-
بدر تقدم لين ما وصل قدام
ابوه بدر حاط كمامه سوده
على وجهه كل العصابه حاطه هالكمامه
عشان ما تنعرف هوياتنا الحقيقية
قال جبران بتحدي :
لا تدس وجهك طلعه وخلني
اعرف عدوي الدود
ضحك بدر ب هزاء :
بتعرفه ..
جبران حس ان هالصوت ماهو
غريب عليه استغرب حييل
بدر شال الكمامه اللي على وجهه
وبابتسامة الثقة قال :
ذا انا عدوك الدود
انصدم جبران وقال :
بدر ولدي ؟
بدر بنظرات انتقام ل ابوه :
ليه منصدم ايه بدر
ولدك
جبران تمالك اعصابه وقال :
ماني مستغرب ابد اصلاً
انت ولد عاق ب ابوه
بدر بحده :
قليل مره عليك اللي اسويه
بك، المفروض يصير بك
نفس باللي صار ب امي
قتلتها ولا رحمة ضعفها
عصب جبران ومد يده القويه
ل بدر وضرب بدر على وجهه
من قوتها طاح على الأرض
عايض خلف ضاري خافوا
على بدر و ركضوا له وانا
معهم كنت ابكي بعد ما شفت
بدر طايح من ضربة ابوه
جبران هجم على بدر نفس
ما هجم عليي عمي وصار يصكك
ضلوعه وشوي يكسرهم شفت
عذاب عمي لي ب بدر و ابوه
صحت بقوه خفت على بدر :
لاااا
بدر كان يقدر يدافع عن نفسه
ويهزم ابوه بس هو محترم انه
ابوه ولا يقدر يسوي شيي
تقدم عايض وكز جبران عن بدر
وقف درع حامي ل بدر وقال بعد
ما شال الكمامه :
ماراح اسمح لك تضربه
هينا وبس
انصدم جبران وقال :
عايض انت بعد
عايض قال :
انا مع بدر بالخير والشر
واللي يبيه بسويه .
__
ركضت صوب بدر خايفه عليه ودموعي
على خدي بدر اللي من عرفته ما شفته
بذا الضعف دايم كان قوي وما يهزمه
شيي مسكته من كتفه وحطيت رأسه
فوق فخوذي بدر يتألم حتى ماهو قادر
يفتح عيونه
حوطت يديني على وجهه
وصرت امسح عليه بشويش
حسيت شعر وجهه يبطني
بدر يتألم :
اااه
اخه حسيت ألمه بضلوعي ماهو ضلوعه
جبران و عايض يسولفون بحده
قال جبران :
لا تحسبون بسكت والله لا اخليكم
مثل الذبان يتجمع حولي بس صبر
جاء ضاري وخلف
قال ضاري :
ماهو حنا اللي نصير ذبان
خلف قال :
بندعسك عليك انت وفلوسك
عايض راح ل بدر وشاله
وساعدته براء
ضاري وخلف صاروا
بهجمون على الحراس
ويشتتون جبران لين ما عايض
طلع بدر من هالمكان
صاح جبران :
هين يا بدر علاجك عندي
انت واللي معك السرابيت .
من بكره الصبح :
جت بدريه عند بدر وصارت
تبكي عند رأسه بعد ما ابوه
كسر ضلوعه وصار بدر طريح الفراش
فقالت بغصه وهي تبكي :
قلت لك لا تروح ابوي ماراح يرحمك
بدر يحاول يهدي بدريه فقال :
انا بخير تطمني بس وجع بسيط
وبيروح
دخل عايض الغرفة ومن وراءه براء
شايله بين يدينها صحن وبه ابريق
حليب و ادوات طبية .
__
جاء عايض عند بدريه
ومسك يدينها بحنيه وقال بنبرة
هاديه لطيفه :
بدريه بدر بخير تطمني
بدريه وعيونها بعيون عايض
اللي تنهمر دموع :
انقذته ولا ابوي ذبحه اكيد .
استغربت الكيمياء اللي بين
عايض و بدريه وكأنهم ...
قال بدر :
فهم اختي العنيده هاذي
جيت وحطيت الصحن فوق
الطاولة
وعيون بدر لي وقال بابتسامة :
مشكوره براء انتي بعد
انقذتيني
استحيت وما عرف وش اقول
ف طلعت من الغرفة .
بالليل :
طلعت من غرفتي الجو برد
حييل كل يوم الشتاء يحكم
علينا ببرده القاسي
كنت متوجهه لغرفة بدر
ابي اطمن عليه
فتحت الباب ودخلت
وانصدمت من اللي شفته
بدر كان بدون لبس
جالس فوق السرير وعضلات
صدره وكتوفه عاريه
و الشعر على صدره كثيف
انحرجت مره و كنت ابي
اطلع بس باغتتني كلمة
بدر :
كنت انتظرك
انصدمت :
ينتظرني !!
عيون بدر لي وقال :
كنت حاس انك بتجين
تعالي ساعديني ماني قادر
احط البرهم على جسمي
عصبت :
حقير يبي مني ادهن جسمه
بعد
ناظر لي بحده وقال :
وليه باقي واقفه تعالي
جيت عنده وقلت :
بس .. انحرجت من جمال
جسمه ويبيني ادهنه بعد
قال بدر :
لا تجيك افكارك السوده بعد
كم مره اقول نظفي نيتك هاذي
انا تعبان ماني قادر احطه عليي
مد البرهم لي وخذيته وقال :
يلاا حطيه انا أتألم
استسلمت له لانه تعبان بس
وصرت ادهن جسمه بضعف
ما ادري ضعفت قدام جماله
او اني مستحيه منه
بس اللي قهرني شفت ذيك
النظرات الحقيره والاستغلالية
بنظراته لي بدر حقير ووحش ما يتغير
بعد وقت خلصت اخيرا وسكرت البرهم
وحطيته فوق الطاولة وقال بدر :
الحين ارتحت اشكرك براء
قلت :
العفوو
فقال :
غطيني
عصبت منه وطولت صوتي :
مالك يدين غطى نفسك انت .
__
قال ببرود :
ما اتفقنا كذا انا تعبان المفروض
تهتمين بي
عصبت :
وش ذا التعب اللي يخليك تستغله
بحقاره واضح تعبان وحييل
بدر بهدوء قال :
طيب خليك على عنادك وكبر رأسك
ما طلبت غير تغطيني
استسلمت و رحت اغطيه مسكت
البطانيه و رفعتها بس هو مسك
يدي بقوه و رماني على السرير
قوة يده خلتني استغرب كيف
ماهو قادر يشيل البطنيه حتى
بس هو رماني على السرير !
توترت وصحت :
وش تبي بدر واضح انك
تعبان ما غير تتصنعه
بس هو رصني بكتوفه العاريه
وحط يده على فمي وقال بصوت
قصير مره :
ترا بيسمعونا اسكتي احسن لك
توترت حييل حسيت بحرارة
جسمه اللي بتخليني استسلم
له غصب ما شفت بحياتي
حقير زي بدر فقلت بخوف :
بدر وش تبي تسوي
رصني اكثر لجسمه انا
هينا شوي ادوخ ما ادري
من حرارة جسمه العريض
ولا عيونه الحاده الفاتنه اللي
تناظر لي بعمق ولا جمال وجهه
ولا انا وياه على سرير واحد
وهو راص علي اخاف ينتهي
هالشي بشيي لا يحمد عقباه
قاطع بدر توتري وقال بنبرة
حنونه :
لا تخافين براء
مرر يده على خصري
وقال وعيوني بعيونه :
انا تعبان براء حييل
قلت :
تعبان واضح
قال :
تعبان لمن اشوفك ولا اقدر
اسوي شيي
قلت بعد ما عصبني
وابي اكزه بقوه :
وش تقصد بدر تراك
قليل ادب ما تعرف هالشي
عن نفسك
قال بدر بهدوء :
قليل ادب قدامك بس
رصني بقوه هينا عيوني شوي
تغمض بس ماني مستسلمه له
رفعت يدي امررها على عضلات
كتفه الكبيره وقلت وعيوني تدوخ
وقلبي يرجف وبضعف شديد :
بدر خلني تكفى ..
هينا قرب وجهي لوجهه وانفاسنا
تختلط ببعضها فقال وهو دايخ
و راص عليي :
دقيقه معك تكفيني عمر
بكيت وانا بين احضانه الحقيره
فقلت بتوتر :
بدر تكفى لاا
رص علي بدر وقال بنبره هاديه وعاطفيه
حييل :
براء قلت لا تخافين انتي معي
وعد بتكونين بأمان طول عمرك
رصني من خصري لجسمه
وقرب وجهي لوجهه وقال وعيونا
تضيع ببعضها :
انا اطلبك شي حرمتيني منه
قبل ايام وابي اخذه بالقوه الحين .
__
حط يده على رأسي من وراء
بقوه يلصقني بوجهه وقال بحنان
وهو يشد جسمي لجسمه :
ترضين اكون تعبان براء ؟
قلت وانا مستسلمه له :
لا
حضني بقوه وهو غارس وجهه
بضلوعي ويشم ضلوعي باستنشاق
ولصق وجهي بوجهه وقال وهو ذايب
لآخر شيي :
ابي..
لصق فمي بفمه وصار يبوسني
بعنف ويرص على جسمي
يبوس بتلذذ و انحراف حسيت شفايفي
بياكلهن ويدخلن داخل حلقه
وصار يكمل بوس بعد ما يتنفس ثانيه
ويكمل ثلاث دقايق وكذا صار بدر
يعنفني ببوسه العميق اللي انا
دخت واستسلمت بين احضانه
لدرجة ودي ما تنتهي ودي اكون معه
كذا طول العمر وما ابي اللحظات هاذي
تنتهي .
بس طرق الباب هنا تبعثر موقفنا
انا قمت بعد ما كزيته و استوعبت
اللي صار الحين عصبت :
حقير !
بدر نزل راسه بإرهاق على المخده
وقال :
ترا بستك بس وعدتك تكونين
بأمان معي ترا اقدر اسوي اكبر
من كذا بس مستحيل اسويها
براء انتي برقبتي تطمني
انقهرت منه ومن بروده :
يتكلم عن الأمان وهو ما خلاء
بها أمان
دخلت بدريه وانا طلعت بسرعه
بدريه مستغربه قالت ل بدر :
وش صاير !!
بدر ببرود قال :
ولاشيء بس خليتها تساعدني
عشان تحط البرهم على جسمي
بدريه انصدمت :
بدر بك شيي
قال :
لا .
__
اندفعت بدريه ل بدر وقالت :
تراها بنت و تستحي تدهن جسم
رجل
بدر ببرود :
ما عندها مشكله اعتقد
بدريه زاد شكها وقالت :
بدر بينك وبينها شي
بدر تجاهلها ولا رد عليها .
جلست فوق السرير منهاره
لآخر شيي من اللي سواه بدر
لي حاطه يدي على شفايفي
وللحين ماني مصدقه انهم بمكانهم
بدر منحرف وحقير لآخر حد
بس ..
رغم كل هذا كان به شعور حبيت
كل لحظه معه حتى حقارته احبها
بس لازم اتمالك مشاعري وما اضعف
قدامه ثاني مره
حطيت رأسي على السرير وحضن
بدر الحار بصدره العاري احسه بضلوعي
استسلمت على هذا الشعور و نمت .
مرت أيام و بدريه يزود بها الشك
ان بيني و بين بدر شيي
هي و بدر بغرفة بدر
تسولف عليه قالت :
بدر سلمى هي بقلبك ؟
تأفف وقال :
ولا يوم صارت بقلبي
بدريه :
و براء ؟
سكت بدر ولا رد
هنا قربت له والفضول فل
قالت وهي تحط عيونها بعيونه :
تحبها صح
بدر قال :
ماهو شغلك
بدريه :
هي حلوه حيل
سكت بدر ويحاول يتجاهل
سوالفها
بدريه :
انت تحبها ادري
قال بدر :
دام تدرين ليه تسألين
هنا نقزت من الفرحه وقالت :
و أخيرًا جت البنت اللي يحبها اخوي .
__
قصر امير الأدهم :
امير اجتمع مع شخص
فقال له :
محمد لك عندي شي
من سنين تبيه بس انا
رادك
محمد الأدهم ولد ولد عم
امير و ادهم الفرع الثاني
لعائلة الأدهم،
طويل وعريض
عمره ٢٨ سنه يلبس لبس
رسمي وباين انسان جاد حيل
قال محمد :
زين انك مذكر
قال امير :
انا رادك عشان امك كانت من عايله
فقيره و ابوك تزوجها وخرب سمعة
عايلة الأدهم بذاك الوقت .
قال محمد ببرود :
ما علينا من هالكلام بتعطيني براء
ولا ..
قال امير :
براء هربانه من زمان وهي تتسكع
مع اربع شباب وعلى رأسهم واحد
اسمه بدر اذ قدرت تجيبها عندي
فهي لك و راح تتزوجها
محمد سكت هاذي فرصه
ما يقدر يضيعها بعد ما كانت
موافقة امير عليه مستحيله لأنه من
سنين يحب براء ومرات كثيره خطبها
بس امير يرفضه وتعتبر فرصه ذهبيه
له
قال محمد :
بشرط
قال امير :
وش هو
قال محمد :
تعلن خطوبتنا لصحف والتلفزيون
بشكل رسمي
امير عض على شفايفه لان محمد
يعرف له ويعرف شلون هو
محتال
قال امير :
اذ جبتها لي بعلن
قال محمد :
أجل الموضوع مسكر اذ ما اعلنت
ولاني موافق على طلبك هذا
امير تردد :
طيب بكره ينزل الخبر بكل
الصحف
ظهرت ابتسامة النصر على
وجه محمد .
___
جاء الصبح و براء صحت
على خبر
(خطوبة براء الأدهم و محمد الأدهم)
صاحت براء وقالت بقهر :
وسواها عمي ..
براء طلعت من الغرفه و راحت
للحديقه تبي تتنفس شوي
الا انهارت بكي
فقالت :
ليه يا حقير عرفت
كيف تحرقني وانا حيه
محمد لا حقير زيك
جاء ضاري ل غرفة بدر
وفتح الباب بدر اللي عند المرايه
يجهز نفسه بعد تعافيه
من الرضوض والضرب اللي جاه
قال ضاري بتوتر :
شفت براء !
قال بدر باستغراب :
ليه وينها !
قال ضاري بحيره :
ما شفت اخبار الصبح
بدر باهتمام :
ليه وش صاير ؟
ضاري تردد قبل يقول :
خطوبة براء الأدهم و محمد الأدهم
بدر جته صدمه قويه وقال :
وش تقول انت !!
ضاري بضيق :
اكيد عمها سوا كذا عشان يقدر
يرجعها له ويصير اللي يبيه
بدر عصب :
براء وينها !!
ضاري :
دورتها بغرفتها مالقيتها
شكلها شافت الأخبار .
__
بدر وضاري صاروا يدورون
على براء بكل مكان
بدر تذكر انها دايم تروح
الحديقه اذ صارت مضايقه
فقال :
عرفت وينها
ركض و ركض وراءه ضاري
شافوها منهاره عند حدا الشجر
وتبكي بحرقه
جاء بدر عندها وقال معصب :
براء لا تبكين
براء تناظر ل بدر وهي مضايقه
حيل قالت :
عمي اعلن خطوبتي ب محمد
زادت عصبية بدر وحس الغيره
تحرق قلبه وقال :
من هذا محمد ؟! ويخسي
تكونين له
براء بحرقه :
الشخص اللي اكرهه عمي
عرف كيف يحرقني حتى وانا
هربانه منه
انهارت براء وصارت تمسك
الأرض بقهر وتبكي بحراره
بدر ما رضي عليها البكي
والدموع
مسك يدها وسحبها بقوه
من ضعفها و انكسارها
قال وهو حاط عيونه الغاضبه
بعيونها المنهمرة دموع :
براء لا تبكين اقولك
ثقي بي ماراح تتزوجينه
مستحيل ما ارضى هالشي
لو على جثتي
براء بضعف قالت :
بدر ..
حسيت بالحظه هاذي ان
العالم يخوني وبس بدر
اللي كان امان لي حضنته
بقوه وانا ابكي حسيته
الأمان الوحيد بعالمي
واللي حولي مجرد خوف
كبير لي
بدر حضني و طبع قبله
عميقه فوق رأسي قال يطمني :
براء وعد مني ماراح يصير
اللي يبيه عمك ثقي بي .
براء وهي حاضنه بدر بخوف :
ما احب محمد هو زي
عمي بالضبط تكفى بدر
طلعني منهم ومن هالعذاب .