وجلست بجانب رعد وهي متوتره ، ذاقت هيام الحلا وقالت-همممم!!! يهبل ياايار!
ايار بأبتسامه تخفي توترها- تسلمين !
ابتسم رعد وحاوط خصرها يقول- يعطيك العافيه
ايار وهي تحاول تفك نفسها -الله يعافيك !
هيام بسخريه - شعندك حفظت الفديو الي ارسلت لك اياه؟
رعد - اي فديو؟
هيام- فديو هز زوجتك ذاك
وسعت ايار عيونها بصدمه وقالت- هـ هزي ؟.. يوم زواج جوري بالمصري؟
هيام - ايه؟
رعد- زوجتي ؟ اي
هيام-طيب طيب ...
رعد - المهم شلون بنتقلين العفش؟
هيام-كلمت شاحنه بتجي بعد ساعتين ، مسافه قصيره اساسا وترا سرير ودولاب وتسريحة!
ايار-عندي صناديق صغيره ووسط وكبيره تبين اعطيك اياها تحطي اغراضك؟
هيام- اي ابي صغيره عندي كبيره
ايار- تمام شوي نجيبها واساعدك مفهوم؟
هيام-داريه اني برفض ! ههههههه
ايار- اص بس
وكان رعد يتأملهم ويبتسم لعلاقتهم الجميله ، مر اليوم سريع وراحت هيام وبقو ايار ورعد ونطق رعد وهو يشيل الصحون مع ايار متوجهين للمطبخ- شفتي الصندوق الكبير الي جا من اليوم حق وش ؟
هز ايار راسها بنفي وقال رعد- ابلش الحين رجعنا لصمتك!.. اذا كان احد بيسكت فهو انا
ايار-وش الاسباب ؟
رعد- اخترت عز النفس وابعد واخليك
ماعادت ايامي معك مثل ماكانت
كسرت قلبي وهو كان بلحيل مغليك
حطمتني وانا احسبك كل الامان
حتا على نفسي قمت انا ابديك !
ناضرته ايار وقالت بعتب- انت ماتدري بوش حسيت !
رعد بسخريه - بالله؟
ايار- شفت؟ دريت انه كل نقاش بينتهي بسخريه منك ! انت فالخ فقط في السخريه
رعد وهو يمشي للمطبخ- بلا كلام فاضي وتعالي معي المطبخ
كشرت ايار وشالت الفناجيل وجات للمطبخ تحطها بس فضولها وقفها تشوف رعد ماسك مشرط وواقف قدام الصندوق ، سوت نفسها مشغوله بالمطبخ عشان تنتضره يفكه بس سرعان ما انتبه رعد لحركاتها وقعد على جواله بالمطبخ وقعدت ربع ساعه تنتضره ثم زفت بملل وكانت بتطلع لكن استوقها صوته وهو يقول - ايار
لفت ايار وهي تمثل عدم الاهتمام وقعدت تناضره ، مد المشرط لها وقال- فكيها
رفعت حاجبها بدهشه وقالت-شدخلني ؟
رعد - هديتك ذي !
ايار بأستغراب اكثر- بمناسبه ؟
رعد- فكيييها!
ماتقدر تنكر انها متحمسه جدا ، ولكن رعد كان يتأملها ينتضرها تفتحها وهي تمثل عدم الاهتمام ، فتحتها وطلعت الة قهوه كبيره مع اكوابها وعدتها ورسالة مكتوب فيها
( شلت مسكنها بورد مع حنين
من قبل لارشه بنيران القهر
ماضرني سجني على ٧ سنين
لاني سجين بحبها طول الدهر )
بدأت ابتسامتها تتلاشى من قرت الثلاث سطور ثم من وصلت للاخير توسعت ابتسامتها وقالت وهي تأشر على كلمه "حبها" - جد ؟
رعد-لا هي بس كذا كتبتها
تضايقت شوي بس ابتسمت وقالت - اخييرا مابصحى وراسي مصدع ! اخ
رعد وهو يبتسم لابتسامتها- يلا ارقدي بس
ايار-يع لازم تخربها يعني ؟ والله ماتنام اليوم بالغرفه !
وركضت تطلع بالدرج ورعد الي يصارخ وراها- تخسيييين!!
قفلت الباب وتنهدت براحة وتوجهت للدولاب تطلع لها بجامه وتطلع له ، سمعته واقف عند الباب يدق يقول- عطيني بجامه طيب
كتمت ضحكتها وراحت للباب تعطيه البجامه بس من فتحت الباب وهو يدفعه بقوه وبحركة سريعه منه دخل وحشرها بالباب ، كان يناضر ملامحها بجمود وعينها وشفايفها وشعرها وبجامتها القصيره الي مو لابسه عليها جكيت لانها تحسبه مابينام عندها ، ببل شفايفه ونطق- لعد تعيدينها مفهوم ؟
هزت راسها بنعم وتنتصره يبعد عنها ، بردت اطرافها وشهقت من مد يده على خصرها يشد عليه بقوه وقال- بس اليوم بنام بالصاله باقي الايام لا
ايار- طيب كان سكتت وخليتني اعطيك بجامتك وانقلعت نمت !
رعد- عجييب والله !
وبعد يده عن خصرها واخذ بجامته ودخل الحمام (يكرم القارئ) واخذ شرشف وقال- لا تقفلين الباب عشان العصر اجي البس واداوام
هزت راسها وقالت- طيب رح
وراح وردت الباب بس بدون ماتقفله وتنهدت براحة وتمددت على السرير بخمول لين داهمها النوم ..
~العصر .
دخل الغرفه ولقاها متمدده والشرشف بعد عنها وشعرها بوجهها ، ابتسم وقرب منها يبعد الشعر عن وجهها ويغطيها بالشرشف ونطق بهدوء -
كسرت قلب كان بالحيل مغليك حطمتني وانا احسبك كل الامان ، عين بكت لك امس واليوم تشكيك ياقو قلبك كيف بعثرتني!
تنهد ومشى للدولاب ياخذ ثوبه لكن سرعان ماسمعت صوت قفلت الباب انهارت بكاء من عبارته الي باقي ماتخطى فيها ، ثم مدت يدها للدولاب الي جنبها واخذت الكرت الي كان مكتوب فيه
( شلت مسكنها بورد مع حنين
من قبل لارشه بنيران القهر
ماضرني سجني على ٧ سنين
لاني سجين بحبها طول الدهر )
وقارنت بينهم ونطقت وهي بين دموعها - كذاب ماتخطى !
مسحت دموعها بعنف ودفنت راسها بوسادتها وهي تشاهق ، بالنسبه لها اسوء شي انها تشاهق اثناء بكائها ، قومت نفسها بصعوبه وتوجهت لدورة المياه(يكرم القارئ) واخذت شاور سريع وحطت كريماتها وغسولاتها وتوضت وصلت ، ثم راحت للمطبخ تسويلها فطور واكلت وخلصت واذن المغرب وصلت ، وراحت لغرفتهم تلبس وفتحت دولابها تناضر فساتينها وابتسمت من لقت فستان اسود قصير وتوسعت ابتسامتها من تذكرت مافيه الا بنات بالجمعة فسحبته ولبسته (تشبيه الفستان في التيك ) وقررت تسوي سموكي ميكب وحطت اخر لمساتها واخذت جوالها تصور لنفسها كم صورة،وحطت صورتها خلفيه وهي مبسوطه من شكلها وبعدها بدأت بشعرها وسوته ويفي ولبست كعبها وتوقفت من سمعت اتصال ارال -
ارال- وييينتس؟
ايار-اتجهز
ارال-يوووه مطوله ؟
ايار-انتي قلتي بعد العشاء
ارال-طيب يلا الكل بالبيت تعالي
ايار-للاسف انتضر رعد يجي من الدوام
ارال-طيب رح نأجل الفعاليات الى ماتجين
وقفلت ايار وبقت عالجوال الى ما اذن العشاء وصلت وجا رعد ، دق رعد الجرس وركضت تنزل تفتح له الباب وهو كان منزل راسه تحت وما اهتم للي تفتح له الباب ، انتضرته الى مايدخل وقفلت الباب ونطق بدون مايلف-نسيت مفتاحي ، تجهزي باخذ شاور ونروح
هزت راسها وطلعت ورّاه للغرفه تحط اخر لماساتها واخذت مشبك شعر تجربه على شعرها وهزت راسها بالنفي ونطقت- لا يع خليه كذا احلا
وشالت المشبك ورجعت للدرج واخذت الليب لاينر حقها ورسمت شفايفها مما تبدو اكبر بكثير وحطت الروج وفوقه قلوس وابتسمت وقفلته وقامت من الكرسي بعد ماسمعته يقفل المويا توجهت تاخد عبايتها من السرير بس هو طلع من الحمام وشافها قدامه شاف الاسود الي قتله ، كان فقط بمنشفه من الاسفل ولكن صدره تاركه عاري ، هو يتأمل الاسود القصير وهي تتأمل عضلاته وهي مصدومه ثم هز راسه وقال- متى تلبسين ؟
ايار وهي تحاول تشتت نظرها عن عضلاته ونطقت -لابسه يلا نروح
رعد-لا ياشيخه ؟ هاذا لبس؟ روحي غيريه الان
ايار-ومين انت؟ لايكون محسب انك زوجي عشانك شخبطت بالورقه؟
رعد وهو يأشر عالسرير- ماعندي مشكله اذا تبين اصير زوجتس زوجتس !
ايار بقرف وصدمه- وقح ! دز مابي منك شي
رعد-صح نسيت انتي تبين ماجد يصير زوجتس بس ماتيسرت
ايار بقهر-وقف تحشر ماجد بكل موضوع! بلا قرف خلاص!
رعد-ماجد بيكون موجود بالبيت! والله ماتطبينه بهاللبس
ايار- ماجد مو موجود عند جدي هو ومتعب وعمي احمد ! توديني ولا اروح مشي ؟؟!
رعد بعصبيه -انزلي تحت بلبس انتضريني!
مشت ايار وهي تشتمه بداخلها بقهر وبعد دقايق نزل وركبو السياره ووصلو
رعد-شفتي لو اشوف ماجد مو عند متعب ؟ و..
نزلت ايار وقفلت الباب بقوه وهي تتجاهل تهديده ، طرقت الباب وفتحت لها حصة واخذت منها العبايه ونطقت ايار- وعليكم السلام!
حصة- غرفه ليلاس هناك يمين ! هاتي عبايتك
فصخت عبايتها واعطتها حصة ، ووسعت حصة عيونها وقالت - كيف كذا جايه بيتي!
ايار-وصلني خبر ماجد مو موجود!... والايهم وعمي احمد
ابتسمت حصة بخبث وقالت- صحيح ! السلام عليكم يابنتي
استغربت ايار وهزت راسها وتوجهت لغرفه ليلاس
ايار-سلااممم
البنات كلهم وهم يصارخون-اددعععس يا ايار وش اللبس ذا !!
ايار-هههههه
هيام-ياحظ اخوي! حرييييقه
ايار-عيوووني اقوى معزز هيوووم
وبعد ساعه ونص من سوالف وحش البنات نادتهم حصة وقالت- العشا يابناتت
طلعو كلهم وتوجهو لطاولة الطعام ، والجميع جلس ولما ايار جات بتجلس نطقت حصه- ايار تعالي ساعديني اشيل المشروبات
ليلاش-شدعوه يمه انا اساعدك
حصه-شدعوه كلكم بناتي تعالي انتي واقفه
ابتسمت ايار بكلافه ودخلت معاها للمطبخ ثم قالت حصة -
دقيقه اكلم احمد
وطلعت حصة ونادت ماجد بهمس وقالت-ادخل !
ابتسم ماجد بخبث ودخل للمطبخ وشافها تطلع المشروبات تصبها بالكاس وسع ابتسامته وتكى عالباب وقال- يالبيه !
فزت وسرعان ما طاح المشروب من يدها ورفعته بسرعه لا ينكب ووجهت نظرها لماجد وقالت بعصبيه-تطلع ولا اصارخ بأعلى صوت !!
ماجد بأستفزاز-شدعوه؟ تزوجتي رعد ونسيتني؟ زعلت منك
ايار بقرف- زعلت مني؟ استرجل يا خكري !
وسرعان ما انقلبت ابتسامته لعصبيه وقال بأنفعال- وانتي وش ؟ رخيصه
وطلع من المطبخ تاركها بوسط لهيبها من كلمته "رخيصه" شدت على العصير بقوه لدرجة انه فار وانكب على يدها ، اخذت منديل تمسحه تحاول تكبح دموعها من النزول اخذت شهيق وزفير وحطت الكاسات بصينيه ودخلت عليهم وحطت المشروبات لهم واكلت سريع
~
رعد كان جالس مع الرجال ونظره على ماجد، ركز بنظره عليه من شافه يقوم ، دق رعد الايهم والايهم فهم وقال- ماجد، على وين ؟
ماجد-بروح دورة المياه (يكرم القارئ)
ناضره الايهم لرعد وكمل سوالف مع رائد ورعد ينتضر ماجد يرجع ونطق بهمس - لو تأخر دقايق بدق على ايار !
وفعلا تأخر دقايق وسحب جواله بيدق عليها بس توقف من شاف ماجد جاي ، ماجد وقف بوسط المجلس وقال- عندي قصيده يارجال
الرجال-اسلم
ماجد -
مغرم بلباسك الاسود واهواه سمارك
وعيونك وعقد حاجبك وضحكتك القمريه .... مغرم جداً
وابتسم ووجه نظره لرعد تحت تعزيز وتصفيق الرجال له. ونطق الايهم يقول-وش حببه بالاسود ذا
رعد-انا فهمت ! امسكني لا ارتكب جريمه !
فهم الايهم انه الموضوع عن ايار وركض يسحب ماجد لبرا، سحب جوالها وراح برا وارسل نظارات حقد لماجد وراح ورا المجلس ، دق بسرعه على ايار وهو ينتضرها ترد ، ردت بس بدون ماتنطق لاحساسها انه عرف انه ماجد شافها ، زفر بقهر ونطق - ايار
سكتت ايار لثواني ثم نطقت- هـ.. ها
ارتخى رعد من صوتها - وينتس؟ اطلعي
ايار-طيب انا برا
قفل رعد الاتصال وطلع بدون مايسلم عالرجال، وماهي الا ودقايق ووصل للبيت وركبت معاه ، وصلو وركضت لغرفتها فوق تاخذ شاور مره ثانيه لعل وعسى ينسى انه يهاوشها، بللت جسدها فقط بالماء وسوت سكن كير وقعدت تمشط شعرها واثناء هاذي الامور جلس رعد عالسرير وفتح المقطع الي ارسلته هيام لهز ايار ، وقعد يتأمل تمايلها كيف وضحكتها هو اول مره يشوفها تضحك كذا من زمان ، ابتسم وبدأ غضبه يتلاشى وكان كل شوي يعيد المقطع ويبتسم نفس الابتسامه ، مره ومرتين وثلاث وهو يعيده وبنص الاعاده الرابعه طلعت ايار من دورة المياه (يكرم القارئ) وحطت الفستان بالسرير ووقفت قدامه تنتضره يبدأ يهاوش قام من السرير وقرب منها ونطق- وشبتس؟
ايار-يلا هاوشني!
تذكر رعد انه ماجد شافها بالفستان القصير ووجه نظره للفستان وكيف هو قصير ونطق - كيف ؟ كيف شافتس؟
ايار-ضروري تعرف؟
رعد-وش قال لما شافتس؟ طول وهو يناظر ؟؟
هزت ايار راسها وبتكمل ولكن قاطعها انفعال رعد وهو يقول - وانتي ساكته؟؟
ايار بأنفعال من تذكرت كلمه ماجد ونست نفسها- لا طبعا! قلت عنه خكري ومو رجال وقال اني رخيـ..
توقفت من تذكرت كلمته وغصت بوسط كلامها قرب منها رعد ومسك فكها وقال- رخي؟ كمليها
هزت راسها بالنفي وبدأت دموعها تنزل وقالت- خـ.. خلاص!
رعد بصراخ- كملي جملتس!!
ايار- رخيصه ! بتعصب؟؟ حتى انت تقولها لي !
انصدم رعد ، مو من كلمة ماجد انصدم لانها شبهته بماجد وانها فهمته غلط وقال-انا اقولك رخيصه؟
ايار-انت تقول عادي ماجد يشوفتس ..عادي متعوده وغيرها !
سكت رعد وتركها وطلع برا البيت يتوجه لماجد، دق عليه
ماجد- عجبتك قصيدتي؟ ادري الله يسعدك
رعد بأنفعال -وينتس؟ تعال لي عند العزبه!
ماجد-وشفيك؟ تبيني احفظك القصيده؟ طيب بكرا مالي خلق اليوم
رعد-بتجي ولا اكسر خشمك قدام اهلك؟
قفل ماجد وراح للايهم يقول-خويك الذبلان بيكسر خشمي تعال فزعه
الايهم وهو يضحك بشماته- يجعله يكسر فمك بعد
ماجد بعصبيه-مريض انت؟؟ انا اخوك امشي معي!!
الايهم-دز بس
ماجد -مختل
وراح ماجد عند رعد ووقف من شاف رعد تاكي عالسياره ويهوجس ، وقف سيارته ونزل بأنوثه وهو يقرب من رعد وقال- القصيده تقول مغرم بلبـ..
وماكمل كلامه الا ورعد يعطيه لكمه على فمه..
يتبع..
اعذروني عالاخطاء والسحبه بس والله اختبارات🥹حاولت انزل لكم سريع سريع💕💕
كاتبتكم- لـيـلاس الـحـارثـي🫐.
