- جَـرح الأيهم .
لـ الكاتـِبه : أيــلان
حساب الانستا للتواصل : l.1ll8
*لا تنسى التصويت بـ نجمة "☆".
*التعليق بين الفقرات "✍︎︎" .
• قِـراءة مُمتعه ꨄ.
****************
مُلاذ :-
كممت حلگي مصدومه
اتقدمت خطواتي ترجف و أيهم شافني
رفع عيونه الي بـ البداية فزز عيونه عليه
بعدين عگد حواجبه ، امشي بـ ثگل
لحد ما وصلت لـ يم الشخص , گتبصت
مديت ايدي الترجف بـ رعب لزمت بـ كتفه و درته ، وسعت عيوني اكثر ايدي ترجف خليتها على حلگي لمن شفته ابو أيهم و انا ادحك
حسيت شي على راسي مثل سلاح ، أيهم !! ، سمعت صوت أيهم
أيهم : هيوووو اوكف
انرفع السلاح عن راسي التفتت
دحگت لـ أيهم و شخص ويا بس ملثم
عكدت حواجبي اكثر و ايديه ترجف
اشر أيهم لـ الواكف كدامي ، اتقدم عليه بـ ثگل
گوه يدوس على رجله ، راح الولد الجان واكف
اول مره احس بـ خوف من شخص
دحگت بـ عيون أيهم المليانه شر
مُلاذ : ش.. شسويت انت ؟
كمم حلگي بـ ايده و انا صوتي يرجف
رفعني من الگاع و يسند روحه ع الحايط
ايده ساد بيها حلگي ، مشينا لـ السيارة
و انا روحي رايحة ، التفتت ادحك لـ ابو
دار وجهي بسرعه و كمل مشي بيه
صعدني بـ السيارة و انا جامده عقلي مو وياي
فتح باب الصدر و شمر روحه ع الكشن
كعد گوه يجر النفس
مُلاذ : لييـ ....
أيهم : اش بلا اسئله
دحگت بـ وجهه عاگده حواجبي مصدومة
مُلاذ : شلووون كدرت تسوي هيج ؟؟
ليش دفعت ابووووك !
أيهم : بكيفي عجبني
مُلاذ : مو صاحي انت مو صاحي
أيهم : هسه دريتي ؟
حجاها بـ برود و دار وجهه للشباك
فتحت الباب اريد انزل اشوف ابو
لزم ايد ، سحبها سد الباب و قفل السيارة
مُلاذ : أبووووك مهما يكون أبوك
أيهم : انتهى الثار
مُلاذ : شنو ثار يا ثاااار صاحي انت ؟
منو الجان وياك ، ليش شمرررته؟؟
سوا حركه بـ معنى "بكيفي"
رفعت تلفوني اخابر الاسعاف
و هو ما يقبل يجر التلفون من ايدي
بعدت ايدي بسرعه
خليت التلفون على اذني الثانيه
حجيت العنوان بسرعه و هو يكمم حلگي
سديت التلفون ، دحگتله بـ عصبية
و هو يدحگلي بـ نفس النظرات و معصب اكثر
رفع ايده و ضربها ضربات متتاليه بـ الـ دشبول
و هو يصيح بـ عصبية
أيهم : ماااااا يخصج شي ما يخصج
لييييش تتدخلين لييييش ؟؟ خلي يموووووت
رفع ايده يضرب وجهه و راسه حيل بـ الكشن
متخبل لان اتصلت بالاسعاف
دحگتله و دحگت لـ ابو ، شهدت على جريمة
و هالجريمة الي ارتكبها زوجي
رح اكون وي الحق لو عرفوا هو السوا هيج
و اعترف عليه و اگول هو الدفع ابو
أو اكون وي الباطل و انكر هو الدفع ابو
من السطح
حركت سيارتي بسرعه و طلعت من المكان
رفعت تلفوني كتبت رسالة لـ اسد دليته بـ المكان
رمشت عليه و لمن فتح الاتصال سديته بسرعه
صفيت ع الطريق ثنينا اعصابنا منهاره
مُلاذ : شسوووويت ليش هيج سويت ؟؟؟
تعرف شكد تتعاقب؟؟ شنو هذا الحقد و الغل!
دحك بـ وجهي بـ نظرات ما عرفت اوصفها
لا هيه استغراب لا هي صدمه لا هي استهزاء
ما عرفت افسرهم ، فتح السياره و فتح بابها
نزل منها ، يفتر بـ الطريق بـ عصبية
يمشي بـ ثگل گوه يشيل رجله من الگاع
نزلت ورا و طبكت باب السيارة حيل
دار عليه خازرني ، اتقدمت ناحيته
حجيت بـ عصبية و انا اصر أنُ يحجي
مُلاذ : هسه رح تحجي كل شي
رح تگول ليش دفعت ابوك و شكووو بينكم ؟
أيهم : تحاسبيني ؟ شعليج انتِ ؟
مُلاذ : احاسبك لان انا مرتك
مرتك و ما اعرف اي شي
ما اعرف وي شنو من انسان عايشه
حجيت بـ عصبيه و انا احرك ايديه
و اوصف دفرته لـ ابو
مُلاذ : انسان يدفر ابو بـ كل اريحيه نن السطح
بلا ما يرف اله جفن و السبب مجهول
درت عيني اله و كملت
و انا احرك ايديه بـ عصبية
مُلاذ : تعذرررني بس ما اريد اكمل حياتي
و انا مثل الاطرش بالزفه وي شخص
عنده الاجرام شي كلش طبيييعي !
أيهم : لا تكملين محد جابرج
مُلاذ : أيهم هسه رح تحجيلي كلشي
لو ...
اندار دحگلي رافع حاجبه
أيهم : لو ؟
اتقدم عليه بـ خطوات ثگيله
و هو يستند على السيارة
أيهم : لو شنو ؟ بـ شنو تريدين تهددين؟
وصل لـ كدامي رفعت نظري ادحك بـ عيونه
احس روحي ما جاي اعرفه ، نظراته بارده
كأنُ مو نفسَه أيهم الجان يحبني و انا حبيته
مُلاذ : ابلغ عليك
ابتسم ابتسامة جانبيه
توسعت ابتسامته و ضحك بـ كل صوته
دار وجهه عني مسح وجهه بـ ايده و رجع دحگلي
أيهم : اتصلي يلا اتصلي
ظليت ساكته ادحك بـ وجه
أيهم : لو تدرين خل اتصل انه بدالج
سحب التلفون يلي بـ ايدي
و بـ لحظه خلا اصبعي على مكان البصمه وفتحه
مُلاذ : أيهَــم !
مشيت ورا اريد اوقفه و هو يبتعد
رفع ايده بـ معنى "لا تجين" و هو يكتب الرقم
رفع التلفون و اتصل رن لـ ثواني
سلم و گال يريد يقدم ابلاغ و گال العنوان
و انا اتماطل ويا اريد يعوف التلفون و يسكت
لحد ما گال
أيهم : انه قبل ربع ساعه دفعت ابوي ..
جريت التلفون بسرعه و ضربته بالگاع
دحك بـ وجهي قبل لا يحجي دفعته و حجيت
مُلاذ : اسكت اسكت لا تحجي
رحت ع التلفون طلعت الخط و كسرته
انداريت لـ أيهم دحگتله
مُلاذ : ليش هيج تسوي ؟؟
ما صارلك شكد من صحيت من الغيبوبه
اخوك مات و اهلك منهارين
ركضت حتى تموت ابوك ؟؟ شنو التسوي انت؟
دحك بـ وجهي متنرفز
أيهم : روحي لـ البيت
مُلاذ : ما رح اروح رح تگلي كل شي
انا مو غبيه أيهم اعرف اكو شي جبير
و كلش جبير هم بس جاي تضم عليه !
وكف يتلفت اكو حديقة قريبه علينا
راح الها و انا رحت ورا
مُلاذ : وين رايييح ؟ ما صارلك يومين من صحيت
شجاي تسوي بـ روحك ؟ تريد تموت روحك شتريد تسوي ؟
دخلنا الحديقة لگينا اكو ناس كاعدين
دحكنا لـ رجال كاعد و يدخن و بـ ايده تلفونه
راح اله أيهم
أيهم : السلام عليكم
رفع راسه الولد مستغرب
و انا مستغربه اكثر منه ، أيهم شنو جاي يسوي!
- و عليكم السلام اغاتي
أيهم : اكدر اخابر من تلفونك
ناسي تلفوني بـ البيت
هز راسه الولد بـ قبول
- طبعاً اتفضل
أيهم : مشكور
اتقدمت وكفت كدام أيهم
احجي بـ همس : شجاي تسوي ؟؟
دحگتله يكتب رقم رفع تلفونه و خابر
و انا لازمه بـ زنده و احجي بـ همس متنرفزة
مُلاذ : عليمن تخابر ؟؟
انفتح الخط سمعت واحد يگول الو
حجا أيهم بسرعه
أيهم : ايمـ...
سكت غمض عيونه حيل
نزل التلفون من اذانه يحك حاجبه بـ طرف اصبعه الأبهام ، بـ ايده التلفون و انا ادحگله
گلبي يوجعني عليه
راد يگول أيمن لان دائماً يخابره و يوصي
رجع التلفون ع اذانه و حجا بسرعه
أيهم : باهر تعال لـ الحديقة
گال اله المكان و باهر يسأل شكو
و خو ما صايرله شي ، گله تعال و سده
نزل التلفون انطا لـ الولد و اتشكره مره ثانية
حرك عيوني الي بـ معنى "امشي كدامي"
خزرته اتقدمت امشي كدامه ، طلعت برا الحديقة
التفتت ادحگله ، طلع وراي وجهه ما يگصه الطبر
مُلاذ : شغلتين اريد اعرفهن
شنو ببالك ؟ و شتريد تسوي ؟
دحگلي و دار عيونه مني
يفتر يروح و يرجع بـ مكانه ، لزم راسه دايخ
اتقدمت بـ خوف لزمته ، خايفة يوكع
لو يصير اله شي و يتاذى
فتح عيونه يدحك بـ عيوني ، يتنقل نظرة بينهم
و الله اعرفه اعرف تعبان و مقهور و هَم الدنيا بـ گلبه بس ما جاي اعرف ليش هيج يسوي و شنو السبب
حيرني كلش و تعبت ،
ظلينا هيج واحد صافن بـ وجه الثاني
ندست صدرة و حجيت بـ صوت مقهور
مُلاذ : لا تسوي هيج بروحك و لا تسوي هيج بيه !
انا اعرفك أيهم اعرفك انت شنو
ما رح اعوفك و لا رح اكدر اوكف ضدك
مهما كان اكو غموض و سوء بـ حياتك
انا من حقي اعرفه لان بـ يوم لو خسرتك
رح تحرگني نار الحيرة شلون ارجعك الي
احجي و هو مثل الحايط كدامي
ساكت و يدحك بـ وجهي تعابير وجهه شي
و عيونه و نظراته شي ثاني
عضيت شفتي بـ قهر و انا ادحگله
اتوقعت رح يحجي شي يرد عليه
أيهم : باهر رح يجي ياخذج
طلعه بـ الليل بعد ماكو و عوفي سوالف المراقبة
عكدت حواجبي ادحك بـ وجهه
مُلاذ : ما راقبتك شفتك طالع من المستشفى
لحكتك اريد اعرف وين تروح ركبت بـ التكسي
صعدت بـ السيارة اريد اوكف التكسي و دخلتوا بالازدحام! انا مو أيهم و اراقب !
أيهم : ما يهم لو اروح لـ جهنم لا تجين وراي
مُلاذ : بعد كل الحجي الحجيته هذا جوابك الي؟
لا تطلعين بالليل ، لا تجين وراي ؟؟
أيهم : ارجع اكرر و اگول ترجعين وي باهر
و بعد ما تطلعين بالليل لو الدنيا تحترك
و الصبح حدج ترحين للمكتب و ترجعين
مُلاذ : أيهم !
أيهم : بلا حجي زايد
زميت شفتي بـ عصبية
حجيت بـ عناد
مُلاذ : ما رح ارجع لـ البيت
و لا رح ابطل اطلع خوش ؟
أيهم : جربي تعاندين و شوفي
مُلاذ : تهددني ؟
أيهم : احذرج
مُلاذ : حذر براحتك وكت التسمع كلامي
و وكت تخليني بـ عين الاعتبار انفذ كلامك
اتوجهت لـ السيارة اريد اشغلها
و اروح اوكف بعيد عنه خاف يطيح
صعدت بـ السياره راح للـ الباب الثاني
فتح الباب عبالي رح يصعد وياي
فرحت لان ما رح يبقى وحدة بالشارع و اخاف عليه
دنك ، مد روحه داخل السياره و اخذ السويج بسرعه
مُلاذ : أيييييهم
نزلت متنرفزه فارت روحي من تصرفاته
انضرب عقله بـ الغيبوبه و تغير هيج ؟؟
رحت اريد اخذ السويج رفع ايده لـ فوك ما يقبل
اتلازمنا انا ويا بالشارع
احجي بـ عصبية اريد اخذ السويج من ايده
و هو رافع ايده ، اتخزينا كدام الناس
ما هامه و لا عبالك انداريت لمن صار ضوه علينا دحگت سيارة باهر وكفت ، نزل بسرعه
باهر : أيهم شكوو؟
أيهم : اخذها منا
مُلاذ : ما رح ارووووح
أيهم : اخذها باااهر رجعها لـ البيت
لو تخليها جوا يم بيت اهلها
مُلاذ : ماااا رح ارجع
أيهم : اصعدي بالسيارة و اكطعي صوتج
مُلاذ : ما رح ارررجع أيهم
أيهم : نصي صوتج !
مُلاذ : لا تنرفزني!
أيهم : اصعدي بـ سيارة باهر
مُلاذ : ما رح اصعد
باهر اتقدم يفاككنا و انا روحي زهگت
من كعد لحد الان هو بـ وجهي ما يدحك
باهر : بس صلوا على محمد
احنا بـ نص الشارع
مُلاذ : گول لـ اخوووك
أيهم : امشي اصعدي بالسيارة اخير مره احجي
مُلاذ : ما رح اصعد
سحب زندي لازمني منه
وجه كلامه لـ باهر ينتر
أيهم : افتح الباب
فتح باهر باب السيارة ساكت
و هو يدفع بيه الها و يحجي بـ صوت ناصي
أيهم : صوتج لا تعلينه
مُلاذ : من تحترمني احترمك
دخلني لـ السياره غصب ، كعدت بـ الورا
ردت انزل دفعني و لزمني مثبتني ع الكشن
صاح لـ باهر يصعد بـ جهة السايق
باهر : اصعد يلا
أيهم : ما اجي انه
باهر : شنو ما تجي ؟؟
وين تروح و انت صحتك تعبانه!
مُلاذ : حاجي حاجي لان انا احجي وي حايط
كل شي عناد كل شي عنده بدون تفاهم و عرك
أيهم : نصي صوتج جاي اگول
لحد هسه ساكت عنج و ترفعين صوتج
مُلاذ : ساكت عني كل هذا و ساكت عني
لو ما ساكت شتسوي تضربني ؟؟ لو شتريد تسوي
أيهم : بااااهر حرك
حجيت استفزه
اريد يصير عصبي و يطلع الي بداخله
لان العاطفه ابد ما فادت ويا
مُلاذ : ما عندك احساس طبعاً
اخوك ميت و انت ما هامك
احجي و اعتعت ما اريد احجي هيج
بس بلكت يتنرفز من كلامي و يحجي الي بداخله
اندار باهر منصدم بيه و أيهم ساكت
يدحك بـ وجهي ، عيونه صارن حمر و انملن دموع
رفع وجهه من كدام وجهي
طلع راسه خارج السياره ،
جان ماد نفسه و مثبتني
سد الباب و دك ع السياره من فوك
بـ معنى "باهر روح "
باهر استسلم و حرك السيارة
دحگتله بـ المراية الي بـ الصدر
واكف بـ مكانه و رافع راسه يدحك لـ الفراغ
مديت عيوني من الشباك دحگتله
سارت دمعته على خده و ملامحه جامدة
فد انقهرت عبالي رح يعصب مني ما عبالي يكبت
باهر : شجاج مُلاذ شنو السالفه ؟
مُلاذ : قبل لا تلومني و تحجي
انا گلتله هيج حتى ينطي ردة فعل
و اعتذر عن الحجيته بس ما قصدي أذيكم
أيهم ما جاي ياخذ وينطي وياي
اصلاً مو أيهم الي نعرفه انا و انت
الشر مالي عيونه اكثر من القهر
باهر : خسارته چبيره
خسر ابنه مو اخو ، أيهم روحه جانت بـ أيمن
حجاها و رفع ايده يمسح وجه
سكتت مقهوره عليهم
شغل باهر قصيدة بـ السيارة
"لا ترد مات الورد"
على الصوت
خلا ايده على وجهه و يهتز جسمه
ما يريدني اعرفه هو كام يبجي
و اليعصر الگلب اكثر القصيدة
رفعت عيني لـ الـمراية الامامية دحگتله
عيونه مدمعه يبجي و يسوق
درت وجهي لـ الجامه ساكته الوم بـ روحي
وين ما اروح شما اسوي بيه اذيه
بـ كلام او بـ افعال او بدون سبب
كل شخص الـمسه يتأذى بسببي و تحترك روحه
رجعت بيه ذاكرتي لـ اليوم الاخذت بي الظرف
انطرق الباب طرقات عديدة
طلعت اشوف منو ...
فتحت الباب دحگت لـ رجال
متغطي نص وجهه
عيونه مو واضحات بسبب الظلام الدامس
- گليله هذا الظرف من الچتال على الموعد
ترك الظرف بـ ايدي و النستله
اختفى ورا السيارة ، دخلت مستغربة للبيت
غمضت عيوني حيل ، عقلي منهار و مخنوگه ،
فتحت عيوني ادحك للشارع
لو ما ماخذه الظرف لو باقية بـ البيت لو ما طالعه
جان مات ابوي ؟ لو راكضه لـ امي
و گايلتلها كل شي جان هيج صار ؟
غاده :-
باهر بالمستشفى و احنا باقين يم اهله
هتان تنام بـ غرفة أيمن و ام أيمن ما صحت ابد
و ابوهم ماكو لا حس و لا أثر
انفتح الباب و دخل أيهم
گمت ركض لبست شالي
دحگتله مستغربه شيسوي هنا هالرجال
لعد غير مريض و نايم بـ المستشفى؟
غاده : الحمدلله ع السلامة خوية
أيهم : الله يسلمج ، اهلي وين؟
غاده : عمتي بـ غرفتها و هتان بـ غرفة ...
سكتت خاف ينقهر
و هو افتهم هز راسه بـ قبول
راح لـ غرفة امه و امي اجت يمي
جنات : منو اجا؟
غاده : أيهم
جنات : مو جان بغيبوبه؟
غاده : و الله مادري و باهر گلي رايح للمستشفى
و هسه هو جاي وحدة باهر مو ويا
جنات : دروحي قدمي اله شي خطيه
هزيت راسي بـ قبول و رحت لـ المطبخ
و انا بـ المطبخ فزيت ع صوت ام أيهم
تبجي بـ صوت و شهكتها تكطع الگلب
انقهرت و الدمعه تفتر بـ عيني
بس اسمع واحد منهم يبجي ابجي ويا
ظل يمها و انا سويت عصير الهم كلهم
كل يوميه اسوي عصير و اخلي يم ام أيهم
و هتان و ثنينهن ما يشربن بس هم اسوي
و اسوي واحد لـ أبيل انقهر عليه لا ابو و لا امه
دوم يبجي ، شسوي لـ ادهم اسويله
من اشوفه يدحگلي انا و ادهم من ابوسه لو العبه ينكسر گلبي على نظراته يظل صافن علينا
مرات بالليل صافنه و اذكر نظراته فد انقهر
گلبي يظل يوجعني عليه
ظل أيهم فترة يم امه بـ الغرفة
لحد ما اختفى صوت بجيها
طلع من الغرفة و صعد لـ فوك
اخذت العصير خليته يم ام أيهم
لگيتها باديه تغفي ، طلعت و سديت الباب
وديت عصير لـ امي و صعدت فوك
باب الغرفة مردود دحگت لـ هتان
منهاره تبجي على صدر أيهم و هو يدمع ساكت
يا ربي رح اموت من القهر و الله
خلاها تبجي و هو يلمها اكثر لحد ما تعبت
مسح على شعرها ساكت و يبوس شعرها
رفعت نفسها و حضنته و هو حاضنها
شالها نومها ع الجربايه و كعد يمها لحد ما غفت
و انا بـ الباب صافنه عليهم نسيت حتى العصير
غطاها و كام وخرت من الباب
هسه عباله اتصنت عليهم شكد عيب
طلع من الغرفة و انا سويت روحي هستوني جايه
غاده : سويتلكم عصير
أيهم : تسلمين ، هتان نامت و انه ما اشتهي
هزيت راسي ساكته ماريد الح وياهم
أيهم : أبيل وين؟
غاده : بـ غرفة باهر منومته هو و أدهم
هز راسه بـ قبول و راح لـ الغرفة
و انا نزلت خليت الصينيه بـ المطبخ
سمعت صوت أدهم يبجي من فوك
صعدت اشوفه دخلت الغرفة
أيهم : ردت اعدل نومته نايم على وجهه ..
يدحگله يريد يبرر و عينه على أدهم
غاده : لا عادي عادي هو أدهم يتنحس
بهت وجهه يدحك بـ وجهي
ما اعرف شنو الكلمة الغلط يلي گلتها
سكت يهز بـ راسه و رجع يم أبيل
أبيل كعد بـ حضن أيهم يبوسه حيل و يحضنه
و أيهم يسوي نفس الشي ابتسمت على منظرهم
اخذت أدهم و طلعت من يمهم
شويه و اجا باهر عيونه مورمه و وجهه احمر
هذا حاله من موت أيمن كل يوميه يبجي
راح بسرعه لـ المغسله يغسل وجه ،
نشف وجه و اجاني
باهر : سيارة مثل سيارة مُلاذ
طابكه كدام البيت منو اجا؟
غاده : أيهم
رفع حواجبه : وينه؟؟
غاده : فوك يم أبيل
دار وجهه و راح للدرج يصعد يشوفه
بعده ما مكمل صعدته و أيهم نزل
دحك بـ وجه باهر
باهر : يمعود وين رحت ما تگلي
ليش طالع من المستشفى؟
أيهم : جان عندي شغل
باهر : مُلاذ كلتلي تطلعك تشم هوه
أيهم : اي خوش شميت هوه كلش نقي
عكد حواجبه باهر و أيهم كمل نزلته
أيهم : وصلتها؟
باهر : اي ، أيهم شبيك ليش انت وياها هيج؟
أيهم : ما بينا شي
سكت باهر يدحك بـ وجه و نزل من الدرج
نزل أيهم ورا باهر واكف و أيهم اتقدم حضنه
يمسح على راسه ،
بعدني صافنه و سمعت باهر يبجي
گبل نزلت دموعي مسحتهن بـ الشال
عفتهم و رحت لـ الاستقبال امسح بـ عيوني
و اشرب أدهم مميه و امي اجت يمي
تقريب النص ساعه دخل باهر
شال ادهم يبوسه ، عيونه منفوخه و حمر
لان ابيض يبين بـ وجهه اذا بجى
عافتنا امي و طلعت ، اتقدمت لـ يم باهر و أدهم
غاده : تعال احمي الك العشا
باهر : ما اشتهي حبيبتي
غاده : لا تعال يلا
باهر : ما اشتهي و داعتج
معدتي هسه نار مشعوله بيها ما اتقبل اي اكل
عبست شفتي ضايجه عليه
اخذت أدهم من ايده كعدته بـ الگاع
اتقدمت و انا امسح على خده و احجي
غاده : و الله روحي جاي تحترك عليك
من اشوفك تبجي و مقهور اتمنى اكدر اواسيك
بس حتى ماكو مجال بالمواساة على سبب حزنك
اخذ كف ايدي باسه حيل
خلا على خده : أمي انتِ ، وجودج وياي كافي
گالها و اتقدم باس كصتي
ابتسمت ، حضنته بـ كل قوتي
اتمنى انطي روحي و فرحتي و اسوي كل شي
حتى اشوفه يضحك و مرتاح بس مو بـ ايدي
وخرت راسي من صدره
خليت ايدي على خده و انا احرك ابهامي عليه
غاده : انتبه على روحك ما عندي غيرك انا
بس أنت و أنت كل اهلي و ناسي
باهر : انتِ هم
هزيت راسي بـ قبول ساكته
و هو اخذ أدهم من الگاع شاله
راح اتمدد ع القنفه و انا اخذت اله
غطى و مخده و تمددت يمه لحد ما نام
مُلاذ :-
كاعده بـ الگاع و صافنه
التشيرت بـ ايدي و النستله كدامي
و صوت الچتال ينعاد بـ التسجيل و هو يهدد ابوي
الرصاصه بـ ايدي و الظرف كدامي عنوان الچتال يلي لگينا بـ مكتب ابو جسار فوك الظرف
وين غلطت ؟ و شنو فوتت؟
شنو الثغرة يلي سحگتها و راحت مني؟
الچتال شلون و منين رح الگاه ؟
تمددت بـ الگاع لامه رجليه لـ صدري
و بـ ايدي التشيرت حضنته لـ صدري و غفيت
فزيت على دگة باب عاليه رفعت راسي مخترعه
گمت ركض لبست شالي و طلعت لـ الباب
فتحت الباب دحگت مصدومه
لـ أيهم يلي عيونه حمر و ساند روحه ع الباب
عگدت حواجبي مستغربة : أيهم ؟؟ أيهم شكو؟؟
دخل خطواته ثگيله و انا صافنه
سكران ؟؟ بس لا سكران لا يربي
جاي يمشي و وكع بـ الگاع بين باب الصاله و باب الغرفه ركضت عليه كنبصت ، لزمت وجه اهز بي
مُلاذ : أيهم أيهم شكوووو أيهم شبييك؟؟؟
دحك بـ السكف مخنوك و تدريجياً صار يبجي
و جسمه يهتز ، اتقربت عليه اشم
ما بي ريحة شرب رفعت راسي دحگتله
شلت راسه خليته على رجلي و هو مخنوك يبجي
و دموعه تنزل على جوانب وجه ، عبست شفتي
لحظه تمنيت ابجي بيها و اطلع قهري
اتمنيت اكدر اعبر عن حزني و روحي المحروكه عليه
حجا و هو يبجي و يغص
أيهم : ما حميته و مات
صوتي ما يطلع انبلع لساني
و الغصة محصورة بـ بلعومي غير تطلع و ابجي
بس ما جاي اكدر اذا حاولت ابجي
ف هاي معناها اتصنع البجي
لان حتى دموعي ما راح ينزلن بس صوت
أيهم : انفجر أدهم و اندعم أيمن كدام عيني
يا جَرح گلبي يا نار التحرگني بعد نارهم؟
حجاها و غمض عيونه يبجي
جسمه يهتز ، بابا جان يگلي الرجال ما يبجي
الا اذا فد شي صدك مأذي و أيهم جانت روحه
تعبانه بـ شكل بحيث يوصل بي يبچي
امسح دموعه و يرجعن ينزلن و يبچي
خليت ايدي جوا ظهره حسيت شي رطب
رفعت ايدي دحگتلها وسعت عيوني مصدومة
ايدي كلها دم ، درته بـ صعوبه بس اريده يندار
صار وجهه على رجليه و قميصه كله دم
وخرت وجهه بـ هدوء من على رجليه
و گمت بسرعه كعدت يم ظهره
رفعت القميص و كشفت ظهر ، ازدادت صدمتي
رفعت ايدي الترجف خليتها على حلگي مذهوله
ظهر أيهم مجروح و مشخط و مخطوط اسم
أدهم و لـ جوا أيمن بس بالانگليزي
كعدت صافنه و ظهره ينزف ، سندته عليه
گوه يلا وصلته لـ القنفه نزعته قميصة
نومته على بطنه
ركضت ادور علبة الاسعافات ،
لگيتها اخذتها ، عقمت الگطن اخلي على ظهره
و اضمد ظهره و هو ما ينطي اي ردة فعل
انا من يمي اتاذى و هو و لا يمه
خلصت ظهره و بقيت صافنه
گمت سديت الضويات و هو بعده متمدد
اتقدمت كعدت بـ الگاع ساكته ، الدنيا فجر
مُلاذ : اسفه كل الي صار بسببي
رفع نفسه كام كعد ، تجى راسه ع التچوه
و يدحك لـ السگف صافن
وكف بـ صعوبه و توازنه يختل
گمت وكفت كدامه اسنده ، حجا بـ تعب
أيهم : وخري
مُلاذ : كافي أيهم تعبت تعبت من برودك
بكل موقف لازم هيج تسوي بكل موقف يأذيك!
عكد حواجبه ساكت
و ايده فوك ظهر ايدي يلي على بطنه خاف يوكع
مُلاذ : اذا تلومني احجي گلي
لزم كصته متوجع من الم راسه
وخر ايديه و مشى حجا و هو يمشي
أيهم : ساعه ٥ الگاج بالبيت
ما ترحين لـ مكان غير المكتب
حجاها و شمر سويج السيارة ع الميز
طلع و سد الباب زفرت نفس بـ عصبيه
حاولت اهدي روحي
رحت غسلت و بدلت ملابسي و طلعت
رحت لـ المكتب ، ظليت وحدي
صافيناز جانت تساعدني
و ترتب شغلي هسه كل شي مخربط
لا اجتماعاتي اعرفها شوكت
و لا شنو جان ببالي اسوي بـ هذا اليوم
رحت لـ المحكمه عندي جلسه و متأخرة عليها
لو ما مخاربني موكلي جان ظليت ناسيتها
دخلت ركض و لبست الجُبه بـ باب القاعه
انتهت الجلسه لـ صالحي طبعاً
و جان عندي موعد ثاني و هم رجت اركض
و انا اركض انكسر الكعب بيه و انلوت رجلي
اجيت ادك و الطم ،
اخذت الحذاء الي مخليتها احتياط بـ السيارة
رجلي توجعني گوه ادوس عليها
هم رجعت اركض اريد الحك
دخلت المحكمه النفس يصعد ما ينزل
جريت بطل المي شربته و بعدين تأجلت الجلسة
طلعت من المحكمه رجلي توجعني
و ادوس عليها بـ صعوبة ، صعدت بـ السيارة
دحگت لـ الساعه اتذكرت ملاك رح تطلع
درت الستيرن ، رجعت ظهري لـ ورا
طلعت من المكان يلي راكنه بي سيارتي
اتوجهت لـ مدرسة ملاك
رجلي اضغط بيها ع البانزين تظل توجعني
وكفت بـ باب المدرسة انتظر ملاك
لحد ما طلعت و اجت صعدت
اخذتها و رحنا لـ بيت اهل أيهم
نزلت سلمت عليهم و ام أيهم مخليلها مغذي
كعدت يمهم شويه و طلعت اخذت أبيل وياي
من نزلوا نزل ويا ملاك گلتلها يبقى يمهم
لحد ما ارجع ،
حركت سيارتي و رحت لـ الصيدليه
ردت الف باندج گلي ابو الصيدلية
"لو تاخذين اشعه افضل"
زفرت نفس تعبانه و رحت لـ المستشفى
اخذت اشعه طلع ما بيها شي
بس ملويه و توجعني اشتريت باندج
و رجعت دحگت لـ المستشفى
حسيت صار الوقت الاسأل بي عن مرضي
اتقدمت خطوه اريد اروح و اسأل
و تراجعت خطوه متردده ما راح اكدر اصمد وحدي
درت وجهي و صعدت السيارة رحت اتسوكت
و مريت ع الجهال حزن و البقية شفتهم
و شفت اهلهم صارلي هواي ما رايحة الهم
لان مشغولة اتقدمت حزن تسلم عليه
حزن : ماما مُلاذ
ابتسمت و گلت : عيوني
كعدت ع الرصيف ادحگلهم
و همَ مكيفين بالشغلات الجبتها الهم
اتقدمت حزن كعدت يمي
حزن : ليش ما تجينا ؟
مُلاذ : ما جان عندي وكت
حزن : و عمو؟
مُلاذ : منو؟ أيهم ؟
حزن : اي
مُلاذ : هو هم مشغول
حزن : لا تضوجين
مُلاذ : ليش اضوج؟
حزن : احسج ضايجة
ابتسمت ساكته
احس سجينه تجرح بـ بلعومي
من كد الالم يلي صار بي
مُلاذ : ماما مُلاذ اذا اختفت عنكم ادعولها بالرحمه هي هم تمام ؟
حزن : لا لا تگولين هيج
مُلاذ : ليش ؟
حزن : غير بس اليموت ندعي اله بالرحمة؟
مُلاذ : الرحمه تجوز للحي و لـ الميت
حزن : لعد دائماً رح ادعيلج بالرحمه
مُلاذ : حبيبتي انتِ
ابتسمت ابتسامة واسعه بست شعرها
شوي و گمت من يمهم ، اشتريت خط
خابرت لـ امي اسألها اذا محتاجين شي
گلتلي ملاك تريد غراض من المكتبه
رحت لـ المكتبة و جبت الغراض
و رجعت رحت لـ بيت اهل أيهم
وديت الهم الـمسواك و ادوية لـ ام أيهم
ودعتهم و طلعت ، غربت الشمس
رجعت لـ بيتنا انطيت الـمسواك لـ اهلي
ظليت يمهم شويه و صعدت دخلت لـ البيت
رجلي تصل عليه من الوجع كعدت و لفيتها
دخلت المطبخ دحگت أيهم كاعد ع الكرسي
أبيل يلعب بـ حاسبته ، اتقدمت ساكته
دنگت بوست خدود أبيل ، أيهم انتبه لـ وجودي
فتحت شعري نثرته ، رحت اخذت مي ، شربت
انداريت عاگده حواجبي لمن أيهم گال
أيهم : انه شنو حجيت؟
دحگتله مستغربه واكف و عاكد حواجبه
و لا أبيل و لا الحاسبه موجودات
رحت ناحيته خليت بطل المي على الميز يلي يمه
وكفت گدامه ادحگله : شحجيت؟
قلص عيونه يحجي بـ عصبية
أيهم : انتِ تتغابين لو شنو السالفة؟
مُلاذ : أيهم شنو شحجيت ؟
راسي الصداع ماكله و كل شي تحجي
ما جاي اسمع عدل و لا افهم
كز على اسنانه و حجا
أيهم : مو گلتلج حدج الخمسه العصر لو لا؟
مُلاذ : ها هاي ، اي گلت
أيهم : و گلت مُلاذ بعد مالج طلعه بالليل
انسيها هالسالفه بعد ماكو ، مو حجيت هيج ؟؟
عضيت شفتي السفليه اسيطر على نفسي
و اظل هادئه ويا لان اسلوبه و طريقة كلامه تغث
مُلاذ : اي ؟
أيهم .: انتِ تسوين بالعناد لو شنو؟
مُلاذ : يا عناد انت شبيك ؟
انا شغلي اليوم لـ فوك راسي يگلي عناد
أيهم : لو تحترررك الدنيا طلعه بالليل ماكو بعد
ساعه اربعة لو خمسه العصر انتِ بالبيت خووووش؟
مُلاذ : اول شي لا تنتر و تعلي صوتك عليه
تدري بيه لا اخاف و لا اهتم
ثانياً انا من يوم الي تزوجنا لحد هسه
ما طالعه بالليل ارجع بالليل اي بس ما طالعه
و اذا ارجع بـ الليل فـ لان عندي شغل ...
قاطعني و هو رافع اصبعه بـ وجهي
نتر يأكد على كل كلمة
أيهم : لو تحترك الدنيــااااا ما تتأخرين
مُلاذ : انا ما طالعه ونسه طالعه اخلص شغلي!
تعذرني ما اكدر اعوف الدنيا تحترك
لان انت تريد تتحكم
خلا ايديه ع الكرسي ينتفض من الغضب
غمض عيونه حيل و حجا
أيهم : لا تعانددين
لا تخليني اتصرف وياج غير تصررف !
مُلاذ : ما اعرف على شنو كل هاي العصبية
جاي اگلك جان عندي شغل و دوم عندي شغل
بس انت رافض تفتهم و بس تريد تعصب
أيهم : لان كل همج العناد
مُلاذ : انا مو طفله حتى اكعد اتعاند وياك
وكت الي اخلص بي شغلي من وكت ارجع من وكت
تاخرت لحد الليل لان عندي شغل ارجـ....
و انا احجي رفع ايده يلي على ميز الطعام
فوك الميز جامه ، ضربها حيل بـ جف ايده
و صاح بـ نفس اللحظه
أيهم : حددددج لـ العصر من المكتب لـ البيت
و من البيت لـ المكتب غيرررها ما ترحين لـ مكان
تريدين تسوي شي زايد توصلين اختج لـ دوامها بسسس
حجاها و رفع راسه يدحك بـ وجهي
و انا ادحگله بـ استغراب ،
اتجولت عيونه بين عيوني ، دحگت أبيل واكف بـ باب المطبخ خايف ، فد انقهرت من تصرفاته بس اگول بعده مصدوم بـ موت اخو و اسكت عبرته و مشيت اعرج اخذت أبيل وياي و هو خايف
أبيل : شبي بابا ؟
مُلاذ : مابي شي تنام لو نشغل تلفزيون؟
أبيل : نشغل تلفزيون
هزيت راسي بـ قبول رحت فتحت التلفزيون
اتقدمت شلت اللابتوب يلي يم أبيل سديته
و دنيته على جهه و كعدت يم أبيل
اتصرف طبيعي و بـ داخلي نار
على كل حركه جاي يحاسبني على كل شي
خليت ايدي ع التچوه و سندت راسي بيها
نظري ع التلفزيون بس ما جاي اتابع
درت عيوني لمن طلع من البيت و سد الباب
مسحت وجهي بـ اثنين ايديه ، اخذت تلفوني
رجعت شعري ورا اذاني
خليت التلفون على اذاني يرن لحد ما جاوب
مُلاذ : اسد أيهم طلع
اسد : شفته و حاي الحگه
مُلاذ : انتبه لا يصيرله شي
الرجال الگلتلك عنه شنو وضعه ؟
اسد : مستقر عنده بس كسور
اتوقع و يمكن شلل
سمعت الاطباء يخلون هاي الاحتمالية
خل يصحى و نشوف
خليت ايدي على كصتي ساكته
اسد : هو منو هذا ردت اطلع كل سوالفه
بس بطلت لان انتِ تعرفينه گلت يمكن ما تريدين
مُلاذ : غلس المهم اسعفنا و عايش
سديت الاتصال ، انداريت لـ أبيل
يلي نام على رجلي مسحت كتفه
و دنگت بست شعره ، كام كعد على رجليه
خلا راسه على صدري يتابع كارتون
لحد ما غفى شلته نومته بـ فراشه
صدري مخنوك احس روحي رح اموت من الخنگه
كل شويه اشهك ما اكدر اتنفس عدل
رحت غسلت و بدلت ملابسي ظليت كاعده
لحد ما صار وضعي احسن شويه
و أيهم بعده لسا ما جاي ،
اتقدمت وكفت يم الشباك انتظر ، خابرت اسد
اسد : راح لـ بيت قريب عليكم
وراح لـ مكان هم بس ماكدرت اعرف منو بي
لان هو بيت و سد بابه ، هسه اجا لـ صيدلية
و اتوقع راجع لـ البيت
مُلاذ : تمام
ظليت واكفه انتظر لحد ما شفت التكسي وكفت كدام بيتنا و أيهم نزل منها انداريت
اريد اركض و رجلي وجعتني كلش و اللفاف فلت
اخذت الكلبسه مالته و رحت لـ الغرفة شديته عدل طفيت الضويات ، اتمددت ، سويت روحي نايمه
شوي و انفتحت الباب
و انا راكده بـ مكاني احاول انام
فتح ضوه التيبل لامب يلي بـ صفه
غمضت عيوني حيل لمن حسيت ايده على رجلي
فتحت عيوني ع النص ادحگله ،
كعب رجلي بـ ايده ، يفتح الباندج بـ هدوء
يريد يفحص رجلي بدون ما اتاذى و افز
بس ما يعرف شلون ،
لمن يدحگلي اغمض عيوني عود نايمة
لمسها من جوا و ضغط بـ اصبعه
بس مو ضغط قوي ، كامت توجعني
تحركت مزعوجه عود تاذيني بس غافيه
عافها و دهنها ، شمر الباندج ، گام
فتحت عيوني ادور عليه ماهوه كدامي
درت راسي بـ هدوء ، فاتحه نص عين
لگيته يبدل نزع تشيرته ، عيني على ظهره
اسم أدهم و أيمن صاير ندبات كلش جبيره بـ ظهره
بس لو اعرف شلون كدر يسوي هيج بروحه
حفر اسمهم بـ ظهره مو وشمه حتى
درت وجهي و رجعت اسوي روحي نايمه
شوي و صارت الغرفه ظلمه كلش
و الجهه الثانيه من الجرباية نزلت ، الوم بروحي هسه انا شبيه ارجف لـمن نام وراي
قابل اول مره ينام يمي لو وراي !
كتمت نَفسي اليرجف لمن عبر ايده من فوك بطني بلا ما يحضنها ، بس مخلي ايده محاوطتني
رگبتي و شعري يلفحهم نَفس حار ، همس
أيهم : انه شلون اكدر بدون ريحتج ؟
ما اريد انحرم منج اموت لو انتِ هم رحتي
غمضت عيوني حيل لمن صارت شفته على رگبتي
بعدين صات ارنبة خشمه تتحرك عليها
استقرت انفاسه على جانب رگبتي و شفايفه عليها
شهگت لمن باسني حيل بـ شوغه ، كمل بلا اهتمام
عبالك ما سمع شهكتي او سمعها و ما اهتم
رفعني بـ ايديه ثنينهن من خصري
يدورني منا و يوديني منا بين أيديه
اندمجت ويا نسيت كل تصرفاته و عاذرته
بس انا اعصب من كل شي و اتنرفز
ما اقبل احد يعاملني مثل ما هو يعاملني
رگبتي ، شفتي ، احس نار اشتعلت بيهم
غمضت عيوني حيل ، ايدي على شعره
لحظات ، گام مبتعد شعره مخربط
و تعابير وجه تعبانه عافني و طلع بسرعه
خليت ايدي على رگبتي و نزلتها بيها دم
حتى شفتي ، هزيت راسي ساكته
جريت كلنس من يمي خليته عليهم
ما ادري اروح و اشوفه وينه
لو اظل بـ مكاني و اسكت ، احتاريت
گمت و طلعت من الغرفة ادوره ما لگيته بالبيت
رحت لـ الشباك فتحته و مديت راسي
لگيته كاعد كدام الباب الجوا مال شقق ع الدرج
اخذت شالي و خليت على جسمي جاكيت
اغطي بي ملابسي و نزلت ، فتحت باب الشقق
لـ برا اكو باب ثاني مال شارع
هو كاعد يم الباب الي ندخل منه للشقق
مو باب الشارع ، دحگتله على حاله و يدخن
اتقدمت كعدت يمه حجا
أيهم : اصعدي
ما جاوبته كعدت يمه ساكته
أيهم : اصعدي گلتلج
خليت نظري لـ كدام و حجيت بـ هدوء
مُلاذ : الكدامي رماد لو أيهم ؟
انداريت دحگت بـ وجه و هو صافن بـ وجهي
دار وجهه و دخن ، زفر الدخان ، حجا بـ حده
أيهم : ما يفرق نفس الشخص .
مُلاذ : لا مو نفس الشخص بالنسبه الي
اذا رماد فـ راح اعذرة لان خسارته چبيره
بس اذا أيهم تأكد ما رح اظل يمه دقيقه
و هو ما يريدني و لا يريد وجودي
ما جاوبني ظل ساكت انا هم سكتت
اختنگت و احس روحي بعد ما اكدر اتنفس
حسيت راسي اجت اله ضربه قوية و صداع حاد
غمضت عيوني حيل ، فتحت عيوني ادحك
احس النفس ماكو ، ما ردت اقلق أيهم
صعدت لـ فوك و انا اشهك بـ النفس گوه اتنفس دخلت الحمام هستوني اريد اغسل وجهي ،
وصلت لـ المغسل و تقيأت دم
راسي و اذاني احس بيها صوت مال ون
مادري شجاي يصير بيه حالي اتبهذل
اريد اندل المغسله و افتحها ما اكدر
عيوني ظلام كدامها ، و شفايفي احسهن يرجفن
و لزمتني كحه بلعومي شحط احسه
غسلت بـ صعوبه گوه افتح عيني
حاولت اغسل المغسل ما اكدر روحي رايحة
رشيت بي اي شي لگيته كدامي و طلعت
بس اريد اوصل لـ الجربايه خاف يغمى عليه
لو يصير بيه شي ، وصلت گوه
شمرت روحي بـ مكان أيهم ، تغطيت
غمضت عيوني جسمي نحلان
احس اذاني تصفر ، فتحت قرءان يم راسي
لعل و عسى يهدء و لو شويه من وجعي
ريحة عطر بابا بـ مخدة أيهم
احس روحي نايمه بـ حضن بابا مو ع المخدة
غمضت عيوني تعبانه مره احس
على ايد تمسح على شعري لو تلعب بـ شعري
احسها ايد بابا حتى ما اكدر افتح عيوني
و ادحك ،
اذاني بيها صوته ، يلي بدا يتلاشى من ذاكرتي
ما اتذكر غير كلمة "مُلاذي" ، "مُلاذي بنتي الحلوة"
كوابيس و خنگه و عيوني احسها تطلع نار
احس على شي على رگبتي مثل الگطن ما اعرف
رجعت غفيت و فزيت اشهك من الكوابيس الشفتها
غمضت عيوني حيل و اذاني بيها صوت يون
مسحت العرك المتصبب من گصتي
رفعت عيني ادحك بس انا وحدي بـ الغرفة
درت وجهي و گمت رجليه ترجف احسها
بطني توجعني و گلبي ،
احس روحي صارلي سنين نايمة
وكفت غسلت وجهي و ادحك لـ روحي بـ المراية
عيوني حمر ، نزلت عيني لـ رگبتي
عليها لاصق جروح ، عگدت حواجبي مستغربة
تلمستها ، اتذكرت من جنت احس بـ شي عليها
عرفته أيهم هو المخليلها لاصق جروح
درت عيني و طلعت من الحمام الدنيا صبح
و أبيل نايم بـ غرفته و أيهم ماكو و وقت دوامي رايح
و كومه مكالمات جايتني و رسائل من موكليني
تعبت كلش ، عفت كل شي و كعدت صافنه
شلون احجي لـ أيهم و أهلي على مرضي؟
صارلي شكد اعرف بس ما گلتله كل شي اجا فوك بعض لـ درجة نسيت انا مريضة و يوم عن يوم الاعراض تزيد و يزيد خوفي و ما رحت و سألت
أيهم ازيد وجعه اذا حجيت اله
و اهلي يتدمرون اذا عرفوا امي و ملاك يتخبلون
مستحيل رح ينطون ردة فعل عادية و راح يصعب عليه اقنعهم ، يا ربي وحدك تكدر تساعدني
و تعينني
كعد أبيل و ريگته وراها نزلته يم اهلي
و طلعت ع الاقل الحك على اخير جلسات
و فعلاً خلصت اخير شي و رجعت لـ البيت
و هم تعاركنا انا و أيهم و هو شيلگه كدامه يكسر
ظل هذا حالي انا و أيهم كل يومية عركه
ليش تطلعين وحدج ؟ لو ليش تأخرتي
وين رحتي و ليش رحتي
ليش ما تسمعين كلامي ، ليش تسوين بـ عنادي
عَقدني و صار انسان بارد
بالبداية جان ينام يمي لو يحاول يحضنني
هسه اصلاً ما يجي لـ البيت
بس من اخابرة على أبيل يجي يشوفنا و يروح
ما ادري بي وين حتى ،
ما اكدر اخلي اسد دائماً مراقبة
و يلحكه وين ما يروح هو مو صغير
اصلاً اسد محتار بـ وضع ابو انا وصيته يشوف وضعه و يگلي شنو اليصير و الما يصير
صحى أبو أيهم بس عنده كسور هواي و قوية
طلع من المستشفى و كل خوفي يرجع أيهم
و يسوي اله شي گلت لـ اسد يلحك ابو أيهم
بس يگول طلع بـ طريق خارجي
و بعد ما كدرت الحگه
تعجبت ليش ما مشتكي على أيهم ؟
يمكن يحب أيهم بس أيهم ما يحبه
زين ليش محد بيهم مستغرب من هالحدث ؟
وين اكو واحد يدفع ابو من السطح و يموته
و يظلون ساكتين واحد ع الثاني و ما يحجون
عندي رقم الممرضة اسيل اسألها عليه
تگلي ما جاي حيرني و اذاني بـ تصرفاته كلش
اول مره هيج تحترك روحي على شخص
نزلت يم امي و ملاك رح اموت من الخنگه
أيهم ماخذ سيارتي و السويج
و تعبت من العرك ويا شكد ما احاول افهمه
ما اكدر ما اعرف ليش هيج يسوي وياي
بكل مكان مخلي كاميرات كدام باب الشقق
و بالشارع و يم شقتنا و يم شقة اهلي
حتى بـ مدخل شقتنا مخلي كاميره
و ما يقبل يگلي عليمن كل هالحرص هذا !
صرت كل ما ادحك بـ عيونه ما المح أيهم اليحبني
مجرد شرارة انتقام تلمع بـ عينه و ابتسامة شر
تعبني غموض حياته
كل مشاكلنا صارت على هذا الموضوع
استفزه بس اريده يحجي و يفهمني
شبي و شكو و شصاير
بس ما يحجي و لا يفتح حلگه بـ كلمة
هو الي يصير يستفزني بـ برودة و هدوئه
يخليني اشيل روحي و ارگعها بـ الگاع
و اهلي يصعدون على صوت صياحنا
يستفزني يضوجني لا الحجي عدل فاد
و لا الصياح فاد و لا من اكعد و احاول اواسي يعوفني و يكوم يروح انزل الگا يدخن و يدمع
اريد اكعد يمه ما يخليني و اذا لحيت
يجرني يصعدني فوك و يظل يصيح
"مو گلتلج اصعدي و لا تنزلين"
و ذولة منا بالسطوح يشوفونا و يتخبل عليه ،
كلش صرت انقهر منه و احس يحرك بـ روحي
و انا الجنت اظنَ بس هو يداوي جروحي
اشتاقيت لـ حالته القديمة و ضحكته و سوالفة
و من جهه اگول مو سهل العاشه
خسر اخوانه ثنينهم و اهله متدمرين
بس ما جاي ينطيني فرصه حتى اساعدة
اذا اريد احضنه ما يحضنني و لمن ابتعد عنه
يدور وجه و يطلع من يمي بلا ردة فعل
صار بعيد عني رغم هو كلش قريب مني
حتى ما اعرف اذا هو مثلي منقهر لو ضايج
وجهه ما يكصه الطبر و يجاوب اجوبة مختصره
باقي اليوم ما موجود بالبيت و مادري اذا يروح
لـ شغله
لگيته ناشر ورا فترة طويلة هو ما يحب النشر
بس بهاليوم لگيته ناشر كلام
"يعتذر مني على ذنب انا ارتكبته"
هالكلام خلاني حايرة و صافنه
بـ يوم اجا بالليل بدل و طلع عبالي ياخذ سيارتي بس ما اخذها راح بـ سيارته ،
ردت اشوف وين يروح و ليش هيج يتأخر
نوب افكاري زفرة تخيلت متزوج عليه
وين يروح هلكد و ليش صاير ما يحبني
حاجيت امي تصعد يم أبيل
من اجت ، اجتني مخروعه و ما تخليني اطلع
لان الدنيا نص الليل بس انا دكيت رجل
و طلعت ركض ، صعدت و لحگته
احاول اصير بعيده منه طر الفجر و احنا نسوق
لحد ما وكف كدام المگبره و نزل مخنوك
عرفته رح يجي لـ هنا نزلت ورا
هو دخل حاني ظهره و انا خطواتي ترجف
المگبره دخلتها بس بـ موت بيبي و الطفل
الاندعم بـ سيارتي ، كل ما ادخل
اتذكر بابا هنا موجود
بس ما اكدر اروح اله رجليه گوه مثبتتهن
حتى ما تاخذني خطواتي اله و الله انهار
اعرف روحي مستحيل ابقى مثل هسه وضعي
و اتحمل كل شي ، اذا اشوف گبره اتقبل موته
و انا ما اريد اتقبل لان هو عايش بـ روحي
من مات لحد هاي اللحظه ما شايفة گبره
تقريب الـ 15 أو الـ 16 سنه
شلون صبرت روحي ما اعرف
درت عيني امسح بـ كصتي و هادئه
لحگت أيهم لگيته نايم يم الگبر و يحجي
أيهم : اتأخرت بس اجيتك
ما تنام وحدك هنا لا تخاف
يحجي هالكلمة و يرددها و انا كاعده وصافنه
ما يدري بـ وجودي لان كاعده بعيد بـ مسافة
لحد ما صار جسمه يهتز ، عرفته يبجي
گلبي ينمرد عليه يقاوم و يكابر هواي مثل حالتي
هم جنت ما اتقبل شخص و لا اتقبل مواساة
بس هو هسه ما ينطيني مجال
مر على موت أيمن شهر و كل ما احاول وي أيهم يرگعني بالگاع بـ تصرفاته
اتذكرت تصرفاتي وي امي
هم هيج جنت نحسه و ما اتقبل شي
و بعدني ، بس هسه حسيت بـ تعبها و نار گلبها
كل ما اتذكر روحي بـ مراهقتي
و شكد تعبت امي ودي اطم روحي
ندمت من يوم الانخطفت لحد هاللحظه
بقيت احاول اصحح غلطي و أكون أبنه بارة الها
حتى لو مرات اتصرف بـ طيش و اجذب عليها
بس لان ما اريدها تقلق و تخاف عليه
أيهم ظل هيج حسيته غفى تدنيت بـ هدوء عليه
لگيته صدك غافي بقيت كاعده
ماكدرت اعوفه و اروح و المگبره تخوف
كل شويه احس رح يطلعلي واحد من جوا الگاع
ظليت كاعده يمه غمضت عيوني ، فتحتها
لگيته مفتح عيونه بـ وسع يدحك بـ وجهي خازرني صرخت صرخه من الخرعه و بسرعه كممت حلگي
بـ ايدي ، گلبي صار بـ بطني
انداريت مخروعه و اتلفت و هو گام بسرعه
يجر بـ ايدي و يحجي بـ عصبيه
أيهم : شجاااابج هنا انتِ شجابج!
اريد احجي ماكدر لساني انبلع
اخترعت خرعه من فتحت عيوني و لكيته خازرني
نوب الدنيا فجر و بـ نص الگبور كاعدين
و هو عيونه بين الظلمة تدحگلي خلتني افطس
شافني ساكته و مخروعه لزم ايديه
و گومني من مكاني ، ينتر بيه و يمشي
أيهم : شتسوووين هنا شتسوين !
رحنا لـ سيارته و هو يصيح عليه
أيهم : شجاااابج بهالوكت لهنا شجابج؟؟؟
يعيد الكلمة مرتين مرتين حسيتها اغنية
شتسوين هنا شتسوين
شجابج هنا شجابج تيرارا شجابج تيرارا
مُلاذ : خفت عليك و لحگتك
كافي تصيح حتى الموته كعدو
اندار عليه خازرني و انا سكتت
صعدني بـ السياره و طبك بابها حيل
خليت ايدي على گصتي استغفر
صعد بـ جهة السايق و شمر بطل مي بـ حضني
أيهم : گلتتتتلج الف مرررره لا تراااقبين
مُلاذ : ما مراقبتتك حرام اخاف عليك و الحكك؟
تطلع و ايام ما ترجع حتى ما ادري بيك عايش
لو ميت جاي تنتقم مني انت لو شنوو!
أيهم : مُلاذ لاااا تتدخلين روحي و ابقي بالبيت
و يم اهلج محد عاتب عليييج تلحگيني و تخافين
مرة الثانيه اذا عرفت لاحگتني لو طالعه بالليل
قسماً بـ الله اتصرف وياج غير تصرف
مُلاذ : انت من شنو هيج خايف ؟؟
من شنو اريد افتهم انت حتى من كعدت
ما جنت تعرف اذا الحادث مدبر الي لو صدفة
انا احجي و هو يقاطعني و يصيح عليه
لحد ما اتعاركنا و نزلت من يمه رجعت بـ سيارتي
نزل وراي ، قفلت بيبان السياره و خازرته
وكف يدك الشبابيك يريد انزل اصعد ويا
راح لـ سيارته و اجاني بـ ايده بسمار
أيهم : و العباس افشش التايرات
مُلاذ : شلوووون اعوف سيارتي هنا !
أيهم : محد گلج تجين وراي
مُلاذ : غبيه صوجي لو مخليتك هنا
جان دفنوك وي الموته من ورا نومتك
حتى بـ البيت ما تنام هيج
أيهم : عساهم دفنوني
مُلاذ : شكد مكروه صاير
أيهم : احجي عدل لا اطيح حظج و انزلي يلا
مُلاذ : و الله ما انزل ديلا
دچني بـ هذا البسمار و هاي المگبره قريبه
ادفني و هسه اكتب وصيتي ما يسجنونك لا تخاف
ضم شفته متنرفز دفر السيارة
و نزل فشش التايرات اربعتهم بـ البسمار العنده
خلاني ادك و الطم ، نزلت من السيارة
اكمز و اصيح بـ عصبية ، رفع راسه دحگلي
كام وكف فتح باب السياره جر السويج قفلها
سحب ايدي لازم زندي حيل و يمشيني كدامه
مُلاذ : البسمار شيسوووي عندك
أيهم : ادجج بي الما يعجبني
مُلاذ : الله اكبر عليك و على حظي
أيهم : سدي حلگج
مُلاذ : و الله ما اسد حلگي و الله ما اسكت
سد حلگي بـ أيده و لازمني بـ الأيد الثانيه
و انا ارافس ، قهرني كتم صوتي
بعد ما اكدر اسولف و اطلع حرگتي
صعدني بـ سيارته و انا سكتت تعبت من العرك
و هو اصلاً ما يخليني افتهمه
ساق السيارة طاير بين السما و الگاع
فتحت راديو السيارة ، اندار دحگلي بـ طرف عينه
رابط تلفونه بيها ، جر تلفونه و شغل قصيدة "وينك"
اتجتفت ، ظليت ساكته اسمع للقصيدة
درت عيني اله عينه ع الطريق
دموعه تنزل على خده و هو هادء
عبست شفتي ساكته ، دنيت نفس عليه
حضنت وجهه بـ ايديه
وكف السيارة على صفحة
يمسح بـ وجهه و يتنفس حيل
احس نار مشتعله بـ صدره و هو مخنوك
ما يريد يبجي كدامي و لا يريد يضعف يمي
و يتعامل وياي غير عن قبل
بس انا اعرفه هو مقهور گلبه محروك حرك
على أيمن و لا انا و لا الف واحد غيري
رح يكدر يواسي ،
بلع ريگه ، طفى السيارة و نزل منها
ظليت كاعده لحظات و نزلت ورا
ما اتحملت ابقى كاعده و هو نار صاير
اكثر شعور اكرهه شعور الحيرة
دوم لازم يتأذون الناس الي احبهم
بس ما اعرف شلون اتصرف وياهم
و اواسيهم ، وقتها احس بـ عجز
بس رب العالمين يعرفه و يعرف شيصير بيه
يروح و يرجع بـ مكانه وگفت ورا
راد يمشي سحبت متنه و درته الي بسرعه
بست كصته ، صوته محتقن و عيونه مدمعه
خليت راسه على كتفي ، امسح على ظهره
شهك يبجي ، روحي انمردت عليه
مر اكثر من شهر ع موت أيمن
و هو من يوم وفاته لـ هاليوم هيج
حتى لو ما يبجي گدامي بس اعرفه يبجي عليه
صوت شهگاته و بجيه يذبح ، محد يشوفه هيج
الكل يشوفونه انسان عايش حياته ورا اخو
بس ما يدرون بي كدامي شصاير بي
بس انا يمي يكون بـ هذا التعب
و يطلع مشاعره كدامي بدون ما يتردد
و هسه يريد يغربني عنه مثلهم
ابتعد يمسح بـ وجهه
أيهم : اصعدي
درت وجهي و رحت صعدت السيارة
اجا هو هم صعد ، ردت اطفي الراديو ما قبل
و انا صافنه رن تلفوني نزلت عيني دحگت رقم اسد ، دحگت لـ أيهم عاكد حواجبه و يدحك للاسم
أيهم : منو هذا !
مُلاذ : اسد الجان واكف حماية ببيتنا
أيهم : شعنده داك عليج ؟
مُلاذ : ما ادري هسه اشوف
ردت اجاوب جر التلفون من ايدي و جاوب هو
ردت اخذ التلفون خزرني و رفع اصبعه بـ وجهي
بـ معنى اوكفي ، فتح المكالمة و حجا
أيهم : الو ، زوجها ، ليش ؟ ، تمام
نزل التلفون و سد الاتصال بوجه
مُلاذ : انت شبيك ؟؟
أيهم : داك عليج من الصبببح شبيه ؟
مُلاذ : جاي تحجي حجي كلش يغث
و ما اله اي داعي ، اكيد داك عليه علمود شغل
أيهم : ما گلتلج داك عليج علمود شي ثاني
بس انه مو **** حتى اقبل مرتي
تحجي وي زلم و واحد داك عليها من الصباحيات
مُلاذ : الزلم الاحجي وياهم علمود شغل
أيهم : اي حَده يحجي الشغله اليريدها
و ينجب و يسد المكالمة
مُلاذ : لا رح اكعد اسولف ويا
أيهم : مو ادري بسوالفج يظل ياخذ و ينطي
و انتِ تسايرين خلص الكلام اليريده تسدين التلفون بـ وجهه !
جريت نفس ، شكد احاول اسكت روحي
ما اريد اضغط عليه و اتعارك ويا اكثر
رجعنا لـ البيت
ثاني يوم لان فشش تايرات سيارتي
اروح وياه لـ شغلي ، صعدت بـ سيارته
و أبيل ويانا ماخذينه للـ الروضه
مُلاذ : هسه انا شلون اخلص شغلي اليووم
شگلت لروحك من فششت التايرات !
أيهم : مثل الگلتي لـ روحج من لحگتيني
مُلاذ : مو انا عندي عداوة وياك حتى لحكتك
أيهم : تخلصين شغلج بالمكتب و ترجعين
مُلاذ : يا مكتب غير اليوم حظي رح يطيح
من الفرة بالمحاكم
أيهم : على گد الشغل و ترجعين
مُلاذ : طَول شغلي شلون ؟؟
أيهم : تأجلينه لـ باجر و ترجعين
ردت احجي و ما احس غير الجام اتفلش
و صوت طلق قوي و أيهم يصيح
رفعت راسي دحگت سيارة تلحگنا و ترمي
طفرت يم أبيل اصرخ بـ اسمه ، ضميته جواي
صرنا بين الكشن الورا و كشن السايق
مُلاذ : ايييييهم انتببببه
أيهم : دنكي لا تررررفعين راسج دنكي
أبيييل أبيل
صوت أبيل يبجي و أيهم مدنك
و يلوف بـ السيارة و يصيح بـ اسم أبيل
ضامته جوا و الجام كله يتكسر عليه و فوكاي
و حذه دخلت بـ نص ايدي ، غمضت عيوني متأذيه
اريد اوصل ايدي للتلفون ما اكدر
گوه جريت الجنطه و خابرت لـ ضرغام
السيارة وكفت بـ نص الطريق التايرات انفشن
جريت سلاحي من الجنطه و أيهم اندار النا
فتح الجكمجه و جر سلاح من عدها و نزل
درت عيوني اهمس بـ اسم أبيل اريد يجاوبني
سمعت حسه يبجي بالسكته ،
نفضت الكزاز العلينا
أيهم فتح باب السياره و طلعني منها
و طلعنا أبيل يبجي و خايف
دورنا الحمدلله ما بي شي
نزلت عيني لـ ايدي تنزف داخل الكزاز بيها
سديتها و رفعت راسي و السيارة مالها اثر
مُلاذ : من .. منو رمى ما شفت ؟؟
هز راسه بـ رفض يفشر عليهم
شال تلفونه يخابر مادري منو جرنا ورا السيارة
أيهم : ابقوا هنا لا تطلعون ابد لا تطلعون
هسه رح اجيكم
راح من يمنا يخابر و يصيح منفعل
نزلت لـ طول أبيل حضنته فحطان من البجي
ضميته لـ صدري حيل ، اريد اهدئه
اجانه أيهم يدور بـ جسم أبيل يريد يعرف شبي
بس أبيل جان خايف ما متأذي من شي
ظلينا كاعدين لحد ما صفت سيارات الشرطه
و نزل ضرغام و صفت سيارة ثانية
حجينالهم كل شي و حاولت اتذكر رقم السيارة
بس شفته خَطف اتذكر شي قليل كلش
ضرغام : نحاول نتوصل هسه لـ شي
مُلاذ : ضرغام و الله تعبت تعبت كافي عاد
خل نلگاااهم الى متى انا يظلون يطلعولي
من كل مكان و بـ اي لحظة يحاولون يأذونا !
ضرغام : نلگاهم بس طرف خيط
يوصلنا الهم رح نلگاهم
خليت ايدي على كصتي محتاره
و شايلة أبيل بـ حضني
أيهم يخابر و يفتر بـ عصبية ، سد الاتصال
اجا ناجيتنا ، گاله اله ضرغام
لو يرحون للمركز افضل
أيهم : مُلاذ ارجعي لـ البيت
مُلاذ : رح اجي وياكم ما ارج...
بعدني اريد احجي سحب ايدي و مشى بيه
أيهم : مووو وكت عناااد ترجعين للـ البيت
تقفلين الباب اي شي يصيررر تخابرين !
و هسه جسار بالطريق جاي حتى ياخذج
مُلاذ : حت انتوا جان رح يصيرلكم شي من وراي
كز على اسنانه بـ عصبية ساكت
ظلينا واكفين و أيهم ما يكدر يثبت يروح و يرجع
اجا جسار اخذني انا و أبيل ، سولفت اله
و هو اتخبل يسبهم و يسب الشرطه لان ما يلگوهم
جسار : ماكو هيج ! هاي المره شكد
يجون بـ نص حلگگم و يرمون عليكم و محد يلزمهم
هي هاااي هم حاله ؟؟ المن مسميهم شرطه و بالك عنه و ضباط و دنيا المن اذا ما يلگوهم!
مُلاذ : جسار الچتال مو شخص واحد
الچتال عباره عن عصابة چبيرة مو بس هو وحده
عنده الف شخص ثاني و اكو بيهم مهددهم اكيد
محد يعترف عليه و لا يفكرون يعترفون اصلاً
و اصلاً خافي نفسه عنهم اكيد مراح يعرفون
جسار : اشتعلت روحك بهاليوم و بـ كل يوم
وصلنا للبيت و نزلنا جسار بقى يمنا
نومت أبيل بـ حضني لحد ما غفى
شاله جسار خلاه بـ فراشة
رحت لـ الغرفة ، دخلت سديت الباب
اتقدمت وكفت كدام المراية رفعت رداني
دحگت لـ زندي المشكوك بـ الكزاز
مستحيل يمر الشهر بلا ما اتعور لو اتاذى
نزلت رداني و رجعت طلعت يم جسار
جسار : اگلج الچتال شلون جاي يلگاكم !
ماكو هيج ترا مـ**** هاي اسمها
كل ما عجبه يجي يرمي و يروح
و احنا مثل الثولان ما نلگا عنه اي خبر !
كعدت ع القنفه و تجيت راسي
رفعت ايدية خليت راسي بينهم
مُلاذ : السالفة طولت كلش
من 2004 لحد هاللحظة الچتال ما اله اي اثر
بس اكو لـ جلابه اثر شلون ساد حلگهم هيج ماعرف ع الاقل شخص واحد شخص واحد
خل يعترف عليه كلهم حاولنا وياهم و ما فاد!
جسار : و شمدريج يعرفونه؟ يمكن ما يعرفونه
و اكو شخص ثاني هو الي يوجه الهم الاوامر
بس ياخذهم من الچتال ، على اللعب الجاي يلعبه ويانا و يدز سيارات بنص النهار ترمي
ف معناها ما راح يظهر نفسه اكيد
مُلاذ : الچتال مو غبي طبعاً ما رح يظهر نفسه
جسار : مو غبي بس مو اذكى من عندج
مُلاذ : انا تعبانه جسار عقلي تعبان
مالي طاقة حتى اركض ورا بعد بس ما عايفته
و على گص ركبتي اعوفه ، من اموت يلا يخلص مني غير هيج ماله اي مهرب ثاني
جسار : تعبت و انا اسأل هالسؤال شلون رح نلگا
مُلاذ : اريد احصل ادلة بعد عليه
حتى افتح قضية ابوي بس ماكو محد يعترف عليه
و لا اكو اي شي يخصة و عنه
لمن مات الي انطاني الظرف گلي
الچتال بـ القمة و ما توصلين اله
يعني بس هو يمكن جان يعرفه منو و مات
جسار : يابه شهالطرگاعه السوده
انعل ابوها لذيج الساعة السوده
انفتح الباب سكتت دحگت لـ أيهم يلي دخل
جسار اترخص من عنده و ودعنا و طلع
رفعت عيني دحگتله و وخرت شالي اتقدمت ناحيته
مُلاذ : خو ما صارلك شي ؟؟
دحك بـ وجهي ملامحه و تعابيره بارده و منطفيه
ادحك بـ عيونه اريد اشوف ذرة خوف عليه
بس حتى عيونه بعد ما تدحگلي مثل قبل
هز راسه بـ رفض و راح لـ غرفة أبيل
انداريت ادحك ورا كارضه شفتي حتى ما سأل
عليه و اذا اتأذيت لو لا ، شغيرك عليه هيج؟
درت وجهي و دخلت الغرفة
طلعت ملقط و كعدت اريد اطلع الكزاز من زندي
بس ماكدر توجعني كلش و الجرح عميق و ينزف
انا مو بس مشخوطه بالكزاز ،
الكزازة جانت بـ نص ايدي و نازفة ايدي
الجرح مفتوح غمضت عيوني حيل متأذيه منها
كصتي صبت منه قطرات العرك
رفعت نظري لمن انفتحت باب الغرفه
دخل أيهم دحك لـ ايدي ، بلع ريگه و نظره ع ايدي
دار وجه و راح بدل ملابسه ، ما حجيت شي
انا هم حظي هذا ، اخذت الشاش لفيت ايدي
شلون ما جان تعبت و الكزاز ما جاي يطلع
گلت بعدين اروح لـ دكتور عليها
شمرت الشاش بـ الميز و طلعت من الغرفة
رحت كعدت بـ الصالة ع القنفه ساكته
شغلت التلفزيون و ظليت صافنه
رفعت نظري اله لبس حذائه و طلع و سد الباب
رحت شفت أبيل غافي ، نزلت يم اهلي كعدت يمهم
اجتني امي تگلي شبيج وجهج مخطوف لونه
و اكيد ما حجيت الها عن الي صار
گامت ملاك تشر الملابس و امي گابلتني و كعدت
سألتني اسئله عن علاقتي بـ أيهم خلتني اتسودن
مُلاذ : يمه شبيج شهالاسئله هاي ؟!!
فيروز : مُلاذ انا اعرف سوالفج
حاجيني انتِ مخليه الرجال يتدنالج
لو مسويتها عليه حرب ؟
مُلاذ : اگلج يمه انا صوجي نزلت
ارجع اصعد انام احسن الي
فيروز : حاجيني ولج ترا حرام عليج مُلاذ !!
مُلاذ : هسه انتِ شعررفتي و حرام عليه
استغفرالله يا ربي استغفرك يا ربي و اتوب اليك
فيروز : جاوبيني
مُلاذ : لا حول و لا قوة الا بالله
گمت من يمها و هي تلح وياي
مشيت لـ الباب و احجي بـ نتر
مُلاذ : اي اي صارت ذيج السالفة
لا حول و لا قوة الا بالله استغفرالله
قل اعوذ بالله من هالسوالف
احجي و امشي لحد ما طلعت
و صعدت لـ شقتنا و انا على نفس الرنه
مُلاذ : استغفرالله لا حول و لا قوة الا بالله
فتحت الشاش و صفنت على ايدي
جاي توجعني كلش رح اموت من ألمها
بس ما اكدر اطلع و اروح اشوفها و اعوف أبيل
و لا اكدر اطلع اصلاً سيارتي فشش تايراتها أيهم
و الله اعلم هسه وينها
نفخت بـ ضجر و رحت كعدت
اخذت تلفوني دزيت صورة ايدي
لـ صديقتي الدكتورة گلتلي الجرح عميق
الي بـ زندي و مو مال بس تضميد
و اذا ظليت هيج ايدي رح تلتقط جراثيم
و تتاذى كلش بعدين
بقيت كاعده لـ الليل هيج و أون من وجعها
ظليت اخذ مسكنات الآم بلكت يهدء الالم
أبيل كعد سويت اكل و وكلته و كعد يتابع تلفزيون
رفعت راسي دحگت لـ أيهم يلي دخل البيت
اتقدم شال أبيل من يمي بوس خدودة و يسولف ويا
درت وجهي عفتهم و گمت
رحت لـ الغرفة دحگت ايدي نازفة
و مدمرة التشيرت الي لابسته
جريت نفس ، حاولت ارفعها حتى ابدل
بس توجعني كلش گوه نزعت تشيرتي
و لبست واحد ثاني ، وكع التشيرت شلته
ردت اسد باب الكنتور و حسيت على وخزة ابرة
عگدت حواجبي درت وجهي ، دحگت لـ أيهم
واكف وراي ،
نزلت عيني لـ ايده بيها ابرة
دحگتله مستغربه گمت اشوفه ثنين
خاف واحد ما مكفي
مُلاذ : ليش؟
حجيتها و عيوني انغلقت بعد ماكدر افتحها
احس أيهم يسحب بيه منا و يوديني منا
لحد ما تمددت اغمض عيوني و افتحها
احس كل جسمي هادء و ايدي وجعها يخف
أيهم ما اعرف شيسوي بـ ايدي
بـ مكان الجرح ساعه اريد اغفى
و ساعه اريد اركز
لحد ما حسيت بـ أيهم يبوس شعري غفيت
كعدت الصبح فركت عيني
احس روحي مسطورة و دايخة
رفعت نفسي كعدت على الفراش ، الدنيا تفتر بيه
مسحت وجهي احاول اشوف عدل
و امحي الظلام يلي صاير كدام عيني
لحد ما صحيت گمت من الفراش
رحت لـ المراية دحگت لـ ايدي ملفوفة بـ شاش جديد تذكرت البارحة عگدت حواجبي معقولة حلمانه ! تلمست زندي و اتذكر أيهم و ملمس ايده ع الجرح اريد اتذكر عدل لحد ما تيقنت أيهم ضمدلي الجرح لان الوجع صار أخف
درت وجهي و طلعت من الغرفة
لگيت أبيل نعسان و جنطته بـ ظهره
و مبدل ملابسه ، عگدت حواجبي مستغربة
مُلاذ : أبيل حبيبي وين رايح؟
أبيل : بابا يريد ياخذني
حجاها و اتقدم حضن رجلية
مسحت على شعره أستغربت ادحك لـ جنطته
عكس كل مره مبين بيها هواي اشياء اخذتها
فتحتها دحگت بيها ملابس أبيل
التفتت لـ أيهم يلي طلع من المطبخ
و يمسح بـ ايديه بـ الكلينس
دحگتله و حجيت بـ هدوء متسائله
مُلاذ : وين ماخذ أبيل؟
رفع نظره دحگلي و اتقدم من يمي
يحاجي أبيل : روح البس حذائك
عافني أبيل و راح يلبس حذائه
أيهم : بعدين يرجع
مُلاذ : شنو بعدين يرجع ؟ ملابس بـ جنطته هواي
ماكو داعي يروح لـ اهلك اليوم انا موجوده بالبيت
ما رح اروح للشغل !
دحگلي ساكت عگدت حواجبي
نظري يتنقل بين عيونه دار وجهه يريد يروح
فوراً فهمت يلي بـ بالة من نظراته ، حجيت
مُلاذ : تخاف يبقى يمي !
تخاف يجون يهجمون ع الشقة
لو ع المكان الي انا بي
و يكون أبيل وياي و يأذونه بسببي
دار وجه ، دحگلي خازرني
أيهم : بلا حجي تافه !
مُلاذ : هاي الحقيقة
أيهم : حقيقتج تافه
مُلاذ : لعد؟؟ ليش تريد تاخذ أبيل و الصبح هم
انت ما جنت تأمن على أبيل يم احد
اكثر من ما تأمن عليه يمي ، أيهم انا اعرفك
انا مو ثوله و لا غبيه و لا غشيمه و ما افهم !
أيهم : أبيل اطلع بـ باب الشقة اوكف
اخذ الجنطه من ايدي سحبها
دحگت لـ أيهم بـ برود و حجيت
مُلاذ : أبيل لا تطلع ، انا الراح اطلع
درت وجهي و دخلت لـ الغرفة بسرعه
اخذت جنطتي مال سفر من الكنتور
فتحت الكنتور اخذت ملابس ، دخل أيهم الغرفة
أيهم : شجااااي تسوووين؟!
مُلاذ : اسوي الي لازم اسوي من زمان
أيهم : مُلاذ لااا تحرگين اعصابي
اتقدم يطلع بالملابس من الجنطه
و انا ارجعهم ، هو يطلعهم و انا ارجعهم
عادها اكثر من مرة بـ الأخير ما اتحملت و دفعته
مُلاذ : عووووفهن
كز على اسنانه بـ عصبية
دفر الجنطه من كدامي
أيهم : لا تخليني اتصرررف غير تصرف
مُلاذ : اتصرف غيررر تصرف من البداية
گلتلك ، گلتتتتلك أيهم انا حياتي مو مال بشر
و اضرررك بس انت ما سمعتني
انا خليتكم كلكم تتأذون من وراي ،
لو رافض من البداية و سامعني و ناهي كل شي
افضل ، ما جان اكو داعي تحرك گلبي هيج !
أيهم : مااالج طلعة منا اهلج ما تنزلين يمهم
و لا ترحين لـ مكان ما تطلعين منا !
مُلاذ : و منو گلك رايحه يم اهلي انا ؟
كز على اسنانه بـ عصبية جريت الجنطه
رجعت ملابسي خليتهم بيها
رفعت عيني لـ أيهم يلي سحب تلفوني من الميز
سحب مفتاح الباب و طلع من الغرفة
سد الباب عليه من برا عفت الجنطه
ركضت اريد افتحها قفلها عليه من برا
مُلاذ : أيهم أييييهم افتح الباب أيييهم
دگيت الباب و الوي بـ الكيلون ما يفتح
مُلاذ : أيهم افتتتتح البااااب
ضربت الباب بـ ايديه ادك عليه
و هو ما يقبل يفتحها هواي ظليت ادكها و احاجي
و هو اصلاً ما يجاوبني و لا يفتحها خبلني
ضربت الباب بـ رجلي و صيحت
مُلاذ : عوفني انا اريد ارووح منااا
گلتلك من البدايه ، گلتلك أيهم عوووفني
أيهم انا ما افيدك الچتال وراي و حياتي سوده
خسررررت اخوك من وراي و جنت رح تخسر ابنك
انا ما الوومك أيهم افتح الباب
دكيت ع الباب ، رجعت صيحت
مُلاذ : انا أذييييكم ليش مااا جاي تفهم
حتى انت تعررررف و بعدك تنكرر انا اشوفك
انا مووو عميه انا اشوف نظرة اللوم الي بـ عيونك الي
مُلاذ : افتتتتح الباب أيهم
انت ماااا تكدر تحبسني افتح الباب
رجعت ادكها و اكرر اسمه اگله يفتح الباب
و هو ما اله صوت ، دنگت ادحك من جوا الباب
لگيته كاعد وساند روحه عليها و صوت أبيل يمه
رجعت ادك الباب اريد يفتحه
مُلاذ : أيهم افتتتح الباب افتحهااااا
ادري بيك كاعد كدامها افتح الباب
احترگت اعصابي و هو حبسني بـ الغرفة
و انا ادك الباب و ارجع لـ ورا اريد يفتحها
اندگت باب الشقه خليت اذاني ع الباب
صوت خطوات أيهم و هو رايح لـ الباب
سمعت حس امي و هي تگله بـ صوت مرعوب
فيروز : خيررركم يمه شصايرر؟؟
مُلاذ : يمه يمه گليييله يفتح الباب
فيروز : مُلاذ وين مُلاذ شكوو؟؟
سمعت صوت ملاك من يمها تحجي
و اجت لـ الغرفة تفتح الباب لگتها مقفوله
فيروز : شنو قافل الباب أيهم شكو؟؟
مُلاذ : يمممه حاجي سولفيله عني انا
مو شكد انتوا تأذيتو من وراي گليله يفتتتح الباب
حجيتها و رجعت الوي بـ الكيلون
و اسمع امي تحاجي أيهم
فيروز : شنو قافل الباب عليها أيهم ؟؟
انا منطيتك بنية لو حيوان ؟
أيهم : خاله رجاءاً ، ما تعرفين الصاير
فيروز : اي غير تفهموني
اذا لا انت تحجي و لا هي تحجي
أيهم : تريد تطلع من البيت
فيروز : ليش ؟
أيهم : تگول انتو تتاذون من وراي
مُلاذ : يمه البااارحه الچتال رمى على سيارتهم
و أبيل جان بـ السيارة افهم يا بشررر
عاط أيهم بيه : سدددددي حلگج
انكطع صوت اني لحظات و رجعت حجت
فيروز : زين عوفها عوفها تنزل يمي
احسن من ما حابسها هنا !
أيهم : تعذريني خاله مكانها يمي و ما تطلع
فيروز : انا ما لاگيتها بالشارع
و لا هي طالعه من زرف الحايط
حتى اخليها محبوسه هنا و انزل !
أيهم : ما حابسها ارجع و اتفاهم وياها
بس ما تخطي منا للباب و لا تطلع
فيروز : أيهم شنو السالفه ! امها انا
تريد اخليها هنا هيج تصيح و بالغرفة و اروح ؟
أيهم : انتِ امها على عيني و راسي
بس انا زوجها و مكانها يمي ، ابقي يمها
بس الباب ما تنفتح و لا تطلع من الغرفة
فيروز : أيهم انا معتبرتك بـ اعتبار ابني الله شاهد بس تصرفك هذا لا يليق بيك و لا صحيح !
ما تريدها تطلع لا تطلع بس مو تحبسها بالغرفة
لا اكل و لا شرب
أيهم : ارجع و انه اوكلها بـ ايدي و اشربها
فيروز : تأخر شغلك شلون ؟
أيهم : ما اتأخر اجي من وكت
مُلاذ : أيهم افتتتح الباب
سكتت امي لحظات و أيهم گال
أيهم : عادي احاجيج برا ؟
ملاك : مُلاذ
مُلاذ : ملاك حاجي امي افتحولي الباب
ملاك : امي اخذت أيهم و طلعت تحاجي برا
مُلاذ : شنو شتحاجي
ملاك : هسه اشوفهم اوكفي
اختفى صوتها و انا كعدت انتظر
سمعت صوت أبيل يهمس
- الهلوه
مُلاذ : أبيل حبيبي
-بابا يبجي
يحجي بـ همس و خايف
انقهرت عليه نسيته ، ظليت اصيح خوفته
مُلاذ : ليش ؟
-ما اعرف يبجي انه شبكته
مُلاذ : عفية حبيبي
-خل ادخل يمج اخاف
حجيه مكسر و كله يلفظ الخاء و الحاء هاء
بس افهم عليه لان اتعودت على طريقة كلامه
مُلاذ : الباب مقفول و المفتاح ضايع
و ابوك جاي يدور خل يلگاه و تعال يمي
زين حبيبي ؟ لا تخاف انا موجوده بابا موجود
أبيل : بيبي فرنوزه عصبيه
ابتسمت
مُلاذ : لا بيبي فرنوزه مو عصبيه
بس خايفة عليه مو انقفل الباب ف هي خافت عليه شلون انا و ابوك خفنا عليك ذاك اليوم
لمن قفلت باب الحمام على روحك تتذكر؟
أبيل : اي
ملاك : ها مُلاذ
مُلاذ : ها؟
ملاك : مادري شجاي يحجون ما جاي اسمعهم
بس امي مدمعه و أيهم مدري شنو وضعه مستحي مدري مقهور مدري ضايج كلشي ما افتهم بعد
زفرت نفس ضايجة شوي
و سمعت أيهم صاح لـ أبيل
گلتلي ملاك راحوا هو و أبيل
ظليت كاعده و امي تروح و ترجع تحاجيني
و اجاوبها تريد تنطيني اكل ما تعرف شلون
ظل هذا حالي للـ الليل
الشبابيك ماكدر اطلع منها بيها سيم و محجر جربت الماشة حتى افتح قفل الباب ما فادت
دورت بـ الغرفة ماكو شي يساعدني
بالأخير استلمت و كعدت ع الجرباية
زندي يوجعني لان دكيت الباب و حركت ايدي هواي
ظليت صافنه ع الفراش و لامه رجلية لـ صدري
و امي كل شوي تدك الباب تسألني اذا جوعانه
و اگللها لا ، رفعت راسي لـ السكف ساكته
رحت لـ الميز طلعت التشيرت و حضنته
متجية ظهري على تاجية الجرباية و كاعدة بـ الجهة يلي ينام بيها أيهم ، بـ ايدي التشيرت ،
لامه رجليه لـ صدري ، نظري يتراوح ع السگف ،
ملابسي مطشرة ع الگاع الجنطه باقية على حالها
گمت لميتهن و خليتهن بـ الجنطة ، ركنت الجنطة
رجعت كعدت بـ نفس الوضعية
الغرفة صارت ظلمه شغلت التيبل لامب يلي بصفي
شويه و انفتح الباب
رفعت عيني لـ أيهم يلي دخل
درت نظري من وجه ساكته و صوت امي ماكو
گمت من مكاني دايرة نظري عنه
اريد اروح للجنطه اخذها ، ارتطمت بي
لزمت چتفي الگام يوجعني و رفعت عيني خازرته
حجا بـ هدوء و برود يدحك بـ وجهي
أيهم : امشي اكلي
مُلاذ : أيهم ما رح اغير رأيي زين؟
غمض عيونه بـ نفاذ صبر و رجع كرر
أيهم : اتحركي اكلي
نزلت عيني عنه
اتقدمت اريد اعبره رايحة ناحية الجنطة ،
شهكت متأذيه لمن جر زندي المجروح
رفع ايده بسرعه عن زندي ، حاوط وجهي بـ ثنين ايديه عاصر وجهي بـ ايديه ، همس
أيهم : امشي اكلي ما ظل حيل بيه
مُلاذ : ما اريد اكل اريد اروح منا
حجيت الك من البداية الچتال ما راح يعوفني !
و رح يظل لاحگني و يأذيكم لان يدري بيه اعزكم
ابتسم مستهزء
و بعده وجهي معصور بين ايديه حجا متنرفز
أيهم : امشي اكلي صبري رح ينفذ
مُلاذ : اريد ارو....
بعدني ما مكملة سحب راسي اله يبوسني
عصرت قميصة بـ ايدي الف مره گايلتله انثول
خلا چف ايده على شعري من وراي و يبوسني
ابتعد يهمس
أيهم : روحي مني مُلاذ لا تستسلمين الي
ادفعيني سوي اي شي
حجاها و رجع يبوسني بـ شوغه و لهفة
و انا ابادله ما اكدر اوگف نفسي
ثولة اصير اليحجي يدخل من هاي الاذن
و يطلع من الثانية اصير طرشة اسمعه و ما افرزن
اتقدم بـ خطواته عليه و انا تراجعت
نزلت كاعدة ع الفراش و هو مستمر يبوسني
مره ابادلة و مره لا ، كل لحظة يهمس "امنعيني"
و انا نفسي ما گادرة امنعها
خليت ايدي على خده ابادله
غمضت عيوني مسلمه نفسي اله
كل شويه يوعى على نفسه يريد يبتعد ما يكدر
و لا انا اكدر امنعه ، كلمة امنعيني تلهج بـ حلگه
لزمت بالتشيرت الي كان بي عطر بابا
و مرمي ع الفراش ، شددت اصابيعي عليه
مشاعر مختلطه ما بين القسوة و الحب
رجفتي و ثباته ، انفاسنا المختلطه
بشرتي الي تصيبها القشعريرة بسبب لمساته
عيونه الثابته بـ نص عيني و يغمضهم بعد لحظات
بدون ما يحاول يقاوم يدحك بـ عيوني
تممنا زواجنا بـ مشاعر يمليها الاشتياق و اللهفه
القسوة و العصبية و الحزن ، التعب و الاحتياج
غمضت عيني من حسيت أيهم ثگل نفسه
و غفى على صدري ، ما ادري شكد وقت مر
فتحت عيوني ذبلانه و تعبانه على أثر صوت أيهم
يسب بـ روحه و يفشر على روحه
احس كل جسمي يوجعني و البيت هدوء
بس صوت أيهم ، اسمع صوت نَفسه يمي يرجف
أيهم : مُلاذ مُلاذ عاينيلي حبيبتي عاينيلي
دحگتله عيوني توجعني گوه مفتحتهم
أيهم : ليش ما منعتيني لييش
ما اكدر اجاوب حتى حركه ما اكدر اتحرك
اتقرب باس گصتي ايدية ترجف و نَفسه يرجف
گام من مكانه ، اندار الي من الجهه الثانية
گعدني و لبسني تشيرته گوه لبسته
لف رجلية بـ الغطى ، شالني لزمت بـ رگبته
دخلني لـ الحمام ، كعدني ع التخته ، همست
مُلاذ : أيهم جـ ... جسمي يوجعني
أيهم : هسه حبيبتي هسه اوكفي
طلع و رجع الي بسرعه
راد يرفع التشيرت لزمت ايده ما قابلة
أيهم : مُلاذ بابا لا تعلين گلبي
مُلاذ : لا أيهم اطلع
أيهم : شوف صوتها گوه يطلع
بابا شنو سالفتج مساع جنا نلعب دعبل ؟
مُلاذ : من وراك و الله روح منا وخر عني
فتح الدوش عليه و انا احجي
و انا ادردم عليه رفع التشيرت و شمره
و انا مغمضة عيوني و ادفع بـ ايده عني
غسل شعري و خلص و انا مالي خلك
حتى بطلت اجادلة و اطرده
اتقدم لفني بـ البرنص و جر التخته يم الباب
خلاني اكعد و تجيت راسي ع الباب
درت وجهي عنه اغمض بـ عيوني
اجاني شعره يقطر مي ، شالني
مُلاذ : انا امشي
أيهم : ما تكدرين
مُلاذ : لا نزلني
أيهم : تدرين گوه جاي اسمع صوتج؟
كد ما صيحتي الصبح صوتج اختفى
مُلاذ : من وراك
سكت ما جاوبني ، دخلنا الغرفة
كعدني ع القنفه ، راح وخر الشراشف
طلع من الغرفه و رجع خلا شراشف ثانية
رجع اجاني كعد وراي و لفني بـ غطى ثاني
أيهم : بردانه؟؟
مُلاذ : مادري
حاوط ضلوعي محتضن ظهري لـ صدرة
مسح على وجهي همس
أيهم : اسف لذة الأيهم اسف
باس جانب وجهي بوسات متتالية
حضن وجهي لـ صدرة ، دحگت لـ عيونه حمر
اتوقعته يفرح بس تعابيرة كانت مختلفة
خليت ايديه على خدة ادحك لـ عيونه ، ذبلت نظراته
أيهم : لا تسوين هيج بيه اغدي تراب يمج انه
ليش ما دفعتيني ليش ما منعتيني لَـذه ؟
ليش ؟ انه روحي ما اسيطر عليها يمج مسلمها الج ليش ما سيطرتي على روحي يا روحي؟
مُلاذ : انت ندمان؟
أيهم : ما ندمان انه شي واحد ما ندمت عليه بـ هاي الدنيا و هو حبي الج مو بس حب انه اعشگج
بس ما استاهلج و عيونج ما استاهلج ما ردت الوثج
مُلاذ : ما تلوثني انت
سكت يدحك بـ عيوني و عيونه امتلت دموع
ضم شفته ساكته نظرة يتنقل بين عيوني
بلع ريگه ، سحب راسي حضنه لـ صدرة
أيهم : انطيج دوا ؟
هزيت راسي بـ قبول گام طلع من الغرفة
اجاني بـ ايده حباية اخذتها شربتها
أيهم : تعالي اوكلج
مُلاذ : ما اشتهي
احجي و جسمي يرجف خزرني
أيهم : اسكتي اسكتي فوك ما ماكلة اجيت ...
سكت متنرفز مسح وجهه بـ اثنين ايدية
أيهم : خل ابدل الج اول
راح جاب الي ملابس ، شاف جرح زندي
رجع ضمده و كل لحظه يبوس الجرح
بدل الي ملابسي و لبسني جواريب
وكف مشط شعري باسه حيل شَمه و ضفرة
جاب عطر عطرني ، شالني، وداني لـ الجرباية
أيهم : اوكفيلي هسه اجيج
طلع و عافني غمضت عيوني تعبانه
اريد اغفى و حسيت شي دافي على شفتي
فتحت عيوني دحگتله باسني بـ خفة
مُلاذ : أيهم جسمي يوجعني
رح اموت من الوجع
أيهم : كومي ابدل الج اخذ للمستشفى
مُلاذ : ما اريد انت مو دكتور شوف شبيه
أيهم : انه مو دكتور نسائية
ما قبلت اروح لـ المستشفى و لا اقبل هو يشوفني
خبلته خليته يندم ، جاب اكل و كلني و غسل الي
رجعني لـ الفراش نعسانه و تعبانه
أيهم : خل اشوفج
مُلاذ : روووح عني مااا اتماديت
أيهم : لَـذه لا توجعين گلبي
انه بدون شي كارهه روحي
دحگتله ساكته ، لزم ايدية يبوسهم
أيهم : متندمه ؟
هزيت راسي بـ رفض
سكت يدحك بـ وجهي لحد ما غفيت
كعدني الصبح مسويلي ريوك
سويت روحي اكدر اوكف و امشي
خطيت خطوتين اجيت اطيح لو ما هو لازمني
خلاني اتريك مدري شسوا هم خلاني ادوخ
بحيث گمت اشوفه ثنين مثل لمن خيط ايدي
احس بي يمي بس ما افتهم شكو
لحد ما غفيت و كعدت راسي ثگيل
و عندي غثيان دحگت ملعگلي مغذي
و امي يمي كاعدة ، حجيت بـ تعب
مُلاذ : وين أيهم ؟
فيروز : راح يجيب علاج و اكل
دحگت لـ امي متفشله احسها تعرف الصار
و گوه ادحك بـ وجهها لحد ما رزلتني و هي تگول
- انتِ صغيررة؟ يجيبلج اكل ما تاكلين
لحد ما مغمي عليج ! شبيج ماما شهالتصرفات
حكيت حاجبي ساكته و هي ترزل بيه
- حتى لو يحبسج هو ما حبسج
هو راد يخليج يمه يدري بسوالفج
عبنه الولد شايب گلبه خليتي يقفل الغرفة عليج
ظليت ساكته لحد ما اجا دحگتله و خزرته
مُلاذ : انا اعلمك
ابتسم و امي عافتنا و طلعت
خلا العلاجات يمي ، دنك باس راسي
أيهم : شلونها حبيبتي ؟
مُلاذ : زينه بس من وراك مو زينه
أيهم : ليش من وراي ؟
قلصت عيوني و حجيت : شسويت؟
أيهم : شسويت؟
مُلاذ : خدرتني ؟
خلا ايده على جهتين المخدة و وجهه فوك وجهي
ابتسامة ظهرت على اطراف شفته رفعت ايدي ضربت صدرة
مُلاذ : لييش هيج تسوي أيييهم
ضحك ، دنك باس خدي ، عض اذاني
خطيه بـ الغلط كفخته راشدي
من يمي خدي صار يوجعني
أيهم : و الله راح يجي يوم و اطيح حظج
لا تضربيني ما اكدر اضربج اذيج
أيدي بـ گد أيدج خمس مرات
مُلاذ : عضيت اذاني أيهم
هسه اذا امي تشوفني شتگول ؟
أيهم : انتِ احمدي ربج امج ما انتبهت لـ هنا
نزلت راسي ادحك وين يأشر
مُلاذ : عزه العزاك ولك
اطلع من يمي كله صوجي
ابتسم و همس : ما انتبهت لَـذه
مُلاذ : هي بكيفك ما انتبهت
امي كل شي تشوف
أيهم : عادي گليبي
هسه ابوج ما جان يسويلها هيج؟
مُلاذ : الله يخزيك و يريدني ما اكفخه
ابوي مو مستهتر مثلك وخر
دنك يبوسني و انا اختنك
خو من افكر امي تجي تشوفنا هيج
يصير عدي ضيق بـ التنفس مو بس اختنك
دفعته و هو يضحك يمسح بـ شفتي
ابتسمت لمن شفته يضحك صارله شكد ما ضاحك
لـ الليل امي و أيهم و ملاك مگابليني يريدون اكل
ساعه عصير ساعه لفات ساعه مشروبات حاره
اتخبلت اكره الاهتمام الزايد و المبالغ بي
عبالك صخله كدامهم يخلون اكل بـ حلگي
و انا احجي بحيث تظل الكلمة و اللگمه على النص
بعدني اكل و يدحسون اللگمه الثانية بـ حلگي
بعدين راحوا امي و ملاك
و أيهم جاب أبيل ، لمن نام أبيل اجا يمي
غمضت عيوني توجعني و هو عباله انا نايمة
سمعته شغل قصيدة بـ صوت ناصي
الغرفة صارت عبارة عن دخان ، انداريت دحگتله
صافن و عيونه تدمع و نفس نظرات الشر بـ عينه
انقهرت عبالي نسى اليوم حتى لو بس يوم واحد
بس محد ينسى موت عزيز گلبة
عدلت گعدتي من شافني كاعده مسح وجهه
ابتسم و مسح على شعري ، همس
أيهم : نامي حبيبتي اسف كعدتج
مُلاذ : ما نايمه جنت اريح عيوني لان يوجعني
ظل يدحك بـ وجهي مبتسم ابتسامه مزيفة
تجيت ظهري ع الجرباية ، سحبت راسه بـ هدوء
خليت راسه على رجلي ، امسح على شعره
كرفص نفسه مثل الطفل ، دنكت بست شعره
همست يم اذنه
مُلاذ : حبيبي
حجا بـ نفس الهدوء
أيهم : لَـذة گلب حبيبج
مُلاذ : ابجي
أيهم : شنو؟
مُلاذ : انا اعرفك روحك متأذيه حتى مو گلبك
ابجي يمي انا ما الومك اذا بجيت و لا اسكتك
انا اكون يمك حتى تحس بـ وجوي وياك
سكت صوت نَفسه يرتفع ، يهز راسه بـ رفض
عليت صوت القصيدة و هو يهز راسه بـ رفض
دحگت لـ وجه بـ المراية ،
ايديه طابگهن و مخليهن تحت خده عيونة تدمع
مستمر يهز راسه بـ رفض يهمس بـ تكرار
أيهم : مرة واحد گلي الـ .. الرجال ما يبچي
مُلاذ : مالها دخل بالرجولة ابچي بس انا يمك
كوًچنت دائماً تبجي و تطلع وجعك يمي؟
راد يرفع راسه من حضني و هو يحجي
أيهم : لا تسوين بيه هيج مُلاذ
خليت راسه بسرعه بـ رگبتي
و انا اهمس بـ صوت خافت
مُلاذ : لا تكبت لا تكبت لا تسوي سوايتي
ظل ساكت و نَفسه حار
كله يرجف بين ايديه قويت لزمتي
دموعه نزلت على رگبتي لحد ما سمعته يبجي
تدريجياً صار يبجي بـ حرگه و يشكي الي
عن موت أيمن ، حرگة گلبه و خسارته اله
هو يشكي و انا احس گلبي متهشم عليه
يشهك و صوته محتقن ، اريده يثبت ما يثبت
روحه گد ما محروگه غاديه رَماد
لحد ما تعب و گام يتلوى من وجع راسه و عيونه
يريد ينام و ما يكدر عنده ارق ، جر سرنجه و ابره
من المجر نفسها الي يخدرني بيها
يريد يسوي نفس الشي بـ روحة حتى يغفى سحبتهن بسرعه من ايده ما قابله خليتهن وراي ، اخاف يتعود على هاي السوالف
أيهم : ما اگدر مُلاذ ما اگدر اموت اذا اظل
عقلي عقلي ما راح يهدء اريد انام
مُلاذ : انا انومك بس ما تاخذهم
أيهم : محد محد يگدر
خليت راسه بـ حضني ، اتذكرت بيبي
جان بابا هم هيج ما يكدر ينام
تخلي ايدها على راسه و تقرا سورة الكرسي
انا هم سويت نفس الشي و ظليت اكررها
نام أيهم على جتفي و انا امسح على شعره و وجه
ساعتين كل ما اسأله اذا نام يگلي كاعد
گمت اقرا شكو سورة بـ بالي
لحد ما ثگل نفسه و غفى
عدت الايام يلي بعد هاليوم و زاد مرضي
و ازادادت ويا حيرتي ، انتظرت أيهم طول اليوم
و حسمت قواري لازم احجي
رفعت عيني اله لمن دخل الغرفة
گمت من مكاني رحت اله حضنته بادلني الحضن
أيهم : شكد احتاج هذي الشبگه
ابتسمت شالني من خصري
خلاني على الفراش و اتمدد نمت على صدرة
رفعت راسي دحگتله عدلت شعره
رفعت نفسي وصلت وجهي يم وجه
اتحرك و ميته من التوتر شلون رح اگله
بس جاي اخلي روحي اكسب وقت
اول و تالي رح احجي ، بلعت ريگي همست
مُلاذ : ايهمي
أيهم : هواي عليه هيج تطوراتج تذبحني
ابتسمت و رجعت حجيت : اسمعني لا تقاطع
أيهم : تمام سكتت سولفي
زميت شفتي غير تطلع من حلگي
ما اكدر ادحك بـ وجه و احجي
خليت راسي على صدرة ، متوتره
و خايفة من ردة فعلة ، بلعت ريگي
حجيت صوتي يرجف بس اريد أخلص
مُلاذ : انا ... انا بيه سرطان .
****************
يتبع ...
لا تنسى التصويت بـ نجمة +
التعليق بين الفقرات 🩶
****************