انتهت العزيمه الي بدون هدف ورجع الكل بيته، لكن رن جوال الايهم ورد-هلا ناصر؟
ناصر-ارحب.. متى فاضيين انتو
الاهيم-انا ورعد؟ بعد العشاء يخلص دوامنا
ناصر-لا قصدي انت وعمي احمد
الايهم-هاه؟ بعد العشاء
ناصر-خلاص ابوي بيزوركم يعني بنزوركم حنا والاهل
الايهم-اها الله يحيك ويحييهم
ابتسم ناصر وقفل الجوال، حك الايهم راسه وراح يعلم امه وابوه.وكانت ليلاس بالصاله جالسه معاهم بس من نطق الايهم بأسم ناصر لمعت عيونها وركضت لغرفتها وهي مبسوطه.
~
دخلو ايار ورعد بيتهم وغيرو ملابسهم ومسحت ايار مكيبها وانسدحت بالسرير وجا رعد جنبها منسدح وقامت وقالت-هييييه؟شكلك ناسي انك تنام بالصاله
رعد-لا بنام هنا من الحين
ايار-وش المناسبه؟
رعد-المناسبه الي سويناها امس بعدين شفيك مو كنا حلوين امس
شمقت ايار وانسدحت مرا ثانيه واعطتها ضهرها وهو ابتسم ونام.
العصر.
قامت ايار وتكشخت وسوت الفطور وهي بالمطبخ تسوي الشاي دخل عليها رعد وحاوط خصرها وقال- عساه الفطور الي بالطاوله لي ولك
لفت ايار عليه ووجها بوجهه- اي
ابتسم رعد وقال انا اسوي الشاهي انتي اجلسي
ايار-لا اليوم انا والايام الباقيه انت
رعد بسخريه- طيب طيب
قرب رعد وباس ايار بخدها وهي لفت عليه بصدمه ثم ابتسمت وقالت-شعري على وجهي ارببطه قهرني مقدر انا يدي وصخه
رعد-عندك ربطه؟
ايار-اي شفها بيدي
قرب رعد وربط شعر ايار وهو مبتسم ثم سلم على راسها وقال-يلاا ميييت جوع
ايار-يلا اجلس
~
الايهم-يلا
حصة-سويت القهوة وكل شي
طلعت ليلاس من غرفتها وحقرت فيها حصة وقالت- سلامات كاشخه كذا؟
ليلاس-شفيني؟
حصة-ليش كاشخة كذا؟؟؟
ليلاس-من زمان ماصار في عزيمه وقررت اكشخ شفيها؟
حصة- من زمان؟؟ وعزيمه مـ...!!
الايهم-خلاص خلاص تكفى
~ركضت هيام وهي ماسكة طرف جلابيتها بتروح عند جدتها بس انصدمت من شافت هتان واقف قدامها قاعد عالجوال ، تجمد الدم بعروقها وانتبه هتان لشخص واقف قدامه وشافها ويحلف انها اجمل بنت الحياة، خصل شعرها المبعثره على وجهها وعيونها السوداء وقفت قدامه ونطقت- انـ..
قاطعها وابتسم- تبين جدي؟ شوفيه داخل
هزت هيام راسها بالنفي وقالت بجرائة بعد ما استجمعتها-ماجيت عشان جدي!
هتان-جدة؟ بالمطبخ
هيام-شدخلك؟
لفت هيام بجسمها وتوجهت للباب وقبل ماتطلع نطقت بصوت عالي-والمرا الجاية غض البصر ياولد عمي!
ابتسم هتان وقال- يا انها هيام يا انها سارع واتوقع انها هيامو
راحت هيام لجدتها ريمان وقالت-ييممممممه
ريمان فزت برعب- بسم الله وشفيك؟ ليش تخرشيني
هيام- افاا من اليوم اراكض واصارخ عشان ماتنخرشين
ابتسمت ريمان ومدت كوب الشاهي لحفيدتها وقالت-تبين؟ بس مافيه سكر
بادلتها هيام الابتسامه واخذته من ريمان وقعدت تسولف .
~المغرب
احمد-يالله انت حييهم يارب
ابو ناصر- الله يبقيك يارب
غمز الايهم لاخو ناصر الصغير بدر وقال-تفضل تفضل
بدر- جبت لي حلاوه ياعمو؟
الايهم-ابشر الان اجيبلك
ابو ناصر- اسحب عليه بعدين اسنانه تعوره خله
ابتسم الايهم واشر لبدر انه بيجيب اه حلاوه بالسر.
تسريع للاحداث~
خطبو ليلاس وطلبوا شوفه شرعيه ووسع الايهم عيونه بس سكت من شاف ابوه يهز راسه بالموافقه ويرد عليهم بالموافقه فأبتسم وقال-ابد الحين انادي ليلاس
ابو ناصر- اجل حنا نستأذنكم. توصي يا ابو ماجد؟
احمد-سلامتك والله
ابو ناصر-بدر رح نادي امك واختك
ركض بدر لصاله الحريم يناديهم وكان ناصر متوتر وجالس بالصاله وطلعو الكل الا الايهم وناصر وقال الايهم بنرفزه - هين يانويصر هين
ناصر-شتبي انت يالباعوص؟ جيتك بالحلال وش تبي اكثر من كذا
ضحك الايهم وطلع ينادي ليلاس وقال بسخريه-اجل ونا اقول غريبه كاشخه
ليلاس بالغلط وهي مستحيه -لا يازق ماكنت ادري اصلا
وسع الايهم عينه بصدمه وقال-زق؟؟!
فزت ليلاس وباست راس الايهم وقالت-محشوم ياحبيبي... ينتضر بالمجلس؟
الايهم-ترا راعي الهوى مفضووووح
ليلاس-شدعوه قلت لك ماكنت ادري
الايهم-لي حساب معتس اصلا... ترا ماعلمتس انه بالمجلس وامكن الي خاطبتس يكون اخو نويصر الي اسمه علي وش دراتس انه نويصر؟ وماقلت لتس اي عايله جايه تخطبتس اصلا
ليلاس-اوووف يا ايهم!
دقته وطلعت من الغرفه ووقفت عند باب المجلس وفتحته ودخلت على ناصر.
~
تربعت ايار بالكنب مشغله التليفزيون على اغاني ومتشكخه لنفسها ترقص تدري انه رعد مب جاي الا بعد العشاء وقالت فرصه. ركضت تسوي لنفسها قهوه وهي مبسوطه وصوت الاغاني واصل للشارع.
~
طقو الباب وفتحت لهم جوري وابتسمت- هلااااببي بناااات
دخلو ساره والجود وفصخت جود نعالها وركضت لغرفه الجوري تنسدح من الحر الي جاهم، انتضرت جوري ساره بس قالت لها ساره- روحي روحي باقي إفك عبايتي ونقابي وجزمتي(يكرم القارئ)
ابتمست جوري وراحت للغرفه تنطق- اي وشفيك حرانه كذا ووجهك احمر
جود-يابنت المكيف بسياره ابوي خرب وخلااااص بطق مرا حررررر انا وساره يالله متحملين
جوري-غريب ميار قعدت بالبيت لحالها؟
جود-مقلعها
عند ساره.
-اااااف وش ذا من قال لي اربط هالنقاب بشكل مقعد كذا!!
وبعد محاولات فكته اخيرا وفكت عبايتها وانحت بتفك جزمتها بس انصدمت من الي فك الباب يناضرها. عشانها كانت منحينها تفك جزمتها ماشافت الا رجل وجزمه(يكرم القارئ٢+)رفعت راسها تحسبه عمها بتسلم عليه بخجل لانها استحت عمها يشوفها بالفستان القصير هاذا. انصعقت من شافت قدامها رائد يناضرها وهو مصدوم.. قعدو دقايق يناضرون بعض وسحبت ساره عبايتها الي معلقه فوق راسها وغطت بها نفسها واستوعب رائد وفك الباب وطلع بسرعه، دفنت ساره وجهها بعبايتها وعلقتها مرا ثانيه وحست انه الارض بتنشق وتبلعها ودخلت على جوري وجود- بنت سوير شفيك انتي وجهك احمر كذا بزياده
جوري-مسويه طالعه منها ترا حتى انتي
لفت عليها جود-ياقفطه وجهي احمر اي اوكي بس هاذي فوووشي!
ضحكت جوري وقالت ساره-شدعوه لي ساعه احاول افتح النقاب..
جلس رائد على عتبه الباب يهوجس بساره الي اخذت قلبه وابتسم
بعد العشاء~
اذن العشاء وقفلت ايار التليفزيون وكانت بتطلع تمسح ميكبها وتغير لبسها وتتوضأ وتصلي بس وقفت من سمعت جرس الباب راحت تفتح واستغربت انه رعد جاي المفروض يجي بعد الصلاة. فتحت الباب وانصدمت لما شافت ميار واقفه قدامها.. شهقت وقالت-شجااابك انتي!!
ميار بسخريه-متكشخه عشان رعد؟ ياعزتي لك والله
دخلت ميار بكل بجاحه واعطت البيت نظره وقالت-ماش وش الديكور ذا؟ لو كنت مكانك بحط (اشرت بأصبعها) الكتب هنا والطاوله هنا والتليفزيون هنـ..
قربت منها ايار وقالت- بس انتي للاسف مب بمكاني يعني وش السوات؟
سكتت ميار ثم نطقت -بنتضر رعد بكلمه بموضوع بيني وبينه
رصت ايار اسنانها بقهر وقالت- وايش الموضوع الي ممكن يكون بينك وبين رعدي؟
انقهرت ميار كمان وقالت- رعدك؟ محد كان يناديه بهالاسم غيري اه يالزمن لما كان زماني
ايار- ياناقصه العقل تحسبين زمانك بيحرك سكن فيني؟ تخسين وتعقبين ويلا اطلعي قبل ما اتلك مع شوشتك!
ضحكت ميار بسخريه وقالت-اصبري خمس دقايق ويجي رعد واكلمه واقوم.. المهم ماودك تكرميني بشيء؟ لو مويا ياخي جفيت هنا! صدق انك ماتعرفين تكرمين ضيفك! قال رسول الله صلى الله عليه وسلم (صلو عليه)
من كان يؤمن بالله واليوم الآخر فليُكرم ضيفَه
ايار- عليه افضل الصلة والسلام بس .. اااا انتي تعلميني؟
ميار-ايه اعلمك وشفيني انا؟؟ محسبتني شيطان معرف
ايار-وانتي فعلا شيطان يالجنيه!
قامت ميار ودفت الطاوله الي قدامها وقالت- بس عادددد! كنت بسألك وين المطبخ اخذ مويا لنفسي بس تذكرت اني حافضه الطريق اردي
ضحكت ايار بسخريه وقالت-اردي؟؟؟ اسمها اوريدي يالقديمه انتي! لا تحاولين تصيرين زيي لا اجي انتفك
قربت ميار من ايار وقالت- خير ياطير؟ ايش محسبه نفسك؟(ضحكت وكملت) ترا رعد باقي مالمسك يعني فيه مجال يطلقك و...
ماكلمت كلامها والا ايار سحبت شعرها وخمشت ميار وجه ايار ورقبتها تحاول تفك نفسها وايار تسحبها للباب تطردها فتحت الباب ولقت قدامها رعد بيدق الجرس.. تصنم رعد بمكانه ثم بعد عن طريقها وضحك بصدمه وقال-ححححي عييينتس يا ايااااري!!
ضحكت ايار وقالت-احتززززززم!!
صد رعد عشان ميار ماتحل له واعطاهم ضهره وباقي مادخل البيت ثم قال صوت عالي- ارجعي برا فيه عالم بس ارمي هالمنتفه وادخلي ياايااارري!!
وفعلا رمتها ورجعت تدخل ومسكت يد رعد وقالت- خلك عند الباب صبر لا تدخل
ابتسم رعد ووقف عند الباب وهو يسمع ميار تشاهق من برا ركضت ايار للصاله وسحبت شنطة ميار ورجعت لبرا ورمتها وقالت- يلا ولعد اشوفك توطوطين عندنا!
وقفلت الباب الي يفصل بين الشارع وحديقه بيتهم الاماميه. ورجعت وقفلت الباب بوجه رعد وقالت بصراخ وهي تجلس عالكنب يلا نعيييد!
ابتسم رعد الي فهمها ودق الجرس وركضت ايار تفتح له وتنط بحضنه وتقول-وحشتتتننني!
حاوط رعد خصرها وقال-وحشتيني اكثر يا اياري!
دخل وسكر الباب وراه وقال-افا متكشخه لي وذيك العوباء خربت الكشخه؟
ضحكت ايار وقالت- اي اي لك لك
مسك رعد رقبتها وكانت كلها تشميخات من اضافر ميار وقال-ابلش والحين شلون ابوسك
ايار-ياراسي هاذا الي همك!
ضحك رعد وحضنها وقال-لالا
ايار-امش بس اصلي واتحصن اخاف ميار تسحرني
رعد-والله تسويها
ايار-صدددق!
جوري-بنات لو تشوفون البيت بدون اخوات ماينطااااق مرررا خلاص تكفون نامو عندي اليوم
ساره-تم والله بس اشوف ابوي
جود-ونناااسه تتتمً
ساره- بس نحنا الثلاثه؟ ولا تبو ننادي ليلو واياري وارالي؟
جوري-بدق عليهم الحين
جود-بيت عمي ولا بيتك انتي وتركي؟
جوري-هنا تبون؟
ساره-ماتفرق
جود-مع ساره
يتبع....
كاتبكم- لـيـلاس الـحـارثـي🫐
وحشتووووووووني مررا مرررا كيفكم؟ كيفكم مع رمضان؟🥹 بنات مرا متحمسه للروايه الجديده من الحين هههههههههه والله قاعده آفكر بأحداثها من الحين با بالبارت الي بعد ذا بسرع الاحداث مررررا وبخلي هيام وسوير ينخطبون وارال لان اعتقد مابقي الا هم؟ ورش رايكم تبغوني اخلي ميار وماجد يتزوجون ولا نسحب عليهم؟ يصيرون طيبين ويصيرون اصحاب العيال والبنات💅🏻 المهم احبببكم مراً وحشتوووني
