#غفرانك3
بقلم: مها حولي الزاكي
قاعدين انا و أخواتي حولين خالي و معانا الفقر داك ،، خالو كان بحكي لينا عن شغلو، طبعاََ هو صحفي معروف ، عمر 39 يعنى ما كبير و اهم شي إنو ظريف شديد بحسو أخونا ما خالنا 💛....قلت ليهو خالو مجدي انت ليه سافرت فجأه كدا ليه؟
قال لي ما فجأه والله لي قريب الشهر كدا بخطط امشي لزول مهم في الإمارات كنت عايز اعرف منو كم معلومه كدا مهمه عن البشير و اتباعو ....
عُدي قالت ليهو لسه متابع القصه ديك يا خال؟
قال ليها ايوه متابعها و الحمدلله مسكت طرف الخيط ، مزن قالت ليهو عرفت شنو يا خالي ؟
قال ليها دي معلومات سريه فـ ما ح أقدر ابوح ليكم بيها و أعرض حياتكم للخطر ، قلت ليهو ما فهمتك خطر شنو؟
قال لي خطر الكيزان خايف يعملوا فيكم نفس العملوا في أبوكم ، متأكد إنهم حيكونوا مراقبين تحركاتي عشان كدا انا لي فتره ما مشيت شغلي عايز أوهمهم إني نـًسّْيـت موضوعهم و مكمل حياتي عُاَدّيَےّ ....بس مع ذلك زيارتي دي ما حتتكرر تاني حفاظاََ على سلامتكم
فجأة جانا صوت أمي و هي بتقول : سجمي يا مجدي دا كلام شنو؟
جات قعدت جنبو و قالت ليهو مش انا حذرتك يا مجدي و قلت ليك خلي الشغلانيه دي؟ قبليك حذرت حولي و قلت ليهو ما تباري الحاجات دي و خلي الناس دي في حالهم ديل ما عندهم رحمه والله ،، بس ما سمع مني و ياهو حصل الحصل و لـ يوم الليله ما عارفين عن حاجه ، حي ولا ميت •اللّـہ̣̥ أعلم....
حصلت لحظات م̷ـــِْن الصمت أمي كانت فيها بتحاول تخفى دموعها و تكتم الوجع الجواها ،، تلقائياََ انا ذاتي لقيت نفسي ببكي ، قمت منهم مشيت برا و قعدت أبكي هناك .....بقيت اتذكر أبوي و سنواتو الكان فيها معانا كيف كان يدلعنا و يسرح لينا شعرنا....كيف كان يجي نص الليل و يتفقدنا واحده واحده و لما أمي كانت تزعل مننا و تشاكلنا يجي و يقيف معانا و يحمينا م̷ـــِْن غضبها .....حرفياََ فراقو خلانا كلنا نحس بفراغ كبير بقينا نحس بيتنا دا زي الخلا ، سبحان •اللّـہ̣̥ زي الكأنو هو كان سور منيع حامينا و ساتر علينا و حالياََ نحنا في الخلا.....حصلت لينا نقله كبيره في غياب أبوي بقيت احس الدنيا دي بتضرب فيني م̷ـــِْن كل الإتجاهات ....مجرد كَلَّمَـےـاتِـ كتبها علـّۓ. جريده خليتو بلمح البصر يختفى م̷ـــِْن حياتنا.....مشى و خلاني مقطوعين الراس 💔
مسحت دموعي ، إتلفت وراي لقيت عُدي واقف و بعاين لي ، قلت ليهو بضيق خييير مالك في شنو؟
وه دا سؤال شنو الغبي دا ، أكيد شمتان فيني و مستحيل تفوت حدث زي دا ، مها بذات نفسها قاعده تبكي ، استحاله تفوت الشوفه دي ، عارفه احساسك في اللحظات دي أكيد حاسي نفسك حتطير م̷ـــِْن الفرح و إنو الدنيا ما سايعاك صّـْْ(☑)ـْْحّ ! !
سكت مسااااافه حتى قال لي سبحان •اللّـہ̣̥ يعنى طلع عندك احساس؟ بتبكي زيك و زي باقي الناس؟ دي حاجه عجيبه والله !!
قلت ليهو المهم دا ما حيغير حقيقة إني بكرهك مووووت، شفت لْـۆ أنا ادردقت في الواطه دي و بكيت بأعلى حس عِنـ.̷̷̸̷̐ـديّ ح أفضل أكرهك ، في عز انشغالي ح أكرهك ، في فرحي و حزني و عز وجعي ح أكرهك .....كراهيتي ليك حاجه ثابته و ما حيغيرها الزمن ...
قال لي ما بهمني 🙂
اتغظت منو شديد و م̷ـــِْن عدم احساسو و برودو دا ، خليتو واقف و دخلت جوه لقيتم لسه بتناقشوا في الموضوع داك ،، طلعت منهم و مشيت غرفتي و قعدته هناك ....بعد شويه مزن جات و قالت لي خالي مجدي بناديك ....لبست توبي و مشيت ليهم كانوا قاعدين برا في الحوش و الدنيا عصريه كدا .....لمن شافني قال يخسي عليك جيت عشان اتونس معاك تقومي تخشي جوه مني؟! افهم انك عايزاني امشي م̷ـــِْن هنا؟
قلت ليهو أبداََ أبداََ يا خالو ماف كلام زي دا بس خشيت جوه عشان عندي كم حاجه كدا عملتها و كنت ح ارجع بس انت ما صبرت و رسلت لي مزن
قال طيب تعالي اقعدي هنا جنب مزن و مزدلفه انا لسه ما شبعت منكم قلت ليهو جداََ ، أمي ذاتا جات قعدت معانا ورسلت مزن عشان تنادي الكائن داك يجي و يقعد معانا ، مزن دي أصغر وحده فينا عشان كدا بنرسلها هي 🤣🤣🤣
طبعاََ عُدي ما اتردد أول ما مزن مشت و نادتو طوالي جا و قعد معانا ، كيتاََ لي انا
فجأه خالي قال لينا ارحكم نلعب ليدو ، قلنا ليهو كووويس مزن مشت جابتو و جات لعبنا انا و خالي و مزدلفه و الكائن داك، أمي و مزن قالوا حيلعبوا في القيم الجاي ، المهم بدينا نلعب و انا مركزه بس مع كلاب عُدي كل ما يطلع واحد انا بكتلو ليهو لمن كلهم لاحظوا ليـّۓ ، خالي ضحك و قال لي يا عويره ليه بتقتليهو احسن ليك تحججي 🤣
مزدلفه كانت الفايزه الأولى و بعديها طوالي خالي فضلنا انا و الإسمو عُدي داك ،، وقعت ليك فيهو كتل زي الكتل ، اهااا بعد شويه كدا هو حجج اتنين و انا رجعت ليهو اتنين و للآسف انا كان باقي لي 4 بحالهم 🙆♀️
طلع واحد كتلتو ليهو ، المشكله ما هنا المشكله إنو جاب سته كتلني بيها، قربت أبكي ، تاني السته حلفت كان تجيني ....لقى الشارع فاضي و ما صدق حجج الإتنين الآواخر و خلا خشمي ملح ملح طبعاََ كلهم شمتوا فيني و ضحكوا علي ، عاينت لـ عُدي بغيظ كدا لقيتو ميت م̷ـــِْن الضحك ....حييييا انا م̷ـــِْن غبائي ، ليه خليتو يغلبني و يضحكهم فيني؟ !!
أمي قالت لي ما مشڱلھِ تلعبي تاني ، قلت ليها ما عايزا ما عايزا انا 😭 عُدي قال لي خلي عندك روح رياضيه دي مجرد لعبه بس ما أكتر ، قلت ليهو انت اسكت مني انا ما سألتك
خالي قال لينا بضحكه كدا و حالتكم حتعرسوا قريب دا؟!🤣
حصلت لـحـظـــِھّ ; .. صمت و انا كأنو صاعقه و نزلت على راسي بقيت منططه عيوني و فاتحه خشمي مترين > خالي لمن شافنا متحيرين كدا، قال لينا في شنو يا جماعه يعنى انا سمعت غلط ولا كيف؟
قلت ليهو فعلاََ سمعت غلط لأنو ماف كلام زي دا ،، العرس عرس حذيفه و مزدلفه بس
قال لي آيي آيي عارف بس زي السمعت إنو عُدي ح يعرسك ،، قلت ليهو ابداََ يا خالو عرس شنو كمان !!
قال لي عندك زول ولا شنو؟😉
قلت ليهو خالو زول شنو عليك •اللّـہ̣̥ !! انا بس وضحت ليك سوء التفاهم الحصل
قال لي خلاص خلاص ما تنفعلي كدا
فجأه كدا و م̷ـــِْن غير أي تخطيط عيني وقعت على عُدي ، كان بعاين لي بنظره كدا ما أفلحت في تفسيرها ، حيرني ذاتو، بعاين لي كدا مالو كمان؟
المهم اتونسنا كدا لحدي المغرب صلينا و أي زول شتت ليهو على اتجاه ، مزدلفه مشت تتكلم مع الخايب داك خطيبها و مزن بتقرا و أمي و خالو بحضرو و انا كنت زهجانه و ما عارفه اعمل شنو ...فجأه خطر على بالي أخش اليوتيوب و اشوف الميكب بعملوا كيف مع إني ما بعملو و ما شغاله بيهو بس بحب الفيديوهات الزي دي ....بس للآسف اكتشفت إنو ما عِنـ.̷̷̸̷̐ـديّ رصيد ....شلت قروشي و مشيت لأمي و خالو عشان استأذن منهم ....بس اتذكرت إنو أمي ما حتخليني ....عاينت للباب و عاينت للبرنده الفيها ناس أمي ، قلت الدكان قريب بمشي سرعه و بجي راجعه م̷ـــِْن غير ما زول يحس علي .....طلعت و ثبت الباب بحجر عشان بعدين ما اضطر اضرب الجرس ...لفيت التوب حولين وشي و بقيت ماشه براحه براحه زي الحراميه عشان ماف زول يشوفني ،، عندنا جارتنا شماره و بتاعة قوالات هسي لْـۆ شافتني حتسألني اسئله ما ليها بدايه و ما ليها نهايه و بعد دا كلو متأكده حتجي تسأل أمي عشان تتأكد......طبعاََ الشارع كان ضلاااام و بخوف ما فيهو أي زول، ، اها اثناء ما انا ماشه و بتلفت م̷ـــِْن غير ما انتبه اصطدمت بزول م̷ـــِْن غير ما اعاين ليهو قلت ليهو آسفه آسفه و على طول اتحركت م̷ـــِْن جنبو ما وقفت إلا لمن جاني صوتو و هو بقول لي مكانك .....انخلعت ، قلت في سري هسي دا طلع لي م̷ـــِْن وين كمان؟ .....إتلفت عليهو و قلت ليهو ڼـعمًـْ؟
قرب مني و قال لي الحلو ماش وين زي الوقت دا .....قلت ليهو و انا بتمتم م مم ماشه الدكان ، بقيت خايفه و برجف ، حماده دا مخوف الحي كلو معروف يعنى زول تافه شديد و بسكر و بتاع حركات كذا مَـرّھٌ دخل السجن بسبب عمايلو دي بس كلو كلو ما تاب و السجن ما زادو إلا سوء ، قال لي بإبتسامه خبيثه كدا رايك شنو تخلي الدكان و تمشي معاي صدقيني ما حتندمي
بقيت بتراجف و بعاين يمين و شمال، في سري قلت اجري اجري يا مها ، مسكت توبي و كنت ح أجري بس جرّا مني التوب و وقع م̷ـــِْن راسي ،، دموعي جات نازله قلت ليهو عليك •اللّـہ̣̥ يا حماده خليني امشي انا مش زي اختك ما متذكر زمان لمن كنت بتجي و بتلعب معانا؟
ضحك و قال لي ايوه متذكر مش كنا بنلعب عروس و عريس! ما انا هسي عايز أعيد الذكريات دي و نرجع نلعب تاني زي زمان
فجأه جانا صوت بقول انا كمان عايز ألعب معاكم ، أول ما حماده عاين وراهو جاتو بونيه على وشو لمن رعف ، بالجلاله قام م̷ـــِْن الأرض و وقف على حيلو و قال ليهو تضربني انا يا......والله ما أخليك يا ود ال......
استغفر •اللّـہ̣̥ كلها كانت ألفاظ بذيئه الواحد بخجل يقولا حتى بينو و بين نفسو ، بعد كلامو دا عُدي تاني ضربو و شبعو ضرب و انا بس بقيت واقفه و ما عارفه اعمل شنو ضربو كدا لمن فتر منو و خلاهو واقع في أرضو بقيت برجف و بقول ليهو كتلتو كتلتو يا عُدي ، و دي كانت أول مَـرّھٌ أناديهو بإسمو ...قال لي بضيق انتي الطلعك شنو كمان زي الزمن دا؟ ارفع زفت التوب دا على راسك
قلت ليهو الراجل ميت قدامك و انت لسه بتسألني ليه طلعت هسي دا زمن اسئلتك دي! !
قلت كدا و انا برجف م̷ـــِْن الخوف و عيوني كانت على حماده الكان غارق في دمو خفت شديد و اتخيلت نفسي مع عُدي في السجن
_ ما تخافي ما مات اصلاََ هو حمار و متعود على الضرب الزي دا ، ذاتو كما إنضرب ما برتاح عشان كدا ماف داعي لـ درامتك دي كلها ما تحسسيني إنك بشر و بتحسي زيك و زي الناس 🙄
قلت ليهو كيف ما بشر شايفني حجر قدامك؟
اهاااا ولا مغيوووظ عشان قلت ليك بكرهك و الموضوع مآكل معاك جنبه؟!! آيي بكرهك و هسي دي بكرهك +خليك عارف إنو إنسانيتي حاجه و كرهي ليك حاجه
عادي جداََ تلقاني بحس بالناس بحزن و بفرح ببكي و بضحك و مع ذلك بكرهك و دا ما معناهو إني ما بشر و ما بحس ، وقعت ليك؟
قرب مني و كان بعاين لي بنظرات حاده ، قال لي واحده زيك مستحيل تحس ، أنانيه و متكبره و طاغيه ما عارف شايفه نفسك على شنو بعدين تعالي هنا انا كيف ادخل في مخك الغبي دا فكرة إنو انتي ما فارقه معاي يا بت الناس و بالتالي گلآمَگ. و احاسيسك كلها ما ح تهمني بس انتي كيف تستوعبي الحاجه دي !!
يعنى ما معقوله كل ما تشوفيني تقولي لي انا بكرهك لأنو ما ضروري ،، گلآمَگ. دا انا بسمعو بـ هنا و بطلعو بـ هنا عشان كدا ريحي خشمك و ما تصرفي عربي كتير
سكته و بقيت اعاين ليهو بزهج كدا ، اتحركت م̷ـــِْن جنبو و كنت ماشه على الدكان قال لي بنهره كدا ماشه وين؟
قلت ليهو ما عندك بي شغله و تاني ما تعلي صوتك علي ، جا وقف قدامي و عاين للقروش الفي يدي بالغصب قلعها مني ....قلت ليهو احسن ليك ترجع لي قروشي هسي بصرخ و بلم فيك أمة محمد دي كلها ....ربع لي يدينو و قال لي سامعك انا يلاااا اصرخي
اتمالكت نفسي و هديتها ....قلت ليها عُدي رجع لي قروشي ....مع قولة "عُدي" دي عاين لي جوه عيوني لمن انا ذاتي حسيت بحاجه غريبه كدا كأنو حروف اسمو دي اترددت كذا مَـرّھٌ على مسامعي و لسه سامعه صدى صوتي تحديداََ في كلمة "عُدي " !
قال لي حاضر ح أرجعهم ليك بس قولي لي كنتي عايزه شنو؟
قلت ليهو بإنفعال شديد : رصيد كنت عايزا رصيد كدا ارتحت؟!
قال لي يلا ارجعي البيت ، قلت ليهو عٌـ.....كنت ح أنطق اسمو بس سكته
قال لي ارجعي و الرصيد حيصلك لحد عندك ، قلت ليهو بس انا ما......قاطعني و قال لي عندك خيارين:
-يا إما ترجعي البيت و تنتظري الرصيد أو ترجعي البيت و تنسي حاجه اسمها رصيد لأني ما ح أخليك تمشي الدكان ، فاهمه؟
قلت ليهو غيتو استغفر •اللّـہ̣̥ بس حتى في حياتي عايز تتحشر! ، مشيت منو و انا بتزهج لمن وصلت باب البيت عاينت يميني لقيتو لسه واقف و بعاين لي ....دخلت و قفلت الباب
بعد دقيقه نزل عندي رصيد ب 250مع إني كنت شايله 50 بس ، قلت لٱ أكيد دا عايز يذلني و يهيني بيها و يحسسني إنو اتصدق علي ، هل انا قلت ليهو امشي لي الدكان ولا قلت ليهو نزل لي رصيد بـ 250؟
مشيت صليت العشا و جيت راجعه ، قلت احسن شي ارسل ليهو ال200 دي بس اتذكرت إنو ما عِنـ.̷̷̸̷̐ـديّ رقمو.........ما تستغربوا مع إنو قاعد معانا م̷ـــِْن زمااااان بس لحدي اللحظه دي رقمو ما معاي >
طلعت القروش و أول ما سمعت صوت جرس الباب عرفت إنو دا هو ...شلت معاي القروش و مشيت فتحت ليهو الباب ، ما اترددت و طوالي مديت ليهو ال200، قال لي دي شنو؟
قلت ليهو انت شايف شنو؟ انا قلت ليك نزل لي رصيد ب250؟ ليه اتصرفت م̷ـــِْن عندك ، قايلني محتاجه يعنى عشان كنت ح أجيب رصيد بـ50؟
اطمنك والله ما محتاجه لأي شي و حتى لْـۆ احتجت لـ حاجه ما بقبل إنها تكون مـڼـڱ عشان كدا لم قروشك دي عليك و أصرفها على نفسك ..
حسيتو حيطق م̷ـــِْن الغضب ما قال أي كلمه شال قروشو و دخل ، أمي جات و قالت لي منو الكان في الباب؟
قلت ليها دا ولد أختك ..
نشطت بمزااااج و قعدت احضر ساااااي لمن نعست و نمت ♥️
إنني في أمس الحاجة إلى شخص غريب، أحتاج أن أتبادل أطراف الحديث مع غيري. سئمت أصدقاء المدرسة و أصدقاء الجامعة و العمل.أريد شخصًا لا يعرفني و لا تربطني به حالة او مسمى، شخصًا لا يبدأ حديثه ب " كيف حالك " لانه يعرف أن الجواب لن يفيده في شيء ، شخص لا يعرف هويتي، شخص لا يمارس دور الناصح و لا الطبيب النفسي .
أتسأل لما أحتاجهُ! إنني محاط بمجموعة من الجثث. جثث ذات أعين مفتوحة على أخاطئي و زلاتي، جثث لا عمل لها سوى التحديق فيّ، لا يفرقون بين ضحكي و صراخي، جثث تقيدني ، جثث تسحبني دائما تسحبني الى الأسفل 💔💛
يتبع........