اليوم الثاني
صحت نوره وهي تحس نفسها مروقه حصلت نفسها صاحيه بدري راحت تروشت و جهزت فطورها هي وساره و لبست و جلست تقرا بعض الاوراق و بعدها صحت ساره و لما جهزو راحو للمستشفى وهم مشغلين اغاني و يغنو مع الاغاني
راحت ساره و نوره راحت لسراب و لما صارت قريبه من الغرفه وقفت و عدلت شكلها شوي و دقت الباب
سراب : تفضلي تفضلي حياك
نوره بداخلها : شكله مو بس انا الي مروقه
فتحت الباب و مجرد تقدمت خطوه انكبت على راسها ماي بلل كل ملابسها
شهقت نوره بخوف وهي ما تدري وش الي صار و رفعت راسها وهي تشوف سراب ميته ضحك عليها
نوره :وش سويتي انتي تستهبلي
كانت سراب ميته ضحك ولا قدرت انها تتكلم حتى مما استفز نوره
رمت نوره الاوراق الي بيدها و صارت تمشي لسراب وهي معصبه و صفقت سراب كف : مجنونه انتي خير تسوين كذا
انصدمت سراب من الكف و عصبت مسكت نوره من ياقتها وهي تدفها على الجدار : وش سويتي انتي هاه
خافت نوره من شكل سراب : خير تسوين كذا
عصبت سراب اكثر وصارت تصرخ على نوره : مين سمح لك تمدين يدك
نوره وهي تحاول تخفي خوفها : و انتي مين سمح لك تسوين كذا
سراب : انا مجنونه وانتي وش عذرك
نوره بارتابك : ردة فعل لا اراديه
سراب : لا اراديه !؟
نوره :اي والله
جات سراب ضحكه من شكل نوره الي خايف بس مسكت الضحكه وهي تقول :اجل تحملي ردات فعلك ذي لما اموتك بين يدي
صارت تخنق نوره على الخفيف و بعدها فكتها
وقفت نوره على رجولها بالموت و صارت تتنفس
سراب : يله اجلسي و ابدي جلستك
نوره : ما في جلسه اليوم بنكمل بكرا
سراب : ذي المرا بكيفك
طلعت نوره وهي معصبه و نزلت حتى تطلع من المستشف بس استوقفها الامن : عذرا بس على وين
نوره : ما تشوف شكلي رايحه للبيت طبعا
الامن :عندك ورقة اذن
نوره : اذن ايش بعد ذي
الامن :لازم ورقة اذن من الاداره
نوره :تستهبل انت الثاني
رجعت للمبنى و راحت لمكتب الاداره بس حصلت عندهم اجتماع ف اضطرت ترجع لغرفة سراب خوف من انها تحصل حمده قدامها
سراب : وش مرجعك
نوره : لا تفرحين مو علشان سواد عيونك
سراب : عيوني مو سود
نوره : ياربي و تنكت بعد
سراب :ترا اسمع
نوره : كويس
طلعت نوره جوالها و صارت تطقطق فيه و مجرد ما سراب شافت الجوال حست نفسها بتطير من الفرحه
سراب : جوال
نوره : وش تشوفين يعني
سراب : عطيني
نوره : اعتقد قلت انك مجنونه و ممنوع اعطي المجانين الجوال
سراب :يله بلا استهبال مجرد اتصال و ارجعه
نوره. : و مين يبي يكلم له مجنونه صار لي اربع ايام هنا ولا قد شفت احد يزورك لو يبونك كان جوك و ما انتضرو اتصالاتك
ناظرت لها سراب و سكت و ما عاد قالت لها شي
حست نوره نفسها وقحه بس صارت تقول في نفسها : تستاهل على الي سويته فيها
صار الوضع هدوء بينهم شوي الا وقفت سراب وهي ناويه تروح خارج الغرفه ضرب اصبعها الصغير على طاوله موجودعه بالغرفه و لما شافتها نوره صارت تضحك عليها
نوره : تستاهلين ربي ردها لك و ضحكت عليك زي ما ضحكتي علي
سراب :وش ذي البزر
نوره :انتي البزر
طلعت سراب من الغرفه و لما طلعت حست نوره بالخوف لان باي لحضه ممكن تدخل حمده
حاولت انها تراقب الباب كل شوي حتى لو دخلت حمده تقدر تصرخ
كانت منسجمه على فونها و ما حست الا بتسكيرة الباب و من الخوف وقفت
ضحكت سراب وهي تقول : ما عليك انا مو حمده حتى تخافي كذا
نوره : مو خايفه
سراب :اجل ليش واقفه كذا وبعدين ليش جالسه عندي دام مو خايفه منها
نوره حست نفسها مكشوفه : جلست لان وقتي ما خلص
ضحكت ع الخفيف وهي عارفه ان نوره تكذب
راحت لسريرها و انسدحت
نوره. : بتنامي ؟
سراب : اي تبين انيمك معي
نوره : الله لا يبلانا
سراب : وشو ما قلت شي
نوره في داخلها : والله انها طبيعيه ذي مو مريضه مستحيل
نوره :سراب
سراب : ابي انام
نوره : ابي اسئلك
سراب : ليش مصره تتعبي نفسك اعطيتك الورقه ترا خذيها و ارتاحي
نوره : لا سؤال خارج وضيفتي و سبب وجودي هنا
سراب : ما ابي اجاوب على شي مجرد يخلص وقتك اطلعي
نوره : اساسا خلص وقتي و طالعه
