مسك تيشيرتها و قطعه و هو يسحب السجاره من فمه : اشكريني كثير لان بديت لك من ابسط حاجه
كان بيقرب السجاره من جسمها لولا صوت اطلاق النار الي ملي المكان
عرف سلطان ان هذا محمد رمى السجاره وانصدم من محمد الي دخل بكل ذي السرعه للمستودع
بعد اطلاق نار متبادل قدر سلطان انه يهرب هو و الرجال الاثنين الي معه
اتجه محمد على طول لنوره الي كان مغمى عليها من المنظر الي شافته قدامها
غطاها محمد و شالها واحد من رجاله و نقلوها لبيته على طول
وصلو لببيت و استقبلهم يزن و اتجه لنوره على طول شاف منظرها وصار يبكي قهر عليها لانه ما قدر يحميها
محمد : يله يزن لازم تروح الحين ما يصير تشوفك نوره هنا
يزن : لا ما بروح بضل
محمد : يزن مو وقت العناد الحين يله روح بيتك و بطمنك عليها طول الوقت
وافق يزن و رجع لبيته
اما محمد جاب دكتوره لنوره تفحصها و تتاكد من سلامتها و طلب من الخدم يجيبون لها ملابس
فتح جواله الي كان محترق بسبب رسايل و اتصالات سراب الي ما هدت ولا لحضه
اتصل محمد على سراب و جاها صوته العالي و الي واضح عليه العصبيه : وينك من فونك انت و ايش صار على نوره وينها الحين محمد لو ما تجيبها تاكد ان نهايتك على يدي
محمد : نوره في بيتي و اهدي هي بخير
سراب : وريني اياها الحين
محمد : مقدر الحين
سراب : سلطان ذا ابي يجيني راسه باقرب وقت
محمد : اهدي و ما عليك بندور عليه و بيوصلك راسه
سراب : ورني اياها ابي اتطمن عليها بنفسي
محمد : مقدر هي حاليا عندهة دكتوره بس تفحصها بقول لك وش تقول
سراب : ليش دكتوره وش صار تاذت صار فيها شي
محمد : اهدي ما صار شي هي بخير بس من الخوف اغمى عليها فقلت اجيب لها دكتوره تشوفها
سراب : انتبه عليها ولا تخليها ترجع لسكن مهما صار
محمد : ولا يهمك
سكرت سراب وهي تحط يدها على راسها توها امس تكلمت بالموضوع مع عبدالله كيف كل شي تطبق بذي السرعه و خطفوها تسطحت على السرير وهي تحاول ترتب افكارها تبي تطلع باسرع وقت من المشفى تبي تهرب بس كل الي مانعها هو العدد الكبير من الامن الي محاوط المشفى من كل مكان حتى داخله
و مشددين عليها هي خصوصا لان حاولت تهرب قبل
ما قدرت تنام ليلتها كانت تفكر بنوره و الي سوته و صار لها
صارت تحط اللوم عليها لان ما خبت الفون ما كانت تعرف كيف ممكن رح تواجه نوره بعد الكلام الي قرته بالفون
بعد ساعات وفي مكان ثاني
صحت نوره وهي جسمها يوجعها ناظرت حولها و حصلت نفسها في غرفه كبيره و فخمه حاولت توقف بس ما قدرت بسبب الدوخه و الم جسمها
رجعت تسطحت شوي و بعدها اصرت على نفسها تقوم
اتجهت للباب و استوقفها شكلها على المرايه كان وجها فيه جروح و كدمات غير اللصقات و الشاش الي في يدها
تذكرت الي صار لها و صارت تبكي
بعد دقايق مسحت وجها و اتجهت للباب فتحته و حصلت نفسها في بيت كبير كثير خافت من المكان الغريب الي هي فيه و مين ذا الي جايبها لبيته بعدت عن بالها فكرت انه يكون سلطان لان بعد الي سواه مستحيل يعاملها كذا جا في بالها الشخص الي داهم المكان وقت اطلاق النار
ما كانت تعرف مين هو لان اغمى عليها قبل تشوفه ،،، نزلت و اتجهت للباب وهي تحاول ما تطلع صوت حتى تطلع من البيت قبل يكشفها صاحبه
جهلها له خلاها تخاف انها تبقى ،، لفت اتجاه الصاله و حست انها مئلوفه لها بس طنشت و حاولت تكمل طريقها
محمد : نوره صحيتي
استوقفها الصوت الضخم الهادي سكرت عيونها و هي تشد على يدها عارفه انه ما بيخليها تروح
محمد : نوره اكلمك على وين
نوره بدون ما تلف له : رايحه السكن
محمد : اي سكن لا انتي بتضلي هنا تعالي اجلسي بقول لهم يجهزو العشاء
نوره : لا بروح
وقف محمد و اتجه لها و حط يده على كتفها : امشي معي ما عليك انتي بامان هنا وما احد بيقدر يوصل لك
حست نوره بامان من كلامه بس ما حبت تمشي معه حتى ما يصير لها شي : لا ما عليه بروح
محمد : اسف نوره بس انا ما اخذ رايك انا اامرك
نوره : و على اي اساس تامر
محمد : اسف بس قاعد اسوي الي تامرني عليه سراب
نوره : مالها دخل الكذابه ولا انت لك دخل تمنعني
محمد : اهدي لو سمحتي و تعالي افهمك
نوره : وش بتفهمني يعني انها ما خبت علي
محمد : تعالي اجلسي و بفهمك كل شي
نوره : فاهمه كل شي ما يحتاج
محمد : لا ما اعتقد فاهمه تعالي هنا
نوره : الا اعرف ، اعرف ان ابوي الحقيقي مو عبدالعزيز و ان ابوي اساسا تاجر مخدرات اعرف كل شي
سكت محمد وهو يشوف دموعها تنزل مع كلامها : مين قال لك
نوره : قريت كل شي حتى الي بينك و بين سراب
استغرب من كلامها و ما كان فاهم وش تقصد : وشو الي بيني و بينها
نوره : رسايلكم كلها قريتها و سراب الخاينه تخبي عني حقيقتي ليه علشان كذا ما خلتني اروح كل ذا علشان خاتم
محمد : خاتم لحضه لحضه نوره شكلك مو فاهمه شي تعالي افهمك و تفهميني وش الخاتم الي تتكلمي عنه
نوره : لا انا بروح من هنا
محمد : تمام روحي
بعدت نوره وهي تتجه للباب فتحته و حصلت اثنين واقفين عند الباب طنشتهم و اتجهت للباب الرئيسي كانت بتطلع بس الامن رفض حاولت كثير و بعد ما يئست و عرفت ان محمد هو الي محذرهم ما تطلع اتجهت للمسبح و جلست عنده ما كانت تبي ترجع عند محمد داخل
و بعد وقت جاتها الخادمه : انسه نوره العشاء جاهز
نوره : شكرا شبعانه
رحت الخادمه و رجعت بعد دقايق
الخادمه : لو سمحتي قومي معي انسه نوره انا مكلفه بعشاك و لازم اتاكد انك اكلتي
نوره بقلة حيله : تمام
وقفت وهي تقول في نفسها : انسه حبيت الاسم
اتجهت لداخل وهي تتبع الخادمه الي وصلتها لطاولة الاكل
جلست وهي تشوف اصناف الاكل كله قدامها ،،كانت بتبدا اكل لولا صوت محمد الي جاها
محمد بمزح : ما بتنتضريني و بعدين دامك جوعانه ليش تقول انك ما تبين
سكتت نوره وهي منحرجه منه : عذرا ما كنت ادري انك بتتعشاء معي
محمد : ما عليك امزح معك
جلس و نوره ماتت توتر و هدوء المكان زاد توترها
محمد : كلي ليش تلعبي باكلك كذا
نوره : قاعده اكل
محمد : ما اكلتي لحد الحين
نوره : وش صار
محمد : اقتحمنا المكان و هرب سلطان الخسيس و اخذتك معي بعد تهديد سراب متخيله مهددتني تقتلني اذا ما اخذتك من عند سلطان بنفس اليوم الي خطفك فيه و اي اخذتك و حاليا بتضلين عندي من اليوم و رايح ذا مسكنك و الغرفه الي كنتي فيها هي غرفتك الجديده سحبت اوراقك الي في السكن و بتوصل اغراضك بكرا ان شاءالله و بتعيشين معي رح تعيشين حياتك بالطريقه الي تبينها بس رح يكون حولك حرس حتى ما ينعاد الي صار و لما نتاكد ان سلطان مات رح اترك تاخذين قرارك تكملين حياتك عندي او تعيشين لوحدك بس حاليا ياريت ما تعاندين او تسوين اي شي حتى تطلعي من هنا لان ذا لمصلحتك بعيدا عن اني خايف من سراب يعني
ضحك محمد في اخر كلامه
سكتت نوره و اردف محمد بمزح : يووه الحين بتحترق سراب لو درت اني تعشيت معك وهي ما قد جربت
نوره : الا قد افطرت معها
محمد : احح حركات و متى صار
نوره : ممكن تسكر الموضوع
محمد : ليش وش فيك منحرجه يعني
نوره : محمد لو سمحت
سكت محمد الي كان بس يبي يلطف الجو
كلها دقايق و قامت نوره من على الطاوله و على طول طلعت لغرفتها الجديده
