🌟الملتزم السادي 🌟
❄هوس السادي بالفاتنة الصغيرة ❄
🔥الجزء 51🔥
تالاقامة حافضها بدا كايكبر وكيحبس كيجيه احساس فشكال بين الحشمة والخوف من انه تالدابا عاد جاي تاحس بالخطر عاد لتاجأ لله حس براسو بحال فرعون فاش كان كيغرق وعاد امن حس براسو صغير بزاف تنفس مزيان وكمل جوج ركعات وبقا جالس فاش سلم ساهي قاد الجلسة و جمع يدو كايدعي اكتافا بثلاث كلمات:ياربي ترجعني حي.
وناض جمع داكشي شد التيلي ولفت انتباهو بعض العناوين على الدين بقا كيدخل من صفحة لصفحة حس براسو معارف والو على دينو تامن الصلا لي صلا شك فيها واش مقبولة ولا واش مشهد ولا تاواش هو مسلم اصلا بقا كيقلب وكيقلب تادخل لواحد الصفحة فيها ايات قرانية بقا كيقرا تاداه النعاس فاق غي على صوت التيلي هزو جاوب بصوت ناعس:الو.
البوص:باقي ناعس.
عهد ضار كيشوف البالكون بانت ليه الشمس مطنطنة:غي كنت عيان شوية.
البوص:اوك المهم نتمنى تكون رتحتي باش تكون فكامل قواك اليوم. عهد:اوك هانا دابا نجي عندك.
البوص:اوك مي خود وقتك دوش رتاح شوية عاد اجي خود راحتك.
قطع معاه وشاف فالتيلي لي خرج من جيهت الاتصال وجات عينو على القران لي كان شاد واول حاجة بانت ليه كانت الاية الكريمة{ان الله غفور رحيم}تبسم بحالا جاتو رسالة وناض دار كيف قاليه البوص كمل و يالله لوا عليه الفوطة غادي خارج رجع توضا ومشا لبس عليه وفرش بحال البارح ولكن هاد المرة صلى الصبح والضهر واخة زرب عليهم.
خرج وتوجه لمنطقة لبوص ولقا هيليكوبتر كتسناه والبوص جالس فكرسي بعيد شوية مشا عندو سلم عليه ونطق البوص:واجد. عهد:اه.البووص شير لخمسة من رجالو كانو صحاح وباينة فيهم متمرسين:غيمشيو معاك غيبقاو بعاد لضطريتي عيط ليهم.عهد كيشوف معاهم:امم واخا ولكن كون غي بلاش ياك مكتكونش الحماية تما باش تاواحد ميشك. البوص:خوسي ميقدرش يغامر. عهد:اوك هانا مشيت.تمشا غادي يركب تاسمع صوتو ضار لقاه وقف
___________________
لا جين نشوف راه بزاااف فين لي مبعد على صلاة حث النهار لي تايطح فمشكيل عد تايرجع يالتجئ لله سبحانه وتعالى لذلك كنصح أي وحدة فيكم تبع صلاتها فالوقت ديالها ومتنساهاش
_______________
واش الخطوة لي دار عهد غدي ترجع حي ولا غدي تكون أخير فرص ليه
يتبع....
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 52🔥
♥ لقاه وقف:نجح على قبلها عفاك.
عهد بقا كيشوفيه لدابا معارفش لاش كيدير معاه هكا وخصوصا مخليه متشبت بملاك معارفش ان البوص فقط كتفكرو فختو لي ماتت وانه غي يشوفها كيف تمنى يشوف ختو يمكن بقات فيه ومبغاش مصيرها يكون بحال ختو وعارف انها كانت غتعرض للاغتصاب وهي صغيرة خصوصا عارف معاملة والديها واخا ضروفهم مختالفة الى انها عزات عليه ولو كان عطاه عهد الموافقة كان يجيبها عندو بلا تردد ولو اضطر يحرق واليديها على العيشة لي معيشينها ومواعد نفسو لاطرات لعهد شي حاجة هو لي يهتم بيها من بعدو.
بلاما يجاوبو عهد ضار وكمل طريقو وتبعوه الكارد وحلقت الهيليكوبتر في السما مخليا حوايج البوص وشعرو كيتطايرو بفعل الريح وهو حاضيها حتى اختافات من انضارو وضار غادي خارج لمواجهة عدو لي حرمو من ختو بالرغم من انه تسرع جايمس الى انه كيرد اللومة لخوسي وانه ماكانش خاصو يدير داكشي خرج وركب سيارتو لي فيها الكارد تحركو وتبعوهم ثلاثة السيارات كاطكاط عامرين برجالو وتوجهو للميناء لي غيتلاقاو فيه مع خوسي ورجالو تاهو اكيد مغيجيش بلا حماية وهو عارف جايمس متيحملوش على داكشي لي دار فختو وخلاها تنتاحر وصلو كان ضلم دغيا ودنيا خاوية بانت ليهم باخرة جاية عرفوها ديالو وبقاو كيتسناوه اما عند عهد فكانت حطاتو الهيليكوبطر فالاراضي البرازيلية مع هبط بالزربة مشا للوطو لي كانو موجدين ليهم ركب وتبعوه لوخرين توجهو لأخنز واوسخ حي فالبرازيل خلاو لوطوات بعاد شوية عهد دار طربوش وطلع القب وهز التريكو على وجهو وتم داخل لداك الدرب وكيشوف فالبيبان كيقلب على العنوان غير آبه بلي كيبيعو المخدرات وهالي كيتدروغا وهالي شاد شي وحدة مكوزها وكي*وي كلشي بالعلالي حتا وصل لدار كبيرة كتبان بحال شي فندق بان ليه الباب الكبير محلول ضار شاف فالرجال لي كانو مفرقين
____________
شفت المعزة ديال ملاك عند جايمس كون صاب حث هو كون حرق عائلتها باش تعيش هي مرتاح
يتبع.....
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 53🔥
♥ مفرقين وكل واحد كيدير حاجة باش ميلفتوش الانتباه ولكن دايرين بالهم مع عهد ليبغيهم عن طريق العدسات لي مركبين فودنيهم لي تخليهم يتواصلو مع بعضهم قبل مايدخل هبط التريكو على فمو وهبط القب ولاح الطربوش وضور وجهو كيشوف الفوق وفكاع الجوايه وكايبتسم بإستفزاز ودخل بسهولة غادي طالع وتيزرب ليداركو الوقت وصل للطبقة التانية وبان ليه رقم الدار لي باغي كان الباب غي مردودة دخل وكيسمع صوت مرا كتغوت تقدم شوية كتبانليه كتهضر فالتيلي بالبرازيلية وكتغوت هازة كارو وهي غليضة لابسة غي شوميز دونوي ضور وجهو لجيهت التلفزة وبانت ليه لي جاي على قبلها كتشوفيه تبسم ليها ونطق بالاسبانية:اووه لقيتك.هاديك المرة عاد نتابهات ليه ومشات تقابلت معاه وبدات كتغوت وكتشالي بيديها هو مفهمهاش وضار عند البنت بالاسبانية:قولي ليها انا من طرف باك جيت نديك.هاديك البنت بانت لمعة فعينيها وهضرات مع لوخرا وكتقولها سيري جيبي ليا الكرسي مشات هاديك وجابت كرسي متحرك والبنت حيدات الغطا على رجليها وبغات تركب كانت مشلولة من رجليها تاحبسها عهد:مكين لاش غنهزك.البنت بقات كتشوفيه عجبها الحال وتاهو حمقها قرب وهزها وتم خارج بالزربة علاش هزها حيت غيتعطل مع الكرسي المتحرك تم هابط من الدروج حتا خرجو ليه جوج رجال هازين السلاح وقبل مايهضرو كانو طايحين فالارض عهد شاف فالكارد لي كانو دخلو فاش شافو هادوك دخلو وتبعوهم عرفوهم رجال خوسي.هبط تيجري وهاديك كتشوفيه مخلوعة حيت هادوك لكارد تاع باها وكتعرفهم وبدا كيدخلها الخوف ونطقت:شكون نتا فين غادي بيا.عهد شافيها مبسم بجنب:عند باك علاش متوحشتيهش.تمشا تاوصل للوطو حطها لداخل لور ومعا غادي غيمشي يركب يديماري حتا جاتو رصاصة فكتفو كون محفض الله كون جاتو فالقلب وهنا جاو الكارد ضوروه بالطوموبيلات ديالهم مغطيينو حلو
_________________
لبنات شنو مصير ديال هد البنت واش غدي يكون مصيرها بحال أخت ديال جايمس ولالا ؟
واش غدي يكون عندها حث هي داور مهم فالقصة ولالا
هههههه كنصحكم انكم توجد كلينكس باش تمسح دمعكم حيث قريب غدي توادع عهد
يتبع.....
🌟الملتزم السادي 🌟
❄هوس السادي بالفاتنة الصغيرة ❄
🔥الجزء 54🔥
♥ حلو الباب وخشاوه وبداو كيدابزو مع هادوك واحد من الكارد ضار جبد البنت لي كانت مخلوعة هزها وحولها لسيارة اخرى غير لي خشاو فيها عهد الكارد شافوهم كتار وعاد الدخيرة قربات تخوا وعهد خسر الدم بزاف قررو ينساحبو وفعلا خرجو من تما والقرطاس تابعهم رجال خوسي ماقدروش يتبعوهوم حيت معندهومش لوطوات كانو عاد جابوهم وماجاو فين يديماريو تاغبرو عليهم اكتافاو يعيطو ليه لكن كان طافي الفون ديالو حيت فكل مهمة مكايبغيش لي يزعجو اما عهد فركبو معاه زوج الور شادين على جرحة لي باينة غارقة والثالث سايق وكيعيط لي معاه فلهيليكوبتر يجيبو طبيب والبنت راكبين جوج واحد سايق ولاخر هاز عليها الفردي لتحاول تهرب وشاد فجنبو حيت تضرب تاهو مدة ديال الوقت ووصلو لقاوهم جايبين طبيب وممرضة عاونوه كان بدا تيفقد الوعي حيت جاتو حدا القلب وعاد فقد دم بزاف حيت كان سخون دخلوه بالزربة وبداو كيسعفوه اما لاخر قاليهم يسربيوه هو حيت يقد يموت اما هو غي جرح سطحي داواه راسو حلقات الطائرة والبنت غي كضور عينيها خايفة عهد دقو ليه مقوي وصحصح شوية قاليه الطبيب خاصو عملية حيت غارقة الرصاصة وتقد الى تحرك بزاف تحرك وتقرب ليه لقلبو وتوحل تما مع العروق ويسدقو دايرين ليه عملية خطر من لي هيديرو عهد سمع الطبيب تاكمل وضار شاف فالبنت:لا تانديوها لباها ونكمل مهمتي عاد يمكن نديرها. الطبيب:ولكن اموسيو عهد غتقدر تخسر حياتك هاهوما رجالنا غيديوها ويقولو للبوص شنو طرا.(الطبيب معاهم نيت هو والممرضة حيت ميقدوش يغامرو ويجيبو واحد عادي يقد يبلغ بيهم). عهد:قلت ليك لا صافي غنحاول منتحركش بزاف.الطبيب ملقا مايقول خاصو ينفد الاوامر وصافي قرب نضفليه الجرح ودار ليه فاصمة تحبس النزيف بيدما بغا يمشي للمستشفى.نرجعو عند البوص لي وصل عندو خوسي هو ورجالو وكان وراه شاب يكون قد
_________________
شفتو زوغبي قرب يموت وهكاك مبغهمش يعتقه قبل ما دخل فيه الرصاص سر هو لي بغى يموت كون سمع الهدر ديال طبيب مغديش يموت
يتبع.....