الملتزم السادي ♡بالدارجة♡

الجزء 99

416❤
وطلعت عينيها فعهد كتسحابو تاهو ضحك عليها معرفاتوش ضحكاتو غي طريقت حبيبتو فنطقها ونطقت كضحك عليها:هه مسكينة زيد اسيدي.
شافت فمﻻك:حيدي احبيبة كاينين وحدين لي ميقولوش بزاف وهاد لمرة دخلي لبﻻيص على قدك.
مﻻك كتشوفيها بجمود وهزت داكشي جمعاتو فساشية بشوية عليها وعهد هز حجابو حاضي المشهد شنو غدير ولوخرى شدت ليها يديها:ايه شكديري خلصي بعدا.
مﻻك شافت فليد لي شاداها:حيدي يدك غتوسخيني.
ضحكات لوخرى بميوعة واستهزاء وحيدت يديها:هه نخافك نتي لي توسخيني.طلعتها شافتها شلابسة تاهوما غاليمارك:بينا تاهادو غاجالوقي ماشي ماركات بصح
مﻻك نفضات يديها بكل رقي وشافت فيها وغمزاتها:ﻻ متخافيش عاد عايمة.
لوخرى بفقصة:ايوة حطي داكشي وﻻ خلصيه.
مﻻك:وﻻمابغيتش نخلصو شغديري.
لوخرى:غنعيط لسيكيريتي.
هزت كتافها:عيطي ليهم وانا غنعيط لمول لمول.
ضحكات بميوعة ونعتات ليها بصبعها طلعاتها وهبطاتها:انتي غتعيطي لمول المول هه فين غيتسوق ليك هو وزيدون منضنكش غتقدي توصلي ليه انا لي خدامة هنا وعمري شفتو.
مﻻك تبسمت ليها باستفزاز:وﻻ قلت ليه يجري عليك.
عهد خبا وجهو بيدو ونطق فنفسو:اهياربي السﻻمة على مجر-مة عطاني الله.
لوخرى قربات ليها باغة تاهي تفقسها:ايوة فاش توصلي ليه ديك الساع انا نقدم الاستقالة ديالي.
مﻻك ضارت عند عهد لي ضور وجهو باغي ينكرها فهاد اللحضة:حبيبي.
عهد شافيها مخرج عينيه غيطيحو:عفاك متنساش تقبل استقالتها.
لوخرى خصرات وجها مافاهمة والو ونطقت خصوصا شافت عهد خرج فيها عينيه كتسحابها ملسقة عليه:ايه شجالسة كتقولي طلقي من السيد واش نتي حمقة.
مﻻك طلقت من عهد وقربت حاطة يد على الطابلة ومخرجة فيها عويناتها كتفقسها:الحمقة هيا نتي.
لوخرى:نو غنعيط لسيكيريتي نتي بنتي ليا باغة الشوهة انا نديرها ليك.
ياله غتهز التيلي حتا بانو ليها يدين رجولية تحطو على الطابلة هزت عينيها وبلعت ريقها كان عهد من ورا مﻻك مﻻسق معاها من لور ومحاوطها بيديه
لي حاط فوق الطبلة مع مﻻك صغيورة كيبان بحال شي سبع مخبي بنتو ونطق بصرامة:جربي نشوف.
لوخرى بلعات ريقها:ولكن اموسيو راه خاصها تخلص.
عهد نعت فالمكان بصبعو:ﻻش غتخلص وهادشي كامل ديالها.
ضحكات باستهزاء مع عمرها شافت مول الشي عارفا غاسميتو وعندبالها شي واحد شارف ومكيجيش للمول بحال هاكا:هههه ﻻ باين ديالها وهي مﻻقية تاباش تخلص داكشي لي هازة.
عهد هبط عينو فمﻻك:خلصيها احبيبة.
مﻻك مدت ليها لكارتا وشدتها لوخرى وقلبات السمية هي لولة عاد باش ديرها فالالة وخرجت عينيها:سيبا فغي ماشي ديالك هادي تاع احم هادي سمية ديال مول المول.
خنزرت فمﻻك:منين جبتيها باينة شفرتيها.
ضرب بيدو فوق الطبلة تانقزت وقفات:بان ليا عيقتي بزاف يمكن.
لوخرى:ولكن اموسيو منين جاتها ﻻكاغت ديال موسيو عهد اليازيدي.
عهد:ايوة راهو انا.
ضحكات بعدم تصديق:نو ميمكنش.
نطقات مﻻك كتشالي بيديها:ومالك ابنادما جالسة تبونباي علينا تيقي وﻻ ﻻ حنا مالنا متبدايش تعيقي علينا هنا.
شافت فعهد:شهاد المرض كتخدمو هنا.
عهد شاف فلوخرى:يمكن عاد جديدة ونتي هاد المرة تعاملي مزيان مع الزبناء وﻻ تلقاي راسك برا.
بقات غي كترمش ممتيقاش اش تيقولو هادو عهد هز داكشي وبغا يجر مﻻك وهي تشدو:كيفاش كيفاش وراقالت غاتقدم استقالتها ﻻكنت كنعرفك.
لوخرى شدتها بشوية نغزتها ومﻻك شافت فيها ونطقات بشوية:واش هادا هو عهد ليازيدي.
مﻻك ببراءة:اه.
خرجو من عينيها لقلوبة وشافت فيه كتبحلس:هه سمحلي اسيدي معرفتكش.
مﻻك جات قدامها ودارت خميسة:خمسة فعينيك يالقردة راراجلي ونتي بديتي تنقزي.
عهد جر مﻻك تسكت:مﻻك النور بﻻ معيور.
مﻻك:ومشتيهاش هي.
عهد:مﻻك النووور.
سكتت قالبة شفايفها غضبانة وشاف فلوخرى:مرة خرى بقاي تحتارمي انا معرفتش شكون كيخدم بحال اشكالك شكون لي دوز ليك لونتغوتيان.
لوخرى مغددة:موسيو نبيل.