قلبي بيدهِ

بارت 37 والأخير

" مُنذ ان عرفتُكِ والسرورُ يزورني
‏كالغيمِ ظلّلَ خاطري وأقاما "

تأخرت عليكم بالبارت
بس ان شاء الله يسوة
الانتظار ٥ الف كلمه
والنهاية لازم تكون حلوة

jwhrltm

قرأة ممتعه احبتي
♡♡♡♡♡♡♡♡♡

اماني : رحت يمها بصفها بالضبط اني خفت عليها متخربطه او شي بس من شفت اكتافها تتحرك  وشهكاتها خفيفه عرفتها تبجي بس ماتريد احد يسمعها

كعدت بمستواها وكمت امسد على شعرها الفالتله

-شبيج يروحي شبيج يعمري ليش هيج تبجين اهلج غاصبيج لو شنو

باوعتلي مريم ودموعها عشرة عشرة وتريد تحجي بس شهكاتها تمنعها

مريم : لا ماجبروني على شي اهلي (بالكوة تحجي وبالكوة احد يفهمها)

اماني : لعد شبيج يروحي خوفتيتي عليج

مريم : باوعت على اماني واني مقهورة لان ماكايلتلها وحجيتلها كلشي بالتفصيل من اول ما حجه وياي لؤي لحد هذا اليوم حتى محادثتي ويه تبارك كتلها عليها

اماني : انصدمت من شفت حالة مريم يرثى لها وانوب تتعلثم بالكلام

بس الي صدمني اكثر من عرفت اخوي حابها ومكون وياها علاقه يلا اجه خطبها

تفهمت موقفها وخوفها على صداقتنا وكلش فرحت راح اصير جنه النا واخت الي 

-هههههه امداج لو كايلتلي من البداية خبلة ماكيف اصيرين قريبه عليه

مريم : انصدمت عبالي راح تزعل مني

- بس بس خفت تكون رد فعلج مامتوقعه

اماني : دكومي دكومي امي تريد تشوف خلقتج اني اعلمج على كل يوم خليتيني بيه افكر شبيج وليش ممبتعده عني هيج

مريم : احجي ومسح بدموعي ههههه اسفه والله كلش خفت من ردج وضل الموضوع ياكل ويشرب وياي ومحاسه على نفسي من تغيرت عليج

اماني : يروحييي الي يخاف على مشاعري احجي ولازمها خدودها اعصر بيهن

كومتها غسلت وجها مشطتلها شعرها وكتلها تعوفه مفلوف حطيتلها شوية مكياج وكتلها راح انزل قبلج وانتي بدلي والحكيني بعصير
(بغمزة + ضحكه)

مريم :اسمع  بأماني ومكيفه وهز براسي

بسرعه من طلعت اماني عندي نفنوف اصفر مخصر وكلوش ومو كلش طويل جوة عن ركبتي بشبر وكله فراشات حمر عدلت نفسي ورتبت روحي ونزلت لكيت تبارك مجهزة الضييافه اخذتهن من عدها وطبيت

رسل : اللهم صل على محمد

سعاد : تبارك الرحمن ربي يحفظج شهل جمال

مريم : مع انو شايفاتني بس مدحني ومحدهن غركني بملابسي من المستحه

شافني وطلبني من امي وامي ماكالت لا بس كالت اشوف رئي ابوها ورجعلكم خبر

وفعلاً راحوا وامي كعدت وياي بغرفه وحدنا تاخذ رائي

ام مريم : بنيتي كل شي صار كدامج وشفتي كلامهن وكالن ترة العرس الاسبوع الجاي يعني انتي واماني سوة تتزوجن تشوفين هل شي مناسب

مريم : ماما كيفكم الي تشوفوه

هزتلي امي راسها بموافقه وراحت اجه ابوي وفتحت امي وياه الموضوع بالبداية ماقبل لان كلش قريب الموعد بس امي قنعته وكالته ذولي خوش ناس ونعرفهم صار فترة ولا توكف بقسمه البنيه

الظاهر ابوي مقتنع وباجر انرجعلهم خبر الموافقه لان يريدون يسون باجر عقد وتلبيس ذهب وعكبها لو نروح للمحكمه لو يروح لؤي وحده يصدق العقد

وصدك ثاني يوم الصبح امي خابرت ام لؤي وكالتلها على الموافقه وتفقوا العقد بالليل لان لو نلحك لو مانلحك

وضلينا اني وامي النهار نص بالسوك نتسوك ونص الثاني بالصالون بحيث شيرا بالصالون مالحكت بالبيت

رجعت لكيت البيت كله نسوان ولمه وخبصه ماتتسولف

كلش تأخرنا لكينا السيد ولؤي واهله حاضرين كلهم

بسرعه اول مافتت لبسني البرنص وكعدت على الكرسي قريب مكان السيد ومثل شغلات اماني بالعقد سولي بالضبط

كلش تونست بيوم عقدي واماني طالعه تجنن لبسها شلون والشعر شلون تملخ طالعه

اخذتني اماني وبدلتلي لبستني بدلة زيتونيه ورتبتني وطلعنا طب لؤي يتحرش ويغمز لبسني الذهب واخذنه كم لقطه  وراح

ضليت كاعده على الكوشه مثل الصنم لما اجتي اماني وجرتني وطببتني للهول ماجان بيه احد بس اني

بس طلعت اماني كبل طب لؤي ههههه لعب بيه طوبه

ونوب صرت حلاله مثل محروم وانفكت كربته

راح والتهت بترتيبي اماني وهي تضحك عليه ههههه سبحتني بهدومي من الخجل

ثاني يوم مقبلت اني اروح للمحكه لان عندي كومه تجهيزات وماضل بس كم يوم راح لؤي وحده صدق العقد ورجع

وضلينا كل فترة قبل العرس نطلع اني وياه وخالة رسل نشتري جزء من الغراض وهم منا اطلع اني وامي اشتري وارجع ورة واحس نفسي ماملحكه وخواتي هم خطيه اذا تفطنن بشغله هنه يروحن يجيبنها كلش ضغط صار عليه وانحصرت بوقت ضيق بس من اذكر زواجي ويه صديقتي راح يصير افرح ...

.
.
.
.
.

.

اماني : رجعنا من بيت مريم وتلكانا لؤي بالسيارة

لؤي : ها بشروا شكالوا

اماني : كالوا بنتنا محجوز عليها من ابن عمها اذا تردون اخذوا الاصغر منها

لؤي : شنووو  والله لحرك الدنيا ابن عمها شنو

هسة ارجعكم واجيب سيد واعقد واريد اشوف منو يفك حلكه

اماني : لازمه نفسي من الضحكه كوة واغمز لامي ولخالتي حتى ميسولفن  وهذا تخبل زايد ماخذ وضع العاشق الولهان

-دسكت دسكت انكلبت جاكي شان كالوا باجر انرد خبر

لؤي : دمشي اطلعي برة السيارة يلا خبيثه

اماني : ههههه دسكت شايف نفسك من صرت شارو خان بالحب

هههه شفته سكت من المسحته وعفته وصلنا البيت وثاني يوم ردولنا خبر الموافقه يعني اليوم االعقد امي ولؤي طلعوا يتسوكون الذهب و شغلات العقد واني طلعت ويه مصطفى ادور فستان لباجر

وماضل محل ماطبيناه وهذا الاخ مايرضه على شي ساعه هذا مكشوف وساعه هذا يبرزج اخر شي زعلت ورجعت للبيت وقبل عقد لؤي بساعه دزلي فستان صح مستور بس شنو يخبل من النزاكه ماروني يشك شك  بيه خصر وكلوش من جوة وردنه تول يخبل وقماشه بيه لمعه

رحنه وعقدنا وجانت احلى لحظات الي هم عقد صديقتي وهم اخوي وكلش جنت فرحانه ومكيفه بيهم لايكين لبعض حيل

رجعنا متكسرين من العقد ومطيوح حضنا نمت وثاني يوم كعدت متحمسه اروح ويه خالتي ومصطفى نجهز منا امي ولؤي وبابا يجهزون لعرس لؤي ومنا اني اجهز لعرسي اتفقنا هاهي يصير نفس اليوم

وصدك كضيت اني ومريم ٥ ايام كله تجهيز ومسواك تعبنا

قررنا انسوي حنتنا بقاعه وحده لبسنا اني وياها فساتين حمرة مال حنه وجانت مراسيم الحنه كلش حلوة

اكيد بس نسوان ماكو زلم بالحنه الزلم سوو جوبي مشترك بين مصطفى ولؤي هههه وللاسف ماحضرناه لان ملتهيات بحنتنا

ثاني يوم عرسنا والتوتر يقرة الف وضليت اني ومريم وحده تهدء الثانيه ووحدتنا اضرب من الثانيه هههه

اجه يوم السعد واني ومريم حجزنا نفس الصالون وقبلها اني وياها بنفس اليوم نظفنا وحضرنا غراضنا وهي دزت امها جابت غراضها بيتنا ورتبتهن بغرفتها واني دزيت امي لبيت خالتي رتبت غراضي بالغرفه هناك

اما عن الغراض الي ناخذها ويانا للفندق وحد كل وحده تاخذ وياها جنطه صغيرة
بيها كل الي تحتاجه

نصبتنا ام الصلون واني ومريم وحده تكول للثانيه اني احلى منج ثنينة اختارينا بدلة اسلاميه كلش حلوة وبيهن سحلات طويله هههه حيل ثكيله البدلة مال عرس

وثنينه اختارينا شعرنا يضل على طوله وترفعه شويه وعاد مقدمه الشعر هي وشطارتها شلون ترتبه

طلعنا اميرات لبسنا البرنصات وكل وحده راحت لبيتها هي اجه اخوها الجبير اخذها واني اجه مدري منو وصلني

من سئلت ورة العرس طلع حسام الي اجه اخذني من الصالون للبيت

من عرفت استغربت لان كضه الطريق كله اختي اصعدي عدل واختي مو هيج الي يكعد ههههه والله زمن حبيبي القديم يزفني بيده لزوجي

المهم اتفقنا مريم تنزف من بيت اهلها بالاول وتجي يمنا واني وياها ننزف مرة وحده للفندق

فعلاً زفو مريم وجابوها علينا وعيونها دم حمر عرفتها باجه كعدوها بصفي واني لازمه اديها واهدء بيها مع انو اني احتاج احد يهدئني

اجت رفل كالتلنا كلام خلت وحدتنا رجليها اطك وحده بوحده هههههه

رفل : بنات ههههه عود صيرن عاقلات لاتتأذن (بغمزة)

مريم : انتي وكتج هسة ماتشوفينا بايكين طن هوة

رفل : ههههههاي يلا جاو سمعت العرسان اجو

اماني  : اني ومريم وحدة تباوع على الثانيه طب ابويه باسني وودعني وامي هم لان العرسان اذا راحوا فندق عدنه بتقاليدنا ميصير احد يروح وياهم لا من طرف عريس ولا من طرف عروس بهاي اللحظات طكيت بالبجي ومريم شافتني ابجي وهي هم دكتها مناحه وياي اجه لؤي باسني وصد على عروسته يسكت بيها وبهاي الاثناء الي لؤي بيها يغطي بمريم ويهدء بيها على مود يطلعون

-طب مصطفى وشافني ابجي وكف شويه تمعني وضل يباعلي من فوك ليجوة

من دون لا كلام ولا شي اجه عليه لبسني البرنص وشده وتاكد ماينفتح غطاني زين باسني بخدي
وكالي كلمات لحد هسة اذكرهن

(اليوم اصيرين ملكي شرعاً وقانوناً شنو يخلصج مني )

اسمع واطكطك منا انتبه عليه خايفه ضحك بوجهي وشالني ههههههههه والنسوان تصيح دربالك توكعها وهاي الي تكول باع الحب وهاي الي تكول متوازي اني هنا سبحت بالبدلة من المستحه شالني والهلاهل طرشن راسي والجكليت من كل جهة يجي

هههه شالني مثل الاميرات ومشه سريع وصلنا لسيارت الزفه نزلني فتح الباب وساعدني اطب بيها رفعت البرنص باوعت مريم هم الظاهر عاشت لحظه الاميرات هههههه يمكن لؤي غار من مصطفى وشال مريم صاح بيه مصطفى انزل البرنص على وجهي لان صدك صايرة خبصه وزلم وسيارات هواي

بعد زفتين هاي اكيد تصير خبصه هيج

وصلنا الفندق واني الخوف ماكلني اكل

كل وحده بينا نزلها عريسها وهو كايدها

بس مصطفى كايدني هههه مثل الجهاال اول ما نزلنا الطلقات اشتغلت بالجو والهورنات تزرف الاذن من كثر السيارات نزلوا الشبابا ونزلوا وياهم ديجي وكاموا يهوسون ويه الديجي بهاي اللحضة حسيت مريم وكفت بصفي رفعت البرنص شويه اي فعلاً هاي مريم باوعت لجهة الزلم

هواي زلم يهوسون ويركصون ومن ضمنهن مصطفى ولؤي ههههه طالعين يخبلون مصطفى ولؤي ثنينهن لابسين قوط بيضه بس كل واحد شكله يختلف طالعين يخبلون
نزلت البرنص شويه واجه مصطفى ولؤي وكل واحد اخذ عروسته وراح لغرفته

طبينا الغرفه ومصطفى شال البرنص عني

باوعت الغرفه بمعنى الكلمه تخبل وتاخذ العقل تجننن وتزينه مال عرسان كلش عجبني باوعت كلها نفاخ احمر وابيض وورد احمر وعلى الجرباية منشفتني على شكل بطات يتباوسن هههههه

مصطفى طلع من الغرفه مدري وين راح باوعت اني امي موصيتني مانزع البدلة الا هو يجي وفعلاً فتحت الجنطه عطرت نفسي وباوعت بالمراية عدلت نفسي وكعدت على الجربايه انتظر بخوف

طب مصطفى وبيده اكل خلاه على الميز الي موجود بالغرفه

تقرب وكعد ب صفي اني من خوفتي كمت وكفت ومافكرت  شسوي بس هيج ضليت واكفه ههه من التوتر

مصطفى : ههههههاي ها سلامات طكن فيوزاتج

اماني : ها ها بعدني مارديت

ولزمني مصطفى باسني بكل هدوء ورقه بلش وياي بكل مرونه وهدوء درة بيه متوترة كلش بحركات خفيفه منه نزعني البدلة وصار فوكاي

تجرء شويه بحركاته وبوساته واخذني

اي صرت مرته شرعاً وقانوناً رفعت عيني اباوع على مصطفى وجهه احمر

ماعرف شنو الي بيه كام من يمي وهو عصبي وكام يفتر رايح جاي ويفرك بوجهه وجهه صار قطعه دم خفت لا اكو شي باوعت على الجرباية عركانه دم لعد شنو السبب هذا شبيه اجذب اذا كلت ماخفت متت بدمي

بدل لبس قاطه وطلع وضليت اني بحيرتي كمت لملمت المكان غسلت جرجف الجرباية وشريته بالغرفه طبيت سبحت واني وجع بطني ككلش مأذيني

طلعت لابسه كيمونه وشور بيض وفوكاهن برنص خفيف مال عروسات مشطت شعري وعطرت نفسي حطيت مكياج كلش خفيف وكعدت انتظر وانتظر

نعست كلش وهذا ماكو وانوب منا جوعانه ماماكله من الظهر اوفف هسة شسوي

باوعت الاكل على الميز ومسلفن طخت بالي اكوم اكل والف راسي ونام شسوي انتظرته هواي

بعدني توني كمت اشو هذا طب والضحكه شاكه حلكه شك هذا شبيه شهل تناقض بالمشاعر توه جان معصب

باوع عليه ويتمعني ويباوع عليه من فوك ليجوة كصني كص اني كلش استحيت وكمت اجرجر بالبرنص واغطي بنفسي

اشو هذا اجاني طاير رفعني بالهوة نزلني وحضني وحاط خشمه بركبتي يشتم بيها

-هههه شبيك سالمين توك جنت معصب

مصطفى : هذا ابن الخر* ضحك عليه

اماني : منو قصدك

مصطفى : اطيني مجال اروح ابدل ونجي نتعشة ونتفاهم

اماني : فعلاً راح بدل ضل بالكيمونه والشورت واجه يتعشة

-ها تسولفلي هسة لو شلون

مصطفى : خل ناكل يمعوده ميت جوع نلحك على السوالف

اماني : ماحجيت شي اكلنا واني كلش مستحيه صح جنه ناكل سويه بمطاعم او بالبيت بس ماعرف هل يوم كلش استحيت بيه

خلصنا  واني ردت اشيل المواعين ورفعهن بس مصطفى ماخلاني

مصطفى : ههههه ماريد اتعبج وراج  ليل طويل حبيبتي

اماني : شنو قصدك ؟ (بأستغراب)

مصطفى : بغمزة معقولة ماتعرفين قصدي

اماني : لا والله ماجاي افهم عليك

مصطفى : شبيك دعبول انعيد الي سويناه قبل نص ساعه

اماني : اني ضليت صافنه ووين يلا طخت بالي يمااااااااا معت بهدومي من المستحه وحس وجهي كام يذب نار ههه

مصطفى : ههههههه واضح هسة يلا استلمتي الاشارة

اماني : معرفت شرد عليه لان جديات كلش استحيت ومعرف شسوي

تقرب عليه شويه واني من مستححاي عفته وبسرعه على الجرباية اخذت اللحاف الي عليها وحطيت نفسي بس وجهي طلعته

-مااا وخر عني

مصطفى : اي مو هي  بكيفج صيري
مطيعه على موك ما اأذيج (بغمزة)

اماني : يمااااا يالفشله هذا شبيه

-انت شو ماتستحي

مصطفى : هههه تعالي جاي اكو واحد
يستحي من حلاله

بس خل الكطج اذا مو باجر تطلعين حامل

اماني : اني اسمعه ورجليه من الخوف رجل اطك برجل ولا عبالك قبل شويه اخذني

-عفيه عفيه عوفني بعدني مامتهايئه نفسياً

مصطفى : هههههاي معليج خليها عليه اني بس

اماني : تقرب مني واني اخذتها ركضه وضليت اني اركض وهو يراوغ بيه يريد يكمشني اخر شي هو داس على طرف اللحاف ووكعت جفت على وجهي يبوو يالفشله اني شجاني وضليت باللحاف

مصطفى : هههه كمشتج
لاضلين تعبيني خلي بيه حيل يوليييي

اماني : يحجي مصطفى ويكرص بيه واني احس خدودي صارن طماطه من حرارتهن

شالني وحطني على الجرباية ضل يبوس بيه واني مثل الخشبه جمدت مدري شصار بيه ضل يلاعب بيه لحد ما ارتخت اعصابي وحضينا باحلى يوم بعمرنا 🙈

ضلينا بالفندق ٣ ايام والي عرفته من مصطفى سبب نفوره ورة ما اخذني وطلعته من الغرفه

-انو حسام كايله ماخذني هو بالحرام وبرضاتي ولحاله يدخل نفسه بهيج طريق

سئلته بوقتها وشنو الي خلاك تتمسك بيه

مصطفى : حتى لو صدك صايرة يجوز مو برضاج يجوز يضحك عليه يجوز ويجوز

اماني : لعد ليش طلعت ورة ما تاكدت

مصطفى : دنكت راسي جنت مصدكه واكثر من مرة اجاني احساس ابطل من هذا الحب بس كَلبي ماطاوعني ودست على كرامتي بسبيل حبي كلش كرهت نفسي لان جنت افكر بهيج شي وطلعت اشتم هوة ورجعت

اماني : صراحه انصدمت من كلام مصطفى وفعل حسام وكلش كبر بعيني بوقتها مصطفى وصار مقامه عندي كلش عالي

اجه وقت الرجعه رجعنا للبيت احنه ولؤي ومريم وكل واحد بسيارته

همه راحوا لبيت اهلي وحنه على بيت اهل مصطفى

اول ما طبينا تلكتنا خالتي بالهلاهل والجكليت

هههه وهم اسمع صوت امي تهلهل بيتنا

خالتي ماخلت مكان بوجهي يعتب عليها كله بوسته هههه

سعاد : تعال مصطفى بعد عمري الف مبروك صبرت والله انطاك ثمرة صبرك ان شاء الله يوم الولد الصالح وافرح بيكم وبوليداتكم

مصطفى : اللهم آمين تسلمين بعد عمري

اماني : اجه عمي وهم باركلنا وضلينا نسولف على مراسم العرس والحنه والتجهزيات وخالتي كل شويه اطلع تصوير وتباوع وتضحك

صار الغده بيت عيالي وخالتي عزمت اهلي كلهم

الاكل كله اجه من المطعم حاولت ويه خالتي احنه نطبخ ميحتاج هل مصاريف بس ماقبلت هههه شسويلها

فعلاً جاب الاكل مصطفى واني وخالتي بس صفطناه وحضرناه وحضرنه السفره

اجمي اهلي وياهم مريم ومبين على وجها مستحيه

كل الوقت مدنكه ومستحيه متكدر حتى تسولف هههههه حالتها اضرب من حالتي

صبينا غده ومريم كعدت بصف لؤي واني اجيت اكعد بصف خالتي

مصطفى : ها ها سالمين وين

اماني : شنو غير اريد اكعد

مصطفى : هنا مكانج

اماني : اباوع عليه وهو يأشر على مكان بصفه صراحه استحيت من هل موقف كدام الكل
بس محجيت بسرعه رحت ودحست نفسي بصفه صرت بينه وبين ابوي

انوب فوك مستحاي هذا يجيب ويكوم كدامي

مصطفى : ماتاكلين شبيج

اماني : دا اكل ترة

مصطفى : شو كولي أأأأأأأ

اماني : ماجذبت خبر فتحت حلكي من الفشله خاف اضل ساكته ويفشلني

ههههه اهلي واهل مصطفى كلهم خربانين ضحك اني هنا غصيت باللكمه من المستحه

مصطفى : اسم الله اسم الله شبيكم يالربع خلو مريتي تاكل

كاظم : اسفين عيوني كملو كملو احنه ما نشوف

لؤي : جا ضلت عليه اني كاعد مستحي زعم بيت خالتي وعيب

شو حياتي افتحي حلكي خل ازغلج هاي اللكمه بحلكج

الكل ضحك على سالفه لؤي ومريم واضحه عليها المستحه وجها انكلب طماطه ههههه والله وكت

خلصنا واني ومريم ماقبلنه الا نشيل المواعين مع اصرار امي وخالتي بس قفلنا

صدك شلناهن والي غسلناه والي ذبيناه لان استعمال واحد

خدرنا الجاي وخذناه نصب بالاستقبال يم الكل واني ومريم الوقت كله من جنا نغسل المواعين نسولف ونضحك

كعدنا وحده بصف الثانيه قدمنا جاي للكل وكعدنا نستمع

كاظم : وليدي ترة طيارتك انت ولؤي باجر بال ٨ الصبح تقلع قبلها انتم للازم جاهزين

اماني : ضليت صافنه هذولي عن شنو يحجون باوعت لمريم باستغراب وهي هم ردتلي نفس نظرة الاستغراب يعني هم ماتدري بالموضوع صار عندي فضول شنو القصه

نطيت اني من يمي لان غيروا الموضوع وصار عندي فضول اعرف شكو معقولة يريدون يسافرون وحدهم وبعدنا احنه عرايس

-عموو بس وين يريدون يسافرون

كاظم : ليش مصطفى ماكالج

اماني : هزيت راسي بمعنى لا

كاظم  : الشباب حجزوا للندن يسافرون ايام عسلكم ههههههه

اماني : استحيت وبنفس الوقت كلش كيفت ههه راح نسافر ياااااييييي

باوعت لمريم بفرحه وهي تضحك هههه هم مبينه فرحانه

راحوا اهلي ورة التعليله واني ميته نعس بس مكدر انام كل شويه جاينا خطار لبيت عيالي يباروكون وعيب انام

اخر شي قبل اذان العصر اجت عمت مصطفى اخت ابوه ضيفتها وضليت كاعده يمها شويه جان يطب مصطفى

مصطفى  : عميمتي من رخصتج دعبولتي نعسانه وتعبانه عادي ابوكها من يمكم انيمها بحضني

اماني : هو يحجي واني فاكه حلكي على وسعه هذا شبيه يمااا شكد عيب وفشله من عمته

عمت مصطفى : بعد عمري ربي يحفظكم يكول بلابل اخذها بعد عمتك اخذها

اماني : اجاني وكالي يلا
لا عادي خل اكعد يم عمه شويه

مصطفى : تمام هي الحجي مو صار

اماني : اشو هذا دنك عليه وشالني على جتفه ومشه يما يما يما اخخخ يالفشله من فشلتي ماتحركت ولا نطقت كلمه

وهاي عمته تهلهل وتصلي على النبي

صعدنا فوك وجان ينزلني

اماني : متكلي شبيك عيب من المرة

مصطفى : هههههه الحلال مابيه عيب

اماني : كال هل جمله وطببني وياه للغرفه شالني وشمرني على الجرباية

- ها طكن مو كلت توك اني نعسانه وتعبانه

مصطفى : اي ادري بيج بس اخذ حقوقي ونامي براحتج

اماني : عزااا يا حقوق

مصطفى : هههههه لحظه هسة اكلج يا حقوق

اماني : اشو هذا نزع نص ملابسه وكمز عليه

- هاا مو كلت اني اكلج يا حقو..

بعدني ماكملت والتهم شفايفي وضل يتجارء بحركاته ههه لعب بيه طوبه طلع الزواج من خشمي

وعلى كولته اخذ حقوقه

وخر عني وهو حاضني ويبوس براسي واني من التعب والنعاس ماحسيت على شي ونمت

ماكعد غير على لمسات خفيفه على راسي بوسات دافيه ترست وجهي ترس

فتحت عيوني على كيفي اريد افتحهن وبنفس الوقت احس بخمول مو طبيعي

باوعت هذا مصطفى يبوس بيه

-هههههه سالمين بس ساعه نمت هيج سويت

مصطفى : يا ساعه صدك تحجين انتي نمتي من البارحه العصر وهسة الساعه بال ٥ ونص وفكرت اكعدج بطريقه رومانسيه ورانا طريق وسفر يلا دعبول

اماني : اسمع بمصطفى واني صافنه عليه هذا صدك يحجي لو يشاقه وياي

كبل طفرت على البلكونه اشوف الجو شنو

-مبين توها غربت الشمس

مصطفى : اسمعها مامصدكه وعبالها دنيا غروب رحت حضنتها من ورة وطبعت بوسه خفيفه على ركبتها

-لا يدعبول هاي شروق الشمس

-اباوع عليها مامصدكه كبل طفرت شافت مبايلها وباوعت على التاريخ اليوم

اماني : عاااااااا اليوم خميس صدك تحجي لو مسوي بيه مقلب

مصطفى : لا والله هاج شوفي مبايلي هم

ماجذبت خبر طفرت تشوفه وهي وجها مايتفسر من صدمتها

-لزمتها من ادينها وبستهن
حياتي لو تروحين تلبسين وتحضرين نفسج حتى نطلع هواي احسن من صفنتج هاي

اماني : بعدني مامصدكه الوضع بس لو مو صحيح جان ماكعدني بهيج وقت

مصطفى : طبت اماني للحمام واني محضر اصلاً جنطتي بالليل وماكعدتها انقهرت عليها هههه بالفندق ماخليتها تعرف شي اسمه نوم

رحت نزلت جنطه من فوك الكنتور وحضرت بيه كلشي تحتاجه اماني من ملابس واكسسوارات ومكياج واحذيه خطيه يلا تلحك واني اريد اساعدها

طلعت وهي تركض مدري تنشف شعرها مدري دور شي تلبسه

اني كاعد على الجرباية وباوع على تصرفاتها واضحك

اماني : بدال ما تضحك ساعدني

مصطفى : مساعدج بس فتحي عيونج الظاهر بعدج نعسانه

هذني ملابس  على الجرباية البسيهن
وهاي الجنطه الج للسفر

اماني : استغرب معقولة محضر غراض الي كمت وشفت الجنطه كلها محضرة ومابيها اي نقص

رفعت عيني اباوعه واحس بروحي صارت غضه وين جان عني هل حب هذا
شكد الدنيا بينتلي  مواقف مصطفى الحلوة كدامي بس جنت ماشوف بس حسام

تالي حسام شسوالي غير خلاني اضيع من عمري ٣ سنين

اماني : احم صطوف والتطبيق شلون

مصطفى : معليج دبرتها مدير المستشفى الي قدمتي عليها صديقي وعزمته بعرسي وماعنده مانع بغيابج انتي ومريم

اماني : بتعجب هم مريم

مصطفى : اي خليتها تقدم نفس المستشفى الي قدمتي عليها

هزتلي راسها وخليتها تبدل وتتمكيج واني نزلت الجنط لكيت امي خطيه محضرة الروك ومن نزلت يمها وصتني هواي على اماني وكومه شغلات مزوجين

-هههه حجيه ترة جاي تطلعين عيني واني انسان اخلاقي طاهرة

سعاد : اويلي على ابو الاخلاق سوي مثل ما اكلك

مصطفى : حاضر سيدي (بضحك)

تريكنا وامي اخذت اماني وراحت لغرفتها بعدين عرفت من اماني هم امي ماخذتها محاضرة زوجيه هههههه الحجيه ناويه اطلع عيونه كوه واحنه ناس ماتعرف هل شغلات 😉

صار وقت نروح للمطار ودعت اماني اهلها وهي تبجي واني اهدء بيها ومريم هم اهلها جاين من الصبح وصارت كربلة قبل لا نروح بالنوح بويهه شيخلصنا من نوح النسوان

لؤي : احم شرايجن اخليجن تبجن هناك وانروح اني ومصطفى نتونس ويه الحاتات ونرجع

مصطفى : ماحجيلكم على نظرات اماني ومريم للؤي طفر لؤي وختل ورة ظهري

-هاا يبوي توك جنت نافخ ريشك

لؤي : يخوي مشوفهن راح يفترسني

مصطفى : هههههههاي دمشوا يلا لا نتاخر

فعلاً طلعنا مريم واماني بالف يالله وصلنا المطار والحمدلله جان مكانا بالطيارة بصف بعض ومريم ولؤي ورانا

وصلنا لندن واني اصلاً عندي صديق هناك حجزلي غرفتين بالفندق الي هو بيه ومن دروا بينا عرسان جدد سولنا خصم على الأجر

ماتوقعت بيوم الحب من طرف واحد ينجح واصلاً كطعت الامل بأماني بس جنت اجازف بكل ما املك الي يحب يضحي ويسعى والحمدلله حضيت  بحبي الوحيد والابدي

وكل يوم اصلي ركعتين بالليل شكر لوجه الله ماخلاني مشلوع كَلب كل ما اتخيل اماني تروح لحسام وتتزوجه اشوف حالتي بأسوء الحالات

كضينا اني واماني احلا اسبوعين ماخليت مكان بلندن ماخذتها اله
وماخليت مطعم او كشك صغير وماجربنا اكله

مصطفى : مو كتلج بس وافقي عليه واخليج اميرة متكليلي شنو عجبج بحسام بوقتها امداج (بضحك)

اماني : ههههههه شمدريني كل ما اذكر شلون جنت قافله عليه هم اغم نفسي
حمدلله الله عوضني باحن شخص واكيت شخص

مصطفى : يعني حبيتيني اماني

اماني : (بمكر ) يعني شويه

مصطفى : متحملت كياتتها وكمت وعضيت شفتها عضه قويه

اماني : اخ اخ اخ هو هيج الي يبوس

مصطفى : هههه من حبي الج يدعبول

-اكلج شبيج صارلج اسبوعين عبالك ذابيلج منوم وين ماتلكين مخده تحطين راسج عليها وتنامين

اماني : يجوز من تعب العرس

مصطفى : معقولة ؟؟؟

اماني : اي لان مريم هم كالتلي هي بس تنام

مصطفى : هههه يلا نرجع للبيت وشبعي نوم هناك

كضيت اسبوعين عبالك عايش بالنعيم ولا تمنيت هل ايام تخلص ابد

جان موعد رجعتنا للبيت قريب رحنا للمطعم احنه ولؤي ومريم سويه واكلنا وتونسنا بشوارع لندن الي تاخذ القلب والعقل سوة

كل واحد رجع لغرفته بالفندق يحضر نفسه للسفر باجر

وطلعنا من وكت للعراق الحبيب
اول ما وصلنا لكيت ابوي وابو لؤي منتظرينا بالمطار بالسيارات رجعنا لبيتنا ولؤي ومريم هم مروا ويانا للبيتنا لان خالتي بيتنا

اول ما نزلنا وطبينا احنه وجنطنا مانحس غير الجكليت والهلاهل علكانات

هههههه خالتي وامي ترسن الطرمه جكليت

لؤي : ولجج مريم ركض جيبي جيس

مريم : شسوي بيه

لؤي : امشي خل الم هل جكليت ولج هذا يكفينا سنه مانشتري واذا صارت عندج مناسبه اخذي منه وياج بس مو تكثرين لا يخلص

مصطفى  : كلنا سمعنا لؤي ومتنا ضحك على سوالفه
طبينا من المطبخ وكفختني ريحت اكل امي افففف يماااا والله مشتاق لاكلج

سعاد : بعد عمري هاي اني وخالتك طبخنا دولما وابوك وعمك هم وصوا من المطعم على سمج وكباب

مصطفى : شدعوه يمعودين قابل وين جنا

لؤي : لكك اسكت خايف على فلوسهم خل ندلل عليهم هل كم يوم

مصطفى : شكد نفسك دنيا

لؤي : ماتريد لاتاكل 
مريم حبيبتي عود هم اي شي يزود وديه لبيتنا

مريم : شنو نسوي بيه

لؤي : شبيج اضميه بالمجمده وعود من نريده نحميه بعدين

اماني : جنت اشرب مي كلش عطشانه ومن سمعت سوالف لؤي خربت ضحك بحيث المي طلع من خشمي
ثواني واجاني مصطفى يدك على ضهري

مصطفى : لك لؤؤؤؤؤؤي بطل تفاهة مريتي رادت تموت من وراك

لؤي : اوووووووووي (بتموع)

مريم : هههههه كافي عيوني

لؤي : مو تدللين اروح فدوة لعيونج

مصطفى : شكد لوكي
اباوع لؤي  يضحكلي ويغمزلي
هههه يمكن الحب زعلان ويتلوك على مود يراضيها

مر على زواجي من اماني شهر ونص تقريباً
اني وضعها ماعاجبني بس تنام صارت دب مال نوم
بس امي تطمني تكلي هم مريم نفس الشي ذني طلع عليهن تعب العرس والزهبة

صراحه اقتنعت ورة محاضرة طولها ساعتين الا ربع من امي

سوينا عزيمه عائليه مختصرة بس بينا وبين بيت عمي ابو لؤي
حضرن النسوان الاكل واني كملتهن كل شي يريدونه من مسواك
تغدينا وكملنا وشربنا جاي

جاي نتعلل ونسولف وشويه باوعت هاي شو لا اماني ولا مريم مو جوده

غمزت للؤي وكام
طلعنا من الاستقبال

لؤي : ها يول شبيك

مصطفى : مرتك ومرتي ماهنه

لؤي : تلكاهن هسة يغسلن مواعين

مصطفى : مو غسلنهن وصبن جاي وجانن يمنا

لؤي : هم صدك خلينا ندور عليهن هسة تلكاهن وحده مكابلة الثانيه ويحشن بينا هسة نبشن ماخلن بينا شي عامر

مصطفى : هههههههاي كلامك صحيح

صدك رحنه ندور واول مكان دورنه بيه هو الطابق الثاني جان ضنه انو كاعدات يسولف سوة وحدهن

دورنا شو ذني ماكو

لؤي : هذني وينهن

مصطفى : خل ندورهن بالمطبخ وبعدين نشوف غير حل

رحنه للمطبخ بابه جان مسدود فتحناه شويه واشوفلكم

اماني ومريم متربعات على جدر الدولمه وياكلن بالحكاكه مالها
وكل وحده كدامها بطل ببسي ابو ال ٥٠٠

مصطفى : ولججج اماني شجاي تسوي

اماني : احجي وغصغص بالاكل شبيك
جفلتني غير جاي اكل

مصطفى : مو اكلتي ويانا بالغده شنو ماشبعتي حياتي

اماني : شفت مريم جاي تاكل وكلش اشتهيت اكمل على هاي الدولمه خالة مسويتها حامضه اليوم

لؤي : مريمم ام النفس الدنيا فضحتيني من الله يفضحج كتلج ضمي الاكل ووديه لبيتنا مو تاكليه ياثولة

مريم : شبيك ماكدرت اتحمل احس الحموضه بحلكي وامطك بيها

لؤي : هاي كلها اكلتنها من الله يفجعجن شنو هوايش مزوجين احنه

مصطفى :  اباوع على اماني ومريم ياكلن بشراهة اني هنا تاكدت سالفت اماني مو خالية بعدني مامسولف
ولن لؤي جايب امي وامه

لؤي : تعالن شوفن ذني الماشايفات كاعدات على جدر الدولمه ماخلن لو شويه
واني ردت اخذه منج خالة وضمه بالمجمده يمي

مصطفى : انت دربالك تعزل ببيت وحدك

لؤي : ليش

مصطفى : والله يخوي اشوفك اصير اضرط من ابو فليس وتكوم اضيفنه بمواعين وكلاصات سفري

لؤي : دسكت هاي مو نعمه وبفلوس هم حرام التبذير

سعاد : ولج خالة اماني شجاج مو اكلتي ويانا بالغده بس لا بعدج تستحين منا

اماني : لا والله يخالة بس شفت مريم تاكل وكلش اشتهيت اكمل على الدولمه لان حامضه كلش

مصطفى : اباوع هذني بصفهن حافضه متروسه رارنج

كمت وضكت الدولمه يمااااا مسوياتها تيزاب من الحموضه

- ولجن شلون تاكلنها ومخلياتها تيزاب مو حامضه بس

مريم : صدك حامضه شو اني ماحسها ذيج الحموضه

رسل : لا واضح انتن ثنينجن وضعجن مو قانوني

مصطفى : يعني شلون خالة

رسل : يعني يراد يروحن ويانا نفحصلهن

مريم  : شنو قصدج خالة

مصطفى : بالنسبه الي اني فهمت شنو قصدها

رسل : كومن بدلن وبعدين افهمجن قصدي

مصطفى : فعلاً بدلن ورحت اني وخالتي وامي ولؤي وياهن اخذناهن على اقرب مختبر للتحليلات

سعاد : السلام عليكم امي ممكن تسويلي فحص حمل لذني البنات

ابو المختبر : اددلي خالة

مصطفى : سحبوا دم منهن وكالوا ربع ساعه يلا يطلع واني ضليت كاعد على نار اروح وارجع وافرك بيدي كلش منتضر هل لحظه وراغبها

مرت الربع ساعه وطلع ابو المختبر

ابو المختبر : مريم جمال وينها

لؤي : هنا دكتور

ابو المختبر : مبروك خويه حامل

لؤي : لفت على مريم فرحان ومامصدك
ها ام عكاريكي

مصطفى : الله يقرفك عكاريك مرة وحده

لؤي : انت شعليك

مصطفى : عفته لان انتظر النتيجه مابيه صبر طبيت سئلت وكالوا بعدها جاي يطبعون بيها وماقبلوا يكولولي النتجيه

ورة خمس دقايق

ابو المختبر : اماني محمد وينها

مصطفى : ها دكتور بشر

-الف مبروك خويه حامل

مصطفى : هنا صدك الكاع كامت ماتسعني من فرحتي كمت ورحت بستها من راسها وامي وخالتي كلبن المكان هلاهل وامي ماقبلت اتروح الا جابت كارتونه جكليت وانطتها لابو المختبر

رجعنا واني ميت فرح على ملاكي هذا جان اكثر احلامي قبل جنت احسه بعيد بس حمدلله صبرت ونلت الف الحمدلله

تخرجت اماني وبحفل تخرجها هي ومريم اني ولؤي كلبنا القاعه من فرحتنا بيهن

ماخليناهن يداومن  بالمستشفى لحد ما يولدن لان مدير المستشفى صديقي ومامانع هل شي ورة ماقدمت اوراقهن عنده

هههه اماني صارت دعبلة بمعنى الكلمه بطنها شمكبرها وهي منا جنها بطله تمشي بالكوة شلتها اني بفترت حملها بالصلوات واي شي تريده يجرالها

صح تعبت بحملها وتنساه وتتقايء واكو ايام اجتي مانامت بيها ابد

بس اني جنت وياها وياها ماخليتها وحدها واليوم الي متنام بيه اني هم ما نام بيه

فرحتي بيها كلش جانت جبيرة وماخليها تتعب نفسها بشي كومه شغلات جنت اشتغلهن عنها من غسل هدوم وغيرها وامي جانت تزعل عليه لان هي تريد تغسل بدالي

بوقتها جان دائماً ردي الها هاي

( مدللتي تدلل عليه معليكم تستاهل تعبي وصبري الها )

وكملت فرحتي من الله رزقني باول طفل من اول حب بحياتي
وقررت اسميه ايوب على الصبر الي صبرته بهذا الحب ههههه كلش يشبه اماني ولا عبالك اني ابوه الي يشوفه يكول بنيه وكله امه

اماني : تعبت كلش بفترت الحمل بس حمدلله مصطفى ماقصر وياي باي شي

ومن طلب يسمي ابنه على اسم النبي ايوب وكالي سبب تسميته هيج مارفضت بالعكس كلش فرحت ولدت مريم وراي ب ٤ ايام هم ولدت ولد هههه صديقتي بعد عمري اختي الثانيه

ومن درة لؤي بأسم ابنه

لؤي : جا ضلت عليه اني هم صبرت صبر يوسف

مصطفى : ابو دودة لا اضل غيور

لؤي : والله ما الا اسميه يوسف

مصطفى : ههههه صدك كام وسمه ابنه يوسف

كلش فرحت بوليدي وشعور الاب حلو وشغله تجنن من تشوف قطعه من كَلبك تكبر كدامك

كبر ايوب وكبر حبي وياه لامه واله
صح مرت علينا ايام زعل ههه بس حمدلله جنا نتخطاها

تقاعد ابو لؤي وابوي وابو لؤي قرر يرجع للبصرة لديرته وفعلاً اجر بيته ورجع

ابوي ضل يلح فوك راسي يريد هم يرجع يم دريته واصحابه

اني كلش مصتصعب الفكرة يعني اماني ترجع ويصير كدامها حسام اخاف عليها

كلت لابوي يرجع هو وامي بس ماقبل

وهم منا اماني حنت لاهلها قررت ارجع همات وبين فترة وفترة نجي لشغلنا ونفتح بالبصرة هم فرع النا

وفعلاً رجعنا بس مابعت البيت صراحه حسبت للبعيد كلشي يصير بهاي الدنيا

رجعنا وعشت ويه عائلتي احلى الايام

مر على زواجي من اماني سنتين وايوب كام يمشي ويحجي شويه مو هواي

ههه اذكر موقف كلش لطيف اله

اماني بوقتها ضوجتني تريد تروح لبيت اهلها وبيت اهلها قرب بيت عمها واني ادري بهذا اليوم حسام موجود اني عندي ثقه بيها بس بيه هو لا ماعندي

ضلت تلح عليه رفعت ايدي عليها بس ما ضربتها

بسرعه ايوب يركض ويوكع يركض ويوكع وصل يم امه وحضن راسها

ايوب : نو بابا نو

مصطفى : يروحلك فدوة ابوك واللغه الانكليزيه

اماني : معقولة وصلت يمه ترفع ايدك عليه

مصطفى : ايوب بابا روح يم بيبي خليها تنطيك ككو

راح ايوب وتقربت يم اماني بستها بخده
عمري عذريني وربي مامتقصد ومنعتج من روحتج  هاي على مودج

اماني : والله طلعته من بالي يروحي بس انت هسة ماخذه كل شبر بجسمي

مصطفى : ادري يروحي ادري بس صدكي هذا الشي لخاطرج واعوض عليهن

مرت السنين على زواجي من حب حياتي
والي جنت مامصدك احضه بيها لان حبي جان من طرف واحد وجنت طرف ثالث اني بالنسبه الها حمدلله الله رزقني على كد نيتي وصار عندي ٣ ولد ايوب اسماعيل ابراهيم

كلهم على امهم مابيهم الواحد عليه بس ابراهيم  بيه شويه شبه بس مو حيل هم عنده من امه

اماني : عشت حياة ويه مصطفى صدك مثل الاميرات مدللني وشايلني بالصلوات صدك ربي جعلي بهل طريق خير مرات يصير ويانا شي مايعجبنا ويقهرنا بس لو نصد على الي كتبه الله النا نلكه ربنا ماكاتبلنا الا الي بيه خير النا

والحمدلله الله عوضني بمصطفى بعد تجربه حب بائت بالفشل
ومامتندمه ابد على زواجي من مصطفى
والحمدلله من ربي ولدني بعائله متفاهمه ومثقفه وماعدها شي بالجبر والغصب

شكد قريت قصص عن بنات انجبرن يزوجن شخص ميردنه او نهة عليها ابن عمها ودمرت عيشتها وياه وكومه قصص

بس حمدلله عائلتي تختلف وكفت وياي وساندتني بكل شي وماجبروني على شي لو عائلتي مثل عوائل البنات الي اقره عليهن جان مصيري ويه حسام الي بعدني ماصرت اله وستلمني اكس مربع بالضرب لو اروح يمه شلون 

كونت عائله مكونه مني ومن زوجي و٣ ولد حمدلله ولؤي صار عنده ولدين وبنيه يوسف ويعقوب ويُسر

خالتي كلش زينه عليه مثل بنتها معتبرتني واني هم مامقصرة وياها هاي امي الثانيه
اما عن حسام حطيته بدفتر الاسماء المنسيه شكد عزمونا بيت عمي وشكد رحنه عليهم وصرنا وجه بوجه بس عبرت من يمه عبور الكرام صح صار عندي فضول اذا هاني هيج وتزوج ليش سمة بنته على اسمي

-بس! مع مرور الايام والكعدات العائليه
عرفت من مرت عمي بيوم ولادت مرته جان بالواجب وامه هي الي مسميه بنته على اسمي من سئلتها ليش اختاريتي اسمي بالذات

- جان ردها الي انو اني حسبة بناتها وحيل تمنتني جنه عدها بس ماقدر الله هل شي ومن غلاتي عدها سمت حفيدتها على اسمي تكول كل ما اصيحلها احس رويحتج بيتنا

-موقف مرت عمي كلش لطيف وهم حمدلله طلعني كلامها هذا من هواي شكوك جنت اخاف بعدني باله ويسويلي مشاكل بعد زواجي وتكويني لعائلتي الصغيرة بس هسة ماهتمله حمدلله ربي عوضني بمصطفى وهسة

اني مرة صرت على ذمت زلمه يسوة الف واحد مثل حسام

(مستحيل ابذر بحبه او اخونه بيوم هذا عهد اخذته على نفسي من يوم الي ازوجني بيه مصطفى ...)

وللحكايه نهاية
♡♡♡

اتمنى نالت اعجباكم القصه
وماقصرت باي حدث
♡♡♡

وكلش احب اسمع منكم
ارائكم بالقصه
سلبياتها او ايجابياتها
سواء من ناحيه السرد او من
ناحيه المعنى بالقصه

دمتم بخير احبتي

الى اللقاء

(ثراء الهاشمي)