#غفرانك8
بقلم: مها حولي الزاكي
لما وصلت البيت لقيت خالو مجدي زارنا تاني فرحت بجيتو دي شديد و إتلمينا كلنا حوليهو و بقى يونسنا ، فجأه سألنا عن عُدي ، أمي ولا كضبت و حكت ليهو م̷ـــِْن الألف للياء ، خالي عاين لي بحسره كدا ،، أخد ليهو نفس عميق و قال لي ليه كدا يا مها؟
طبعاََ انا قاعده على الهبشه بس و طوالي انفجرت بالبكى اصلاََ كنت عايزا لي سبب عشان أقدر م̷ـــِْن خلالو أطلع الحزن و القهر الجواي دا كلو بكيت كدا لمن هم ذاتم إنخلعوا و بقوا يعاينوا لي....خالي لما شافني ببكي بالطريقه دي قال لـ أمي خلاص ماف زول تاني يتناقش معاها في الموضوع دا شكلكم عصرتوا عليها شديد و شاكلتوها ....قال لي خلاص قلنا يا مها هسي في زول سألك !
مزدلفه قالت ليهو النصيحه هي غلطانه ، والله يا خالي تعاملها مع عُدي كان أزفت م̷ـــِْن الزفت، طالع و داخل كانت بتسمعوا كلام زي السم و كلو عشان قعادوا معانا ما عاجبها و هو ما حصل مَـرّھٌ اتجادل معاها أو أخد بخاطرو منـِْهـ♡̨̐ـِْا و كمان ...
أمي قاطعت مزدلفه و قالت ليها خلاص أسكتي
_بس يا أمي
= قلت ليك اسكتي و تاني ماف زول يتكلم معاها بخصوص الموضوع دا
قلت ليهم و انا بتنهد م̷ـــِْن البكى والله ما كنت قاصده و ما......سكته و ما قدرت أتكلم ،، أحكي ليهم شنو و أخلي شنو؟! عايزا اتكلم بس ما قادره اساساََ اقول ليهم شنو؟
ما كنت عارفه إنو أمو ميته مثلاََ ولا ما كنت عارفه إنو موت أمو مأثر علـّۓ. حياتو ؟
كلها أعذار أقبح م̷ـــِْن الذنب ،، الأحاسيس الحاسه بيها جواي ما بقدر اقولها لأي زول و هي اصلاََ م̷ـــِْن خشمي ما راضيه تطلع 💔
أمي عاينت لي مساااافه بعديها قالت لي خلاص بطلي بكى و امشي غسلي وشك دا ،، البكى ما بفيد بشي و حصل الحصل ....لَـگِنْ تاني ما عايزاك تتصرفي كدا مع زول مفهوم؟ هزيت ليها راسي و على طووول مشيت غسلت وشي و اتوضيت بالمره ....بعد ما انتهيت م̷ـــِْن صلاة الضهر لقيت مكالمات م̷ـــِْن لينا ...طبعاََ تلفوني كان صامت ....أول ما رجعت ليها و فتحت الخط هاجت فيني و قالت لي ليه ما بتردي علي و......الخ ، غيتو جاطت فيني جوه شديد....اضايقت م̷ـــِْن حركاتها دي لأنها بتحسسني كأننا بنعرف بعض لينا زمن و انا بطبعي حذره في علاقاتي حتى مع الناس البعرفهم و ما بحب اتعمق مع زول فما بالكم لما الزول دا يكون غريب و ما بينا سابق معرفه!؟ يعنى حتى لْـۆ اتكلمت معاها مرتين و تلاته ما معناها بقينا بيست فريند ......قلت ليها تلفوني كان صامت يا لينا......قالت لي طيب صوتك دا مالو كدا؟ ملاحظه ليك كذا يوم ما على بعضك ، ما تقلقيني عليك الحاصل شنو؟
قلت ليها جد يا لينا ماف شي زهجاااانه ساي و م̷ـــِْن غير سبب.....قالت لي طيب ما علينا اليوم عازماك غدا.......قلت ليها معليش بس ما بقدر .....قالت لي ليه؟
سكته و ما رديت عليها......أولاََ انا انسانه طبعي غريب و الأجواء الفرايحه و العزايم و المناسبات بحسها ما بتشبهني ، ثانياََ أمي اساساََ ح تخليني و لْـۆ كنت مكانه برضو ح أرفض.....استحاله تسمح لي اطلع مع وحده لٱ بعرفها لٱ بتعرفني ، جمعتنا صدفه بس ، يعنى نحنا قصة العزايم دي عندنا في البيت زي الحاجه الغريبه ، يا نمشي سوا يا نقعد سوا ....و أمي كاااان كااااان خلت وحده فينا تمشي عزومه تاني إلا بعد 100 سنه حتى تمشي غيرها 🤣🤣
_ ليه في مشڱلھِ يا مها؟ أهلك ما بخلوك ولا حاجه بالشكل دا؟
قلت ليها لٱ م م لٱ.....م
_ كدي أديني أمك دقيقه بس و م̷ـــِْن غير ما تسأليني أديها التلفون و كفى
قلت ليها طيب، ، و بيني و بين نفسي قلت كدا احسن عشان أمي حترفض بدلي لأني ما كنت حقدر اقنعه إني ما طالعه خااااصة إنو ما عِنـ.̷̷̸̷̐ـديّ سبب مقنعه و هي ليها أسبوع بتحنس فيني عشان نطلع و انا دايماََ بتحجج ليها لمن حسيت إنها اتحسست م̷ـــِْن رفضي المستمر ،، عموماََ مشيت لـ أمي و مديت ليها التلفون ...قالت لي بإستغراب دا منو؟
قلت ليها دي صحبتي قالت عايزا تتكلم معاك ....مسكت مني التلفون و سلمت على لينا.....غريبه عدت قريب ال3 دقايق و هي لسه بتتكلم مع لينا لٱ و كمان مبسوطه بونستها معاهَا مع إنو أمي زي ما بتدخل في الناس طوالي مالم تقعد معاك. وجهاََ لوجه و تعجنك.....
بعد ما انتهت م̷ـــِْن المكالمه رجعت لي التلفون....و فجأه ختت يدها على راسي ...عاينت ليها بإستغراب و ركزت مع عيونها البتعاين لي بكل حنية الدنيا دي كلها.....قالت لي اعفي لي يا بتي ....انا الوصلتك للحاله دي و خليتك تبكي ليل و نهار ....لْـۆ م̷ـــِْن البدايه قعدت معاك و شرحت ليك حساسية الحاله الكان فيها عُدي يمكن كنتي حتتفهمي الوضع و ما حتحسي إني بفرز بيناتكم أو بفضلو عليكم، يشهد الله كلكم عندي واحد و ما بريد واحد أكتر م̷ـــِْن الباقين ، يمكن معامله إختلفت لَـگِنْ الريده و المكانه واحده ،، قلت ليها ما تقولي كدا يا أمي انا ما زعلانه و حتى لْـۆ زعلت في النهايه انا الغلطانه ......المهم قعدنا و بقينا نتونس بكل أريحيه و رجعنا زي زماااان يااااداب حسيت إنو
الهم الفي قلبي إنزاح جزو منو فعلاََ مقاطعة الأم لـ أولادها دي أكعب حاجه ، لما أمك تزعل مـڼـڱ و ما تتكلم معاك حتحس إنو الدنيا ضلمت في وشك و زي الرايحه ليك حاجه ...حقيقة الأم نعمه
لما رجعتي غرفتي بديت اطلع في الملابس الح أمشي بيهم ،، أمي سمحت لي أمشي مع لينا.....اتصلت عليها و سألتها عن المكان ...قالت لي في ( )
بعد ما جهزت طلعت على المواصلات و الًيَوُمًِ كانت زحمه زحمه لمن غلط ...قلت لْـۆ وقفت هنا كتير الزمن حيتأخر و الطلعه حتضرب.... بعد شويه كدا فتحت تلفوني و اتصلت على "لينا" و قلت ليها ح اتأخر شويه ، قالت لي ماف مشڱلھِ ح انتظرك......قبل ما أقفل تلفوني عاينت لمكالمتي الأمبارح الكانَـت مع عُدي ،، لٱ إرادياََ لقيت يدي ماشه على رقمو.....في اللحظه دي وصل لمحت لي "تاكسي"كنت منزله راسي في التلفون و انا بأشر ليهو، أول ما وقف طوالي ركبت........ركبت و انا لسه بعاين في رقم عُدي و حاسه نفسي عايزا اتصل و اسمع صوتو ، م̷ـــِْن غير تفكير كتير اتصلت و الجرس كان خاشي ....فجأه سمعت صوت نغمة رنين اتصال في نفس اللحظه الأنا الإتصلت فيها على عُدي.....دا كان تلفون بتاع الترحال.....شالو و قال أف .... كان لابس كاب على راسو فـ ما قدرت أشوفو كويس و لسه كان جاري الإتصال....بقيت منططه عيوني و مستغربه بحاول أشوف وشو......في كسر م̷ـــِْن الثانيه رد و قال بضيق آلو ....
حصلت لـحـظـــِھّ ; .. صمت
و فجأه هو عاين وراهو و بقى مستغرب فيني....طبعاََ هو إتلفت وراهو لما سمع صوتو طالع م̷ـــِْن تلفوني
نزل التلفون و قال لي بـ حِيره كدا انتي؟ يعنى انتي الكنتي بتتصلي علي؟ !!
حسيت نفسي قدر السمسمه، اتمنيت لْـۆ تتشق الأرض و تبلعني، اتبكمت و ما قدرت اقول ولا كلمه ....اصلاََ انا الوداني اتصل عليهو شنو! !
قال لي خير في شنو؟ خالتي كويسه؟......طيب مزدلفه و مزن؟ خالي ؟!....كلهم كويسين؟في حاجه حاصله عليهم؟
سأل عنهم كلهم و نسى يسأل اذا انا كويسه ولا لٱ.....اسئلتو دي كلها قابلتها بالسكوت ....حسيت نفسي مخنوقه شديد، ما قادره أفسر سبب اتصالاتي الكتيره عليهو لٱ ليهو ولا حتى لنفس ما قادره أفسر ، و يمكن سبب ضيقي دا كلو إنو ما كلف نفسو يسألني عن حالي 💔
_ مها بتكلم معاك انا....في زول م̷ـــِْن ناس البيت حاصله عليهو حاجه؟
بعد ما قال كدا انا انفقعت بالبكي ، رغم كلامي الجارح و القاسي الكنت بقولو ليهو و رغم تعاملي الزفت معاهو لسه بخاف على ناس أمي و بسأل عنهم و دا كان واضح م̷ـــِْن نبرة صوتو و القلق الكان باين عليهو ،، أبداََ ما قال بتهم طردتني م̷ـــِْن بيتهم اذاََ تاني ما عندي بيهم شغله ،، هو بقى يسأل فيني و انا أزيد في البكى....اتذكرت كل حاجه سيئه عملتها ليهو، اتذكر كل الكلام القريتو م̷ـــِْن يومياتو ،
آخر حاجه قالها لي لْـۆ ما اتكلمتي ح اتصل على خالتي و أفهم منـِْهـ♡̨̐ـِْا الحاصل
........
طلع تلفونو و كان حيتصل بس وقفتو و قلت ليهو ما تتصل ماف حاجه.....نزل التلفون و قال لي طيب بتبكي ليه؟
قربت اقول ليهو ما سألت عن حالي ليه؟
بس ما قدرت سكته و بعد مساااافه قلت ليهو مسأله شخصيه.....قال لي طيب اتصلتي علي ليه؟
قلت ليهو بالغلط
قال لي كيف بالغلط و انتي قبل كم يوم لما اتصلتي قلتي لي عُدي بالإسم! !
قلت ليهو و انا بمسح في دموعي :
في زول أداني الرقم غلط و لما سمعت صوتك قلت ليك عُدي عشان اتأكد اذا دا انت ولا زول تاني، بس على كل الأحوال الرقم كان غلط
طبعاََ قلت الكلام دا دفعه وحده و سريع سريع و كان باين علي التوتر....طبيعي لأني كذبت عليهو و ألفت الكلام دا م̷ـــِْن راسي ساي ..
_ اوووكي هسي اتصلتي ليه ؟
قلت ليهو بإنفعال برضو غلط كنت ح اتصل لزول بس رقمك كان أول القائمة بتاعة سجل المكالمات و م̷ـــِْن غير ما انتبه ضغطت على اتصال ، و تاني ما تسألني
_ انتي أي حاجه عندك بالغلط؟
......
_ماشه وين؟
قلت ليهو بنفس نبرتي القبل شويه ما عندك بي شغله ، منو انت عشان تسألني ؟
قال لي ببرود كدا :
ما هو انا كما عرفت إنتي ماشه وين ما ح أقدر أوصلك لـ وِجهتك ! قالوا ليك بعلم الغيب انا؟ !
حسيت بإحراج شديد ...ياخ انا ليه كدا؟!
هسي في داعي اتماسخ و اتبايخ معاهو و اقول ليهو ما عندك بي شغله و انا قبل كم يوم كنت ببكي على غيابو؟
استغفر •اللّـہ̣̥ ، دا شنو البفكر فيهو دا! م̷ـــِْن متين انا يبكي على زول! و منو القال إني كنت ببكي على غيابو؟ بكاي كان ناتج عن إحساسي بالذنب تجاهو لٱ أكتر ولا أقل ...تعاطفي معاهو كان م̷ـــِْن باب الإنسانيه و بس 🖐️
طق طق
انتبهت و قلت ليهو وديني ( )
قال لي ټمـٱمـ و اتحرك .....طول الطريق و كل واحد فينا كان ساكت و بعاين بإتجاه غير
كسر الصمت دا عُدي لما قال لي خالتي "بُهيثه" كيف إن شاء •اللّـہ̣̥ كويسه؟
في سري قلت ليهو :
(( لْـۆ كان بتهمك كنت جيت و شفتها، لْـۆ بالجد أمرها بيعنيك ما كان اهتميت بتصرفاتي الغبيه ديك كلها و بكل بساطه طلعت و خليت لي البيت ))
قلت ليهو و انا سرحانه بعيد كويسه الحمدلله
بعديها سكت و ما اتكلم تاني ....في نفسي بقيت أفكر في الحاصل دا ...يعني انا لْـۆ كنت مكان عُدي و في زول شايلها معاي و سمعني اسوأ الكلام تاني كان بقى شنو داك ما بتكلم معاهو و على طول كنت ح أفصلها منو ...و لْـۆ لقيتو في الشارع ما بسلم عليهو فما بالكم لما اسألو عن ناس بيتهم؟!
جد جد زي ركبتي دي معاهو لْـۆ اتبادلني الأدوار ما كنت ح أرضى أركبو حتى و لْـۆ كان دافع لي قروش........احترت في أمري و ما عرفت هل أنا كعبه و قاسيه شديد عشان كدا بفكر في الكنت ح اعملو لْـۆ اتبادلنا الأدوار ولٱ عُدي دا طبعو كدا انسان كويس
هل يا ترى كل الناس دي زي و بتفكر نفس تفكيري و بنفس درجة القساوه العندي ولا هي زي عٌدي و انا براي الكلمه الشاذه؟
بقيت اتخيل نفسي سيئه شديد لدرجة اني اتخيلت إنو القوتين العظمتين يلي هم (الخير و الشر) بالمعنى الحرفي بتتجسد فينا انا و عُدي
_ وصلنا
_وصلنا
ياداب انتبهت و عاينت حوليني ، فعلاََ وصلنا و انا ما كنت مركزه ...نزلت و جيتو بالشباك عشان أدفع ليهو القروش....طوالي دور العربيه و فات ....تلقائياََ لقيت نفسي ببتسم زي الما نصيحه رغم الوجع الحاساهو جوا قلبي ....انتبهت على نفسي و قلت المبهج شنو في الحصل دا؟ غريبه يوم م̷ـــِْن الأيام حركه زي دي كانت بتزعلني خااااصة و إن كانت م̷ـــِْن عُدي، كلو كلو ما بقبل زول يديني قروش أو يعمل لي خدمه و ما يقبل يشيل أجرو حتى لْـۆ كان قريبي ....مفروض في حاله زي دي أزعل شديد و أقرب أطرشق و مفروض حالياََ أكون بنبذ عُدي في سري و اقول أكيد هو عايز يحسسني إنو متصدق علي ....بس دا كلو ما حصل! ليه ؟!
دخلت و لقيت "لينا " منتظراني سلمنا على بعض و قعدنا نتونس شويه حتى طلبنا و استمتعنا بوقتنا.....طبعاََ هي حاولت تعرف انا مالي بس ما حكيت ليها لأني ما م̷ـــِْن الناس البتتخذ م̷ـــِْن الفضفضه حل لمشاكلها و همومها ....
لما جينا طالعين م̷ـــِْن المطعم لمحت التاكسي القبيل الكان سايقو عُدي ....جات في مخيلتي فكرة إنو واقف عشان يعرف انا جيت هنا لمنو ، لقيت نفسي مبسوطه و بضحك لما "لينا " شكت فيني بس ما سألتني عشان عارفاني ح اقول ليها ماف حاجه.....قلت لـ لينا ارح بيجاي 👈
و كنت قاصده اننا نمر بجنب التاكسي بتاع عُدي ....بس اتفاجأت لما ما شفتو فيهو و انا متأكده إنو دا نفس التاكسي الجيت بيهو، لينا قالت لي مالك واقفه في شنو؟
قلت ليها لٱ لٱ حاجه ، قالت لي انا ح اركب م̷ـــِْن هنا عايني التكاسي راقده احسن م̷ـــِْن وقفة المواصلات ....قلت ليها طيب انا كمان ح اركب م̷ـــِْن هنا ،، ودعنا بعض و قبل ما نتحرك جا واحد سلم على لينا و سلم علي بعديها ، اتكلم معاها حبه و طوالي فات ....لينا قالت لي دا ولد أهلي، قلت ليها بضحكه كدا انتي الخرطوم دي كلها بتبقى ليك؟ لأنو قبل شويه جوا المطعم برضو لقينا ناس م̷ـــِْن أهلك ....قالت لي اييييك أهلي كتااااار و محل ما أمشي بلقاهم هسي الهنا ديل كلهم أغلبهم ببقوا لي ، قلت ليها كويس والله و دعتها و على طول ركبت انا فـ بالي عُدي، يا ربي لسه واقف برا المطعم ولا مشى لمن شافني ركبت؟
م̷ـــِْن فرحتي بشوفت عُدي ما حسيت على نفسي، متين و كيف وصلت البيت و انا هسي في غرفتي و راقده على سرير بعاين للسقف و ببتسم لما تمر صورة عُدي على مخيلتي، اول مَـرّھٌ انتبه إنو سمح و جذاب للدرجه دي ....طق ! اوووف كيف نـًسّْيـت اسألو هو سكن وين و مع منو 🤦♀️
دقيقه دقيقه بـ أي عين كنت ح اسألو؟ يعني بعد ما طردتو م̷ـــِْن بيتنا أجي تاني و اقول ليهو سكنت وين؟
على قول أمي اقتل القتيل و أمشي في جنازتو؟
بس هو ليه كان سايق تاكسي؟ زي الكان سمعت قبل كده م̷ـــِْن أمي إنو لقى ليهو شغل برا السودان، طبعاََ هو خريج جامعة السودان هندسه مدنيه /عمرو 27 سنه يعنى ليهو سنوات م̷ـــِْن ما اتخرج م̷ـــِْن الجامعه ، و حالو زي حال كل أبناء السودان يتخرجوا و يعلقوا شهاداتهم بسبب وضع السودان الكعب.....تاني ما عارفه الحصل شنو في موضوع سفرتو دي لأني زي ما عارفين ما كنت بطيقو ولا بطيق سيرتو
طلعت الألبوم و شلت منو صورتو حضنتها علي و نمت نووومه هنيه 💛
قيل لأحدهم : كيف تعرف من يحبّك؟
قال : من يحبّني يشعر بالنقص من دوني ولو امتلك كلّ شيء، يشتاق إليّ ولو كان حولَه ألف حي...، هو الذي يُعاملني كأنّه يراني لأوّل مرة ، و يحافظ عليّ كأنّني الوحيد في العالم، هو الذي لا يعترف معي بالنهايات، ويُحبّني كلّ يوم مثل البِدايات .. ♥
يتبع.......