زهراء عـزالدين
الذنب السابع
لـ بأي ذنب
مو تنسون التصويت++ التعليق بين الفقرات
قراءة ممتعة شباباتنا الطيبة
___________بأي ذنب..!____________
ستواجه الكثير من الفقدان; الألم الخذلان ، البكاء، المصائب والعناء فأحمل قلباً قوياً كي تنهض كلما سقطتَ!
1-10-2013- أنت مجبرٌ على النهوض
وجهي ذابل تملئه علامات الأسى ، عيناي تحيط بهما هالات سوداء لا نهاية لها!
لحيتي طولانة وما مرتبة شقراء مثل ما يسميها ياسين ما تشبه حزني والسواد الي يزين جسمي ..
لبست ملابسي ورحت للمدرسة الي اكره كل شي بيها ، يباوعن عليه وغرابة شكلي ، مشيت وحدي بالساحة واجت ميار عليه
ميار: سلام سامر
سامر: هلا ميار
ميار: شلونك؟ عطلة سعيدة
سامر: الحمدلله، هههههه ميخالف جانت كلش سعيدة
ميار: شصار وياك؟ شنو هالحزن الي محاوطك وشكلك ومظهرك متغير هواي؟ صاير شي وياك
سامر: استشهد اخوي علاء
ميار: أخوك؟؟
سامر: صديقي واكثر من أخ
ميار: اعتذر منك ما جان عندي علم، البقاء لله والك العزاء
سامر: الله يدومج، شكراً لسؤالج عني
راحت ميار للصف وفوراً بلشن يلتمن مثل المطر يهطلن وحدة ورا الثانية بعبارات التعزية
غريب كلش عالم النساء! ما تعرف بأي وقت يحبن واي وقت يكرهن!
يبدو ان جون غراي لم يخطأ حين قال ˝الرجال من المريخ والنساء من الزهرة!˝
إنهن حقاً مخلوقات من كوكبٍ آخر!!
حجيت هالكلمات بگلبي لحد ما أجت الي.. منو هذي؟ سمراءٌ ضاحكة; إبتسامتها تثير الناظر وتخلي يرغب ان يبتسم رغماً عنه!
اسنانها متراصفات بطريقة تخليني أطالبها انو ما تخفيهن أبداً! عيونها واسعات كلش يا الهي تحسون نص وجها عيون ، حلوات لدرجة هائلة! تمشي بسرعة مو طبيعية ، جانت بعيدة قبل شوي بس رمشت جفوني شوي وهاي هي واكفة كدامي تجبرني أن اضحك واحاول اخفي ضحكتي
- سلام مرحبا شلونك؟ انت سامر هذا هو اسمك مو هيج ؟
هههه هاي تحجي بسرعة هم هاي تتسابق وي شي لو شنو؟ صدك غريبة ، حاولت اضم ضحكتي بس بقيت اتبسم بالرغم من كلشي
سامر: هلا الحمدلله ، اي انا سامر بس ليش تسألين؟
- اي تشرفت بيك وفرحت بشوفتك ، اسمي إنمار بصف الرابع إنتقلت بالجديد لهلمدرسة بس شوف سمعت عنك هواي وبصراحة كدامك واحد فضولي وما كدرت امنع نفسي من شي وتمنيت اتعرف عليك لانك مشهور من اول يوم والكل تحجي بيك !ئك
تحجي بسرعة بدون لا تتنفس حتى! اريد اضحك، دخيلك ربي شكد تضحك ، بقيت ساكت اسمع الها وهي تحجي بدون ما توكف وكوة تتنفس وانا الاثول مبتسم تلقائيا بدون ما انتبة!
إنمار: وسمعت هم انك كئيب ومنطوي وما تحجي هواي وعصبي شبيك يحضي هي شبيها الدنيا
وهم گالوا أنك ما تضحك ابد بس شوف كاعد تبتسم هسه وما اعرف ليش تكول جنك واحد اهبل اسفة بس ما اعرف الزم نفسي
بس ابتسامتك معناها الي يگولونه مو صحيح لأنك كاعد تضحك!
يا ربي هاي مستمرة تحجي بدون ما توكف شلون اسكتها هاي
سامر: إنمار ، منين اطفيج؟
أنمار: شنو؟؟!
سامر: ههههه ماكو شي بس اوكفي وانطيني مجال احجي
أنمار: خوش خوش انا أسفة بس هم گالولي هواي عنك وأنا ما جاي اكتم فضرلي
سامر: ليش
أنمار: لان راح انفجر اذا ما گلتلك بي
سامر: هههههه مرة قريت عبارة مضمونها ˝بطن الأنسان كبيرة يستطيع كتم العديد من الأسرار بداخلها˝ فأنت كتمي الي تسمعينة بداخل بطنج
أنمار: لا لا لا ما كدر
سامر: ليش، لازم بطنج زغيرة
أنمار: ما اسمحلك انا عظامة ، بس انا احشيها بس اكل
سامر: ههههههه تمام ميخالف عود بعدين گوليلي كل شي ، بس هسه سمحيلي احجي
أنمار: احجي بس من هسه نحن صرنا اصدقاء مو صح
سامر: أصدقاء! أنا وأنت؟
أنمار: اي ليش اكو شي؟
سامر: لا بس انا اكره الصداقة
أنمار: اعرف بسبب خذلان لمياء ،كالولي ربعنا كل شي
سامر: انا ماعندي ثقة بداخلي حتى انطيها الج
أنمار: استقر عيني ترى كلك على بعضك سامر لا تتناطح ، انا راح اخليها بداخلك على كولتك مرة ثانية ، ومتأكدة اسويها
سامر: وشلون راح تسوين هيج
أنمار: معليك شغل نسوان
سامر: ههههه لا صدك احجي
أنمار: دهر فرك ضحكتك حلوة
صفنت بوجها رجعتلي ذكريات هالكلمة ياسين وضحكاتة ومن جنت اخوفة ويكول اويامن دهر فرك اشتاقيتلكم يا لوعتي الماظن تطيب
أنمار: وين صفنت
سامر: شلون تخليني اثق بيج
أنمار: راح أصونك وأحميك من لساناتهن ما أسمح لأي وحدة منهن تأذيك او تحجي وياك
سامر: ماكو داعي راح يكرهنج ويحاولن يقرهنج وياذنج بس ابتعدي عنهن
أنمار: ما يكدرن يسون شي لأن انا قوية كلش ، اطمن وهسه انت موافق او لا ؟
سامر:راح اوافق بس ما احجيلج اي سر عني
أنمار: مو مشكلة موافقة ووعد اني اكون صديقة مختلفة وما اخلي الحزن يدنالك
كلامها ضحكني هي ما تعرف ان الحزن هو اوفى أصدقائي لان هو الشعور الوحيد الي ما تخلى عني أبداً
صرنا أصدقاء أنا وإنمار ، بلشت تجي إلي بكل فرصة وبكل فراغ وتقضي كل وقتها وياي ، صارن البنات يخافن يتقربن مني او يزعجني بسبب وجودها المستمر يمي
إنمار مثل الفراشة تحوم وتحوم طول الوقت عليه وكأني زهرتها المفضلة! جنت كلش سعيد بيها وبإهتمامها هذا
تفهمني بدون ما احجي ، تعرف حزني وضعفي ، تعرف جروحي وأوجاعي رغم انا ما گلتلها أي شي عني ، صارت حتى تحس بجوعي هم! وصارت تجهز الي أكل كل يوم وتجيبة الي للمدرسة ونكعد ناكل سويه
أنمار: ساااااااااامر ولك ساااااامر
سامر: ها إنمار ها، لا تصيحين تراني اسمعج ومنا طلاب صوتج
أنمار: أعرف تسمعني ومعليك بالطلاب بس ما أگدر احجي بهدوء مثلك! جبتلك شوربة عدس انت تحبة
سامر: صدك
أنمار: اي ، شوف سويتة بإيدي
سامر: بأيدج
أنمار: ما تصدكني
سامر: لا اصدكج ، بس هي هنا المشكلة، انو انت مسويتة بإيدج
أنمار: ليش؟شنو بي؟
سامر: ماكو شي انا بس راح اتوكل على الله واكله وأنتِ من ارجع للبيت إتصلي بالإسعاف حتى ياخذوني للمستشفى
أنمار: تضحك عليه!؟ هو غير انا اسوي اكل يخبل، بس هو مو ذنبك ذنبي تعبت رويحتي الحلوة وطبخت الك ، ما تاكل وخر يالله...موت من الجوع
سامر: ههههههههه وخري لج اتشاقة وياج انطيني الشوربة راح اكلها هي والماعون
أنمار: لا تاكل الماعون خايب ما الي خلك اتصل بالإسعاف
سامر: هههههههه يالله ناكل عزيزتي
أنمار: احوووو
ثلاث أشهر وي إنمار ، نسيت بيها كل همومي وحزني حسيت من صدك انرزقت بأخت ترجع الي كل الأوقات الحلوة الي ما كدرت احضى بيها
أنمار أختي الي ما جابتها أمي الي ما اعرف امي اصلا بس نكول اخت انطتنياها الدنيا مو مجرد صديقة! رجعت الي ثقتي بالناس ورجعت افكر ان الدنيا بخير وبيها ناس طيبين
مرت الشهور الثلاثة وما حسيت بيها كأنها أيام قليلة ، بس ما جنت ادري أن البنات يسون وراي مشاكل جانن مقهورات من إنمار هواي
بلشت الإشاعات تنتشر بالمدرسة أن اكو علاقة حب تربطني بإنمار
صرت ما اكدر اكعد وياها وحدنا حتى لا يسيئون الظن بيها ، ما تهمني نفسي وشنو يحجون عني الي يهمني سمعتها لان هالبت نقية ومااريد يإذونها
صديقتي وأختي ومن واجبي احميها ، بديت انزعج من كلامهم ونظراتهم النا ، حاولت ابعدها عني بس هي ما جانت تنتبة لشي!
تضحك وتمرح وتتشاقة طول الوكت وتحاول بكل جهدها ترسم الأبتسامة على وجهي..هي بنية نقية ما تشبة هذا العالم!
مرت الأيام الأخيرة من الامتحانات حاولت شكد ما اكدر انو ما تعرف باللي يگولونة عنها وشنو يفكرون بي لحد ما خلصت امتحانات نهاية السنة بخير
بدت العطلة وبلش مشوار أنمار بتملك كل وقتي لأنها تتصل بي كل صبح ومسية معاملتني معاملة الاكل وتتصل بي بكل وجبة وبكل وقت ما تعوفني أبد
صارت تعرف كل شي عني وعن حياتي وأخواني الي ما بقى منهم بس محمد وذكريات ياسين وعلاء
كعدت تعبان هذا الصبح يوجعني شي بصدري اكيد گلبي ، تعودت احجي وي محمد اول ما اكعد اتصلت علية هواي ما رد هو ملتحق صرت اخاف واتأذى الى ان يرد
سويت گهوتي وكعدت اگلب صفحات كتابي بالطارمة صغيرة ومسوي على جهة حديقة وورد ومخلي كرسي وطاولة صغار جان علاء يحب هالمكان ويكعد جوا شجرة الكابرس الي زرعتها اول ما انتقلت لهذا البيت وهسه كبرت وصار ظلها يغطي الحديقة
عقلي متوكف عن التفكير وكأنه انشل مؤقتاً..لحد ما اجاني اتصال إنمار الي قاطع هدوئي مثل العادة ابتسمت وانا أجاوبها
أنمار: سامر شلونك؟
سامر: صباح النور هلا إنمار الحمدلله، صاير شي؟ تحجين بهدوء مو مثل العادتج؟
أنمار: لا ماكو شي، إشتاقيت الك وردت ازعجك شوي
سامر:ههههه افتقدت ازعاجج هاليوم
أنمار: لا تخاف راح ابقى دوم أزعجك
سامر: عمي راضي بهذا
أنمار: سامر أريد اطلب منك طلب
سامر: أطلبي عزيزتي
أنمار: أريد احجي لأختي عنك ، لان دوم تسألني وي منو احجي وانا كل مرة اجذب ومااكدر اجذب عليها اكثر من هيج
سامر: وين وعدج إنمار
أنمار: انا على وعدي صدكني ، بس اختي الأستثناء الوحيد لان انا ما اضم عنها شي ، سامر هاي مو مجرد اخت بالنسبة الي هي صديقتي الوحيدة وكاتمة اسراري ، لا لا هي عالمي كله!
سامر: توعديني اختج ما تحجي عني لأحد
أنمار: اي اوعدك بهذا لان هي كتومة كلش أكثر مني
سامر: تمام گليلها ما عندي مانع
أنمار: لككككك لك صدقة شحلاتك شكراً شكراً
سامر: ههههههه رجعت إنمار
أنمار: حروح احجيلها هسه هسه
سامر: روحي خوية روحي
.........
إنمار
سديت التلفون ورحت بسرعة لأختي
إنمار: أمنيات
أمنيات: ها حلوتي
أنمار: راح احجيلج كلشي
أمنيات: عن شنو
أنمار: عن الي دوم تسأليني عنه
أمنيات: تمام أسمعج
____________________°
هلو شلونكم شخباركم حبيت اشخبر عليكم حتى متكولون ما شخبرت علينا 😏
اي عيناي شنو رأيكم بالشخصيتين الجديدات الي دخلو ع الخط شنو احساسكم شيكول
البارت نزل بمناسبة نجاح طلاب الثالث الحلوين ابطالنا الكفو بارت خفيف لطيف
ونختم هالبارت بكلام
ملا سلام: كلنا بالنهاية ذكرى فأحسنوا ذكراكم🌿
كونوا بخير🌿