تجهزو ايار وارال وكشخو ولبسو عباياتهم وضبطو نقابهم وطلعو يدورون بعيونهم سيارة امجد، لقو سياره بيضا عند الباب واقفه وتوجهو لها يدخلون وجلسو وقفلو الباب وقالو- السلام عليكم
مشى ماجد ورد عليهم وهو يبتسم - وعليكم السلام
وسعت ايار عيونها بصدمه وارال زيها وحاولت ايار تناضر ماجد وعرفته من راسه وقالت-ماجد!
توسعت ابتسامته وقال- عيون ماجد
ناضرته ايار بقرف وقالت- وقف بنزل!!
ارال- سلامات انت شتسوي؟؟
مسكت ارال جوالها ودقت على ليلاس وقالت- ماجد شيسوي هنا!!
ليلاس- مين؟؟ انا قلت لامجد يوديكم
ماجد بأستفزاز- الله يسامحكم يعني ماتبوني؟
ايار- ماجد انقلع عننا ! انقلع عني! مابيك خلاص ليش لهدرجة صامل!! ؟
بلع ماجد ريقه وقال- من قبل مايصير بينك وبين رعد شي انا الي كنت ابيتس! مب رعد الزلابه ذاك! وبعدين كبرنا وتخطيتك! ولما طلعت اشاعه اننا تزوجنا استوعبت اني ماتخطيتك واني ابيتس!! مين رعد عشان ياخذتس مني؟
ايار- اخذني اساسا! انا زوجته وهو زوجي شتبي؟؟
ماجد- طيب مو مشكله تتطلقون لانه مالمسك اصلا ولا راح يلمس البنت الي تركته كأنه نكرة، مالمسك صح؟
انصدمت ارال من وقاحة ماجد وايار مو اقل منها! صرخت ايار - وقف!!! نزلني ياوقح!!!
اسرع ماجد ووقف عند البيت ونزلهم وقال بسخرية- مالمسك كويس
انقهرت ايار من وطلعت وتركت الباب مفتوح وارال قفله بقوه جدا، دخلو اثنينهم ووقفو عند الباب وجات الجود تركض تفتح الباب درت انهم جو لانها سمعت صوت الباب الي انقفل وشافتهم مع الدريشه، وصار هالحوار كله تحت مسامع البنات لانه ليلاس كانت فاتحه سبيكر، وارال تحسب انها قفلت الاتصال، استغفر ربه ماجد وطلع جواله بيصور ايار للذكرة لانه ماعنده ولا صوره لها طبيعي جدا، نزلت ايار بغضب ووراها ارال تنفست ايار واخذت شهيق وزفير مرات كثيره. ثم طلعت ارال من شنطتها مويا واعطتها ايار وجود كانت تناضرهم وقالت بتوتر- تفضلو بنات
نزلت ايار نقابها ظنً منها انه ماجد راح ومافي احد وراها وهي بتمشي طاحت شنطتها فا لفت تاخذ شنطتها وماجد صور وجهها بطريقه اوضح، توسعت ابتسامته ومشى بشرعه وباب السياره قفل لوحده،
~
رعد- ضيدان
ضيدان- امر؟
رعد- كم باقي يوم ونأجز؟
ضيدان- بكرا
مسح رعد شنبه وتنهد وقال- ومتى تبدأ المهمه؟
ضيدان- الان
رعد- يلا نشوف يارب هالشهر الي دربتم فيه يثمر
ابتسم ضيدان وعدل وقفته وقال- ان شاء الله تشوف الي يرضيك
رعد- ان شاء الله
~
جلست بالارض بينما الكل جالس بالكنب، رمت نقابها وحطت شنطتها جنبها ونزلت راسها مشابكه اصابعها بشعرها، تمررها بشكل عشوائي ومغمضه عينها ومتربعه بالارض والكل يناضرها ومتوقعين سبب التوتر الي فيها ذا.اخذت شهيق زفير طويل ثم جات ساره الي مدت لها كوب المويا البارد، شربته وبدت تصحصح شوي وقالت وهي مازالت منزله راسها - شفيكم تناضروني
ساره-وضعك مايطمن
قامت الجوري جابت مويا اعطتها ارال وقالت- اشربي اشربي حتى انتي وضعك مايطمن
رفعت ايار راسها -خلاص مافيني الا العافيه
ليلاس- اسسسفه اسسسفه والله حسبت امجد بيجي مادريت انه ماجد!اسفه يا ايار وارال
ايار-عادي حبيبتي
ارال- عادي ماكنتي تدرين
جات الجود وقالت-دام الامور تمام يلا هيامو تعالي معاي الغرفه بوريك شي
الجوري- خييير ورينا كمان
جود- بتشوفون اصبرو بس
قامت هيام ومشكت يد جود ومشو للغرفه وفتحت جود الدولاب وطلعت لبس مصري واشرت لهيام تجيب السماعه- يلا خذي البسي ذي وانا بلبس ذي ونهز لهم
هيام بصدمه- امانه!! شلوووون!!؟ ههههههههه
ضحكت جود وقالت- يلا اعطيني ضهرك وبعطيك ضهري ونلبس
هيام- يلا ييلا
~
ديما- فصووول مسااء النورر
فيصل- هلا والله
ديما- شتسوي هنا
فيصل- علي المناوبه
ديما- غريبه مو المفروض مو من اول اسبوع لك مناوبه
فيصل- مديركم كريه حاقد علي
ابتسمت ديما وقالت- الحين اجيك
راحت ديما ودقت مكتب عزيز وقال- تفضل
فتحت الباب- زاد فضلك
ابتسم بخفه- شتسوين هنا
ابتسمت ديما لانه قال زيها وقالت- ليش معطي فيصل مناوبه من اول اسبوع
عزيز - تعالي قفلي الباب واجلسي وعلميني شتبين
سوت الي قاله وجلست قدامه وقالت- مو المفروض مو من اول اسبوع مناوبه؟
عزيز وهو يتأملها ودايخ- اي؟
ديما- شفيك حاقد عليه وش سوا لك
قام عزيز من كرسيه ولف وجلس تحتها بالارض على رجله مو بكامل جسمه وقرب منها بزياده وقال- مانيب حاقد
توترت ديما وحطت عينها بعينه- طيب ليش معطيه مناوبه من ثاني يوم؟
عزيز- ايه
ديما- عزيز!!
عزيز- لبيه
سكتت ديما لثواني، وحتى لدقايق وهي تناضره وهو يناضرها ، ثم قرب اكثر عزيز ونطق- جايكم بكرا
وسعت ديما عيونها وقالت- شلون!
عزيز- يعني جايكم بكرا
ديما- طيب هالبكرا فين؟ وين بتجي!!
عزيز- بيتك.. بيتكم
ديما بصدمه- بيتنا انا وامي وابوي واخوي؟
عزيز- بالضبط، مابجي لوحدي ابوي واخوي وامي واختي
ديما- ليش
رجع عزيز على ورا شوي وقال- تعرفين بكرا
رجعت ديما ضهرها على ورا وناضرته وفهم عزيز وقام من مكانه ورجع الكرسي حقه وقال- تقدرين تطلعين
رفعت ديما حاجبها وقالت - وقح ياناس!
ضحك عزيز وقال- يلا يلا
قامت ولفت راسها بوعيد وهي تأشر عليه- لاتنسى هالكلمه تذكرها تذكرها سامع؟
عزيز- يلا بس وقفلي الباب معس
لفت ديما راسها وطلعت وتركت الباب مفتوح ورجعت لفيصل الي جالس ينتضرها
فيصل- طولتي
ديما- معليش
فيصل- كلمتيه؟
تذكرت ديما التقارب الي صار بينهم وابتسمت وثم قال فيصل- دييما
ديما- هلا؟
فيصل- كلمتيه اقول؟
ديما- اي.. لا
فيصل- هااه؟
ديما وهي تمشي-خلاص خلاص
وطلعت من الاسطبل.
~
فجأه اشتغلت اصوات الاغاني وانفتح الباب ودخلو جود وهيام وبدأو يرقصون ويتمايلون وهم مبسوطين، بدأ مزاج ايار وارال يتعدل شوي وابتسمت ايار وقعدت تضحك على هباله جود والطرييقه الي ترقص بها، مسكت ميار جوالها وسوت زوم على ايار وصورتها عشان كانت ارال جنبها وحاولت تغطي على ارال وصورت ايار وهي تضحك وهيان تسحبها ترقص معاهم، وقفت ميار التصوير عشان رعد مايشوف. ايار ترقص وضحكت بخبث . ناضرتها ارال وهي ماتدري وش تخبص هالمجنونه وسحبت نضرها منها. رجعت ايار مكانها وهي جالسه وبعد ساعه قامت وقالت لارال- انا برجع البيت
ارال- بجي معس بس كيف؟ مع مين
ايار- كعابي
جوري- تركي الحين بيجي ياخذنا انا وهيام تعالو معاي
ايار-تمام
جوري- بدق عليه اشوف وينه
~
وصلت ايار البيت هي وارال وركضت ايار لغرفتها وقفلت الباب ورمت نفسها على سريرها تنام،
~
فتح الباب ونزل من السياره وناضر الرجال الي وراه وقال- جاهزين؟
هزو راسهم جميعهم وطلعو اسلحتهم من خصرهم وعشقهوه وقال رعد مرا ثانيه- يلا القسم الاول يسوي الي طلبته منهم
توجهو مجموعه من الرجال للمدامهمه من فوق الجدار نطو ثم دقايق وانفتح الباب ودخل رعد ومجموعه من الرجال الثانين،طلع رعد سلاحه وعشُقه وهز راسه للقسم الاول انه يداهم البيت من داخل والقسم الثاني يراقب من برا، وقف رعد وجنبه ضيدان وواحد من الرجال كسر الباب ودخل الكل وراه.
تسريع للاحداث~ اليوم الثاني
إبتسام- ايار يلا صلاه يابنتي
قامت ايار تتوضى وتصلي ثم غسلت وجهها ونزلت تفطر وقال عبدالملك- يلا ابوي يقول نص ساعه ونحرك للبر نكشت جهزتي الحلا يا ابتسام؟
ابتسام- اي.. اياز جهزي شنتطتك عشان رعد يجي ياخذتس بالرجعه
رفعت راسها من سمعت اسمه وهزت راسها بالموافقه وطلعت لغرفتها تتجهز، مالبست شي ثقيل وربطت شعرها ذيل حصان وجهزت شنطتها ولبست عبايتها ونزلت،
~
دق الايهم على رعد- ورع
رعد- ورع الي يرعَك
ضحك الايهم وقال- تراني عزمت ناصر وعزيز بس عزيز قال عنده شغل مهم وناصر جاي.. انت وينك
رعد- بالطريق
الايهم- بتوقف بيتكم ولا بتجي البر
رعد- البر
قفل الايهم الاتصال.
~
وقفت السيارات كلها ونزلو وفرشو المفارش وبين الحريم والرجال السيارات. وجلسو الحريم وحطو القدور عشان يسون الغداء وحطو اللحم على النار، جلست ايار بفرشه البنات (اربع مفارش،رجال،حريم،بنات،شباب،)وقالت- ايوا وش فعالياتكم
ساره - والله بنات الحمدلله انهم اعتقونا وقالو العشا على الحريم هالمره مو البنات
الجود- اممماااانه؟
ساره- اي والله هههههههه
هيام- والله يا ايار ليلاس تقول حملت لعبه على جوالها وبنلعبها
جوري- ونااسه يلا
ليلاس- بس ممنوع تقولين دزو ما بلعب ولا تقولين سكببب
جوري- سامعه يا جود؟
جود-خيييرر
وضحكو البنات.
ليلاس- اللعبه هي اسأله مين اكثر وحده وكذا،،
ارال- غش طيب انا وايار ماكلمنا سنه معاكم من زمان ماشفناكم
جوري- تحملو افعالكم
ايار- خييييرر ههههههههه
جود- قلوده هههههههه
ليلاس بأبتسامه- ييلا..
ماقالت ليلاس كلامها والا امها دقت عليها. ردت عليها وقالت- هلا يمه
حصة- وينك يازفت؟ من اول اناديك ماتسمعين صنجة انتي صنجة؟؟
ليلاس بتوتر- ماسمعتك.. وشتبين
حصة-وش هالاسلوب المعفن ياقليلة الادب؟؟ انقلعي يلا
قفلت حصة وتنهدت ليلاس وقالت- يلا بنات السؤال الاول هو مين اكثر وحده مزعجة؟
البنات كلهم- جود
جود- ميـ...
شهقت جود وقالت- خمخخخييييررر؟ احسب بتقولون ميار ياكلاب ياحيواناتت!!
هيام- ميار مانلعب معانا ياغبيه وانتي مزعجة كمان زيها
جود- والله ما اسامحكم ياكلاب
ضحكوا البنات وقالت ليلاس- مين اكثر واحدة كشوخي؟
الكل - ايار
ايار- كلكم
ليلاس- مين اكثر وحدة لطيفه
ساره-انا
جود-انا
هيام-انا
ايار- لا انتي ولا انتي انا
ليلاس- دزي انتي وهي.... مين اكثر وحدة زعوله
ايار- هيام
هيام بمزح- انا؟؟؟ زعوله؟؟ مابي العب يلا دزو
ضحكو البنات عليها و سكتت ايار من شافت سياره رعد وقفها ونزل منها وراح عند الزجال، وقفت تناضر سيارته وتسمع صوته يسلم عليهم، بلعت ريقها وصحصحت من سمعت ليلاس تقول- مين اكثر وحدة مـ...
دقت حصة مرًا ثانيه وقالت ليلاس- معليش بنات..
اخذت ليلاس جوالها وردت على امها وقالت -ها هلا يامي
حصة- هوا الي يهفك!! تعالي قهويني
رفعت ليلاس حاجبها وقالت يممه انـ...
حصة- انا اجيبتس ليش يامعفنه؟ انتي بنت ؟؟ قليلة ادب ماعرفت اربي والله! انقلعي يلا مافيكم ولا واحد مؤدب خيرتكم ماجد بس!
وقفلت للمرا الثانيه وتجمعت الدموع بمحاجر ليلاس. هاذي مو المرا الاولى الي امها تسبها لها وتسد نفسها بأي شي. تركت ليلاس جوالها ومشيت بالبر من الطفش، ماعندها وجهة محدده بس تمشي ودموعها على خدها وتشاهق بحزن مرت ساعه وهي تمشي ثم تعبت ووقفت ولفت مالقت اهلها جنبها ولا فيه شي غير جبال رمليه وصبار، شهقت وقالت- شسسوووويت!! لايكون ضعععت!!
رجعت لورا تمشي بس مالقتهم.
هيام- شفيها ليلاس طولت؟؟
جوري-والله مدري! قومي نشوفها عند الحريم
~
رعد- اي يانويصر وش اخبارك
ناصر- طيبين الحمدلله.. كيف المهمه
رعد- والله الامور مشت تمام
ناصر- الحمدلله
~
هيام- عمه حصة؟ وين ليلاس؟
حصة- عندكم
ناصرت هيام فالجوري وقالت جوري- دق جوالها وقامت ومدري وين راحت لها ساعه؟
شهقت حصة وقامت وصرخت بأعلى صوت- بننننتي!!!.. بنتتتي!!!!
قام متعب والرجال على صوت حصة وتغطو الحريم وجا احمد يركض يغطي حصة ودخلو الرجال عالحريم وهم مايدون شسالفه. متعب- شفييييه؟؟
جوري- ليلاس لها ساعه مختفيه!!
بلع ناصر ريقه من سمع اسمها للمرا الثانيه وتوتر وقال الايهم- هاا؟؟ ليلاس؟؟؟
متعب- اركبو السيارات يارجال ودورو البنت لايكون صار لها شي!!
ركض ناصر يركب سيارة الامجد وانطلق يدورها ووراه الرجال والعيال يدورون ومرت نص ساعه والشمس بدت تغرب والكل متوتر وامجد عند حصة يهديها.
~
خافت ليلاس اكثر وقررت انها تجلس وتنتضر احد يجيها بس قالت- لا تخيلي اقعد هنا لليل!! خلني امشي بس
تمشي وهي ماسكه قلبها من الخوف وماقدرت تمسك نفسها اكثر وبدت تصيح وتشاهق لوحدها بالبر بين الرمال والجبال والصبار وطرحتها طايحه ماتدري وينها، وسعت عيونها من شافت ضوء سياره يقرب لها واشرت بيدها يوقف لها. ابتسم ناصر من شافها ودق بوري وعرفت انه واحد من اهلها وتأكدت انه امجد من السياره. ركضت تركب جنبه ورمت نفسها عليه تشاهق وتصيح تحسبه امجد . جلس يناضرها بصدمه ثم بادلها الحضن لا شعوريآ وبدأء يمسح على شعرها بهدوء ، استغربت انه مافي صوت من امجد ورفعت راسها وهي مازالت تحضنه وجات عينها بعينه، مرت دقايق وهم يناضرون بعض بذهُل ثم بعدت عنه وقالت-نـ.. نـ ناصر؟؟
ناصر- اشوى انك طيبه خوفتنينا عليتس!
ليلاس- ما..مادريت حسبتك امجد!
ناصر-عادي ماصار شي.
نزل ناصر شماغه واعطاه ليلاس وهي فهمت وغطت شعرها وقال ناصر- ترا بعدنا امكن نص ساعه او ساعه ونوصل
هزت راسها ومسك ناصر جواله وارسل للايهم- لقيتها ، وجايين بالطريق خليكم
~
فز الايهم من اشعاره ودق على جده وقال- ناصر لقاها! ويقول الحين جاي
متعب-الله يبشرك بالخير! يلا تعالو
علم متعب الكل انهم لقوها وانهم يرجعون لمكان الكشتة.
~
قعد دقايق يفكر اذا يكلمها ولا ولا واذا الوقت مناسب او لا، فكر وقرر اخيرا انه يصارحها ويسألها،
يتبع..
كاتبتكم- لـيـلاس الـحـارثـي 🫐.
مين تتوقعون الي بيصارحها؟ ووش رايكم بميار وماجد ؟ والله النيه انه ايار ورعد يتقابلون بهاذا البارت بس يلا، وتجهزو ترا البارت الجاي فيه دموع🙏🏻 وفيه لقطات حلوه كمان طببببعععا✋🏻✋🏻
