اسف يا نفسي ، اخطأتُ في حقك ، هل تقبلين اعتذاري ؟
ضغطتُ عليك كثيرا لتكوني كما ارادوا ، ظناًّ ان برضاهم يكتمل مشواري
اسف لأني بنيتُ اسوار سعادتهم ، بحطام انهياري
ورسمت البسمة على شفاههم ، بدمع قلبي و انصهاري
تركتكِ يا نفسي تموتين عطشا ، و سقيتهم بدماء احتضاري
عفيه همتجن بنات تصويت وتعليق لدعمي واستمراري🫂
اماني : راحوا الزلم وهم حسام راح ورة ماكملنا كل شغلنه كعدت ويه البنات بالاستقبال نسمع عمي وبابا شيحجون هههه شكلنا يضحك كلنا كاعدات بشكل دائرة واذانه كلها وياهم بحيث اذا احد ذب ابرة بنصنا تنسمع من هدوءنا ههههه
محمد : والله يا خويه اني متفشل منكم اجمي العالم عليكم وشدهوكم بس هرجه
جاسم : شسالفه يخيي ابنك بحسبه حسام الله شاهد مافرق بينهم وهذا بيتي هم بيتك ياخوي هاي السوالف عيب بينا تنفتح
-لؤي مدنك راسه ومبين عليه ضايج ومختنك
كمت وكتله تريد اطلعلك برة ؟
لؤي : اي اماني اريد اشتم هوة لكَلبي والله جيتي بوقتج مخنوك
اماني : اخذته وطلعته بالحديقة دنكت كدامه صرت بمستواه حطيت عيني بعينه
-ياعمري لا ضوج هذا قضاء وقدر وانت مابيدك شي ولو بيدك اكيد ماتتقصد تاذي صاحبك
شافني هيج حجيت كام يبجي واول مرة بحياتي اشوف لؤي ييبجي ومكسور هيج اخخخ يخوي شبيدي عليك
لؤي : وللجججج هذا صاحبي هذا اخوي الثاني اني شلون اخلي الاذيه تجيه بسببي
والله ماجنت اعرف شسوي السيارة مكدرت اسيطر عليها
اماني : شفت لؤي تهستر خطيه وكام يرجف حبيت اخفف عنه وكتله تصير ياعمري تصير حتى لو مو انت راكب السيارة الثانيه اتصير ويه الشخص الثاني هو الله كاتلبلكم هيج شي ياعيني
-من حجيت هيج باوع بعيوني وعيونه تحجي الف عتب وعذر وخوف ماعرف صراحه افسر نضراته زين بس نظارته جانت بمعنى اني مابيدي شي او ماجان بيدي هل شي سكت ورحت جبت كلاص مي شربته وغسلت وجهه شفت وجهه مصوفر
-جريت الكرسي المتحرك ووديته يم الورد قربت وحده يمه اشتم هاي تخبل ردت اغيرله جو ولو بمنطقتنا هناك جان اخذته طلعته بس هنا كلشي ماندل
اشتمها وحسيت ملامح وجهه شويه تغيرت للاحسن ارتاح كَلبي عليه نوعاً ما
لؤي : يلا فوتيني جوة خل اشوف شصار وهم جبيلي كلاص عصير احس روحي دايخ
اماني : مو تدلل طببته بالاستقبال ورحت سويت عصير برتقال طبيعي وانطيته ضلوا يسولفون ودكوا على مصطفى حاجاه لؤي وطمنه انو الوضع مستقر حالياً وماكو شي
KAMU SEDANG MEMBACA
قلبي بيدهِ
ChickLitقصه عراقيه حقيقيه 100% مكتوبه باللهجة العراقيه تتكلم عن امال متعلقه بحب الطفولة لكن مع عواقب ومطبات لهذا الحب (حب من طرف واحد ) يحاول بطلنا بكل ما يملك ليحظا بقلب المعشوقه يُضيعُ الايام والاسابيع والاشهر والسنوات لاجل حٌبهِ يحاول بكل ما يملُك ل...
