"رَاح تَشِوفني بـ كُل الخَسارات
وَراح تحطُني الاوَل مَن تعِدهم ."
الكاتـِبه : أيــلان
حساب الانستا للتواصل : l.1ll8
* صوت قبل قراءة البارت 🩶
مُلاذ :-
مُلاذ : ليش اكون محاميتك شكو؟
أيهم : طلگت لينا و راح تحاول تاخذ أبيل
و تخلي المحكمه ينطونه الها لان عدها تصوير
الي و انه اضربها .
مُلاذ : شنووو؟ اوكف شوكت طلكتها؟
و ليش طلكتها ؟ و ليش تضربها ؟
أيهم : مُلاذ اعصابي محتركه هسه
مُلاذ : غير تفهمني!
أيهم : البارحه
انفاسه عاليه و مبين ضايج
كمل كلامه و هو يگول
أيهم : البارحه لگفت تلفونها
عدها محادثات وي واحد
مُلاذ : اي ؟
أيهم : تحجي وياه على دوا
و كاتبه اريد الدوا و احتاجه سائلها المن تنطينه
گايلتله لـ زوجي فقدت اعصابي مُلاذ فقدت اعصابي
مُلاذ : اوكف دوا مال شنوو ؟
أيهم : دوا مال هلوسه مال منوم ما اعرف
بس الاعرفه يخلني اسوي كل شي
شهكت من گلي عن الحبوب
موسعه عيوني بـ صدمه
مُلاذ : بس لا شربت الحبوب ؟؟
أيهم : لاا اصلاً ما اخذ شي منها
مُلاذ : تمام ، عندك محادثاتها ؟
أيهم : لا
مُلاذ : شنو من بشر هاي !
أيهم : رحت كضيتها كتلتها
مُلاذ : أيهم
أيهم : ها
مُلاذ : خاف مخدرات؟
اكو حبوب مخدره !
أيهم : ما اعرف هالبت الـ**** هاي
ما خلت شي ما سوته بت الـ *****
مُلاذ : كافي اهدء
أيهم : شنو اهدء رح اتخبل البارحه طلگتها بالثلاثه
جبت اهلها و حجيت الهم و راويتهم كل شي
خليتها غصباً ما عليها تقبل تتطلك
باجر نروح للشيخ اطلكها
و اريد اطلكها بالمحكمه هم
ما اريد اي صله بيها بعد و اليوم بت الـ****
دازتلي فيديو و انه اكتلها تگلي
اخذ أبيل منك بـ هذا الفيديو
مُلاذ : أبيل يمك؟
أيهم : اي
مُلاذ : اكو على جلده اثار ضربها؟
أيهم : اي ، بت الـ**** مستقويه عليه
مُلاذ : كافي تفشر
أيهم : لج شنو من نقمممه شنو من بلاء اسود
اخير شي وصلتله تشربني مخدرااات!
مُلاذ : دحك عوفها هسه صور ايدين أبيل
كل اثر تلكاه مال ضرب صوره
و ودي ابيل يمها ...
أيهم : شنووو اودي أبيل يمها تردين تخبليني!!
عطت بي متنرفزه
ما يخليني اكمل كلامي
مُلاذ : تسمعنييي لووو شلون؟؟؟
أيهم : انجبي و لا تصيحين صوتج نصي
مُلاذ : ما جاي تخليني احجي !!
أيهم : حجيج مو من منطقي
مُلاذ : لعد ظل خليها تاخذ أبيل منك
أيهم : مُلااااذ
مُلاذ : لمن تريد تفتهم مني و تريد تاخذ ابنك الك خابرني عود لان بـ مشاهد الضرب هاي الي عدها ناهيك عن يخلون أبيل يمك شوفه ما يخلونك تشوفه
نزلت التلفون و سديت الاتصال
اعرفه رح يرجع يتصل و يفتهم مني
كمت غسلت ، وفعت شعري كبايه ، بدلت ملابسي
و انا البس تشيرتي دك تلفوني ، التفتت دحگتله
اتقدمت اخذته من على الجرباية
كعدت و رديت على الاتصال ، ظل ساكت
گلت بـ هدوء
مُلاذ : رح تفتهم و تسوي الاگوله ؟
أيهم : احجي
مُلاذ : شوف ودي أبيل يمها
بس رح تخلي هتان تروح وياه
أيهم : ليش هتان تروح؟
مُلاذ : لان ....
كعدت اسولفله الخطه يلي بـ عقلي
و افهمه ليش لازم أبيل يروح
و بـ اول فرصه يطلبون أبيل يروح الهم
أيهم لازم يوافق ، تنهدت ورا شرح طويل
مُلاذ : فهمتني؟
أيهم : و الفيديوات العدها؟
مُلاذ : مقابل الي رح نخلي الها بالمحكمه
و اهلك اكيد شاهدين على اعمالها بـ أبيل
ف اكيد يخلون أبيل يمك
أيهم : تعبان لَـذه تعبت منها
مُلاذ : شوف انا ما اريد اتدخل بـ علاقتكم
و لا اريد اتدخل بينكم ما اريد ازيد نفورك اتجاهها
لَكن أبيل كلش خطيه و ابد ما يستاهل هيج يصير بي
أيهم : زين هي لو تعامله عدل
هم جنتي راح تساعديني اخذه يمي؟
مُلاذ : لا ، لان مو من حقي احرم ام من طفلها
و لا من حقي احرم اب من ابنه لذالك رح ابقى بعيده
أيهم : أبيل كل شي اسوي علموده
مُلاذ : طبعاً انت ابوه هالشي بـ فطرتك
أيهم : لو تشوفينه شلون نايم هسه
مُلاذ : اكزكز عليه
أيهم : انه اكزكز عليج و عليه شلون بيه؟
مُلاذ : لو تشوف انا شكد منطيتك مجال
أيهم : شون يعني ؟
مُلاذ : يعني لو واحد غيرك
جان حظرته اذا يتغزل بيه لو يگلي شي حلو
أيهم : اخ مُلاذ اخ
مُلاذ : اوف أيهم اوف
أيهم : عود شني اوف شو تتاففين عليه؟
مُلاذ : عود شني اخ شو تتاخخ عليه؟؟
أيهم : ههههههه
مُلاذ : رح يكعد الجاهل من صوتك
أيهم : هسه لو اضرب يمه مدفع ما يكعد
مُلاذ : يااااا هذا مثل ملاك
أيهم : ههههه شبيها؟
مُلاذ : انا مو اوصلها الصبح لـ مدرستها
ف اروح اكعدها أيهم تخبلني تشلع گلبي
اظل اجرجر بيها بـ مره ضجت كلش
شلتها من الجربايه گوه شمرتها جوه الدوش
كعدت لكت روحها سابحه بـ المي
أيهم : انعل ابو الفواصه العندج
مُلاذ : دروح تضوجني تظل نايمه و تمشي
عاد انا اتخبل من احد ما يكعد من اول مره
و اتخبل من اظل الح على شخص بـ شغله
أيهم : عمي شني تردين الوادم
من اول صيحه يوكفولج على قدم و ساق
مُلاذ : اي انا يمي هيج
أيهم : من نتزوج شلون اذا كعدتي أبيل و ما كعد؟
وسعت عيوني مصدومة
مُلاذ : هيوووووو وين رحت انت
زواجيش عسى ما شر و الله احظرك
أيهم : شبيج ؟ هو زواج
مُلاذ : أيهم وخر عني خل اروح اكل احسن الي
أيهم : عود تغير الموضوع عود شكد نحسه
مُلاذ : لا تخليني اروح اوسوس بـ راس لينا
و اخليها ما تقبل تتطلك اكعد راحه و اسكت
أيهم : يعني هذيج السنين صرفتها كلها
انه اراقب بيج و اعاينلج و ساكن الكُليه
تاليتها ما تتزوجيني
مُلاذ : شني انت مني جابرك تراقبني
ما اتزوج مااااا اظل يم امي ما اتزوجك
أيهم : نشوف ست مُلاذ نشوف
مُلاذ : ما اتزوج مُطلقين هههههههه
أيهم : خلصنا من سالفة المتزوج
طلعتلي سالفة المطلق شلون يعني اعيد روحي؟
ارجع انولد مره ثانيه گليلي شلون؟
مُلاذ : أيهم أيهم انت واحد كذاب و مطلق
أيهم : و بعد ؟
مُلاذ : و مراقب و عندك طفل
أيهم : شوكت كذبت عليج ست مُلاذ
مُلاذ : گلتلي ما اراقبج
و انت ٤ سنين طول بـ عرض تراقبني
أيهم : كذبه بيضه هاي
مُلاذ : تخلي الوان لـ كذباتك انت
أيهم : اي مثلاً وحده حمره
وحده خضره وحده بيضه
مُلاذ : و السوده؟
أيهم : ولج هاي لا معناتها
مصخم حياتي مو بس مكذب
مُلاذ : عدك هيج صخام؟
أيهم : اي عدي انتِ صخامي و مصيبتي
مُلاذ : عمي شنهاي نقمه
ساعه جرحك ساعه صخامك ساعه مصيبتك
ششايفني انت ها ها؟ ششايفني؟
أيهم : شايفج لَـذة گلبي
مُلاذ : هاي شني نوب ؟
أيهم : عمي بالعباس علاقة احلامي
احاجي وحده و تگلي شني يبوووو
مُلاذ : ما بيناتنا علاقه لا تروح زايد
أيهم : و انتِ ليش بالج راح لـ بعيد
يمكن اقصد علاقة صداقة
علاقة اخوه مو الا حبايب
مُلاذ : اخوي انت
أيهم : اختي الغاليه
مُلاذ : اخوي نظر عيني
أيهم : اختي فلذة كبدي
مُلاذ : اخوي العزيز
أيهم : شلون تعرف روحك
جاي تجذب على روحك
انه وياج كل شي نصير الا اخوه
تخيلي اگلج انتِ اختي
مُلاذ : يبويي ، اختي الغاليه
اختي انه ما اتدخل بيج بس لان اخوج الجبير
حتى لو ما بيناتنا صلة رحم بس انه اريد مصلحتج
أيهم : هههههههه مُلاذ اتحجبي
مُلاذ : شعليك؟
أيهم : مو انا اخوج الجبير و اريد مصلحتج
مُلاذ : أيهم روح نام
أيهم : ليش تطردين بيه؟
مُلاذ : اختك الصغيرة اخاف على عيونك
أيهم : يا بعد عيوني ترديهم؟
مُلاذ : لا خليهم عندك
جنهم عيون سبونج بوب شكبر الوحده
أيهم : انعل ابو الفواصه
تتنمرين عليه لَـذه الفوصة
مُلاذ : غير الحقائق يا عيني
أيهم : ام براطم يابه صارلي شكد ما گايلها
مُلاذ : اهو شنو ام براطم شبيييك
خلصت الكلمات تگلي ام براطم؟!
أيهم : مو شفايفج كبار لَـذه
براطمج كبار كلش
مُلاذ : على اساس شفايفك صغار؟
أيهم : جنج منتبهه الهن؟
حكيت كصتي و سكتت
بديت احس بـ اثار جفصتي
و هو يضحك بـ خباثه
مُلاذ : ما منتبهه الهن
اهو بس هنه هم كبار
أيهم : يتوالمن وي مالاتج
مُلاذ : امشي نام اثر عليك النعاس
أيهم : ما اثر عليه النعاس انتِ اثرتي عليه
مُلاذ : اسمع أيهم خل نرجع لـ سالفة طلاقك
أيهم : لعبت روحي
مُلاذ : اسمع هسه فهمتني شتسوي؟
أيهم : اي
مُلاذ : مو تكعدلهم بالباب
أيهم : ادري جا تعلميني
مُلاذ : يلا خوش خل اروح انا
أيهم : ابقي شويه
مُلاذ : شسوي باقيه؟
أيهم : لا تسوين بس ابقي
مُلاذ : اريد اروح اشوف اهلي
أيهم : عوفي اهلج كاعدين
اربعه و عشرين ساعه وياج
ظليت ساكته ما جاوبته
أيهم : رح تبقين؟
مُلاذ : عشر دقايق و اسد الاتصال
أيهم : هههههه هاهيه
سكتنا ثنيناتنا و انا صافنه
حتى ما عدنا سالفه نسولف بيها
گال بـ صوت ناصي يهمس
أيهم : أبيل بابا نام عدل أبيل
صار صوت تلفون عبالك انحط بـ مكان
و اختفى صوت أيهم دقايق و سمعته يگول
أيهم : ها لَـذه بعدج موجوده؟
مُلاذ : اي ، وين رحت؟
أيهم : أبيل نايم على ظهره
يختنك يظل يتحلم نومته عدل
مُلاذ : احسه يحبك كلش
أيهم : دوم ينام يمي و كله ينام على صدري
مرات تخابرني هتان اسمعه يگلب الدنيا بالبجي
يكون عندي شغل و مرات اظل مناوبات ليلية
و هو يتخبل يشيل روحه و يدكها بـ الگاع
مُلاذ : يا عيني خطيه متعود عليك
أيهم : كلش
مُلاذ : مثل انا لمن جنت صغيرة
ما انام اذا ما يجي بابا و اظل منتظرته
مرات اغفي و انا كاعده بالباب و انتظر
امي شكد تحاول تدخلني ما اقبل
لو اغفى ع القنفه و انا كاعده يم الشباك
اراقب شوكت يجي و اشوفه حتى اطلع اله ركض
أيهم : اي
مُلاذ : بـ مره من المرات
گمت ارافس و ابجي لان طلع راح لـ دوامه
جنت نحسه كلش عليه اضوج اذا ما الگاه
ف بـ يومها ما راح لـ المدرسة لان هو مدرس
فـ ما راح لـ المدرسة ظل يمي نص الطريق و رجع
أيهم : جان يحبج؟
مُلاذ : كلش يمووت عليه
ما يقبل احد يأذيني ابد مرات امي تعاقبني
لان من جنت صغيره جنت وكحه اتعارك هواي
لان هم يتعاركون وياي ارد انا اتعارك وياهم
و تصيرلك مفاشخ بالطابوكات ف امي تعاقبني
أيهم : شلون تعاقبج؟
مُلاذ : تگلي روحي لـ الغرفة
و منا لـ فلان ساعه يلا تطلعين
لو تگلي هي زعلانه مني تانب ضميري
فـ بابا جان ما يخليها تسوي هيج
هي تعاقبني اروح لـ الغرفه حتى افكر بـ تصرفاتي
و اعرف تصرفي جان غلط
يجي بابا يمي ينسيني حتى التفكير
أيهم : يعرف بـ هاي فواصتج؟
مُلاذ : اصلاً تربيته انا
أيهم : و امج؟
مُلاذ : هم تعلمت من امي اكيد
بس انا مثل بابا جان ما يخاف و لا يهاب شخص
و الي بـ راسه يسوي لو مدري شيصير
و يوكف وي الحق دائماً ما يقبل بـ الظلم ابد
ما يحب الناس الكذابين و لا فد يوم شكى من عدنا
لذالك انا اشبهه هو علمني على هواي اشياء
أيهم : الف رحمه على روحك
ما علمت بتك غير طول اللسان و الفواصه
مُلاذ : ولك أيهمممم
أيهم : ههههه اسف الله يرحمه
ابتسم و گلت
مُلاذ : امين ، أيهم
أيهم : ها
مُلاذ : تدري بيك من عطره
دائماً لمن تحاجيني اشم ريحته بـ ملابسك
عطر و ريحة بابا جانت مميزه حرفياً
و هسه موجوده بيك
أيهم : اي
مُلاذ : حتى حنيتك و حبك لـ أبيل
مثل ما جان يحبني و حنين عليه
أيهم : اي
مُلاذ : اي خلصتها عليه اي
أيهم : احم ، شلون عطره بيه يعني؟
مُلاذ : ما ادري بس أيهم عطره كد ما قوي
اخير مره حضني بيها بقى عطره لازك بـ ملابسي
حتى ظلت امي وكتها تسألني مخليه من عطر ابوج
و انا جنت ما مخليه بس عطره قوي
أيهم : مبين جان عنده ذوق
مُلاذ : طبعاً اذا اختار امي
أيهم : حتى انه عندي ذوق ترا اختاريتج
مُلاذ : ربط السوالف يمك عجيب
شلون توصل المواضيع الي ما ادري
أيهم : مو انتِ موجوده بـ كل سوالفي
ابتسمت ، ظلينا نحجي شوي و سديته
ثاني يوم بدلت ، لبست ستره سوده
و بنظرون اسود رفعت شعري ذيل حصان
رحت شفت امي و سألتها اذا تحتاج شي
فيروز : لا يمه ما احتاج
مُلاذ : تمام فوفو اذا احتاجيتي شي اتصلي
فيروز : تمام ، انتبهي على نفسج مُلاذ
و خلي تلفونج مفتوح و يمج
مُلاذ : تمام
طلعت و تركتها رحت لـ محل الحلويات
مخلصين بنيان و كلشي بقى بس صبغ
و اجيب اغراض و عمال لـ المحل
تركت المكان بعد ما شفت بنيانه زين
و حاجيت المقاول و اتفاهمت وياه
رحت لـ المكتب فتحت الباب و دخلت
مُلاذ : صافيي ؟ موجوده
صافي : لك اي موجوده
مُلاذ : اليوم شنو عندي مواعيد وي الموكلين؟
صافي : عندك جلسه عند الساعه ١٠
مُلاذ : جلسة منو ؟
صافي : مهره يلي بدها تاخذ بنتها
مُلاذ : يبووووو نسيت خرب حظي
بس ان شاء الله اليوم تكون القضيه من صالحنا
صافي : ان شاء الله
بدك شاي و لا قهوه؟
مُلاذ : انا هسه اكوم اسوي ارتاحي انتِ
صافيناز : لا ولك انا بدي اسوي
مُلاذ : زين
راحت هي و انا بديت اخلص كم شغله
اجت انطتني القهوه شربت
اخذت غراضي و طلعت
خلصت شغلي و اتجهت لـ صالة المحكمه ...
هتان :-
طلعت من الكُلية انتظر أيهم يجيني
بالعاده ياخذوني باهر او أيمن
بس هو وصاني انتظره ، بقيت واكفه مكاني
من اسبوع طلك أيهم لينا يم الشيخ
البيت مريح لـ ابعد حد بدونها
التفتت لمن صفت كدامي سيارة أيهم
صعدت بـ الورا ، دنيت نفسي و بست خده
أيهم : يا هلا و يا چثير الهلا
هتان : أيهمووو
أيهم : يلا اطلقي العنان لـ روحج و اتمددي
هتان : اروح فدوة للـ اليعرفني
ضحكنا ، نزعت احذيتي
تمددت بـ الورا خليت ايدي على كصتي
التفتت لـ أيهم و انا اسأله
هتان : ليش ردت انت تجيني؟
أيهم : اريدج تاخذين أبيل لـ لينا
و ترحين وياه
كمت كعدت على حيلي
هتان : شنو ليش؟؟
لحظة انت الي تريد تودي أبيل لـ امه؟؟
أيهم : اهلها گلولي
هتان : بـ كل مره يكلولك و ترفض ؟
أيهم : اسمعيني جايج بالحجي
ظل يسولفلي شنو لازم اسوي
و الخطه يلي بـ باله وصلني لـ البيت
اتصل بـ امي بلغها تطلع أبيل اله
حولت كعدت بـ الصدر يمه
طلع أبيل من البيت جنطته بـ ظهره و يمشي
نزل أيهم شاله من الكاع ضحك أبيل بـ فرح
ظلوا يتشاقون هو و أيهم رفعت تلفوني صورتهم
أيهم باس خد أبيل ، اتقدم صعده لـ ورا
انداريت و گلتله
هتان : ولك الفصعوووون
أبيل : اتااااان
جريته خليته بـ حضني
ابوس و اعضعض بـ خدوده
هتان : انت ماااال اكل راح اكلك
ظل يضحك ، صعد أيهم اتجهنا لـ بيت اهل لينا
ظل أيهم يحاجي أبيل طول الطريق
و أبيل مغندب و ضايج لان رح يروح يم امه
حتى بجي كام يبجي اخذه أيهم من عندي
أيهم : بابا أبيل عاينلي خل نسولف
أبيل : مااااااا
أيهم : أبيل شنو اتفقنا!
أبيل : ما الوووووح ( ما اروح)
ظل يمط بـ روحه من أيهم
و أيهم يسوق بـ ايد و مقيده بـ ايده الثانية
صف على الطريق و كعد يحاجي
أيهم : تزعل بابا من عندك؟؟
عاين اله أبيل عابس ملامحه و عيونه تدمع
خطيه يخاف من امه و مرتاح بدونها
لمن أيهم گله راح اوديك لـ أمك ظل يبجي
أيهم : امك تريد تشوفك
باجر بـ الليل و ارجعك يمي
گام يبجي جر قميص أيهم
خلا راسه على صدره لا ارادياً گمت ادمع عليه
أيهم يمسح على راسه و يهدي بي بوس خدوده
اخذت تلفوني سديت التصوير
وصلنا لـ بيت لينا
اخذت أبيل و جنطته ، نزلنا من السياره
وكفني أيهم قبل لا اروح نزل
اخذ أبيل ظل يبوس بي و أبيل ما يقبل يهده
گوه شلعته من أيهم و رحت لـ البيت
رجع صعد أيهم بـ السياره و وكف بعيد ينتظر
انفتحت الباب طلعلي اخو لينا
هادي : يا هلا
هتان : بيك ، جبت أبيل
هادي : اي تعاي ادخلي
دخلنا انا و أبيل لـ البيت
درت وجهي دحگت لـ هادي
هتان : وين اختك؟
هادي : اسمعي صوت الاغاني
ليناااااا ولج لينااااا
طلعت ام لينا تركض تعاينله
-شكووو؟
شافتني عبست ملامحها
بـ معنى ما عاجبها وجودي
هادي : يمه صيحي لـ لينا
صعدت امه تصيح لـ ست الحسن
نزلت لينا بعد عشر دقايق ضبط
و انه كاعده و اتافاف
نزلت هي و حمرتها و عطوبها
تركض ، مكيفه عبالها أيهم
شافتني بدلت ملامحها لـ التضجور
هتان : جبت أبيل
لينا : أيهم وين؟
هتان : بـ السيارة شتسوين بي؟
لينا : ما يعرف هو ينزل ابنه
و يجي يشوفني !!
هتان : ليش حتى يشوفج؟
يشوف شلون تحاولين تنطي ادويه
لو شنو يشوف بالضبط؟
لينا : معليييييج انتِ
هتان : خفى لـ ذاك الصوت
هادي : هتان؟
عاينت اله بـ طرف عيني
گمت وكفت أبيل ضام روحه وراي
هتان : اريد اسفط ملابس أبيل
و اعدل المكان الي ينام بي
ام لينا : ليش احنا رح نذبه بـ مزبله
ابتسمت و گلت
هتان : مو بعيده اذا اجينا
و لگينا لينا ذابته بـ الزباله
عبرتهم و مشيت
هتان : تعاي دليني بـ غرفته
اجت وراي تتأفأف
لينا : وين ينجبح غير بـ غرفتي
انداريت الها خزرتها
رفعت اصبعي و گلت
هتان : لينا يا ويلج و سواد ليلج
لو نزلت دمعه من عين أبيل و هو وحدة هنا
صدكيني أيهم يهجم هذا البيت على راسج
جرت ايد أبيل
لينا : ابني و بكيفي اتصرف
أبيل عض ايدها كامت تصرخ
و هو يبجي دفعتها عنه وشلت أبيل
خزرتها ، دخلنا لـ غرفتها
اخذت جنطة أبيل بديت ارتب ملابسه
هي واكفه بـ الباب اخير شي خلت و راحت
أبيل كاعد يمي متنحس ، اجيت ابجي
لان رح اعوفه و اطلع منا بدونه
و يظل وحده يم هاي الما تخاف الله
گمت بسرعة طلعت كاميرا كلش صغيرة
انطانياها أيهم ماخذها من أيمن
لان يعرف بـ الكاميرات ، ظليت ادور بـ عيوني
وين اضمها بـ يا مكان ؟! كون ما تشوفها لينا
ركضت ضميتها ورا مجموعة مخاد و بطانيات
بـ غرفة لينا محطوطه فوك طاوله ،
خليتها بين المخاد شفتها جاي تصور
رتبت ملابس أبيل بسرعة و رحت بوسته
اجت لينا عاينت النا
لينا : ما خلصتيييي؟
هتان : عدلي اسلوبج
ما ميته عليج و باقيه يمج علمود أبيل
التفتت لـ أبيل و بوسته مره ثانية
ظل يبجي و متنحس ما يقبل يبقى
گوه يلا عافني و طلعت صعدت وي أيهم
أيهم : ها؟
هتان : خليتها
أيهم : بَطله
هتان : ما اريد اعوف أبيل
أيهم : و لا انه بس بالليل ارد اخذه
ما اكدر اخلي لـ باجر يمها تموته هاي الكلبه
هتان : من صدك كلبه
شغل سيارته و وصلني لـ البيت
نزلت و راح هو لـ شغله ...
لـ الليل اجاني أيهم دخل لـ غرفتي
وجهه تعبان و بعده توه جاي من الشغل
أيهم : هتان
هتان : ها أيهومي
أيهم : كومي ناخذ أبيل
مستحيل اخلي لـ باجر يمها
هتان : و الله حتى انه مقهوره
و امي بس تبجي عليه هالفصعون
أيهم : يلا امشي وياي حتى تنزلين تجيبي
هزيت راسي بـ قبول
كمت بدلت بسرعة و طلعت وي أيهم
اتوجهنا لـ بيت لينا ، صف أيهم سيارته لمن وصلنا
نزلت من السياره دكيت باب البيت
طلعلي حسنين اخو لينا
هتان : هلو
حسنين : هلو
هتان : اريد اخذ أبيل
حسنين : بعدكم اليوم الصبح جبتوه!
هتان : اي ابو گال يريده
حسنين : هي بكيفكم و امه ...
و انه احجي وياه اسمع صراخ لينا
و مصايح و هوسه جوا
هتان : هاي شكو !!
سمعت صوت أبيل يبجي و يصرخ
عبرت حسنين ، دخلت ركض
طبيت بيتهم طلعت بـ وجهي ام لينا
هتان : شجااااي تسووووي هاي لـ الطفل
ام لينا : شتسوين هنا ؟
هو و امه شعليج؟؟
هتان : شنو شعليه جايبينه يمها تكتله!
خابرتوا أيهم و گلتوله تردون أبيل
ما رفض و جابه الكم و هاي زينيه من عنده
هسه هي كاعده تكتل بي !!!
عبرتها صعدت الدرج اركض
و هم يركضون وراي فتحت باب غرفة لينا
لگيتها تلوي بـ حلك أبيل و هو يصرخ و يبجي
و ذوله الما يخافون الله جوه و يسمعون و ساكتين!
رحت عليها جريت شعرها
كتلتها كتله و امها و اخوانها يردون يفكونها
ملختها و أبيل كام و هو يبجي يكتلها وياي
كمت عنها و انه اعصابي فايره
اهلها يصيحون كلهم التمو بـ الغرفة
جريت أبيل لـ حضني ، شلته طلعت جنطته
لميت ملابسه ظلت تصيح و تتعارك وياي
امها و اخوانها وياها همين
رفعت تلفوني خابرت أيهم عليهم
سمع صوت صياحهم گلي "جايج"
نزلت التلفون و سديت الاتصال
هتان : مااااا تستحون على رواحكم
طفل جايبينه يمكم يوم واحد و تشوفوها تكتل بي
و انتوا ساكتين حرف ما تنطقون
و انه اعيط صار صوت دك باب عالي
بحيث بيتهم انهجم هجم من الدك
طلع هادي بسرعه يفتح الباب
ابو لينا ما موجود بس اخوانها
سمعت صياح أيهم من جوه
اخذت أبيل وطلعت برا الغرفه
هتان : أيهم
رفع راسه عاينلي شبخ الدرج سواه بايتين
صعدلي يركض و يسأل شصاير
عاين لـ أبيل اليبجي عيونه صارت بـ كصته
بـ لحظتها طلعت لينا من الغرفة
رفع عينه عاينلها وجهه صار احمر دم
مشى عليها بسرعه جر شعرها و هو وراها
أيهم : انه شگتلج؟؟؟
مو گلتلج اجنزج اذا اذيتي أبيل
صلخها راشدي ورم خدها
رجع صوت الصياح و المعارك
نزلت أبيل من حضني
رحت ركض اخذت الكاميرا
دورت النقطه الاطفيها منها ، طفيتها
خليتها بـ جنطة أبيل
رجعت شلت أبيل يلي يبجي
اخوان لينا ضامين لينا وراهم
أيهم يصيح عليهم و يتعارك وياهم
لزمت زنده حاولت اهدي گوه هدء
اخذته وياي طلعنا من بيت لينا صعدنا بالسياره
أيهم خلا أبيل بـ حضنه طول الطريق
و يهدي بي و يبوسه
أيهم : بعد ما اوديك يمها خل تولي
جريت جنطة أبيل من ورا ظليت اگولب بـ الكاميره ادور منين اشوف الفيديو خابرنا لـ أيمن نسأله
أيمن : تعالوا و انه اشغللكم الفيديو
هتان : تمام
سديت الاتصال
وكف أيهم بالطريق نزل هو و أبيل يشترون
صعدوا مره ثانية الضحكه تارسه وجهه أبيل
ابتسمت ادحك لـ ضحكته ، اتوجهنا لـ البيت ...
مُلاذ :-
بعد فتره من كل يلي صار
اتصل بيه أيهم بلغني هو اتطلق من لينا
طلاق تام محكمه و شيخ
وتحديداً بعد شهر
رحنا لـ الجلسه مال حضانة أبيل انا و أيهم
شفت باهر و هتان جايين بـ اتجاهنا
أيهم ما قابل يجيبون أبيل ، اتقدم باهر وكف يمنا
باهر : اهلاً ست مُلاذ
مُلاذ : هلو باهر شلونك؟
باهر : الحمدلله و انتِ؟
مُلاذ : الحمدلله
حك لحيته رجع دحگلنا انا و أيهم
ابتسم و گال
باهر : اريد ابيع اخوي محد يشتري؟
مُلاذ : هههههه ليش؟
باهر : مخليني جيس لبن
خلاج محاميته و اخوه محامي
مُلاذ : ههههه نفس الشي
باهر : اي صح نفس الشي
گالها كـ بسمار و يدحگلنا بـ نظرات استغربتها
فرك وجهه أيهم ضايج و باهر يغمزله
نزل ايده من وجهه يدحك لـ باهر و يخوزر
أيهم : امشي ولي منا لا اشعل الخلفوك
باهر : هههههههه
اتقدم أيمن وكف يمنا
أيمن : سلام عليكم
أيهم : شني شبيكم كلكم جايين
تسودنتو خو ما تسودنتو؟
هتان : نطلع مظاهرات ع القاضي
اذا انطا أبيل لـ لينا
مُلاذ : لا تخافون ما ينطيها
باهر : اي عيني عدك مُلاذ بعد
منو يتدنالك ها ها؟
أيهم : امشي ولي لا اشعل الخلفوك
ضحك باهر بـ صوت عالي
راحوا يمه أيمن و باهر يهمسون اله
بس انا اذاني اذان واويه كل شي اسمع
أيمن : احبها
باهر : يا نقمة الله
أيمن : احبها
باهر : لو اعرف اموت
أيمن : اروحلها
أيهم يخوزر بيهم و هم يضحكون
أيهم : بالمحكمه خل نطلع واعلمكم
اذا ما اشعل شيب الخلفوكم اتأدبوا لا انعل شرفكم
باهر : ههههههههه
أيهم : اصبرلي انت اصبرلي
أيمن : شبيك قاسي تخلي البت تشرد منك هسه
أيهم : أيمن الجلب صم حلكك
استلموا باهر و أيمن يضحكون
و هو متنرفز متخبل من سوالفهم
انا و هتان وحده تدحك بـ وجهه الثانية
كل شي ما مفتهمين
درت وجهي دحگت لـ لينا
الي متجتفه و تخوزر بينا انا و أيهم
انداريت لـ أيهم يدحگلها و يخزرها
اجا وكف كدامي يدحگلي
أيهم : رح نكدر ناخذه؟
مُلاذ : تثق بيه؟
أيهم : اكثر من كل شي
مُلاذ : لعد اتاكد رح ناخذ أبيل
هز راسه بـ قبول بعد فتره صاحو اسمائنا
دخلنا انا و أيهم و اهله و لينا و اهلها
بعد ما نهى القاضي كلامه
سمح النا بالكلام وكف محامي لينا
يطالب القاضي بـ اخذ حضانة أبيل لـ لينا
و عرض اله فيديوات ضرب أيهم لـ لينا
رجعت عيني على أيهم الكاعد و متعصب
وجهه صار احمر دم
وَجهه المحامي كلامه لـ القاضي
و هو يأكد من غير المسموح
انو حضانة أبيل تكون لـ أيهم
لـ كونه شخص متعصب و معنف زوجته
مثل ما ظاهر بـ الفيديو
استمع القاضي لـ كلام المحامي
بكل اذان صاغية لحد ما نهى المحامي كلامه
سمح الي القاضي احجي
مُلاذ : سيدي القاضي المشاهد يلي انعرضت
ما الها اي علاقة و صلة بـ سبب وجودنا هنا
صحيح ممكن موكلي يكون شخص عصبي
لَكن بـ نفس الوقت هو شخص حنون على ابنه
عصبيته و تصرفاته ما مست ابنه ابداً
هذا التصرف كان وي طليقته فقط
و احنا هنا موضوعنا مو طليقته
موضوعنا هو الطفل أبيل المعنف من امه
و عدنا دليل يثبت هذا الشي
خليناه يشاهد فيديو ضرب لينا لـ أبيل
و شكلها الواضح و هي تضربه راشديات متتاليه
و تلوي شفايفه و تصيح عليه
راويناه صور اثار جسم أبيل
الجويات و الكرصات الي ما رايحه من ايده
مُلاذ : سيدي القاضي مثل ما شفت
هنا ام أبيل بـ نفسها تعنفه و تاذي
غير عن هذا اسمح الي اقدم الك
فيديو عن أبيل لمن عرف ابو رح يودي لـ امه
قدمنا اله فيديو أبيل و هو يبجي
أيهم يحاجي حتى يقبل يروح لـ امه
و هو رافض اشد الرفض و مجلب بـ ابو
غير عن حنية أيهم على أبيل الواضحه بـ الفيديو
بعد ما انتهى القاضي من مشاهدة الفيديو
كملت كلامي
مُلاذ : من المهم صحة الطفل و نفسيته
و المكان يلي يرتاح بي و الأمن اله
توضح النا الادله سيدي القاضي
أبيل طفل معنف و غير راغب لـ امه
و هي مصدر اذيه بدلاً من مصدر الامان
على العكس عن بقية الاطفال
يلي يتمنون يبقون بـ جانب امهم
مهما بلغ حبهم لـ ابوهم
لَكن أبيل طفل متضرر من والدته
و تكدر تشوف حنية ابو وياه
و تصرفات أبيل الواضحه هو يريد ابوه .
نهيت كلامي اطالب حضانة أبيل لـ ابوه
و اكدت تصرفات أيهم وي لينا
مالها اي علاقه بـ تصرفات أيهم وي ابنه
مقام الزوجة يختلف تماماً عن مقام الابن
بعد الادله يلي قدمناها
و بعد ما شاف القاضي الوضع
قرر اعطاء الحضانه لـ أيهم
و هذا الشي كلنا كنا متأكدين من عنده
اعتلى صوت لينا و اهلها رافضين
ما استمع الهم اي شخص بالعكس احتقروهم
انتهت الجلسه ، الكل فرحان
لان أبيل ما رح يبقى يم امه
و لان حضانته راحت لـ أيهم
طلعنا من صالة المحكمه
أيهم اجا يضحك و يسوي بـ ايده بـ معنى "yes"
طلعت لينا و اهلها وراها ، دحگتلي
اتقدمت و هي تصيح
لينا : كله من وراج يا ****
اتوجهت انظار المحكمه علينا
قبل لا توصلني جرها أيهم من شعرها
و اخوانها واكفين يهدون بي
أيهم : شحدج تجيسيها
ادفنج بـ كاعج و حق هو ابو فاضل
هادي : أيهم هدهااا وخررر
نتر راسها من ايده
اخذوها اهلها و طلعوا
المحكمه كلها تدحگلنا ، اجاني أيهم بسرعة
أيهم : معليج بيها خل تولي
مُلاذ : شوف انا شلون اهتم
أيهم : ههههههه نسيت الكدامي لَـذه
مُلاذ : مبروك لان حصلت حضانة ابنك
أيهم : احتارييييت اكحل عيوني بيج و انتِ تحجين
لو اكيف لان حضانة أبيل صارت الي
ابتسمت تك خد و انا ادحگله
أيهم : لَـذه وخري لا اروح احضنج بالغلط
مُلاذ : يمه اسم الله امشي احضن اختك
جريت هتان خليتها كدامه
و انا طفرت على صفحه ، دحگلي يضحك
جر هتان حضنها لـ صدره
اتقدموا باهر و أيمن ناحيتي
باهر : عمي صفنتيني
رح ارجع اتدرب يمج
مُلاذ : ههههههههه لا تسمعك غاده
ضحك باهر ، أيمن دار وجهه
دحك لـ أيهم گال بصوت عالي
أيمن : يا نقمه الله
گال باهر وراه : احـ...
بعده ما مكمل سد حلگه أيهم
جرهم ثنيناتهم كل واحد من صفحه
هو بنصهم و اطول منهم ساد حلگهم بـ ايده
مشينا وراهم انا و هتان نضحك عليهم
أيهم : جلاب شبيكم بس تنبحون
طلعنا من المحكمه
اول ما وصلنا يم السيارات
صاحت هتان فرحانه
هتان : خلصنا من لينا المسمووومه
كلللللللللوليششششش
التفتت أيهم النا و ضحك
جر باهر و أيمن من اذانهم
اخذهم بعيد عنا و هم يتوسلون بي يعوفهم
موكفهم ثنينهم ، لاوي اذاناتهم ويحجي
عبالك جهال فد ضحكوني على منظرهم
و هتان استغلت الفرصة تصورهم
هتان : يا يابه شلون حصلت لزمه عليهم
مُلاذ : هههههههه
هتان : بس ما يقبلون يسوولي شي
انشر صورتهم هاي
رجعوا اجونا باهر و أيمن يفركون اذانهم
و أيهم يمشي وراهم
باهر : اخ اذاني
أيمن : شنو من ايد عدك ما تگلي
باهر : ايدين الدكاتره بعد
أيمن : هاي التسويله عمليه
اذا تدخل ايدك جو جلده و تلزم معدته
الله وكيلك يموت بـ مكانه
أيهم : أيمن الجلب شسوي مدخل ايدي بـ معدته
أيمن : غير تسويلهم عمليات
أيهم : امشوا ولو كافي شكد تمسلتون
باهر : عود اجينا نوكفلك و نشد ظهرك
أيهم : شديتوه بـ تيب
ضحكت و أيهم ضحك وياي
دحگولنا تلاتثهم و واحد يغمز لـ الثاني
باهر : اي احنا نروح
أيمن لم بـ ايديه باهر وهتان
أيمن : اي يلا بعد ما يريدنا لگا بديلنا
امشو يمه خالكم ما يريدكم
اندار أيهم متخصر يدحگلهم
و انا ما اكدر ابطل من الضحك
علاقتهم تضحك و لطيفة
و هم يبسمرون بـ أيهم التفتوا سوو النا "باي"
سوينالهم نفس الشي و راحوا لـ سيارة باهر
اتقدم أيهم وكف كدامي
أيهم : شوكت عندج جلسه بعد؟
مُلاذ : ليش؟
أيهم : اريد اجي اشوفج
و انتِ تحجين و تدافعين هيج
مُلاذ : حجي مثل اي حجي
أيهم : ما شفتي نفسج و انتِ واكفه
وي هاي كذلتج النازله و تحجين بـ ثقة
و فوكاها ربحت ابني من وراج
يابه تعبت و انه احس بالفخر بيج
مُلاذ : دكتور بـ عمري ما خجلانه
و هسه جاي تخجلني بـ شرفك ما احب هالشعور
أيهم : هههههه ، ليش؟
مُلاذ : ما ادري لمن احس بـ الخجل
احس روحي فاهيه عقلي يعطل
ضحك بـ صوت عالي
أيهم : مال تنضمين عن كل الدنيا انتِ
مُلاذ : اهو دكتور دروح
ما عندي وكت اخجل وراي شغل
ضحك و انا هم ضحكت
فتحت باب السياره و هو يمي
حجيت و انا اصعد
مُلاذ : بوس أبيل هواي بدالي
أيهم : ماكو بوسه لـ ابو؟
مُلاذ : اكفخك بـ الجنطه هسه
ضحك و سد الباب مال سيارة
دنك يحاجيني من الجامه
أيهم : انتبهي لـ نفسج و انتِ رايحه
مُلاذ : تمام
لبست المناظر
بعدني اريد اشغل السياره
وكفني أيهم و گال
أيهم : انزعي المناظر
مُلاذ : ليش؟
أيهم : طالعه حلوه
مُلاذ : جا واذا
أيهم : شنو و اذا انزعيهن ولج
مُلاذ : مااا عوفهن
أيهم : بشرفج مُلاذ انزعيهن
مُلاذ : ما انزعهن
أيهم : صيري حبابه لا تخليني ابوكهن
يلعبن النفس و مو حلوات انزعيهم
رفعتهن خليتهن على شعري
مُلاذ : ارتاحيت؟
ضرب كصته و گال
أيهم : نوب بدونهن احلى
خرب حظي المصخم
مُلاذ : هسه انت شتريد؟
أيهم : اريد ترجعين لـ البيت
مُلاذ : ليش ارجع لـ البيت ؟
أيهم : مُلاذ بشرفج اليوم طالعه حلوه
بداعة العزاز ارجعي لـ البيت لا تسودنيني
مُلاذ : خاب دروح
أيهم : زين انتظري
مُلاذ : شكو؟
أيهم : انتظري
ظليت بـ مكاني و ادحك وراه
راح لـ سيارته ظل يدور بيها و يبحوش
اخيراً سد الباب و اجاني بـ ايده غراض
أيهم : اي لذه تعاي
مُلاذ : شكو؟
أيهم : شو البسي هاي
مُلاذ : ولك ليش؟؟؟
أيهم : مُلاذ حبابه يلا
مُلاذ : ما البسهن
رفعه راسه گال
أيهم : انعل ابو الفواصه
رجع دنك
أيهم : بس اليوم بشرفج
مُلاذ : ياا ولك أيهم عوفني
أيهم : يلا البسيهن
مُلاذ : تعوفني اذا لبستهن؟
أيهم : و الله اعوفج البسيهن و لا تنزعيهن
جريت الكمامه من ايده لبستها
و لبست الكاسكيته جبيره على راسي
دحكت لـ وجهي بـ المرايه
انداريت اله لا عيوني لا خشمي لا حلكي
مختفيه ملامحي الي يشوفني
عباله داعشيه و متنكره و رايحه افجره
مُلاذ : ولك أيهم ولك
شنو تريدهم يسجنوني عبالهم داعشيه
أيهم : شو تخبلين
مُلاذ : باع الكاسكيته شكبرها
أيهم : جيبي اصغرها هاي انه البسها
مُلاذ : راسك شكبره بكد راسي ٣ مرات
أيهم : الفوصه تتنمر
صغرلي الكاسكيته و انطانياها لبستها
أيهم : بـ داعة ابوج لا تنزعيها
نزلت الكمامه و عضيت اصبعي معصبه
هو هم سوا مثلي و عض اصبعه
أيهم : انجلبنا كمنا نعضعض اصابعنا
مُلاذ : سوالفك مو بس تجلب الواحد
تخلي يتسودن شبيييك
هسه انا شلون اخلص شغلي هالشكل
أيهم : عادي لَـذه عادي
مُلاذ : عمي دروح رح اموت من الخنكه
نزعت الكمامه
أيهم : الا تطلع براطمها
مُلاذ : معليك بيهن
أيهم : ابقي بالكاسكيته و المناظر
اتنهدت و هزيت راسي بـ قبول
شغلت سيارتي و طلعت و هو وراي
حجا بـ صوت مسموع
أيهم : طحت بـ وحده بس الله يكدرلها
ضحكت و كملت طريقي
نزعت الكاسكيته دحگت شعري مهوس
رجعت لبستها مرة ثانيه
مر يومين من بعد هاليوم
اندك باب بيتنا طلعت اشوف منو
دحگت لـ عمي الغثه واكف بالباب
احمد : شلونج بنيتي؟
دحگتله بـ استغراب
مُلاذ : هلو
اجت امي وراي تسأل منو
و انا صافنه عليه
احمد : جنج رح تبقيني بـ الباب
ردت اگله شعندك جاينا
و طلعت امي ترحب بي و تگله يتفضل
هو هم ما گال لا گبل دخل و انا اخزر بي
اتقدم دخل بيتنا ، التفتت لـ امي
مُلاذ : شبيييج شنو يتفضل ؟؟
فيروز : مُلاذ عيب امي يبقى عمج
مُلاذ : **** على هيج عم
فيروز : ادبسزززز انا اعلمج
خزرتها و دخلت جوه
دحگتله كاعد على القنفه
الي يشوفه يگول البيت بيته
عفته و دخلت لـ الغرفه
دحگت للـ التلفون لمن رن ابتسمت
لمن شفت مكتوب الاسم "ام سوادي"
رديت على الاتصال و گلت مبتسمه ..
مُلاذ : اتفضل وياك المستمعة الى المخابيل
دام الصمت لـ ثواني
و فوراً انمحت ابتسامتي
لمن سمعت نبرة صوته
أيهم : مُلاذ
صوته مبحوح و مشحرج و هادء
شلون كلهن اتجمعن ما اعرف
مُلاذ : أيهم؟ شبيك
تنهد ، سكت لـ ثواني
مُلاذ : أيهم شبيك ؟
احس نَفسه يرجف
گال بـ خفوت و صوت تعبان
ألايهم :احتاجج ، لميني مُلاذ انا تطشرت
كعدت عدل احس راح كل حيل بيه
خفت عليه الف احتمال اجا بـ بالي
مُلاذ : وين انت شبيك شصاير؟!!!
-منتظرج بـ الفرع الي يمكم
-أيهم شلون اجي عمي هنا
-لميـني
كالها يجر الكلمة بـ تعب و هدوء
سد الاتصال دخيلك ياربي شصاير!!
التوتر و الخوف احتل گلبي
لبست اي شي كدامي
لان ملابسي مو مال اطلع بيهن
طلعت من الغرفة ، اتحمحمت
مُلاذ : فوفو غادة جايه هي وباهر
و واكفين بـ الفرع ناسيه ملف قضية بـ سيارتي
فيروز : وين تطلعين بهذا الوقت ؟؟
- ماما والله خطية
اجت مناك لـ هنا
فيروز : خو گليلها تنزل؟
مُلاذ : ما تقبل
احمد : و شني بويه مبتليه بيها انتِ؟
رفعت حاجبي و دحگتله
مُلاذ : وكفت ويانا هي و امها اكثر من الگرايب
الي تكترو على صفحة و ضمو روحهم
وكت محد جان النا بس الحمدلله
الله لا يعوزنا عرفنا ناسنا على الاقل
ظل ساكت و يدحگلي ما عاجبه
و انا سطرتهن ابسمر ، امي تغمزلي
تدك على رجلها ، تخزرني بس ماكو فايدة
ما يرتاح گلبي اذا ما ارده
مُلاذ : يلا فوفو انا رايحة و ارجع بسرعة
احمد : شني عمي حتى ما اخذتي موافقتي؟
دحگتله بـ استهزاء
هذا من كل عقله !
مُلاذ : ما اعتقد انت حملت بيه ٩ شهور
و ربيتني و سهرت وياي لمن تمرضت
و داريتني و تعبت عليه ،
هالاشياء كلها امي سوتها ما دام فيروز موجوده
ما يحق لـ احد يحجي شي يلا يمه انا رايحه
هياتني بـ الفرع هنا انطيها الملف و اجي
ادحك لـ امي بعد ما تدري شتسوي حتى تسكتني
لا غمزات فادت و لا تاشير و لا دك على الرجل
لو ما أيهم جان تربعت اله و كعدت اعد و اصف
و اطلع ضيم گلبي ، بس أيهم اريد اروح اله
عفتهم و طلعت اسمع امي تگول لـ احمد
امي : ههه تتشاقى ما قصدها شي
هزيت ايدي ، طلعت بـ الباب
دكيت على أيهم : بعدك موجود؟
أيهم : امم
سديت الخط ، رحت امشي سريع
ياما يوصلني و اشوف شبي شفت سيارته
دخلت ركض لـ الفرع وصلت يمها
فتحت الباب و صعدت
دحگتله مصدومة دموعه تصب
متجي راسه على الكشن
مُلاذ : أيهم ! أيهم شكو؟
عبس شفته گال روحه شايغه
أيهم : مات مُلاذ مات
دك على رجله ، بـ ايده سبحه
وجهه احمر شعره مخربط ، دمارات وجهه ناطة
انرعبت منو ميت !
مُلاذ : منو مات؟؟
دمع و حجه بروح رايحة
أيهم : تذكرين الحجي ؟
هزيت راسي بـ قبول
مره سولفلي عنه عدهم بـ المستشفى
أيهم : مات اليوم جنت كاعد يمه
و طلعت روحه كدام عيني
اهتز جسمه يبجي ، يضرب على رجلة حيل
و على صدرة ، السبحة بـ ايده
بحيث صدره صار طبع خرزات السبحه
خبلني بس اريد اوكفه و اهدئه
و هو منهار يضرب و يبجي ، مفرفح
أيهم : مُلاذ عافني بعد المن اشكي
جان ابوي و اخوي جان ابووي
مُلاذ : اشش اهدء أيهم
بس على كيفك وي نفسك حباب اهدء
حسيته طفل ينوح
ما يدري شيسوي ، حاسه بـ هذا الشعور
خسارة اعز شخص على گلبك يسلب روحك
الأيهم : شكيت اله على حبج
لج شكيت اله على لوعاتي عليج و واساني
بعد ياهو اليواسيني يدك جتفي
و يطمني بـ دُعائه تصيرين من نصيبي
مات كدامي مااات ما عالجته مات
مُلاذ : بس اهدء الله يخليك
حد يومه قدر هذا ما تكدر تغير شي
انت سويت العليك صارلك سنين تركض بي
و بس تريد يطيب بس هذا حد يومه
الرجال جبير
ظل منزل راسه يبجي
فد انقهرت ظليت لا اخذ و لا انطي
أيهم : جان ابوي
-الله يرحمه
أيهم : جان يحبج حتى وهو ما يعرفج
و من اگله سواياتج بيه يگلي تمون
مُلاذ : اهدء الله يخليك
هسه دفنتوه لو شنو ؟
هز راسه بـ قبول
مُلاذ : الله يرحمه ما يجوز هيج تاذي روحك
ترا هو الرجال خطيه انت مو تكول جان مريض؟
مو صحيح جان مريض؟
أيهم : اي
مُلاذ : و الله هسه ارتاح
هو صح خطية بس أيهم المرض يدمر
و الله هسه ارتاح و هو بـ مكان افضل
أيهم : جنت مخلي بـ مقام ابوي
مُلاذ : اعرف عيني بس لازم تتقبل
بالعكس سوي اله ثواب
و خلي الناس تدعي اله بالرحمه
فرك صدره و تنهد ، مسح دموعه
بلع ريگه هز راسه بـ قبول
أيهم : تمام
دورت بـ عيوني
لگيت اكو بطل مي بـ سيارته
انطيته يشرب ، هز راسه بـ رفض
مُلاذ : لـ خاطري
اخذ بطل المي شرب شويه ورجعه
نزلت من السياره انداريت لـ جهته
مُلاذ : غسل وجهك افتح ايدك
خل ادور بيها مي و غسل وجهك
مد ايديه درت مي بيهن
غسل وجهه سديت بطل المي
رفعت عيني دحگتله
مُلاذ : انزل شم هوا
أيهم : ما اريد
مُلاذ : حباب اتنفس خنكه السياره
أيهم : فاتح الجام
هزيت راسي بـ قبول ، رجعت صعدت ويا
انطيته كلنس نشف وجهه
مُلاذ : هسه صرت احسن؟
گال بـ صوت مبحوح
أيهم : اي
التفت دحگلي عيونه حمر
أيهم : يلا روحي ارجعي لـ البيت
مُلاذ : شلون اعوفك هيج ؟
أيهم : مابيه شي
مُلاذ : زين دحك افتح اتصال
لحد ما توصل لـ بيتك يلا تسده
ها شگلت اقبل حباب ترا اظل قلقانه
هز راسه بـ قبول
دكيت عليه و جاوب نزلت من السياره
مُلاذ : انتبهه على نفسك
هز راسه بـ قبول
أيهم : يلا روحي
مُلاذ : مو تكطع الاتصال
أيهم : تمام
رجعت لـ البيت
دحگت لـ عمي يريد يطلع
مُلاذ : مع السلامه
هز راسه ، عبرته و دخلت
رحت لـ غرفتي خليت تلفوني على اذني
ظل هدوء بـ سيارته دقايق
بعدين انفتحت قصيدة و سمعته يبجي
عبست شفتي ضايجه عليه
اتذكرت لمن مات ابوي
اتحجرت الدموع بـ عيوني بلعت ريگي
استمعت لـ القصيدة يلي مشغلها
"وينك أسأل عليك إبكل كتر ... وينك
كل عمري عايش أنتظر ... وينك
ما ظل على إفراقك صبر ... وينك
عمري شمعه و ذابت بـ نار انتظارك
ليل صبري يرتقي بـ طلعة نهارك "
رجفت شفتي ظليت ساكته
و هو يبجي بـ حرگه من كل گلبه
حتى ما اكدر امنعه اعرف حركة الگلب
لمن واحد يكتم اشبهه بـ شخص ينجوي و ما يبجي
لمن بلغني هو وصل لـ البيت ارتاحيت
بقيت وياه على الاتصال و اسمع امه تحاجي
تريد تفتهم شبي هيج ما حجالها طمنها مابي شي
سمعت باب غرفة ينفتح
أيهم : تكدرين تسدين الاتصال وصلت
مُلاذ : لا خل اظل وياك
أيهم : لا تشفقين عليه
بس لان جنت احبه هواي هيج صار بيه
مُلاذ : أيهم !!! ما شفقانه عليك
ليش هيج تفكرني
ظل ساكت انا هم سكتت
رجع كام يسولفلي شكد جان يحبه
و يذكر مواقفهم سويه و يبجي
و انا اهدي بي و اسمع اله تدريجياً بدأ يقل كلامه
لحد ما اختفى صوته و سمعت صوت انفاسه عاليه
مُلاذ : أيهم ؟
ما جاوبني رجعت كررت هم ما جاوبني
مبين نام ، نزلت تلفوني و سديت الاتصال
و انا ادعي الله يرحم الحجي
و يصبر گلب أيهم مبين كلش يحبه
هتان :-
هدوء البيت و الراحه النفسيه يلي بيهه
بعد ما خلصنا من لينا المخبله
فتحت تلفوني
دحگت لـ منشور جديد لـ جسار
ابتسمت بـ فرح
و فوراً استغربت ابتسامتي الواسعه
سديت تلفوني ، گمت طلعت من الغرفة
نزلت دحگت لـ أيهم واكف كدام الشباك
حاله من ايام تعبان گال لـ امي الحجي مات
و امي انفجعت و ضاجت ما اعرف الحجي
بس سامعته يحجي عنه و يحبه كلش
بعدني ما مكمله نزلة الدرج
دحگت لـ ابوي يلي دخل البيت
صوت خطواته واضح انصدمت
نزلت اريد اسلم عليه ، وكفت بـ مكاني
لمن التفت اله أيهم و دحگله
أيهم : انت شتسوي هنا؟؟
- بيتي و رجعت اله
أيهم : ارجع منين ما اجيت !
- ما ارجع لـ مكان
أيهم : اطلع روحك هنا هسه
اررررجع منين ما اجيت
- لا تخاف بعد ما اقتربت منها
أيهم : و حق الحق انحرك فهمت لو لا!
اذا لمستها لو لمست شعره منها انحرك
- ما نحرتني من قبل هههههه
أيهم : بختك بـ امي
بس لا امي و لا اي احد يوكف بـ عيني
اذا لمستها اذبحك بـ مكانك
ابتسم ابوي بـ خبث
اقترب على أيهم بـ خطوات خفيفة
وكف كدامه و هو مخلي ايديه بـ جيبه
گال كلمات خلت أيهم يتخبل
- يا ترا شنو ردة فعلها لو عرفت
انت ابن الچتال التدور عليه؟
ضحك ضحكه طويله بـ صوت عالي
مما سبب الجنون لـ أيهم و بـ حركه سريعه
خنك ابوي و خلاه على الحايط
ضاغط على خوانيكه ظليت مصدومه
و رجليه تجمدن بـ مكانهن ! ...
يتبع ...
لا تنسى التصويت بـ نجمة +
التعليق بين الفقرات 🩶
**************