صحت وهي كل تفكيرها كيف رح تنفذ اتفاقها مع يزن كيف رح تروح لسراب بعد الي صار و تتقرب منها كانت ملخبطه و مشوشه كثير كان كل تفكيرها كيف و كيف و كيف لبست و راحت للمشفى بدون حتى تفطر
كانت نظرات ساره تراقب نوره الي واضح فيه شي شاغل بالها
ارسلت لسراب : احس فيها شي
سراب : مين
ساره : حبيبة القلب يا غبيه
سراب : وش فيها
ساره : مدري بس طول الوقت شارده
ارسلت سراب ضحكه : شكله عجبتها بوست امس
ساره : اي بوسه
سراب : بالله تفكري بضل معها بدون ما اسوي شي
ساره : يارب صبرك ياخي فوق انها زعلانه جايه و تسوين كذا بدل ما تعتذري
سراب : و من قال ما اعتذرت بس ما ردت علي ف بستها
ساره : الله يصبرني عليكم و خصوصا عليك حرفيا ما عرفت لك تبي تبعدها عنك و في نفس الوقت تبينها لك وش وضعك
سراب : ابيها تبعد بس مجرد اشوفها ما اقدر ابيها لي و معي طول الوقت
ساره : مدري وش اقول المهم ترا ما افطرت حاولي تعرفي وش فيها و خليها تفطر
سراب : اسمعي اكل المشفى ما ينوكل جيبي معك اكل لها
ساره : تستهبلي و اذا سئلت من وين جبتيه
سراب : بصرفها ما عليك
ساره : تمام بس فيه اكله محدده ولا اجيب اي شي
سراب : جيبي زي هذيك المرا
ساره : تامرين
نوره : ساره يله صار لك ساعه واقفه عند الباب
ساره : نوره اسمعي بوديك المشفى و لروح عندي مشوار مهم
نوره : وين
ساره : مشغوله يا روحي اخلص و اجي للمشفى
نوره : تمام
وصلت للمشفى و حصلت دانه قدامها و حضنتها بقوه : الحمدلله شفتك كيفك انتي بخير
نوره : اي بخير يا روحي الحمدلله
دانه : تعالي عندي بالله خليك معي الين نهاية الدوام
نوره بابتسامه : ما اقدر قلبي لازم اروح لسراب
دانه : اف منها سراب ذي ياخي لازم تروحي لها
نوره : اي قلبي وبعدين ترا بجيك ما بضل معها
ابتسمت دانه و نوره بعدت عنها رايحه لغرفة سراب
نوره : سلام
ناظرتها سراب بابتسامه : هلا صباح الخير
نوره وهي كارهه نفسها : صباح النور
سراب : كيفك اليوم
نوره بعد تردد قالت بالغصب : بخير حبيبي الحمدلله
ناظرتها سراب و منصدمه من الكلمه : وش قلتي
نوره وهي تلعن يزن بداخلها و تتصنع الابتسامه لسراب: ما قلت شي
وقفت سراب الي من كبر ابتسامتها بانت اسنانها : لا وش قلتي عيدي كلمتك
نوره : اي كلمه
كانت تلعن يزن لان وقفة سراب واضح وش بيجي بعدها
سراب وهي تقرب لنوره الي ميته توتر
و ما تركت لعنه الا و قالتها على يزن
سرب : اي عيدي كلمتك
نوره : اااا تقصدي لما قلت صباح النور ؟
قربت سراب اكثر و حطت يدها على كرسي نوره : لا بعدها
نوره وهي تتمنى الارض تبلعها : حبيبي ؟
سراب بابتسامه اكبر :عيديها
نوره : ترا اقولها للكل
سراب : مو مهم المهم قلتيها لي
نوره : تمام بعدي
سراب : بعد كلمتك ذي تفكري ببعد و خلاص
نوره في داخلها : يارب ما تبوس يارب ما تبوس
سراب : وش فيك خايفه كذا
نوره : منك
سراب وهي تبعد : خايفه مني
هزت نوره راسها
جلست سراب على السرير وهي مستغربه
سراب : وليش تخافي مني يا عيوني وش قد سويت لك
نوره بداخلها : شف الكذابه ذي كل الي سوته فيني و تقول وش قد سوت لي
ياربي ذي مو من جدها : نسيتي ؟
سراب : حق قبل
نوره : قبل امس و قبله و قبله و من اول ما دخلت عليك
سراب : و كم يحتاج لها اعتذار
نوره بتكشيره : ما ابي منك شي شكرا
