غموض جارنا

بارت 2

رواية |غموض جارُنا|

الكاتبة سناريآ

قناة التلي https://t.me/nurse2_4

أرينا: فزيت من سمعت صوت وهو يگول

_شجاي تسوين هنا

رجعت بسرعة ليورا وباوعت گدامي شفت رجال فوگ السطح مال بيت جيرانة الجديد بس ما جان نفس الشخص الشفتة اليوم لان ذاك جان مدري شيحفر بالحديقة

رد كرر سؤالة وهو يگول باستنفار

_شسوين هنا وليش تراقبين بيت جيرانكم اهلج ما علموج هذا الشي عيب

جاوبتة بوتر واني بودي انطم من الفشلة

_ها انا.... اني ردت اتعرف على جيرانة الجديدين بس

باوعلي باستنقاص ورد مستهزء

_اني الاعرفة الي يريد يتعرف على جارة يروح يدگ بابة مو يتختل بالسطوح ويباوع

دنگت راسي وگلت بفشلة

_اسفة بعد ما اكررها اعذرني

باوعلي بنظرة غريبة وگال ببرود

_ نصيحة الج لا تبحوشين وادورين بشي ما يخصج علمود لا توگعين بمشاكل انتي بغنى عنها

_تما.. تمام راح اروح

رحت تا ادخل جان راسي ينضرب بالباب گمت احجي بعصبية انت شجابك هنا مثل الاثول دخلت معصبة واسمع صوت الرجال من وراي يضحك

رحت نمت وگعدت العصر شفت ساعة خمسة نزلت جوا لگيت بس حزيران واندلس بالبيت وحزيران گاعدة تسوي دولمة سألتها

_اگلج حزيران وين البيقة

_امي وايوية معزومين يم عمي سامي وامجد راح هو وسمر يتعشون برا ويمكن يروحون عالمولات يعني ما راح يرجعون الا بالليل  وآسر بالمحل گال بالستة يجي

شفت اندلس مطلعة اغنية كورية وترگص عليها مثل المخبلة ومعصبة عبالك تريد اطير من الرگص وعصبيتها راح تكسر الگاع اتقربت منها وگتلها

_شبيج اندي ليش معصبة

_ كلشي ماكو ومنو گال اني متعصبة

ردت حزيران بملل

_يمعودة عوفيها هاي متخبلة لان امجد ما وداها وياه وزعلانة لان ما راحت عالمولات مدري شبيها جنها عجوز هسة رجال وخطيبتة انتي شعندج رايحة وياهم

_اني مو عجوز وهسة آسر من يجي اخلي يوديني على عنادهم

شالت موبايلها وصعدت فوگ باوعت وراها شفتها لابسة تنورة وقميص مثل الانمي وشعرها گاصتة قصير علمود تصير مثل الانمي هاي حياتها وعشقها بس انمي وكوريين خطية ماعرف على منو طالعة احنا عائلتنا ابد ما تحب الاغاني بس هي

تنهدت ورحت يم حزيران اباوع عليها شلون تلف بالدولمة هي اكثر وحدة بينا تعرف تطبخ ودائما الطبخ عليها كلش تحبة تعتبرة فن مو شغل كملت وحطتها عالنار

عفتها و رحت اقرا قرأن نص ساعة وسديتة شفت آسر رجع جان بيدة كعك وببسي رحت علي شفتة نزعة حذاءة ودخل عالصالة بهدوء حرفيا كل تصرفاتة يسويهن بهدوء باوعلي وگال بإبتسامة

_ شلونج أرينا محتاجة اروح اجيبلج شي

ابتسمت رحت حضنتة وگلت

_بس اريد سلامتك

طبطب على ظهري وگال

_راح اروح اسبح لما يصير الاكل وناكل سوية

هزيتلة راسي وهو راح وعافني

تمددت عالقنفة سرحانة ورا وقت طويل نزلت اندي تهوس وترگص لان امي مو بالبيت وما تمنعها نزل آسر وهو يسد باذنة بسبب ازعاجها بس ما يگدر يمنعها

وما طفت الموبايل الا من صيحت عليها حزيران

جهزت حزيران الاكل تعشينا وهاي اندي شكد تلغي صرعت راسي اخذت غيبة كل صفها ومدرساتها وتگول هاي حامل وذيج راح تسافر بالعطلة ووحدة كاشفة مرت اخوها تسوي سحر ووحدة ابوها متزوج على امها مادري احنا شدخلنا بالناس ولامة المشاكل على راسنا

لو امجد هنا جان ما حجت ولا حرف بس لان اسر كلش لطيف وحباب فما يسويلهة اي شي بس يبقى يضحك عليها كملنا العشا رحت غسلت المواعين واندي نظفت الصالة والمطبخ

كملت ورحت ارتاح بالصالة جت اندي تتلوگ يم آسر

_اخوية الكفو تعرف شكد احبك وحتى احبك اكثر من امجد

_ احجي شتردين

_لا ليش تحجي هيج ما رايدة اي شي بس ماطول سألتني عفية حباب گوم طلعنا شوية نرفه عن نفسنا ونتونس وشتريد اسويلك حتى لو تريد انظف غرفتك

شكد جذابة الكوبرا تعرف آسر ما يحب احد ينظف غرفتة وهو بس ينظفها بس تريد اطلع نفسها شاطرة 

_ يالا گومن بس كلشي ماريد منج ولا تدخلين غرفتي

_مفهوم تدلل

طلعت تركض تبدل وهي تصيح احبك اخوية الكفو
رحت سبحت وبدلت لبست فستان صيفي حلو لونة اصفر هادء وشال ابيض وحذاء ابيض نزلت شفت حزيران لابسة بنطلون جبينز وقميص لون وردي وحذاء رياضي وحاطة مكياج وشعرها فاتحتة واندي لابسة بنطلون اسود وتيشيرت اسود وحذاء كذالك الاخت متأثرة كلش بالكوريين

اخذنا آسر وفررنا شوية بالمولات والشوارع واشترالنا بوشار من رحنا للكورنيش كلش تجنن الاجواء

بس بطريق رجعتنا انصدمت شفنت جارنا الجديد سلم علي آسر وعرفت اسمة آدم عزمنا على موطة بس آسر رفض وگال اتاخرنا لازم نرجع جان رد علي ان شاء ألله غير مرة

باثناء حجينا  لاحظت عليه  بس يباوعلي بنظرة وكأنه يعرفني ما ادري اني اتخيل واشوفة هيج او يمكن تذكرني من ساعدني

اترخص منا واحنا رجعنا هلكانين شفت امي وابوي راجعين وامجد هم سلمت عليهم وصعدت فوگ نمت عالچرباية واني افكر هو بعدني يذكرني لولا رجعت بافكار للماضي لليوم الشفتة بي

قبل 8 سنين

گاعدة يم آسر وفرحانة واحجيلة شنو راح اسوي من نروح عالخوالي بالقرية هم ساكنين بقرية وبغير محافظة يعني بعيدين كلش ومو هواي نزورهم

بالنسبة الي كلش افرح من نزورهم لان احب اجوائها والناس الساكنين بيها حياتهم هادئة كلش

باوعت لحزيران لگيتها زعلانة وتتأفأف لان ما تحب تروح هناك ما تحب بنات خوالي مادري ليش ولا حتى القرية تگول ادمر بشرتي واني بس اصفن عليها ما ادري شنو يعني ادمر بشرتها وشلون

نزلت اندلس الغيارة شافتني گاعدة يم آسر گامت اجرجر بي وتصيح بعلو صوتها المزعج لعابتي لعابتي تريد كل الاهتمام الها

اتقرب منها مسح دموعها وهي تزيد ما تنقص شاف لعابتها ايدها ضايعة خطية بقى يدور عليها واني مچلبة بايدة ابد ما اعوفة كلش متعلقة بي ورا ساعة يالا لگى الايد

رجع گعد بمكانة يقرا كتاب واني رحت يمة نزل بابا من فوگ وگال يالا كملتوا امي گالت اي بس لما امجد ينزل

نزل امجد شايل جنطتة والاناقة فول بس هو يحب يتفاخر لان يدرس مرحلة ثانية قانون

قفلنة البوب وطلعنا وقسمنا نفسنا نصنا بسيارة بابا والنص الاخر بسيارة امجد صعدت اني ويا آسر لان صعد ويا امجد والطريق كلة بس احجي وهم ساكتين بس آسر شوية يحجي وياي

وصلنا ورا ساعة ونص جنت كلش فرحانة وبس اريد انزل

نزلنا واستقبلونا بيت خالي الصغير لان هو باقي ويا بيبي واحنا راح نبقى يمهم دخلنا جوة وسلمنا على بيبي و مرت خالي وبناتها اني عندي اثنين خوال وما عندي خالات يعني عندي بس من غير جدة مو كلش نختلط بيهن

ورا ما گعدنا وارتاحينا امي گعدت يم بيبي ومرت خالي وبقن يسولفن وبابا يم خالي بالاستقبال طلعت ادور اخواني شفت حزيران گاعدة يم بنات خالي هنة خمس بنات اكبر وحدها عمرها 15 صاحوني بس عفتهم ورحت ما احب گعداتهن

شفت اندلس متعاركة ويا الجهال ولازمتهم دگ كتل بعدها توا جت وبدت ادور مشاكل

ما لگيت امجد يمكن طالع طلعت بالباب شفت آسر يلعب طوبة ويا الولد

رحت اركض باتجاهة فرحانة  جريتة من قميصة وهمست باذنة

_آسر آسر اني هم اريد العب وياك

باوعلي مبتسم وگال

_روحي اگعدي هناك يم الشجرة وشجعيني تمام

هزيتلة براسي وگلت تمام رحت گعدت واشجعة بصوت عالي وفرحانة لان سجل اربع اهداف وفاز

بعد حوالي ساعة كملو لعب وراحو الولد وبقو بس ابن خالي الصغير عمرة 19 وائل وابن خالي الكبير عمرة 16 مصطفى وآسر

اتقربو باتجاهي جان يگول آسر بابتسامة

_تونستي شوفتي اخوج البطل فاز علمود

_ اي اي هواييييييي وانت كلش حلو تلعب

رد مصطفى وگال

_لعد واني ما العب حلو شو بس تمدحين باخوج

جاوبت ببراءة

_انت هم تلعب حلو بس اخوية احسن

گامو يضحكون على كلامي وتفكيري واني صافنة اباوع عليهم باستغراب

گال وائل وهو يمسح على شعري

_ها ولج زهيرة شلونج ليش ما تجين علينا شنو ما تحبينا

رديت بسرعة

_لا والله مو هيج بس عندي دراسة واذا ما تصدگ اسئل آسر مو آسر احجيي حبابب

رد آسر بضحكة

_شحدة ما يصدگ

دخلنا عالبيت وجان الغدة جاهز تغدينا ووا ثلاث يام من روحتنا عليهم

بنات خالي گالن راح نروح خارج القرية والكل كيف گالو بس احنا البنات نروح ويا بنات القرية وقت العصر سألت بنت خالي وين يروحون گالت نروح عالاراضي الزراعية وهيج للونسة وناخذ ويانا فواكه وحلويات

رحت گلت لامي علمود اروح ما وافقت بس بقيت اتوسل وبطلعان الروح يالا وافقت ووصت حزيران والبنات علمود يديرن بالهن علي

رحت جهزت نفسي واني فرحانة لبست فستان قصير وجبت جنطتي مالت الظهر وين ما اروح اخذها وياي

صار العصر ورحنا احنا البنات صرنا حوالي 12 مشينا وصرنا خارج القرية ما جان اكو اي بيوت هناك

وصلنا للمناطق الزراعية جانت فارغة تجنن ومرعبة بنفس الوقت

اكلنا هناك بسكت وكرزات صارت مثل السفرة

ورا ما كملنا  البنات صاحني علمود نلعب سوا وكلش تونست
جان بس صوت ضحكاتنا مالي المكان اجمل سفرة جانت عندي من رحت وياهن ما تتعوض بحيث رجلي تعبن من الركض عفتهم و رحت ابتعدت بمكان هادئ علمود ارتاح ومادري شلون اخذتني النومة

گعدت مفزوعة من نومي اتلفت بالمكان جانت الدنيا مغرب الشمس غايبة باقي ضوة خفيف

گمت من مكاني بفزع واني ارجف من الخوف  دورت البنات ما لگيتهن

اتخبلت وصرت اصيح بعلو صوتي

حزيران.... رواء وينكم اطلعو لا تخوفوني حزيران وينج اطلعي حبابين اطلعو ترا گمت اخافففف اطلعووووو اكانةةةة لا تخوفونيييي

ما جان ينسمع بس صوت صدى كلامي بالمكان والصوت صار يخوف اكثر بسبب الهوى العالي

صرت ارجف من الخوف ودموعي تنزل اركض ادور منا ومنا ما لگيتهم گعدت بالگاع وصرت اشهك بالبجي ما ادري شسوي

فجأة حسيت بهوة بارد طير فستاني اتلفتت بالمكان ما لگيت احد بس بنفس الوقت احس نفسي مراقبة

مسحت دموعي و گمت نفضت ملابس گلت لازم ارجع ما يفيد البجي صرت امشي وامشي ودموعي تنزل ورجلي يرجفن ما اعرف كلشي عالمكان ووين ما اباوع ما الگى غير الزرع

واني جاي امشي وصلت ليم بناية مهدمة كلش قديمة من الطين بلعت ريگي واني اسئل نفسي هاي جانت موجودة بطريقنا من اجينا اريد اقنع نفسي واگول اي بس دموعي نزلن بيأس عبرت من داخلها وحياطينها احس جاي تعيط جسمي صار مثل السعفة ردت اسيطر على نفسي بس ما گدرت من باوعت گدامي و انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت

_لا تصيحين ديري بالج

جسمي يبس من الخوف اريد اتحرك ما اگدر حسيت انسحبت ليورة واختفينا ورا الحياطين بالگوة باوعت وراي وشفت ولد عمرة حوالي 20 سنة

اشر بايدة بمعنى اشش

هزيت راسي واني دموعي تجري مثل الشلال

وخر ايدة واني بالگوة رت انطق

امانة عوفنييي اني ضايعة لا تموتنيي خايفةةةة ما اعرف شجاي يصير

سوالي بايدة بمعنى اسكتي رجع خطف نظرة من الحايط
وبسرعة وجه نظراتة علي صفن بوجهي وكانة جاي يفكر بموضوع كلش مهم عض شفتة وگال بصوت شبه ينسمع

_تشوفين ذني رجعت اباوع عالگدامي واني اشوف اثنين بنات وشعرهن كلش طويل وما يبين اي شي من وجهن وحدة جانت تمشط بشعرها والاخرى تسوي حركات غريبة بيدها

رجع همس باذني و گال كلامي ما انساه طول عمري

ذني من الجن بس متشكلات بهيئة بشر

باوعتلة بصدمة ردت اصرخ من الرعب ما مصدگة السمعتة بس الحمد الله جان بعدة حاط ايدة على حلگي

رد حجى بهمس

_راح اطلعج منا بس لا تسوين صوت ابد اذا تريدين تعيشين فاهمة

وخر ايدة واني نفسي كلش ضاق لزمت ايدة وگلت بتوسل

_شن.... شنو من الجنننن عفية.... لا تحجي.. هيج... اريد امي ا.... اريد امي

_اششش اسكتي اذا تريدين تطلعين منا اسمعي كلامي انتي مبينة من قرية *********

هزيتلة راسي وهو لزم ايدي وطلعني من وين ما رجعت جنت لازمة بايدة وكانة حبل نجاة الي بهاللحظة وكل ما اريد اتلفت ورا يمنعني

مشي مسافة شوية ومن ابتعدنا گال

_راح نركض ركض بكل قوة

لازم ايدي واني احس راح اختنگ من التعب صرت بالگوة اسحب النفس

بقى يركض وما وگف الا من وصلنا لبداية القرية وگف وهو يتنفس بصعوبة وگال

_خل ارتاح شوية وبعدها اروح

بقى حوالي خمس دقايق ووراها راح وعافني بقيت اباوع باثرة منو هذا الشخص وليش ساعدني وحتى ما يعرفني معقولة هو هم مثل ذنيج البنات

عفت المكان وكملت ركضي لما دخلت عالقرية ابجي واركض شفت بالطريق بابا وآسر وامجد وولد خوالي رحت اركض عليهم حضنت بابا واني ابجي بصوت عالي وهم يحضنون بية

امجد شالني وودوني عالبيت واني الطريق كلة ابجي بصمت وحاضنتة قوي يعني موقف يشيب الراس اني سامعة قصص قبل من امي وخالاتي بس مثل الشفتة اليوم  ما توقعتة حقيقة

وصلنا عالبيت وامي جت تركض تحضني وتبجي هي وحزيران وبيبي حجيت الشفتة للكل بس ما ادري صدگوني لو لا

عرفت البنات بعضهن راجعات من وكت وحزيران عبالها اني راجعة وياهن لان مدورة علي وما لاگيتني بقيت الليل كلة گاعدة وحاضنة آسر وخايفة ثاني يوم امي گلت راح نرجع وفعلا رجعنا علمود صحتي وجان ذاك اليوم ابد ما ينسي

فزيت من صفنتي شفت الساعة صايرة بالوحدة اوه اني شكد بقيت افكر عدلت مخدتي ودخلت عالم النوم

اندي: من بعد اخر موقف صار وياي ويا البو البايسكل صرت يومية اشوفة يمشي وياي بس يكون راكب بايسكلة ويمشي مسافة بعيدة شوية وبطيء صار حوالي اسبوعين وهو يومية يس يمشي وياي

بيوم من الايام جنت راجعة وراسبة بالامتحان وامشي بعصبية واتعارك ويا ذبان وجهي لان اعرف امي ما راح تخليها تمر بسهولة شفت ابو البايسكل يمشي وياي كلش عصبني وغثني

رحت علي وگلت بعصبية

_انت شتريد مني يومية لاحگني هاااا

رد  بهدوء استفزازي

_اني ما جاي الحگج وامشي عادي بالشارع هو مو بس الج

_تريد تمشي امشي بعيد من يمي فاهم

_تمام بس لا تتعصبين على كيفج

_شنو لا تتعصبينن شايفني مخبلةةةة

_هسة انتي شتردين جاي امشي مثل الاوادم متقرب عليج حاجي وياج كلمة

كلامة خلاني افور فور رجعت اكمل مشي جان حجى بهدوء

_احم ممكن اسألج سؤال

_لاء واحسلك ابقى بعيد من يمي

_ زين شوفي شرايج اصير الحارس الشخصي الج  لان انتي بنية وما يصير تمشين وحدج يومية وكلشي ما اريد منج بس اسئلج سؤال واحد كل يوم

_لا شكرا اني احمي نفسي ما محتاجة مساعدتك

ما ادري هذا مخبل لو شنو شجاي يحجي حارسج مدري شنو هو اني وين اعرفك بس يمكن الاوادم تخبلت

رد حجى بهدوء

_خلينا نجرب من اليوم واذا ما عجبج راح اعوفج

گتلة بنفاذ صبر

_وشنو المناسبة خوية روح وعوفني ما ناقصتك

_اني طريقي بعيد واضوج من ابقى امشي وحدي فليش ما اساعدج هم احصل اجر وهم انتي تستفادين

_وليش ما تاخذ تاكسي او تلزم سايق شكلج امبين من عائلة عدها فلوس هواي

_ما احب السيارات والباصات بس اعشق البايسكلات

_وشنو ما عندك اصدقاء

_محد يطيقني يحسوني مغرور وابوية ما يقبل اصادق اي شخص وباعي اني ما راح احجي وياج انتي راح تمشين بطريقج واني امشي بطريقي بس كل يوم واحد يسأل الثاني ثلاث اسئلة

_اممممم.......يالا نجرب مثل ما گلت لازم تمشي بعيد علي وما تسئل بس ثلاث اسئلة واذا ما ردت اجاوب على سؤال فما راح اجاوب عليه

_تمام موافق

وهيج استمر يومية يمشي بعيد علي صار جزء من يومي جان من يغيب احس بخنگة مو قصة حب ولا شي بس جان اول صديق بحياتي ابد ما مصادقة احد من قبل صداقة حقيقية لا بنات ولا ولد جان اذا يشوفني معصبة يعرف راسبة وينطيني كلام تحفيزي قبل كل امتحان

عرفت اسمة وليد ويدرس صف سادس وعمرة 19 وبس عايش هو وابو وحدهم بس ابو غني وما يقبل يكون عندة اصدقاء مدري يصدگ مدري يجذب بس من طريقة لبسة الي كلة ماركات احسة يصدگ

اليوم صار شهر من عرفتة طلعت من المدرسة متحمسة لان ناجحة بامتحان الكيمياء وامي مسوية دولمة شفتة جي من بعيد ببايسكلة مدرستة قريبة على مدرستي ابتسم وگال

_السلام عليكم

_ وعليكم السلام

كملت مشي واني مبتسمة وامشي بنشاط

_شعجب اليوم فرحانة

_لان ناجحة بالامتحان وامي اليوم مسوية دولمة يعني الفرحة فرحتين

_ها نيالج

_ ليش مشتهي اجيبلك باجر

_ لا لان عندج ام تطبخلج

_ ليش امك وين متوفية؟!!!

_ لا

_لعد وينها

_ تطلگت من ابوي واني عمري سنتين واني بقيت ويا ابوية

_ ليش ما رحت وياها وبقيت يم ابوك لعد

_هي ما رادتني

_هييي بس ليشش!!!!

_ مادري

_هم تشتاقلها

گال بابتسامة

خلصت اسئلتج هسة وقت اسئلتي

_ تمام شكد خبيث

_ انتي شنو ما عدج اخوان

_ لا عندي بس ليش تسأل

_لان دائما اشوفج ترجعين وحدج وانتي بنية شنو ما يخافون عليج

_ هههه ما يخافون علي يعرفون ذكية وخبلة وشغلة ثانية اني دائما اروح بالطريق البي محلات هواي وتكون الافرع شعبية لان اكثر امان واصلا اني ما احب احد يوديني ويرجعني قابل صغيرة

شفت نفسي وصلت فرعنا واني ما حاسة بالوقت سلمت علي ورحت دخلت البيت

غزل: جنت گاعدة برحلتي وصافنة على نفسي السادس خبلني وكرهني بالحياة

دخلت المراقبة تصيح تگول المدرسات عدهن اجتماع والدرس الاخير ما ناخذ اي شي

هنا البنات تخبلن وصار الصياح بغلس كل كم بنية سون مجموعة بيهن يغنن وبيهن يسولفن وخابصاتني بالفنانين

طلعت من الصف امشي بهدوء وتعبانة كلش رحت گعدت بمكان معزول بالساحة وافكر اليوم يجي آميد علمود يشوفني وينطيني مصروف كلش مشتاقتلة صار هواي من مسافر

اتنهدت وبديت استرجع بذكرياتي  لعائلتي الي كانت تتكون من اب شفتة مرة بحياتي وام يومية طابة طالعة وعايشة عالمخد**رات اهل غير مسؤولين ما يهتمون بس بنفسهم وحياتهم الخاصة

جان عندي اخوان اثنين الجبير احمد وهذا جنت اصيحلة بابا والصغير اسمة اسمر جانو يعاملوني كاني بنتهم ما يخلون الهوى يمسني عالرغم من التعب والظلم الي جانو يواجهونة بس جانو دائما يحاولون يملون مكان امي وابوي وما احس بالنقص

بعمر 8 سنوات بيوم من الايام الما انساهة دخل واحد علينا   وگال لامي رجلج وجهالج انكتلو لان يگولون رجلج كاتل ابن واحد عندة عصابة ويتاجر بالممنوعات ومنتقم لابنة

اني بذيج اللحظة تخبلت من سمعت كلامة جنت اعرف كلش زين شنو هو الموت ما صدگت بجيت بجي مو طبيعي مو على ابوية بس على اخواني جانو شباب بعدهم واحد عمرة 23 والثاني 21  صح جنت صغيرة بس بذيج اللحظة عرفت شنو الموت الحقيقي وشنو تخسر عائلتك والاشخاص التحبهم احس كبرت اسرع من عمري بقيت يومية گاعدة بالباب انتظرهم يرجعون مثل كل مرة بس ما طفو نار گلبي ورجعو

ورا ثلاث اشهر امي عافت البيت وعافتني وراحت وبعد ما شفتهة بقيت لمدة يومين بالبيت وحدي ما اعرف شاسوي صرت اكل الخبز اليابس الحاطينة بالبيتونة ويا الفيران ومي ما شربت ما اگدر افتح الحنفية تعذبت بهالومين وحسيت بقيمة العائلة والاخوان محد سأل علي لان اصلا امي وابوي تحسونهم مگطوعين من شجرة

باليوم الثالث گعدت على صوت الباب جنت گاعدة بالصالة وجسمي مكسر ما اگدر اگوم بس اسمع صوت الباب يندگ ردت اصيح واعيط بس ما گدرت شفايفي جانن جافات كلش بحيث حتى دم طلع من عدهن ما جان عندي غير الدعاء بهاي اللحظة ما ردت يروحون ويعوفوني اموت وحدي

غمضت عيوني باستسلام واخر شي سمعتة صوتة الباب وهو ينكسر

من گعدت لگيت نفسي ببيت جارنا ابو علي اخذني يمهم وعشت يمهم كل هاي السنين عائلتة جانت ثلاث ولد واربع بنات وزوجتة جانو جهالة اخواني بالرضاعة لان امي من صرت ما رضعتني فآسمر جان يوديني يم ام علي علمود ترضعني وكبرت كل هالسنين وياهم انطوني حنان وعطف وما قصرو وياي بكلشي بس بقت غصة خواني ما تفارگني لهاليوم

جان آميد صديق اخواني من الطفولة كل شهر يجيني  وينطيني فلوس ويشوفني شمحتاجة ومن اسألة منين ذني ما يجاوب واذا سألتة على اخواني ومنو قتلهم يگول كلشي يبين بوقتة وهيج استمرت ايامي ورا كم سنة تزوج وگام يجيني هو وزوجتة اسمها حواء كلش حبابة وعلى نياتها الله عوضني بيهم وبعائلة ابو علي لولاهم جان الله اليدري اني هسة وين

سمعت صوت الجرس رحت اخذت جنطتي وطلعت اتمشى للبيت وحدي

جنت صافنة عالرصيف واحسب بالطابوگات بس فجأة فزيت من شفت بطريقي جلب والمصيبة بقى يمشي وراري اني هنا خفت دخلت بغير فرع وشفت بنية تمشي وحدها اتقربت منها وصرت امشي بصفها هي التفت على واني نزلت راسي متفشلة

باوعت عالجلب وضحكت گالت: تخافين منة

گتلها بفشلة: اي كلش اكرهم

لزمت ايدي وصرت امشي وياها البنية جانت كلش حبابة واجتماعية عرفت اسمها اندلس وهي وياي بنفس المدرسة بس صف ثالث وصلت بيتنا وهي كملت طريقها دخلت عالبيت جان هادئ حرفيا هاي العائلة محد يعرف شصاير بالثاني كل واحد بس بغرفتة 24 ساعة بنات ابو علي الكبار اثنينهن تزوجن وابنة علي كذلك تزوج وطلع بيت وحد باقي بس بيداء وهاي عمرها19 سنة وتكرهني ما اعرف ليش والبنية الثانية نرجس عمرها 12 وهاي المدللة مغرورة بس حبابة و اوس عمرة 24 و سامر عمرة 21 والولد هم حبابين وخوش ولد

رحت على غرفتي سبحت وبدلت ونزلت للصالة شفتهم مجهزين الغدة گعدت وبدينا ناكل سألني عمو شلوني لان يگول وجهج تعبان رديت علي

رديت بهدوء: لا بابا الحمدلله زينة بس تعبانة من الدراسة

گالت خالتي : على كيفج بنيتي ترا صحتج اهم من الدراسة

جاوبتها بابتسامة: لا يمة لا تخافين ان شاء ألله منا ورايح اكل زين واهتم بصحتي

اوس راد يغير من نفسيتنة فگال: شرايكم اليوم اطلعكم اعشيكم بمطعم لان صار هواي ما طالعيت

هم كيفوا وبالاخص نرجس

اخذنا العصر ورجعنا ساعة10 رأسا دخلت غرفتي من التعب

استمرت الايام ومن يوم تعرفي على اندلس صرنا صديقات وصرنا نروح سوية وتعرفت على وليد هم فصرنا نروح ونرجع سوية وكلش فرحت بيهم لان اول مرة يصير عندي اصدقاء
______________________

حزيران: مر شهر على جارنة الجديد بهذا البيت وزهراء الثولة صارت من تشوفة تظل تصفن علي وتوزع ابتسامات واني بس ارزلها واگوللها اعقلي وثگلي وهي اطبب منا واطلع منا

جنا واگفين ننتظر السايق وبين ما جاي احجي ويا زهراء طلعت سمر جان وياها حارث اني من شفتة گلبي گام يدگ سريع گال اليوم اني اوديكم لان السايق عندة ظرف مهمة ردت ارجع للبيت وما اداوم بس تذكرت عندي امتحان

صعدت بقلة حيلة وگلبي يرجف ما اگدر اسيطر عليه سيارتة ريحتها جانت تجنن وتلمع لمع وباردة ثلج بقيت طول الطرق اباوع مم الجامة واسوي نفسي ما مهتمة لما وصلنا للجامعة  وراح يالا حسيت نفسي رجعت طبيعية

اخذنا محاضرات وخلص الدوام بسرعة بين الامتحان والمحاضرات ومن رجعنا اجا السايق اخذنا لان خلص شغلة جنت متمنية حارث هو يرجعنا وبنفس الوقت ما اتحمل ابقى وياه بنفس المكان شنو هالمشاعر الغريبة 

وصلنا البيت بس قبل ما ندخل حجت سمر كلام خلتني اتمنى لو مطرشة ولا سامعتة كلام خلاني احس اني وحدة غبية ما تعرف شتريد وحدة ما فكرت بالمستقبل واتعلقت بوهم اني اختلقتة

ابتسمت وگالت بنات معزومين على خطوبة حارث يوم الجمعة

يتبع......