- جَـرح الأيهم .
لـ الكاتـِبه : أيــلان
حساب الانستا للتواصل : l.1ll8
*لا تنسى التصويت بـ نجمة +
التعليق بين الفقرات 🩶.
****************
عيوني تتجول على المكان
خضار ، جو لطيف ، هدوء
بـ ايدي كوب حليب ، شربت شوية من عنده
شعري يتطاير وي الهوه
ابتسامة مرسومة على شفتي
جريت نفس عميق لـ داخلي ، زفرته
دنكت راسي دحگت لـ بطني
رفعت ايدي خليتها عليها
گلت بـ هدوء مبتسمه
- رب العالمين ياخذ شي
و ينطي الافضل منه ، سبحانك ربي
غمضت عيوني ، ايدي تتجول على بطني
احس بـ كبرها و بـ كل مرة يزداد ثگلها على جسمي
لمحت خياله بـ الظلام يلي مغطي عيوني
هزيت راسي بـ رفض نافضه شكلة من بالي
لَكن انطبع و ما راح ابداً
فتحت عيوني بسرعه ، خليت ايدي على صدري
بـ مجرد ذكرة سيل من الدموع صار بـ طرف عيني ضميت شفتي لـ داخل حلگي ساكته
التفتت على اثر صوتها الحنين
-بنيتي بردتي
دحگت الها مبتسمه
- لا يمه ما بردت بـ العكس الجو حلو
رفعت عيني ادحگلها
خلت الكرسي يمي ، كعدت
- مو زين عليج
تكعدين برا بـ هيج جو و انتِ حامل
- لا عادي اصلاً الفصعون الصغير
عاجبه هيج جو كلش
- ههههه خلي ما دام عاجبه
- طبعاً شعبالج اكيد يعجبة
يتحرك بـ بطني بكيفه مكيف
- ههههه فدوة خلي
شرايده من عنده عوفي حفيدي
- اتخليتي عني و بعده ما انولد
منارس : انتِ بنيتي المو من بطني
ما اتخلى عنج و لا عن ابنج الارعن
نور : هههههههه حبيبتي امي
منارس : انتِ فعلاً تحبيني لـ درجة تگليلي امي
لو هيج عادة لسان صارت
نور : نوروسه احبج هوووووايه
هواي قدمتي الي الامومه
كل احد يحتاج ام و انتِ امي
حتى لو مو انتِ الي ولدتيني
منارس : بنتي الحلوة الحبابة المؤدبة
ابتسمت الها تدنت باست راسي
گالت و هي مبتسمه
منارس : لمن جنتي صغيرة
تفترين وراي و تصيحين ماما ماما
لان دائماً انا يمج و العبج عبالج انا امج
نور : من صغري اعرف
منو الي المفروض تكون امي
منارس : جنت اسويلج كرون
و اطلعج للحديقة تفترين بيها
توكفين بـ الشمس يصير لون شعرج اشگر
و تجين طايرة علية مثل الفراشة
نور : لا تبجيني عمه
منارس : اسكتي يمعودة
رح تجي مُلاذ اذا شافت وحده من عدنا تبجي
شيخلصنا من لسانها بعد
نور : هههههه ترزل منو و تخلي منو
منارس : عجيبه و الله
نور : شنو؟
منارس : ما تبجي ابداً
مثل ابوها گبل و لا ينزل دمعه
مره وحدة بـ حياتي شفته يبجي
لمن انولدت مُلاذ و دموعه دموع فرح
ابتسمت
نور : جان كلش يحبها يموت عليها
منارس : قمرته جانت
قبل لا يعرف فيروز و يشوفها
جان كل ليلة يكعد هو و غزوان بـ الطرمه
و يظل صافن ع السما
منارس : بـ يوم رحت انطيهم الجاي
غزوان سأل ألياس گله ليش صافن بـ السما
ما انتبهه ألياس لمن دغه غزوان و عاد السؤال
گله لمن يصير عدي بنية شكلها احسه يضوي
رح تطلع تشبهه الگمر
ابتسمت
نور : الله يرحمه
منارس : امين
انفتح الباب دحگنا لـ عزيز يلي دخل
نكث شعره بـ ايده اتقدم علينا
بـ ايده الثانية علاكه ، كامت عمتي من يمي
سلمت عليه كمت وراها بست راسه ابتسم
انطا لـ عمتي العلاكه يلي بـ ايده
منارس : گلت اذا طلع ما جايب المعجون
اركض وراه بـ الجفجير
عزيز : نوروسه القاسية
ضربته على جتفه بـ خفه
ضحك عزيز
عزيز : هاي شنو مسوين كعده بره
و بـ الحديقة صرنه ارقيااء بعد عمك
نور : هههههههه ارقياء
منارس : ولك عمه ارقياء شنو
راقيين ابني ولو انت ما معتب
من اخذت ٥٠ بـ العربي
عزيز : ما اسمحلج عمه
جنت ٤٩ و سووني ٥٠
هزت عمتي ايدها ، ابتسامه ظاهره اسنانها
خلت و دخلت جوه ، تكمل طبخ
راح عزيز كعد على المرجوحه يلي بـ الحديقة
اتقدمت كعدت يمه
نور : شلون الشغل؟
عزيز : تعاركت انا و ابو المطعم
نور : ليش؟
عزيز : اخذت قوطية ببسي و هي بـ ربع
و انطيت الربع لـ الكاشير
شايفني ابو المطعم بـ الكاميرات
و عباله ما دافع فلوسها و اجا يتعارك وياي
عكدت حواجبي
نور : شنو السالفه هو ربع!
عزيز : حقنه و غثيث لـ النعال
نور : كم مره كلتلك دورلك غير شغله عزيز
يعني هسه انت تشتغل توصيل
و دراجتك طاير بيها بين السما و الگاع
شوف الك غير شغله يا امي
يعني هسه انت حتى ما تلحك ترتاح
و من مكان لـ مكان توصل اكل
و فوكاها ابو المطعم ما يعجبه العجب
عزيز : هو صارلي شهرين من بديت
شألحك ابطل بس هاي الفترة خل ادبر روحي
ماتذكرين قبلها بـ ٣ اشهر انا كاعد اكش ذبان
و عمتي تركض و تجيب و تحط وحدها
نور : اعرف عزوز صحيح لازم نساعدها
بس اصلاً انت متضرر هواي من شغلك
مو ذاك اليوم رجعت النا رجليك مجلخه
و حالك حال شنو هيج روحك رخيصة علينا؟
عزيز : جاي ادورلي على شغل اشوف
نور : تمام حبيبي
خليت راسي على متنه ساكته
عزيز : انتِ شلونج؟
خو ما الجاهل بي شي ؟
نور : لا زينه ما بيه لا تخاف
عزيز : رحتي هم لـ دوامج اليوم؟
نور : اي رحت
عزيز : مو گلتلج اخذي اجازه
ليش ما تاخذين ؟
نور : بس اليوم داومت
عزيز : نوره باعي انتبهي انتِ و عمتي
صح ضرغام خلالنا حماية
بس هذا ابوج ما ينحزر
نور : ما يسوي النا شي
مُلاذ وكفته عند حده
عزيز : مره بـ الف زلمه
امداني حاسب روحي ع الزلم شهر تتلوين
انشلعت وصلة من گلبج يلا طلعتي من يمه
و انا ما كدرت حتى احافظ عليج
دار وجهه عني حتى لا اشوفة يدمع
رفع ايديه الي يرتدي بيها كفوف
مسح عينه ، خليت ايدي على كتفه
نور : عزوز حبيبيي لا تكول هيج
شعليك انت شو دحگلي ، عزيز
درت وجهه الي
نور : انت ما الك اي علاقة
لا تلوم نفسك ابد ، زين ؟
يعني جان حابسك شنو بـ ايدك انت؟
دار وجهه لـ كدام
گال بـ هدوء و الكسرة واضحه بـ صوته
عزيز : بـ حياتي ما راح انسى السواه
اتخيل روحي هيج اسوي بـ ابني بـ المستقبل
ضحك بـ استهزاء
هز راسه بـ يأس
عزيز : مستحيل
نور : عزيز ابد لتقارن نفسك بي
انت ما سمعت عمه من ذاك اليوم تسولف النا
و گالت هي من جانت صغيرة
نور : بس لان ما صبت اله غده دافرها بـ بطنها
و حابسها همين ... ترا اسكندر طالع عليه
اسكندر يلي يشبهه انا و انت ترباية بيبي
نور : ابوي ما اتربى يم بيبي ابد
جنت صغير انت و ما تتذكر عدل
بس بيبي جانت غضبانه عليه
بسبب تصرفاته
عزيز : لو جايبتلها راس بصل احسن الها
نور : ههههه عزيز لا تضحكني
ابتسم و دحگلي
عزيز : اضحكي نوره بجيتي هواي
ابتسمت ساكته ضمني لـ صدره
اندكت باب البيت ، كام عزيز من يمي
اشر الي رحت ختلت بـ الظلمه
عزيز : منو؟
مُلاذ : ابو السمنت
ضحك عزيز بـ ضحكه عاليه
اتقدم يفتح الباب ، مشيت لـ يمهم
دحك عزيز لـ مُلاذ
عزيز : هاي ياهي هاي ؟
مُلاذ : مو گلنالك ابو السمنت لحاح
عزيز : دمشي لج انا لحاح؟
ملكة الجنانوة السود و البيض
عيبت عليه و هي تكول
مُلاذ : ننننن ، هاي شواربك
مكطفهن من حواجبك و حاطهن فوك حلگك
عزيز : هذا وجهج راشه عليه طحين
مُلاذ : دوخر الغسل خل ادخل
امشي ساعد امي
عزيز : گباله و بزه بـ عينه و عابت
نور : ادري ما طلعت لمه هاي
بعد انصبولكم حلبة مصارعه و نهوس الكم
مُلاذ : خوش فكره
بس ما اتصارع وي ابو شوارب منتفه
عزيز : دطبي شلون جنيه ملعونه
ضحكت مُلاذ و دخلت
سلمت عليها دخلت وراها خالة فيروز
و ملوكه سلمت عليهن صحت لـ عمتي
هي هم طلعت ترحب بيهم
بعد كم دقيقة صفت سيارة جسار
اشرلي عزيز طكيتها ركضه لـ جوه
و اسمع مُلاذ تلطم على خدودها و تصيح وراي
مُلاذ : راح الجاهل يبو يبو
ضحكت و كملت طريقي
دخلت الغرفة لبست فوك ملابسي
عبايه و شال و طلعت الهم
شفت بس جسار و سلطان موجودين
سلمت عليهم ، دحگت لـ جسار
وجهه متغير سمران و وجهه ضعفان
انداريت على صوت عزيز
يلي دخل لـ الصالة و هو يصيح
عزيز : اي شلة البذاتين
حشى خاله فيروز منكم
مُلاذ : عزيز سؤال
عزيز : ها يـ عزيزه
مُلاذ : عوع تخيل اسمي مثل اسمك
عزيز : من امداج
مُلاذ : امداك انت خل نحجي
عزيز : اتفضلي
مُلاذ : شكم مره حفظت سيناريو رزالاتنا
عزيز : باعي هو كتبت ورقتين
بس حفظت منهن المختصر ابدي احجي؟
مُلاذ : لا اشكرك ما اريد
عزيز : يعني انتوا و العباس ما تستحون
شني صارلنا اربع اشهر و نص من كاعدين
و اجيتولكم بس ٣ مرات شكد ادبسزيه
جسار : عزيز لسانك
مُلاذ : المعذره منك سماحة السلطان عزيز
شني تريدنا نسجل اقامة بـ بيتكم
عزيز : ما تكولون هالوليد و البنية
و الشابه العجوز هاي خطية
اشر على روحه و عليه
و على عمه منارس
ضحكت و هو كمل كلامه
عزيز : كاعدين وحيداتهم
هلبت امرن اشوفهم اسلم عليهم
اونسهم العبهم اعاملهم مثل جهالي
جسار : عزيز جنك معوز حنان بعد اخوك
عزيز : معوز حنانات مو حنان وحدة
جسار : تريدها بيضة لو سمره؟
عزيز : بيضه
جسار : شكره لو سوده
عزيز : لا يبو بيضة و شعرها اسود
تطلعلي جنيه ثانية كافيه عليه وحدة
مُلاذ : اهفك بـ الجنطه
عزيز : الجنطه السحرية
جسار : زين عيونها زرك لو برتقاليات
عزيز : حمر تصير عدها القوة الخارقة
جسار : شوفها موجوده كدام الباب
هم لونها اصفر و من الداخل بيضة
بس تعذرني قيطانها العفو عيونها لونهن برتقالي
قياسها 44 تفيدك
عزيز : اشكرك ما تقصر
بس بلا زحمه بـ شنو تفيدني؟
جسار : من تجوع تعلسها
ضحكنا بـ صوت عالي جسمنا يهتز
اتعالى صوت ضحكنا لمن عزيز گال
عزيز : ما احتاجها انت موجود
مُلاذ : "1" عزيز
سلطان : "1" جسار ، منافسة قوية
يلا منو يطير جبهة الثاني انا اروح المها لا تخافون
ضحكوا و ظلوا يتداهرون بيناتهم
فرشنا السفرة ، رحنا لـ المطبخ انا و البنات
خلينا عمتي و خالة فيروز كاعدات
طلعت من الثلاجة الببسي
التفتت لـ مُلاذ لمن گالت
مُلاذ : شلونه حملج؟
نور : زين الحمدلله
مُلاذ : ما كدرت اجي مشغولة هالفترة كلش
نور : لا عادي افتهم وضعج
مُلاذ : خو ابوج بعد ما اجاكم لو سوه شي؟
نور : لا ما اجه يخاف من الحراس
مُلاذ : انتبهي من اخوج همين
نور : البارحه جاي الكم؟
خالة فيروز من تخابرن هي و عمتي
فـ گايلتلها اسكندر اجانا
مُلاذ : اي
نور : شيريد؟
مُلاذ :بـ رأيج؟
نور : يريدج؟
مُلاذ : رادت ريده و الحمى الشديده
ما اخلص منه لو اموت
نور : قابليته عجيبه
مُلاذ : ما يهمني بعد تعودت
نور : شسوه من اجا؟
مُلاذ : لا تذكريني
نور : دگولي
حجت و هي تحط الماعون
يلي صبت بي اكل على الكاونتر
مُلاذ : جتفني و كام يبوس وجهي
نور : عززززه العزاه
مُلاذ : لعبت نفسي منه
نور : هذا شوكت يفهم هالشي حرام ؟؟؟
مُلاذ : مطي ما يفتهم
نور : شسويتي من سوه هيج؟
مُلاذ : كوه يلا طلعت من ايده
دفعته ردت اضربه صد ايديه
و ظل يمسلت
دحگتلها احتقن وجهها
صار دم احمر يبين هي متنرفزه و مقهوره
لان اسكندر كارثة ، تصرفاته تلعب النفس
هي اصلاً ما ترغب اله و فوكاها حرام
رغم هي جانت ما محجبه
بس ابد ما تقبل بـ الحرام
و لا تقبل واحد يطخها
بس لمن تكون بـ حالة طارئة
رفعت راسها تحجي بـ حرگة اعصاب
و هي تدعي متنرفزة من الموضوع
مُلاذ : كون بـ جهنم راسه يسوونه خيوط
يلزمونه و يشمرونه بـ نص الجحيم
هذا حلگه القذر اليبوسني بي
و يلطخني بـ الحرام و هاللعبان نفس
كون تشتعل بي نار ، القذر الحقير
حجتها و شمرت الجمجه يلي بـ ايدها
اخذت الماعين ، طلعت من المطبخ
دحگت لـ ملاك مقوسه شفتها و ساكته
نور : خالة فيروز تدري ؟
ملاك : لا طبعاً هو انا ما ادري
نور : يا
ملاك : دخلت من بره معصبة
و ما تخلي امي تطلع وراها
نسألها شصار ما تحجي
ملاك : دخلت لـ غرفتها تكسر بـ الغراض
و قافلة الباب على روحها شكد دكينا الباب
شكد توسلنا بيها تفتحها ما قبلت ابد
ملاك : امي رادت تخابر لـ جسار
بس بعدين بطلت لان ذاك اليوم
هم من اجا اسكندر خابرنا لـ جسار
لان مُلاذ تاخرت برا و ما تخلينا نطلع
تگلب الدنيا و من اجا جسار
صاروا هو و اسكندر ملاحم
نور : ما يتووب عجيب
اي كملي شصار بعدين بـ مُلاذ ؟
ملاك : بـ الگوه يلا فتحت الباب
و هاي ورا ساعه و نص
صارت الدمعه بـ طرف عيني من شفت شكلها
طلعت وجهها احمر و جسمها يرجف
اخذت ملابسها و راحت بـ وجهها لـ الحمام
دخلنا لـ الغرفة ماكو غرض صاحي
حتى تلفونها كاسرته
نور : يمه سوده عليه
انهارت اعصابها راح يموتها لـ البنية
ملاك : هسه كافي ما تعب
من يمي لعبت نفسي ؟؟
شلاگي و هيج ما يعوفها شكم مرة رفضته
نور : خل اگللجياها من الاخير
اخوي طايح حظ و ما يعوف مُلاذ
منا لمن يحصلها و ما راح يحصلها ابد
سكتت و اندارينا
على اثر صوت عمتي
منارس : وين صرتن الاكل برد
نور : ها عمه اخذتنا السوالف
هياتنا اجينا وراج بس اجيب كاسات
منارس : يلا
عافتنا و راحت
اخذت كاسات و لحگتها
كعدنا ناكل و نسولف و نضحك
بس جسار و مُلاذ صافنين و ساكتين
خلصنا اكل و ظلينا نسولف
كامت ملاك تصب الهم جاي
كعدنا انا و مُلاذ نسولف
حجيت الها عن شغل عزيز
اقترحت على عزيز يشتغل كاشير
بـ محل الحلويات يلي هي مسويته
و طبعاً وافقنا لان شغلة زينه
ملاك :
دخلت المطبخ
ظليت انتظر الجاي يصير
حتى اصب ، فتحت الكاونتر الفوك
اريد اخذ كوب بس ما الوحه
عمه منارس طويله و حاطة الكواب لـ فوك
لذالك هي تلوحهن بس انا ما الوح
كمزت اريد اوصل ما اوصل
فزيت لمن انمدت ايد من فوكاي اخذت الكوب
التفتت دحگت لـ سلطان الواكف وراي
ملاك : شوكت اجيت؟
سلطان : من جنتي تكمزين
حتى تلوحين الكوب ههههههه
غطيت وجهي بـ ايديه و ضحكت
نزل سلطان الكوابه الي
ملاك : شكراً
گال يقلد عليه
سلطان : شوكراً
ملاك : ههههه و الله انا احجيها هيج
سلطان : احجيها جعل محد غيرج يحجيها
ابتسمت و ظليت ساكته
و هو واكف يمي
سلطان : ملاك
ملاك : امم
سلطان : شحجينا ذاك اليوم؟
ملاك : شحجينا ؟
سلطان : مو گلنا الحمره و مسكاره لا تخلين
و انتِ حلوه بدونهن؟
ملاك : بس ما مخليه
سلطان : لا هاي مخليه
ملاك : و الله ما مخليه بس مسكاره اي
و قليل كلش خليت لان رموشي اصلاً طوال
بس حمره ما خليت و ذاك اليوم
جنت مخلية مرطب مو حمره
سلطان : ولج لا تجذبين عليه
ملاك : يا ليش اجذب عليك
ما حاطه انا شفتي هيج لونها
سلطان : بابا ما معقول شفتج هيج لونها
جريت كلنس المطبخ اليمي
و مسحت حلگي راويته ما بيها اي حمره
صفن ثواني ، دار وجهه و گام يستغفر
حجيت و انا اصب جاي
ملاك : انا اصلاً ما احبهم و لا يعجبوني
سلطان : شكلج بدونهم حلو
ملاك : اي و هسه انا بدونهم
سلطان : افتهمنا ولج
دحگتله و ابتسمت
سلطان : يلا تعالي وراي
هزيت راسي بـ قبول
طلع و عافني
اخذت صينية الجاي
رحت لـ الصالة ، قدمت الجاي
وصلت لـ عزيز رفع عينه دحگلي ابتسم
عزيز : خو ما مخليتلنا الجاي بدون شكر
ملاك : هههه لا خليت
عزيز : مو اگول ذاك اليوم
من وراج طلعت الجاي من خشمي من مرورته
ملاك : ههههههه لا و الله هاي المرة خليت
اسفه جنت ما منتبهه
عزيز : جيبي ملوكه جيبي
خل نشرب جايج امرنا لـ الله
ابتسمت و هو اخذ الجاي
كعدت يم مُلاذ
صارت عيني على سلطان
عكدت حواجبي و انا اشوفه خازرني
هزيت راسي بـ معنى "شكو؟"
رجع راسة لـ ورا ، نزل عينه لـ تلفونه
اخذت تلفوني لمن اجتني رساله
دحگت لـ رسالة من سلطان
سلطان : اطلعي برا للـ الحديقة
ملاك : ليش ؟
سلطان : اطلعي گلت
ملاك : ليش شكو؟
سلطان : اريد احاجيج اطلعي
ملاك : ما اريد اطلع اخاف وحدي
سلطان : انا وياج كومي
ملاك : اي شسوي طالعه لـ الحديقة ؟
سلطان : اذا ما كمتي
هسه اجيج انا و اخذج من بيناتهم و كدامهم
لا تسودنيني كومي گلت
سديت تلفوني
انداريت لـ مُلاذ
ملاك : رح اطلع اكعد بـ المرجوحه
مُلاذ : عوفيها بعدين ماكدر اكوم هسه
ملاك : لا رح اروح وحدي
مُلاذ : غير تخافين؟
ملاك : لا عادي
مُلاذ : زين بس ديربالج لا تجي بزونه لو شي
مو تشهرينا بـ العياط
ملاك : تمام
طلعت لـ برا كعدت ع المرجوحه متجتفه
درت عيني لمن اجا سلطان
ملاك : شكو؟
ردت اكوم ما قبل اشرلي اكعد
اتقدم الي دنك و خلا ايديه
على حديدة المرجوحه الوراي
من الجهتين و انا بنصهن
ملاك : شكو؟
سلطان : شجنتي تحجين وي عزيز
و شارگه حلگج ؟
ملاك : ليش ؟
ضرب الحديده الوراي بـ ايده فززني
سلطان : لا تظلين تسألين و جاوووبي
غركت عيوني دموع ادحگله
ضميت شفتي الترجف
بلعت ريگي و حجيت
ملاك : علمود الجاي گلي خليتي شكر
سلطان : و علمود هاي شرگتي حلكج؟؟
ملاك : شنو شرگت حلگي انت شبيك
ضحكت لان گال ذاك اليوم جايج مر
سلطان : شنو انت شبيك ولج!
تادبي و احجي وياي عدل
و مرة الثانية اذا ظليتي تتمضحكين هيج
و علمود سوالف تافهه و وي اي ولد
انعل ساسج خوش لو لا ؟
ملاك : ما ضاحكه وي اي ولد
عزيز ابن عمي ...
قبل لا اكمل ضرب الحديدة الوراي اقوى
دفع المرجوحه اله اكثر ، كز على سنونه و حجا
سلطان : لا تراددين و تدافعين
لو مو ابن عمج سالفة التمضحك
و الاخذ و العطى هاي تبطليها
ملاك : تمام ، اريد اروح
سلطان : امسحي دموعج اول
ملاك : معليك بيه
سلطان : رجعنا لـ اكلان الخرا
ملاك : احجي وياي عدل
انا ما مسويتلك شي !
سلطان : منا و جاي تتصرفين عدل
حتى احجي وياج عدل !
ملاك : ما مسويه شي غلط انا
و عندي اهل علموني شنو اتصرف
سلطان : واضح من التمضحك وي عزيز
ملاك : انت شبييييك ؟
مو جنت صديقي و زين وياي و ما بيك شي
سلطان : جااااي انبهج
ملاك : منتبهه انا
سلطان : وين المنتبهه
منزله راسج اله و تحاجي و وجهج ترس وجهه صاير و هو يدحگلج و مبتسم وين المنتبهه؟؟
ملاك : انت الشفتنا هيج
انا ويا مو هيج ، عزيز خوش ولد
و ما مسوي شي جان يتشاقى وياي
ضرب وجهه حيل بـ اثنين ايديه متنرفز
سلطان : هم رجعت تدااافع
هم رجعت تدافع عنننه
ملاك : ما مدافعه بس هذا الصدك
سلطان : لسانج طولان كلش انتِ
منو يعلمج تحاجيني هيج؟
مو جنتي تستحين مني و ترجفين يمي
ملاك : مو انت گلتلي انا صديقج
و ابن عمج ماكو داعي تخافين مني !
سلطان : ملاك
ظليت ساكته ادحگله
رجع كرر و هو يكز على اسنانه
سلطان : ملاك حاجيني
ملاك : هااا
سلطان : لا تصيحين
ملاك : ما مصيحه
سلطان : نبرة صوتج عدليها
لا اعدلها انا
ملاك : انت شبيك وياي؟!
ليش ما تخليني اخذ راحتي بـ الكلام وي الناس
سلطان : لان الناس مو اوادم
ملاك : انت مو ابن عمي هم؟
مو اضحك و اسولف وياك عادي
ليش وي الباقين ما يصير
ما دام محد بيكم مسويلي شي
و انا اساساً ما عندي شي وياكم
اشوفكم اخواني ما فد يوم تصرفت وياكم
تصرف غلط
احجي و صوتي يرجف
و دموعي تنزل على خدي
سلطان : انا غير خوش؟
تعاملج و اعتبارج الي يختلف
ما تخليني وياهم بـ نفس الكفه
ملاك : انت ابن عمي مثلهم
سلطان : ملاك ولج كااافي تحرگين اعصابي
ملاك : گلت شي غلط؟
انت مو ابن عمي مثل عزيز
ليش ما تقبل احاجي مثل ما احاجيك
سلطان : لان انا اختلف
ملاك : ليش انت تختلف ؟
بهت وجهي
لمن گال بـ صوت هادء
سلطان : لان انا احبچ
ظليت ساكته و ادحگله
من بعد دقايق من صدمتي
كدرت انطق اخيراً
ملاك : شنو تحبني
انت مو گلت انا صديقج؟؟
سلطان : احبچ انا
و احب كل حرف بـ اسمج
وسعت عيوني عليه اكثر
و هو صافن بـ وجهي
گلبي نبضاته صارت بـ اذاني
سلطان : لا توجين ناار گلبي ملاك
لا تزيديها عليه
ملاك : ار ... اريد اروح
ابتعد عني و انا دخلت لـ جوا ركض
دحگت لـ مُلاذ كامت اخذت سويجها من الميز
و امي لبست عبايتها و وكفو يودعونهم
اتقدمت احاول ما انثول ودعت عمتي و نور
وصلت لـ يم عزيز
عزيز : عفيه هالمرة الچاي مو فاهي
دورت بـ عيوني لگيت سلطان يدحگلنا
درت عيني لـ عزيز هزيت راسي ساكته
عكد حواجبه و گال بـ استغراب
عزيز : شبيج صاير شي؟
ملاك : ها؟
عزيز : صاير شي ؟
ملاك : لـ .. لا
التفتت لمن اجت مُلاذ لـ يمنا
مُلاذ : شكو؟
عزيز : مدري شبيها اختج
مخطوف لونها شو؟
مُلاذ : شو ملاك شبيج؟
ملاك: ماكو شي
دورت بـ عيوني
اريد الگالي جذبه
ملاك : شسمه شفت بزونه برا ف خفت
مُلاذ : مو گلتلج لا تطلعين وحدج
ملاك : التوبه
مُلاذ : امشينا يلا خل نروح
هزيت راسي بـ قبول
طلعنا و ودعناهم صعدت بـ السيارة
رفعت نظري دحگت لـ سلطان و جسار
يلي طلعوا ورانا ، وكف سلطان دحگلي
نزلت عيني ، اكرص بـ ايدي متوتره
لحد ما حركت مُلاذ السيارة يلا جريت نفس
ظليت صافنه طول الطريق
و ادحك من الشباك ...
مُلاذ :-
وصلنا لـ البيت نزلت
دخلت لـ الغرفة شمرت سويجي ع الجرباية
بدلت ملابسي و غسلت و رحت نمت
ميته من التعب و راسي يوجعني
فزيت على المنبه الصبح
كمت غسلت وجهي و تريكت
اخذت ملاك لـ مدرستها
و اخذت الكيك و الحلويات يلي سوتهن امي
لـ المحل مال حلويات و رحت لـ المكتب
دحگت لـ باب المكتب مسدوده
اتصلت بـ صافي
صافي : اسفه كثير كنت تعبانه مبارح
و غفيت نسيت اوقت تلفوني و بقيت نايمه
مُلاذ : لا عادي بس شبي صوتج؟
صافيناز : راسي كثير عم يوجعني
و عندي حرارة
مُلاذ : لا تجين اليوم لعد
صافيناز : لا رح اجي
مُلاذ : لا ، لا تجين ارتاحي اليوم
و باجر اذا صرتي زينه تعالي
ما اقبل اي اعتراض و اذا اجيتي ارجعج
صافيناز : طيب كيف بدك تخلصي
كل شغلك و مواعيدك لـ حالك؟
مُلاذ : دزيلي اليوم شعندي
صافيناز : تمام بس اذا احتجتيني اتصلي
مُلاذ : تمام بس دزيلي منو الموكلين اليجوني اليوم
و شجنت رايده اسوي مسجلتهم يمج مو؟
صافيناز : اي طبعاً راح ارسلهم الك
مُلاذ : تمام
خلصت شغلي بـ الليل
طلعت من المكتب اتوجهت لـ الجهال
اخذت وياي اكل و حلويات و رحت الهم
وصلت دحگتلهم ملتمين و كاعدين سويه
ركضوا عليه لمن شافوني سلموا عليه
مُلاذ : شلونكم ؟
-زينيننننن
انطيتهم لفات
كنبصت كدامهم اسولف وياهم
مُلاذ : خو ما رجعتوا تشتغلون؟
زهره : لا ماما مُلاذ بس علي يشتغل
احنا نطلع نلعب و نصيحه ويانا ما يجي
مُلاذ : ليش؟
زهره : ما اعرف
مُلاذ : خو ما اهلكم يطلعوكم يشغلوكم؟
-لا ماما مُلاذ بابا من انطيتي شغل
كام ما يخليني اطلع و اكعد اقرا
مُلاذ : عفيه عليك
زهره : حتى انا جده كامت ما تكلي اطلع
حزن : انا بس ابيع وردات الي اشتريهم منج
مُلاذ : لا حزن شنو اتفقنا؟
حزن : بس لمن يصيحوني العب
اخذ وياي وردات و ابيعهن
مُلاذ : لا بعد لا تبيعين
حزن : تمام
عكدت حواجبي
ادحك بـ ايديهم علاليك
مُلاذ : شنو هاي العلاليك؟
حزن : عمو قبلج اجا انطانا هدايه
و هسه راح يشتري النا
مُلاذ : يا عمو؟
حزن : الدكتور
مُلاذ : شيسوي هنا؟؟
زهره : اجا انطانا هداية
لان البارحه هم اجا و گلناله احنا شطار
و رحنا جبنا دفاترنا راويناه العشرات مالتنا
ف عمو جاب النا هداية اليوم
مُلاذ : وينه هسه؟
رفعوا ايديهم اشروا على المحل
دحگتله طلع من المحل و بـ ايده علاكه
منزل راسه يدحك بـ التلفون
رفع راسه دحك لـ الجهال ابتسم الهم
رجع عينه عليه دحگلي ، غابت ابتسامته
جمد نظره عليه ، ظل واكف بـ مكانه
راحوا ناحيته الجهال و انا وياه
واحد يدحك بـ وجهه الثاني
حاوطوه دنك مشتت نظراته عني
انطاهم عصايرهم
حزن : عمو شوف هاي ماما مُلاذ هناا
دار عيونه دحگلي گال بـ نبرة باردة
أيهم : اهلاً ست مُلاذ
مُلاذ : اهلاً دكتور
دار وجهه عني
مسح على شعر حزن ، ابتسم
طلعت گلادتها الهديه و مدتها اله
حزن : عمو لبسنياها
هز راسه بـ قبول
اخذ الگلاده يلبسها لـ حزن
أيهم : شوكت ترجعون لـ بيوتكم؟
حزن : بس شويونه نلعب و نرجع
أيهم : تمام رح انتظركم لحد ما ترجعون
و ما تتاخرون زين ؟
هزوا راسه بـ قبول مبتسمين
راحوا يلعبون ، أيهم اتقدم كعد ع الرصيف
ظليت واكفه بـ مكاني ، ثنينا ساكتين
درت عيني لمن سمعت صوت جداحته
دحگتله طابك جكارتين سويه و يدخنهم
مُلاذ : شتسوي هنا؟
گال بـ هدوء و هو يزفر دخان الجكاره
أيهم : اجيت اشوف الجهال
مُلاذ : اذا تريد روح انا موجودة
أيهم : ما يهم ، ما امن عليهم
الا لمن يرجعون كدام عيني
مُلاذ : ما گلتلك اهتم لـ وجودي
رفع عيني دحگلي بـ نظرة باردة
أيهم : ما گلت انه مهتم لـ وجودج
مُلاذ : مو گلت ما يهم؟
أيهم : مو مهم موجوده او لا
انتظرهم يرجعون و اروح
مُلاذ : نفس الشي و نفس المعنى
أيهم : ليش؟
مُلاذ : شنو؟
كام من الرصيف نزل الجكاره
اتقدم عليه ، صار كدامي
أيهم : هلكد رايدتني اهتم لـ وجودج؟
مُلاذ : ما گلت انا هيج !
أيهم : اممم
دار وجهه انطاني ظهره
كمل يدخن ، درت عيني لـ الجهال يلعبون توكي
ابتسمت ادحگلهم ، التفتت اله دحگتله
واكف و يدحگلي
مُلاذ : أبيل شلونه ؟
أيهم : زين
مُلاذ : مشتاقتله
أيهم : تشتاقلج العافية
مُلاذ : الله يعافيك
هزيت راسي ساكته
كعدت على الرصيف دحگت لـ تلفونه
عايفه ع الرصيف و واكف يدخن
دحگت لـ رقم اتصل عليه و مخلي عليه قلب
اجا اخذ تلفونه ، رفع عينه دحگلي
رد على الاتصال اجاني صوت بنية
- الو
خلا التلفون على اذنه بسرعه و ابتعد
بقى واكف يحجي بـ التلفون و يضحك
و انا بـ داخلي نار مشتعله
درت عيني عنه اكرص بـ روحي
ما اريد ادحگله بس منتظره الجهال يروحون
حتى ارجع انا هم لـ بيتي
نزل تلفونه سد الاتصال
گمت حاجيت الجهال حتى يرجعون لـ بيتهم
قبلوا و لموا غراضهم ، اتطشروا رايحين لـ بيوتهم
رفعت عيني لـ أيهم يلي يدحگلي
أيهم : ليش وديتيهم؟
مُلاذ : الوقت اتأخر
أيهم : جان خليتيهم على راحتهم
مُلاذ : ماكو داعي باجر هم يجون و يلعبون
أيهم : تمام
راد يروح ما كدرت الزم روحي
گلت بـ صوت مسموع
مُلاذ : الله يهنيك
التفت دحگلي
أيهم : على شنو؟
مُلاذ : ما اعرف
بس ان شاء الله تكون احسن مني
أيهم : منو ؟
سد باب سيارته و اجا ناحيتي
مُلاذ : الي اتصلت عليك هسه
أيهم : تعرفيها؟
مُلاذ : لا بس واضح لگيت التوالمك بسرعة
أيهم : الي خابرتني هسه ...
حجا و هو يتقدم تراجعت
لزمت بـ بنيد سيارته لمن صارت وراي
مُلاذ : ما يهمني بس الله يهنيك وياها
أيهم : شمدريج يمكن مو حبيبتي
مُلاذ : واضح
أيهم : اكو شي يخصج؟
مُلاذ : لا شعليه مجرد تمنيت الك تتهنى وياها
أيهم : ما اتهنى وي احد انه
مُلاذ : ليش ؟
أيهم : اسئلي نفسج هالسؤال
مُلاذ : طبعاً انا الغلطانه لازم ؟
أيهم : انتِ تعاستي
رفعت حواجبي
ابتعد عني و اتقدم لـ باب سيارته
يريد يصعد
مُلاذ : زين من عرفت
أيهم : اعرف من زمان بس جبرت روحي
مُلاذ : احسن لا تجبر روحك بعد
أيهم : هيهات اجبرها بعد
على اي انسان ما يسوى!
مُلاذ : حلو ، يعني انا ما اسوى؟
سد باب سيارته و اجاني
وكف كدامي مدنك راسه الي
أيهم : انتِ گليلي تسوين ؟؟
مُلاذ : لان ما شفت الجواب التنتظره...
أيهم : الجواب الانتظره سنين انتظرته
اجيتج و كلي امل توافقين گلت بدت تتقبل
عفتيني هناك و رحتي و هسه جايه تحاسبيني!
مُلاذ : ما احاسبك على شي انا
و لا اگلك اسوى و ما اسوى حبك
بس خلال اربع اشهر كدرت تكرهني
طلع الموضوع سهل
أيهم : و ليش انتِ مفكرته صعب؟
مُلاذ : ليش هسه انت تكرهني؟
ذبلت نظراته يدحك بـ وجهي
أيهم : بطلي هالاسئلة الماصخه
مُلاذ : جاوب ؟
أيهم : اي اكرهج انه الصارلي اشهر
امنع روحي عنج و متزوهره عيشتي اكرهج
انه الگوه مثبت روحي و كاعد
حتى لا اجي لـ بابج و حتى لا اراقبج اكرهج
ظليت ساكته ادحگله
عافني و راح صعد بـ سيارته
ضرب بابها حيل و هو يصعد
اتقدمت لـ سيارتي صعدت بيها
رفعت عيني دحگتله من الجامه
شغلت سيارتي و طلعت لـ البيت
و انا ينعاد بـ بالي ذاك اليوم بـ كل تفاصيله
قبل اربع اشهر :
دخلنا سويه لـ حديقة
دحگتلها مبتسمة عيوني تتجول بيها
مزينه بـ نشرات و اضوية
ميز يتوسطها و عليه اكل
الجو بي نسمة برودة و حلو
ابتسمت و انداريت لـ أيهم
گلت بـ حماس
مُلاذ : أيهم ...
وكفت و ما كملت كلامي
لمن شفته وراي و هسه انتبهت لـ القاط اللابسة
عطر ابوي يفوح منه و هواي مرات استغرب
و اگول يمكن مخربطة !
اتجولت عيوني على ملامحه
وصلت عيني لـ شعره المرتب
طافره من عنده گذله نازله على گصته
گال بصوت يرجف
أيهم : مُلاذ ، تقبلين بيه؟
نزلت عيني لـ ايده
يلي بيها علبة و يتوسطها محبس يلمع
مُلاذ : شـ .. شكو شنو هاي؟
عدل نفسه و وكف بـ استقامة
وزع نظراته بين عيوني
حجا يحاول يخفي رجفة صوت
أيهم : لذة الأيهم اذا اخذتي هذا المحبس هسه
و خليتي بـ اصبعج و قبلتي بيه
باجر جايب امي و جاي اخطبج
ظليت ادحك بـ وجهه
گلبي نبضاته صارت بـ اذني
تجولت عيوني على ملامحه
و تعابيرها الي تدل على انتظار جوابي
مُلاذ : بس أيهم ...
أيهم : لذه تعبت من الانتظار
مُلاذ : أيهم اسفه انا مو كد مسؤولية زواج
و لا خطوبه ما ادري بس لا ...
ظلينا هواي نحجي و نتعارك
يريد يفتهم ليش ما اقبل
و انا ما اريد انخطب اكو شي بداخلي يرفض
ما مرتاحه لـ ارتباطنا بٌـ بعض
و لا انو تصير عدنا علاقة فعلاً
خايفه يخرب كل شي علينا بعدين ..
لمن طلعت مناك بعد ابد ما شفت أيهم
و مرات ادور عيوني بـ الجامة
اگول يمكن بعده يراقبني بس ما الگاله اي اثر
وكت الاطلع اتصل بـ هتان اسألها عنه
تگول كاعد هنا او يسبح او بـ الشغل او نايم
بـ اختصار رفضي اخير مره
خلا الكيل يفيض عد أيهم
من بعدها صفنت على نفسي
ليش ما اقبل بي ! فعلاً هو انسان زين
ابد ما اذاني و لا حاول حتى
بس دائماً اكو احساس ما مرتاح بـ داخلي
دائماً اكو فد عقدة فد شي يرفض أيهم
بطلت اسأل عنه و عفته يعيش حياته
و انا هم ذبيت روحي ع الشغل
بس حتى ما افكر بي و ليش رفضته
بس عقلي الباطني يشمره الي بـ كل حلم
ساعه حلمانه بـ عرسنا و ساعه حلمانه بي
ساعه حلمانه بـ أبيل ساعه حلمانه يعاتبني
عقلي كام يلطمني على وجهي
يگلي يلا هاج شوفي هذا الرفضتي
لـمن حجيت لـ غاده شهرتني شهيرة
غاده : عياره ما يعجبج العجب
خليج على اسكندر المنجلب ما يقبل يعوفج
دقبلي بلكي تخلصين منه
من عابت الج فورتي اعصابي
ما سولفت لا لـ امي و لا لـ ملاك
بس نور و غاده سولفت الهن
و ثنينهم ما قبلن عليه لان رفضت
نور : انطيني سبب مقنع لـ رفضج؟
رفعت اكتافي بـ عدم معرفة
محد يفهم شنو من شعور بـ داخلي
شي يرفض كل الرفض انو اكون وي أيهم
و حاسه رح اتاذى بسببه بعدين
بس نفضت كل هاي الافكار من راسي
و ظليت ساكته و راكدة بـ مكاني
الان :
فزيت من صفنتي
على صوت هورن قوي
دحگت لـ السيارة الوراي يدك هورن
و مشيي بطيء ، سرعت السيارة
و وصلت لـ البيت اخيراً
نزلت من السيارة ، رحت افتح باب البيت
حتى ادخلها بـ الطرمة من اخير مره
بطلت اعوف سيارتي بـ الشارع
الحراس بـ الليل انا اسمحلهم يروحون
لان خطية يتعبون بـ الوگفه و متطشرين
كل واحد واكف بـ جهه
حتى ما ينتبهون الهم الناس
لو اذا واحد راد يسوي شي
ما يبطل لمن يشوفهم و بس يتعرض النا يلزمونه احسن من ما يظل يفتر ورانا
و بـ اي لحظة يسويلنا شي
انجريت من ايدي فزيت
التفتت لـ اسكندر يلي سد حلگي بـ ايده
ضربت صدره بـ ثنين ايديه اريد يوخر
انا اضربه و هو ما يقبل يعوفني
جرني لـ ورا سيارته
مُلاذ : وخررررر عني
عوفننننني الله ياخذك
رجع ايده على حلگي
اسكندر : منا لمن تقبلين ننخطب
كل ليلة رح يصير بيج هيج
اريد ادفعه عني ما يندفع
لعبت نفسي هاي المواقف تسوي عندي غثيان
من كد ما اعصب منها اظل اتـ/ـقيء
و گلبي يظل يوجعني ، تلعب نفسي من اسكندر
مُلاذ : عووووفني و الله اصيح صياح
الم الشارع عليك هسه
رجع سد حلگي اقوى بـ ايده
رفست رجليه اريد يوخر عني
اتقرب يبوس بـ وجهي و انا معكمشه ملامحي
و ادفر اريد اصرخ ساد حلگي
و بـ الايد الثانيه لازم ايديه
اجاني غثيان مو طبيعي
فتحت عيوني على اثر ضوه عالي
وخر اسكندر وجهه من وجهي و دحك
انداريت خلال لحظات
ما شفت غير أيهم فوك اسكندر
طاح اله دك بوكسات و راشديات
ردت اروح الهم اوخر أيهم
بس بسرعة ركضت لـ الزواية و ذبيت كل شي
مخنوكه خنك رفعت راسي رجعت الهم اركض
اريد اوخر أيهم عن اسكندر ما يقبل يعوفه
أيهم : ابنننننن الكككككلب ابن الـ*****
اليوم اطلع حليب امك من خشمك
الـ ***** الـ *******
شبعه فشاير و غلط كل راشدي و الثاني يضربه
جر اسكندر من ياخته يمهم اكو طين
طمس راس اسكندر بـ الطين
لزمت بي اريد اوخره
دفعني أيهم وكعت بـ الگاع
بس خليت ايدي ع الگاع بسرعه
رفعتها كلها طين و نزفت دم
طلعوا الجوارين يركضون
على صوت صياح أيهم و اسكندر
و هم يتفادنون و يتضاربون
دحگت لـ امي الي طلعت تركض و لابسه عبايتها
اريد اوكف ما اكدر رجلي توجعني
لزمت بـ السياره مال اسكندر وكفت ،
دحگت لـ ابو رُسل و بعد ولد وياه
سحبو أيهم بـ الالف يا علي من فوك اسكندر
امي اجت لزمتني تسأل شصاير
و انا عيني على أيهم
رفع عينه دحگلي گوه يجر النفس
امي سلمتني لـ ملاك تلزمني
و راحت تشوفه هو و اسكندر
من بعد طنه و رنه
كام اسكندر دخله ابو رسل لـ بيته
حتى يغسلون وجهه من الطين
أيهم واكف خازرني
ينطونه مي ما يقبل ياخذ
لحد ما طلع اسكندر من بيت ابو رسل
و رجعوا يريدون يتعاركون
نترت ايدي من ايد ملاك الي لازمتني
رحت لـ اسكندر دفعته لـ ورا
مُلاذ : روح منا كاااافي فضايح
الله يفضحك و يخزيك روح مناااا
رفع اصبعه يهدد و يتوعد
اسكندر : راجعلج اصبريلي
انا اعلمج انتِ و هالـ*****
أيهم : ولك انت منو تهددددد
عمي هدنييي هدووووني
انت رجال ابقى بـ مكانك
فلت أيهم نفسه من ايديهم
لزمته انا و الجوارين و امي تدفع بـ اسكندر
لحد ما صعد السيارة و راح
دخلوا أيهم لـ بيتنا ، امي تشكرت الجوارين
و اعتذرت منهم ، اجاني أيهم
أيهم : هذااااا من شوكتتت تصرفاااته هاي؟؟؟
من شوووووكت هيج يسوي؟؟
فيروز : أيهم خاله بس اوگفلنا خل نفتهم
اندارلي أيهم دحگلي
اعرف ما يسكت و هسه يطلع خباله كدام امي
عاد درت بي جان متزوج و يحبني
بلا ما تخرب صورته كدامها اكثر
مُلاذ : انتظر هنا
اتقدمت لزمت بـ ايد امي
اعرج گوه امشي
و هي خافت اكثر من شافتني هيج
مُلاذ : بس احاجي أيهم و اجيج
انتظروني بـ الصاله
فيروز : شصااار مُلاذ ؟
مُلاذ : يمه بس خل احاجي و احجي الج
هسه يطك خشمه دم كل ما يصير عصبي
يطك خشمه دم
فيروز : حاجي يلا انتظرج لا تطولين
هزيت راسي بـ قبول
رحت لـ أيهم
مُلاذ : تعال وياي
لزمت بـ الحايط و مشيت
كل يوميه متكسره لو متعوره
فتحت الباب دخل لـ الغرفة
دخلت وراه و سديت الباب
بعدني اريد احجي
اتقدم عليه يحجي بـ حرگه اعصاب
و يتعارك وياي
أيهم : تريددددين تحرگيييين گلبي انتِ؟؟؟؟
مُلاذ : بس خليني احجي
ضرب على وجهه حيل
أيهم : شتحجيييين حاصرج و يبوس بيج
ترافسين جووووا صيييييحي احجي
ارفعي تلفووونج و خابريني من شوكت
من شوكت هو هيج يسوي و انتِ ساكته؟؟؟
مُلاذ : ساكته ؟؟ منو گلك انا ساكته
ما خليت احد ما خابرت اله
و گلتلهم على اسكندر و سوالفه
هم ما يسوون شي غيرت خطي حتى ما يخابرني
شلون هم ارجع و اشيل منا ؟؟
مو تعبت و لعبت نفسي اكتل روحي شلون؟؟؟
أيهم : انعل ابو لابو حتى الخلفة
عباله لـ هنا و خلصت؟؟؟
اذا ما اسحگه بـ السيارة و انعل ابو لابو الجابه
اتقدم يريد يطلع
ضغطت على رجلي و ركضت
بحيث حسيتها انمردت من الالم
سديت الباب بسرعه
مُلاذ : شنوووو تسحگه
شجااااي تحجي صاحي انت؟؟؟
أيهم : وخرررري عني مُلاذ
انعل ابو لاااابو الخلفة
مُلاذ : ما تروح و العباس ما تروح
بينت دمارات وجهه
و شعره مهوس گال بـ حرگة اعصاب
يدحك بـ وجهي و عيونه حمر دم كاز على سنونه
أيهم : انه ايدددج اخااااف المسها
اخاف اذيج اخاف تتحرمين عليه
و هذاا يبوس بيج و مااااخذ راحته
انتِ يتدنى عليييج و يلممممسج
گالها و ضرب الباب بـ ايده
كعد بـ الگاع ظليت ادحگله
ضغط حيل على محاجر عيونه
حسيته الا شويه راح ينجلط
من حرگة گلبة عليه
لزمت بـ الحايط كنبصت يمه
مُلاذ : أيهم حباب بس اهدء
اندار عليه رجع يحجي بـ عصبية
أيهم : لا تگليلي اهدددء لا تگليلي
اول و تالي اطلع منا و اندل مكانه
احطه و اروف بـ بطنه
اذا ما رجعته لـ اهله جنازه ما اتسمى أيهم
مُلاذ : رح يطك خشمك دم ....
أيهم : طبني مرض فوك مررررض فوك مرض
كون اطلع منا تركعني تريله تخليني مكطم
عظم ما يلاكي عظم
مُلاذ : كااااافي شبيك انت!!!
أيهم : رااااح اموووووت راح تموتيني
دمررررتيني دمااااار انتِ
ضرب بـ جفوف ايديه حيل بـ الگاع
أيهم : لا تسأليني شبيييه لا تسأليني
النار البگلبي ما تركد و لااااا تبرد
اذا ما رجعته لـ اهله جنازه
طلع تلفونه يريد يتصل مدري على منو
جريت التلفون بقى لازمه حيل
و انا اجر بـ التلفون من ايده
أيهم : شيليييي ايدج
مُلاذ : عووووف و العباس ما تخابر احد
اعرفك هسه تخابر أيمن و تندل مكان اسكندر
و العباس ما تخابره
ظلينا نتجارر انا وياه
اتقربت عليه و حجيت
مُلاذ : عوووف
أيهم : عووووفي الجهاز مُلاذ
مُلاذ : موووافقه
عكد حواجبه يدحگلي
أيهم : شنو؟
مُلاذ : موافقه ننخطب و نتزوج
بس بـ شرط
ظل يدحگلي
مُلاذ : ما تسوي اي شي لـ اسكندر
بقى ثواني يدحك بـ وجهي
ضحك بـ استهزاء
أيهم : توافقين على خطوبتنا و زواجنا
بس حتى ما يصير شي لـ اسكندر
بـ العافية عليج و عليه و على گلبي الكـ***
دحگتله مصدومه ما جنت موقعه
راح يفهمني بـ هالطريقة
راد ياخذ التلفون جريته الي اكثر
حجيت بـ عصبيه
مُلاذ : غببببي حتى ما يصيرلك شي انتتت
عكد حواجبه يدحك بـ وجهي
و انا خازرته
مُلاذ : طبعاً انا افكر بـ كل الناس
بس انت ما افكر بيك و لا اهتم الك مو؟؟؟
لان بس انت تحبني بس انت تريدني
بلعت ريگي ساكته مدركه لـ جفصتي
لانت نظراته الي تدريجياً
كمت وكفت بسرعه درت وجهي عنه
كون ما سمع يارب ما سمع
فزيت على صوته وراي
أيهم : ليش ؟ انتِ هم تحبيني و تريديني؟
درت وجهي اله دحگتله
مُلاذ : ما اقصد هيج !
أيهم : ها؟
مُلاذ : اقصد مو انت ما تريدني اتاذى
انا هم ما اريدك تتاذى
رجعت ظهري ع الحايط
خلا ايديه من الجهتين دنك وجهه لـ وجهي
أيهم : نفس المعنى
الي ما يقبل على اذية شخص فـ يحبه
مُلاذ : ليش عفتني؟
أيهم : دست هواي على نفسي لـ اجلج لَـذه
هواي حاولت وياج و حاولت اخليج تتقبليني
بس انتِ رفضتيني ما تعبت من المحاولة
بس تعبت من الشعور الاحس بي
بـ كل مره ترفضيني بيها
أيهم : تعبت و انه اشوفج ما تحبيني
تعبت و انه ضاغط على اعصابي
بس حتى ما اسوي شي غلط ياذيج
و مستحيل اسوي ، بس انه بشر
أيهم : كل شي ممكن يبدر مني ما اثق بـ نفسي
و خصوصاً يمج ، اضعف يمج
ينهدم كل حيل بيه بـ ريحة شعرج لو ضحكتج
فـ ما بالج اذا انتِ كلج يمي و كدامي؟
قاطع كلامه دگة امي لـ الباب
فيروز : مُلاذ ؟
مُلاذ : اجيت يمه
ابتعد أيهم عني
دحگت بـ عيونه استغفرت بـ داخلي
يا ربي شبيه صايره متهيلگه عليه
مُلاذ : تعال خل نطلع نحاجي امي
و ديربالك تطفر كدامهم ترا امي مثلي
هم حديه و ما تقبل عليه
أيهم : عمي مربين الهم فوصه مو بنيه
مُلاذ : افوص
أيهم : احبچ
ضميت ابتسامتي و درت وجهي
اريد امشي رجلي توجعني
أيهم : شبيج تعرجين؟
مُلاذ : صارت زحمه هستوك ذكرت؟
أيهم : شنو؟
مُلاذ : غير دفعتني وكعتني بـ الطين
خليت ايدي تصب دم و رجلي توجعني
أيهم : شوكت؟
مُلاذ : و انت تكتل بـ اسكندر
أيهم : ي بربوووك من اگلج وخري
و لا تتدنين عليه و انه عصبي ما تسمعين الكلام
مُلاذ : انت البربوك
أيهم : ولج!!
مُلاذ : و الله حلوه هاي
يغلط عليه و يريد اسكت اله
أيهم : اعلمج انه بعدين
فتحت الباب كو ادوس على رجلي
اندار مدلي ايده ، گال يحاول ينرفزني
أيهم : الزمي بـ رداني مريتي
كشولت ملامح وجهي
مُلاذ : أيعععع
ضحك ، لزمت بـ ردانه
طلعنا لـ الصالة دحگنا لـ امي هديت ردانه
اجن امي و ملاك الي
لزمن بيه اتقدمنا
فيروز : عباتج كلها طين
مُلاذ : من ساسي لـ راسي طين
اريد اروح اغسل
فيروز : تمام غسلي
و تعالي احجي النا شصار
مُلاذ : تمام
فيروز : ساعديها ملاك
اخذتني ملاك
رحت لـ الحمام و هي جابت الي ملابس
غسلت و خلصت اخذت ملابسي لبستهم
انطتني ملاك العبايه الاسلاميه و الشال
اخذتهن لبستهن
رحت لـ الغرفة وخرت الشال
مشطت شعري بسرعه و لفيته
رجعت الشال على راسي
رشيت عطر و طلعت
كعدت على القنفه أيهم يدحگلي هو وامي
صدموني من حجو هو و امي بـ وقت واحد
- اي ست مُلاذ
مُلاذ : شبييكم صلو على محمد
ابتسمت امي ساكته
اجت ملاك جايبه الصينيه
قدمت لـ امي جاي و لـ أيهم هم
فيروز : يمه تحتاج تغسل؟
أيهم : لا خاله تسلمين
احجي مُلاذ
مُلاذ : من رجعت لـ البيت
لگيته واكف بـ الباب بس
أيهم : مُلاذ
فيروز : شسوه هو؟ احجي مُلاذ
اشرت لـ أيهم بـ عيوني يسكت
اذا عرفت امي تتخبل عبالها مسويلي شي ثاني
مُلاذ : جنا نتعارك انا وياه
و أيهم شافنا فـ اتعاركوا
فيروز : انت اجيت وي مُلاذ يمه ؟
دحگت لـ أيهم
ما اريدها تعرف جنت يمه و لحگني
لان من زمان منعتني من انو التقي بي
أيهم : جنت جاي الج خاله
مُلاذ ما تدري بـ جيتي
فيروز : ليش يمه خو ما صاير شي؟
أيهم : لا ما صاير
بس اجيتج احاجيج بـ شغله
فيروز : گول يمه اسمعك؟
ما تريد تحجي كدام البنات
كومن يمه روحن لـ غرفجن
أيهم : لا لا خليهن كاعدات
فيروز : ها زين
راح يجفص ، لزمت بـ ايد ملاك الكاعده يمي
گمت اطكطك بـ اصابيعها متوتره
ملاك : اخ مُلاذ رح تكسرين اصبعي
مُلاذ : اسكتي ولج راج يفضحنا
ملاك : منو؟
سكتنا لمن حجا أيهم
أيهم : خاله انه احب بتج
ضغطت حيل على اصبع ملاك
نززتني بـ عيطتها
ملاك : اخخخخ
شمرت ايدها من ايدي
دحگتلهم يدحگولنا صخم الله وجهك أيهم
چا هي هيج اليوم امي تنيمني بـ الشارع
اندار أيهم لـ امي حاصر ضحكته و كمل
أيهم : اعيد من البداية؟
فيروز : عيد ابني
أيهم : خاله انه احب بتج
و تعرفين انتِ لان هي سولفت الج
انه احبها من زمان ، من ايام الكُلية
و من قبل لا اتزوج انه احبها
بس صارت ضروف و اتزوجت
أيهم : ردت اخطبها و رفضت
ما لحيت عليها لان اعرف مُلاذ
اذا ما مقتنعه بـ شي و لا قابله بـ شي
رح تبقى ما قابله لحد ما تقتنع
و سبق و گلتلها اجيب امي و نجيكم و اخطبج
بس گلتلج هي رفضت ، المهم خاله
انه جايج اريد بتكم الي
خطبني لـ روحه ديلا بالله
ظليت ساكته ادحك لـ امي
و اكرض بـ شفتي
فيروز : انت خوش انسان و محترم
و ابن ناس بس يا يمه انت گلت هي رافضة
أيهم : تسلمين خاله ، قبل جانت رافضه
هسه وافقت
دحگتلي امي مصدومة
ابتسمت ابتسامة مزيفه بحيث تقلصت عيوني
عدلت تعابير وجهي على صوت ضحكة أيهم بـ هدوء
سنونه يلمعن من يضحك عده ابتسامة هوليود
ابتسمت على ضحكته كرصت روحي
درت وجهي لـ امي
مُلاذ : اي يمه شسمه انا قابله
فيروز : انتِ ؟
مُلاذ : اي انا
دحگتلنا امي بـ شك
أيهم : خاله لا تخافين ما هددت بتج
و لا اكو وضع غير اخلاقي
بس بتج جنها حبتني
فضحنا فضيحه شني من خطبة هاي
دخيلك ربي كلها جفصات
و أيهم كل ما يكحلها يعميها
فيروز : ههههه و الله اجذب
اذا اگلك ما استغربت
مُلاذ : حتى هو يمه
صارت عده شحطه من وافقت
اهتز جسمه يضحك
ضحكت امي
فيروز : تعال انت و اهلك و ان شاء الله خير
أيهم : طبعاً خاله باجر امي يمج
و حاجيها و شوفيها و اذا تريدين تسألين علينا
بعد انتِ اعرف
ظلوا يحجون هو و امي
و ملاك تونون من اصبعها
أيهم : خاله بس لَـذه العفو مُلاذ
رجلها و ايدها متعورات اريد اشوفهن
فيروز : على راحتك يمه
اجا ناحيتي ، كنبص كدامي
أيهم : يا هيه التوجعج؟
مُلاذ : هايه
رفع رجلي بـ ايده
قدمت ظهري ادحگله شيسوي
صار وجهي كدام وجهه گال بـ همس
أيهم : انعل شيب الخلفوج شنو هذا العطر؟!
رديت عليه بـ نفس الصوت
مُلاذ : احد الخلفوني كاعدين هنا
اذا سمعتك مالك بنيه بعد عيني
أيهم : ابوس عينج ، لَـذه
مُلاذ : ها
أيهم : جفصت هواي مو؟
مُلاذ : كلش ، صخامك هذا
وين اكو واحد يگول انه احب بنتج
شني كاعدين بـ لوس انجلوس
تعترف بحبك الي كدام امي
أيهم : اگلب العراق لوس انجلوس علمودج
مُلاذ : خف علينا
أيهم : صارلي ساعه ادوس بـ رجلج
ما تصيحين شو؟ وين الوجع؟
مُلاذ : يمكن بـ رجلي الثاني
أيهم : او الثول تيهت رجليها
مُلاذ : ثولك دولي خليت عقل بـ راسي انت
شو جرب رجلي الثانيه بـ الله
أيهم : اي مو هي جهاز و اجربها
غير تگليلي يا هيه التحسين بيها توجعج
مُلاذ : يمكن الثانية
اول ما رفعها عطت
أيهم : هاي ؟
مُلاذ : لا بت عمها
أيهم : شلون لسان
مُلاذ : جابك هذا اللسان
أيهم : اخلاق سز فوصه معلعله گلبي
مُلاذ : اگلك رجلي توجعني
أيهم : اكو باندج بـ سيارتي اروح اجيبه
مُلاذ : شيسوي بـ سيارتك الباندج؟
أيهم : بـ جنطة الاسعافات اولية
مُلاذ : الظاهر هواي تتعارك
بحيث شايل جنطة اسعافات اولية وياك
أيهم : شايلها علمودج هواي تتعورين
مُلاذ : اهو امشي روح جيبها
لا تخليني انعجب بيك
اهتز جسمه يضحك
أيهم : يعني انتِ لسا ما معجبه بيه؟
مُلاذ : لا بعد
أيهم : راح اموت و انتِ بعده
هذا گلبج ما لان عليه
مُلاذ : عادي ما يعجبك افسخ الخطوبه
أيهم : **** هاي بعدنا ما مخطوبين صدك
ضحكت و هو راح يجيب الجنطة
دحگت لـ امي يلي واكفه و تدحگلي
مُلاذ : نظرتج ما تبشر بخير
فيروز : انتظري خل يروح الولد
مُلاذ : و علي اجلب بي هسه
اخلي ما يروح هو شلون ما يكيف
ضحكت امي و ظلت ساكته
همزين امي روحها رياضية
لو وحدة غيرها تطلعنا جلاليق انا و أيهم من البيت
و ملاك تطلعها ويانا زيادة عدد
انداريت لـ أيهم لمن دخل
اتقدم كنبص كدامي رفع رجلي يلفها بـ الباندج
أيهم : بطلي توكفين كدامي و انه عصبي
مُلاذ : غير اوخرك من اسكندر
أيهم : عبالج نسيت سالفته؟
مُلاذ : عوفه خيولي
أيهم : لا بالله
مُلاذ : و الله شنو اتفقنا احنا؟
أيهم : ماكو اطيح حظه وين ما الگاه
مُلاذ : لااا أيهم
أيهم : حاجي اهلج يعوفونا شوي
اريد احاجيج بـ شغله
كله نحجي بـ الهمسه
عگدت حواجبي و هزيت راسي بـ قبول
رفعت عيني لـ ملاك اشرت الها
تلكفها و هي طايره ، اخذت امي و راحت
مُلاذ : احجي راحن
أيهم : موافقتج ع الخطوبة ...
مُلاذ : اي؟
أيهم : ليش وافقتي؟
مُلاذ : لان وافقت
أيهم : مُلاذ ليش وافقتي؟
وافقتي لان تريدين اعوف اسكندر
لو لـ اجل شنو وافقتي ؟
مُلاذ : ماكو سبب ارفضك علموده
أيهم : ليش وافقتي لَـذه
احجيها مو موتتيني عليتي لـ گلبي
مُلاذ : ما احجيها
أيهم : ولج هي اربع حروف حتى لو جذب
مُلاذ : ما اسمحلك دكتور انا ما اجذب
أيهم : هاي يعني تحجيها بـ الصدك؟
مُلاذ : اي
أيهم : اهلهل لو عيب
اخيراً بديتي تصيرين صريحه وياي
مُلاذ : من زمان انا صريحه
أيهم : بس بـ العرك و الغلط صريحه
جيبي ايدج خل اشوفها و رجلج ضبيتها
لا تفتحين الباندج منا لـ اسبوع زين ياب؟
مُلاذ : تمام
مديت اله ايدي شافها متعوره
أيهم : ليييش توكفين كدامي ؟
مُلاذ : ترا اسكندر عنده سلاااح
بالله طلعه من خصره و ضربك طلقة
سوه بيك شي ؟؟ أيهم فكر عدل
أيهم : مُلاذ لسا اعصابي محروگه
ما شفتي شلون يبوس بيج
مُلاذ : ترا هسه يطك خشمك دم
و انا و الطب و العلاج ما نلتقي ابد
أيهم : اذا افقد الذاكرة ما انسى منظره!
راح اموت نار تگب بـ ضلوعي لمن اتذكر
مُلاذ : ترا اتقرب الي بـ الحرام
و انا اكرهه اصلاً
أيهم : انعل ابو الجلب
انا ما يهمني حتى بـ هاي خطبتنا هسه
ما راح المسج منا لمن نعقد يم شيخ
و حتى اذا ما تريدين ما اتدنالج
بس شنو هـ الـ ***** يبوسسسج
رح اموت دخيلك يـ العلي نار بـ دماغي
مُلاذ : انت النار تتنقل يمك
ساعه بـ گلبك كبرت شويه صارت بـ ضلوعك
نوب صعدت لـ راسك
ديربالك لا تطلع من خشمك و تحرگنا
أيهم : شكد فوصه و ما تقدرين شعوري
مُلاذ : مقدرته بس شسوي يعني؟
شد ايدي و ضمدها
كملت كلامي
مُلاذ : و اصلاً هاي مو اول مره
أيهم : شنووووو؟
مُلاذ : ها شني ؟
أيهم : شنو مو اول مره ؟؟
مُلاذ : ها منو شنو؟
اگلك شسمه اشتهيت كباب تاكل؟
أيهم : ولج مُلاااااذ
مُلاذ : ويا زلاطه اويلييي
أيهم : احجيييي
مُلاذ : ويا لبن لو ببسي يبو
أيهم : غضب الله احجييي لا تموتيني!
مُلاذ : ويا خبز حااار
أيهم : و علي اخبزج بدال الخبز هسه
احجي شنوووو مو اول مره ؟؟
مُلاذ : وياهن سماك اويلي جعت
أيهم : عود تغيرين الموضوع؟
مُلاذ : اگلك انت تحب الكباب ؟
أيهم : انعل ابو ... استغفر الله يا ربي
ولج احجيي ولج فتيتي گلبي
مُلاذ : هسه دجاوب
أيهم : احبببه اي احبه بس احجي
مُلاذ : اگلك شو انت اسمر
أيهم : جني جلب سلوكي بس احجي
مُلاذ : لا حشاك
أيهم : احجي ولج بويه راح اموووت احجي
مُلاذ : اگلك بـ العرس شـ البس؟
أيهم : البسيني بس احجي
مُلاذ : تدري بـ الابتدائيه
جان اكو جاهل يحبني
أيهم : هلوووو هلووو
مُلاذ : اي جان دوم يلعب وياي
أيهم : انعل ابو المستهتر
مُلاذ : اي و جنت العب ويا
أيهم : سافله
مُلاذ : اي و شنو جان اشكراني يخبل
أيهم : انجبببي
مُلاذ : اي غير اوصف الك شكله
احب الشگر و البيضان
أيهم : بـ صغري جنت ابيض
بس من الشمس صرت اسمر
و شعري جان اصفر صبغته اسود
مُلاذ : بس هسه احب السمر و الملحان
أيهم : من صغري اسمر و مملوح
مُلاذ : مو هستوك جنت ابيض
و صرت اسمر من الشمس
و جان شعرك اصفر و صبغته
أيهم : هاي جنت اسولف عن أيمن
معليج سمعتيني غلط
مُلاذ : مساع منو يگول ما تسوين حبي؟
أيهم : رماد
مُلاذ : و هسه منو الكاعد كدامي
أيهم : أيهم
مُلاذ : الحمدلله و الشكر
انخطبت لـ منفصم ما شاء الله
أيهم : هههههه انجبي
مُلاذ : اي بالله شنو شخصية أيهم
و شنو شخصية رماد
أيهم : رماد ما رح تتمنين تشوفينه
مُلاذ : ليش؟
أيهم : رح تكرهي
مُلاذ : ياذيني؟
أيهم : ياذي الكل
مُلاذ : بس انت نفس الشخص
يعني رح تقبل على روحك تاذيني؟
أيهم : انه ما اذيج مستحيل حتى
بس اذا اجا وكت و رجعت بي رماد
و مع العلم بـ هالوكت
رح يكون خاسر خساره چبيره
لا تكرهي زين؟ لان خساراته تكسر الظهر
مُلاذ : بطلت لا تجيب امك باجر
أيهم : هههههه لا انه رمادج و أيهمج
انه يمج اضعف لو سمعت حسج اهدء
لا تخافين لَـذه نار تچوي گلبي اذيتج
مستحيل اكون السبب بيها بـ يوم
مُلاذ : و اذا فد يوم اذيتني؟
نزل راسه فرك وجهه
أيهم : اعرفي وكتها مالي ذنب
و اذيتج من دون قصد
مُلاذ : بس ماكو احد ياذي احد من دون قصد
أيهم : اكو و هذا الاحد انه
مُلاذ : بس ما اسامح الي ياذيني
ظل يدحك بـ وجهي بـ عيون تعبانه
ابتعد و كام وكف
أيهم : هسه انتِ شمالج تفاولين علينا
خلينا ساترين على رواحنا
هزيت راسي بـ قبول
گال هو رح يروح صحت لـ امي
لزمت بـ ملاك و كمنا طلعنا وراه ودعناه
رجعنا دخلنا جوه
استلمتني امي تحقيق
ما خلصت نفسي منها الا بـ الالف يا علي
ثاني يوم العصر اجت النا ام أيهم
و عود على اساس هي ما شايفتني
جرتني امي لـ الغرفة
فيروز : بدلي ولج بدلي
طالعه لـ المره بـ برموده
مُلاذ : اوي هسه و اذا
انداريت لـ غاده الجرتني من شعري
كمت الطم التمن عليه هي و نور و صافي
اجن الي من غبشه ملاك گايلتلهن
غاده من طبت لحد ما طلعت تهلهل
تفتر و تهلهل فرحانه اكثر مني
هاي تسرح شعري و هاي تدورلي ملابس
و هاي تخليلي مكياج و وحدة تدور اكسسوارات
و أيهم يدك عليه يريد يسمع امه شنو تگول
خبلوني كمت اعيط
مُلاذ : عمي جذب ما انخطب
مزحه دُعابه
رحت اريد اتمدد
شالني من رجليه و ايديه
دخلت هتان و كملت السبحه
منيمني بـ الكاع غاده و نور
لان حوامل و ثكيلات مخليات ركبهن على ايديه مثبتتاني و وحدة تحط مكياج
و الثانيه تسرح شعري
هتان : خلت ماسك؟؟
غاده : لج اييي شلون نسينا
هتان : هي هم تنسى هاااي
سمعت دگه تلفوني
جرت غاده التلفون
صفكت و گالت
غاده : العريييس العرييس
كامن يطكن اصبعتين و يهلهلن
مُلاذ : دنجبن هاي عود اذا قبل عمي النحيس
هتان : و شرفي اذا ما قبلوا
يطب الهم أيهم يعلگهم بـ البنكه
مُلاذ : اشكرج طمنتيني كلش
هتان : بـ الخدمة
ضحكت و رديت على أيهم
مُلاذ : ها
أيهم : فحطتيني غضب الله
سمعيني امي شتحجي
هسه تگل لـ امج ابني **** و تخزيني
مُلاذ : حاصراتني ذني وين اسمعك
أيهم : مننه؟
مُلاذ : اختك و خمسه اخرون
أيهم : من ضمنهن غاده؟
مُلاذ : بالتأكيد
أيهم : هاهيه لعد انتِ بـ ايادي امينه
مُلاذ : كلش الا شويه اموت من الامان
أيهم : عادي يروحي عادي اتحملي
غير تحبيني اليحب يتحمل
مُلاذ : كلش هيج بحيث تنخرط روحي
من اسمع اسمك يصير عندي دوار
أيهم : ادري بيك ابني بدون ما تگلي
مُلاذ : أيهم گل لـ اختك تشيل الماسك عن وجهي
و علي اطلع لـ امك هيج اخليها عبالها
دخلت عليهم جنيه تتيهه مشرادها منين
الله وكيلك حتى هتان تعوفها هنا
أيهم : اخ الله مرتي حيه من هسه
مُلاذ : ولك منو حيييه؟
أيهم : انتِ يروحي اسوي بيجن فيديوات و انشر
و العنوان مرتي و امي و بين قوسين العمه و الجنه يتعاركن على العنصر المشترك
مُلاذ : غير يكعد مهند
أيهم : ياهو مهند
مُلاذ : اليطلع بالعشق الممنوع
أيهم : هذا ****
مُلاذ : صوووووتك يمعود
انت كلش اتسربتت ترا
غااااده غاده دخلتي المسكاره بـ عيني
غاده : اوي و اذا
أيهم : ولجن لا تعمن مرتي
مُلاذ : يا صبر الارض
ولك راح اموت تعال خلصني
أيهم : يهدنك هنه الزمك انه ابني
مُلاذ : لا تگلي ابني ايع
أيهم : ابني انت انت و أبيل ثنينكم ابنائي
مُلاذ : الي بيه مكفيني
أيهم : ههههه يلا وليدي اخذ راحتك
مُلاذ : وين اشوف راحه من وراكم انا؟
أيهم : بعدين اراويكياها
مُلاذ : دولي ضجت
أيهم : لا صدك بس تطلعين
سمعيني امي شتحجي
مُلاذ : تمام
نزلت التلفون سديت الاتصال
كمت بدلت وي توتر البنات
و اجت ملاك صاحت الي
لميت شعري و طلعت فتحت اتصال
شافتني ام أيهم كعدت يمهم
ظلت تحجي هي و امي
و تمدح بيه و بـ شكلي
خلت ثقتي بـ نفسي تصير ترليون
ام أيهم : ام مُلاذ انتِ تعرفين
أيهم عنده ولد خاف هالموضوع
تظل عدكم اسئله بـ بالكم عنه
أبيل يمي و يم ابو و طفل ما بي اذيه
لو تعوفي عشر سنين ما تسمعين اله حس
فيروز : لا طبعاً يبقى ابنه شلون قابل يعوفه؟
بس مرته ليش تطلكت من عنده
يعني خاف مثلاً ماذيها لو شي
لا تفهميني غلط ام أيهم
بس اسألج لان هاي بتي
خو ما انطيها لـ اي واحد
ام أيهم : لا طبعاً حقج ام مُلاذ حقج حبيبه
ما اجذب عليج أيهم و مرته ما توالموا ابد
زواجهم جان تقليدي و أيهم يحب المحروسه
الله يحفظها ، لينا جانت مجيشه المشاكل بـ البيت
تتعارك و تغلط و تلاسن انه تغلط عليه
حطت امي ايدها على حلگها مصدومه
ام أيهم : و أيهم اكيد ما يقبل على امه
يتعاركون هو وياها يعني جانت انسانه
قالقه راحتنا جداً و ما اتوالموا هي و أيهم
لكن طبعاً عندي ثقه جبيره مُلاذ مو مثلها
فيروز : لا طبعاً ام أيهم هاي قلة ادب
خليني صريحه وياج مُلاذ لسانها طويل
و تتعارك مو ما تتعارك بس لمن واحد يضوجها
بس ما تتجاوز على شخص ما ماذيها ابد
و خصوصاً على مره جبيره
ام أيهم : انه هم ما اگلج أيهم ما عده خبالات
بس و الله احن منه ماكو صح عصبي
و هم عنده طلعات تخبل الواحد
بس ثقي بـ الله هو زين و خوش ولد
ادحگلهم و عيوني بـ كصتي
اترخصت منهم رحت لـ المطبخ
خليت التلفون على اذاني و حجيت
- اگلك شو طلعوا خياساتنا كلها لـ كدام
أيهم : ولج گلي لـ امي خل ترد عليه
جاي ادك عليها رح اكتل روحي
حتى اذا امج جانت ناويه توافق خلتها تبطل
مُلاذ : ولك النوب امي تگللها لساني طويل
انا لساني طويل ؟
أيهم : ابد حبيبي اكصر من لسانج ماكو
مُلاذ : انا هم اگول
أيهم : ولج يمه رح اموت گليلها خل ترد
مُلاذ : شگللها منين تدري انت بـ كلامهم
أيهم : ولج سدت قسمتي
انه اقنع بيج تالي هسه تخلي امج ما تقبل
مُلاذ : هههههه أيهم
اتخيل هسه امي ترفض ضحك
و علي اتمدد بـ الكاع و افحط من الضحك
أيهم : تكيفين يالفوصه
شو ارجعي يمهم خل اسمع
مُلاذ : اي اوكف
رجعت كعدت يمهم
و هنه يكصن بينا كص
خاف بعدين وحده تنصدم بينا انا و أيهم
لا هنه انطنها لـ كدام
بعد هواي نهن حديثهن
و كامت امي ودعت ام أيهم
لـ الليل اتطشرنا و امي واضح عليها ضايجة
و تتخيل راح اعوفهم ما تدري
بعدني كاعدة على گلبهم
بعد يومين أيهم اخذ ناس وياه و اخوانه
و راح لـ عمي محمد و طبعاً حسب معرفتي
عمي محمد مو وحده جان و وياه عمي احمد
و جسار و سلطان هناك هم
بقيت كاعده و انتظر خبر من أيهم
دكيت عليه ما جاوبني
ظليت انتظر هواي و كاعده على اعصابي
اتصلت بـ جسار ما جاوبني هم
ياهوه الاتصل عليه ما يجاوبني
ورا خمس دقايق رجع سلطان اتصل عليه
مُلاذ : هاا سلطان شصار؟؟؟
سلطان : ها مُلاذ ، صارت بالنعل
مُلاذ : شكووو؟
سلطان : كاعدين و أيهم جايب رجال جبير ويا
و كاعدين يحجون وي عمي محمد
ع الخطوبه بعده هستوه گال موافقين على ابنكم
طب الج ابن النعال اسكندر أيهم بس شافه
عيونه صارت بـ گصته و اسكندر كمل السبحه
گال انا ناهي على مُلاذ خلا الدنيا تكوم ما تكعد
سلطان : دك بوكسيات و فشاير و معارك
گوه طلعنا اسكندر من جوه ايد أيهم
و نوب طك خشم أيهم دم و اتخربط وضعه
شلنا لـ المستشفى و اسكندر ماله اثر
و جسار راح يحاجي عمي محمد لان غير رأيه
مُلاذ : هذاااا شيرررريد من عنننندي !!!
سلطان : ابن النعال هسه وكتك
هاي ابو الـ **** گال اله و هو اجا
مُلاذ : الله ياخذه و ياخذ ابو ويا
أيهم وين هسه شنو وضعه؟؟
سلطان : بعده بـ المستشفى تعبان وضعه
مُلاذ : وين يا مستشفى؟؟
انطاني عنوان المستشفى
طلعت بسرعه متوجهه اله صعدت بـ السيارة
و طلعت لـ المستشفى
اجتني رساله على الخط من رقم غريب
عگدت حواجبي لمن قريتها جمد عقلي
"الچتال الي تدورين عليه كدامي"
وسعت عيوني مصدومة
دست بريك بسرعه انضرب ظهري بـ الكشن
جريت التلفون كتبت
مُلاذ : منوو انت؟؟؟ و منين تعرف الچتال؟؟؟
-واحد من الملثمين الجانو بـ المكان الانخطفتي اله
انجبرت ادخل يمه و من زمان ادور عليه
و هسه لگيته
مُلاذ : و انت شمدريك انا ادور ع الچتال؟
-لان انا واحد من يلي راقبوج
لان جنتي تريدين تلگين الچتال
مُلاذ : رقمي منين جبته؟؟؟
-كل شي اكدر اسوي و الگا عنج
مُلاذ : شنو اليأكد الي كلامك؟؟
-تعالي و شوفي بـ عينج
ظليت واكفه و ادحك ما اريد يطغى عليه حقدي
و يطلع هذا فخ من الچتال او اي شخص ثاني
بعد ثواني من تفكير حركت السياره
و استداريت من الاستداره
رجعت من الطريق الاجيت منه
اتصلت على سلطان
مُلاذ : رح اتاخر على أيهم شويه
سلطان : ليش؟؟
مُلاذ : گل لـ جسار لگيت الچتال يمكن رح يفهم
سلطان : شنو اوكفي...
مُلاذ : يلا رح اروح طمني على أيهم
سلطان : تمام
نزلت تلفوني و سديت الاتصال
ظليت اسوق المكان بعيد
رغم ما جنت واثقه بس رحت
اتصلت على الرقم رفضه
-وصلتي؟
مُلاذ : قربت بس اذا طلعت تجذب
افجر دماغك و الله
-هههههه ليش اجذب
اصلاً عفته عايش علمودج
مُلاذ : ما اصدكك بس راح اتاكد
-تمام و لا تدخلين الشرطه
اذا لگوني يسجنوني و وكتها ما تلگين الچتال
سديت تلفوني
وصلت لـ المنطقة ظليت اسئل الشخص
و هو يدليني لحد ما وصلت دحگت لـ بيت جبير
و بـ مكان چوله و بعيد
رفعت تلفوني صورت لـ الشخص، رد عليه
- اي وصلتي الباب مفتوح ادخلي گبل
مُلاذ : افجر دماغك اذا سويت الي شي
-تمام
اخذت سلاحي نزلت بـ هدوء
قفلت سيارتي ، سحبت اقسام
دخلت لـ البيت دحگت لـ حديقة
رجعت عيني على الباب المفتوح
اتقدمت بـ هدوء ، دخلت لـ داخل البيت
اتلفتت ادحك و رافع سلاحي
مديت راسي لـ الصاله و بـ ايدي السلاح
فزيت على صوت وراي التفتت
دحگتله موسعه عيوني ، سد الباب و قفلها
-اهلاً و سهلاً
-اسكندر!!!!
ضحك بـ صوت عالي
مُلاذ : شتريد؟؟
گال و هو يتقدم عليه و يضحك
اسكندر : اريدج ، أيهم خطبج مو؟ هههههههه
رفعت سلاحي بسرعه اريد اضربه
ركض عليه گمنا نتجارر انا وياه بـ السلاح
انضربت رصاصتين بـ السگفض
صرخت و ظليت ادفع بي عني
شمر السلاح و بدء يتجرء بـ لمساته الي
مُلاذ : عوووووفني وخرررر مريض
اسكندر : گلتلج لوووو اناااا اخذج
لو الله ياخذج لـ غيري ما تصيرين لـ كطع النفس
كز على سنونه
كمل كلامه يأكد عليه
اسكندر : گلتلج اموتج على ايدي و ادمرج
اذا صرتي لـ غيري بس ما استمعتي الي
حجا و جرني عليه اكثر
مفرفحه و اعيط مشى بيه لـ قنفه
جريت تحفيه ردت اضربه بيها
اخذها من ايدي و كسرها
دفعني على القنفه و اجا لـ فوكاي
عيوني صارت تطلع نار ، جر شالي شمره
دفعته عني اريد اكوم قيدني اكثر
بـ هاللحظات جمد كل جسمي
صارت شواربه تدغ رگبتي
و يتجرء بـ لمساته اكثرر
متت بـ دمي و انا اصرخ و ادفع بي عني
رفع ايديه لـ فوك بـ ايد
بـ ايده الثانيه يفتح بـ العبايه
احوص جواه و روحي مفرفحه مثل طير مذبوح
تحت اثر محاولاته يدمرني فقط لان رفضته ....
يتبع ...
لا تنسى التصويت بـ نجمة +
التعليق بين الفقرات 🩶
**************
ربي انت اعلم بـ دعائي على اسكندر
اكثر شخصيه تنرفزني 🥲💔💔
تتوقعون يسوي الها شي ؟💔
و شراح يصير بـ مُلاذنا !