بأي ذنب ..!

الذنب الثاني..!

_____________بأي ذنب_______________

زهراء عــزالدين
الذنب الثاني 
لـ بأي ذنب

مو تنسون التصويت++التعليق بين الفقرات

قراءة ممتعة شباباتنا الطيبة

________________°

١٩٨٩-مايو- ولدتُ مكسوراً

من بعد اخر جلسة والدكتور راد يعرف قصتي الي ما گلت تفاصيلها لاحد حتى دكتور جمال انطيتة مجرد معلومات عادية عني 

اليوم أجيت ناوي احجيلة كلشي دخلت وبعد سلام وكلام

ابتسمت للدكتور وأنا أسترجع ذكرياتي قبل سنواات

آلآبـتسآمة ليسْت دآئـمآ سَعـآدة بـل آحيـآنآ هـي مـجرد تخَـطيّ للآلـمْ ، ‏لأن الذكريات هي ندبة في صدري، تجعلني في كل مرة أوشك أن اطمئن لأحدهم أتذكرها ويأكلني الفزع..!

سامر: طفل صغير، للتو بدأتُ اعي ماذا تعني هذه الحياة كنت فقط في السابعة  من عمري بدأتُ حينها الاحظ إهتمام جيراننا بأبنائهم وخوفهم وحرصهم الشديد عليهم !

اهتمامهم يلفت نظري كثيراً ويثير التساؤلات في ذهني؟

أستمر العب برا البيت ببستان قريب من بيتنا لحد ما يخيم الظلام ، لا يفقدني احد ولا يدورون عليه وين انا اصلاً ما يهتمون ان صار وياي شي او لا!!

اشوف الظلام يحوم حوالي ما اعرف طريق البيت تهيألي بعيد كلش ، انا مااشوف بيتنا ابد !

بچيت بخوف ورعب وصوت الجلاب الي بدت تنبح من ظلمت الدنيا تثير مخاوفي البرد قارص جداً اضم نفسي بين الشجر واحضن رجلية لجسمي

احتضن نفسي واهدأ من خوفي رغم صغر سني !افكر بوقتها ماكو شي يصير الي اذا بقيت هنا يم الشجر لحد ما تطلع الشمس او اهلي يدورون علية ويلگوني جنت اتأمل 

فتحت عيني الصبح انا بالمستشفى وشاديلي كانونة بأيدي وجيرانة يحجي وي الممرضة التفت عليه واتحمد الي بالسلامة

أبو حسن: يا بوية الحمدلله على سلامتك خوفتني عليك لگيتك متجمد بالبستان بمچانك ولشتك وحلجك أزرك من البرد ومشمور اعلى الكاع الحمدلله وليدي  هسه انت زوين وهذا الطبيب كال ما بيك شي يالله نرجع للبيت اذا تشوف نفسك ماهوطيب تحچى نشوف صرفة

هزيت راسي ما بي شي

اخذني جارنا للبيت وبقى يعاتب اهلي على اهمالهم وعدم اهتمامهم بي

سامر: بس ليشششش مو مهتمين ليش ؟

بلشت اصيح وابجي وانا اگول ليش والدكتور يحاول يهديني

الدكتور: تحب ناخذ استراحة بعدين نكمل

هزيت راسي ورجعت نظرت اله وعيوني كلها اسـئلة وحجيت

سامر: هي مو أمي؟ هذا الي أعرفة وأعرف هم أن الأمهات مقدسات ؟؟ فركت راسي بقوة كل هذه التساؤلات تمزق تفكيري

بس مثل كل مره ما اكدر اجاوب عليها ، كانت تاخذني زوجة ابو حسن بين مدة ومدة تسبحني وتوكلني لان بقية الأطفال يتنمرون عليه

لأن مو نظيف وتطلع مني ريحة ، ام حسن جانت تشفق علية لان تعرف ما ينطوني اهلي اكل ولا يخلوني اسبح حتى

ومن ارجع للبيت نظيف وشبعان يعنفوني اهلي هوااي لان رحت لجوارينا ، يشگگ خدي من الضرب ، ابوي جسمة كلش ضخم يكدر يسحگني جوة رجلة

لحد الأن اتذكر ضرباتة الي توجع وأيدة الجبيرة وأصابعة الي تنطبع على خدي

جانوا  جيرانة يسمعون صوت صراخي وبجيي  العالي جان كل يوم يجون يحجون وي ابوي بس للأسف اكو فايدة ؟ اكيد لا

- كافي عنه يا ابو سامر اتقي ربك هذا طفل صغير عجيب هذا ضناك شلون تسمح لنفسك ان تضربة بهالعنف ما عندك گلب يا رجال ؟؟ اتق الله بي رجاءا

- يا ابو سامر اذا متعاجزين منه كولي وانا اخذة اربي عندي وهاي اوعدك ما تشوفة بعد

والي يسوي ابوي يعيط عليهم ويتعارك ويسد الباب بوجهم كل يوم بس هم مستمرين يجون ويرجع علية يضربني وما يعوفني لحد ما اطيح مغمى علية

مره من المرات اتذكر جنت كلش جواعان ورجعت من المدرسة تعبان اتذكر ماخذ بالأملاء 8 وانا وكم طالب  ماخذين 8 البقية كلها راسبة واقل لان الأمتحان من 8

واجيت فرحان انطيت الدفتر لامي هي بس شافتها بدون ما تسألني من شكد ضربتني على راسي بالجدر الي جانت توها حاطتة ع النار وبي زيت طاح منه على ايدي

تدري دكتور لحد الأن كل ما يمر هالموقف ببالي تجيني رجفة الألم نفسها ، وعلى بالك اكتفت لا وانا اتلوع من الألم كعدت تضرب وتضرب

حمت السچينة وخلتها على ايدي اليمين وكالتلي كل ما اشوفها بعد ادرس واجيب درجات عالية وبيومها بقت تحجي هم عايش علة على گلبي وهم درجاتك زبالة مو زين ومخلينك بالمدرسة وانت اول وتالي ميت جلب حقير وبلشت تضرب اقوى وانا اصرخ من وجع ايدي وراسي

الدكتور: ما عرفت شنو سبب عصبيتها بهذاك اليوم

سامر: جانت معصبة من ابوي قبلها بيوم اجا من الشغل معصب وشافها كدامة وكعد يضرب بيها دماها ادمي وانا من خوفي لبدت ورا الكنتور بس لكاني وكتلني

الي خلاني استغرب مو ضربها ولا الچوية لان متعود الي استغربتة ان ما يوم هم اهتمو لدراستي جبت درجات ما جبت مو مهم رحت للمدرسة او لا ولا ملابسي مغسولة ولا دروسي محضرها وي امي

اصلا حتى جارنا سجلني بالمدرسة وي احفادة من بعد الحاح مميت وي اهلي بس حتى ياخذون المستمسكات مالتي وي اهلي ويسجلوني بالمدرسة
شنو الي خلاها هسه تهتم بي

الدكتور: كمل شنو صار بعدين

سامر: شالتني وطلعتني برا البيت انا من حلات روحي ركضت لبيت جيرانا ابو حسن بسرعة زوجتة عالجتلي ايدي وسولفت الها ليش ضربتني

اتذكر حضنتني وخلتلي اكل والعصر اخذتني للمحل اشترتلي الي اريدة هم جانوا ناس على كد حالهم لان جان ابو حسن يبيع جاي ولبلبي بالشتاء وبالصيف عصير نومي بصرة وجاي

شفت نفسي مرات هواي وانا مقتول بعيون أهلي بس اتجاهل هذا المنظر وما يگدر عقلي الطفولي يستوعب لان ببساطة هم جابوني لهذي الدنيا

لذلك ما جنت اصدگ حجم الكره الي اشوفة بعيونهم كُـل يوم رغم الحوادث الهواي الي تجاوزتها ونجيت منها بمعجزة ألهية لسنوات الأ انها خلت جواي خوووف جبير منهم

ببساطة لان هم الي شمروني بنص هذي الحوادث وما تحركوا وأنقذوني جأنوا يتمنون موتي بس بطريقة مختلفة

ما يريد بيها انو يستخدم ايدينه بل استخدام القدر ولسوء حظة فقد كان القدر يقف معي ويعارض مخططاتة بشدة!

وصرت بعمر الـ ١٤ بس بعدني على هذي الحالة وطفولتي تتمزق أمام ناظري مابين الضرب والعذاب والجوع والهرب

بيوم من الأيام اجاني وكال ان البيت محتاج لهواي اشياء ضرورية والاكل هم خلص ولازم اروح هسة اجيبهم

جانت الساعة تقريباً بالتسعة بالليل وماكو اي سوك مفتوح بهاي الساعة بس الي يبيعون بالشارع !

الوضع سيء كلش ببغداد ، الميليشيات المسلحة تفتر بالشوارع والإرهابيين محتلين البيوت ويسطون عليها ويتخلصون من الشباب المعارضة وحال البلد بأسوء حال

طلعتي بهذا الوقت بالتحديد امر خطر كلش يمكن يؤدي بحياتي واموت ويمكن ماارجع للبيت بعد ما اطلع

بس هم مااكدر اعترض أوامرة بسبب الي راح يسوي بيه لو اعترضت! 

طلعت مجبور اتلفت يمين ويسار ، الخوف من ظلمة الشارع والرعب من الي ممكن يصير وياي وأفكار سيئة كلش تجتاح تفكيري

الى ان طلعت سيارة تمشي بسرعة من وحدة من الشوارع وصاعدين بيها زلم مسلحين!!

ركضت لما شفتهم وضميت نفسي  ورى حايط بس بسبب تصرفي هذا كدر واحد منهم يشوفني ورجع
السيارة بأتجاهي ونزل منها!!

عرفت انو جاي علية ، طاحت الفلوس من ايدي ،واتجمدت بمكاني للحظة ،خفت انرعبت ما اعرف شنو اسوي وما خطر ببالي اي فكرة غير اشرد

ركضت بسرعة بكل ما عندي من طاقة بس هو ما تركني واستمر يركض وراي!!

ركضت وركضت برعب بس رجلية بعد ما تسعفني لانها تشافت قبل يوم من الكسر الي صار بيها بسبب ضرب ابوي الي!

طحت ع الگاع ولازم رجلية وألمها الفظيع دمرني
رفعت راسي وما اشوفة الأ وهو واگف گدامي ولحگوا اصدقائة!

زلم يخوفون ومغطين نص وجهم بقطعة قماش سودة متلفة، روسهم مليانة شعر ، ملابسهم مهيلكة وقذرة!

حط ايدة على چتفي ولزمني بقوة بينما انا احاول ارجع ليورا ، حسيت وكأني راح أواجة اسوء شي ممكن يصير الي بحياتي!!

شالني من الأرض وأمر البقية يشيلوني يمكن هذا رئيسهم هيج شي

شالني واحد منهم بكل سهولة لان انا ما كان عندي جسم ، كل الي عندي شوية عظام متراصة تشكلت على هيئة انسان

سدو حلگي وعيني بدون ليحجون اي شي ، مشت بينه السيارة لمدة تقريباً عشر دقايق ، بعدين وگفوا رجع الرجال شالني مرة ثانية على چتفة

بعدين گعدني على شي صلب مجوف من تحت كأنه مكسور يمكن كرسي قديم!

بعدين حجة وياي بنبرة مزعجة : شكد عمرك يولد؟

بلعت ريگي بخوف وجاوبتة انا بعمر الـ ١٤ سنة

ضحك بصوت عالي وكال: بس انت جنك لعابة!! جسمك ناعم تكول طفلة شلون تسوي واهس!! ليش جنت تشرد منه ؟ شنو جنت تسوي ويامن جنت لان جنت تعرج وغمزلي

سامر: طلعت اتسوك لأهلي ومن شفتكم خفت منكم وارتعبت فشردت

وانا احجيلة ليش شردت سمعت صوت رجلين جاية يمي بسرعة ! وكلها لحظة ضربني بقوة على وجهي وبقى يضربني

- انجب لك تضحك على منو ها تتسوگ لأهلك مو بالله شتسوگت راويني شو ما أشوف شي 

يطيحني بالأرض ويرفعني ويرجع يضربني ، بس انا ما كنت احس بغرابة الموضوع لان هذا الي جنت اتوقعة منهم

الحلو بالموضوع اني متعود على الضرب ههه وخاصة هذا النوع من التعذيب وجسمي متلائم وي هيج ضربات ويتلكاها برحابة صدر!

استمر الوضع هيج لمدة نص ساعة الى ان سمعت صوت رجال ثاني اجا وهو يكول

- كافي تكتلونة جيبوا للحديقة البرانية نحتاجة هناك  اليوم الونسة للصبح

تساءلت بيني وبين نفسي شنو الي محتاجيني بي؟ وبلحظة تساؤلاتي شالوني واخذوني للحديقة

لما وصلنا شمرني وكعد يمي ، شال القطعة السودة القماش عن عيني ، فتحتها ولكيت رجال واكف كدامي وهو يبتسم ابتسامة قبح صفرة مقزز منظر ابتسامتة!

الي شفتة انو هو استعد بجسمة القذر حتى يمارس حاجتة القذرة والحيوانية وياي بقيت صافن شلون شخص بهالضخامة يكدر يسوي وي طفل هيج شلون فكر!!

انا ما جنت جاهل بهيج موضوع لأن جان ابو حسن ياخذني ويا للجامع وهناك يلقون محاضرات وبعدين ابو حسن يكعدنا نحن ويحجيلنا الأشياء الي ما لازم نسويها والصح والغلط ومحاضرات ويعلمنا القرأن والاحاديث النبوية وكلشي يخص الدين

نزع بنطرونة وصار يتقرب مني 

احسستُ وكأنني أسقط من اعلى الهاوية لأجد نفسي ما بين قمامة البشر! فقبحهم هذا لا يشبة شيء سوى قمامة! وها أنا على حافة تلك الهاوية اللعينة ، لا أعلم إلى أين أمضي.. هل أمضي إلى الوراء حيث هؤلاء الذئاب الذين كادوا أن ينهوا على ما تبقى بداخلي من براءة .. أم اقفز من تلك الهاوية لأرى وجه الله الكريم.. أنا حقاً مرهق للغاية.

باوعت بالمكان بتركيز بلكي اشوف شي يساعدني اشرد ، راحوا بقية الزلم وما بقى بس هذا الي ما ينتمي للبشر ولا يقربهم بصلة

ضل يتقرب مني ويحاول يلزمني  بلش يمسد بأفخاذي وانا خايف بعدين تقرب وبلش يعصر بطني!

تقرب وخلى وجها القذر برقبتي بدأ يعض بيها جنت منقرف واحاول اقاومة بس طفل بجسمي المريض وي ضخامة جسمة ماكوا اي نوع مقاومة

- ريحتك حلوة كلش جاي تخليني أفقد وما اكدر اسيطر

الدكتور: تعرف ان هذا الحيوان البشري مصاب بالبيدوفيليا

سامر: بيدوفيليا؟؟ شنو هذا ؟ نوع من الامراض النفسية

الدكتور: البيدوفيليا يا سامر  Pedophilia، او الغلمانية، هو اضطراب الولع بالأطفال، اضطراب اشتهاء الأطفال أو مرض عشق الأطفال هو يكون  اضطراب نفسي بشنو يتميز؟

يتميّز بالانجذاب والميول الجنسي للأطفال من كلا الجنسين أو وأحد منهم؛ وهم الأطفال الرضع إلى الأطفال في سن 13 سنة غالبا.

ينتمي عشق الأطفال لمجموعة من الاضطرابات العامة في التفضيل الجنسي

ويتم إطلاق العديد من الأسماء عليها، منها: الانحراف الجنسي
واضطرابات الرغبة الجنسية
واضطرابات التفضيل الجنسي
ويعد الاسم المتعارف عليه حاليًا هو الخطل الجنسي (Paraphilia)

سامر: انزين هذا المرض خطير

الدكتور: اكيد يعد عشق الأطفال أحد أهم هذه الاضطرابات، وعادةً ما يحدث قبل البلوغ الجنسي أو في بدايته

يتسم عشق الأطفال برغبات جنسية، وتخيلات، وأنماط سلوكية جنسية متكررة تتعلق بالأطفال الصغار حيث يكون سن الطفل 13 عامً وما دون.

سامر: بس جان عمري 14

الدكتور: هو كان أمامك شخص مصاب وشاف طفل وحب جسد طفولي بلحظتها ما كان يهمة عمر الي امامة

يجب أن يستمر هذا الاضطراب لفترة لا تقل عن ستة أشهر لاعتباره مرضًا، وتؤدي هذه الرغبات والتصرفات في النهاية لأزمة مرضية أو خلل أدائي

سامر: شلون تعرف المصابين بهذا المرض

الدكتور: طبعا هناك إشكالية وحيدة في تعريف هذا الاضطراب هو أنه لا يفرق بين من يعانون من هذا الاضطراب ويتصرفون وفقًا لهذه الشهوات، وبين من لديهم مثل هذه الرغبات والدوافع ولكنهم لا ينصاعون لها

يعد حب الأطفال كما هو الحال في حالات الخطل الجنسي الأخرى أحد الاضطرابات النفسية القليلة التي يعتبر جزء من أعراضها مخالفة جنائية

اكو هناك إشكاليات كبيرة في محاولة تقدير مدى انتشار هذه الظاهرة؛ وذلك نظرًا لأن اكتشاف هذا الاضطراب يتم في أعقاب الدعاوى القضائية التي يسببها لصاحبه

لكن بالإمكان محاولة تقدير انتشار هذه الظاهرة اعتمادًا على انتشار ظاهرة الاعتداء على الأطفال والتنكيل بهم

تشير التقديرات إلى أن نحو 10% - 20% من الأطفال قد تعرضوا لاعتداء جنسي حتى جيل 18 عامًا،

ويبدو أن الغالبية العظمى من المعتدين هم من الرجال.

سامر: انزين اكو فد عمر محدد يبلش هذا الأضطراب عند الشخص

الدكتور: يبدأ هذا الاضطراب في مرحلة مبكرة أو خلال مرحلة المراهقة، ومن الممكن أن يكون الاعتداء على الأطفال من خلال اللمس أو الملاطفة أو لمس الأماكن الحساسة

ترتبط نسبة قليلة من الحالات تصل إلى 2% - 8% جزءًا بالاتصال الجنسي الكامل بالأطفال، كما أن غالبية المعتدين لا يستخدمون العنف.

سامر: شنو اعراض هذا المرض

الدكتور: في الواقع لا يوجد أعراض واضحة تشير إلى إصابة شخص ما بعشق الأطفال، ولكن هم بالعادةً يميلون للنظر طويلًا إلى الأطفال، كما أنهم يحاولون بطرق مختلفة لمس الأطفال ومداعبتهم

سامر: رجعت اتذكر الموقف وحرفيا الي سويتة ما متندم علي ابداً

الدكتور: شلون كدرت تخلص نفسك؟

سامر: ههههههههههههههههه بس تذكرت شسويت ما اكدر ما اضحك ههههههه

الدكتور: ههههههه شنو صار هالمرة صدك صار عندي فضول

سامر: هههههه دورت ودورت وما لگيت شي بس حجارة متوسط الحجم مركونة على يساري

دفعتة بكل حيلي وكمت اتجهت للحجارة بسرعة ولزمتها زين بكل قوتي ، شمرت الحجر عليه وكاني اشمر كل جسمي

حسيت وكأن عظامي تتفكك واطيح وي هذا الحجر على راسة نومتها براس هالحيوان البشري  هو شهك وكبل انخمد بالكاع مدري جان سكران 

لان اغمى علية وما جربت اشوفة او اتأكد شنو صار اله ، وما خفت اكون قاتل !شردت بروحي العزيزة بس وانا اضحك براحة!

سامر: انزين دكتور شنو سبب الأصابة بهذا الأضطراب 

الدكتور: لم تتضح بعد الأسباب التي تؤدي لهذا الاضطراب بشكل دقيق

إذ إن جميع محاولات العثور على أسباب بيوكيميائية وهورمونية (Endocrinology) قد باءت بالفشل

لأن هناك نسبة كبيرة منهم قد تعرضوا للاعتداءات الجنسية خلال مرحلة الطفولة بشكل يفوق مجموعة المغتصبين

ومجموعة الرجال الذين اعتدوا على سيدات مسنات، ما يعني أن مستويات الاستثارة الجنسية عالية جدًّا لديهم

الدكتور: تريد تعرف شنو كشفوا مؤخراً

الدكتور: تم الكشف مؤخرًا عن وجود بعض المعطيات في تصوير الدماغ وتشير إلى وجود أنماط شاذة من النشاط الدماغي في المناطق المرتبطة بالشغف والإثارة الجنسية

أن تطور هذا الاضطراب هو نتيجة لإصابة جنسية مبكرة تؤدي لنمو غير سليم في قشرة الدماغ، مما يخلق ارتفاعًا حادًّا بعتبة الاستثارة، كما يخلق أنماط تفضيل جنسي شاذة

لا يزال هناك حاجة كبيرة لإجراء المزيد من الأبحاث والدراسات حول هذا الموضوع، والتي ستكون لها أهمية كبيرة في العلاج وفي الوقاية من الاعتداءات الجنسية على الأطفال

وبهذه الطريقة تقل نسبة المصابين باضطراب حب الأطفال في الأجيال القادمة

يعاني ايضا من اضطرابات

1-اضطرابات في المزاج

2-اضطرابات الهلع (Panic Disorders).

3-إدمان المخدرات.

4-اضطرابات السيطرة على الانفعالات (Impulse control disorders)

5-هوس السرقة (Kleptomania)

6-اضطراب الرغبة بالتعري.استراق النظر.

7-الرغبة بالاحتكاك بأجسام الآخرين.

8-اضطراب الشخصية المعادية للمجتمع (Anti - social Personality Disorder)

9-اضطراب الوسواس القهري (Obsessive compulsive disorder)

10-انعدام الحزم.

11-اضطرابات معرفية صعبة.

سامر: مرة كلتلي لكل مرض مضاعفات هذا الأضطراب هم بي مضاعفات

الدكتور: اكيد مضاعفات عشق الأطفال
الاكتئاب والقلق الدائم.
انعدام الثقة بالنفس.

يضطر المجتمع للتعامل مع هذا الاضطراب من خلال أنظمة لتطبيق القانون والسجن

بس حتى هذه الأساليب ما تنجح بعد للحد من هذا الاضطراب لأن نسبة المصابين بهذا الاضطراب  يعودون للاعتداء على الأطفال بعد إطلاق سراحهم من السجن

يعد العلاج الوحيد الذي ثبتت نجاحاته هو الإخصاء، لكنه مرفوض نظرًا لعدم إنسانيته

سامر: اكمل قصة حياتي ههههه

الدكتور: كمل عمي انت الطبيب مو انا ماخذ الوضح بحلات روحك

سامر: تسابقت قدماي مع الزمن محاولةً انقاذي من قُبح هذا القدر…

صعدت الحايط گوة لان عالي وبلشت بالركض الى ان شفت بستان جبير متروس اشجار ونخل ، اتجهت اله وكعدت بي بالنهاية اعتادت الأشجار علي تخبئتي دائماً وكانها المسؤولة عني وعن نجاتي

طلع الصبح وطلعت امشي بنفس سير الأتجاة لحد ما شفت الشارع، وكفت على حافة الرصيف ومرت سيارة بسرعة اشرت الها هوااي الى ان وكفت

بس طاح نص من حلكي وانا اقنع الرجال ياخذني ويا

الأنسانية تعدم كل يوم في هذا البلد، امسى الخوف يحكم المشاعر ويجرد الانسان من انسانيتة ورحمتة!!

توسلت بي هواااي لحد ما اقتنع وصعدني ووصلني لبيتي بسلام ، دكيت الباب وفتحة ابوي بكل راحة وهدوء ،والأبتسامة مرسومة على وجه وكأنه ما فقد ابنة من ليلة امس!!!!!!!!

اشوف الصدمة والتفاجئ على ملامحة لما شافني وكانه تمنى طول الليل عدم رجوعي وموتي!

هذي العبارات الواضحة الي على وجها خلت عقلي يكبر للحظة واصدك كلشي اكتمة بداخلي من تساؤلات!!

صدكت بانه يكرهني للحد الي لو شافني انازع الموت كدام عينة راح يتركني بدون مساعدة والقى حتفي

دخلت ساكت بينما العبرات التي تجمعت بصدري كادت تقتلني…

صار الليل ومريت يم غرفة اهلي، ردت اگللهم محتاج شوي فلوس حتى اشتري ملابس للمدرسة لان العطلة راح تخلص

وسمعتهم بدون قصد وهم يحجون عن شي غريب
ما فهمتة واتقربت اكثر من الباب وسمعت ابوي يكول

أمير: كبر هوااي ومااكدر اشوفة كدام عيني اكثر من هيج ، كل ما يكبر يشبه اكثر واكثر ، خواي رغبة اقضي علية واكطعة قطعة قطعة ، كل ما احاول اتخلص منة بدون ما الطخ ايدي بي افشل

ردت علية امي: وشنو راح تسوي هسة؟ راح تتخلص منه؟

أمير:اي راح اكتلة ما ابقي اكثر عايش

ما كدرت اعرف عن شنو يحجون ؟شنو ديصير ؟ منو هو الي يردون يتخلصون منة بس بيومها  بلش يتخلل الخوف بداخلي من اهلي ...

أتساءلُ كيف سيكونُ شعورُ النهايةِ السعيدةِ لشخصٍ أعتادَ على أن يخذلَه الطريقُ

كيف هي العلاقات الآمنة بالنسبةِ لإنسانٍ قضى عُمرَه مُرتجِفاً

________________________°

احم احم🙂 اي فشنو شلونكم شخباركم شكو ماكو

شتشوفون شلونة البارت 😔

من بعد هذا البارت الي توضح النا منو سامر وشلون عاش طفولتة  راح تبلش عقدة الغموض تجاة اهل سامر  تنحل بالبارتات الجاية

خلو تفاعلكم حلو لان القصة تستحق وبجدارة 💪

واختمها وياكم مثل ما يكول

ملا سلام: كلكم ذكرى فاحسنوا ذكراكم🌿

كونوا بخير 🌿🌿