غموض جارنا
الكاتبة يمامة
اندي
وصل يمها وگال: غزل
رفعت راسها بضياع وگالت: آسر هذا انت
_السلام عليكم
_وعليكم السلام
_شلونج
_بخير الحمدلله انت شلونك
_الحمدلله
طلعت من ورا ظهر آسر وگلت: مرحبا غزولة شلونج شنو ما شفتني
_مراحب حبي عذريني والله شوية راسي يوجعني شلونج انتي
_سلامتج عيوني اني بخير اذا انتي بخير
_حبيبة گلبي
حسيتها من طريقة كلامة كلش متألمة وحزينة رفعت راسي لآسر شفتة صافن عليها
انتبه علي واشرلي بعيونة بمعنى يريد يحجي وياها
هزيت راسي بمعنى عوفها علي
_اگلج غزولة گومي وياي خل نروح نگعد بمكان هادئ كلش مشتاقتلج واريد اشبع من شوفتج
_عذريني اندلس بس والله آميد بالطريق وما اگدر اتأخر خليها غير مرة
آسر نسى نفسة ورأسا گال بغيرة: وهذا منو
ابتسمت وگالت: اخوية
حاولت اغير الموضوع وگلت: امانة غزل بس والله خمس دقايق بين ما يجي اخوج لا تزعليني بليزززز غزولة
_تمام يالا تعالو نروح للكافتريا احسن لان الجو هنا بارد
_تمام يالا
رحنا للكافتريا وبقينا كم دقيقة وحدة تسأل الثانية شصاير وياها وآسر بس جان ماخذ دور المتفرج
حسيت بكلامها اكو غصة وعيونها بيهن لمعة عبالك تريد تبجي
لزمت ايديها وگلت بابتسامة: غزولة حبيبتي صاير شي وياج وضعج ابد مو طبيعي احجيلي شبيج يمكن نگدر نساعدج
بس كملت كلامي راسا انفجرت بالبجي ودموعها صارت ما تگدر تسيطر عليهن
آسر راسا وجهة انخطف وگال: شبيج بابا اكو شي احد ماذيج
_ماكو..... ماكو شي
_يابة لا تعذبيني واحجي شصاير شبيج منو وياج
بقت ساكتة وبس تبجي
آسر مسح شعرة وگال بتوتر: بوية احجي لا تعذبيني مو وگفتي گلبي
_غزل احجي شبيج احنا وياج يمكن نگدر نساعدج
طلعت كلينكس من الجنطة انطيتة الها اخذتة مني وبدت تمسح دموعها
تنهدت وگالت: اني تعبت ما اگدر ابقى هيج والله تعبت شوكت ارتاح كافي مليت من اني وصغيرة متعذبة ومحد يحس بية عبالهم عايشة مثل الناس العادية ما يدرون شلون يومية احط راسي عالمخدة
YOU ARE READING
غموض جارنا
Romanceواني جاي امشي انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت لا تصيحين ديري بالج لا تصيحين بقلمي سناريآ