بدأت العزيمه على دخول ماجد وترحيبه بهم وصارت الفرحه فرحتين بالنسبه لهم ورعد شك اكثر واكثر.
رعد-طيب؟ وين عيالهم!
جا ماجد وجلس جنب ايار. تحت نضرات الجميع والبنات يناضرون ارال الي فسرت انها مجرد اشاعه. ايار صارت بالنص وارال يمينها وماجد يسارها.
ارال بهمس- صرخي سوي دراما لا تخلين حصوص وورعها يفوزون! توي مبرره!
ايار- ماجد سلامات؟
ماجد-وشو؟ زوجتي وام عيييالي شفيها؟
رفع صوته بزوجتي وام عيالي لغيض رعد
قامت ايار بأنفعال وراحت الصاله داخل. حس رعد انه اخييرا جا الوقت الي يعاتب ايار فيه ولحقها على طول
رعد- الحقيني!
ايار-نعم؟
رعد-تلحقيني ولا اسحبك؟
ايار- طيب!
دخلو اثنينهم غرفه فاضيه ببيت متعب.
رعد-تركتيني ورحتي ماقلت شي عشان مستقبلتس اهم رحتي وتزوجتي وجبتي عيال من ماجد ماقلت شي لكن تجين وتسوين هالحركات مع ماجد قدامي لا هنا اقول مليون شي!
ايار- ا انت رعد؟
رعد- اييه رعد وليتني مو رعد عشان اعيش هالشي!
ايار- اصـ
رعد- لاتقاطعيني!.. انا حبيتس ووعدتس بالزواج وانتي كنتي موافقه بس وش غيرتس! وش غيرتس؟ بس تدرين؟ انا مو رعد اذا ماوريتس والله لا اندمك والله لا اذوقتس من نفس الكاس
ايار- رع ..رعد! اسمعني
رعد- توكلي بس
ايار- انا سمعتك انت اسمعني!!!
تركها رعد وطلع من الغرفه وسكر الباب بقوه. نزلت دموعها وهي شافته وعرفت انه بخير جسديا بس مكسر نفسيا. كرهها وكرها جدا ومعد بقى في قلبه ولا ذره حب لها. صار يكرهها وهمه ينتقم ويذوقها من نفس الكاس.
طلعت ايار من الغرفه بعد مامسحت دموعها وابتسمت مجامله نادت ارال-
ارال- هلا وشبك؟
ايار-تعبانه وابي اروح البيت اذا سألت امي عني قوليلها
ارال- تعالي اقعدي ١٠ دقايث مجامله على الاقل! وشفيه وجهك محمر؟
ايار-تعبانه! طيب ١٠ دقايق بس
دخلواثنينهم وعين رعد ابدا ماتجي بعين ايار.بس ايار تناضره وهي حزينه على حالها وحاله. والايهم يتأمل ارال. كيف كبرت وحلوت وصارت اجمل
ريمان- ايوا يابناتي ايار وارال بكره تروحون تشترون نقاب اليوم اخر يوم بالكمامه طيب؟
ارال- اكيد
ايار- ابشري
جا ماجد وتوجه لايار- عيوني قومي شوي نبيك
ايار-نبيك؟
ماجد- انا ولولو وحمود عيالنا شفيك؟
ايار- سلامات انت؟ هههه
ماجد تجين ولا كيف؟
قامت ايار بتشوف ايش عنده.
ورعد الي كان يناضر وقال بهمس- لولو وحمود اجل؟ يصير خير
ايار- شعندك انت!
ماجد- بتعامليني زي ما اعاملك فاهمه؟
ايار- الووو صحصح ياحبيبي وشو عيالنا وشلون اساسا تلمسني وتجلس جنبي وانا ما احل لك!
رعد- ياقلب حبيبك انتي خلاص ابشري بكره او بعده نجي نخطبك بس عامليني كذا بش هاليومين
ايار -اقسى مراحل البجاحه خير؟ انت صاحي!!!
ماجد-لاتفشليني قدام القبيله قالو اننا متزوجين جاريني هاليومين وبعدين بقول تطلقنا! لاتفشليني وانا طالبك واوعدك ما المسك وعد!
ايار- يصير خير والله اسوي هالاشياء عشان عمي احمد وليلاس والايهم ماينزل راسهم ولا انت راسك نازل من اول!
ماجد- طيب
رجعت ايار تدخل وقالت- يمه انا بروح البيت تبين شي؟
ابتسام-فيك شي؟
ايار-لا!
ابتسام خليك ساعه ساعتين مجامله
ايار- ياحبكم للمجامله طيب بقعد بالحديقه الخارجيه
طلعت برا جالسه متربعه تتأمل الاشجار وتتأمل طفولتها ومراهقتها هنا. ابتسمت بيأس بعدين تذكرت رعد لما قال(انا مو رعد اذا ماوريتس والله لا اندمك)استغفرت وقالت- معقوله اليوم رعد بيخطب؟
~
رعد- ابوي تعال شوي بكلمك
قام رماح وراحو سوا للصاله.
رعد- يبه بنروح نخطب الهنوف اليوم؟
رماح- اي لاتكون بتكنسل؟
رعد-لا بنأجل. كلمهم قول بعد اسبوع اسبوعين. عندي شغل والله
رماح- شغل ولا ايار؟
رعد- ايار متزوجه وعندها عيال وش ابي فيها؟ عندي شغل فقط
رماح وهو يمسح شنبه - اييه يصير خير طيب
ابتسم رعد بخبث ومشى للايهم وماشافه.
كان الايهم بالمطبخ بيجيب صحن ودخلت عليه ارال
ارال- ااااء ايهم وين الصحون؟ بأي دولاب قصدي
رفع الايهم حاجبه وقال- اسمي الايهم مو ايهم. ولا نسيتي يا اريل؟
ارال- اريل؟
ضحك الايهم -شكلتس نسيتي اريل بعد المهم انا بجيب الصحون خلاص روحي
ارال- لا علمني وشو اريل؟ ماقدرت اتذكره!
الايهم- توس ثواني مامرت و مافكرتي! فكري وخذي وقتس واذا استسلمتي اعلمتس
ارال- اوووووف ياخي يا ايهم!
وطلعت وهو يبتسم يتذكر نطقها لاسمه وقال- والله شكل بعدتس ياجميله الاطباع بحب ايهم اكثر من الايهم!
وطلع وراها وشافها جالسه بالفرشه وقدامهم سفره الاكل.
الايهم- خذي!
ارال- شكرا
ابتسام- شفيه يكلمتس تسذا؟
ارال-شدراني شكل رعد عصبه! معلينا معلينا سمي وكلي يمه
عند ايار~
بالجوال
ايار- اي يديمتي كملي
ديما- والمهم الاسطبل يفووووز صدق بكرا بروحله جديد
ايار- وش رايتس تمريني! بليز طفشت من هنا
ديما-وحشتس بريطانيا؟ تم خلاص اجيتس بكرا العشاء انا بروح العصر اشيك عليه تمام؟
ايار- تم تم يا اطلق خوي
ديما- اييييه ههههههه... دقيقه انتو ماعندكم مزعه خيول هنا؟
ايار-لاوالله عندنا مزعه بل فقط! بس ممكن تغير بسأل جود واردلتس خبر مع اني ماتوقع.
قاطعها دخول ماجد وجلوسه جنبها بالكرسي في الحديقه.
ماجد- الا فيه وفيها٤ خيول
كانت ايار بتعصب من تجسسه على كلامهم بس نست من ذكر كلمه خيول
ايار- وناااسه من زمان ماركبت خلاص اليوم بتدرب واجيتس!
ديما-اييي بناخذ المركز الاول اكييد!
ايار بفرحه-اكيد يحبيبي انا بنت عبدالملك وانتي بنت مترك وش متوقعه!!!
ابتسم ماجد على ايار
بس رعد الي جاي من ورا يدور الايهم وشاف ايار وماجد وايار مبسوطه يحسبها تكلم ماجد بس ما انتبه لسماعه الايربودز الي بأذنها. لمحه ماجد وقرر يفلم شوي. انسدح على رجول ايار وقال- جاريني ابوي هنا!
ايار- يلعن ا... ديما انا بقفل!
ايار بهمس- ايش محسب نفسك انت؟
ماجد-اسف اسف اسف
شافهم رعد وعصب جدا هو محذرها انها ان سوت هالحركات بيسوي شي مايعجبها وفعلا بيسوي. راح وهو منفعل وكأنه قنبله مؤقته بينفجر بأي لحظه.
قام ماجد وابتسم بخبث وقال-راح! بس تبين اكمل عادي
صفقته ايار كف وقالت- ان لمستني او قربت مني ثاني قسمآ عظمآ بيصير شي مو حلو يا ماجد!
وراحت لغرفتها وهي تتمتم- قال اكمل قال!هه قسم بالله لا اوريه
عصر اليوم الثاني~
موظف- السلام عليكم وش اسمك؟
ديما- ديما مترك ال عادل
موظف- استاذه ديما! اعذريني على القصور تفضلي معاي عند الاستاذ عبدالعزيز سعود
ديما- معليك
عبدالعزيز- ادخل؟
الموظف- اسـ
عبدالعزيز- مو وقته والله مشغوول جدا تعالي وقت ثاني اسف!
الموظف- ابشر..... (وقفل الباب)
وكمل- مشغول.. تفضلي معايا اوريك مكتبك بعدين اوريك مكان خيلك!
ديما-تمام
الموظف- شنو اسم خيلك استاذه ديما؟
ديما-وهج
الموظف-اذا تبين اي شي ناديني انا تحت خدمتك
ديما- ايوا بس ابغا اروح اتدرب مع وهج. وديني عندها
الموظف- تفضلي معايا
~
ابتسام وهي تفتح الستاير المغرب -
ايييار يلا قومي انتي قلتي لي اقومك العصر
ايار-همممممم
ابتسام- ييوه نومك ثقيل انتي سريع يلا
ايار-طيب دقيقه بس يايمه
ابتسام- لا! اكيد عندك شغل مهم يلا قومي
ايار وهي تمسح عينها- قمت
بغرفه ارال
ابتسام- ارال عندك شي؟
ارال-همم لا
إبتسام-تمام
قامت ايار وجهزت نفسها وفطرت.
~
رعد-ايهم اليوم في مسابقه خيول صح؟
الايهم- اي تبدأ بعد ساعتين ونص
رعد-نروح؟ ابي المركز الاول طقت براسي
الايهم- تم بجهز هنان
رعد- اصبر بجي معك اجهز بريقً
~
الموظف- متأكد انك ماتبي تدخل المسابقه؟
عزيز- اي يبن الحلال بكون حكم. عطني اسماء المشاركين
الموظف- في اسمين زياده اتصلو قالو بيشاركون.
عزيز-طيب اكتب اسمهم. او اقول امليني الاسماء اشوف
الموظف- البنات (ديما مترك ال عادل)(ايار عبدالله ال متعب)(نوره مسفر ال جراح)(ليلى محمد ال علي) العيال- (رعد رماح ال متعب) الايهم احمد ال متعب) ( صقر مسفر ال جراح) سلطان هيثم ال منصور)
عزيز- ايار ورعد وايهم يقربون لبعض؟ ونوره وصقر اخوان؟
الموظف-اي
عزيز- طيب خلاص ثبت الاسماء معد بنستقبل جديد بنبدأ بمسابقه الاناث بعدين الذكور كم باقي؟
الموظف- باقي ساعه
~
ديما- ابطيتي علي!
ايار وهي تقفل باب السياره- اسفه! كنت ادور نقاب
ديما-عذر خايس انتي مو لابسه نقاب الان!
ايار- مالقيته بعدين قلت اساسا مارح اقدر اشوف زين
ديما- طيب
يتبع~
اعذروني عالاخطاء
كاتبتكم- لـيـلاس الـحـارثـي🫐