بعد ما عرفت جبران على حقيقته
وانه انسان ممكن يذل اي احد
مجرد المساس بثروته
حب جبران كسرني لآخر نقطه
بقلبي الانسان اللي حبيته كان
فقط يستخدمني عمله له
مثل فلوسه
أدهم تقدم لي و رفضته
لاني بعد جبران جسد بلا روح
جبران انتقم يوم خرب سمعتي
قدام كل اللي حبوا علياء عازفة
الكمان
اتهمهم اني العب بمشاعر
الشباب الأغنياء
والعزفة مجرد وسيله
لتقرب منهم
بعد اول لقاء لي بجبران
وبعد ما خرب سمعتي
جيته وصفعته على وجهه
بقوه صحت :
انتبه تتجاوز حدودك يا جبران
انت ذنب و تبت عنه
انسى اني يوم حبيتك انسى !!
بس هو كان هادي لدرجة رد
علي بالصمت الصمت فقط .
وقتها أدهم حاول يتقرب مني
ويتقدم بس بدون اي جدوه
انا بعد تجربة جبران صرت اخاف
من هالناس الأغنياء اخاف كثير .
مرت السنوات وسنه منها
جبران تزوج ب العنود
وجابت له بدر
انا علياء على كسر السنين لي
غصن ضعيف بمشاعر الماضي
وبالليل من الليالي جلست لحالي
اعزف و اعزف الحان حزينه وعميقه
جاء شخص من قلب الظلام
وقف قدامي ونادى بنبره حنونه :
علياء
رفعت عيوني له وبكيت
كان ادهم ادهم اللي تقدم لي
واجد وانا اللي ما اهتميت به
ادهم انسان حنون وقف معي بذيك
الفتره اللي طحت بها وقالي كلام
طابع بقلبي للحين :
علياء خليك قويه قدام ظروفك
الصعبه بكون معك وانا ماهو اي شخص
يتلاعب بك او انسان همه المطامع .
__
ادهم اللي شالني من حزني
و زهرت مرة ثانيه بحنيته وحبه
وادركت فرق الصخر عن المطر
الصخر اللي يدكنا و يدكنا نثقل
ننوجع بدون فعل
وبين المطر اللي يهطل علينا
بكل حب عشان نزهر
هذا كان جبران وهذا كان ادهم
بعد معاناة السنين اخترت ادهم
و تزوجته
جبران للحين ما تركني وصار يرمي
علي الكلام قدام زوجي
بس زوجي ادهم يعرفه ويعرف
ماضيه
وزاد عداوة العائلتين الأدهم و الأشهم
كانوا يتنافسون على التجارة والشركات
ومين الأقوى والمنتصر
صار شيي اكبر بينهم حب مرأة وحده .
جبت براء ومن جبته جن جنون امير
لانه عارف ادهم اخوه الكبير
بياخذ الحصه الاكبر من الورث
كل شيي بصف ادهم لانه الكبير
وجاب خليفه للعايله
شفت جنون وحقد امير نفس جبران
بالضبط حاولت اسكت و اتستر عشان
ما يكون به عداوه بين الأخوين .
لين ما صار ذاك الحريق المشؤوم
وخرب عليي سعادتي وخذا احبابي
مني مره ثانيه
و رجعت لنقطة البدايه
مات ادهم و براء خليتها مع امنه
هربت و اختفيت بس عشان انتقم
سويت عملية تجميل و رجعت
لجبران مره ثانيه كازوجه بأسم امل
بس عشان انتقم منه ومن امير .
__
الواقع :
صاح بدر :
ما يهمني اي شيي ولا قصة
حبكم هاذي ابي براء وينها ..
علياء بخوف جت ل بدر :
بنتي وينها وينها يا بدر
لا تصير زي ابوك اللي خرب
حبنا كيف صدقة الافعى سلمى
وكذبت بنتي اللي خذت من اسمها
نصيب
سلمى عضت على شفايفها بعصبيه
بدر بقهر :
جيت عشان اسالك بس شكلك
ما تعرفين وينها
طلع بدر بسرعه من القصر
ركب السياره
بدر اللي جن جنونه لو
ما يلقى براء
كانت سرعته جنونيه وعقله
مشوش يذكر كيف تجرأ
وقسى على براء البريئه
طن جوال بدر
(رساله من عماد )
بدر طارن عيونه :
عماد !
دخل عالطول المحادثة
عماد :
براء عند محمد
وهذا موقعه .
يوم شاف بدر اسم
محمد عصب وصاح :
محمد يا نذل ..
ارسل عماد الموقع دخل
عليه بدر وكان يبي له ساعه
تقريبًا ويوصل للمكان
بدر بشك :
عماد الحارس ل امير
شلون قدر يساعدني !
بدر عصب :
مايهمني اهم شيي
القى حبيبتي براء .
بعد ساعه وصل بدر للمكان :
نزل بسرعه وشاف بحديقة قصر
محمد براء تمشي وهي تتأمل بهدوء
بدر طاحت دمعته من شافها ركض
لها وهو ماهو واعي .
__
بدر يركض بسرعه دخل من
البوابه ووصل قدام براء
براء طارن عيونها ب بدر :
بدر ..
تراجعت وراء بخوف
بدر تقدم لها وهو خايف
عليها وبلهفه :
براء اسف ..
بدر تقدم ل براء بسرعه
وحضنها بحراره وهو يبكي
براء مصدومه :
بدر ..
صار يحضنها بقوه له :
اسف براء اسف ..
بعد عنها وقبل رأسها بعمق
ويتلمس شعرها وخصرها
حاس بالذنب والحب والشوق
و رجع حضنها وده يتوقف العالم
بذيك اللحظه
ابعد عنها وطاح قدام رجولها :
اسف ظلمتك يا براء
براء مصدومه :
بدر وش ظلمتني به !
حتى ماعرف ليه تغيرت عليي
كذا صرت ما اثق بك يا بدر
والحين تقول ظلمتك
عمري كله ما غلط عليك
كنت اخاف عليك اكثر
من نفسي
بس انت كسرتني كسرتني
يا بدر ..
قام بدر وهو مكسور
قرب منها و رجع شدها له
وبقهر :
براء سامحيني انا صرت
ضحية لسوالف الحريم
كلام سلمى ..
براء عصبت من سمعت
هالأسم وخرته عنها :
الحين سلمى هي اللي
شوشتك عليي وصدقتها !
بدر تردد :
للاسف ايه بس انتي ما
تعرفين الحقيقة كامله
عصبت براء :
وش اعرف هااه
دامك ما تصدق غيرها
ليه ما تصير بصفها لا توهمني
بالحب يا بدر
كلمات براء خرقت قلب بدر
انهار داخليًا عصب و قرب
من براء
براء اللي خايفه منه تتراجع
وراء وهو يتقدم صوبها .
__
براء عصبت :
بدر لا تقرب مني احذرك
بدر عيونه حمر معصب
وقلبه يحترق عليها
صارت تتراجع وهو يقرب منها
اكثر
بكل قوتها تبعد عنه بس هو
بطرف رمش مسكها وسحبها
له
لصق بها ويدينه اغرقت
بشعرها الكثيف من كثر
ماهو راص وجهها
وقربها له براء غمضت عيونها
لان ما تبي قربه ولا حضنه
ولا اي شيي ممكن يتصل به
بس بدر بهذيك اللحظه كان
مجنون مجنون لآخر حد بالجنون
من كثر ما يعشقها و يتنفسها
قرب فمه لفمها وصار يقبلها
من شفايفها بعنف
طلع كل الحراره بقلبه على
قبلاتها الساخنه اللي تبرد
حر قلبه شوي
وهو يقبلها مثل المجنون
ويحضنها يلصقها لجسمه
وبقبلاته الساخنه اللي براء
ألمها هالشيي
براء استسلمت بين احضانه
اللي كانوا الأمان لها
من عالمها الغير أمن
وهي دايخه له رجعت لها
الذاكره بمعاملته القاسيه
اللي ألمت قلبها
صحت براء وطارن عيونها
وبسرعه بعدت عنه
لمست شفايفها اللي ماهي
حاسه بهم اصلاً بس حاسه
بشفايف بدر اللي قبلتهم
بدون رحمه
عصبت بقهر :
بعد عني ولا..
بدر يطلع انفاسه بصعوبه بعد
هالمعركه من التقبيل بادراك :
اسف اسف انا صدق مجنون
حبك يا كل دنياي .
طاحت براء لانها انهارت تعب
منه ومن قوته المجنونه
انهار بدر بقربها براء بنظرات
مليانه خوف:
لا لا تقرب .
__
بدر مسك يدينها وصار يبوسهم
بحراره وبكل حنيه طاحت اربع
دمعات فوق يدينها
حست براء بحرارتهم
خافت عليه :
بدر..
بدر بكل ذنب :
اسف ما اقدر اعيش بدونك
سامحيني تكفين تكفين .
الا جاء احد وكز بدر
عن براء
بدر بأنظار قويه له :
محمد !
محمد بعصبيه :
وخر عنها ولا اشوفك
تقرب لها
بدر قام :
من انت عشان تمنعني عنها !
محمد تقدم ل بدر :
انا المسؤول عنها
بدر عصب :
المسؤول !
محمد :
ايه هي جتني يوم خليتها
ودامها جت عندي لا انت ولا غيرك
يقدر ياخذها مني
بدر :
انا ما تخليت عنها ولا بعمري اتخلى عنها
محمد :
اسألها
براء سكتت وبخاطرها
بدر طال صوته :
تكلمي براء
براء قلبها يضرب بقوه
وعيونها ل بدر بس
عجزت تنسى موقفه معها
تذكرت كلامه :
ماحبيتك براء
انا مريض اذ شفتك
ويوم كزها حتى ما التفت لها
بس بلحظه جاء شخص من وراء
براء مسكها بقوه وحط منديل
على فمها وشالها
بدر ومحمد بصدمه بصوت واحد :
امير !!
امير بخبث وابتسامة عريضه :
لا انت ولا هو براء بتختار ابوها
اكيد
براء مغمى عليها لان المنديل
مشبع بمخدر
امير هرب مع براء
محمد و بدر ركضوا وراءه
الا حراس امير قدامهم
وصار قتال بين محمد و بدر
وحراس امير .