الملتزم السادي ♡بالدارجة♡

الجزء 74

🖤296
بقا كيشوف شحال شكون هاد القناص الخبير لي قد انه يجيب القرطاسة فكتف صوفيا بﻻما يادي مﻻك يعني سنين وهو فهاد الضومين شد على راسو بقا كيفكر شكون يقد يكون حتى خرج عينيه:جبران ميمكنش
.هبط تيجري مشا عند الحراس كيسولهم عليه(عرفتوه شكون هاداك لي كان خدام معاه فالمافيا وجا معاه للمغرب ردو عهد هو المسؤول على الحراس رافايتة دكرتو فواحد الجزء الى عقلتو)جبران سمعو كيغوت عليه وجا عندو عهد جرو بعيد شوية:فين كنتي.
جبران:غير هنا اسيدي.
عهد:ماكد.
جبران:اه اسيدي عﻻش كاين شي موشكيل.
عهد:ممخبي عليا والو.
جبران:فين عمري خبيت عليك اسيدي شنو واقع واش شي حاجة فالامن معجباتكش.
عهد:قناصتك شحال مهزيتيها
.جبران كيحاول يتفكر تما عهد عرفو ماشي هو ولكن باغي يتاكد:شي خمس سنين وﻻ ستة مني سيفطني معاك البوص وجيت معاك من كولومبيا
.عهد خرج عينيه تاني وبدا كيتفكر فاش البوص كان كيراقب مﻻك زعما يكون باقي لدابا متبعها ويكون هو لي رسل شي واحد ونطق بشك:واش باقي كتهضر معاه وﻻ كتواصل مع شي حد من تما.
جبران:اه اسيدي داك الدري انتوني
.عهد كيفكر:عيط ليه قوليه يعطيك لبوص ﻻكان
.جبران جبد تيليفونو:رايكون حيت ديما كيرافقو
.دوز رقم انتوني وجاوبو وبداو كيهضرو بالاسبانية عهد كيسمع يالله بدا كيسولو جبران وهو يدخل باه واسامة شافوه تما وجاو عندو:فينك اولدي متعرفش تعيط لينا تامشينا لبوليس كناكدو عليهم عاد قالو لينا لقيتيها كانت مختاطفة واش ﻻباس
.عهد جا ينطق حتا كتوقف لوطو ديال خالد ومعاه فؤاد وايمن اما يونس مشا للدار يبقى مع مو والعياﻻت لي قالو ليهم بلي لقاها عهد والغالية شداتها عوجة قالت كون كانو دايرينها بلعاني ومشاو دارو مبغاو وبقات كتحلف عليها فخاطرها تقول ماشي هي لي كانت تنوح عليهم يجيبو ليها بنتها فؤاد توجه عند عهد:فيناهي
.عهد تلفت♥
😎كتعرف من هنا غدي تكره الغالية أشد لكره،أنا براسي كرهتها بلا قياس وهاد شخصية ديال الغالية راه حقيقية حيث هدشي نفسو عاشت اعز وحدة من صحباتي مع لأم ديالها 😎

🖤297

عهد تلفت ليه:راهي لفوق مع لوليدة كتبدل ليها.
خالد:شكون هادو لي خطفوها قالو لينا بنات
.عهد تلف معرف ميقول وبدا كيحك فراسو عاد هز فيه راسو:احم حيت غارو منها حيت غتزوج بيا
.اسامة مشا دخل بان ليه ضو لكوزينة شاعل ومشا طل بانت ليه سارة كتصايب لويزة ودخل عندها:شنو كديري
.سارة شافت فيه بتوتر لقربو:مﻻك مسكينة جابها عهد سخفانة وقالتلي ﻻلة شمس ندير ليها شوية اللويزة باش فاش تفيق تلقاها
.حرك ليها راسو بالايجاب وبقا واقف حداها هي كتكب الما سخون وكترعد وهو شاداه الضحكة:ابشوية واش جاك سخون
.سارة مجاوباتوش ودارت وراق لويزة فلكاس وخرجات غادة مطلعاه وهو تابعها مع عارفاه موراها تلفات ليها لمشية وهو وراها كيشوف فالطرماحة معندهاش شي وحدة كبيرة غي صغيورة ومع تلفات ليها المشية بدات كتلوز بيها بقا غادي وعينيه كيطلعو ويهبطو
.عند عهد لي خﻻ فؤاد ووﻻدو واقفين مع باه ومشا عند جبران فاش شافو كيشوفيه:شنو كاين
.جبران مد ليه التيلي:اه وفرحان حيت عيطتي
.عهد شد التيلي وتنفس حيت خمس سنين مهضر معاه وﻻ سمع صوتو حط التيلي على ودنو وسمع صوتو بالاسبانية:ولدي عهد.
عهد تبسم:بيخير عليك
.جايمس تبسم واخة هكاك فرح انه عيط ليه وتفكرو يمكن يخرجو شوية من موت طفلو:بيخير اش فكرك فيا من بعد هاد المدة كاملة
.عهد تنفس بالجهد حشم غيسحابو غي بغا حاجتو عليها تفكرو:بغيت نسولك.
جايمس:عﻻياش.
عهد:واش باقي مراقب مﻻك.
جايمس:مرة مرة كنبغي نسمع خباركم ومبروك بعدا مبغيتش نعيط ليك ﻻتسحابني باغيني نرجعك.
عهد تبسم:وشكرا على القناص لي سيفطتي بغيت غي نعرفو شكون نشكرو خاصك تهﻻ فيه
.جايمس قاطعو باستغراب:اشمن قناص عﻻياش كدوي
.عهد جمدو مﻻمحو:عﻻش ماشي نتا لي سيفطتيه
.جايمس:مسيفطت حد وعاد لي مراقبكم كيهبط لمغريب مرة مرة تاكنبغي نشوفكم فين وصلتو عاد كنسيفطو
.عهد♥
😊وهانتما هاهو مزدق لا جبران ولا جايمس