القتلة_لا_يحبون
قعدت تتمشى ورا المشرفة العامة تاع لوبيتال قاعدة غي تهدر و تعطي فالارشادات لميكملوش اليوم اول يوم ليها بالخدمة رغم انو والديها موفرينلها كلش بصح حبت تتكل على روحا حابة تبينلهم انو سنين الجامعة فأمريكا مراحشت باطل أنها بكفائة خوها ماشي مشروط تكون ولد باش تدخل فالخدمة معا باباها هي تاني حابة تولي ركيزتو حابة ثمثل اسم عايلتها الكبير قدام الكل لدرجة انها مستعدة تخاطر و ها هي اليوم راح تأخد خطوة كبيرة و كبيرررة بزاف فحياتها.بعد دقايق راح تواجه حاجة يستحيل على اي بنت تقبل تعملها. بصح حنا مناش نهدرو على اي بنت لراهي قدامنا ماعندهاش معنى الخوف فقاموسها نظرتها قاطعة و عقلها يوزن عشرة و لسانها حاد .
وتاني مكانتش متوقعة باباها عكس خوها راح يوافق بسهولة بيزاغ والله! امير رفض رفضا قااطع على موضوع ختو تقابل واحد مجرم او انها تتعامل معاه بأي شكل كان بصح والديها شافوها على اساس خطوة جريئة و دعموها باش تطلع نيفو والله مافمت والو لفهماتو انو هادي ظربتها الكبيرة.
عضت شافتها ملازمش سنين القراية و البحوث طروح هباء منثورا 🙏 ليق تنتاهز الفرصة.
فلاش_باك
دخلت للفاك الطلاب لتخصصهم طب و سيكلوجية كامل تماك واقف قدامهم طالب سنة ثالثة تبرع باش يكون مرشد للجدد صحاب سنة الاولى تكلم بالانجليزية على القوانين، الأوقات، الفروع...وكلش اكد علا القانون الاول هنا ممنوع الخروج فليل مكان اقامة اللولاد و البنات لازم يكون محترم تصرفات طايشة مكاش .
متخصص اللولاد كانو يسمعو بصح البنات غتاصبوه بعينيهم طويل شعرو قرفي عينيه رمادية وجهو راسم ملامح جامدة كان يهدر و هو اصلا ماشي فارقة معاه يلا فهمو و لا مافهموش يا خي كل عام يعطولو نفس الخدمة ' السماطة كون جات قراية '.
_نينا!
دارت كسمعت صحبتها تهمس كانت هي و شي طلاب عرب ما تبقى كامل اجانب .
_شوفيه كمنحوت 😍 حابة نخطفو و نحطو ديكور فبيتي نصبح عليه كليوم.
هزت كتافها بلا مبالات و تندهت يا خي واش بيهم هادو كاين بزاف عباد شابين هنا وراهم طايحين على المرشد. متنكرش انو يفتن العين من نظرة اللولة بصح عندها لتحبو❤شحال توحشاتو توحشتهم كامل باباها يماها امير خوها و بسام😍اخر مرة شافتو كانت قبل شهر كسافر لعندها و رجع بسرعة بحجة الخدمة معا باباها تبسمت لا إراديا كل مرة تتفكر اوقاتهم معا بعض
فطنت على صوت صحبتها تهزها وهي تظحك المحاظرة كملت و الناس بدات تخرج مالقاعة الكبيرة خرجو هوما تاني باش يلحقو على محاضراتهم
دخل الgeune لكان يفهم فيهم للاسونسار و ركز على الحيط وراه .
حاط يديه فجيبو قبل ما ينغلقو البيبان دخلو ثلث بنات معاه الأولى كان شعرها حمر عينين بني و متوسطة الطول و الزاوجة باينتة سابغاتو بلصفر و مكثرة ماكياج الثالثة للفتت انتباهو كانت طويلة بالطالون قريب تلحق طولو *قلنا قريب هههههه* شعرها.....عينيها خظرين واسعين و من وقفتها باينة ثقتها بنفسها عالية اكثر شي لفت انتباهو من مظهرها انو كانت واقفة عادي مجرد نظرة كي دخلت منبعد كل واحد يلهى فروحو. عكس الزوج الواقفين يشوفو فيه و يضحكو فهم من لهجتهم انهم مش جنسية أمريكية خاصة الملامح الشرقية ايه باينة.... عرب! .
هناء: شوفي شوفي البوغوص
تاع الصباح ههههه يا عجبتني لحيتاااه
وفاء:ههههههه يا عمري كون تتزوج بيا نديرلك واش تحب غي ديني و تشوف واش راح ندير 😍 دير لحبيتو عمري عندكي الوشام لفيدو و رقبتو !! باينتو واعر
هناء :واش راكي حاسبة ماريكاني باطل
وفاء:قطعني تقطاع يلا حبيت😂😍..واش قلتي عليه نينا!
دارتلها نينا حواجبها معقودين و زعفت عليها بهمس: واش كي حابتني نقول يا بنتي هاد الشي لراكي تقولي فيه عيب الطفل واقف يسمع فيكم😠
هناء/ وفاء:ههههههههههه وين بيفهم العربية
وفاء: بست البوغوص ها ديرنا لافير
الطفل شاف فيهم تبسم و دار ظحكت وفاء و شافت فنينا بنص عين : شفتي وين بيفهمنا بركي ما ثمثليلي فيها ملاك
نينا رجعت ركزت على الحيط جامعة يديها : عملو واش تحبو 😒 دقايق بعدها نحل الباب و خرجو.
نينا كانت قاعدة تتصفح فالانستا بملل دخلت لمبيريا كرونيكل كاشما تقرا(😂) ناظت وفاء تستعرض فروحا قيست فايت تسعة و لا عشرة لباسات و كلهم افضح م لي سبقو
نينا: وين بيها مسمعتيش واش قالو داك البنادم
_راه كاين حفلة التحت عملوها الشعب كامل بففف متقوليليش ماكيش رايحة ايا نوضي لبسي نوضييي
_ كفاش نلبس هادي ؟
_ بلييييز
_لا
_ بليزززززز
_لا
_بليييييييز
قبل ما جاوب نينا دخلت هناء متأنقة معا بنات هابطين وراها شهقت
_ نتي تاني؟!!
هناء: واش؟ متقوليليش ماكيش رايحة ؟؟
نينا: يمكن متعرفينيش مليح مين رانا فيامات ملي تعرفنا انا منحبش الحفلات خاصة من هاد النوع . شافو فبعضهم هزو كتافهم و خرجو تنهد بانزعاج علاش كامل اللبنات دايرين هاك اسكو هي الوحيدة بعقلها ماشي صغير هاد الحركات كاين انا فالليسي .
فوسط الشعب ليرقص و ليسكر و لعامل واش عامل شافت وفاء بطرف عينها داك المزيون قاعد فواحد مالكراسة يخرب فتيليفونو
تبسمت بخبث و قعدت حداه طلع راسو لقا لبنت لكانت فالاسونسار صباح ام الشعر الاصفر تظحك معا صحبتها قاتلو هاي شار براسو
(نظن انكم عارفين الفصحى تعني راهم يهدرو انجليزية دي مش عيزة كلام)
_ كنت اريد ان اسألك عن شيء
_ تفضلي
_بما تنصحني لازيد من مستواي في محاظرات الطب
تكلم وهو مازال يخرب فتيليفونو
_ لا اعلم ربما بعض الدراسة و قليل من الحفلات سيكون مفيدا.
و يعطيه😂كلاااش فحدو قاسو فوجها عظت شافتها و حطت يدها على دراعو بلاصت الوشام تتحسس فيه عضلاتو تقول عليها حجرة واش ياكل هاد المخلوق
شاف فيها بنص عين نفظ يدو وعوج فمو
_ اسف لست مهتما بفتاة من نوعك.
و ناظ وخلاها دخل للتوالات و شاف فالمرايا يدو قعدت ترجف شدها باليد الزاوجة و قعد يشوف فوجهو فالمرايا حل الما و شمخ شعرو و رقبتو شوية انتعاش مليحة فهاد الدقيقة.عينيه راحو لانعكاس الباب فالمراية وهو ينتحل دخلت البنت تبسم على جيهة الخطة تاعو نجحت كان عارف هاد النوع رأسهم يابس و يحبو ليجرجرهم راح تجيلو برجليها و النتيجة كيما راكم تشوفو
كمل يغسل فيديه مكانش مشكل نظرا لانو التوالات ميكست بنات و ولاد جات وقفت جنبو و هبطت غوب تحت كتافها شوية قلب عينيه بقلة صبر و كمل واش كان يدير
_ عذرا منك؟ لكن لم أستطع كبح فظولي مذا تقصد
_ لا أحب فتاة مذللة كأمثالك
_ امم ارى ما تحاول فعله هده لعبتي المفضلة ايضا
قربت منو مرة تشوف فعينيه مرة فشفاهو حاولت ثمثل القوة باش ترد كرامتها بصح ريحتو خدرتها حطت يدها على صدور و زادت قربت تبسم و قربها ليه
_من اين اتيتي
_الجزائر
_ اه ! الجزائر مكنتش عارف بنات الجزاير مزيونات هكدا .عينيها وساعو !!! يتكلم عربي قبل ما ترد يدو زيرت على رقبتها و لسقها فالمرايا وراها حتى كسرها جات تعيط غلق فمها بيدو الزاوجة و حط فمو على يدو لراهي علا فمها
_ واش دوك ماكيش حابة تلعبي؟ ماشي قلتيلي قطعني و عمل فيا واش تحب
عينيها زادو وساعو حدهم حاولت تعيط تحت يدو بصح خرجت صرخة مكتومة وكل ما تحاول تزيد تعيط يدو تزير على عنقها باش يخنقها مليح ملييح متخيلتش لدقيقة وحدة انو يفهم لغتهم يهدر العربية ؟؟!!مكاش لقالهم ! بس هادي مش المصيبة . المصيبة !!! باينتو ماشي ناوي على خير . ثواني وعينها راحو للحاجة لخرجها من جيبو يلا قالت شريط حياتها فات قدامها في دقيقة تكون تكدب الحاجة الوحيدة لخمت فيها دوك هي معجزة و كبيييييرة باش تخرج من داك الباب بروحها رجعو عينيها من جيبو ليدو و زادت فالمقاومة...
.
رايكم💭🎬 كالعادة خلعوني بتوقعاتكم😌
بلا تفاعل منكملش