🖤251
قطعات معاها وبدات كتغزز فسنانها
.اما عهد كسيرا تابعد من تما عاد تقل شوية ضار لعندها بانت ليها صافي بدات كترخا وراسها كيطيح وكتعاود تهزو وعينيها كيتسدو ابوحدهم وكتعاود تحلهم عهد حط يدو على يديها:بقاي فايقة معايا شوية متنعسيش تانوصلو
.مﻻك بغنج قاتلها النعاس:اننمم اشوية بيدما وصلنا
.عهد تنهد:واعافاك
.مﻻك حﻻت عينيها مزيان وكشرات:افف سربي
.عهد طلع فيها حاجبو:ومالكي كتنفخي دابا
.مﻻك بعصبية صافي وصﻻت لطوب باغة غي تنعس:دابا مالك قلتي نبقا فايقة هانا حالة عيني شباغي كثر
.عهد هبط حواجبو ببرود عكس البركان لي لداخل ديالو بسبب ردة فعلها بحاﻻ مبزز عليها راسو معارفش بلي غي النعاس لي ماثر عليها
.ماباغيش يزعف عليها:مﻻك النور طلبت منك غي تبقاي فايقة بيدما وصلنا متستاهلش ديك ردة فعل لي درتي اوك وزايدون مفيا لي يهزك ﻻنعستي ليا هنا
.مﻻك زادت جمعت حواجبها حست بحاﻻ كيقوليها رازايدة ناقصة ومفيه لي يهزها لانعست دﻻت شفايفها وضورات راسها لزاج:واصﻻ شكون لي طلبك تهزني المرض كيداير تفو
.عهد ضرب يدو مع الفولون تاتسمع كﻻكسون خﻻها تقفز:مﻻك النور متشوفينيش صابر ليك وكنبغيك غطلعي ليا فوق راسي
.مﻻك شافت فيه وعينيها تغرغو لكن حلفات مطيح الدموع اما عهد غي جامع حجبانو حتا وصلو حيد الحزام ونطقات بصوت خافت:تيليفوني
.(يخ منو وعيني فيه)عهد شد التيليفونات بدل الكارطات وخربق فيهم شوية وﻻحو ليها ففخضها:هاهو
.وحل الباب خرج اما مﻻك بقات كتشوف فالتيلي وضحكات باستهزاء نص ضحكة وهزاتو حطاتو فبلاصتو ديك التﻻويحة لي دار ليه محملتهاش بحاﻻ مصدقو عليها وكيمن عليها خﻻتو ليه فكرسيه وهبطات لقاتو ضار كيتسناها ومخنزر سبقاتو دقات دخﻻت بﻻ كلمة بﻻ جوج دخﻻت لبيتها كتنتر وحابسة البكية بدﻻت عليها ومشات سدت عليها الباب بالساروت وردات الشرجم ومشات♥
🖤252
ومشات لسريرها كيحطات راسها على السرير مشات ممسوقاش للناس لي كاينين وﻻ بلي خاصها تجلس معاهم المهم مولفة تنعس فهاد الوقت خاصها تنعس
.اما عهد تبسم ابتسامة صفرة لطارق لي حل لباب غي باش ميحس بوالو دخل للصالون وجلس معاهم لقا باه شاد مع باها الحديث ومو مجمعة مع العياﻻت وخوتها كيضورو فعينيهم مشا جلس حداهم وهوما واحد تينغز فﻻخر حتا نطق خالد:احم خويا عهد تافقتو ايمتا غديرو العرس
.خوتو شافو فيه زعما واش من نيتك حيت هوما كانو باغين غي يجبدو معاه الهضرة باش يجمعو معاه ويتعرفو عليه كثر اما السي خالد ملقا منين يبداه غي من تما عهد تبسم ليه:ورا عرس صفاء وطارق قبل العيد الكبير بشي سيمانة انشاءلله
.خالد كيحرك راسو بالايجاب:اه انشاءلله احم
.غمز لخوتو زعما راتقاداو ليه وعهد عايق بيهم بان ليه فهد كيضور تما ولي لقاها كيخشيها ففمو وكيعاود يبصقها تاوصل عندو وهزو عندو كيضحك:شكون نتا
.فهد اشار ليه بيدو ومخنزر:بكي بكي
.عهد شاف فخالد عارفو ولدو:واش كيقوليا نبكي
.خالد شاداه الضحكة والحشمة من ولدو:اه بكي عاد يقوليك
.عهد هز فيه حاجبو وهضر فنفسو:وزيد ليك مع هاد البعلوك تاهو
.دار يدو على عينيه وبدا تيتنخصص وفهد كيطل عليه وكيحيد ليه فيديه باغي يشوف الدموع عهد حيد يدو لكن مﻻمحو بحاﻻ كيبكي وفهد خرج فيه عينيه بحاﻻ معصب وهز صبع دارو فوق فمو اشارة باش يسكت واليد لوخرى هزها بحاﻻ غيضربو وعهد حاضي معاه ﻻيبربقها معاه حيت دقة الدراري الصغار كتقصح ميغركمش حجمهم الصغير مع يدهم صغيرة وخفيفة ناري الصماكة كيكتجي منهم
.عهد حاضي معاه وكشيوفيه:اشش لمك انقولك
.عهد سمع يونس كيضحك غي بشوية زعما باش ميسمعوش:خخههخهه عطي لمو ههه
.عهد شافيه وهو يجمع الضحكة وشاف ففهد:اهءم شنو اتقول
.فهد كيدير ليه بصبعو يسكت وكيخرج فعينيه زعما صاخط:اشش لمك.عهد
😁😂😂😂 وهنتما على فهد حث هو مصدقش سهل هههه
🖤253
عهد غاكيشوف فيه:اشش لمي
.فهد كيحرك راسو بالايجاب:انضربك اشش لمك
.عهد شاف فخالد بمعنى شهادشي كتعلموه وخالد ضحك وشير بصبعو لحليمة:ههه راهي لي كديرها ليه
.عهد شاف ففهد:يالله هاني اشش لمي
.فهد هبط يدو ونعت لراسو:نقول انا
.عهد حرك ليه راسو بالايجاب وفهد بدا كيضحك وكيتعوج بغنج طفولي وكيلوا ليه فوق فخضو وكيخبي فوجهو:انا فهودي
.عهد قرب ليه ودنو كيضحك ماقالها تامقادة:ههه واسميتك فهد اشمن فهودي
.فهد كشر:غالة فهودي
.نطق خالد:غاسايس معاه راكتقولها ليه مﻻك وتاهو متيق راسو
.فهد شاف فباه وبدا كيتركل يهبط من عند عهد عاد تفكر مﻻك ومشا عند باه:اعميتو
.خالد هزو:ﻻش بغيتي عميتو
.فهد كيخرج شفايفو بحال لبوسة:اندي موااح
.سمعاتو مرت يونس لي كانت قريبة ليهم وشافت ففهد:ﻻءح ماغاديرهاش ليها حيت نيني
.فهد مشا وقف عليها شاد فالسداري وهضر بشفقة:نيني مريضة
.شادية باستو كضحك:ﻻ غي ممريضاش غي متكية
.عهد بقا غي كيشوف وكيتنهد عاد كترجع معاه السينة مبغاش يغوت عليها ولكن ديما كتعصب على والو بقاو جالسين حتا تعاشات العشية بغاو يمشيو وفؤاد والو مخﻻهمش قاليهم تايجلسو يتعشاو الغالية شافت مﻻك عيقات بالنعاس خصوصا شمس كل مرة تسول عليها وناضت مشات كدق عليها وبغات تحل لباب والو مبغاش وصافي هبطت بحالها تجلس مع الناس اما مﻻك بقات من موراها غي شوية وفاقت بشوية عليها كتكسل وتفوه ناضت حلت لباب سمعت الهضرة عرفتهم باقين ورجعت لبست الفراشة ولوات شالها كانو حنيكاتها مزنغين ووجها باقي منفوخ بالنعاس مشات شللات فمها حيت كتولي فيه ريحة خايبة فاش كتفيق ودوزات الما على وجها مسحاتو عاد هبطات هوما شافوها وبداو يضحكو
.شمس:ههه صباح الخير
.مﻻك كضحك بخجل حشمات كاع لي نعست:ههه صباح الخير
.عهد غي شافها قلبو ضرب شحال كتبان زوينة فاش يالله فايقة وكيقول مع راسو
🖤254
وكيقول مع راسو دابا غيبقا يصبح على هاد الزين كل نهار
.جلسات حدا صفاء مشافتش جيهتو كاع جالسة كضحك مع صفاء والبنات وهو كيتغدد باغيها تشوفيه بدوك العوينات
.حتا ناضت الغالية وغمزت لمﻻك غي بالخف وفمهتها وناضت تبعتها لكوزينة:نعام
.الغالية جبدت اللحم كتشلل فيه ليكون فيه شي دم:انطيبو لناس لعشا
.مﻻك شافت فالفراشة غتوسخ ليها والغالية شافتها:حيديها هي والشد حطيهم فوق الكرسي تانساليو وعاودي لبسيهم
.مﻻك:رامﻻبسة والو لتحت.
الغالية:وياك غي فالكوزينة شكون شافك
.مﻻك حيداتها وبقات غي بديباردو وشورط ديالو فالبيض وتادوبياس بيضين الغالية خنزرت:منين جاوك دوك السوتيام
.مﻻك بحرج اول مرة تبقا بحال هاكا فالدار وعاد خايفة ﻻيجي شي واحد من خوتها على غفلة:شراوهم ليا البنات.
الغالية:ايمتا هادشي وعﻻش مقلتي ليا والو
.مﻻك مشات كتجبد العطرية والبرقوق تعسلو:غي نسيت
.الغالية بقات غي كتشوف فلخر ميكات عليها ومشات كترد العشا سدت عليه وبقات واقفة مﻻك توترات مكتحملش تبقا معاها على انفراد بحال هاكا حيت كتبقا تقوليها شي هضرة غي كتحرق ليها دمها وصافي:مي صافي غي سيري جلسي هانا نكمل
.الغالية لقاتها من الجنة والناس تمشي تجلس مع العيالات:وعنداك تحرقيه وﻻ شي حاجة
.حركات راسها بالنفي والغالية مشات مﻻك جرت الكرسي جلسات وكدندن بشوية دازت مدة وناضت كتقلب فالبرقوق واللحم شافتو باقي خاصو يكواح شوية مزيرتش عليه الغطاية خﻻتها غي محطوطة باش يكواح شوية ومشات كتدوق فالبرقوق لقاتو ناقص سكر وزادت فيه شوية خﻻتو تعسل وطفات عليه مشات قادات الخبز فشبكتو وغطاتو تايبغيو يتعشاو تسنات غي شوية وطفات على اللحم ومشات لبست حوايجها عاد خرجت عندهم صفاء شافت فيها:ايهاي هاي على الحادغة ديالنا
.شمس شافت فيها:مالها بحالك مكتعرفي تقلي تابيضة
.صفاء خرجات عينيها شوهاتها مع الغالية لي ضحكات:هه دابا تعلم ماشي مشكيل
.مﻻك هزت حاجبها اش هاد النفاق يا اماه
.اما واحد صفاء عجبها الحال
.نخليوهم ونمشيو لواحد لبﻻصة وبالضبط فروسيا فاحد ارقى الاحياء فشقة من شققو كانت ناعسة على ضهرها ﻻبسة تريكو كم لكن من لتحت ﻻبسة غي السليب
😍😍😍😍😍😍😁😂😂فنظركم شكون غدي تكون هدي ياله أرئكم باش نحط ليكم الكمالة😁😁😁😂😂😂