Note:
Yaoji: Gemini
Chinmo:Fourth
ត្រឹមអ្នកដទៃ:
"ប្រាប់បងបាននៅថាឯងកេីតអី? "
Fordផ្តើមសួរខណៈដែលបានមកអង្គុយក្នុងហាង Coffee មួយកន្លែងក្បែរផ្ទះជួលរបស់ Chinmo ហាងចូលក្នុងបន្តិចទេីបមិនសូវជាមានមនុស្ស ធ្វេីអោយពួកគេងាយស្រួលនិយាយគ្នា។
"ខកចិត្ត..រឿងស្នេហា😫"
ថាFordទៅខូចចិត្តរឿងអស់ខ្លួនជាមួយប្រុសត្រឹមមួយយប់ ហេីយចុះ Chinmo មកខូចចិត្តរឿងស្នេហាអីដែរ? រាល់ថ្ងៃឃេីញនៅsingleសោះ លែងមកប្រាប់ចឹងដូចមិនសូវជឿយ៉ាងម៉េចទេនេះ។
"អ្នកណាក្បត់ចិត្តឯងមែនទេ? " Fordចេះតែចាក់បណ្តោយតាមសិនទៅ។
"គេមិនបានក្បត់ស្អីខ្ញុំទេ"
"ហាក? ហេីយម៉េចក៏ខកចិត្ត? "
"មកពីចូលចិត្តគេតែម្ខាងនឹងហេីយបានខកចិត្ត ដែលគេមានសង្សារបាត់នោះ"
"អរ..😑 ហេីយឯងចូលចិត្តអ្នកណា? បងនឹកមិនឃេីញមួយណាទេ Crush ឯង មួយឆ្នាំបីបួន😁"
😒 Chinmo សំលឹងមុខ Fordបន្តិចពេលលឺបែបនោះ គេចូលចិត្តមនុស្សច្រេីនកន្លងមកក៏ពិតមែន តែមិនប្រាកដថាគេសាវាឯណា Crush អ្នកណាក៏អត់តែរហូតសោះ ហេីយពួកប្រុសអស់នោះឫកៗសឹងអី តែមុខគេមិនមេីលផង អោយបានសម្រេចរឿងស្នេហាដោយរបៀបណា? 😌។
"អាសក់ផ្សិតផ្នែកទីផ្សារដែលញ៉ែរបងឆ្នាំមុនទេដឹង! "
"ហូ...មិនពាក់ពន្ធ័ទេ កុំនិយាយពីអាម្នាក់នឹងអីខូចអារម្មណ៍! ឆ្លេីយមក អ្នកណា? "
បេីរំលឹករឿងកាលនោះហួសចិត្តណាស់ អាម្នាក់នឹងចរឹកយ៉ាប់ រូបរាងយ៉ាប់(មុនមែនរេីសអេីងទេ តែមកពីធ្វេីខ្លួនស្រមេះស្រម៉កពេក) ហេីយនៅរញ៉េរ ញ៉ៃទៀត តាមស្អិតមិនលែង ទាល់តែ Ford សុំខ្ចីខ្លួន Chinmoមកកុហកថាជាសង្សារ គ្រួសាររៀបអោយអីបែបនេះទេីបឈប់មករវល់ជាមួយ ខូចចិត្តដល់ប្តូរសាលាចេញបាត់ទៅ ពេលនោះFordជាសិស្សឆ្នាំទីមួយមិនស្គាល់អ្នកណាផង ប៉ះចំសិស្សច្បងបែបនឹងមកញ៉ែទទួលយកម៉េចបានទៅ មានតែរត់មកពឹងអោយក្មេងវិទ្យាល័យស្គាល់គ្នាតាមរយៈ ផ្នែកសិល្បះ ដែលជា Chinmo នឹងជួយ។
"បង Yaoji..."
"ហាស! ! 😳 " Ford ភ្ញាក់ផ្អើលដល់ស្រែកឧទានឡេីង Chinmo យកដៃខ្ទប់ត្រចៀកទៅហេីយ នាយធ្វេីសញ្ញាអោយបន្ថយសំលេង នៅជិតគ្នាសោះ ស្រែកនោះស្រែក ផ្អើលហាងគេអស់ហេីយ!
"តាំងពីពេលណា? នែ! បងឃេីញគេក៏មិនសូវនៅជាមួយឯងផង ម្យ៉ាងគេ ប្រភេទ Introvert ទៀត ធម្មតាមិនមែន Type របស់ឯងទេ"
"វាក៏ចឹងមែនហេីយ តែមិនដឹងដូចគ្នាថាចូលចិត្តតាំងពីពេលណា គ្រប់វេលាដែលខ្ញុំត្រូវការជំនួយគេតែងតែបង្ហាញខ្លួន...បងគិតទៅមេីរ! ទោះគេមុខស្មេី សម្តីខ្លីៗ តែគេក៏ល្អ ហេីយថែមទាំងរូបរាងសង្ហារខ្លាំង នៅជិតយូរទៅអ្នកណាមិនលង់? "
" តែ..ឯងនិងគេក៏មិនស្និតស្នាលខ្លាំងអីដែរ? "
"ហ៊េីយ..ខ្ញុំថាមិនចង់ប្រាប់អ្នកណាទេ😤 ប្រាប់បងក៏បានដែរបេីជ្រុលជាអោយបងដឹងរឿងទៅហេីយ ខ្ញុំនិងគេ បិះតែធ្វេីរឿងនោះទៅហេីយ សំណាងខ្ញុំដឹងខ្លួនទាន់ ទេីបបញ្ឈប់គេមុន"
ស្តាប់ដល់ត្រឹមនេះ Fordបែរជានឹកដល់រឿងខ្លួនឯងទៅវិញ អីក៏ដូចគ្នាម៉្លេះ?ខុសត្រង់ថា Chinmo នៅមិនទាន់បានធ្វេី តែខ្លួននិងគេ..ធ្វេីហេីយ! ចម្លេីយក៏នៅតែរកមិនទាន់ឃេីញរវាងពួកគេស្ថិតក្នុងឋានៈជាអ្វី ក្រោយពីគេបាត់ស្រមោលឈឹងមកដល់ពេលនេះ យ៉ាងហោចណាស់ក៏គួរតែនៅបកស្រាយរួមគ្នា ឬនិយាយគ្នាសិនដែរ តែការដែលចេញហេីយបាត់បែបនេះមានន័យថាម៉េច? +-+
"បង Ford! នេះស្តាប់ខ្ញុំដែលទេនៀក? 👋"
អ្នកណាអ្នកខូចចិត្តអោយប្រាកដ ម៉េចក៏មេីលទៅ Ford មានទឹកមុខស្រពោនភ្លាមពេលស្តាប់ចឹង? Chinmoក៏ឆ្ងល់តែមិនសួរល្អជាង ។
"ស្តាប់តេី! ហេីយយ៉ាងម៉េចទៀត? គេមានសង្សារហេីយឬ? ឯងដឹងដោយរបៀបណា? 🤨"
"ខ្ញុំទេីបគេចចេញពីពួកគេមុននឹងឯង គេនិយាយសុទ្ធតែ បងអូន ទឹកមុខស្រស់ស្រាយ កាយវិការស្និតស្នាល គេថែមទាំងប្រាប់ខ្ញុំថា គេមិនមែនត្រឹមស្គាល់នាងធម្មតាទេ បងគិតទៅមេីរ បេីមិនមែនសង្សារ ស្រលាញ់គ្នាស្អីទៅ? "
"បែបនោះក៏ត្រូវ😕ហេីយឯងទៅនៅជាមួយពួកគេបានយ៉ាងម៉េច? "
Chinmoក៏និយាយប្រាប់តាមដំណេីររឿងដូចដែលដឹងមកចឹង ។
ក្រោយពីបំបែកគ្នាត្រឹមនឹង Ford ក៏ទៅផ្សារទំនេីបរកទិញរបស់ប្រេីប្រាស់បន្ត ព្រោះដូចជាជិតអស់ហេីយពិសេស skin care នឹងតែម្តងប្រេីដូចចាក់ទឹកចឹង។
" អេ! ប្អូនក៏ប្រេី Brandនេះដែរឬ? "
បុរសម្នាក់ដេីរមករាក់ទាក់ Ford ខណៈពេលដែលគេក៏មករេីសរបស់ប្រេីប្រាស់ក្បែរគ្នា ។
"បាទបង វាត្រូវជាមួយស្បែករបស់ខ្ញុំ ទេីបខ្ញុំចូលចិត្តប្រេីវា😊"
Fordតបដោយស្មោះត្រង់តាមការពិតចេញទៅបែបគួរសម បុរសនោះញញឹម ភ្នែករបស់គេបែរជាមេីលមុខនាយល្អិតមិនដាក់សោះ ឯស្នាមញញឹមក៏ដូចជាលាក់កំណួចយ៉ាងម៉េចមិនដឹងទេ ។
"មែនហេីយ ប្អូនចូលចិត្តតែអ្វីដែលថ្លៃ ស្រស់ស្អាត ត្រង់អ្វីដែលមិនស្រស់ស្អាត ប្អូនមិនយកភ្នែកមេីលទេ "
សម្តីរបស់គេធ្វេីអោយ Fordចាប់ផ្ដើមឆ្ងល់ភ្លាម គេដូចជាមិនមែននិយាយធម្មតា តែផ្ទុយទៅវិញគឺ បង្កប់អត្ថន័យអ្វីមួយ។
"អ្នកណាក៏ត្រូវការរបស់ថ្លៃហើយល្អដែរបង ម្យ៉ាងវាក៏សាកសមនឹងយេីង" នាយតូចធ្វេីជាយល់ថាគេនិយាយពីរបស់ប្រេី មិនចង់ដឹងលឺបន្ថែមអីទៀតទេ។
"មែន! ចឹងតេីបានឯងមេីលមិនឃេីញអ្វីដែលយេីងប្រឹងប្រែង"
"បងចង់និយាយពីអី? " ម្តងនេះកាន់តែឆ្ងល់ទេីបអត់សួរមិនបាន។
" meak ! បេីហេីយឆាប់ទៅគិតលុយទៅ"
សំលេងមនុស្សម្នាក់បន្លឺឡេីងដោយលេចចេញ វត្តមានរបស់គេធ្វេីអោយ Ford ត្រូវឈរស្ងៀមរឹងខ្លួន ភ្នែកសម្លឹងមេីលគេដូចជារងចាំគេនិយាយអីបន្ត ។ Fordបែរជាយល់ថាខ្លួនសង្កេតឃេីញ Markផ្លាស់ប្ដូរឥរិយាបថហេីយ គេទៅជាមានមុខមាំ ក្រសែភ្នែកនឹងថ្កល់ បន្តិចក៏មិនញញឹម ថែមទាំងសម្តីស្តាប់ទៅ គ្មានរសជាតិ...
" របស់ល្អ ក៏មិនប្រាកដថាសមនឹងឯងរហូតដែរ អាចនឹង មួយឆាវ😏" បុរសនោះងាកមកបន្តអោយលឺតែពីរនាក់ មុននឹងសេីចដេីរចេញទៅ។
" P'Mark ! "
Fordរត់ទៅទាញដៃគេបញ្ឈប់ដំណេីរ ព្រោះគេមិនសូម្បីមេីលមុខខ្លួនចំផង ធ្វេីដូចជាមិនបាន ស្គាល់គ្នាមកពីមុនចឹង គេកេីតអី?
"គាត់ជាអ្នកណា? បងស្គាល់គាត់មែនទេ? "
"មិនពាក់ពន្ធ័នឹងឯងទេ"
សម្តីគេរឹងកំព្រឹស សូម្បីទឹកមុខក៏មិនរួសរាយដូចពីមុន ហេីយក៏ដូចជាចង់កម្សារគម្លាត មិនចង់ប៉ះដៃ Ford ទៀតផង ឃេីញដូចនេះទេីបនាយល្អិត លែងដៃដែលចាាប់គេទាំងស្ទាក់ស្ទេីរ មិនយល់ទាល់តែសោះ។
" ខ្ញុំចង់និយាយជាមួយបងរឿងថ្ងៃមុន..."
"ហឹ! សប្បាយទេ? ខ្ញុំក៏យល់ថាឯងចូលចិត្តធ្វេីវាញ៉យដងជាមួយអ្នកផ្សេងដែរ មិនចាំបាច់ទាមទារអីពីខ្ញុំទេ អេ! ឬក៏ឯងជាប់ចិត្តនឹងខ្ញុំជាងអ្នកផ្សេង? "
"បងនិយាយអីនឹង? ខ្ញុំស្តាប់មិនយល់ទេ"
"ខ្ញុំគ្មានអារម្មណ៍អ្វីទេ ដូចជាឯងគ្មានអារម្មណ៍ជាមួយសិស្សផ្នែកទីផ្សារនោះដែរ"
(0.0) ទាក់ទងអីនឹងគេម្នាក់នោះដែរ? ហេតុអីចាំបាច់រំលឹកពីគេ?
"បងស្គាល់គេម្នាក់នោះមែនទេ? "
"ក្រែងជាប្តីទីមួយរបស់ឯងឬ? ម៉េចចាំប្តីលេីកដំបូងរបស់ខ្លួនឯងមិនបាន? "
"P'Mark! បងកាន់តែវែងឆ្ងាយហេីយ! ខ្ញុំទៅមានប្តីស្អីបួនដប់មកពីណា? "
កាន់តែនិយាយកាន់តែមិនយល់ ម៉េចក៏ទៅជា ចឹង? នេះមិនដូច Markដែលនាយធ្លាប់ស្គាល់ទេ ខុសឆ្ងាយណាស់! ដែលសំខាន់គេទៅដឹងមកពីណា រឿងឆ្កួតឡប់ទាំងនេះ ទាំងដែលគេជាមនុស្សដំបូងសម្រាប់Fordទៅវិញទេ។
Markងាកមុខចេញបន្តិច រួចញញឹមខ្សោះគ្មានជាតិចូវ ហាក់ដូចជាគេគ្មានអារម្មណ៍អ្វីសោះនឹងសម្តីខឹងសម្បាររបស់ Ford គេមិនមានប្រតិកម្មនឹងកិរិយានាយតូចបន្តិចទេ។
"កុំធ្វេីដូចជាមនុស្សស្មោះត្រង់មិនដឹងរឿងអី ឯងជាអ្នកផ្តេីម តែមិនអីទេ ខ្ញុំជាអ្នកបញ្ចប់"
"បង..ជាគេមែនទេ? " Fordដូចជាមិនប្រាកដចិត្តថាជាគេទេ តែគេនិយាយដូចជាពាក់ពន្ធ័នឹងម្នាក់នោះ ។
" ឯងឯងមិនស្គាល់ប្តីដេីមទេ តែច្រឡំខ្ញុំដែលជាប្តីចុងទៅវិញ ហឹ! ឯងធ្វេីល្ងង់សមពេកហេីយ ទាំងដែលមុននេះឯងក៏ជួបគេ"
ឬមួយក៏...ប្រុសម្នាក់មិញជាសិស្សច្បងម្នាក់នោះ? ម៉េចក៏មិនដូចគ្នាសោះចឹង? ឬអាចមកពីខ្លួនមិនបានចាប់អារម្មណ៍និងសង្កេតមេីលអោយច្បាស់ គេក៏ស្រដៀង ដូចជាសំលេង កម្ពស់ ក្រសែភ្នែក ព្រោះ Fordពូកែចំណាំមនុស្ស ម៉្យាងម្នាក់នោះតាមរំខានយូរខែល្មមអោយនាយអាចស៊ាំនឹងសម្លេងគេខ្លះដែរ។
"ខ្ញុំនៅតែមិនយល់ថាខ្ញុំ ទៅធ្វេីស្អីគេទេ! បងអធិប្បាយសិនមក កុំមកខឹងគ្នាទាំងមិនដឹងរឿងអីបែបនេះ"
"ឯងធ្វេីខ្លួនឯង ហេតុអីមិនដឹង? ! "
Markគំហកមួយទំហឹង ដល់ថ្នាក់នាយល្អិតស្លន់ភ័យថយក្រោយឆ្ងាយពីគេបន្តិច លេីកទីមួយហេីយដែលទេីបឃេីញគេបែបនេះ គេតែងតែលេងសេីច និយាយច្រេីន ទោះជាឈ្លោះគ្នាយ៉ាងណាក៏មិនចេះខឹង ប៉ុន្តែនេះមិនមែនគេទេ...
"បងមិនស្តាប់ខ្ញុំ មិនប្រាប់មូលហេតុតេីខ្ញុំដឹងរឿងដោយរបៀបណាថាខ្ញុំខុសអីនោះ? "
"បានហេីយ! ឯងគង់តែដឹងទេក្រោយពេលខ្ញុំនិងអាម្នាក់ឯងធ្វេីអោយឈឺជិតឆ្កួតនោះសងឯងវិញសាកសមហេីយ😏"
Markញញឹមកំណាចមុនដេីរចេញ មិនទាំង ស្រណោះអាណិតឬស្តាប់អ្វីឡេីយ ទុកអោយនាយល្អិតឈរទ្រឹង គាំងនឹងអ្វីដែលកំពុងជួបមិនទាន់បាត់ សុខៗក៏គ្រប់យ៉ាងបែរជាក្រលាប់ចាក់ ក្លាយជាពិបាកយល់ មនុស្សម្នាក់ប្រែជាម្នាក់ទៀត ហេតុអីទៅ?
- - - -
យប់ជ្រៅមីនចេញមួយទៀតអោយណា សូមអភ័យទោសដែលចេញអត់ទៀងពេលវេលា មីនខំឆ្លៀតហើយ🙏🥺
Thank for reading🙏
Love all fan❤️🥰
Wait next part....