غموض جارنا

بارت 17

بالبداية احب اعتذر منكم عالتاخير واني كلش اسفة بس والله صار ثلاث ايام مريضة وجسمي كلش تعبان ومتكسر بسبب الانفلونزا وفوگاها ظيم الجامعة والمحاضرات الي كل وحدة ساعة ونص بحيث من اطلع من القاعة انسى اسمي

احب اعتذر مرة ثانية اذا ما جان البارت بالمستوى المطلوب وان شاءلله القادم افضل

_________________________
غموض جارنا

الكاتبة يمامة

أرينا

سمعت صوت اقدام متوجهة باتجاهي اتشاهدات وگلت هاي هي راح اموت

بس فجأة سمعت واحد صوفر بصوت ناصي وحجى بكلام ما گدرت اسمعة وصوت الاقدام بدة يبتعد

سمعت الاصوات راحت بقبت گاعدة بدون اي حركة ما اگدر اگوم اطلع اخاف بعدهم موجودين ويشوفوني وشي اكيد راح يموتوني لو تصير مصيبة وحتى اني تعبت اجفاني ثگلت وعيوني بالگوة اگدر افتحهن صرت افرگ بصدري احاول اخفف الالم بس مستحيل احسة جاي يزيد تمنيت آدم يمي بهاي اللحظة يسندني ويگولي كلامة الحنون اني وياج ما اعوفج يا وريدي الي يگولة الي بكل مشكلة تواجهني صح هو مجرد كلام بس من اسمعة احس بالامان بشكل لا ارادي

صرت اتخيل اشياء مثل واحد گاعد وياي لو واحد يضرب باب المجمدة وصوت هلاهل يمكن ذولة جن او شياطين اتخبلت صرت اضرب المجمدة اريد واحد يسمعني ويطلعني منا 

فجأة حسيت الباب انفتح فتحت عيوني بثگل شفتة آدم باوعلي بقلق وبخوف وبسرعة شالني وطلعني من المجمدة

لزمت رگبتة وگتلة بابتسامة وتعب: عرفت ما راح تعوفني

گالي بنبرتة الحنونة: اشش اري اني وياج ما اعوفج لا تحجين وتعبين نفسج يا وريدي

جانت هاي اخر سمعتها قبل ما افقد وعي وبعد ما ادري شصار

ورا مدة ما اعرف شكد گعدت بسبب حركة تمشي على جسمي

فتحت عيوني لگيت نفسي نايمة عالجرباية وآدم لازم رجلي يدهنها جان يدهنها برفق بس الالم موتني

انتبه علي من گعدت گالي بابتسامة: ها گعدتي شلون تحسين هسة

اشرت على رجلي بألم

گالي بإبتسامة حنونة: لا تخافين ماكو شي يمكن التواء بسيط هسة بس ادهنها واشدها بعلاگة علمود تعرگ رجلج وتصير زينة والعصر نروح للدكتور نتأكد من رجلج ونشوف وضع گلبج شلونة تمام

هزيتلة راسي بمعني اي باوعت للساعة لگيتها بالثلاثة ما ادري هاي جانت نومة لو اغماء

رجعت اباوع لآدم كمل دهن رجلي وشداها بعلاگة گام تقرب مني باس راسي وراح للحمام يغسل

انفتح الباب ودخل حسوني يركض جان شايل بيدة جيس جبس والفرحة مالية وجهة

اتقرب مني باوع لرجلي باستغراب وگال: ماما هاي ليش مسويتها