့္ေကာင္ေတြကိုပါ စူးစိုက္ၾကည့္ေပးလိုက္၏ ။ ဒါလည္း ဆက္ရယ္ေနၾကဆဲ ။
" မပူပါနဲ႔ ... ေဆးလိပ္ကို မင္းႏႈတ္ခမ္းေတြေလာက္ ငါ မစြဲပါဘူး "
" ရွင္းသန႔္တည္ "
" နမ္းမလား ....အနမ္းခံမလား ၊ ႏွစ္ခုထဲက တစ္ခုေ႐ြးေလ ၊
ဒါဆို ေဆးလိပ္မေသာက္ေတာ့ဘူး "
" Shit "
သည္ေနရာမွ ထျပန္မွ ျဖစ္ေတာ့မည္။ ရွင္းသန႔္ေဘး ဘုဏ္းေဇ အၾကာႀကီးေန၍မျဖစ္ပါ။ သူ႔ကို လိုက္ကလိေနလိမ့္မည္ ။ ျပန္ေရာက္လာၿပီးကတည္းက ညတိုင္းလည္း သူ႔ဆီကို အေကာင့္တုေတြ တစ္ခုၿပီးတစ္ခုႏွင့္ စာေတြလွည့္ပတ္ပို႔တတ္သည္။ ဘာစာေတြလဲဆိုေတာ့ ' ျပန္ခ်စ္ပါေနာ္ ၊ ျပန္ခ်စ္ပါေနာ္ ' ဆိုသည့္ ကေလးကလား ရည္းစားစာေတြ ။
ထိုအခ်ိန္မွာပဲ
" အီးဟီးဟီး ....သားသား ေနလို႔ေကာင္းေတာ့ဘူး ၊ ရင္ဘတ္ထဲက ပူလာၿပီ ... အီးဟီးဟီး "
႐ုတ္တရက္ ေဘာ္ဘီ့ငိုသံေၾကာင့္ သူတို႔အားလုံး ပ်ာယာခတ္ကုန္ေတာ့၏ ။
" ကေလး ဘာျဖစ္တာလဲ ၊ ေမးၾကပါဦး "
" တီတီ့အသည္းေလး ဘာျဖစ္လို႔လဲ ၊ တီတီ့ကိုေျပာ "
" မတည့္တာမ်ား စားမိလို႔လား ၊ ေသခ်ာ စမ္းသပ္ၾကပါဦး "
လူေတြဝိုင္းေမးၾကေလ ေဘာ္ဘီက စူးစူးဝါးဝါး ေအာ္ငိုေလပါ ။
" သားသား အာပုပ္ေတာ့မွာ ... အီးဟီးဟီး ... သားသား လိမ္ေျပာမိတာ ၊ ေနလို႔ေကာင္းေတာ့ဘူး "
" ေဟ "
" ဦးဦးရွင္းရွင္းက လိမ္ခိုင္းတာ ၊ ဦးဦးဘုဏ္းေဇကိုေကြၽးတဲ့ ခ်ိဳခ်ဥ္က သားသားဟာဟုတ္ဘူး ၊ ဦးဦးရွင္းရွင္းဟာ ၊ ဦးဦးရွင္းရွင္းက လိမ္ေကြၽးခိုင္းတာ ... အီးဟီးဟီး "
ဘုဏ္းေဇမလာခင္က ရွင္းသန႔္ ေဘာ္ဘီ့ကို ခ်ိဳခ်ဥ္ႏွစ္လုံးေပးၿပီး တစ္လုံးကို ဘုဏ္းေဇလာရင္ ေကြၽးဖို႔ႏွင့္ သူေပးတာဟု မေျပာဖို႔ ေသခ်ာမွာထားခဲ့သည္။ သည္တုန္းကေတာ့ ေဘာ္ဘီက သေဘာတူခဲ့ၿပီး အခုမွ ဘာအေတြးေပါက္ၿပီး ထငိုမွန္းမသိေပ ။
ရွင္းသန႔္ကေတာ့ တရားခံ ျဖစ္ရၿပီ ။
ေဘာ္ဘီ့ေၾကာင့္ ဘုဏ္းေဇကလြဲၿပီး လူႀကီးေတြအပါအဝင္ အကုန္လုံး ရယ္ခ်င္ေနသည့္ မ်က္ႏွာေတြႏွင့္။ ေရွ႕ေနေတြ ျပန္သြား၍သာ ေတာ္ေတာ့သည္။ မဟုတ္လွ်င္ သူတို႔ပိုၿပီး အေနရခက္ ကုန္ေတာ့မည္ ။
ေက်းဇူးရွင္ေလးကေတာ့ ေျပာခ်င္တာေျပာၿပီးသြား၍ အငိုတိတ္သြားၿပီး ေနရထိုင္ရ သက္သာသြားသည့္ပုံစံျဖင့္
" ခုမွပဲ စိတ္ထဲ ေပါ့သြားေတာ့တယ္ ၊ တီပ်ံ႕ သားသား အာပုပ္ေတာ့ဘူးမလား " တဲ့ ။
ပ်ံ႕ပ်ံ႕က တူျဖစ္သူကို ေကာက္ခ်ီၿပီး သူတို႔ႏွင့္ေဝးရာ ေခၚသြားေတာ့၏ ။
ရွင္းသန႔္ ဘုဏ္းေဇကို ၾကည့္မိေတာ့ မ်က္ႏွာကို လက္ျဖင့္ကြယ္ၿပီး တစ္ဘက္လွည့္သြားသည္။ သို႔ေသာ္လည္း လွစ္ခနဲေပၚသြားသည့္ အၿပဳံးေသးေသးေလးတစ္ခုကို ေတြ႕လိုက္ရတာကေတာ့ သူ မ်က္စိမွားတာ မျဖစ္ႏိုင္ပါ ။
သူ လြမ္းေနခဲ့ရသည့္ အၿပဳံးေလး ။ တူေတာ္ေမာင္ ေကာင္းမႈႏွင့္ ခဏတာ ေတြ႕ျမင္လိုက္ရၿပီ ။
သည့္ထက္ပိုၿပီး အဆေပါင္းမ်ားစြာ ၿပဳံးေစခ်င္ေပမဲ့ သည္ေလာက္ဆိုလွ်င္ပဲ အေျခအေန မဆိုးဘူး မဟုတ္လား ။
*****
" ေကာ္ဖီေသာက္လိုက္ဦး အစ္ကို "
ကြန္ပ်ဴတာေရွ႕မွာ သုံးနာရီေလာက္ ဆက္တိုက္ထိုင္ၿပီး ေရာင္ရွိန္ အလုပ္လုပ္ေနရာသို႔ မန္ေနဂ်ာျဖစ္သူ အင္ၾကင္းက ေကာ္ဖီေဖ်ာ္ၿပီး လာပို႔ေပးသျဖင့္ အလုပ္စားပြဲမွထကာ ခဏနားဖို႔ျပင္လိုက္သည္ ။
သူ အခုေရာက္ေနသည့္ေနရာက သူတို႔မိသားစုပိုင္သည့္ လင္း ေကာ္ပိုေရးရွင္းႏွင့္ မသက္ဆိုင္သည့္ Unity ဟုအမည္ရေသာ ကုမၼဏီတစ္ခု၏ ႐ုံးခန္းထဲမွာ ။ အမ်ားအျမင္အရ သူက Unity ၏ CEO ျဖစ္ၿပီး တကယ္ေတာ့ သူ႔ပိုက္ဆံ တစ္ျပားတစ္ခ်ပ္မွ သည္ကုမၼဏီမွာ မပါဝင္ေပ ။
ေျပာရလွ်င္ ေရာင္ရွိန္က အမည္ခံထား႐ုံသက္သက္ျဖစ္ၿပီး ေနာက္ကြယ္ကေန ႀကိဳးကိုင္စီစဥ္ေနသူက သူ႔သူငယ္ခ်င္း အိမ္ေရွ႕စံသာျဖစ္၏ ။
ဘုဏ္းေဇ စစ္မႈထမ္း တာဝန္ၿပီး၍ ဆယ္ရက္ေလာက္အၾကာမွာ ပိုက္ဆံအလုံးအရင္းႏွင့္ Unityကို စၿပီးထူေထာင္ဖို႔ သူ႔ကို ေျပာလာသည္။ အိမ္ေရွ႕မင္းသားတစ္ေယာက္အေနႏွင့္ စီးပြားေရးလုပ္၍ မသင့္ေတာ္သည္မို႔ သူက ကုမၼဏီပိုင္ရွင္ အမည္ခံေပးရမည္တဲ့ ။
ေနာက္ၿပီး Unity၏ ထူးျခားခ်က္က ဝန္ထမ္းမ်ားကို အမ်ိဳးသမီးမ်ားႏွင့္ LGBTQ+ communityက အရည္အခ်င္းရွိသူမ်ားကိုသာ ေ႐ြးခ်ယ္ၿပီး ခန႔္အပ္ထားျခင္းပင္ ။
ကုမၼဏီအေဆာက္အဦး အဝင္မွာကတည္းက LGBTQ+တို႔၏ အမွတ္အသားျဖစ္သည့္ သက္တံေရာင္အလံကို လႊင့္ထူထားသည္ ။
ထို႔အျပင္ " ဤေနရာသည္ LGBTQ+ တို႔ စုေဝးတည္ရွိရာ အသိုက္အၿမဳံ တစ္ခုျဖစ္သည္။ ကြၽႏ္ုပ္တို႔အေနျဖင့္ လူတိုင္းကို ေႏြးေထြးစြာ ႀကိဳဆိုေသာ္လည္း ကြၽႏ္ုပ္တို႔ LGBTQ+ အသိုင္းအဝိုင္းကို ဆန႔္က်င္သူ ျဖစ္ေနပါက ဤအေဆာက္အဦးအတြင္းသို႔ ဝင္မလာရန္ တားျမစ္အႀကံျပဳလိုပါသည္။ ဝင္ေရာက္လာၿပီးမွ ျပႆနာရွာမည္ ၊ ကြၽႏ္ုပ္တို႔အေပၚ ခြဲျခားဆက္ဆံမည္ဆိုပါက သင့္အား လူ႔အခြင့္အေရး ခ်ိဳးေဖာက္သည့္ ျပစ္မႈအရ တရားဥပေဒႏွင့္အညီ အေရးယူေဆာင္႐ြက္သြားပါမည္ ။ သင္တို႔၏ အခြင့္အေရးကို ေလးစားသလို ကြၽႏ္ုပ္တို႔၏ အခြင့္အေရးကိုလည္း ေလးစားေပးလိုပါသည္ " ဆိုေသာ စာမ်ားကိုလည္း အေဆာက္အဦးအဝင္မွစၿပီး ေနရာအႏွံ႔ ကပ္ထားေသး၏ ။
ေငြေၾကးအရင္းအႏွီးမ်ားစြာ စိုက္ထုတ္ၿပီး စတင္ႏိုင္ခဲ့သည့္အျပင္ ဝန္ထမ္းမ်ားကလည္း ႀကိဳးစားၿပီး ထက္ျမက္ၾကသူေတြမို႔ Unityက အခ်ိန္တိုအတြင္း စီးပြားေရးေလာကမွာ နာမည္တစ္ခုရလာခဲ့သည္ ။ လင္း ေကာ္ပိုေရးရွင္းႏွင့္ မိတ္ဖက္လုပ္ငန္းအျဖစ္ ပြဲဦးထြက္ခဲ့ေသာေၾကာင့္လည္း လူသိမ်ားဖို႔ လြယ္ကူခဲ့သည္ဟု ေျပာရမည္ ။
ေရာင္ရွိန္ေရာ ေနာက္ကြယ္ကေန စီမံေနသည့္ ဘုဏ္းေဇေရာကလည္း စီးပြားေရးႏွင့္ ပတ္သက္ၿပီး အေမွ်ာ္အျမင္ရွိၾကသူမ်ားပင္ ။ တကၠသိုလ္ေနာက္ဆုံးႏွစ္တုန္းက ေရာင္ရွိန္တို႔ ကုမၼဏီမွာ Internship ဆင္းၾကစဥ္အခါက ဘုဏ္းေဇသာ အိမ္ေရွ႕မင္းသားတစ္ေယာက္ မဟုတ္ခဲ့လွ်င္ သိပ္ေတာ္သည့္ စီးပြားေရးလုပ္ငန္းရွင္တစ္ေယာက္ ျဖစ္လိမ့္မည္ဟု ေရာင္ရွိန႔္အေဖက မွတ္ခ်က္ခ်ခဲ့ဖူး၏ ။
အခုလည္း လူမသိေပမဲ့ ဘုဏ္းေဇက ကုမၼဏီတစ္ခုကို ေအာင္ျမင္ေအာင္ ေနာက္ကြယ္ကေန ေဆာင္႐ြက္ႏိုင္ခဲ့သည္ ။ စီးပြားေရးအရ ေအာင္ျမင္ခဲ့သလို ဝန္ထမ္းမ်ားကိုလည္း စိတ္ဓာတ္ပိုင္းဆိုင္ရာမွာ ရဲရင့္ေသာ ၊ ကိုယ့္ကိုယ္ကိုယ္ တန္ဖိုးထားေလးစားတတ္ေသာလူမ်ားျဖစ္ေအာင္ ျမႇင့္တင္ေပးႏိုင္ခဲ့သည္ ။
လႊတ္ေတာ္မွာ လိင္တူလက္ထပ္ခြင့္ဥပေဒ ျပဌာန္းေပးဖို႔ စတင္အဆိုျပဳတင္သြင္းခဲ့သည့္ အခ်ိန္ကစၿပီး Unityက ဝန္ထမ္းမ်ားက သည္ဥပေဒကို ေထာက္ခံေပးၾကဖို႔ ၊ LGBTQ+ တို႔ရဲ႕ အခြင့္အေရးကို ေတာင္းဆိုၾကဖို႔ တစ္ႏိုင္ငံလုံးရွိ LGBTQ+ အသိုင္းအဝိုင္းႏွင့္ ျပည္သူလူထုကို ဦးေဆာင္ ေဆာ္ဩခဲ့ၾကသည္ ။ Unityက ဝန္ထမ္းမ်ားေၾကာင့္ သည္ႏိုင္ငံမွာ သက္တံေရာင္လူမႈအသိုင္းအဝိုင္းဆီက အသံတို႔ ပိုမိုက်ယ္လာခဲ့သည္ဟု ေျပာလွ်င္လည္း မမွား ။
ေနာက္ထပ္ Unity၏ ထူးျခားခ်က္တစ္ခုမွာ ကုမၼဏီမွ ရရွိသည့္ အက်ိဳးအျမတ္အားလုံးကို ဝန္ထမ္းမ်ားအား သုံးပုံတစ္ပုံ ျပန္ခြဲေပးၿပီး က်န္ရွိသည့္ႏွစ္ပုံကိုေတာ့ ႏိုင္ငံတြင္းရွိ လူထုအက်ိဳးျပဳေနရာေတြမွာ လႉဒါန္းျခင္းပင္ ။
ထို႔ေၾကာင့္လည္း ဘုဏ္းေဇ၏ Unity အတြက္ အလုပ္လုပ္ေပးရျခင္းကို ပင္ပန္းသည္ဟု ေရာင္ရွိန္ မထင္မိပါ ။ အဓိကက သူငယ္ခ်င္းျဖစ္သူ၏ စိတ္ကူးကို ေဘးကေန ပံ့ပိုးကူညီေပးခြင့္ရတာမို႔ ေက်နပ္ရပါသည္ ။
Ringing ~~~
ေကာ္ဖီေသာက္ေနစဥ္ ဖုန္းဆက္လာသူက သီဟအေၾကာင္း သူစုံစမ္းခိုင္းထားသည့္ ေထာက္လွမ္းေရးဘက္က အရာရွိ ဦးေက်ာ္ႏိုင္ ။
ဦးေက်ာ္ႏိုင္က လူခ်င္းေတြ႕ၿပီးေျပာတာ ပို၍ေကာင္းသည္ဟု ဆိုသျဖင့္ အခ်ိန္ဆြဲမေနဘဲ ဦးေက်ာ္ႏိုင့္အိမ္သို႔ ခ်က္ခ်င္း ထြက္လာခဲ့သည္။ သူေရာက္ေတာ့ ဦးေက်ာ္ႏိုင္က ဖိုင္တစ္တြဲျဖင့္ အဆင္သင့္ေစာင့္ႀကိဳေန၏ ။
" ဒီကိစၥက ေမာင္ရင့္အတြက္ သိပ္အေရးႀကီးသလား ၊ သိမွ ျဖစ္ကိုျဖစ္မွာလား "
ဦးေက်ာ္ႏိုင့္ေမးခြန္းက သီဟအေပၚ ေရာင္ရွိန႔္စိတ္ဝင္စားမႈကို ပိုၿပီးျမင့္တက္သြားေစခဲ့သည္ ။
" ဟုတ္ကဲ့ .... က်ေနာ့္အတြက္ အေရးႀကီးပါတယ္ အန္ကယ္ "
ဦးေက်ာ္ႏိုင္က သက္ျပင္းကို ေလးတြဲ႕စြာခ်ၿပီး ေခါင္းကို ျဖည္းျဖည္းခ်င္းညိတ္၏ ။ ေနာက္ၿပီး စားပြဲေပၚ ခ်ထားသည့္ ဖိုင္ကို ဖြင့္ကာ သူ႔ေရွ႕တိုးေပးသည္ ။
" တကယ္ေတာ့ သူ႔အေၾကာင္းကို အန္ကယ္တစ္ခါ ေတြ႕ဖူးေသးတယ္ ၊ ႏွစ္ေတြၾကာၿပီဆိုေတာ့ အန္ကယ္ ႐ုတ္တရက္ ဒီနာမည္ကို မမွတ္မိခဲ့တာ ၊ အခု ရွာၿပီး လိုက္ရင္းမွ ျပန္ေပၚလာတာ "
" ဟုတ္ကဲ့ "
" ဒီေကာင္ေလးကလဲ မင္းသူငယ္ခ်င္းပဲေနာ္ "
" ဟုတ္ပါတယ္ အန္ကယ္ ၊ က်ေနာ့္ ငယ္သူငယ္ခ်င္းပါ "
" အင္း ....ဒါဆို မင္းတို႔အထက္တန္းတုန္းက ေက်ာင္းမွာ ပစ္ခတ္မႈ ျဖစ္ခဲ့တာ မွတ္မိတယ္မဟုတ္လား ၊ မင္းသူငယ္ခ်င္း အိမ္ေရွ႕စံနဲ႔ ဝန္ႀကီးခ်ဳပ္သားတို႔ ႏွစ္ေယာက္ တရားခံနဲ႔အတူ ပိတ္မိၿပီး ေဆး႐ုံေရာက္ခဲ့ၾကတာေလ "
ေရာင္ရွိန္ ေကာင္းေကာင္းမွတ္မိတာေပါ့ ။ သည္ကိစၥကို ဘယ္သူမ်ား ေမ့ႏိုင္လို႔လဲ ။
" ဟုတ္ကဲ့ ...က်ေနာ္ မွတ္မိပါတယ္ "
" သီဟမင္းတည္က အဲဒီတုန္းက တရားခံနဲ႔ ဆက္စပ္ေနတဲ့သူပဲ ေမာင္ရင္ "
" ဗ်ာ "
" သူက အဲဒီတုန္းက တရားခံ ဝဏၰမင္းရဲ႕တူပဲ ၊ သူ႔အေမက ဝဏၰမင္းရဲ႕ တစ္ဦးတည္းေသာညီမ သီတာမင္းတဲ့ ၊ တကယ္ေတာ့ အဲဒီတုန္းက မင္းတို႔ရဲ႕ ေက်ာင္းအခ်ိန္ဇယားကို ဝဏၰမင္းကို ေပးတဲ့သူက တျခားသူမဟုတ္ဘူး ၊ မင္းတို႔ သူငယ္ခ်င္း သီဟမင္းတည္ ကိုယ္တိုင္ပဲ ေမာင္ရင္ ၊ တရား႐ုံးမွာေတာ့ ေက်ာင္းသားမိဘဟန္ေဆာင္ၿပီး စုံစမ္းခဲ့တာလို႔ ထြက္ဆိုခဲ့တာေပါ့ ၊ ဝဏၰမင္း အဲဒီျပစ္မႈ က်ဴးလြန္မွာကိုလဲ သီဟမင္းတည္က ႀကိဳသိခဲ့တဲ့သူပဲ ၊ က်ည္အစစ္ပါ သုံးမယ္လို႔ေတာ့ သူ မသိခဲ့ရဘူးေပါ့ "
ေရာင္ရွိန္ အံ့ဩလြန္း၍ ေျခဖ်ား လက္ဖ်ားေတြပါ ေအးစက္လာသည္ ။ ဒါႀကီးကို ယုံဖို႔လည္း ခက္ခဲေန၏ ။ သီဟက ကိုယ့္သူငယ္ခ်င္းေတြကို လုပ္ႀကံဖို႔ ႀကိဳးစားရာမွာ ကူညီေပးခဲ့တဲ့သူတဲ့လား ။ ဒီေလာက္ႀကီးအထိ လုပ္ရက္ရသလား ။
" အဲအခ်ိန္တုန္းက ဒီကိစၥကို ဝန္ႀကီးခ်ဳပ္ဦးသန႔္စင္ေရာ ၊ သူ႔သားေရာ သိခဲ့ၾကတယ္ "
" ဘယ္လို "
" ဟုတ္တယ္ ေမာင္ရင္ရဲ႕ ၊ အဲ့တုန္းက ဝန္ႀကီးခ်ဳပ္တို႔ သားအဖႏွစ္ေယာက္စလုံးနဲ႔ အန္ကယ္ စကားေျပာခဲ့ရတယ္ ၊ ဝန္ႀကီးခ်ဳပ္ရဲ႕သားကပဲ ဒီအမႈကေန သီဟမင္းတည္ကို ဖယ္ေပးဖို႔ အန္ကယ့္ဆီမွာ ေတာင္းဆိုခဲ့တာ "
ဒါက ပိုၿပီး အံ့ဩဖို႔ေကာင္းသည္ ။ ရွင္းသန႔္က သီဟအေၾကာင္း သိတာေတာင္ သီဟ အျပစ္လြတ္ဖို႔ ေတာင္းဆိုခဲ့သတဲ့ေလ ။
" က်ေနာ္ ဘယ္လို ယုံရမွန္းေတာင္ မသိေတာ့ဘူး "
" ေမာင္ရင္အေနနဲ႔လဲ သူငယ္ခ်င္းဆိုေတာ့ ဘယ္ယုံခ်င္ပါ့မလဲ ၊ ၿပီးေတာ့ အဲဒီတုန္းက ဝန္ႀကီးခ်ဳပ္သားေလးက ေျပာခဲ့ေသးတယ္ ၊ သီဟ အခုလိုလုပ္တာ သူတို႔အေနနဲ႔ သီဟအေပၚမွာ သူငယ္ခ်င္းေမတၱာ လုံေလာက္ေအာင္ မေပးႏိုင္ခဲ့လို႔မ်ားလားတဲ့ ၊ အဲဒါမို႔ သူ႔အေနနဲ႔ သီဟကို အခြင့္အေရးေပးခ်င္ပါေသးတယ္တဲ့ "
ဦးေက်ာ္ႏိုင့္စကားအဆုံးမွာေတာ့ ေရာင္ရွိန္ ထပ္ခါ အံ့ဩသြားရျပန္ပါသည္ ။
ဒီကိစၥႀကီးကို ရွင္းသန႔္က သူတို႔ကို မေျပာဘဲ ဘယ္လိုမ်ား ဖုံးကြယ္ထားႏိုင္ခဲ့ရတာလဲ ။
#PoPoPhoenix