قلبي بيدهِ

بارت 32

‏“ليس كل من يواسيك لا جرح عنده، ولا كل من يعطيك يملك أكثر منك، الإيثار ليس إيثار متاع ومال فحسب.. قد يشاطرك أحدهم آخر زاده من الصبر ويهبك ما تبقى في قلبه من أمل ويقتسم معك آخر إبتسامة قبل أن ينفرد بحزن طويل.. فأحسِن إستقبال الود فإنه ثمين.”

jwhrltm

اماني : اجاني صوت بأسمي مألوف اي مألوف اعرف هذا الصوت سمعته واحس جسمي صابته القشعريرة منه

لتفتت للاتجاه الي يجي منه الصوت اريد اعرف منو باوعت واتسعن عيوني

وكَلبي كام يدك بدال الدكه الف
اي هذا حساممم  مامتغير منه شي غير الشيب الي بارز على راسه بعده ذاك الجسم وذيج الهيبه شعنده وشيريد مني ماكفاه دمر حياتي وذلني جايني هسة شيسوي

معقولة درة بيه اريد اكمل حياتي واجه يخربها لا لا مستحيل اضعف مستحيل اماني القديمه ماتت وندففنت بنفس المكان الي شمرني بيه بدون مايسئل شلون صحتي

تقدم حسام بأتجاهنا وهو عيونه ساعه  على الطفله وساعه عليه

حسام : اماني شعندج هنا اني مو كتلج ضلي بمكانج ولا تروحين منا ومنا

اماني : باوعت عليه بصدمه هو شوكت حاجاني  وشوكت كالي هل كلام

-رديت عليه ب ب بس مااا وقاطعت كلامي الطفله الصغيرة

-بابا مرتتت (مارحت) بتيد (بعيد) اني هنا يم ماما

اماني : سمعت الطفله وهي تحجي لو احس شي لاطخني على وجهي شنوووو

هاي بنته بس بنته مو هيج شكلها من شفتها بالفيس

واكبر من عمر هاي البنيه معقولة عنده بنات ثنين

ولا مسميها اماني على اسمي هذا شبيه تخبل

تحجي البنيه وتأشر عليه عبالها اني امها اباوع على حسام بدهشة وعيوني اكلنه اكل نسيت يمي مصطفى نسيت اني وين نسيت كل شي

دنك على البنيه وحضنها

حسام : بنيتي بعد لاتروحين بعيد ماما كلش خافت عليج ترضين تزعل منج

اماني : اباوع عليه شلون مهتم بنته وشلون يحضن بيها

ردت عليه بنته

-نو نو بابا ماتبل (ماقبل) ماما تذعل (تزعل)

كام وباوع عليه ونظراته غريبه معرفت اوصفها واعرف معناها

حسام : شكراً خيتي من خليتي بنيتي يمج والله ضل بال امها عليها

اماني : اسمع بيه يشكر بيه واني مستغربه معقولة ماعرفني معقولة اني هيج متغيرة وماعرف حبيبته القديمه

دنكت راسي بخيبه امل احس جرحي القديم انفتح عليه وكام ينزف

-ولا يهمك خيي اي شخص بدالي جان سوة نفس الي اسويه