ديما بتوتر- هـ هلا. شسمه ابي شاحنه باخذ وهج وبنقلها اسطبل ثاني.
رفع عزيز حاجبه بدهشه وقال— هنا بالديره؟
ديما- اي
ضحك عزيز وقال- مافيه اسطبل ثاني غير هاذا....قاعده تهربين؟
ديما-وش المناسبه؟ ليش اهرب ومنك انت بالذات!
عزيز-وانا قاعد اسأل ليش تهربين
ديما- اساسا من الحين نسيت
عزيز-وانا من صار هالحدث نسيته
رفعت حاجبها بدهشه وقالت بهمس-جدار وش متوقعين منك
عزيز-وشو؟
ديما- اقول طيب خلاص شكرا!
عزيز-عفوا عفوا
لفت تتجاهله طالعه بغضب
~
واقفه قدام المرايه تضبط حلقها الي بأذنها. تأملت فستانها الازرق وابتسمت برضى باست مرايتها الي في التسريحة في غرفتها. هي تحب هالحركه ودايم تسويها طبعت شفايفها بروجها وضحكت على شكل شفايفها الي انرسم وكانت داقه علي ليلاس يتجهزون سوا سمعت صوت امها تقول
-ايار يلا مشينا
ركضت تلبس عبايتها وكعبها نزلت مع الدرج وابتسمت وقالت- يلا!
ابتسام-ماشاء الله يابنتي! تهبلين
ملك- اقري المعوذات
ابتسمت ارال وقالت بمزح- اي ايار تمدحونها وانا لا؟ والله اشخصنها!
ضحكو كلهم وصدع راسها من كثر المدحات الي جاتها لدرجة حتى لون بشرتها مدحوه امها وابوها وايار وليلاس تضحك بعدين استوعبت انو الايهم داخل عليها.
قبل ثواني بالجوال
ايار-يلا امي تناديني
ليلاس-انا من اول بالصاله انتضر الايهم وامي وابوي والامجد وماجد
دخل عليها الايهم بيقولها تجي معاه يطلعون بس استوقف من سمع صوتها
ارال- اي ايار تمدحونها وانا لا؟ والله اشخصنها!
ضحكت ليلاس بس لفت على الايهم الي يناضر. قفلت الصوت بسرعه وقالت-هلا!
ابتسم الايهم وقال-يلا!
ليلاس بتوتر- اي يلا
حصة- ايش القرف هاذا! بنتي ابيها تطلع بأحسن شكل عند الناس لابسه اخضر! مالقيتي الا هاللون؟
ليلاس-يمه عاجبني! وهذا ليموني
الايهم-تعالي يعيوني
حصة-يعني ماعليها من كلامي؟؟اتـ
احمد-خلاص ياحصه! امشي يلا!! ووين امجد وماجد؟
حصة-جايين
~
وصلو وشافو رعد وتركي واقفين يستقبلونهم
نزلو من السياره وهي ماطالعت فيه ولا نظره وحده. وعلى وصلتهم وصلو عائلة احمد
رعد-يالله حيهم
احمد وملك-الله يبقيك
رعد-شف الحريم يدخلون من بوابه المطبخ والرجال منا
مشت ايار من قدام رعد ومسك ذراعها وقال- تعاليلي بعد نص ساعه المطبخ
ايار-دز بس
وتركت يده ولحقت امها بسرعه ابتسم بقهر وقال-
هين
ساره-حييو بنوتات
ايار-هلووو حبيبي
ليلاس- ارال وش هالكشخه الحلوه تهبلييين!!
ارال-ياكذابه مافصخت عبايتي باقي!
والكل ضحك
ارال وهي تعلق عبايتها-يلا فصختها
ليلاس-يالبيييه يا ارال تجنيييين مره طالعه حلوه اخ بس لو اني ولد تزوجتس!
ارال-هدي بأخر اربعه كلمات! هههههه
ميار- ايار
ايار-ها
ميار-تعالي شوي
وطلعتها برا الغرفه
ايار-شعندتس؟
ميار-قالو انك انخطبتي ب رعد؟ صحيح؟
ايار-اي نعم
ميار- طيب اسمعي واخر مره بعيد! رعد حقي وانتي اساسا لما ماكنتي موجوده كنت انا اسانده واوقف معاه انتي مين اصلا؟ زي ماكنتي مو موجوده بترجعين مو موجوده وانا داريه انه رعد تزوجس عشان ينتقم منتس هو قالي وبعد مايلعب فيتس ويخلص بيتزوجني! فاهمه؟ لا تتعلقين بحبيبي!
وسعت ايار عيونها بصدمه وتجمعت الدموع بمحاجرها وتجاهلت كلام ميار الي باقي تحاول تقنع ايار فيه انها ماتحب رعد لفت واعطت ظهرها ميار وتوجهت للحديقه الخارجيه. جلست هناك وفجأه جوها البنات كلهم ماعدا هيام وميار
ليلاس-وشبتس؟
ايار-مافيني شي شفيكم انتم
ارال-خشمتس احمر!
ايار-من البرد. معليكم مافييييني شي
الجوري- طيب اسمعو خلونا نسولف
ساره-بنات ! نسيت سماعتي في مجلس الرجال الصغير هييلب
الجوري-وشو هلب
ايار- مساعده ههههه
الكل-ايوا كذا اضحكي
ابتسمت ايار وقالت-يلا نجيبه لعيون سوير
ساره-لبى السوير من منطوقك! يلا
توجهو البنات لمجلس الرجال الصغير بحذر وهم متأكدين انه الرجال بالمجلس الكبير
ساره-عشان ايار نحيفه وقصيره اركضي اسحبي سماعتي على الارض وتعالي
ايار-لا ياشيخه ليش انا
الجود- تقول عشانك صغيره وقصيره
ايار-خير ماسامح! مابي
ساره-خلاص اسفين بس تكفى
ايار- بوسيني
وباستها ساره على خدها وقالت-يلا تكفىى
راحت ايار لهناك بدون طرحه ولا عبايه لانه ساره اكدت لهم انه مافيه احد.ناظرت مع النافذه وشافت المجلس فاضي ابتسمت وتوجهت للباب فتحته وقفت تدور السماعه بعيونها لمحتها واخذتها وجات بترجع ركض بس صدمت بشي ضخم كأنه جدار تسمع انفاسه الغاضبه زفر بقهر يقول- شعندتس هنا!
ايار-كنت بجيب سماعه ساره! شتبي
رعد-جايه مجلس الرجاجيل عشان تجيبين سماعه؟ ومو لتس السماعه بعد!
ايار-لا صدق شتبي انت الحين! ابعد مني بس
رعد-ايار! قسم بالله ان ماتعدل اسلوبك بيصير شي مايعجبك!
ايار-مايعجبني اكثر من كذا؟ موافقه!
رعد- وجايه بأزرق وقصير! ياربي صبرني
ايار-اخ يارب صبرني انا! ابعد بطلع
وسرعان ماسمعت صوت ماجد وهو يتوجه بيكلم جوال
رعد-الله لا يلعنتس! وش هالصدف الخايسه!
ايار- ابععد بطلع!
رعد-ماجد ولعنه برا! ولا متعود يشوفتس؟
وسعت ايار عيونها بصدمه ورعد جا يسحبها ويدخلها ورا ستارة الغرفه
ماجد- هلا والله
عمر-هلا فيك ماجد .. سمعت انك تزوجت صدق؟
ماجد- اااا اي. وجبت منها بنتين وولدين
عمر-ماشاءالله عالبركه! بنت عم عبدالملك صح؟
ماجد- اي اي الصغيره
كان رعد يتأمل ايار وايار شايله هم انه رعد ينفعل ويطلع لماجد من ورا الستاره هو يتأمل وهو متخدر لدرجة انه حتى ماجد ماسمعه ونسى انه موجود يتأمل الشامه الي بجانب شفاهها وشفايفها الورديه وعيونها البنيه شعرها البني الي فيه خصل شقرا من الاطراف وخصرها الجذاب فستانها الازرق. بلل شفايفه وقال-
فِي بَحرك هَامت كل أشواقِي،
يَاسَيد الحسنِ هَل تَنوي إغرَاقي؟.
رفعت عيونها له بصدمه. هاذا مو اول شعر يقوله لها لكن مرت سنوات كثيره وماسمعت اي شعر او قصيده منه، نست كل حاجه صارت في الماضي وناضرته وابتسمت عضت على شفايفها وكانت بتنطق بس وقفت من سمعت صوت عمر
عمر-اييه الله يبارك لكم. دقيت عشان اسألك بموضوع دراستي ببعثه. وسمعت انه بنت عم عبدالملك الصغيره راحت بعثه. عادي تسألها من اي شركه راحت؟ ابي شركه موثوقه
ماجد-الله يبارك فيك. اي ابشر اسألها واردلك خبر
عمر-يعطيك العافيه
قفل الجوال وقال-ابلش والحين كيف نكلم زوجتي؟
شال رعد عيونه من ايار وناضر الستاره خرج راسه وكان بيطلع ويجلد ماجد بس وقف من مسكت يده وقالت- رعد! تكفى لا
جمد الدم بعروقه. البنت الي يحبها ويحاول يثقل قدامها وينتقم منها شلت كل افكاره بحركه وحده منها، استسلم ونزل ناضريه ليدها الي تمسك يده. بعدين ناضر عيونها ورجع لواقعه من سمع صوت الباب يقفل يدل على خروج ماجد من المجلس. تنهد وطلع بسرعه وقال - تعالي!
ايار-شلون اجي وبرا رجال؟
رعد- ادخلي جوا فروتي
ايار بسخريه- دخلني جوا جسمك اذا بغيت؟ سلامات
رعد-تجين ولا تقعدين هنيا؟
ايار وهي تكتف يدها وتشد بوزها- اقعد هنيا!
سحبها رعد ودخلها بفروته غطى عليها لدرجة حتى رجلها ماتبان . شافوه البنات انه جاي ركضو كلهم ورا المجلس من الجهة الثانيه.
ايار-خلاص وقف هنا البنات
رعد- وينهم؟
ايار- اكيد خافو منك وهربو! فكني
وراحت ايار ركض واستوقفها صوت ساره وهي تقول- ببتتت
ايار-خير! كلو زق كلكم
ليلاس-شكل رعد قابلها ههههه
ارال-يمامي
كل البنات ناضرو فيها بقرف وقالت-والله امزح اعنبوتس انتي وياها
والكل ضحك.
ساره-يسعدلي دينك وين سماعتي يالمطنوخه؟
ايار-ماجبتها. دزيييها تلقيها ورا الستاره
ساره-خييير!
ضحكو البنات وتركوها وراحو مجلسهم وهي تفكر بطريقه لكن طلع بوجهها رائد.
ساره-بسم الله!
صد رائد بسرعه وابتسم وقال- شتسوين هنيا يابنت خالد؟
ساره-سماعتي بالمجلس الصغير وكنت بجيبه بس الله جابك!
رائد- ماطلبتي شي ابشري.
ابتسمت ساره وبعدت عن طريقه. توجه للمجلس وقعد يدوره وماحصله.
رائد-مالقيته
ساره- اما! متأكده اني حطيته هناك وخر ابي ادور
رائد- لو ابيتس تروحين كان تركتس يكفي اني دورت ارجعي تأكدي
ساره-شدخلك انت؟ بروح ادور بنفسي
رائد - ترجعين ولا شلون؟
ساره-اي صح تذكرت ورا الستاره
رائد طيب اصبري
رجع وهو معه السماعه وقال- بحطها هنا على الصخره. خذيها
ابتسمت ساره لادبه وتربيته وقالت- شكرا يولد عمي!
رائد- انا ولد عمتس رائد ماتعرفيني يالكذابه
ساره بوهقه- ههههه اي خلاص روح فليتها
ابتسم وراح وهي ضربت راسها بخفه من الفشله وتوجهت للبنات.
~
ديما- وييينتس انا من اليوم ادق الباب
ايار-ايت باب؟
ديما-باب بيتكم مب راضين تفتحون خفت
ايار- نسسسسييييت! هههه حنا ببيت جدي تلقينه جتب بيتنا بشوي. تعالي
شهقت ديما بصدمه وقالت- انا قلت لاخوي مايجي الا بعد الساعه ١٢! مامعي فستاان ورطه
ايار- ليه سندريلا؟ معليتس ادخلي الباب مفتوح اطلعي غرفتي تعرفينها اعتقد تلقين فساتين خذي منها وحطي ميكب وتعالي برررق
ديما- تنكتين؟ قفلي خليني اسرع
ضحكت ايار وقالت - يلا ياسندريلا
~
الايهم-وينه عزيز ماجا؟
رعد-منهو؟ عزيز ذاك الي بالاسطبل؟
الايهم - ايه هو.. شفه جا تعال نسلم
يتبع..
أعذروني عالاخطاء
كاتبتكم- لـيـلاس الـحـارثـي🫐
