غموض جارنا

بارت 24

غموض جارنا

الكاتبة يمامة

أرينا

مديت ايدي اتلمس بطني حسيت بحركة بنوتي بخفة الفرحة مالية گلبي وروحي  ابتسمت واني اتذكر بعد شهرين تشرف للدنيا وتنور حياتي

فززني صوت امي وهي تگول يمة زهراء اكلي زين لا بس تشربين جاي مو زين على بنتج

_لا ماما جاي اكل لا تخافين

ابتسم آسر وگال: شوكت تشرفنا بلسومة اني اعلمها بس خل تجي ابد ما انطيج اياها راح تصير ملك خالها

نط حسوني من مكانة وگال وهو عاگد حواجبة بعصبية هاي اختي ما انتيك اياها

مسح أمجد على شعرة وگال: ولك صاير رجال لا تخاف اختك بس الك محد ياخذها

_لا أمجد عوفة مو بكيفة اني راح اخذ بلسومة واخليها تصير بنتي

_ما ما ما ما ما انتيك اياها بابا ما يخليك تاخذها

_ولك فصعون اسكت قابل بكيفك بلسومة احنا ناخذها وتصير اختنا

_ولج اندي لا تتخبلين وتخبلين الطفل وياج

_شبيج ماما جاي احجي صدگ قابل مجذبة

_اندييييي

_اهووو شبيج زهيرة ترا جاي اتشاقة وياه خل ياخذ اختة ويشبع بيها ما معطلة عليها اني هم عندي زهراء اختي

_ما زهرلاء تصير ماما مو اختج

_دشوفي يمة هسة منو متعارك اشو محد حاجي وياه ولك حسوني شوف اختي قبل ما تصير امك فاهم

تعاركو اندي وحسوني واني بس ساكتة واضحك على حسوني وتصرفاتة

استرجعت بذكرياتي لليوم الي اغمى علي واهلي ودوني عالدكتورة عبالهم مريضة بس انصدمت من گالت الدكتورة اني حامل وصارلي شهر واني مادري بذيج اللحظة صفنت بوجه الدكتورة وما انطيت اي ردة فعل ما مصدگة الي سمعتة اني حامل ومن منو من آدم يعني اني راح اصير ام ما اصدگ يعني هالطفل ثمرة حبنا اني وآدم  ما صدگت واصريت على امي توديني لغير مختبر وحللت ثلاث مرات وكلهن ياكدن اني حامل رجعت للبيت وبقيت بغرفتي يوم كامل احاول اصدگ مستحيل شلون اني حامل ومن محمد ورائد خطفوني كلش اذوني شلون ما سقطت بس يمكن ربي يريد حكمة بهالشي

رغم فرحتي جان اكو غصة بگلبي ما عرفت شنو راح يصير مصيري ومصير طفلي الي ابوه صار اسبوعين من سافر وعافني وما متاكدة اذا راح يرجع او بعد ما اشوفة بس بكل الاحوال قررت احمي طفلي واحطة بين عيوني وابقى انتظر ابوه وما ايأس من من رحمة الله يمكن يرجع باجر او بعد شهر او يطول اكثر ما بيدي اي شي غير الدعاء والانتظار

وقبل كم شهر سويت سونار وطلع بية بنية كلش فرحت من الفرحة گعدت بنص العيادة ابجي بفرح والنسوان اتعجبن علي عبالهن ما يصيرلي جهال