#غفرانك30
بقلم: مها حولي الزاكي
يمكن قاعده قريب للنص سَـآعــهْْ و ما اتكلمت فيها مع زول كل الحصل في نص الساعه دي انو جوني لينا و فضيله و بقوا يطاعنوا فيني بالكلام، فضيله قالت لي بدل ما اقعدي تتحشري كدا في حياة الناس و تكرهيهم عيشتهم احسن تمشي تشوفي الجدعتك و مشت وين ، قايلاه بُهيثه دي عشان ربتك معناها أمك؟ والله هي كما كانت مجبوره عينها ما ترفعها و تعاين ليك و اصلاََ أبوك الما معروف مشى وين هو كمان كان داااافع ليها مبلغ عشان تقعدك معاها، و عشان تعرفي إنها و إن ربتك ما حاسباك بتها انو هي كانت حاجزه عُدى دا لـ بتها مزن و ليه ما تحجزو ليها و هي عارفه إنك ما بتها فـ ليه تعرس ليك ولد أختها؟!
كلامهم كلو قابلت بالسكوت و قدرت اتحكم في ردي لَـگِنْ ما قدرت اتحكم في دموعي ، كل العملتو قمت منهم و طلعت على الشارع لفيت كدا و بقيت أفكر في كلامهم و أبكي لمن المغرب أذن لما رجعت لقيتهم كلهم واقفين برا حتى عُدى، أمي أول ما شافتني جات علي و شاكلتني لمن قربت تضربني بس عُدى إدخل و قال ليها كفايه يا خالتي و عاين لي و قال لي بضيق :
كنتي وين انتي؟
ما رديت عليهم اتجاوزتهم كلهم، دخلت شلت شنطتي و جيتهم مارقه و قلت لـ ناس أمي لْـۆ ماشين ارح!
طبعاََ كلهم بقوا مستغربين فيني، مزدلفه قالت لي مالك انتي جنيتي ولا شنو ؟ قلت ليها ماشين ولا لٱ؟
عاينت لـ أمي و قالت لي طيب خلونا نمشي، العم منصور قال لي مالك يا بتي لْـۆ في حاجه قولي لينا، قلت ليهو لٱ يا عمو ماف حاجه، و تاني عاينت لـ ناس امي و قلت ليهم ما تأخرون ياخ ، مزدلفه قالت لي اصبري طيب ندخل نصلي و نودع الناس و نشيل شنطنا، قلت ليهم طيب انا ح اتقدم ليكم لحدي الموقف ، أمي شدتني م̷ـــِْن يدي و قالت لي خطوه وحده ما بتعتبيها م̷ـــِْن دونا و قالت لـ مزن امشي سريع و جيبي الشنط و قولي لـ فاطمه نحنا مارقين بعد دا، العم منصور قال لي امرك عجيب يا بتي، مدا مفتاح لـ عُدى و قال ليهو وصلهم بيها، ركبنا معاهو و ما قدرت اعترض قدام العم منصور عشان كدا سكته و ركبت، طول الطريق ماف زول بتكلم مع التاني بس كل ما أرفع راسي بلقى عُدى بعاين لي بالمرآيه، أكيد بسأل نفسو انا ليه مضايقه للدرجه دي!
أول ما وصلنا البيت نزلت و طوالي دخلت م̷ـــِْن غير ما اتفاهم مع زول، مشيت غيرت ملابسي سامعه صوت عُدى شكلو لسه ما رجع، بعد شويه امي و مزدلفه و مزن جوا داخلين أمي قالت لي بنبره حاده مالك يا بت في شنو؟
قلت ليها م̷ـــِْن دون ما أعاين ليها ماف شي، مسكتني م̷ـــِْن يدي و قالت لي الحركات دي ما بتنفع معاي و احسن ليك تتكلمي عارفاني ما بحب الكذب و اللف و الدوران
قلت ليها:
ئهه ما بتحبي الكذب يا أمي؟ ولا اقول ليك يا ضرة أمي؟
حصلت لحظاااات م̷ـــِْن الصمت بقوا فيها يعاينوا لبعض، قلت ليهم ما تستغربوا خلاص انا عرفت إني ما بتكم و عرفت ليه كنتي بتتعاملي معاي بجفا يا مزدلقه حتى يوم عرسك عاملتيني معامله زفته و حسستيني فعلا انو أمك ما أمي ، و انتي يا أمي عرفت ليه كنتي بتفضلي عُدى علي و ليه دايماََ كنتي بتضربيني و بتشاكليني و فوووق دا كلو عرفت ليه لمن كنا في المستشفى قلت لي: (خلي حركات ناس المسلسلات دي عايزا تكتلي نفسك عشان راجل؟ هسي قولي انك موتي عديل ح يفرق شنو مع عُدى ) افتكرت انك قلتي كدا عشان عايزا مصلحتي و ما عايزا تشوفيني بالحاله الكنت فيها بس لٱ، ههه في الآخر عرفت انك عملتي كدا لأنك كنت عايزا عُدى لـ مزن و انا أصلاََ ما في حساباتك و ما اظنك يوم فكرتي في مصلحتي و......قاطعتني مزن و قالت لي و هي بتبكي دا شنو البتقولي فيهو يا مها؟ عاينت لـ أمي و مزدلفه عشان يشرحوا ليها و يقولوا ليها القلتوا كذب بس هم اكتفوا بالبكى بس و بكدا عرفت إنو گلآمَيےّ صّـْْ(☑)ـْْحّ ..
قلت ليها شكلك انتي الوحيده الما عارفه انو أمك الواقفه قدامنا دي ما أمي عشان كدا معاملتك معاي كانت كويسه بس ما اظن كنتي حتتعاملي معاي كدا لْـۆ كنتي عارفه إني بت ضرة أمك ، اااا ما انسى يا أمي قولي لي أبوي دفع ليك كم عشان تربيني مع بناتك؟
رفعت راسها و بقت تعاين لـ بخلعه كدا بس ما اتكلمت، قلت ليهم عموماََ خلونا نطلع م̷ـــِْن الدراما دي كلها و ما عايزا مـڼـڱ حاجه غير بس تقولي لي أمي وين؟
بعد مساااافه قالت لي بعد ما تعبت فْيَگ و ربيتك جايه تتعاملي معاي كدا و تقيفي قدامي بكل عين قويه و تقولي لي دفعوا ليك كم عشان تربيني مع بناتك؟!!
يااااخ قولي دفعوا لي مال قارون عديل هل كنت مجبوره اربيك و اتحملك و انا عارفه انك ما بتي؟ هل القروش الدفعها لي أبوكم كانت بتقدر تخليني و غصباََ عني اعاملك معامله كويسه؟ شوووفي هنا اااي ڼـعمًـْ انا شلت قروش م̷ـــِْن أبوك و دي حاجه عاديه يعني جايب لي بت مرتو عشان أربيها ليهو معقوله على الأقل ما أطلب منو يزيد لي القروش ؟ و بعدين انتي مدام بتسمعي كلام الناس طوالي القال ليك الكلام دا ليه ما قال ليك أمك مشت وين و خلتك ليه! انا ما ح أجواب ليك على أي سؤال و خلي الجات و فتت ليك الكلام دا
تقول ليك أمك مشت وين
أمي قالت كلامها دا بضيق و إنفعال شديد بعديها طلعت و معاها مزن و مزدلفه و خلوني واقفه في مكاني و ما عارفه اذا العملتو صح ولا لٱ
مر اسبوع بالحاله دي و ماف زول بتكلم مع التاني أو خليني اقول لٱ هم بتكلموا معاي لٱ انا بتكلم معاهم ، هم بس بتكلموا مع بعض، أما انا فـ اساساََ ما كنت عايزا اتكلم معاهم في تاني يوم م̷ـــِْن نقاشنا داك هم حاولوا يتلاطفوا و يتكلموا معاي بس انا كنت رافضه و اذا فتحت خشمي بقول ليهم أمي وين؟ و الحاجه دي بتغيظ أمي بُهيثه شديد و بتزعلها...
يوم طلعت م̷ـــِْن البيت م̷ـــِْن غير ما أكلم زول كنت عايزا اعرف معلومه عن أمي هي م̷ـــِْن وين؟ هل قريبه لأهل أبوي ولا غريبه عنهم ، ما لقيت حل غير أمشي لـ آمنه عمتي، طبعاََ استغربت م̷ـــِْن جيتي لأني نهااااي ما بجيها و ما متواصله معاها، بعد ما فضلتني م̷ـــِْن غير أي لف و دوران قلت ليها أمي وين؟
قالت لي بإستغراب كدا أجي دا سؤال شنو دا؟ بُهيثه مشت وين لمن جيتي تسأليني عنها؟
قلت ليها ما قصدي أمي بُهيثه!
_ كيفن دا يا بت انتي عندك كم أمي ؟
= عندي أم وحده لَـگِنْ اسمها ما بُهيثه
_ يا بتي انتي بتقولي في شنو ما فاهماك انا
= عمتو استحاله ما تكوني عارفه أخوك معرس كم مَـرّھٌ و أولادو كم! رجاااء ما تحاولي تداري مني اصلاََ انا عرفت و انتهينا كل العايزا اعرفو أمي منو و مشت وين و ليه خلتني!
_…………
= عمتو!
_ طيب مدام عرفتي براك ح اقول ليك :
القصه م̷ـــِْن البدايه انو أمك كانت معرسه قبل أبوك واحد و جايبه منو طفلين، حصلت بيناتهم مشاكل و إطلقوا، هي كانت شغاله مع أبوك في نفس الشركه المهم عرفوا بعض و قرر يعرسها رغم اعتراضنا كلنا، في الزمن داك بُهيثه كانت عندها بت وحده يلي هي مزدلفه، زعلت م̷ـــِْن أبوك شديد و قطعت علاقتها بيهو و حلفت إلا يطلقها بس هو رفض، بُهيثه قالت ليهو ما عافيه ليك لْـۆ عرستها و إن شاء •اللّـہ̣̥ ما تتهنوا و ياهو الحصل م̷ـــِْن عرسوا كل يوم شكله جديده و هي كمان حلفت ليهو إلا يطلق بُهيثه، طبعاََ دا كان بعد ما ولدتك بـ5 شهور، المهم أبوك رفض و قال ليها شيلي الفكرة دي م̷ـــِْن راسك و انا بُهيثه دي ما بطلقها، مشڱلھِ ورا مشڱلھِ لحدي ما براها طلبت منو الطلاق، في البدايه رفض بس بعد ما أصرت عليهو طلقها و قال ليها ما بحرمك م̷ـــِْن بتك و لْـۆ عايزا شيليها معاك و انا م̷ـــِْن جهتي ما بقصر منكم، و فعلا دا الحصل هي سافرت لأهلها و ساقتك معاها و أبوك بقى دايماََ يرسل ليها قروش لحدي ما جاتو فتره كدا بقى حق الملح ما عندو و هي هناك تشيل و تتصل عشان يحول ليها و لمن شرح ليها وضعو قالت ليهو كضاب ساي انا عارفه انك أديت القروش دي لـ مرتك ...طبعا أهلها ملو ليها راسها و قالوا ليها قروش بتك ما بتجيك لأنو بديها لـ مرتو، المهم اتصالتها كلها بقت ليه ما رسلت و ح ترسل متين و هو لسه شغال يشرح ليها وضعو لحدي ما يوم لقاها قدامو قالت ليهو دي بتك و تاني ما بسألك منـِْهـ♡̨̐ـِْا، عايزني اتحمل مسؤوليتها براي صح و انت هنا تسرح و تمرح مع مرتك، سلمتك لـ ابوك و مشت، و أبوك ما عرف يتصرف كيف قام جابك ليـّۓ هنا و الوقت داك عمرك 8 شهور، هسي عليك الله في أم بتخلي شافعها و في العمر دا؟! لَـگِنْ أمك قوة قلبها و عملت كدا، الفتره ديك انا كنت ياداب والده بـ مروه و بقيت أرضعكم الإتنين سوا لحدي ما جا أبوك بعد شهرين و قال ح يقعدك معاهو في البيت، قلت ليهو بُهيثه ح ترضى ؟ قال لي ايوه حترضى و انا اتكلمت معاها و شرحت ليها، و دا الحصل بُهيثه شالتك و ربتك مع بتها مزدلفه قبل ما تولد مزن حتى إنها ما ولدت و قالت إلا تربيك لأنك كنتي صغيره شديد ، يعني سبحان الله بُهيثه دي انا ما شفت انسانه زيها بالطيبه و القدره على التحمل مع إنو ماف مره بتقبل تربي أولاد ضرتها بس بُهيثه رضت مع إنها في البدايه كانت معترضه بس تاني واقفت و بقيتي كأنك بتها و ليوم الليله ماف زول عارف أو شاكي انك ما بتها،اما امك فـ بعد ما سلمتك لـ ابوك رجعت لراجلها القديم بعد شهرين و سافروا برا السودان ،، دي كل القصه لَـگِنْ قولي لي انتي عرفتي م̷ـــِْن وين؟
بقيت ساكته بس و ببكي م̷ـــِْن جهه ببكي لأنو أمي طلعت انانيه و قدمت مصلحتها على مصلحتي و خلتني وراها طفله عمرها 8 شهور م̷ـــِْن غير ما ترجع و تسأل مني تاني و م̷ـــِْن جهه تانيه حسيت بعظمة أمي بُهيثه هي جات على نفسها و قبل تربي بت ما بتها و ما أي بت بت ضرتها تحديداََ 💔
عمتي مشت جابت ليـّۓ مويه و جات قعدت جنبي شربتني و قالت لي البكى ما حل و ما منو فايده و بعدين مفروض ذاتو موضوع زي دا ما يأثر عليك كدا كدا مزن و مزدلفه أخواتك بغض النظر عن الأم و بُهيثه ذاتا أمك لأنو الهم هي البتربى ما البتلدي، والله يا مها بُهيثه دي كان لفيتي الدنيا دي كلها ما حتلقى زيها و انا حماتها بقول الكلام دا مش بقولوا مرة الراجل ما بتتفق مع أخواتو؟ يشهد الله بُهيثه دي غصب عننا خلتني نحترمها و كل يوم بتكبر في عيونا م̷ـــِْن عظمتها و
م̷ـــِْن طيبة قلبها و أكبر دليل كان انها قبل تربي بت ضرتها انا القدامك دي لْـۆ كنت مكانها والله ما اعمل كدا و اربي بت ما بتي فما بالك لْـۆ كانت بت ضرتي؟!!
طلعت م̷ـــِْن بيت عمتي و انا لسه عندي رغبه اعرف أمي منو! عايزا اقيف قدامها و اسألها ليه عملت كدا و م̷ـــِْن وين جابت القسوة دي و قوة القلب عشان تخلي وراها طفله عمرها 8 شهور عشان تكمل حياتها برا السودان!
مشيت شارع النيل و قعدت هناك طلعت تلفوني و لقيت مكالمات كتيره م̷ـــِْن أمو و أخواتي و كمان م̷ـــِْن عُدى عاينت للمكالمات كلها و تاني رجعت قفلت التلفون و غمضت عيوني مسااااافه طويله ما فتحتها إلا لمن جاني صوت عُدى و هو بقول لي بنهره كدا:
كتاب وين انتي م̷ـــِْن قبيل بتصل عليك ليه ما بتردي؟
قلت أكيد أمي الكلمتو و حكت ليهو و هسي جاي ينفخ فيني ريشو، عاينت ليهو ببرود كدا و النيل رجعت أعاين للنيل، جا وقف جنبي و قال لي طرشه انتي؟ بتكلم معاك انا!
قلت ليها اختصر عايز مني شنو؟
_ كدا؟ ....طيب ټمـٱمـ عنك ما تتكلمي ان شاء •اللّـہ̣̥ بس سريع أرجعي البيت
= ما عندك بي شغله
_ لٱ عِنـ.̷̷̸̷̐ـديّ والله
=.....
_ مها ما عايزا اتكلم معاك كتير و انا بالجلاله ماسك نفسي و ما عايز ارفع صوتي عليك قدام الناس دي كلها فـ عشان كدا اتحركي قدامي
= عُدى انت ما سمعتني ولا شنو؟ ماف أي رابط أو سبب يخليك تأمرني و انا ببساطه اسمع گلآمَگ. ...أوامرك دي تمشي على مزن و مزدلفه ما علي انا!
_ و انتي بتفرقي شنو عنهم مش أخوات في النهايه؟
= عارفاك فاهم، في فرق بين الأخوات الشقيقات و الاخوات المن الأب
_ في النهايه أخوات ولا لٱ؟
= أخوات لَـگِنْ....
_ لكن دي ما مهمه، مها بالجد انا عايزا اعرف انتي بتفكري كيف؟ يعني شنو لْـۆ خالتي طلعت ما أمك؟ يعني شنو اذا مزن و مزدلفه طلعوا ما أخواتك م̷ـــِْن نفس الأم؟ يعني شنـ...
= لْـۆ طلعت انت ما ولد خالتي!
م̷ـــِْن غير ما انتبه لقيت نفسي بقول ليهو كدا لمن هو وقف عن الكلام و بقى يعاين لي بإستغراب شديد
= قصدي انو كل الناس الحولي طلعوا ما أهلي ديل أهل مزدلفه و مزن
_دا ما بينفي حقيقة انهم أخواتك و انك اتربيتي معاهم و انو خالتي هي أمك و اكتر لأنو اساساََ ماف مرة أب بتعمل العملتو خالتي ، خليك واعيه يا مها و حكمي عقلك و ما تخربي علاقة عمر عشان حقيقه عرفتيها مأخراََ لٱ ح تقدم لٱ ح تأخر
= قلت ليهو انت ما فاهم ياخ انا ياداب عرفت ليه مزدلفه كانت ما بتطيقني و ليه أمي كانت بتفضلك علي و ليه هي كانت عايزا تعرس ليك مزن و ليه هـ....
_ ڼـعمًـْ؟ ؟؟!
ركزت و انتبهت للكلام القلتو، قلت ليهو المهم حابه أوصل ليك فكرة انهم رغم الجميل العملوا ليـّۓ لسه م̷ـــِْن جواتهم خاتين حساب اني ما بتهم و متأكده انو لْـۆ مزن دي ذاتا كانت عارفه الحاجه دي كانت ح تتعامل معاي زي مزدلــ....
_ طيب انا ذاتي كنت عارف حصل حسستك انك غريبه و انو خالتي ما أمك؟
بقيت مصدومه و بعاين ليهو، يعني الناس دي كلها عارفه و كانت معيشاني في وهم! قلت ليهو بصوت مكسور حتى انت يا عُدى؟ مش م̷ـــِْن حقي اعرف انا بت منو و جايه م̷ـــِْن وين؟ ليه كذبتوا علي و عيشتوني في وهم؟
بقيت اتكلم معاهو و انا ببكي و هو حاول يهدي فيني قلت ليهو إياك تقرب مني و زح بعيد مني ما ناقصاك انا، بس عايزا اعرف ليه ما قلت لي؟ معقوله كلامي السيئ و المستفز ما خلاك تفكر يوم تنفجر فيني و تقول لي اساساََ انتي خالتي دي ما أمك؟ ما حسيت مَـرّھٌ انو لآزٍمٍ تكسرني و تقطع لي لساني الكنت بطاول بيهو عليك و تقول لي الناس الحوالينااا ديل كلهم ما أهلك؟!
_مها اسمعيني انا
= ما عايزا اسمعك بس قول لي أمي وين؟
_ والله ما عارفها وين يا مها
= ما تكذب علي
_ اقسم بالله ما بكذب عليك....طيب هدي و ما تبكي ياخ ....قلت ليك كفاااايه بكى الله!
طبعاََ قالها لي بنهره لمن انخلعت
_ ما عارف أمك وين لكن قدرت اعرف أبوك وين
= شـششنو؟ ما تقول لي انكم كنتوا عارفنوا وين م̷ـــِْن زمان و كذبتوا علي و ما ح استغرب لْـۆ عرفت إنو ما أبوي عشان كدا لْـۆ في حاجه زي دي قولها لي
_ أبداََ والله ماف حاجه زي دي تعالي معاي و انا ح أفهمك كل شي في الطريق
كان جاي بعربيه ما بعرفها حقت منو ، ركبت معاهو و انا في ألف سؤال في راسي و كل ما اسألو سؤال بقول لي قربنا نصل، بقيت ساكته و منتظره على أحر م̷ـــِْن الجمر متين نصل المكان المنشود، مشينا مسااااافه بعيده و حته أول مَـرّھٌ امشي ليها، قلت ليهو وين نحنا و دا شنو المكان دا؟
نزل و فتح لي الباب و قال لي انزلي و انا ح أفهمك، قلت ليهو بس يا عُدى قال لي اسمعي الكلام يا مها و زي ما قلت ليك هسي ح افهمك، بقيت ماشه معاهو و انا بعاين للمنطقه دي، كلها كانت بيوت مكسره في البدايه قايلاها منطقه مهجوره بس لمحت م̷ـــِْن بعيد مجموعه م̷ـــِْن الأطفال شايلين جركانات و بملوها مويه م̷ـــِْن ماسوره في الشارع، المهم وصلنا بيت كدا، عُدى ضرب الباب و على طول جا راجل و فتحو لينا سلم على عُدى و قال لينا اتفضلوا ، دخلنا و
بقيت أعاين للبيت و أرجع أعاين لـ عُدى عشان يفهمني، بس ما قال كدا مشينا لمن وقفنا قدام غرفه كدا، عُدى إتلفت علي و قال لي مهما كانت الحاله الهسي ابوك فيها عايزك تقوي قِلًبُكً♥ و ما ترتعبي ټمـٱمـ؟
عاينت ليهو بإستغراب و الخوف بدا يدب جواي بعد كلامو دا فتح لي الباب و قال لي خشي ، أول ما دخلت و عاينت للراجل الراقد قدامي صرخت و ختيت يديني على خشمي و بقيت برجف و بقول لـ عُدى و انا ببكي بطريقه هستيريه لٱ لٱ مستحيل دا يكون أبوي مستحيل يا عُدى دا ما أبوي ، أبوي ما كدا، مسكني و حاول يهديني بس انا لسه برجف و ما مصدقه انو دا أبوي، عُدى طلعني برا و بقى يتكلم معاي و انا ما جايبه ليهو خبر ، الجمله الوحيده الكنت برددها م̷ـــِْن غير ما اقيف " دا ما أبوي يا عُدى " ...
عُدى لمن فتر مني ساقني لمظله كدا في نفس البيت خلانا قاعده و رجع لي بعد شويه بـ عصير ليمون شربني ليهو بالغصب حتى هديت و بقيت امسح في دموعي، قعد قصادي و قال لي عارف إنو الشفتيهو صعب عليك، و هو الموضوع كلو على بعضو صعب شديد فـما عارف أبدا ليك م̷ـــِْن وين و احكي ليك شنو و أخلي شنو
قلت ليهو بصوت مبحوح لقيتو وين؟
أخدت نفس و قال لي :
اصلاََ القصه دي انا لي زمن ملاحقها كنت متأكد انو أبوك حي بس وين ما كان عِنـ.̷̷̸̷̐ـديّ علم، ما انا بس حتى مجدي خالي كان متأكد م̷ـــِْن الحته دي و م̷ـــِْن مصادرو الخاصه قدر يعرف انو لسه حي في سجن م̷ـــِْن سجون الكيزان لَـگِنْ السجن دا وين ما قدر يعرف و دي م̷ـــِْن القضايا الكان متابعها خالي و انا متأكد انو موتو ما كان طبيعي و م̷ـــِْن غير سبب، خالي قبل ما يموت قال لي عرف معلومات خطيره بس عايز يأكدها بنسبة 100% مع انو ما حصل حكى لزول عن شغلو و عن البعملو بس في الًيَوُمًِ داك حكى لي و قال لي انو أبوك حي و هو في سجن م̷ـــِْن السجون و قريباََ ح يعرف هو وين بس قتلوه قبل ما يعمل أي شي و بعديهو انا استلمت الموضوع دا و بقيت متواصل مع معارف و اصحاب خالي مجدي في منهم الساعدني و في منهم الخاف على نفسو و أولادو فسكت ، المهم بعد ما طلعت م̷ـــِْن المعتقل في يوم جاتني رساله م̷ـــِْن الواتس م̷ـــِْن واحد صحبي كان حكيت ليهو بالموضوع دا رسل لي كذا صوره و قال لي الصور دي لناس كانت مسجونه ليها سنين و حالياََ بعد ما الحكومه طلعت لقوا كميه كبيره مسجونه في سجون تحت الأرض و اتعذبت اشد العذاب و صورتك أبوك كانت م̷ـــِْن ضمن الصور دي في البدايه ما عرفتو لأنو جسمو كان مشوه شديد و ملامح وشو ما واضحه م̷ـــِْن شدة التعذيب، بعد ما اتأكدت رسلت الصوره دي لـ مؤمن صاحب خالي مجدي ربنا يرحمو شغال في جهاز الأمن و المخابرات ، و قلت ليهو ساعدني بأي طريقه و وصلني للزول دا، قال لي دا نفس الزول الكان بفتش عليهو مجدي ڵـهٍ الرحمه؟ قلت ليهو ايوه هو ذاتو، قال لي مجدي حكى لي قصتو و الموضوع دا صعب شويه صح إنهم طلعوهم م̷ـــِْن السجون دي بس لسه في أيادي خفيه و الناس الدخلتو في السجون دي لْـۆ عرفت إنو ح يطلع حتكون مصدر خطر ليهو و للحواليهو لَـگِنْ ح احاول و ان شاء الله أقدر اجيبو لحدي عندك م̷ـــِْن غير ما يعرف زول، و فعلاََ دا الحصل بعد يومين بالظبط اتصل علي مؤمن و قال لي شوف ليك مكان بعيد عن أعين الناس عشان اقدر اجيبو ليك، و دا كان أنسب مكان، أول ما وصل للبيت دا جبنا ليهو ممرضه عشان تقعد معاهو و تتابع علاجو بعد شويه ح تجي صدقيني يا مها الحاله الكان فيها اسوأ م̷ـــِْن الهسي شايفاها قدامك لْـۆ كنتي شفتيهو أول ما وصلوا هنا ما بتقدري تعايني ليهو مرتين بس الحمدلله بقى ماشي في تحسن، انا گلّمّتگُ انتي بس ما عايز زول يعرف بالموضوع دا ټمـٱمـ؟ .....مها ما تبكي ياخ والله أبوك كويس و طول ما هو هنا ما بتجيهو عوجه بس إياك تكلمي زول حتى خالتي ما تكلميها بعد ما يبقى كويس ح نتصرف
بعد ما بكيت كووويس رجعت دخلت لأبوي تاني و بقيت أعاين ليهو بحسره و خاطر مكسور قعدته معاهو قريب الساعتين بعدها عُدى قال لي ارح بعد دا و ما تنسي القلتو ليك، ركبت معاهو و انا بين مبسوطه لأنو أبوي رجع بعد السنين دي كلها و زعلانه و مضايقه شديد م̷ـــِْن الحاله الشفتو فيها، أول ما وصلنا البيت نزلت و قبل ما أدخل عُدى ناداني لمن إتلفت عليهو قال لي ما شايفه انك بقيتي تبكي كتير الفتره دي؟
قلت ليهو اعمل شنو لْـۆ الحياة كلها واقفه ضدي؟ اعمل شنو لمن اكتشف اني كنت مخدوعه م̷ـــِْن أقرب الناس لي، بعترف إني انسانه يمكن سيئه و كلامي شين بس عمري ما حقدت على زول أو حسدتو على حاجه، عمري ما اتغاتت على زول و ركبت وش غير وشي و عمري ما اوهمت الناس أو عملت فيها زوله كويسه و بريئه انا ياها كان لْـۆ حبيتني أو كرهتني و يمكن دا السبب الخلاني ما اكون مقبوله بين الناس لأني ما بمثل زيهم و بعمل فيها الشريف الرضى ....أخدت نفس و قلت ليهو معليش عطلتك
عاين لي مساااافه و قال لي و ما تنسى كمان انو الحياة دي برغم تقلباتها المستمره بتديني فرص يمكن تكون م̷ـــِْن فرص العمر بس نحنا برانا بنتغابى و بنضيعها زي ما عملتي انتي بالضبط لٱ ما انتي بس انا كمان اتغابيت و كابرت و مفروض حاجه زي دي تجي مني ....انا الكان مفروض اعترف ليك و اقول ليك قدر شنو انا بحبك و ما بقدر م̷ـــِْن دونك، ما عارف كيف و متين انا حسيت كدا فجأه و م̷ـــِْن غير ما أحس لقيت نفسي بحبك و لليوم ما قادر اشيلك م̷ـــِْن بالي و كل البيأذيك بيأذيني انا بالأول، و دموعك دي بتنزل على قلبي زي السيف و ما بقدر اشوف زعلانه و ما اعمل شي، عارف والله عارف إني ما صح اقول كدا و خاصة بعد ما ضيعت فرصتي و خسرتك و ما حاولت اعمل حاجه ياريت ياريت يرجع الزمن لـ ورا 💔
غمضت عيوني مساااافه و قلت ليهو الحصل حصل و كلمت ياريت ما حتنفع بشي و دي نتيجة مكابرتنا و عنادنا ...ما ح اقدر اقول أكتر م̷ـــِْن كدا و إلا ح أكون غلطه و أذنبت في حق وحده كانت يوم م̷ـــِْن الأيام صحبتي و اقرب انسانه لـ قلبي، حالياََ انا بتعامل معاك بصفتين: بصفتك ولد خالتي و بصفتك راجل صحبتي و ما مَسمَـَّوُوُح لي أفكر فيك أكتر م̷ـــِْن كدا 💔
قلت گلآمَيےّ دا و اتحركت م̷ـــِْن قدامو، الباب كان فاتح دخلت و قفلت الباب و على طول شفت أمي و أخواتي واقفات في الحوش و واضح إنهم كانوا ببكوا أمي جات جاريه علي و قالت لي مشيتي وين انتي؟ اتصلنا عليك كتير معقوله تطلعي و ما تكلميني يعني لْـۆ ما عُدى اتصل و قال لي لقيتها ما كنتي حتتصلي تطمنيني؟! قلت ليها كنت محتاجه اعرف أمي منو و انا منو > قالت لي و إن شاء الله عرفتي !! قلت ليها ايوه عرفت الكان لآزٍمٍ اعرفو > قالت لي مشيتي وين انتي؟
_ مشيت لـ آمنه عمتي و حكت لي الكان لآزٍمٍ تحكيهو لي انتي، المهم أبداََ ما ح انكر العملتيهو عشان و مستحيل انسى جميلك و فضلك علي و بعترف إنو العملتيهو ماف زوجة أب بتعملو و جد جد انتي انسانه عظيمه و مع ذلك ما كان تدسي مني موضوع زي دا! اممم عايزا اعرف انتوا غيرتو بياناتي الفي شهادة الميلاد صح؟ لأنو اسم الولاده مكتوب بُهيثه عبد الرحمن محمد احمد ، ههه دا سؤال شنو أكيد بطريقة ما غيرتوها و ما كان في داعي لـ دا كلو عاااادي كان تربيني مع بناتك م̷ـــِْن غير ما تغيري لي اسم الأم و توهميني انك أمي الحقيقيه، قالت لي ما كنت عايزاك تتحسسي م̷ـــِْن أي تصرف كنت ح اعملو اتجاهك و تقولي بتعمل كدا عشان هي ما أمي، لْـۆ كان عندك علم اني ما أمك كنتي ح تعملي ألف حساب في معاملتك معانا و أقل تصرف م̷ـــِْن أي واحد فينا كان ح يأثر عليك و يشكك في محبتنا ليك و أكبر دليل على كلامي انك كنتي بتزعلي و بتتحسسي لما تشوفيني بعامل عُدى معامله كويسه و اشاكلك عشانو بالرغم مـڼـڱ ما كان عندك أي علم بنقطة اني ما أمك الحقيقيه ففكري فيها ردات فعلك حتكون كيف لْـۆ كنتي عارفه؟ كانت ح تجيك نفسيات عديل و انا ما عملت كدا إلا لمن اتأكدت و عرفت انو أمك ما ح ترجع تاني لأنها رجعت لراجلها القديم و سافروا برا السودان و للحظه دي ما حصل يوم سألت عنك ولو بالغلط، هسي هي وين و انتي وين؟
_____________
_لٱ ما على گـّيَفْك و مفروض انا أعرف كل شي عنك بتمشي وين و بتجي م̷ـــِْن وين صنم انا قدامك لما ما بتشاركني بحاجه بتخصك أو بتخص غيرك؟!
لينا رجااااء ما تزعجيني ما ناقصك انا و خليك عارفه اني ما ناسي ليك العملتيهو و لْـۆ ما الطفل الفي بطنك دا كان زمانا أي واحد فينا في طريق
_ يااااخي لٱ خوفتني والله يعني أحمد الله إني حامل؟! بس قووول دا الإنت عايزو اصلاََ انت عايز ليك طريقه تحلك مني عشان ترجع للعواليق بتاعتك دي و
لييييناااا ! احسن تحترمي نفسك و تلمي لسانك عليك و مها ما تجيبي سيرتها لأنها ما سألتك فاهمه ولا أعيد ليك؟
_ احترم نفسي؟ و انت ليه ما بتحترم نفسك و تخت في بالك انك معرس و هي بت الأصول ديك ليه بتتحاوم حوااالين واحد معرس و قريبا حيكون أب؟! ياخ ما بتستحي على نفسها العفـ......
المره دي ح أنزل يدي لَـگِنْ اقسم بالله كلمه واحده مـڼـڱ غلط في حق مها ح ألطشك و انسى انك مَـره و أنسى انك حامل ، و عن أي استحى و احترام بتتكلمي انتي؟
ليه ما استحيتي لمن خنتي صحبتك و لعبتي عليها؟ ليه ما استحيتي لما كنتي بتمثلي علينا كلنا علشان تطلعي مها الغلط و انتي الصح، كدي بالله شوفي الفرق بينك و بينها هي رغم العملتيهو كلو بتخاف تقيف معاي دقيقتين ورا بعض عشان انا معرس صحبتها، رغم العملتيهو بتعمل حساب لكلامها معاي علشان انتي صحبتها بالرغم م̷ـــِْن إنها عارفه انك ما موجوده معانا و لْـۆ حصل أي شي ما حيكون عندك علم و مع ذلك حافظه مكانة الكان بينكم حتى في غيابك مع إنك ما تستاهلي والله و حريقه فيني و في الًيَوُمًِ العرستك فيهو
قالت لي بإنفعال شديد:
أكيد كتبتك و بقتك خاتم في أصبعها، كل يوم بتثبت لي إنها وحده وسخه و ما بتخاف الله، عامله فيها بريئه و ماف زول زيها و غاسله ليك مخك بحركاتها دي لَـگِنْ انا بعرفها الحيوانه خطافة الرجااال قليلة الأدب و الما مربيه شكلها خالتك دي ما تعبت نفسها فيها عشان بت ضرتها عشان كدا هي أكتر وحده زفته و قلبها أسود و صايعـ...
قبل ما تكمل ضربتها كف، ايوه ضربتها مع إني ما بحب أرفع يدي على مره بس هي أجبرتني و كل ما أحاول انهي معاها نقاش بتبداهو لي تاني م̷ـــِْن جديد و كلامها كلو عن مها مع إنها أكتر انسانه اتظلمت و أبداََ ما تستاهل ينقال عنها كدا 💔
لينا بقت تبكي و تصرخ و تقول ليـّۓ:
اضربني انا يا عُدى، تضربني عشانها ؟ والله ما اسكت ليها و..........ما انتظرتها تواصل و طلعت خليت ليها البيت
على لسان الكاتبه:
لينا بعد ما بكت بحرقه لبست عبايتها و طلعت م̷ـــِْن بيتها و وصلت بيت ناس مها، ضربت الجرس شديد و بضغطه مستمره لحدي ما جات مزن جاريه و فتحت ليها الباب دفرتها و دخلت و بقت تنادي على مها، طلعت ليها بُهيثه و قالت ليها خير مالك في شنو؟
قالت ليها كلامي ما معاك كلامي مع بت ضرتك قليلة الأدب ديك و خطااافة الرجال الما بتستحي على نفسها
بُهيثه: يا بت هوووي احسن ليك تحترمي نفسك و م̷ـــِْن غير ما اتجادل معاك كتير تلمي بعضك و تطلعي لي م̷ـــِْن بيتي
لينا: اساساََ ما قاعده ليك كتير و لْـۆ ما مجبوره ما كان جيت هنا بس طلعوا لي الحيوانه ديك و خلوني اتفاهم معاها
مزدلفه: حيوانه براك يا زفته انتي بتتكلمي عن أختي كدا و في نص بيتنا؟ هسي انا لْـۆ مسكتك و ضربت بيك الحيطه غلطانه انا؟
مزن: اسمعي هنا يا بت الناس تطلعي براك ولا اتصرف معاك بطريقه تانيه؟
فجأه جات مها طالعه و قالت ليهم في شنو يا جماعه؟
لينا قامت جاريه عليها و م̷ـــِْن غير ما تتردد ضربتها كف و سريع عدلتها بالتاني و مها ما فاهمه حاجه و قالت ليها احسن تبعدي عن عُدى يا تافها يا قليلـ.......قبل ما تكمل بُهيثه ضربتها كف و عدلتها بواحد تاني و قالت ليها دا حق بتي، لينا غضبت شديد و دفرت بُهيثه لحدي ما وقعت على الأرض و بناتها بقوا مخلوعين لمن شافوها واقعه، مها و مزن جروا رفعوا أمهم و مزدلفه وقعت ليك ضرب في لينا إلا مها مسكتها منـِْهـ♡̨̐ـِْا و جرتها بعيد عنها و قالت لـ لينا طيري م̷ـــِْن هنا بس لينا حلفت إلا تتسدى حقها و قامت جاريه على مزدلفه عشان تضربها بس فجأه وقعت على بطنها و السيرامير اتملى بالدم و كلهم بقوا مخلوعين م̷ـــِْن منظر الدم و م̷ـــِْن لينا البتصرخ بأعلى حس عندها و هي ماسكه بطنها، مها قالت ليهم خلونا نسعفها سريع قبل ما يحصل ليها حاجه و فعلاََ دا الحصل مها جرت لجارهم العم رجب و كلمتو فـ جهز عربيتو و مشى بيهم للمستشفى و على طول دخلوها غرفة العمليات، مها اتصلت على عُدى كذا مَـرّھٌ بس تلفونو كان مقفول ، خلتو و اتصلت على منصور أبو عُدى و كلمتو ، كانت في المستشفى هي و مزدلفه و العم رجب جارهم ، بعد نص سَـآعــهْْ جا منصور و معاهو أهل لينا و أمها كانت بتبكي و بتقول لـ مها بتي مالا الحصل ليها شنو و اصلاََ كانت وين؟
مزدلفه قالت ليها كانت معانا في البيت و رجلها اتزلقت و وقعت و طوالي جبناها المستشفى و كلمناكم، بعد شويه الدكتور طلع و قال ليهم إنها اجهضت و الخبر نزل عليهم زي الصاعقه بس طمنهم إنها كويسه و ما عندها عوجه ...
وتراودني في بعض الأحيان رغبة بأن أكون غيمة ، كلما عصفت عليّ الظروف ، أفرغت داخلي وأمطرت ، دون أن يلاحظ أحدٌ ضعفي أو أشفق على نفسي 🖤
ميسم صلاحات 🦋
يتبع......