👑العمـــــــدة👑
♡..مجنــــون ليلــى..♡
#التتمة
داز اسبوع الميكرو فيديه كيغني ..وليد لوخراا فيها الجوان مرة مرة كينتر منوو ..ودنيا مقلوبة بالموسيقى وااشطيح وهو ناااشط ومبوق هو هدااك..ولكلياان نفس الشيي ....وصحابو ومعاهم حلومة اونفاص معاااه ...صحابو ضاحكيين وناشطين كتر وهوما كيشوفوه شاد جوان فيديه وكيكميي ..هكا بغاو يشوفوه مبلييي ... واحد من صحابو :ياك قلت لكم لا مابليناهش راحنا زوام.... ل هاهو تبلا تاهو وولا يضرب الغبرة ويبرم الجوانات ..
ضحكوو كاملييين كيتشمتو فيه مايمكنش غا هوما لي بتبلاو ويتخورو على قولتهم
ياسين سلا الاغنية لي كان يغنيي ورجع جلس مع صحابو حدا حلومة ..لي جراتووو باستو من شفايفوو:يخليلي الحووووب
تبسم ليها وباس ليها يديهاا داك الساع جبدات لغبرة قاداتها ليه:هاك احبي قاد المزاج نزل شمهااا فدقة وهو كيستنشقهاا ويضحك ويعنق فيها ويبووس وصحابو كيمدو ليه فجوانات وينوض تاني يغنيييي ..تسلات صوارية..خدا فلوسوو وخرج هو وحلومة
حلومة:نمشيو للدار عندي
ياسين:لا خاص نمشي للدار راك عارفة بكر تماك حلومة:نكملو سهرتنااا مالك كتخااف منوو سيمانة ونت تجي عندي للدار بتخبية وسيمانة ماكانخرجو نسهرو ماوالو ونهار لي خرجنا اتدخل للدار بكري
ياسين كيمسح فنيفووو ويرجع شعرو اللور:حلومة كنقولك مخاصني صداع مع الدار زيدي قدامي تنهدات وركبو فتاكسي وصلها ونزل تاهو مشا للدار قبل يطلع..داز عند ليلى هي لولة ..حلات ليه ودخل
ليلى:غادي تقودها مع بكر
ياسين ماكايشوفش فيها باش ماتشوفش عنيه لحوومر والنايمين وتعرف راه داير شي حاجة ياسين داخل لبيتها:سيمانة مامشيت غنيت اليلى ..مافيها باس هاد النهار وحل لمجر جبد واحد لعطر رشووو علييه باش تحيد ريحة جوانات ولكارو والشيشة..ولقا واحد كلوريكس تمااك دارها ففمو ..ودخل للحمام غسل وجهو مزياان بلماا جبد واحد ااتقطيرة دلعنين من جيبوو..قطرها فعنيه بجوج باش تمشي داك لحمورة وشاف فلمراية بدا يضعااف كيف كتقول ليه ليلى...ماعارفش راه بلية كترشي الصحة وكتقتل بالبطيئ... خرج لقاها كتسنا لاح ليها لفلوس لي جمع:خبي هادو عندك خداتهم :ياسين بربي تا راك ماشي هو هداك وشي حاجة تمااا شوف كيف ضعافيتيي
ياسين تبسم وقرب باس ليها راسها:انا راني بييييخيييير اليلى هو هدااك ... وخرج من عندها وطلع لفووق
حنان:كيف داز العرس
ياسين:مزيان عييت الواليدة نمشي نعس
رقية:و اجي تاكل
ياسين:شبعان اخالتي كليييت فالعرس
وهو اصلا ما واكل والووو من لغداا ..داك الوسخ كيشد الشهية... نزل بكر شافو تلاح فصالون ينعس بحوايجو:شنو تما اعشيري اتنعس بحوايجك ولا كيفاش
ياسين بلع ريقو:انتكاا وشوية نبدل
بكر كيقرب ليه:مالك وليتي مرخي هاد ليام وحالك ماعاجبنيش
ياسين كيحاول يبان طبيعي:والو اخوياا والله غير لقراية ولمتيحانات راك عارف معاود لعام مافيا لي يرجع يعاودو تاني بكر كيشوف فيه ويهز راسو باه:على مولانا...
وخلاه ومشا رجع لبيتو لفوق ...جا مع طليفونو كيصوني قد قد..شاف النمرة جديدة مامقيدهاش جاوب:الو
تبسم:هدا انا اولدي هاشم ااوزير
بكر باحترام ليه:مرحبا بالسي لوزير
هاشم:الله يكبر بيك..احم دازت سيمانة وجيتك فالوقت ترد عليا اش درتي
بكر اصلا كان مفكر:ايمتا نبداو الخدمة
تبسم:من غداا اجي لخدمتك انصيفط لك ااشيفور بطموبيل ديالي...ايجي موراك بكري..حيت عندنا الخدمة بزاف غدا
بكر:واخة كون هاني
هاشم:يلاه نخليك بسلامة
. بكر:بسلامة وقطع وناض صلاة صلاتووو هي اللولة ومشا قاد الشيشة ديالو خرج للبالكون كيفكر فهاد الخدمة الجديدة...وجا فبالو داكشي لي وقع ليه قبل اسبوع تمتم وهو كيسوط الدخان:كلشي بوقتو ايتخلص
👑العمـــــــدة👑
♡..مجنــــون ليلــى..♡
#39
لتحت عند ليلى غير خرج ياسين...رجعات هزات الطليفون وصونات وقطعات ورجع تاني صونا عليهاا:مالكي قطعتي
ليلى:غير ولد خالتي جا داكشي لاش
تنهد:ولاد خالتك كيشوفوك كتر مني انا لي حبيبك
تبسمات:دابة تولي تشوفني كتر غير كون راجل معايا
هو:كوني هانية اعمري ما غانرتاح تا تكوني ليا. دابة قوليلي فوقاش نشوفك
ليلى:مازال شوية راك عارف ولد خالتي بكر هاد ليام ماخدامش ..تا يبدا لخدمة
هو:هنا صااابر الالة
ليلى:امم مازالة عندك داك رونج روفر ياك هو:مازالة
ليلى:صافي ملي نتلاقاو اجي بيها كنحماق على الرونج
هو:كوني هانية اعمري انا كلي ديالك...وصيفطي ليا شي تصويرة ديالك نشوفك توحشتك ليلى:واخة احبيبي
وعلى كلامها دخلات مها...قطعات داك الساع:مالك داخلة بلا حس
رقية:معامن كتهضري
ليلى:مع صاحبتي
رقية:وكتكدبي فوجهيييي يا المسخوووطة ...واش بغيتيه يقتلك نتييي وياااه اويليييي باغة تخرج على الولد راه لي فيه كافيييه ..لا ساق لخباار راه ايقتلكم بجوووج ليلى:ماشيي سووقكم فياااااا..وهو اش دخلوو فياااا يخليني نعيش حياتي كيف بغيييت ونختار لي بغييت
رقية كتندب فوجهاا:واش عارفة راسك شنوو كديريييي الله ياربييي باغة طيح الرووح..ماغاترتاحي تا دخليه الحبس يفني شبابو تماك...
ليلى:ماسوقوووش فيا وطال اازمان ولا قصار انمشي من هاد الدار مع الراجل لي بغيت انا. رقية:اري داك الطليفون ارييي
ليلى خباتو:لاااا والله لا ديتيه
رقية:راه انا لي انقتلك اليلى
ليلى ناضت وسدات باب بيتهاا ودوزات الساروت وهي كتغوت:ومااسوق تا حد فيااااااا
رقية حدا لباب:نتيييي لي اتقتلينيي ابنت كرشيي نتي لي اتجيبيليي التمااام
ومشاات لبيتهااا كتندب وتمتم:ويلييييييي باغة طيح الروح المسخووطة ويلييي لا سااق لخبااااار
عند ليلى تلاحت فوق الناموسية ..ودخلات للواتساب صيفطات ليه تصاورها وتسناتو يجااوب..وبتاسمات فاش قرات الميساج ديالو كيمدح فيها ويقولها شحال زوينة وكتحمق عضات على شفايفهااا مبتاسمة وتكاات ونعساات جا نهار جديد خرج من الدوش من بعد ما دوش وحسن وجهوو..لبس علييه ونزل لتحت لقا المو موجدة لفطور جلس يفطر هو وباه محمد:بان ليا الوزير الله يعمرها دار ولكن واخة هكاك حضي راسك داك الناس ماتعرفش شنو متحت راسهم بكر:كون هاني الوليد وجمع الوقفة فاش سمع لكلاكسون برا
محمد:سير الله يرضي عليك اولدي... نزل مع اادروج وجا معاها قد قد خارجة مغوبشة:مالك صابحة طافية
شافت فيه طلعاتو نزلاتو كيف محسن مقاد وريحة دلباغفان جاي مهياااب وغزال على قولتناا نطقات:نجيب لفطور المَّي مفيقاني على بونبييير
بكر:رجعي هاني نجيب لفطور
ليلى:غير خليني مانعطلكش على شغالك بكر:تحركي دخلي
وخرج لقا الشيفور فلباب :جوج.دقايق وهنا معاك الشيفور:خود راحتك اخاي
لحانوت كان غير تم جاب لفطور ورجع دخل لدار خالتو..شافها مرمية فوق الصداري ورقية كتنكر:مسخرااه هو تعطليه على شغالووو الحمارة ليلى:وراه هو لي بغة شغا ندير لييه نوض ندابز معاه ولا شنو كيف ما درت معاك وحلة .. بكر:خالتي خودي لفطور ملي تحتاجي شي حاجة قوليها ليا ولا ياسين يفيق من نعاس ويجيب لك ليلى شافت فمها زعمة سمعتيي رقية:لهلا يخطيك علينا اولدي وشافت فيه:كاع الزين والهمة داه ولدي بكر مشاء الله علييك اولدي ربي يحفضك..فين غادي .بكر باس ليها يديها:الخدمة اخالتي نخلييك مانتعطلش رقية وهي تابعاه:الله يرضي عليك والله ينور طريقك وينقيها من الشوك ويبعد عليك ولاد لحراام ليلى:زيدي تبعيه كتجري زيدي
رقية تنهدات ودخلات وجدات لفطور وحطاتو فوق الطبلة:اجي تفطري
ليلى:خليتيلي شي شهية للفطور غا كولي.
رقية حطات الخبز من يديها:تخلي مك تاكل بوحدهاا نوضي الله يرضي عليك نوضي
شافت فمها تا عيات ناضت جلسات
رقية:اجي جلسي حدايا
ناضت وجلسات حدا مها رقية بتاسمات وكبات ليها اتاي:هاهو اتاي مشحر لبنتي لعزيزة
ليلى تبسمات وباست يد ماماها:الله يخليك ليا امِّي
رقية:الله يرضي عليك ابنتي راه غير نتي لي عندي فهاد الدنيا وكنخاف علييك بزااف غير ولد خالتك لي يبغيك قدي وكتر منيي وانا باغة غير مصلاحتك اكبدتييي .دابة توقفي على هضرتي واحد النهار وعنقات بنتها كتبوس ليها فراسها:الله يخليك ليا
ليلى:وليا تانا امَّي لحبيبة
رقية:غير الله يرضي عليك ابنتي مسحي النمرة ديال داك خونا ماخاصنا مشاكيل مع ولد خالتك عفاك ابنتي تنهدات:واخة مايكون غير خاطرك وكملو فطورهم