في الكوفي ~
لقو جوري وارال وليلاس جالسين ويأشرون لهم بيدهم. توجهو لهم وجلسو
ليلاس-اطلبو ترا يتأخر شوي
رفعت ايار يدها وجاها النادل وقالت طلبها وبعدها هيام وبعدهم جود.
هيام-اي يلا؟؟
جوري-تعرفون صارت بينا مواقف زمان. وقبل شهّر تقابلنا بغرفة جدي بالغلط هو على طول صد وامس يقولون انه خلص كل اشغاله واستأجر بيت قريب من بيت جدي وخطبني وبس! وفي الشوفه الشرعيه قال(ما انسى الجمال الطاغي الي كان بذيتس اليله)!! بنات وجهي صار احمرر
هيام-هو اخوي ومادريت انه خطب وجع!!!وماتوقعت تروك رومانسي تسذا! شكله امي وابوي ورعد يعرفون ، خيييااانه!!
ايار-هههههه عالبركه يارب عساه زواج الدهر يعيني يجوير!
جوري-حبيبي! وبعد اسبوعين زواجنا
ليلاس-ترا رفضت تعلمنا قبل ماتجون تقول لما تجي اخت زوجي اعلمكم!
هيام- يالبببى اخت زوجتس
ايار- بتصيرين نسيبتي!
جوري-لا ياغبيه مو نسيبتك! سلفة
ايار- اييييه الخبط بينهم بتصير جوير سلفتي!
ساره بمزح - انا سوير ! هي جوري
ايار- هههه طيب ياسوير
جاهم الطلب وتقهوو واكلو حلاهم وهم طالعين قالت ايار-
بشتري بنادول انتضروني
وخلصت وتوجهو للسياره يركبون. وكان رائد يحاول يعرف وين ساره ووينها لكنها كانت صامته خجلا. لكن تكلمت جود وقالت-ساره سمعت ميار تكلمك قبل مانطلع شقالت الملقوفه؟
ساره بصوت واطي- تقول وين رايحين
وناضر رائد بالمرايه بجود وشافها تناضر بنت على الباب وعرف انها هي ساره وقطع تأمله جوري وهي تقول-رئود شغل اغاني
ابتسم رائد وشغل اغنيه راشد الماجد(وحشتيني) ورفع الصوت ويناضر بساره الي منزله راسها خجلا. وصلو ببيت ايار وودعتهم ونزلت كانت بتدق الباب بس شافته مفتوح ، فتحته ونزلت عبايتها وعلقتها ودورت بعينها رعد عند الصاله ومالقته. طلعت بالدرج للغرفه تغير ملابسها وبرضو مالقته. فتحت الدولاب ومالقت ولا بجامه وحده طويله كلهم قصار لانو ابتسام اشترتها لها ماكان عند ايار وقت تروح بنفسها ناضرتهم بصدمه وقعدت ترفعهم على فوق وهي رافعه حاجبها فزت من نطق رعد-الوردي حلو
ايار-شدخلك؟ اساسا لو بلبسه مابنكون بنفس الغرفه!
رعد- الغرفه الوحيده الي فيها سرير ذي؟
ايار- وغرفه البنت الي عالجنب؟
رعد بسخريه- غرفه هيام ، مستحيل تسمحلك تنامين فيها
ايار- عذرا؟ صار بيتي ذا وما اقصد اي اهانه لهيام!
رعد- وش بتقولين لها؟ هيام انا مانام مع رعد بغرفه وحده وابي غرفتك؟
ايار- رح نام بالصاله!
رعد-ذي غرفتي وما اغيرها اذا تبين روحي انتي
ايار- كررريه كريه مستحيل انام معك بغرفه وحده!
رعد- تعالي عالسرير نقسمه نصين
ايار- لا ياشيخ عشان القاك باليل رامي المخدات وبحضني؟
رعد-اذكرك ذيك المره كنتي انتي بحضني
ايار- اص خلاص لقيت حل!
توجهت للحمام تغير ملابسها ولبست اللبس القصير مع جكيت طويل هو الوحيد الي عندها ، طلعت من الحمام(يكرم القآرئ) وابتسمت بنصر وتوجهت للاريكه الطويله شوي بنهايه الغرفه. سحبت مخده وشرشف من السرير وانسدحت على الاريكه وقالت-بكرا انت بالاريكه وانا بالسرير فاهم؟
رعد -يصير خير
ايار بهمس-اف كتمه!
وفضخت الجكيت وغطت نفسها بالشرشف وقالت- قوي التكييف!
رعد-اص بنام
شمقت له وانسدحت تغمض عينها...ونامت اخيرا وهو بعد نام بعدها بعدة دقائق
العصر ٣:٠٠
فتحت ايار عيونها ومع الظلام نسيت الجكيت وتوجهت للحمام(وانتم بكرامه) وفتحت الباب بقوه عشان رعد يصحى للعمل. وفعلا فز رعد من قفلت الباب وشغل النور وجلس عالسرير ماسك الجوال وبعدها بكم دقيقه طلعت هي بفستانها البينك القصير الي يبين ساقها وصدرها ، وشعرها المفتوح الجميل . فتح فمه بذهول من جمالها وشكلها. كان يناضر خصرها ووجهها حبه الابدي خصرها ، بلل شفايفه وابتسم وهي تمشي قدامه ، وقفت تناضره ونطقت-
خير ؟
رعد-تسوين فطور؟
ايار-اي بسوي
رعد- حلو ابي بـ
ايار-من قالك بسوي لك؟ بسويه لنفسي
قطب رعد وقال-وانا متزوجتس ليش؟
ايار بضيقه- علشان تذوقني من نفس الكاس. ولا نسيت؟
رعد- طيب خلينا ننتفق؟
ايار-هات
رعد-طال عمرك شرايتس انتي تسوين فطور غدا عشا لي كل يوم ويصير كل خميس. وجمعه اوديتس عند اهلتس؟
ايار-انام عندهم؟
رعد- لا خلاص خميس وجمعه بس تسهرين عندهم وكل سبت تنامين عندهم تم؟
ايار بأبتسامه عريضه-وازيدك من الشعر بيت كل خميس وجمعه حنطلب اكل من برا!
رعد- وشلون؟
ايار-يعني ما اطبخه نشتريه
رعد بقرف-واكل اكل ناس ماعرفهم؟ لا والف لا!
أيار بعصبيه- طيب تخرجني المول !
رعد- على طاري المول. شريتي فستان ولا بنروح كل اسبوع؟
ايار- لقيت بس الفستان اما اكسسوارات او كعب او شنطه لا عشان كذا حنروح كل اسبوع يومين
رعد-الله يصبّرنا . تمام.... اخرتيني!! يلا سوي الفطور
ايار- يع حسيتنا زرج وزوجه! اهجد وقول بأدب
رعد-طيب حنا زوج وزوجه ؟ اهها قصدتس بذاك المعنى؟ تخسين
ايار- يع دز .. والله لا اكثر ملح في الفطور
وضحك رعد بعلو صوته وايار ابتسمت من سمعته يضحك.
~تسريع طويل للاحداث.(زواج جوري وتركي)
الكل كان جاهز ومتكشخ ومستعد. خصوصا اهل جوري واهل تركي.
رعد بعصبيه - اخلللصي!!!
ايار-اصبببر!! وشذا عصبي عصبي
رعد- تعالي مشي انا خارج
ايار بعصبيه- خير؟؟؟؟ اصبر بلبس النقاب!
رعد بسخريه-من العصبي الحين؟
ايار بهمس- ودي العن
عض رعد على شفايفه وهو يبي يقول لايار تفك العبايه يبي يشوف كشختها بس مو قادر لانه مسوي الثقيل الزعلان وقال- كل اليوم بتكونين داخل؟
ايار بأستغراب- اي ودك بشي؟
رعد-لا... اركبي السياره!!!
وتوجهو للقاعه ونزلها عند بوابه الحريم وهو توجه يوقف سيارته ويدخل من بوابه الرجال ، طقت ايار غرفه العروسه
ارال- ادخل!
ايار -سلااام
جوري-ايار ساعديني بطق توتر
ايار بضحك-ياعيني انتي عادي ترا اهدي! كل شي بيكون مثالي لا تخوفين نفستس!
جوري-شوفي يا ارال تعلمي من اختس كيف تهدي الناس مب مثلتس تقولين دنت سكير دنت سكير
ارال- قصدها Don't scare, don't scare(لا تخافي لا تخافي) !!!! ههههههههههههه
ايار بصدمه- دنت سكير ياظالمه! هههههه
جوري-الي هو!
قاطعهم دخول جميع البنات للغرفه وهم يسلمون وفصخت ايار عبايتها والكل صرخ ويعزز لها بحماس وسعاده ، ابتسمت من تعزيزهم ونطقت جوري- تدرون انه في فقره رقص مصري؟ ابهرونا عاد!
هيام-الله! كيف؟
ارال-اشترينا اوتفت مصري! لكل وحده اللون الي يناسب فستانها تاخذ جبنا كل الالوان
ايار-بيرفكككت
جوري-ياليل بنات عبدالملك الي يتكلمون انقليزي
وضحكو كلهم . مر الوقت بسرعه وكان الوضع عادي وطبيعي وكالمعتاد عند الرجال ، والحريم الي يرقصون والي ابهرتم ايار وهي ترقص بطريقه مبهره، وكثير جو يسألونها وين امك وهي تأشر على ابتسام بأبتسامه. محد يعرف عن زواجها من رعد بن رماح ال متعب الي اسمه لوحده كفيل بأنه يبعد كل الخطابين عنها ، طبيعي ف سمعت رعد واصله قبله.
~
قعد وقا طويل يفكر كيف يناديها تجي عشان يشوف كشختها. قرر اخيرا بعد مامسك جواله ودق عليها ونطق- ايار؟ تعالي برا ابيتس شوي
ايار-برا؟ طيب اصبر بلبس عبايتي واجي
فز رعد ونطق بنفي- لا لا انا بجيتس اجل شوفيلي طريق!
ايار بأستغراب-طيب تعال مافيه احد الحين كلهم جوا
قفل رعد الاتصال وجاها ركض ودق البوابه ودخل من نطقت ايار ب-ادخل
دخل وشافها واقفه بالبينك قدامه. بشعرها الويفي وميكبها الخطير. هو وقع وبشده عليها وقعد يتأمل لعده دقايق وايار السامحه له يتأمل. ثم نطقت وقالت- خلصت؟ وش تبي
رعد-كنت بسأل متى تبين نرجع؟
ايار- بعد ٤ ساعات وشوي
هز راسه ب الايجاب وتركته وطلعت مع الدرج وقفلت البوابه الفاصله بين بوابه الشارع وبوابة القاعه ، زفر رعد بملل وتوجه لقاعه الرجال.
جوري-يلا ١٠ دقايق ونبدا! الببسسسو
وركضو البنات يلبسون الا جوري طبعا كانت فقط جالسه في النص تشاهدهم بأبتسامه. وثبتت هيام جوالها على ايار تصورها لانه ارال مدحت رقص ايار وقالت بتصوره ذكرى ، اشتغلت الاغنيه والكل بيدأ يهز وخصوصا ايار الي رقصها وتمايلها كان مع الدقه بالضبط. بكامل دلعها وانوثتها ترقص وهي مبسوطه مع البنات وتهز خصرها وتلعب بشعرها وتضحك وانبهت لهيام الي تصور واشرت على اصبعها الي فيه خاتم زينه على انه دبله وانها متزوجه وضحكت . رفعت هيام الجوال لميار الي تحاول تقلدها بغيض ثم لجوري وهي تعزز للبنات وثم ليلاس والجود وارال وهم يهزون ورا بعض ضحكت هيام وتركت الجوال وهزت مع ايار، انتهى الزواج وخلصت كل الفعاليات . بالسياره
تركي- مشينا؟
جوري بأبتسامه- اي !
واخذها لبيتهم. متعب يقول انه ان تزوج واحد يكون عنده بيت مو يعيش زوجته مع اهله ، لجل ياخذون راحتهم لكن اذا عادي عندهم فا عادي.
بالسياره كانت هيام تعدل المقطع وقصت ميار وقصت البنات كلهم وبقت ايار فقط وارسلت المقطع لرعد كاتبه( زوجتك عذبت قلوب العجايز والخطابات لعيالهم!)وكانت نيتها تمزح فقط. لكن ماتدري انه اشتط غضب وغيره وقهر من قرا الكلام فقط بدون مايشوف المقطع ، اتصل على ايار وقال. بغضب.
اطلعي بنروح طلعت روح عدوتس!!!!
ايار- شفيك انت؟؟؟
رعد-تطلعين ولا كييف؟؟؟
قفلت ايار بهدوء وتوجهت تلبس عبايتها بس قاطعتها حرمه عجوز من سألتها- يابنتي وين امتس؟
ايار-هناك!
وتركتها وراحت تلبس نقابها على عجله. مالحقت تودع امها واختها حتى. طلعت وشافتها بالسياره دخلت نص من جسمها وسرعان ما مشى رعد بسرعه وهي باقي ماركبت
ايار بخوف- وجع بسم الله اصبر الى ما اركب!!!
رعد- سدي حلقتس! مستمتعه يسألونها وين امتس وتجاوب!!! بكل بجاحه تجاوبين وانتي متزوجه؟؟
ايار- ذا سبب عصبيتك؟
رعد- جاوبي!
ايار- يامعتوه شدخل الحين اني مسمتمعه!!
رعد-جاوبي!!
ايار-هاذي غلطتك انت تدري ليش؟؟؟ عشانك ما اعرست على قدام الناس! لو انك رجال كان علمت الكل انك متزوج !
رعد بصدمه - يعني انا مو رجال؟ وانتي وش يعني؟ تعرضين نفستس للكل قدام ماجد والحريم عشان يصورونتس ويخطبونتس لعيالهم!!
لفت بكل قوتها راسها له تناضره بصدمه من جرائة كلامها بس لفت وجهها من نزلت دموعها بغزاره على وجهها. حاولت تمسحها بعنف بس صوت شهقاتها فضحها وهي مفضوحه. حطت يدها على فمها تحاول تكبت دموعها وتكتم شهقاتها لكن سرعان ما انصدمت من رعد وهو يضرب الدركسون بقوه ومو قادر يتحمل دموعها ويقول - لا تبكييبن !!!.. لا تبكين!!
غطت وجهها بالطرخه رغم انه مغطى بالنقاب بس تبي تغطي عيونها بعد ، لفت وجهها للشباك واتصالات امها وارال ماتوقف يبون يعروفون ليش يا
راحت مستعجله وشهاقها للحين مستمر وهي تحط يدها على فمها لتنمعها من الطلوع ، وصلو البيت وفضخت عبايتها وراحت ركض للغرفه وقفلتها وهي داخل ، استغرب رعد من ركضها السريع بس بعدين استوعب انها ناويه على شي وطلع وراها بس لقى الباب مقفل وقعد يدق ويقول-افتحي باخذ لبس!
وهو مستمر يدق وهي جالسه عالباب وبدأت شهقاتها تخف ، قرب راسه من الباب وسمع شهقات بصوت خفيف . تنهد واخذ مفتاح سيارته وطلع من البيت ،
~
وصلو بيتهم وكان تركي مبسوط جدا ، تقدم قبلها وفتح باب البيت وخلاها تدخل قبله وهو يبتسم ثم دخل وقفل الباب وقال-الغرفه بالاخير يسار
جوري- طيب اصبر لا تجي بلبس
تركي وهو يضحك-تمام بس حطيلي بجامه عند الباب
ابتسمت جوري من ضحكته المفاجأة وحطت لبسه عند الباب وتوجهت تغير ملابسها ثم نادته وقالت-ترككي تعال خلصت
جاها وابتسمو لبعض وقال- ننام ياعيني؟
هزت جوري راسها وهي تبتسم ونامو .
~
المغرب ٥:٣٠
صحت المغرب واستغربت لما ماشافت ضوء الشمس من برا الستاره. مدت يدها تاخد جوالها تشوف الساعه كم ولقتها ٥:٣٠ وركضت تتوضى وتصلي . ثم رفعت حاجبها بدهشه وقالت-مو المفروض يكون بالشغل من وقت طويل؟ طيب ليش مالبس ولا دق الباب
زفرت بملل وتوجهت للاسفل تسوي لها فطور لكن استوقفت من سمعت صوت دق الباب توجهت للباب ونطقت - مين ؟
المندوب-السلام عليكم معك مندوب تم توصيلي اوصلك طلبيه
ايار- معليش غلطان
المندوب-شلون؟ ذا مو بيت رعد بن رماح؟
ايار بذهول- اها الا اي
وفتحت الباب ودخل الكرتون برجله بخفه وقالت-كم الحساب؟
المندوب-مدفوع يا اختي
وقفلت الباب وقعدت تتفحص الصندوق بعينها ثم تجاهلته وراحت للمطبخ تكمل فطورها واستوقفت مره ثانيه من دق جوالها . مدت يدها من على الطاوله تجيبه ولقت ٣ اتصالات فائتة من (momy💕) و اتصالين فائتة من (arl💋) استغربت واتصلت على ارال ولما ردت ارال نطقت ايار ب - شسالفه
ارال- شفيتس امس خرجتي بسرعه!
ركضت ابتسام تدق باب بنتها تقول - رددت؟؟ ردت؟؟
ارال-اي يمه خذي
اخذت ابتسام الجوال وقالت بعتاب-ليييش طلعتو بسرعه؟؟
ايار- والله مافي شي بس رعد تعبان
ابتسام-اكيد؟؟
ايار- اي اي
ابتسام-كيفه الحين؟
ايار-بخير. يمه رعد راح العمل ومايرجع الا متأخر عادي تخلين ابوي يجيبني عندكم؟
ابتسام-طيب الحين اقوله تجهزي مابيرفض
ابتسمت ايار وقفلت الجوال وقالت- والحين شكلي بفطر عندهم
هي اساسا ماسوت شي لانه كل ما بتبدأ يدق الباب او الجوال بس بدت بالشاي. رجعت السكر مكانه والكوب مكانه وطلعت لغرفتها تجهز ملابس ٣ ايام نزلت ودق ابوها الباب وقال-يلا ياعيني
ضبطت نقابها بالمرايا وقالت- يلا!
ودقايق ووصلو البيت وجلست مع أهّلها بأبتسامه ، وبعد مده اذن العشا وهي درت انه بيدق عليها وكانت مجهزه كلام له لكن الساعه صارت ٩ ومادق!
~
دخل رعد البيت وزفر بضيق من شاف الصندوق باقي عند الباب ، شاله وحطه بالمطبخ وتركه وطلع فوق يبدل ملابسه الي من امس لكن استغرب من عدم وجودها وعرف انها راحت عند اهلها كعابي او مع ابوها ،
فتح الدولاب الثاني ومالقى الشنطه الصغيره الي تاخذها ايار اذا بترح بيت اهلها وعرف انها عندهم ، توجه ياخذ شاور ويريح بغرفته للساعه ١٠ ثم يروح .
~
تنهدت من شافت الساعه ٩:٣٠ وبعدين نطقت- شدخلني ؟ احسن مابيه يدق !
وقفلت الجوال وتوجهت لغرفتها بس استوقفت من سمعت الجوال يرن وراحت له ركض ، وسرعان ما ارتخت ملامحها من قرت اسم المتصل ( hemm) اخذته ونطقت -
هلا هيام؟
هيام بخجل -انا عندي غرفه ببيتكم
ايار-اي ؟
هيام- والله خلاص انتو تزوجتو وابي الغرفه
رفعت ايار حاجبها ونطقت- كيف تبينها؟
هيام - يعني بشيلها من بيتكم خلاص تصير عندكم غرفه فاضيه وانا اخذ الاثاث
ايار-اهها تمام ياعيني يمديك تجين بأي وقت تاخذيها !
هيام-شرايتس اجي اخر اليل؟ نسهر سوا بعد !
ايار بتوتر-الله يحيك !
ابتسمت هيام وقفلت الجوال وايار قفلت الجوال وتوجهت تحط الملابس بدولابها بس طقت الباب امها وقالت- ادخل
ابتسام- ليش جايبه ملابس؟ شصار بينك وبين رعد؟
ايار- اتفقنا انه كل خميس وجمعه اسنتر عندكم والسبت انام عندكم
ابتسام- بس اليوم ثلاثاء؟
ايار- عادي عادي برجع اساسا بعد شوي
ابتسام-وليش جايبه ٤ملابس؟
ايار- يمه برد عليتس لما ارجع اصبري بكلم رعد !
طلع صوت رساله ورفع حاجبه بدهشه من شاف انها راسله رساله ، ضغط عليها وكان مكتوب(هيام بتجي اخر الليل بتشيل غرفتها وبتسهر عندنا تعال خذني )
رد عليها رعد بسخريه- زي ماجيتي ارجعي
ايار-جيت مع ابوي وانت كنت بداوم وعذري انك بالداوم واما الحين؟؟؟
رعد- البيت قريب تعالي مشي الله لا يهينك!
ايار بعصبيه بدون ماتحس على نفسها - الله ياخذك!
وحذفت الرساله على طول واستغفرت من استوعبت بس فات الاوان وقراها رعد ومارد، لبست عبايتها وهي تحس بندم من كلمتها بس سرعان مابدأ يتلاشى ندمها من تذكرت انها تجي للبيت كعابي ، استوقفتها ابتسام وهي تقول- على وين ؟
ايار- بروح مع رعد البيت !
ابتسام- يلا الله معاك
ركضت لها ارال تقول- اياروو ليلاس بكره عازمتنا فبيتها تقول بتسوي موڤي نايت!(ليلة فلم )
ايار-اخص ليلاس قالت موڤي نايت؟
ارال بضحك-لا قالت بنتابع فلم وانا فبركتها
وضحكت ايار وحضنت ارال وضبطت نقابها وطلعت بدأت تمشى وشنطه ملابس بيدها وقالت-ياثقل الاغراض! الله يسامحك يارعد اااخ!!
ومشت ربع الطريق بس وقفت من شافت نور سياره جايه من بعيد وقربت منها ودق بوري ، استوعبت انه رعد ومشت وفكت الباب الخلفي تحط شنطتها وقفلته وركبت لقدام وهي ساكته وقالت بنفسها - ابلش إلحين أعتذر له ولا وش .. الا الا خلني اعتذر وصلني ماخلاني اجي مشي
وكانت بتنطق بس سرعت رعد خلتها تستكت كان ماشي بسرعه١٠٠ وبكذا وصلو البيت بسرعه ، بلعت ريقها بتوتر وقالت بنفسها- واضح بيدعسني اذا اعتذرت خلني ساااكته !
وقف السياره ودخلو البيت وركضت تسوي حلا وقهوه وتلبس لبس عدل وتبخر البيت وحطت الحلا بالتلاجه. طقت هيام الباب وركضت تفتح لها ايار وقالت- يالله انت حيهم !
هيام بأبتسامه- الله يبقيك ! وين اخووي المتزوج يالمتزوجة؟
ايار بسخريه- هش يالعانس شوفيه بالصاله ينتضرك!
ضحكت هيام بعلو صوتها وكان رعد يسمع سوالفهم ويبتسم ، جات هيام وسلمت على اخوها وجالست وكانت تنتضر ايار تجلس عشان تعرف من جلستها اذا هم متهاوشين ولا لا .. (كالأتي اذا جلست جنبه متصالحين واذا لا متهاوشهين) ابتسمت ايار وراحت تقدم القهوه لها ولرعد وصبت لنفسها وحطت الفنجال بجانب رعد وتوجهت للمطبخ وتحط الحلا
رعد- اي شلوتتس
هيام- بخير الحمدلله وانت
رعد- الحمدلله
هيام-الحمدلله طيب ولا الحمدلله على كل حال؟
ضحك رعد من تذكر جملة الايهم الي قالتها ايار وقال- بعد شوفتك صرت الاولى !
هيام بأبتسامه بوسع ثغرها- ياحبيبي انت !
دخلت عليهم ايار وحطت صحون الحلا قدامها وقدام رعد وجلست
يتبع... كاتبتكم- لـيـلاس الـحـارثـي🫐 .
