قلبي بيدهِ

بارت 8

‏كيف لي أن أخبرك أننّي ورغم هذا الجرح
مازلتُ أنتظرك كل ليلة
محمّلًا بالأماني ممتلئًا بالذكريات غارقًة بالحنين
كيف لك أن تفهم أن كل ما بي من ألم
هو نتائج انتظارك 💔

عفيه همتجن بنات تصويت وتعليق لدعمي واستمراري🫂

طلعت الاوراق ال ٧ كلهن وصفطتهن كدامي وضليت صافنه بيهن واقره بيهن

1_شعرج الملولو مو لوة كلبي لوي ماتحسين بيه

2_كُنتِ تضيئين أكثر الأماكن عتمة في هذا العالم
"كنتِ تضيئين قلبي" ..❤

3_‏- نحوكِ دائمًا، أنا البوصلة وأنت يا كِل الشمال.♾️♥️

4_موش عيون چَن بَغداد مِن تضحك .

5_‏كأنّ الحياة إعتذرت لي عن كل شي حين أتتّ بك🧡

6_أقرب من سواد العين حَسيتك. ♥️

7_خيرُ الأمورِ ملامحُكِ...💙

اماني : حطيتهن كدامي وكعدت صفنت عليهن وكلهن عليهن قلب وبنصه حرفي بالانكليزي A بلون احمر ياربي شسالفه مين اجتي هاي احد يسوي بيه مقلب لو شنو مافهمت ومنو هذا الي هيج يعرفني ويحبني وشمدريه شعري ملولو لو لا يالله تعبت من التفكير بيهم شنو وشلون وليش والف فكره صارت براسي وكل شويه افكر بوحده من صديقاتي اكول هنه ماكو غيرهن يسون بيه هيج وارجع اكول جان بين بيهن من اداوم وياهن

زين العطر الي بيهن مرة شميته واني بالبلكونه يعني صاحبهن بهاي المنطقه لو اني انجنيت رسمي اووف ياربي شسوي دخت وحتاريت بهل موضوع

سمعت صوت جوة عرفت كعدو لميت الورق ضميته واني تفكيري كله بيهن ونزلت لكيت امي بالمطبخ

رسل : هلا يما كعدتي شلون تحسين نفسج ان شاء الله احسن ياروحي  بعدج تعبانه

اماني : هلا ماما كلش زينه احسن حمدلله والتعب ساعه الساعه يروح بس يخلص الامتحان
بابا ولؤي وين شو ماكو

رسل : ابوج يم ابو مصطفى بيتهم عنده موضوع وياه ولؤي طلع ويه مصطفى يتونسون ويقضون وقت تعرفين شباب ميكدرون يكعدون بالبيت يحسون اكو شي ناقصهم

اماني : اي صح كلامج يخافون يضلون بالبيت ويتصخرون او شي يتعاجزون من هاي بس من فرة المولات عدهم عادي

وبابا خما عنده شي يم عمو يعني شنو هل موضوع الي خلاه يروحله لبيته