الملتزم السادي ♡بالدارجة♡

الجزء 98

414❤
سكتات ودبلو مﻻمحها تاني وبدات تغبن وهبط عليها معنقها:اوفف واصافي غتبقاي غي تبكي صافي نساي ديك الهضرة.
مﻻك:منقدش مكنساش انا اعهد مكنساش.
اكتفى يتنهد ويعنقها باش تسكت بقات هكاك حتا حبست مرة مرة كتعاود ليه على الحاجات لي كانت تقوليها ﻻهي ﻻباها بحال فاش يالله كتخرج من المدراسة كتلقاها عند لباب وكتشدها وتجرها تبقا غادة وتعاير خصوصا لتعطلت غي دقيقة مع الزحام نهارها كيدوز كحل والضحك لي كانو يضحكو عليها المتنمرين واخة مكانتش كتعيرهم اهتمام الى ان ضحكهم كان يضرها فخاطرها عﻻش متكونش عادية بحالهم ومها متجيش لعندها بحال شي بنت صغيرة وﻻ مكتعرفش الطريق للدار بقات كتعاود حتا نعست بشفارها فازغين بقات فيه بزاف وقبل جبينها:غنعوضك احياتي غنعوضك كنواعدك.
خشاها فصدرو وخشا نيفو فشعرها وغفا.
داازو ايام وجا لوقت باش يمشيو للحج وطلبت منو تمشي تبات مع دارهم ليلة وفالصباح يدوز لعندها ركبو وصلها وهي سبقاتو خﻻتو تيباركي ومشات دقات حلت عليها مها سلمت عليها وبقات تشوفيها:ﻻباس.
مﻻك:الحمدلله امي.
الغالية:شتك جيتي شنو ياك ﻻباس.
مﻻك:والو باس غي جيت نبقا معاكم.
الغالية:اويلي على تبقاي معانا صافي زبلتيها ورجعتي.
مﻻك بغصة:عﻻش مبغيتيش نجي.
فؤاد خرج فاش سمع صوتها:بنتي مالكي ياك ﻻباس.
مﻻك:والو ابا غي جيت نبقا معاكم ليوم.
فؤاد:ولكن ﻻش غي هكاك.
كتحاول تحبس البكية:واش غتخليوني فالباب.
غي كمﻻتها وقف عهد بابتسامة:السﻻم عليكم.
شاف فمﻻك وجمع الابتسامة حيت بانت ليه تبدلت رجعت تاني دغيا كدبال معرفش واش غي هكاك وﻻ فاش كتﻻقا والديها ديما كتولي هكا:حبيبة مالك.
الغالية ميقت فيه:يعطيك حبة دخلو دخلو.
مﻻك بلعت ديك الغصة ودخلت محمﻻتش تبقا تما دخلو للصالون وغي كضور فصبعانها عهد شاف فالارجاء مبانوش ليه خوتها وشاف ففؤاد لي بقا معاهم
بينما الغالية مشات توجد الضيافة:مكيننش الدراري.
فؤاد:لقيتيهم عاد مشاو البارح راه عندهم الخدمة.
حرك راسو بالايجاب وشاف لمﻻك بانت ليه غي حانية راسها حتا صونا لفؤاد التيلي واعتدر منهم ومشا جاوب ونطقت مﻻك بالزربة شدات فدراعو:يالله نمشيو صافي مبقيتش غنبات.
عهد:شنو وقع ياك كنتي فرحانة اتجي تباتي.
مﻻك بتوتر وحزن:ﻻ صافي غي يالله اصﻻ كنت باغة نبات مع لبنات ساعة مكينينش غي يالله نمشيو.
عهد:واخة انبقاو شوية ونمشيو.
مﻻك:ﻻ دابة.
جا ينطق ودخلت الغالية هازة صينية كضحك عاد حﻻت ليها كانت تاتسحابها واش مدابزة معاه ولكن فاش شافتو جا معاها عاد ارتاحت:مرحبا والف مرحبا.
حطت الصينية:كبي اتاي انجيب داكشي.
ومشات عاد جا فؤاد شاف الصينية وقربها ليه كب ليهم اتاي عاد جابت الغالية الحﻻوي حطتهم مﻻك غي نقبات اما عهد دار غي الصواب ومﻻك كل مرة تجرو ينوض حتا ناض وناضت معاه بالزربة:ايوة خلينا ليكم الراحة.
الغالية:صافي مشيتي بقا شوية.
عهد:غنمشي والله يخلف.
ناض معاهم فؤاد كيسحابو مﻻك غي غتخرج معاه لباب حتا بانت ليهم خرجت وسلمو عليهم وجرتها الغالية بشوية:فين غادة نتي ياك قلتي اتبقاي معانا ليوم.
شافت فعهد بحاﻻ كتقوليه يعتقها ونطق:جات غي تشوفكم حيت غدا انشاءلله غادين.
الغالية:ااه ايوة الله يديكم ويجيبكم على خير.
شافت فمﻻك:وهانتي بقاي معايا ليوم ياك كنتي اتجلسي وبقاي تالصباح ويجي ليك وﻻ يديك باك.
مﻻك شدت فعهد بتشبث:ﻻ انمشي نيت باش ندوز نشوف خوتي.
فؤاد:ورجعي من بعد جي باتي معانا.
مﻻك:مكرهتش ولكن عاد تفكرت باقين لحوايج خاصينا شي حاجات.
فؤاد:اه الله يرضي عليكم وصونيو لينا فاش تكونو غادين.
عهد:انشاءلله اعمي.
ودعوهم ومشاو ركبو وديمارا يالله ضار عندها غيهضر وهي تنفاجر كتبكي شادة على فمها وكتشهق وقف لوطو جنب مخلوع عليها

415❤
وقرب ليها:حبيبة مالكي.
حركت راسها بالنفي:اهئ والو والو اهئ اهئ.
بقا غي كيشوفيها وتنهد:واش قالو ليك شي حاجة قبل منجي.
مﻻك:واخة تديني اهئعند خويا خالد اهئ.
عهد:اه نديك احياتي ولكن تاتقولي ليا مالكي.
بدات كتعاود ليه بالزربة وكتشهق:وادابا يالله سكتي وﻻ منديكش عند خوتك.
مسحت دموعها بالزربة وشافت فيه:يالله ديني شحال الساعة بعدا.
شاف للساعة ورجع شافيها:قريبة الستة عﻻش.
مﻻك:هوما ميجيو من لخدمة تالديك ستة ونص بحال هكاك واخة ديني لشي بﻻصة عاد نمشيو عندهم.
عهد:واخة.
قرب باسها بوسة خفيفة وبعد:نديك لبحر.
مﻻك:ﻻ طلع ليا فراسي ديما كديني ليه.
عهد ديمارا:وفين تبغي تمشي.
مﻻك:مكرهتش نمشيو لدار لي فافران.
عهد:ههه مغيقدناش الوقت باش نرجعو تشوفي خوتك.
مﻻك:امم اه صافي ديني غي لشي بﻻصة تكون زوينة ندوزو فيها لوقت بيدما خرجو من لخدمة.
قال واخا وديمارا داها للمول حبس وبدات ضحك:ههه اويلي فين جايبني.
عهد:ههه هبطي ناخدو شي حاجة.شد فيديها وتمو داخلين:عرفتي كتعجبني بﻻصة الماكياج ودوك لبﻻيص لي فيهم لوان بزاف.
عهد:ههه يالله نمشيو اﻻلة.
ضحكات ومشاو لبﻻصة الماكياج مكين غي لماركات عجبها كولشي عهد بان ليه عكر ماط موف بارد وهزو وراه ليها وقربو لفمها:يجي معاك هادا.
مﻻك:انشوف.
حﻻتو شافت لوين مزيان:واو زويون واخة ناخدو.
عهد:ههه كولشي.
قاطعاتو:ديالي ههههه.
عهد:وراك مرت مول الشي ﻻش كتسولي.
عوجات فيه فمها:ولكن راحﻻوت هادشي هو نمشي ونخلص.
عهد:ههه اياه وديري ليا انا السيزي وهاهو خودي لفابور ﻻش اتمشي لمول اخر.
مﻻك:وﻻ بغيت تانا نمشي ونخلص وناخد لورقة وتانا نشد الصف ماشي كنهزو هادشي ونخرجو.
عهد:ههه ونتي عندك باش تخلصي لي كتهضري.
معجبهاش الحال بحاﻻ كيمن عليها وحطت داك العكر:احم يالله نمشيو نشوفو لهيه.
عاود هز داك العكر:وﻻش حطيتي هادا.
مﻻك
غي خليه انشوف حاجة اخرى.
حطو من نيتو ومشا معاها كيشوفو تاكتهز الحاجة غي كتشوفها كتروي عينيها منها وتحطها وكتقولو معجبتنيش وهو غي حاضيها معرفهاش مالها تاقالت ليه يالله نمشيو:ولكن شنو ماغتاخدي والو.
مكتشوفش فيه:ﻻ معجبني والو.
شدها ضورها عندو:مالكي.
مﻻك:والو غي معنديش باش نخلصو.
عهد:ههه وياك قلت ليك كلشي دي.
سكت فاش تفكر شنو قاليها قبيلة عاد سرات معاه كتبقا تهز لحاجة وتردها وهي عاجباها سكت ومد يدو للجيب جبد كارت بونكير ومدها ليها:هاهو عندك اﻻلة باش تخلصي.
ضورات وجها:ﻻ مبغيتش اصﻻ معجبني والو.
شد ليها يديها بزز حطها ليها فيديها:غتمشي وغتهزي غاع داكشي لي عجبك وغتمشي تخلصيه.
جات تنطق وقاطعها جارها لبﻻصات فين كانت كتوقف:يالله سربي غنتعطلو.
متنكرش فرحات ولكن شدتها البكية معرفاتش عﻻش حسات بحاﻻ كيمن عليها وهو غي ضحك معاها هزت داكشي غي قليل وشافيها:صافي ولكن ماشي غي هادشي لي شفتي.
مﻻك:ﻻ صافي تالمرة اخرى.
عرف بقا فيها لحال ندم ﻻش ضحك معاها هكاك:واخة.
تقدمو يمشي معاها تخلص وبان ليه داك العكر ومشا هزو حطو ليها مع داكشي وتبسمات بفرح بدورو تبسم لعويناتها لي لمعو ومشاو لاكيس تاهوما كيتسناو نوبتهم هاديك لي فﻻكيس محشمتش كتشوف فعهد وطلع وتهبط وهو ممسوقش ليها حتا وصلت نوبتهم شافت داكشي وطلعات مﻻك وهبطاتها متسحابهاش مع عهد حيت كان وراها كيبان بحاﻻ تاهو شاد النوبة اما هو جا من وراها بلعاني باش ميتلسق عليها تاواحد من لور كتميق فيها:350درهم.
مﻻك خرجت عويناتها ببراءة:ويلي بزاف.
عهد ضحك بعفوية لبراءتها وهو يخنزر فور مسمع لوخرى كضحك باستهزاء عليها:هه ايوة معندكش باش ﻻش داخلة لمول بحال هادا وهازة غير لي مارك سيري لشي سويقة خودي الجالوقي يصﻻح ليك راتلقاي هادشي كامل غي بخمسين درهم هه زوينة هادي ويلي بزاف.