👑العمـــــــدة👑
♡..مجنــــون ليلـــى..♡
#التتمة 24
بقات غير كتشوف فيه
تنهد وهو كيشوف فيها وفعويناتها لي ساحو بالماسكارة تحت عنيها حتى لخدودها والشرطة تخربقات ورموش وحدة طارت او وحدة باقة وشعرها تشعكك ولات حالتها حالة كتخلع ..مد يديه لكلينيكس وبدا يمسح ليها فوجها وهي غير ساكتة وكتشوف فيه ..ولكن داكشي مابغاش يتمسح لاصق فوجها.
مدات يديها ليديه ونطقات:ماغايتمسحش بكلينكس ناشف
ميل راسو:ومالك على حالك دايرة هدشي كامل
رجعات شعرها اللور وهزاتو لفوق وجمعاتو بشفنجة لواتها فلخوة وخشات شعر وسط شعر بلا لاستيك ..(زعمة شفنجة بلا لاستيك😁)
ليلى تنهدات:عرفتي شحال دلوقت باش قاديت وجهي ولسقت الشعر.. جيتي نت فتانية رونتي لي كلشي
بكر :هو غير الشعر والمكياج لي مشا...راه عرس على قدو ترون بسباب راسك القاصح
ليلى :كون قتلتيه..ولا طاحت شي روح
بكر دار شبه ابتسامة:الله يهنيه
بقات شحال كتشوف فيه عاد نطقات:وتبغي دوز حياتك كاملة فلحبس بسباب دمك الحامي وعصبيتك الزايدة
هز راسو بلا بالعرض البطيئ وهو مراقبها كيفاش كتهضر واخة حالتها مافيها مايتشاف عاجباه وحاس براسو مرتاح وهي معاه دوة:لا ..بسبابك وماشي خسارة فيك
ملاميحو تبدلو وهو كيرجع يتفكر فاش قاسها داك خونا:اي واحد ايقرب ليك ولا يحط يدو عليك راه محضوض لا فلت من يديا سالم
ليلى:حتى لامتى.. وشنو الحل
حط يديه مور عنقها وبدا يطبطب عليها تماك بشوية :نهار ديري عقلك وتبداي تسمعي للهضرة وتبعدي من اامشاكل..داك ساع ما اطيح روح ما انبقاو نضربو حد ونفرشخو دلمو..وتانتي ما اتاكليش لعصى
بقات ساكتة وغير كتشوف فيه
كمل كلامو:صعيب عليك هدشي قوليلي كتحلم ابكر ياك
ليلى:راني بعقلي غير نت الله يهديك
هز راسو باه بلا تاشي كلمة ..عاد تفكر شي حاجة
بكر:وليتي تهزي لقراعي وضاربي تانتي وتشيري على بنادم
ليلى تفكرات تاهي:عتقتك اولد خالتي فاخر لحضة باش ماتقولش راني ماشي ديال العوين
بكر:كتخافي عليا
ليلى:اه كيفما نت كتخاف عليا ودير اي حاجة على قبلي تانا هكاك مانبغيكش تأدى تانا كنجيب عليك النفس ..راك قلتيها نت فيك خويا وبَّا لي ماعنديش ومعزتك فقلبي كبيرة
بكر قلب ااموضوع عرفها لاياش كتلمح ماباغيش يتسيف عليها تاني..ودوة بجدية هاد المرة :المهم كنضن كلامي مفهوم سالينا من شي حاجة سميتها لعراسات والعراضات وخيطي بيطي بوحدك وبلا خباري ..
ليلى:انبقة حياتي كاملة من دار للصالون من صالون للدار ..ما نخرج ما نبدل هاد الحومة دلويل ما نشوف ناس نقيين ..وجهي وجه الحبس
بكر :هدشي تانفكر فيه ونشوف بلانو
ضربات الطم خليها تا تفكر تاهي وتشوف اش دير
جمع الوقفة خرج للبالكون دخل الشيشة ولبيسي ديالو وهي دورات عنيها على البيت قليل فين كدخل ليه مرات معدودة فين عتبات ليه وغير للضرورة فاش ماكايكونش وكتكون خالتها كتخملو لا حتاجت شي حاجة تجيبهالها كتعيط ليها ..غير كتمدها ليها وكتخرج..عجبها زوين ومنضم عكس بيتها هي مرون وبلاكااراتها مشقلبين..ماكملاتش الشوفان وتبركيك شافتو كيسد باب لبالكون ناضت تابعاه تاهي باش ايهبطو للتحت سبقاتو غادة جيهة الباب حتى كتحس بيه جرها لعندو وعنقها دافنها فصدرو هاد الانسانة راه هي روحو ..كيحس بيها بنتو وختو ومراتو وحبيبتو والمعدباه ولي زاطمة ليه على قلبو لي يضربها ومايخليش لي يضربها ولا يقيس شعرة منها واخة تكون مها هو لي مسؤول عليها من نهار تزادت ليلى ديالو ..ليلى ديال بكر وبكر دليلى هكا كبرو ...زاد عنقها وهي غير واقفة عارفة واخة تبغي تبعد ما ايخليهاش ..بعد شوية ونطق ووجهو مقابل مع وجها :كون هاد القلب لي كنحس بيه كيضرب يحن غير شوية ويضرب ليا ..كون تشوفيني كيف كنشوفك ..كون تعرفي هاد القلب شحال كيبغيك..بزاف دلحوايج يتبدلو ..نموت ونعطي روحي أ ليلى غير يوقع هدشي والله ما خسارة روحي داك الساع
خلاها غير كتشوف وحل لباب وماتسناهاش تجاوب حيت عارف يا اما جوابها ما ايعجبوش يا اما ما اتلقى ما تقول واتسكت:زيدي
حل ليها لباب خرجات عاد تبعها وهبطو لتحت ..
👑العمـــــــدة👑
♡..مجنــــون ليلـــى..♡
#25
لتحت
دخلات هي لولا ..لقات كنزة دايرة الحلقة كتعاود ليهم داكشي بالتفصيل وكيضحكو وشادة داك الشعر لي كانت مركباه وكتشالي بيه
كنزة:ههههه وناري ولات كتشير تاهي بلقراعي طلعات زعيمة عندك هاد البنت اخالتي
حورية:من ديما زعيمة تفكري غا نتفات لي كدير ليك كتبقاي سيمانة وسخانة طالعة ليك هههههه
كنزة:يعطيها موصيبة كتفورماطيني
مع اادورة مع كتلقااها موراه شهقات:بسم الله الرحمان الرحين .ويلي على حالة شوفي كتخلعي
شافت بكر من موراها وباينة مكالمي ما معصبش اصلا ملي ماسمعوش لغوات وزديح كيف ديما راه ماوقع والو
كنزة:ههههه عرفتي كي كتبانو بحال شي عرسان يلاه تزوجو ولعريس فرشخ لعروسة وهبطو يتعشاو صراحة متواتين غا تزوجو وهنيونا ههههه
كلشي بقة كيشوف فيهم ..شوية بدا كلشي كيضحك
كنزة عجبها لحال حيت ضحكاتهم زادت كملات:ههههع لعاار ما شوفي وجهك فلمراية كتقتلي بالضحك عين فيها رموش وعين لا بحال الزومبي ...هاكي شعرك عليا ستري ما ستر الله هههه
حورية:راكي أتكبتيها معاها سكتي الموصيبة
ياسين كان متكي ناض هاز طليفونو كيصورها من لبعيد:ههههه اول مرة كنزة كتقول شي حاجة كضحك هادشي خاص يتصور
وشاف فكنزة:بربي مانفكك وناضت تفرشخك هنا علمتك
حنان:راكي كتقلبي عليها دوزي تجلسي براك
محمد كيشوف ليلى مخنزرة:دوزي تجلسي حبسي هدشي
بكر غير كيشوف فكنزة بهدوء عارف شكا يتسناها
كنزة:ههههههه خليني ابابا شوفها لعار كي دايرة ..ماكاترتاحي تا كاتاكلي قتلة دلعصة ..بكر لي كيعرف ليك ..شوفي مزيناتك شحال كتباني بعقلك
ليلى شياط ولاو خارجين من ودنيها نطقات كتشوف فلوخرين:تا واااحد مايفكها منيي ياك شاهدين ما كانجبدهااش
كنزة:شغا ديري كاااع دايراها قد راسك ومازال كتهضري
ليلى قربات ليها ..كنزة يلاه بغات تهرب وهي تجرها من شعرهاا لعندها
كنزة كتغوت:مامااا عتقينييييي ..ياسيين لعاااااار
تا واحد ما جا يفكهااا...كتحس بشعرها ايطير
شافت فبكر كتبكي:خوياا بكر لعاار فكنيي اتقتلني
بكر كمل طريقو للداخل:الواليدة كاين شي عشا (نيت تستاهل على داك الهضرة الناقصة هدشي لي كان كيدور فبالو)
خلاوها كتاكل فلعصا من عند ليلى
حورية:ياك كنقولك بعدي منهاا وخرجي سوقهااا
كنزة كتغوت من لقريص كتقرصها بين فخادها :لعاااااار الله يساااامح عمري نعاااود نجبدك لعاار براااااكة واا براااكة لميييمة وااااع
قربات حورية وياسين فكوهاا ..جلسات فالارض كتبكي وتنخصص..
ليلى:ضصرتي هاد ليام وانا صابرة ونتي زايدة فيه ياك قلت لك راني كنجمع لك
كنزة كتبكي وتخنن :هماااجية ماشي بناادم نتي الله يعطيك موصيبة ونتوما كتفرجووو مافكيتونيش كانت اتقتلني..
حورية:ديريها قد راسك وقولي فكوني ماشي اول مرة ..وقولنا لك سكتي بعدي منها
كنزة بلغوات:وااا بعدي منييييي سكتي نتي ماشي سوقك
حورية:ياك الحمارة انا فكيتك ..نوضي كملي عليها
كنزة ناضت هزات صندالة وبعدات وشيرات على ليلى جابتها ليها فالراس:هادي باش تعلمي ضربيني
ليلى ناضت اتبعها تكمل عليها وهو يشدها بكر:صافي براكة حبسو عليا هاد المرض
ليلى:ماشتيهاش ضرباتنيي
بكر بلغوات:قلت حبسوو عليا هاد المرض...كل وحدة تشد بلاصتها
كلشي قطع الحس وشدو بلايصهم ...من غير كنزة لي مازال كتبكي بصوت مرتافع وتحك فلقرصات وشعرها منتوف وكتشوف فليلى وتدعي فيها فنفسها..وليلى مازال باغة تكمل عليها على داك ضربة لي غفلاتها بيها ..هاد جوج ..بجوهم كامونيات ماكتهدهم غا لعصا ..
بكر :كاين شي عشا
حنان يلاه اتدوي وهو يسبقها محمد:ماكاين عشا هاد ليلة تا واحد ما ايتعشى
ياسين:ناري لا الوليد فيا الجوع ولحال مشا لابغينا نجيبو شي خانز وبنين
محمد:قلت ما كاين عشاا حنان جيبي داك لكوكوط لهناا غاديين لعرس الناس رونتوه وجاين..وشي كيضرب فشي قدامي ..نت كنقولك بعد من لبنت زطمتي فكلامي ..وليتو ديرو لي بغيتو ما بقات عندي كلمة فهاد الدار
كلشي سكت كيشوف فيه ..ناضت حنان جابت لكوكوط وحطاتها حداه
محمد:ضصرتو بزاف
كيدوي ويشوف فبكر لي غير كيشوف بهدوء
محمد شاف فياسين:تهز عيط لعساس دلباركينج دابة
ناض داك ساع هبط مع اادروج عيط للعساس طلع تاني هو وياه مع الدروج خلاه فلباب ودخل:هاهو فلباب وناري مزال روينة لتحت
محمد:عطيه هاد لكوكوط حلال عليه ..حتى لصباح ويردها لينا
ياسين خدها منو وعطاها للعساس شوية ويبكي..ورجع دخل
محمد:بلجي داك لكوزينة واري سوارت
حنان:ولكن امحمد نت خاص تاكل وتشرب الدوة ديالك
محمد:نموت كااع بلجي واري سوارت
دارت داكشي لي قال ليها وعطاتو سوارت ..بقاو شي كيشوف فشي ..اامشكلة كلهم فيهم الجوع ما واكلينش ..ودايرين عشا واحد ايتعشاوه كاملين كيف لعادة ...
#يتبع_ارائكن ارضا ابا محمد .. #عائلة_شالوطية_محترمة 🙂