أنتِ كالغيم تماماً رغم بعدك عني
ألا إني أراكِ في كل مكان
ويلتفت قلبي نحوك قبل عيناي .💙✨
صحيت واني على سجادتي كمت باوعت الساعه بال ٧ طلعت من غرفتي لكيت باب غرفه حسام مفتوح وخفت يطلع كاعد ويجي يسئل شبيه وماعرف ارد كبل فتت وقفلت الباب وتمددت على جربايتي بحيرة وكدامي قرارين والموقف كلش صعب بالنسبه الي
-كمت اكلب بالموبايل الهي نفسي لا اكثر ولو بالي كله بالموضوع مو يم المبايل ابد ابد حسيت احد يدك على الباب بدكات خفيفه ونمط معينه اني عرفته هو لان محد يدك الباب هيج الا هو يدك دكتين ينتظر شويه ويدك مرة ويرجع نفس الشي
غلست على الموضوع ولا كانو اسمع او ادري بيه لان اخاف اواجهه وماعرف اتصرف وماعرف شرد عليه ....
.
.
.
.
.
.
.
.
.
.
.
.
.
.
حسام : مافتحتلي الباب واني متاكد هي قبل شويه طلعت بس عفتها براحتها احس اكو شي صاير واني مادري بيه اخخخخ كلبي مامرتاح من هل موضوع واكيد عدها شي ضامته عليه بس شنو شنو مدري يلا اليوم الخبر بفلوس باجر بلاش
طلعت للدوام واني كلي حيرة بموضوعها وبتصرفها ماضللهم شي ويروحون واني اريد احسم امري وياها وجنت ناوي افاتحها بموضوع العقد بس تصرفها هذا خلاني بحيرة
اماني : حسيته راح وكمت فتحت الباب نزلت جوة لكيت امي والبنات وعمتي كاعدات يتريكن ومو مثل كل مرة سوالف وضحك لا كلهن ساكتات واي شخص يشوفهن يكول كل وحده همها شكل عمتي باوعتلي
سهام : صباح الخير ياعمري تعالي اكليلج لكمه يروحي البارحه ماكلتي ادري بيج
-هزيت راسي بمعنى اي ورحت غسلت وجهي ورتبت شعري وكعدت وياهن على الميز اتريك احس بيعونهن حجي وبيناتهن يتبسبسن بس ماهتميت
كملنا ريوك ولميت المطبخ ويه البنات وراحت عمتي ويه امي للغرفه مدري شعدهن البنات كعدن وياي واحسهن حايرات شيسولفن وياي ومين يبدن كتلهن بنااااات انطنها من الاخير ليش هيج حايرات
رفل : ه ه ه ها بس ردنا نسئلج يعمري شقررتي ادري قرار صعب واحتمال شغل اخوج على المحك وعلاقت خالتج بامج وعائلتج كلها هم احتمال تخرب بس والله ماتلكين مثل حسام حنين وطيب وخوش رجال والاهم من هذا بينكم حب وعشرة مو قليله ان شاء الله ماتندمين اذا اختاريتيه
- هزيت راسي بحيرة بمعنى مادري وسكتن معرفن شيحجن وياي او بلاحرى مارادن يضغطن عليه ههههه بوقتها من ضوجتي لو احد يكلي شبيج ابجي ضلت كل وحده حايرة بطفلها ...
.
.
.
.
.
.
.
.
.
.
.
.
.
.
مصطفى : من رجعنا من بيت عم لؤي وجه امي مايبشر بخير بس كلت ارجع وافهم منها رجعنا وكلنا بدلنا وسبحنا وامي كامت تسوي عشى بس هادئه ماسولف اي شي ولا بين بيها شي اني عبالي جاي تسوي بيه مقلب
YOU ARE READING
قلبي بيدهِ
ChickLitقصه عراقيه حقيقيه 100% مكتوبه باللهجة العراقيه تتكلم عن امال متعلقه بحب الطفولة لكن مع عواقب ومطبات لهذا الحب (حب من طرف واحد ) يحاول بطلنا بكل ما يملك ليحظا بقلب المعشوقه يُضيعُ الايام والاسابيع والاشهر والسنوات لاجل حٌبهِ يحاول بكل ما يملُك ل...
