#غفرانك25
بقلم: مها حولي الزاكي
اليوم التاني رجعنا مزدلفه معانا البيت بعد اسبوع ، فضيله ما سكتت جات لحدي عندنا عشان تسوقها للجحيم الكانت معيشاها ليهو، و انا م̷ـــِْن يومي محروقه منـِْهـ♡̨̐ـِْا و واجعني الكف الضربتني ليهو فـ اشتبكت معاها و ما خليت كلام طاير ما قلتو ليها لمن أمي وقفتني و قالت لي بنهره خشي جوه، ما اشتغلت بيها بقيت اشاكل و أعلي في صوتي و فضيله ما شاء الله ما قصرت كمان ما فضل ليها إلا تضربني عُدى كان بحاول يسكتني لمن ما رديت عليهم صرخ فيني لمن انخلعت و بقيت أعاين ليهو قال لي بنهره طيري جوه ياخ و ما تقرفينا، قلت ليهو جداََ اصلا ما بشرفني اقيف مع امثال دي بس ختي حاجه في بالك مزدلفه ما ح تطلع خطوه وحده م̷ـــِْن هنا كااان وقفتي هنا لـ يوم القيامه عتبة بيتك ما بتعتبها تاني عاينت لـ عمتو و ليهو بنظرة استحقار كدا و على طول مشيت لـ مزدلفه في غرفتها و قلت ليها اوووعك ترجعي مع الحيوانه البرا دي و مهما ضغطوا عليك ما تشتغلي بزول و تضيعي نفسك عشان زول، قالت لي اطمني مستحيل ارجع معاها تاني
على لسان الكاتبه:
أما عُدى فقال لـ خالتو بُهيثه و مزن خشوا لـ مزدلفه و خلوني مع عمتي و دا العملوه فكان لسه واقف و بتناقش مع عمتو فضيله و بالرغم م̷ـــِْن صوتها العالي و عدم احترامها ليهو بتكلم معاها بهدوء في النهاية هي عمتو، لمن ما اتفاهمت معاهو و حلفت إلا تسوق مزدلفه معاها قال ليها بنبره حاده مزدلفه ما ح تطلع م̷ـــِْن البيت دا و العندي قلتو ليك ، دخل جوه و قفل الباب براحه
_________________
بقيت بمشي يمين و شمال و انا عايزا أطق م̷ـــِْن الغضب و أمي شغاله لي خلاص يا بت روقي حالياََ عُدى بتكلم معاها و اصلا كان حصل الشنو داك بتي ما برجعها للبيت داك ، قلت ليها ئهه بتكلم معاها؟ دي عايزا ليها برودة دم و نقاش طويل؟ م̷ـــِْن البدايه قلت ليها مزدلفه ما حترجع ليكم تاني و انتهينا و كان المفروض نقفل الباب في وشها الما بتخجل دي بعد العملتو فيها و العملو ولدها الخايب جايه بكل قوية عين عشان تسوقها معاها؟ شايفانا أصنام نحنا؟ الفقر دي جايبه الثقه دي م̷ـــِْن وين؟ لٱ و كمان عُدى ولد أخوها العامل فيها حلال المشاكل دا بتناقش معاها ليه و بصدع بينا؟ و لمن اتكلمت و عليت صوتي عليها قرب يديني كف عديل ياخ الناس ديل انا كرهتهم حريقه تحرقهم كلهم م̷ـــِْن أمهم فضيله لـ عُدى إن شاء •اللّـہ̣̥ ......فجأه كدا حصلت صنه غريبه و كلهم كانوا بعاينوا وراي فـ لمن اتلفت شفت عُدى واقف و ملامح وشو بتوحي لي إنو مضايق ،، أه خليهو يضايق سااااي و انا ما قلت حاجه غلط و ما ندمانه على كل حرف طلع مني، أمي قالت ليهو عُدى ما......قاطعها و قال ليها ولا يهمك، مشى لـ مزدلفه و قال ليها بقيتي كيف، قالت ليهو كويسه الحمدلله
اما انا طلعت و خليتهم مشيت استحميت و صليت العصر و دعيت على حذيفه، دخلت المطبخ و جهزت الأكل و شلت صينيه صغيره لـ مزدلفه لمن قربت لـ غرفتها سمعت صوت بقول :
بعد العمر دا ما أظن في زول تاني ح يعرسك عشان كدا فكري كويس يا بت و ما تخربي بيتك بيدك و المشاكل و الخلافات دي موجوده في البيوت كلها بس الناس متستره عليها و ماف زول فتح بلاغ في زول و ماف وحده خلت مواضيع هايفه زي دي تصل لـ أهلها
دخلت و قلت ليها ڼـعمًـْ؟
مواضيع هايفه؟ شايفه الحصل لـ مزدلفه حاجه هايفه و فارغه و عاديه يا لينا؟
يعني كان ننتظرو يقتلها حتى نفتح خُشووومنا ؟ ولا برضو موتها ح يكون حاجه هايفه ساي و مفروض نتستر عليهو؟ لْـۆ حصل ليك كدا كنتي حترضيها لنفسك؟
_ يا مها ما تفهميني غلط، عارفه إنو حذيفه غلط و كلنا بنغلط و في النهايه هو لسه راجلها و هي على ذمتو فـ انتوا بدل تخربوا ليها بيتهم مفروض تقعدوهم مع بعض و تحلوا المشكله دي
قلت ليها بإنفعال :
مشكلة شنو الح نحلها ياخ دي جسمها كان مشوهه م̷ـــِْن شدة الضرب و اجهضت بسببهم ، م̷ـــِْن متين المشاكل بحلوها كدا؟ و هو اساساََ ولد عمتك دا راجل عشان نقعد و نتفاهم معاه؟ في راجل بعمل كدا في مره ؟
_ طيب هسي الح يعرسها منو؟
دي مُشُگلتگُ؟ ياخ انتي لمن هي كانت في المستشفى ما شلتي همها و جيتي تشوفيها فـ البخليك تشيلي هم عرسها شنو؟ مالك قاعده ليك في راسك؟ يعني شنو كما عرست؟ احسن تعيش في بيت أهلها معززه مكرمه ولا تعيش في بيت راجلها مذلوله و مهانه، و انتي اوووعك اسمعك تاني تتكلمي معاها في موضوع زي دا و إلا والله ما ح يحصل خير
_ طيب ما تعلي صوتك علي ولا عشان قاعدين في بيتكم
قلت ليها كلامي دا و نبرتي دي ح اتكلم ليك بيها حتى و لْـۆ كنا في نص بيتكم مدام تفكيرك غبي و رخيص كدا
_ ملاحظه ليك الفتره دي بتتزهجي فيني م̷ـــِْن دون سبب لْـۆ وجودنا انا و عُدى مضايقك قوليها لينا في وشنا احسن م̷ـــِْن الحركات البايظه دي
مزدلفه قالت ليها دا كلام شنو يا لينا مها أكيد ما قصدها كدا هي بس زعلانه م̷ـــِْن الحصل لي و ما بتقبل أي نقاش بخصوص الموضوع دا ما تتحسسي يا زوله والله ماف زول عندو مشكله في قعادكم
_ بس مها عندها مشكله و دا واضح من تصرفاتها
طبعاََ بت الناس دي حرقت دمي و حيرتني معاها متين انا عملت ليها حركات حسستها إني رافضه وجودهم؟ بالعكس هي البدت تعمل لي في حركات و خساسات ما منـِْهـ♡̨̐ـِْا فايده و انا اصلاََ ما شغاله بيها و بحاول قدر الإمكان اتجنب عُدى عشانها و مع ذلك مصره توصل لي فكرة إنو عُدى بحبها و ميت عليها! قلت ليها لْـۆ انتي حاسه كدا و حللتي على كيفك فـ انتي حره و متى ما حابين تمشوا ، امشوا قشه ما تعتر ليكم > بعد ما قلت ليها كدا طلعت و مشت الحوش التاني، مزدلفه قالت لي عيييب ما كان تقولي ليها كدا يا مها الليله لْـۆ أمي عرفت ح تكتلك، قلت ليها يعني اعمل ليها شنو؟ ما شايفاها مصره على نقطة إني رافضه قعادهم معانا! عليك الله شفتيني عملت ليهم حركه جاي ولا جاي؟ قالت لي لٱ لَـگِنْ لينا شكلها حساسه شديد ، قلت ليها يلاااا بعد دا خليها تتحسس على راحتها و قلت ليها العايزا تسمعو مني 👋
ختيت الأكل قدام مزدلفه و قلت ليها أكلي عشان أجيب ليك الأدويه قالت لي بس انا ما جعانه قلت ليها ما على گـّيفك و بديت أأكل فيها ،، لمن انتهيت لقيتها بتعاين لي بعد مساااافه قالت لي انا آسفه ،، ضحكت و قلت ليها على شنو لَـگِنْ ؟
قالت لي آسفه على كل تصرفاتي البايخه الكنت بعملها ليك و آسفه على معاملتي الجافه و القاسيه ليك و آسفه لأني ما سمعت منك لمن حذرتيني م̷ـــِْن حذيفه و آسفه علـ.....
قاطعتها و قلت ليها انتي غبيه يا بت! ما تعتذري مني ولا حاجه و انا والله ما زعلانه مـڼـڱ و ما ح اشيل في قلبي منك ، ارتاحي و ما تشيلي هم، بعد شويه جاتنا مزن و هي بتزغرد و بتضحك
قلت ليها بسم الله عقدوا عليك ولا شنو هه؟ قالت لي يااااريت والله لَـگِنْ دا ما السبب > مزدلفه قالت ليها احكي يااااخ
قالت لينا و اخيراََ قبضوا حذيفه الخااايب و بعد جهد جهيد اعترف و اصلا كل الأدله و الشهود ضدو و حالياََ في السجن، فرحناااا شديد أو خليني اقول فرحت شديد لأني ما شفت الفرحه في عيون مزدلفه، عاينت ليها مسافه و قلت ليها اوعى تقولي لي إنك ما عايزاهو يتسجن و نفسك ترجعي ليهو!
قالت لي أبداََ ما كدا بس ما مصدقه الحصل لي، سبحان الله في يوم حذيفه دا كان نفسي الطالع و الداخل كنت مستعده اعمل أي شي عشان أكون معاهو و هو في النهايه عمل شنو؟ ضربني ضرب الكلاب و كان برميني على الأرض و بدوسني برجلو و.......سكتت و ما قدرت تكمل دموعها جات نازله، مسحتهم ليها و قلت ليها دا حيوان و عواليق ساي و ما بستاهل دمعه وحده مـڼـڱ > مزن قالت لي دمعه ولا عدس؟🤣🤣
قلت ليها عدس و ضحكنا ال3 ....قلت ليها بالمناسبه لقوهو وين الخايب دا؟
قالت لي لقاهو عُدى في قريه م̷ـــِْن القرى الجنب حِلة ناس جدو و على طول جابو معاهو و سلمو للشرطه > سكته و ما قدرت اقول حاجه
المهم بعد المغرب كدا دعاء اتصلت علي و قالت لي الناس ديل مشوا القياده و هي بكرا حتمشي هناك
قلت ليها أمك ح تخليك؟
_ آيي لأنو بابا اقنعها و هو ذاتو ح يمشي معانا في البدايه كان رافض الفكره تماماََ بس بعد ما وريتوا الفيديوهات بتاعة الناس و هم في القياده عرف انو الناس دي جاده و هدفها واحد
قلت ليها حلووو عقباااال أمي > قالت لي خليها تشوف الفيديوهات م̷ـــِْن النت أو شغلي ليها التلفزيون قناة الحدث تحديداََ، قلت ليها طيييب ح أعمل كدا، المهم اتكلمت معاها مساااافه و قفلت
مشيت للتلفزيون و جبت قناة الحدث و فعلاََ كانوا بتكلموا عن الثورة السودانيه و جايبين ليها صور و فيديوهات بث مباشر ، فجأه كدا عيني وقعت على عُدى كان في القياده! يسلااااام عليهو يعني يمنعنا نحنا و يمشي هو !!؟
بعد شويه ناس بيتنا كلهم اتلموا، أمي قالت وووبعلي عُدى الوداهو هناك شنو ! حالتو كان بحذر فيكن هسي لْـۆ انضرب هناك ، لينا قالت ليها انا كلمتو يا خالتو و قلت ليهو ما تمشي هسي كان مته بس ما اشتغل بـ گلآمَيےّ
قلت ليها بغيييظ سمعتي ليك بزول مات قبل يومو؟ تسمعي شنو هو اساساََ في زول بعلم الغيب و بعرف نفسو ح يموت متين و وين؟!
_ هسي انتي مالك؟ انا كلامي مع خالتو
أمي قالت لينا أجي ياااا مها و لينا! دي شنو المناقرات البقت تحصل بيناتكم؟
_ بتك يا خالتو شكلها مضايقه م̷ـــِْن وجودنا انا و عُدى لَـگِنْ اطمنك ما قاعدين كتير
أمي قالت ليها أبداََ والله ماف كلام زي دا، الله يرضى عليك يا بتي ما تتحسسي و لْـۆ غلطت عليك انا موجوده
قلت ليها يا أمي والله ما غلطه عليها و اصلا ما شغاله بيها ، دي طايره ليها ساي ليها يومين شابكاني انتي مضايقه م̷ـــِْن قعادنا معاكم مع إني ما فضل لي إلا افرش ليها الأرض بالورد!
أمي قالت لينا خلاص حصل خير و تاني ما عايزا اشوفكم بتتناقشوا مفهوم؟
_ حاضر يا خالتو
أما انا ف هزيت ليها راسي بس و انا مغيوظه م̷ـــِْن لينا و حركاتها الزفته دي كل يوم بتوريني وش جديد و بتخليني اسأل نفسي معقوله دي لينا صحبتي؟
__________________
ما متأكده يا سوسو بس انا حاسه كدا ، مها م̷ـــِْن يوم ما جيت البيت دا مع عُدى و هي تعاملها معاي زي الزفت ، قدامو بتعمل نفسها بتحبني و بتعاملني معامله كويسه أما لما يطلع م̷ـــِْن البيت بتسمعني وسخ اضنيني و طالعه و داخله بتطاعن فيني بالكلام ، قالت لي لْـۆ عُدى دا كان عايزك و عندو نيه يكمل معاك كان هسي قربتوا تبقوا 3 ، بس أبداََ ما حصل رديت عليها و أبداََ ما جربت اتناقش معاها، عشان عُدى و عشان خالتو بُهيثه و عشان الصداقه الكانت بيناتنا أولاََ، هي بتحملني مسؤولية حاجه انا ما كان عندي علم بيها، والله يا سوسو لو جاتني قبل العرس بـ دقيقه واحده و قالت لي انا بحب عُدى و هو الكنت بحكي ليك عنو كنت ح اتنازل و ألغي العرس دا عشانها، كذا مَـرّھٌ اتناقرت معاي و كذا مَـرّھٌ طاعنتني بالكلام لمن حسستني بالذنب عشان كدا قعدت و قلت احسن اتفاهم معاها قلت ليها بالحرف ما قادره اتحمل معاملتك القاسيه دي ليـّۓ ما تنسي اننا في يوم كنا صحبات شديد و انا عشانك ح اطلق من عُدى بعد ما نتم الشهرين عشان سمعت أهلي بس هي ما صبرت و كل يوم معاملتها لي بتزيد سوء لحدي ما الًيَوُمًِ قالتها لي عديل في وشي و اعترفت لي إنو قعادنا انا و عُدى مضايقها و قالت لي امشوا قشه ما تعتر ليكم ، بكيت قدرتي بعد كلامها دا ما بقدر اتحمل تاني و احساس إني أذنبت في حقها و شلت منـِْهـ♡̨̐ـِْا عُدى ما مريحني هسي انا منتظراهو يرجع عشان أطلب منو الطلاق و أخليهو لـيها و ارتاح م̷ـــِْن تأنيب الضمير دا .....ما عارفه .....ما عارفه اقول ليهو السبب شنو كل الح اقولو ليهو طلقني و بس و ربنا يهنيها بيهو و........عُدى! جـ جـ جيت متين انت ؟
ما ردت علي و ملامح وشو كانت متغيره و عيونو زي الشرار في سري قلت و اخيرا خطتي نجحت، قرب مني و قال لي معقوله متحمله دا كلو يا لينا؟ طيب ليه ما حكيتي لي م̷ـــِْن البدايه و خليتيها تطاول عليك و تسمعك دا كلو
قلت ليهو بإستنكار قصدك شنو ما فاهماك؟
قال لي بضيق بطلي تدسي مني يا لينا انا سمعت المكالمه دي كلها، لـ متين كنتي ح تستحملي مها و كلامها المسموم؟ معقوله كنتي ح تطلقي مني عشانها؟ صدقيني هي ما تستاهل التضحيه دي مش براها العملت كدا و خليني أوضح ليك حاجه هي ما مضايقه بسبب زواجنا لأنها عملت كدا بإرادتها لَـگِنْ هي مضايقه بسبب قعادنا في بيتهم و اصلا م̷ـــِْن زمان هي ما طايقه قعادي فما بالك لمن نبقى ليها اتنين!
الغلط غلطي م̷ـــِْن البدايه ما كان اجيبي انها و أخليك تستحملي كلامها المسموم دا بكرا ح أشوف لينا بيت نرحل فيهو لأنو حاليا الزمن اتأخر > قلت ليهو بس يا عُدى ...قاطعني و قال لي ما تناقشي كتير الموضوع محسوم بالنسبه لي
قال كدا و طلع برا الغرفه و انا قربت أطير م̷ـــِْن الفرح، طلعتي ذكيه يا لينا و ضربتي عصفورين بحجر واحد ، شلت تلفوني و ختيتو في الشاحن لأنو كان قافل (آيي آيي ما كنت بتكلم مع زول لٱ سوسو لٱ غيرها كلها خطه مِڼـّي و نجحت 😌)
_______________
صحيت الصباح صليت و عملت شاي، كانت بتعملوا لينا أمي لَـگِنْ بما إنو الجامعات قفلت انا مسكت البيت، كبيت الشاي في السيرمس و الكبابي في الصينيه و شلتهم وديتهم البرنده لـ ناس أمي، أمي قالت لي الليله لينا ما صحت بدري كدي امشي شوفيها و ناديهم معاك للشاي ، ما كنت عايزا امشي بس هسي لْـۆ اعترضت امي ح تصدق كلام لينا لما قالت ليها قعادنا مضايقها، اتوكلت و مشيت أول ما وقفت جنب باب النص عُدى جا طالع قلت ليهو صباح الخير و أمي بتناديكم عشان تشربوا الشاي، ما رد علي كأني ما بتكلم معاهو و هو اصلا ما عاين لي ، قبل ما اتحرك لينا جات طالعه كالعاده بلبسها المخلع داك و قالت ليهو حبيبي عايزا تـ.......سكتت لما شافتني و عملت نفسها انها ما كانت شايفاني قالت ليها ااا مها كيفك صباح الخير و عملت نفسها محرجه م̷ـــِْن لبسها، قلت ليها بضيق كدا صباح النور و مشيت خليتهم واقفين، •اللّـہ̣̥ يحرقهم 😭
شويه كدا و جوا قعدوا معانا و شربوا الشاي بس عُدى ما كان على بعضو و واضح انو مضايق و في شاغلو، أمي قالت ليهو هييي يا ولدي انت أمبارح الوداك القياده العامه شنو؟ هسي لْـۆ كتلوك يا ولدي؟
قال ليها في غيري كتار الماتوا و البقتل الًيَوُمًِ يا خالتي و نحنا حالفين ما نرجع بيتوتنا إلا الحكومه دي تسقط ، م̷ـــِْن غير ما أفكر قلت ليهو يسلاااام عليك تمنعنا نمشي القياده و في الآخر انت ذاتك تمش؟!
وااااي ما رد علي و سفهني قدامهم و خلى لينا تشمت فيني و تضحك علي م̷ـــِْن وراهم، حييييا انا م̷ـــِْن نفسي دا يااااريتني ما اتكلمت معاهو > بعد ما طنشني قلت بالجد كدا دا مالو؟ .....يمكن زعلان عشان المره الفاتت قلت (حريقه تحرقهم م̷ـــِْن أمهم فضيله لـ عُدى ) يمكن زودتها و ما كان اقول كدا بس اعمل شنو ما قدرت اتحكم في نفسي و قلت القلتو
"لن أخبرك أنني أحتاجك ، ولن أتحدث بصراحة معك ، لن تشاهديني أتألم مرة أخرى ولن نتخاصم أبدًا ، سأكون هادئ للحد الذي يشعرك بأنني لست موجود"💔
يتبع......