قامت ساره و اتجهت لنوره الي كانت نايمه على السرير و المغذي في يدها
و دخلت سراب و دانه وراها وهي تتجه لنوره مسكت يدها و صارت تمسح عليها وهي خايفه يصير لنوره شي
كانت سراب تناظر تصرفات دانه و تحس ودها تقتلها
ناظرت ساره في سراب و لاحظت نظراتها لدانه فمسكت يدها و أشرت لها بمعنى اهدي
ساره : يله لازم تطلعو خلوها ترتاح
دانه : انا بضل
سراب : ليش على اي اساس تضلي
دانه : أنتي وش فيك علي و بعدين هي دكتورتي و بضل معها
سراب : اذا الموضوع كذا ف هي بعد دكتورتي
ساره : وش فيكم أطفال انتو ،،يله روحو انا بضل معها و انتو كل وحده تروح لغرفتها
طلعت سراب على طول و لحقتها دانه بعد ما فقدت الأمل ان ساره تتركها مع نوره
مجرد طلعت حست بيد تسحبها بقوه و تدفها على الجدار : لو اشوفك تقربي لها مرا ثانيه بدفنك فاهمه
دانه : بقرب لها بالقدر الي ابيه ما يخصك انتي
سحبت يدها من يد سراب و اتجهت لدرج وهي طالعه لغرفتها
و لما تأكدت سراب ان دانه راحت رجعت للغرفه الي فيها نوره و أشرت لساره و طلعت على طول
سحبت كرسي و جلست عليه ضلت تناظر بنوره منقهره من كلامها و بنفس الوقت كارهه نفسها ندمت على الي سوته تعرف انه اكبر غلط بس مع ذلك تحاول تقنع نفسها انه عادي
حطت يدها على وجه نوره وهي تتحسسه رجعت مسكت يدها و باستها : اغصب نفسي أكابر بس ما قدرت اعرف غلط الي اسويه بس وش اسوي خايفه عليك
بعدت عنها و ضلت تناظرها و بعد ربع ساعه فتحت نوره عيونها وهي تشوف سراب قدامها و بغرفه اول مرا تدخلها ناظرت حولها حست بألم في يدها و لما رفعت يدها شافت المغذي : وين انا وش صار وش جابك هنا
سراب : اهدي انتي في عيادة المشفى اغمى عليك و جابوك هنا
ناظرت نوره لثواني في سراب وهي تحس بصداع قوي حطت يدها على رأسها و سكرت عيونها و صارت تتذكر الي شافته : اطلعي برا
سراب : بنادي الدكتوره و اجيك
نوره : لا تنادي احد و اطلعي وبس
سراب : ما بطول
كانت بتطلع بس شافت نوره ترفع نفسها و تحاول تشيل المغذي من يدها
سراب : وش تسوين انتي انجنيتي
صارت تشيل يد نوره من المغذي و تحاول ترجعها تتسطح
نوره : بعدي عني و لا تلمسيني بيدك القذره ذي
سراب : نوره اهدي الحين انتي تعبانه
نوره بصراخ : قلت بعدي ولا تلمسني
طلعت سراب و نادت الدكتوره و لما رجعت حصلت نوره طالعه من الغرفه و مسنده ع الجدار
سراب : وش قلت لك انا وين رايحه ان شاء الله ما تشوفين حالتك انتي كيف
نوره : خليك بعيده و ما يخصك وين رايحه
قربت منها سراب و شالتها وهي ترجع فيها للغرفه
نوره: هي خير نزليني
وصلت سراب لسرير و نزلتها وهي لازالت قريبه منها : مو قلت لا تطلعي
نوره : بعدي عني
ضلت سراب على قربها و تناظر في نوره بتمعن و كل شوي تنزل عيونها لشفابف نوره
لفة نوره وجها وهي متوتره من قرب سراب الزايد : بعدي عني
سراب : و اذا ما بعدت
نوره : سراب مو وقتك و يله بعدي عني
قربت سراب اكثر : تبين ابعد زياده
نوره وهي تحاول تدف سراب بس ما قدرت كانت تحس نفسها متكسره من التعب
سراب : اسف على الي صار
نوره : تمام خلاص بعدي
سراب : باقي زعلانه
كانت نوره منكتمه من قرب سراب الزايد : بعدي لو سمحتي
: قولي باقي زعلانه
نوره : لا بس خلاص بعدي الدكتوره بتجي
سراب : ما عليك مطوله حتى تجي جاوبيني انتي الحين عذري راضاك او تبين اراضيك زياده
نوره : ما ابي منك شي بس بعدي عني
قربت سراب من اذن نوره و باستها قريب منها : اسف كثير
حست نوره بقشعريره و رعشه سرت بجسمها كله لاحظت سراب رعشت نوره و ابتسمت
: تبين ازيد
نوره : لا بعدي عني وبس
كانت تتكلم و أنفاسها ثقيله
سراب : ما توقعت ان بوسه صغيره بتسوي فيك كذا
نوره : سراب بعدي
سراب : ابي اعرف ليش تكابري
نوره : بعدي خلاص
سراب : بس جاوبيني ليش
نوره : سراب انا تعبانه يا ريت تبعدي عني
سراب : ببعد بس تسمحين لي اسوي شي قبل ابعد
نوره :لا وش تبين بعدي وبس
سكتت سراب شوي بعدها لفت وجه نوره لها و باست شفايفها بقوه
انصدمت نوره من حركة سراب الي ما كانت تتوقع انها بتكون بذا المكان بتحديد حاولت تدفها بس كانت أضعف منها
بعدت سراب وهي تناظر لعيون نوره الي كانت مسكره : اسف ما قصدي بس ما قدرت اقلومك
نوره : انا مو تولين حتى تلعبي فيني كذا
سكتت سراب وهي تسمع كلام نوره ما كان عندها رد غير انها تبعد شوي و تجلس : نوره فيه اشياء كثير ابي افهمك اياها و اولها تولين بس مو وقته انتي تعبانه الحين
نوره : زين باقي متذكره اني تعبانه
كانت بتتكلم سراب بس دخلت الدكتوره : لا لا ليش كذا دكتوره نوره
ناظرت نوره بيدها بعدين ناظرت الدكتوره : دكتوره ابي اطلع
الدكتوره : خلي المحلول يخلص و بعدها بعطيك ورقه تعطيها الاداره حتى يسمحون بخروجك
ناظرت سراب بالمحلول و شافته باقي شبه مليان ف ابتسمت لان بتضل عند نوره اكثر
فحصت الدكتوره نوره : نوره لازم ترتاحي كثير ما يصلح تضغطي نفسك بذا الشكل
ناظرت نوره بسراب الي سرحانه و تبتسم و رجعت عيونها على الدكتوره : ان شاءالله
طلعت الدكتوره و تركتهم
نوره : اطلعي برا
سراب : لا بضل
نوره : وينها دانه
سراب : افف ياذي الدانه
نوره : خير وش فيه
سراب : ما في شي ارتاحي انتي
وقفت و راحت لنوره تعدل الغطى عليها
نوره : ترا ما سامحتك ف بعدي
سراب : يعني تبين بوسه ثانيه
سكرت نوره فمها على طول : لا اكيد
ابتسم سراب على حركتها : تمام اجل خليني
سكتو نوره و ما ردت عليها ضلو ساكتين طلعت نوره كم كتاب و صارت تذاكر
سراب : لاحقه ع المذاكره و التعب ارتاحي الحين
سكتت نوره و ما ردت
في مكان ثاني
كان يزن جالس على الابتوب و بحضنه تركي النايم
كان منصدم من كمية المعلومات الي حصلها عن سراب و عن العصابات الي تعرفهم ضل يدور اكثر وراها
_______
[يزن يشتغل في الامن السبراني ف قدر يطلع عنهم كل شي بكل سهول]
_______
توهق و ماعرف اذا يقول لنوره بالموضوع او لا سكت و قرر هو يروح بنفسه و يعرف كل شي
دخلت الدكتوره: كويس كذا خلص تقدري تطلعي بعد ما اعطيك الورقه
نوره : يعطيك العافيه دكتوره
الدكتوره : ولو
راحت الدكتوره لمكتبها حتى تكتب تقرير لنوره
اما سرب قربت لسرير نوره و شالت الشوز و صارت تعدله
كانت نوره تناظرها مستغربه وش تبي تسوي
ناظرتها سراب و ابتسمت لنظرات نوره و مدت يدها و مسكت رجلها
نوره وهي تسحب رجلها : لا لا ما يصير لا
سراب : وشو وش فيه
نوره : هاتي انا بلبس بنفسي
سراب : لا هاتي يله خل البسك
نوره : لا اكيد
سراب : ليش لا
نوره : لانه لا
سراب : انتي تعبانه
نوره : و علشاني تعبانه لا تعاندي و اعطيني
سراب : يا تخليني البسك يا انك بتكملي هنا طول يومك
نوره : اجلس ولا انك تلبسيني
سراب : اوك اجلسي انا بروح غرفتي
فتحت الباب و بيدها شوز نوره و كانت بتطلع
نوره : هيي هي خلاص تعالي
سراب بابتسامه : شفتي وش قلت
نوره : لبسني بس وحده و انا وحده
سراب : لا
نوره : الا يله
سراب : اوك ما في مشكله
مسكت رجل نوره و صارت تلبسها الشوز و نوره ميته خجل اول مرا احد يلبسها شوز تحس الوضع غلط و بنفس الوقت معصبه من سراب
سراب : اوك كذا كويس يله روحي و انتبهي لك بنادي لك ساره
هزت نوره راسها و سراب راحت
نوره بداخلها : ما بمشي الموضوع كذا فيه شي غلط قاعد يصير
رجعت لها سراب بعد وقت و معها ساره الي حضنتها على طول : الحمدلله انك بخير
نوره : يله خل نروح
ساره : تمام يله
طلعت ساره حتى تقرب السياره و نوره وقفت وهي تاخذ شنطتها و أغراضها المبعثره حولها
قربت لها سراب و حضنتها من وراها و همست : اسفه
قشعر جسم نوره و سراب بعدت عنها شوي
ما ردت نوره عليها و راحت
تنهدت سراب و طلعت لغرفتها فتحت الدولاب و طلعت الكيسه و فتحتها وهي تبتسم : ذوقها حلو
رجعت الهديه مكانها وهي تقول في نفسها : برجعها بالوقت المناسب
رجعت نوره البيت مع ساره وهي طول الوقت شارده و تفكر بمليون شي و شي
وصلت البيت و ارسلت ليزن : يزن ابيك
سكرت فونها و تروشت و لما طلعت حصلت ساره مسويه لها شوربه
شربتها و اكلت و بعدها راحت لسريرها وهي تناظر لساره الي صارت تستخدم فونها اكثر من قبل حاولت ما تعطي الموضوع اهميه بس ما قدرت
سكرت عيونها تحاول تنام
في اليوم الثاني
صحت نوره و ما حصلت ساره ف عرفت انها راحت لدوام فتحت فونها و شافت الساعه ما كان باقي كثير و ترجع ساره
تذكرت نوره الي صار امس و قررت تدور بين اغراض ساره اذا ممكن تحصل شي بينها
صارت تدور كثير و بعدها استقرت عيونها ع بوكس كبير نوعا ما حاولت تفتحه بس كان مسكر وقفت وهي تسمع صوت قريب من باب الغرفه ف رجعت كل شي بسرعه و اتجهت لسريرها تتسطح قبل تدخل ساره
ساره : سلاام
نوره وهي كلها توتر: هلا عليك السلام
ساره : كيفك اليوم
نوره : كويسه لو صحيتيني حتى اداوم
ساره : لا سمعتي وش قالت الدكتوره لازم ترتاحي
نوره : تمام
راحت ساره لدولابها حتى تبدل اخذت كم لبس و حست فيه شي غلط صاير
ساره : نوره فتحتي دولابي
نوره : اي فتحته
ساره : ليش
نوره : بصراحه كنت ادور ع لبس حتى البسه بكرا
ساره : طيب ليش ما قلتي لي
نوره : بصراحه اكثر كنت ناويه اسرق لبس من عندك لان كنت اعرف بترفضين البس من عندك
ضحكت ساره على كلام نوره : ع اساس لو سرقتي ما بشوفك بالسياره
نوره : لا كنت بطلع قبلك
ساره : طيب ترا احنا بنفس المكان نطبق و غير كذا بنرجع سوى
نوره : مدري فكرت بس
ساره : لا تفكري اجل مرا ثانيه
نوره بضحكه وهي ميته توتر و ما تعرف كيف صرفت الموضوع بذي السرعه : لا ما بفكر مرا ثانيه
سكتت ساره و صارت تبدل : دانه تسلم عليك و تقول انتبهي لك
نوره : الله يسلمها كيوت ذي البنت
ساره : حتى سراب تسلم عليك
سكتت نوره و ما ردت سوت نفسها انها ما سمعت
فتحت فونها و حصلت رساله من يزن كان يقول انه بيقابلها في بيته
راحت له ع طول بعد ما تغدت و حكت شوي مع ساره
في بيت يزن
نوره : و ذا الي صار و مدري احس ساره وراها شي
يزن : طيب و اذا دخلت عليكم بالغرفه ذا ما يعني انها كانت تبي سراب يمكن بجد تبيك
نوره : ياخي يزن ركز معي اقول لك واضح ما كانت تبيني و انصدمت لما شافتني و بعدين اي تذكرت تخيل مرا شفتها عند سراب و يتكلمو كانت جالسه جنبها على السرير ايش يعني ذا بالله عليك اكيد وراها شي و لليوم تخيل دورت في دولابها و حصلت بوكس مسكر
يزن : طيب و اذا
نوره : ياربي يزن بالله ركز شوي
يزن : انتي تقولي أن ساره دخلت عليكم بالغرفه وين الغلط طيب عادي ليش شكيتي
نوره: يزن مو من جدك كل الي قلته ما ركزت الا على ذي الفقره
نوره : يزن اقول لك سراب عرفت اني ذاك اليوم ما كنت بالبيت كيف عرفت
و ساره ذي الايام لاحظتها كل شوي عندها و بس ع الفون يزن انا شاكه فيها
يزن : طيب اسمعي من بكرا بتروحي ولا كان شي صار مع سراب ياخي حاولي تتقربي منها كثير يمكن تتكلم او تتوصلي لشي
نوره : بعد الي سوته لا مستحيل و بعدين مدري احس مشوشه
يزن: اسمعي نوره بقول لك شي
نوره : وشو
يزم: تعرفي ان سراب دخلت المشفى بسبب اخوها
نوره : نعم كيف
يزن : زي ما سمعتي هو السبب في دخولها و اي هي بخير و ابيك تقربين منها فيه سر ابي اعرفه بس ابيك تتقربين منها بالله ابي اعرف كم حاجه
نوره : وش يكونو طيب
يزن : ما اقدر اقول لك انتي بس تقربي منها امانه الموضوع مرا مهم
نوره : يزن لا اول شي قول
يزن : الموضوع فيه ابوي يا نوره وفات ابوي الحادث الي صار مو حادث عادي هو كان مدبر
نوره : و سراب وش دخلها بالموضوع
يزن : مو هي الي لها دخل فيه شخص من العصابات الي لها علاقه معهم له دخل ف بالله قربي منها الين تتكلم لك عن أي شي او الين تعرفي انتي اي شي عنهم
نوره : بس يزن صعب
يزن بترجي : نوره امانه ذا ابونا الي ربانا ما تبين تعرفي مين سبب موته
نوره : بس يزن
يزن : نوره امانه انا ما ابيك تسوين شي ولا تخاطري في نفسك كل الي ابيه هو انك تقربي من سراب الين تعرفي شي
نوره : تمام بس ترا ما بسوي شي اكثر من كذا
يزن : لا تسوين
سكتت نوره شوي : وينه تركي
يزن : نايم
نوره : انا بروح الحين سلم لي عليه
يزن : تمام انتبهي لك
طلعت وهي تفكر وش بتسوي كيف تقرب لها بعد الي صار حتى لو اعتذرت سراب بيضل في خاطر نوره
ضلت شايله هم و تفكر وش لازم تسوي يعني ما يتبي تقرب من سراب ما تبيها تفكر انها بترخص نفسها و تفوت الي صار بينهم عادي
رجعت لسكن و تعشت و ذاكرت شوي و راحت تنام وهي بس تفكر
اما سراب كانت تتأمل صور نوره الي توصلها كل ثانيه
نامت بعد ما وصلها صورة نوره النايمه