خلصت جلستها مع دانه و نزلت لساره و رجعت للبيت وهي تغني و فرحانه و تحسه حلم
ساره : وش فيك يا بنت وش ذي الفرحه كلها الله يديمها
نوره : لا ولا شي
رمت نفسها على السرير وهي تتذكر الشعور الحلو الي حسته مع سراب
ساره : واضح ولا شي
وقفت نوره و بدلت على السريع و رجعت لسرير نامت نومه عميقه
اما ساره مجرد بدلت و اكلت ارسلت لسراب : وش صاير
سراب : وشو
ساره : نوره طايره فرح و نامت وهي مبتسمه قولي وش سويتو
سراب : مو هي وبس الفرحان
ساره : الله وش صاير قولي
سراب : بستها و بادلتني و جسلتها بحضني و اكلتني
ساره : بلا استعباط قولي بجد وش صار
سراب : قلت لك
ساره : مستحيل تسويها نوره
سراب : اسئليها
ساره : سراب مو وقتك قولي بجد
سراب : تبين احلف لك ؟؟
ساره : بس كيف كذا بعد الي سويتيه نوره تجيك و تبوسك خير احس فيه شي غلط مستحيل
سراب : ما في شي مستحيل معي
ساره : صدق انك خبيثه ،، اهم شي انبسطتو بالي سويتوه ؟
سراب : نوره جاوبت على سؤالك من حركاتها اليوم
ساره : عقبال تصيرو حبايب
سراب : اعتبرينا حبايب من الحين
يوم جديد
صحت نوره وهي تحس ما تبي تقوم تبي تكمل نوم بس ازعاج ساره لها خلاها تقوم : مو منجدك نايمه كل ذا الوقت و باقي نعسانه
نوره : ساره اتركيني بالله
ساره : مافي قومي يله
نوره : افف تمام قمت
قامت و غسلت و لبست
نوره وهي تشوف في فونها : ساره تمزحي صح باقي الوقت بدري كثير
ساره : قومي خل نفطر برا و نروح ابي وقت الجلسه مع مريضي تكون طويله
نوره : الله يصبرني عليك
ساره : يله امشي
افطرو و نوره طول وقتها تتبسم و شارده
ساره : مارح تتكلمي
نوره : هاه ،، عن ايش
ساره : الي سارق عقلك من امس
حمرت نوره بخجل : محد
ساره: تخبين علي
نوره : لا مو كذا بس شسمه قاعده اتخيل اشياء حلوه
ساره وهي تكمل اكلها : اي قوليهم خل اتخيل معك
ابتسمت نوره اكثر بخجل وهي تتخيل نفسها تقول لساره الي يدور بعقلها
ساره : صار شي مع سراب؟ امس من جيتي من عندها و انتي مو طبيعيه
نوره : اااا لا ما صار
ساره : تكلمي يله قبل نروح
نوره : طيب بقولها بسياره حتى تكوني مركزه بالطريق مو فيني
ضحكت ساره من عذر نوره و وافقت
ركبو السياره بعد فطورهم و سردت نوره الموضوع كله لساره الي كانت تمثل انها ما تعرف الموضوع و متحمسه مع نوره
في مكان ثاني
عوض بعصبيه : ايش يعني عندها دكتوره و صار لها فتره ما راحت زي الي قبلها
الحارس : زي ما سمعت طال عمرك ذا الكلام الي وصلنا
عوض : و مين ذي الدكتوره
الحارس : اسمها نوره طال عمرك ،، تبي اجيب لك كل معلوماتها
عوض و العصبيه باقي مسيطره عليه: وش تنتضر اكيد جيب بسرعه
تحرك الحارس من قدامه قبل ينفجر فيه عوض زياده
خلود الي جات من الطابق العلوي و متجهه لعوض : وش فيك حبيبي معصب اهدى
عوض : كيف ما تبيني اعصب و الحيوانه جاتها دكتوره و صار لها مده ما اشتكت ولا طلعت من عندها
خلود : وين المشكله حبيبي
عوض : كيف وش المشكله لو طلعت الحين من المشفى
خلود : هدي قلبي ما بتطلع احنا ضمنا المدير ما بيطلعها ف تتوقع من دكتوره بتطلعها يعني
عوض : المدير الزفت ذا ما ينضمن
خلود بدلع : طيب اهدى ما لازم تعصب بعدين تشيب بسرعه و انا ما ابي ذا الشي
