الملتزم السادي ♡بالدارجة♡

الجزء 105

434❤
عهد:عﻻش كتعرفي لسبليونية.
مﻻك:اه.
عهد:فين تعلمتيها.
مﻻك:هه ﻻكاساديبابل.
عهد:وايلي وكتفهمي ليها مزيان.
مﻻك:اه فاش كنت كنتفرج فيه عجباتني وبديت كنتعلمها.
عهد صغر فيها عينيه:وياك نتي مكنتيش كتخرجي والتيلي مكانش عندك منين تعلمتيها.
مﻻك:فاش كانو خوتي كيجيو عندنا وﻻ فاش كنمشيو عندهم كل مرة كناخد لواحد تيليفونو وﻻ لبيسي وكنتعلم ليها راوليت كنطير فيها.
عهد:احم(دوا بالاسبانية)شنو قلت دابا.
ضحكات وحيدات جﻻبتها:شنو قلت دابا.
هز فيها حاجبو ودوا تاني بالاسبانية:عرفتي واحد الحاجة؟.
مﻻك كتجبد متلبس:شنو.
عهد بالاسبانية:وادوي معايا بسبليونية نشوف مستواك فالنطق.
مﻻك:هه ﻻ كنتعكل فيها ماشي مزيان.
عهد بالاسبانية:اوك تالمن بعد وندويو فهادشي ومرة خرى بقاي تجمعي ودنيك.
ميقات فيه وهزات حوايجها غادة للدوش:ايوة راسمعت غالخر لي قلتي وغي بالصدفة مقصدتش نتصنت عليك.
عهد باسبانية:اجي فين غادة.
مﻻك:غنبدل ههه بقا تهضر معايا ديما بسبليونية صوتك كيولي زوين.
ضحك:ايوة اجي بدلي هنا فين غادة للدوش.
حشمات مع شحال ماشافها عريانة جاتها فشكل تعرا قدامو وﻻيعاود يشوفها:وغاخليني نبدل فالدوش.
عهد حس بفيبرول تاع مساج جاه ونطق:صافي سيري واخر مرة هاودني منك.
مشات كتفرنس خﻻها تاشدت الباب وحل التيلي لقاه لبوص نيت مصيفط ليه عنوان وكاتب ليه فلخر:عنواني غنكون كنتسناك فاي وقت جيتي ونتمنا مطولش باش نكملو هضرتنا فراحة.
جا يحط التيلي وعاود هزو كيمسح المساج ومسح تالميساج لي سيفط ليه قبيلة حيت عارفها كتشد ليه تيليفونو كثر من تيليفونها خافها تقرا المساجات خصوصا صدماتو لي كتعرف للاسبانية.
تكا على السرير ساهي وكيطلب الله يكون باغيه غايعانو يفكر فشي حل وميطلبش منو يدخل معاه حتا خرجات كتجر فرجليها بزز باش بدﻻت عيانة ومشات تﻻحت حداه
وتخشات فيه مغمضة عويناتها:عهودي مالك.
تبسم:هاد عهودي وﻻت عندك زوينة بقاي ديمة تقوليها ليا.
مﻻك:هه كنبغي نعيط ليك عهد الدين كيف كتعيط ليا بسميتي كاملة وكتجيني تقيلة ولفت نقولك غي عهد.
عهد:وادابا غي بقاي تقولي ليا عهودي.
مﻻك:هه ولكن غي بيناتنا ماشي قدام شي حد.
عهد:عﻻش انا كنقولك سميتك غي بيناتنا.
مﻻك بضحيكة خجولة كتلعب ليه بصبعها فصدرو:هه ولكن غي كندلعك بيها حشومة قدام بنادم.
عهد:احح على الدلع كيفداير واخا اﻻلة على خاطرك.
باستو من صدرو وتكات عليه:واشتك ولفتي هاد البوسة فالصدر شتيني مبقيتش كنوض ليك هاه وديري فبالك غاكنا ففترة الحج لتولفيش كل مرة تبوسيني نبقا جالس.
ضحكات:ههه ومالك منضتي دابا.
عهد:غاجيتيني عيانة وﻻ بغيتي دابا نوض ليك معنديش مشكيل راغاعلى سبة والله تنفر-عك ليوم.
مﻻك:ﻻ انا بالله وبالشرع معاك غابقا.
عهد:ارتاحي ﻻباغة ترتاحي باش نمشيو بحالنا بليل.
كضور فعويناتها:فين.
عهد:للفلبين.
ببراءة:بصح فين جات لفلبين واش بعيدة بزاف.
بطنزة:اﻻ راغي فدورة.
مﻻك:مضحكش عليا رابصح داوية معرفتهاش فين جات قوليا.
عهد:ومنعرف لجد بوها فين جات بنتليك انا لي مقسم الخريطة.
مﻻك:وملي معارفهاش ﻻش انمشيو ليها.
عهد:ايمتا قلت غنمشيو ليها.
مﻻك:اف هاهو غيسطيني تاني.
عهد:وانتي جالسة تسوليني فين راباينة لدارنا.
مﻻك:يأ وانا يسحابلي اتبدا تضورني العالم ياك قلتي ليا انبداو من مركزو ونبداو نضوروه كامل.
عهد:هاحنا دوزنا مركزو ياك؟.
مﻻك:اه.
عهد:ايوة سمعيني يالحبيبة ديالي وحلي دوك لودينات مزيان.
مﻻك:هانا حاﻻهم والله.
عهد:شتي داك العالم.
مﻻك:اه.
عهد:ياك عرفتيه العالم لي باغة ضوريه.
مﻻك:وااه عرفتو.
عهد:اري داك اليدية.
عطاتو يدها وضرب فيها بكفو:والله ومتفتحي الحدود لضربتي فيه الضربة.