|غموض جارُنا|
الكاتبةسناريآ
قناةالتلي https://t.me/nurse2_4
أرينا: وگفت گدام المراية اباوع لملابس كلشي تمام جنت لابسة تنورة جيبز ويا قميص ابيض وشال رصاصي وفوگاها قمصلة سودة عدلت شالي بسرعة وطلعت البس حذائي وصل لمسامعي صوت آدم من الحمام وهو يگول كملتي كلشي اتأكدي زين گتلة اي تأكدت ورجعت اباوع بارجاء الغرفة اخاف ناسية شي رحت عالصالة لگيت حسوني گاعد يم الجنط الي صارت اثنين كبار واني من جيت جانت بس وياي جنطة ظهر رحت گعدت يمة وبديت البسة حذائة انتبهت لياخة قميصة جانت ما معدلة عدلتهة الة وگفتة اتأكد من ملابس خاف متوصخات جنت ملبستة بنطرون جينز وقميص اسود وقمصلة فوگاهن الجو هنا كلش بارد
حسيت نفسي جوعانة طلعت من جنطة حسوني نستلة وبديت اكل هو من شافني تقرب علي وگال اليد انطيتة شوية لان آدم ما يقبل ياكل هواي حلويات
وگفت اباوع من الشباك عالشارع وهاي اخر مرة راح اشوفة داهمت الافكار ذاكرتي كل شي عشتة بهذا الشهر جان احلى شهر بحياتي عالرغم آدم ما اعتبرني زوجتة وعلساس هذا شهر عسل بس ما همني هذا الشي الوقت الگضيتة وياهم جان احلى وقت عندي
قاطع افكاري صوت آدم وهو يگول
_كملتي
التفتت علي لگيتة لابس قميص اسود وبنطرون اسود وفوگاهن بالطو هم اسود طالع كلش حلو صفنت علي وبسرعة تداركت وضعي وهزيتلة راسي بمعني اي
طلع جنطتة واتأكد من اوراقة شفتة جاب كرسي وگفة بنص الغرفة صعد علي مد ايدة عالسگف وطلع شي ما جان امبين واضح لان جان كلش صغير اتعجبت من تصرفة والفضول صعد عندي ردت اعرف شنو هاي الشغلة بس ما سألتة لان هذا مو قت اسئلتي
گال يالا نتوكل طلعنا من الغرفة هو سحب جنطة بيدة وشال حسوني بالايد الاخرى واني سحبت الجنطة الثانية ركبنا المصعد وهاي اخر مرة اصعد بي وصل للطابق طلعنا منة اني وگفت بالردهة ولزمت حسوني وهو راح عالاستعلامات انطاهم المفتاح واخذ الجوازات وكمل باقي الاجراءات طلعنا خارج الفندق لفحني هوى بارد كلش والدنيا ليل بس جان الجو كلش حلو استأجر سيارة ووصلتنا للمطار
وصلنا للمطار گعدنا بمكان الانتظار وگال انتظرو هنا بس اتأكد من موعد الطيارة راح سألهم ورجع گال فد نص ونقلع بقيت اباوع عالناس الي رايحة والي راجعة جانو من مختلف الجنسيات ما حسيت بالوقت من مر الا من آدم گال
_يالا أرينا
رحنا لباب الدخول كملنا الاجراءات كلها والجنط اخذوهن بس الصغيرة بقيتها بظهري وآدم جنطتة بقاها ويا
دخلنا الطيارة انتظرنا وراها صدع صوت الطيار وهو يعلن انو راح يقلع شدو الاحزمة گالها باكثر من لغة شديت حزامي وادم شد حزام حسوني من قلعت الطيارة غمضت عيوني من الخوف بس الشعور جان شوية اقل من اول مرة صعدتها فتحت عيوني انتبهت حسوني وآدم يضحكون علي گتلهم بعصبية
أنت تقرأ
غموض جارنا
Romanceواني جاي امشي انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت لا تصيحين ديري بالج لا تصيحين بقلمي سناريآ
