اعتذر عن الانقطاع لضروف معينه
وان شاء الله هذا بارت تعويض
المواسمّ تايهه بعمُري ، وخريفك عمُر ما يگضي
♡
مريم : خلصنا غده ضليت وحدي بالمطبخ اغسل مواعين وانظف بالمطبخ
تبارك : مريم مريمممممم وينج خبلة
مريم : ها ها شكو منو مات
تبارك : عوذة منج فال الله ولا فالج
مريم : هسة شكو احجي
تبارك : مبايلج صارله ساعه يطنطن ويدك
وانوب مشكل يدك والشاشه سوده مفهمنا منو وحرنا وياه
مريم : اهووو هم شكل والله بلوه هل مبايل خليني اخلص وشوف شسوي وياه
تبارك : تمام
مريم : جلفت المطبخ جلف مو لان وصخ لا لان بالي كله وتفكيري كله بعلاقتي بلؤي شنو نهايتها وشراح يصير
واذا اماني عرفت من غيري مو مني شراح يكون رد فعلها
ضليت افكر واجلف لحد ما تعبت شطفت المطبخ وصعدت لغرفتي
تبارك : هم زين جيتي شوفي مبايلج ترة دوخني
مريم : رحت للمبايل يهتز بس شنو مشكل شاشة سوده حطيت ايدي على خدي وضليت اباوع عليه
تبارك : ها ماصار
مريم : يمعوده مين يصير وهذا المبايل يدك وشاشه سوده
تبارك : ضيم مو
مريم : عفت المبايل وتمددت على الجربايه وديه فوك راسي وصافنه بالحايط وحسبه تجيبني وحسبه توديني
اجتني تبارك تلهث ومبين عدها حجي
ها ها سلامات شكو
تبارك : هذا هذا
مريم : شنو هو هذا
تبارك : هذ هذا لؤي
مريم : لؤي شبيه شبيج احجي عليتيني عل
تبارك : هذا لؤي راسلني
مريم : راسلج
تبارك : اي راسلني ويكلي بلا زحمه ودي التلفون لمريم احجي وياها
مريم : يا صدك تحجين مين جاب حسابج
تبارك : شبيج ثولة هو مال فيس وانتي مامصادقه بالفيس غير اماني وخواتج
مريم : هم صدك طيني مبايلج اشوفه
تبارك : هاج اخذيه اصلاً اني اريد انام
مريم : تمام
شفت رسائله داز لتبارك طلب تودي مبايلها الي رديت عليه
ESTÁS LEYENDO
قلبي بيدهِ
Chick-Litقصه عراقيه حقيقيه 100% مكتوبه باللهجة العراقيه تتكلم عن امال متعلقه بحب الطفولة لكن مع عواقب ومطبات لهذا الحب (حب من طرف واحد ) يحاول بطلنا بكل ما يملك ليحظا بقلب المعشوقه يُضيعُ الايام والاسابيع والاشهر والسنوات لاجل حٌبهِ يحاول بكل ما يملُك ل...
