عند مدالله | بالخرابه
كان يناظر الرجال اللي واقفين يناظرون الأرض .
كان يمشي بهدوء وهو يحاول يهدي نفسه وقال : الحين كل واحد يتكلم قبل لا اقطع جسمه زي اللوحه الفنيه
محد تكلم وتقدم من الواقف ومسك ياقته بقوه وقال وهو يرص على أسنانه : اسال! علمني قبل لا اسوي فيك جريمه
بخوف : انا مالي علاقه بالموضوع ابدا!!
نزل عيونه بفضول وقال : وش فيه تكلم
نظر للباقين وقال : البنت وامها في امانه الشرطه!
توسعت عيونها بجنون .
تحولت عيونه للاسود مايشوف شي .
واحتر قلبه ويده شدت بقوه .
بخوف وتركي وبكاء : اتركني تكفى انا حذرتهم لكن ماسمعوني!
طلع المسدس وطخه ثلاث طخات .
الباقين شردوا لكن طخهم من بعيد وماتوا كلهم ب اكثر من 11 طخه .
نظر للمكان ومشى بهدوء عكس النار اللي فيه وطلع من المكان تارك الجثث طايحه وراه دون اهتمام .
وقف السياره ونزل وهو يمشي بغضب وعصبيه مو واضحه عليه وكان الشيطان دخل فيه .
دق الباب وفتحت الخادمه الباب .
نظر لها لثواني ودخل قبل لاتتكلم هي .
وهي من شافت حاله تركته يدخل وجرت لعند ذيب .
دخل بهدوء للمجلس وشاف الخادمه تكلم ذيب .
نظر لهم وذيب لاحظ شكله وعرف انه مو بخير .
نظر للخادمه وهو يقوم : تقدرين تهتمين ب اشغالك
بعد ماراحت جلس مدالله على الكنب وذيب نظر له وقال : خير ان شاءالله مهاجم بيت
بخبث : اليوم بيتك ماندري بكره وش
ضيق عيونه بصدمه من كلامه .
تقدم بهدوء وجلس قدامه وقال بشك : اسمعني لايكون مسوي شي!
اعتدل بجلسته وقرب منه وقال : انت تعرفني ياذيب اسوي اللي براسي لكن سمعت اخبار ماتسر القلب!
ذيب هز رأسه بصدمه : ايت اخبار؟ انا ماسمعت شي
مدالله : البنت وامها في امانه الشرطه
ذيب توسعت عيونه بصدمه .
مدالله قام بهدوء وقال وهو يحط يده على خصره : ورجالك كلهم طايحين بالمكان
قام ذيب بسرعه وقال : وش سويت! لايكون قتلتهم !
نظر له مدالله : شفتك ماتسوي شي قلت اتحرك انا على الاقل
ذيب جلس على الكرسي وقال : كيف البنت عندهم! كيف وصلت لهم البنت وهي كانت بيدي
جلس مدالله على الكرسي وقال : لازم تتحرك ولا انا اتحرك
ذيب نظر بتفكير لمدالله : اسمعني عندي خطه بس عساها تصير
مدالله : تكلم
بدا ذيب يتكلم عن الخطه وكيف بتبدأ وكيف بتنتهي .
----------
المركز الشرطه | محمد
دخل على غرفه منى وشافها ماسكه الاوراقه .
ابتسم وجلس على الكرسي .
نظرت له وقالت : خير ان شاءالله
محمد ابتسم : ماعليك خير ان شاءالله
اعتدلت بجلستها وقالت : في شي صار وش
محمد حط الأوراق قدامها : وهذا تم والحين نقدر نتحرك بسرعه
بتعجب اخذت الأوراق وتوسعت عينها بدهشه .
منى بتعجب : ماشاء الله كيف اقنعتها ؟
محمد : يعني كان صعب بالبدايه لكن..
قبل 4 ساعات..
إيناس نظرت له بصدمه وقالت : شكلك ماقريت الأوراق
امسك اقراها
مدت له الأوراق وبلع محمد ريقه .
إيناس لاحظت جديته وقالت بعصبيه : مو صاحي! اخذ الأوراق من قدامي لا اشوفها
محمد : اهداي ، واسمعيني زين هذا الشي راجع لك ولمصلحتك صدقيني
إيناس ب انزعاج بعدت يده عنها : اي مصلحه واي قرف عارف انت وش تطلب مني!
محمد : اذا تزوجنا بشكل رسمي نقدر نتحرك بشكل سليم ، راح يشيع اسمك زوجتي وهو! ماراح يشم ريحتك حتى
إيناس نظرت له بدهشه وعدم تصديق : ماقدر!
محمد قرب الكرسي لقرب السرير وقال بشبه ترجي : ليه ماتقدرين!
إيناس نظرت للجهه الثانيه وسكتت .
تنهد بتعب وقال : يحتاج بس توقيع منك واذا في سبب ثاني قوليلي
إيناس نظرت للأوراق بهدوء وبتردد .
نظرت لمحمد وقالت : ماقدر اتزوج بشخص تعرفت عليه قبل يومين
محمد سكتت وهو يسمعها .
شتت نظره وقالت : وايش يعرفني ان مالك مصلحه من هذا الشي
نظر لها بسرعه بصدمه وقال : وش تقصدين! وش بيكون لي مصلحه من الزواج ؟ انا خاطرت في نفسي وفي عائلتي اللي مايعرفون شي علشان انقذك
سكتت ونظرت للأوراق وثم لمحمد .
مسكت الأوراق وأخذت القلم تحت ارتياح محمد .
وقعت بهدوء وتوتر .
الان..
منى : حلو طيب
دق الباب ودخلت موده .
منى : تفضلي
موده نظرت بتوتر لمحمد ولمنى وقالت : ميلا مو موجوده!
قامت منى بسرعه وقالت : ايش!
محمد قام بهدوء وهو يناظر منى .
منى نظرت لمحمد وقالت : وين بتروح يعني
موده :الشرطينين اللي تحت ماشافو شي
منى نظرت لهم بصدمه وطلعت من الغرفه .
تنهد محمد وطلع وراها وقال : انتظري دقيقه وين رايحه
وقفت منى وهي تمسح على رأسها : وين بتروح يعني
محمد بكذب : أمكن طلعت برا بدون محد يشوفها
منى مشت بسرعه ومحمد قال : على وين
منى لفت عليه : بشوف الكاميرات المراقبه
محمد توسعت عيونه بصدمه ولف يناظر بتوتر .
طلع من المركز ومنى راحت لمكان تصوير الكاميرات .
ركب محمد سيارته وتوجه للمكتب .
دق الباب وفتح الياس الباب .
دخل محمد وجلس على الكنب .
الياس نزل نظارته على المكتب حقه والأوراق وقال وهو يجلس جنبه : في شي ؟
محمد نظر له : انا سويت شي
الياس : وش سويت
محمد نظر قدامه : بسبب توتر عكس الأمور عكس
الياس بفضول زياده : وش تقول انت
محمد : انا ماسك قضيه غير شرعيه ، في الأساس نص كان علي ونص كان على الشرطه
الياس بهدوء : لاتقولي انك سويتها!
محمد ناظر ل الياس لثواني وقال : سويتها
الياس بلع ريقه : اسمعني الحين مادام انك بالبدايه واتمنى انك كذا ، رجع كل شي لمكانه
محمد حك وجهه ومسحه .
الياس قام بهدوء و وقف يصب له المويه .
مدها لمحمد وشرب منها .
الياس رجع يجلس على المكتب حقه وهو يناظر لمحمد .
مسك النظاره وهو يلبسها وبدأ يشتغل .
محمد قام بسرعه وقال الياس : وين بتروح
محمد نظر لالياس : بخلص اللي ابيه وارجع كل شي مكانه
الياس قام وقال وهو يمسك خصره : ماتعودت على محمد اللي يخاف واللي يظن انه ماراح ينجح ، لكن الحين فيك شي قوي خلاك تخاف لذي الدرجه ، قلنا انك خالفت الشرطه لكن ماراح يكون تأثيره كذا عليك ، علمني وش غيرك
محمد نظر له مبتسم : سيف طردني من بيته !
الياس : ليه
محمد ضحك وهو يجلس : سيف اللي اعتبرته اكثر من اخوي
نظر لالياس : واللي تركتك علشانه
الياس ابتسم بهدوء وهو يربت على كتفه : بعض الحقائق مؤلمه ، لكن من جهه اعتبرها زي الدواء اللي مالح لكن يشفيك
ابتسم محمد ، وقال الياس بفضول : كل ذا علشان انقطعت علاقتك بسيف ؟
محمد تلاشت ابتسامتها ونظر لقدام وقال : سويت خطأ كبير ماعرف اذا صح ولا لا
الياس : تبيني اسحب الكلام من فمك سحب ولا كيف
محمد : البنت اللي ماسك قضيتها تزوجتها ادافع عنها عن خالها المتحرش ، وبنتها معاي الحين !
الياس تلاشت ابتسامته : لا حول
محمد بتبرير : المشكله مو هنا المشكله ابوي وعمي واخواتي وش بتكون رده فعلهم
الياس شتت نظره بصدمه وقال : اهدا انت الحين وحل اشغالك قبل لاترجع لأهلك ، بعدها طلقها بدون لايعرف احد
محمد نظر لالياس بتفكير .
--------
منى | المركز
منى وهي تاشر : قرب من هنا
قرب على اللي اشرته منى وقالت منى وهي تضيق عيونها : مين ذا
الرجال : المعذره بس مو هذا المحامي محمد
منى نظرت له بصدمه وقالت : قرب زياده
قرب وكان محمد ماسك يد ميلا ويركبها السياره .
وكان يلتفت حواليه وركب السياره ومشى .
منى نظرت بصدمه وطلعت من الغرفه .
شافها متعب وقال : منى الحمدلله اني لقيتك حاكم بناخذ افادته...
شاف منى مو عليها وقال بشك : فيك شي
منى نظرت للباب حق الخروج .
وجرت بسرعه لبرا وركبت سيارتها لبيت سيف اللي يبقى فيه محمد .
متعب نظر لها بصدمه و وقف لما شاف عمر جاي عنده .
عمر مبتسم : عساك بخير متعب
متعب نظر له بتقزز ومشى بيروح لكن وقفه عمر : اذا تبي تعرف وين عائلتك على فكره
نظر متعب له بهدوء وقال وهو يقرب : وش تقول!
عمر اكتفى بالضحك اما متعب ضرب عمر وهو يجن : وش تقول يالملعون!