ليست هذه الليلة وحسب، كُل الليالي التي مضت حملت أتعابي معي دون أن يلاحظني أحد.
اماني : الطريق كله اني متلهفه الشوفته
اي متلهفة ورة كل الي سواه والضرب وعدم اهتمامه لقراري رجع كَلبي دك اله اخخخ يكَلبي ليش هيج شايل حنيه عليه
تلهفت لشوفته لهفة طفل بنص السوك للالعاب
اخخخ حسام مدي اول ما اصل اشوفك واحضنك اي احضنك وكون ببهل حضن من قوته اسمع صوت طكه عظاااممم
ليش كل ما احاول اكرهك كَلبي يمنعني مكدر اتخلى عن حبك بهل سهولة وكل زله الك انطيك عذرك بيها
وصلنا للبصرة واحنه متكسرين مو بس متكسرين منتهين وبابا ولؤي كل ساعه يبدلون الاماكن حتى ميتعبون
وصلنا بيت عمي واني عيوني افتح عين تنسد عين نعسانه وبنفس الوقت متلهفة لشوفت حسام وصلنا ولمحت بحديقه عمي الخارجيه اكو كومه كراسي وزلم هوايي
استغربت معقولة كرابتهم هلكد قريبين منهم
وكفنا يم بيت عمي
لؤي : يلا انزلوا بس لا دحكون على الزلم امشو وانتوا مدنكين
رسل : وليدي اني بتالي عمري تجي تعلمني شلون اتصرف
لؤي : محشومه يما بس التنبيه هم واجب
اماني : مثل ما كال لؤي دنكنا ومشينا مادحكنه ابد على الزلم
طبينا وبطبتنا لاحظت وجود نسوان هواي وبنات وجهال عبالك الحفله هنا مو بغير بيت
استقبلتنا خالة سهام وملامحها بيها حزن وعيونها حمر
سلمت على امي وامي جان سلامها بارد كلش وياها احس هذا التصرف حز بخاطر مرت عمي وطلعت من المطبخ حاطه ايدها على حلكها
مافهمت ليش اتصرفت امي هيج معقولة لان شافت حسام خنكني هذيج المرة ؟
باوعت على النسوان ماعرف اي وحده بيهن لا هنه ولا البنات اكو بعمري واكو اكبر واغلبهن كاشخات والي بعدها جاي تحط مكياج استغربت من الوضع هذا هي الحفله غير بيت كرابت خالة اشو المه كلها هنا
طبيت للصاله لمحت تمارة ورفل كاعدات بركن ومو مثل باقي البنات لا كشخه ولا شي هذني شبيهن
باوعلي بعيون مكسورة واني اضحك فرحانه بشوفتهن
رحت حضنتهن
ولجججن وربي مشتاقه الجن كلشش احسها سنوات مو كم شهر
ردن الي السلام ببرود ومشحوبه وجوهن عبالك اكو شي بسرعه راحن يم امي واخذنها لغرفت امهن اني اتسغربت من الوضع ذني شبيهن
شويه اجتي تمارة صعدتني فوك فتحتلي الغرفه الي كعدت بيها قبل لا ارجع لبيتنا حطيت غراضي ورتبت المكان
تمارة : خيتي جهزي نفسج امج تكول انريد نروح لصالون
اماني : وشعندنا بالصالون
تمارة : هي تكول هيج مدري
- انكسر كَلبي ع اماني ماكدر اباوع بعيونها
اجيت اطلع صديت عليها
بضحكه مصطنعه الحفه لايكتلج
اماني : شكراً
تذكرت امي جابتلي عبايه مثل عبايات الشيوخ هي والفستان مالها جواها لبستهن ورهمت وياهن شال وحذاء حطيت ايلاينر وكحل وحمره خفيفه
نزلت واحس كل نظرات النسوان متسلطه عليه وهاي الي تتبسبس وهاي الي تأشر عليه تصرفهن خله عندي شك بملابسي بس ماهتميت مشيت بنصهن ادور على امي لكيتها بغرفت مرت عمي ومرت عمي مدنكه راسها ولازمه ادين امي ومبين من عيون امي باجيه لان حمر
رسل : هااا بنيتي خلصتي يلا هسة البس عباتي وجيج كومي رفل ودينا لهاي ام الصالون
رفل : يلا خاالة اني جاهزة
اماني : طلعنا من الباب الخلفي لان الزلم تارسه الشارع
وصلنا لبيت ام الصالون وطبينا سلمت امي عليها ومدري شنو شاورتها المرة باوعت عليه بنظرات قهر وحزن وهي تهز راسها بنفي اعتقد الي كالته امي الها ماعجبها
اباوع على رفل طول الوقت مدنكه او تتجاهل تباوع بعيوني مدري شبيها معقولة زعلت لان ماسلمت على حسام من رجعنا
كالتلي ام الصالون اذب العبايه ذبيتها وضليت بس بالفستان الي جواها سئلتني شنو لون الفستان الي راح البسه وكتلها بنفسجي كامت تحطلي مكياج وهي تصلي على النبي كل شويه
ام الصالون يمه ماشاء الله بنتج كمر كمر ماشاء الله تبارك الرحمن
اماني : خلصتلي وجهي وبلشت بشعري وهي اول مافتحته تصلي ع النبي وتسمي
عافته على طوله كالت دام بطولج عوفيه هيج احلى برمته شويه من جوة ورفعته من فوك حتى يرفع عن طولي واكدر امشي براحتي نزلتلي خصلتين من كدام وحطتلي بروش من عدها لونه فضي وبيه كرستان كالت هاي هديه مني ويرهم ويه فستانج
لبست عباتي فوك الشعر مالي وشمرت الشال على راسي باوعت على مرايه اشوف نفسي
-لا لا مستحيل هاي اني تغيرت تغير جذري طلعت اخبل هههه هسة يكولون اني العروس خلصنا وقت مغرب لان كلش تاخرنا
طبينا للبيت وكل النسوان تباوع ونصهن يصلن على النبي والنص الثاني يتبسبسن مفهمت شكو لمحت خالة سهام حاطه ايدها على حلكها وعيونها حمرر شافتني وراحت لغرفتها معرفت شبيها
صعدت لغرفتي البس الفستان الي شريته لان امي كالتلي البسيه راح تبلش الحفله سئلتها اذا جانت الحفله بيت خالة او بيت العالم وجان جوابها انو راح تبدي واعرف التفاصيل
سكتت الخبر اذا جان اليوم بفلوس باجر بلاش
لبست فستاني ولبست الكعب ورجعت لبست الطقم الي اشتريته ويه امي ردت اطلع تذكرت الحزام دورتله لكيته لبسته اكو مرايه بالغرفه طويله وكفت كدامها واني اباوع على نفسي برضه ماشاء الله طالعه اجنن ام الصالون حطتلي حمرة ورديه هادئه وضلال العيون مسويته الي اسود بفضي كالت هيج يرهم ويه فستانج باوعت على شعري الي بطولي بس من رفعته الي ام الصالون صار اقصر من طولي بشبر هههه اجذب اذا اكول ماخفت على روحي من الحسد او احد يحسدني حطيت من عطري المفضل وهاي اول مرة اسبح بعطر هههه لبست خلخال برجلي هم فضي عندي هديه من بيبيتي من زمان وحبيت البسه بهاي المناسبه
طلعت من الغرفه واني اعدل بشعري ورفعت عيني وكعت على حسام الي توه هم طلع من غرفته
اباوعله واني الضحكه شكت حلكي من الفج للفج
باوعت عليه وهو لابس دشداشه بيضه وساعه ذهبيه ولاف راسه بالجراويه لفه عربيه كلش حلوة وجان لونها اوف وايت يعني مو بيضه ومحبس فضي بيد الخطوبه بس ماهتميت لمحبس عادي ولازم بيده سبحه لونها ذهبي تخبل
باوعت عليه وبنظراته الي مبين مصدوم يمكن ميعرف احنه جينا اووهيج شي
تقدمت يمه اريد احضنه مشتاقتله مشتاقه لعطره قبل لا اوصله عافني وراح
باوعت عليه وهو منطيني ظهره ويمشي احس هذا الموقف كلش حز بخاطري يعني اني الي زعلانه وجيت عليه وعافني ليش هيج سوة مو يكول احبج واريدج ومن هاي سوالف المحبين
معقولة كلامه كله جذب نزلت وراه بس هو بنهاية الدرج وصل واني بعدني بدايته من فوك
اباوع عليه بس ما ابين لاحد اني فوك الدرج بس اكدر اشوف كل شي نزل وبنزلته علكت الهلاهل والجكليت ينطش عليه من كل جهة
اني حرفياً بهذا الموقف حسيت راسي افتر ومدا افهم شكو بعدين طخت بالي امي اخذتني للصالون اكيد اليوم خطوبتنا ويريدون يسوها مفاجئه الي والي خلاني اتأمل هل شي اكثر من سمعت النسوان يباركن لحسام انتظرت حسام يروح ونزلت اركض ادور على امي واني الضحكه والفرحه ماسايعتني اي الكاع كلها ماتسعني يعني حل مشكلتنا واخذ من خاطر ابوي وابو مصطفى وسوة خطوبتنا برضه الكل وبدون ما تخرب علاقه اي احد نزلت واني عيوني ادور على امي
سمعت وحده ماعرف منو ولا شايفتها من قبل بس مبينه من عمري
- ياااا شوفيها يولي ويه كل هذا الي صار بيها تضحك وكاشخه ومتعطره يكول هي العروس
ماهتميت صراحتاً لكلام البنيه هاي حفله كلشي ينحجي بيه والجذب البيه اكثر من صحيحه
طخت بالي امي اكيد بغرفت مرت عمي طبيت ولكيتها صحيح هناك هي وخالة سهام وخالة سعاد
شافتني خالة سعاد والضحكه شاكه حلكها شك واتباوع عليه من فوك ليجووه
سعاد : ولككمممم شهل جمال يابا بنت اخيتي طاالعه صاروخ اليوم يهنياال الي ياخذج بهل جمال
اماني : خجلتني خالتي هي الوحيده الضحكه الشاكه حلكها شك اشو مرت عمي وامي وجوهن ماتتفسر
اي ماما ماكتيلي هاي مناسبه لمنو وليش الهوسة كلها بيت عمو جاسم شسالفه هاا
احجي واني انتظر اي رد من امي بكل لهفة اي متلهفة امي تكول اليوم خطوبتج
متلهفة تكلي الي رادج راح ياخذج
متلفهة تكلي راح تنخطبين ومحد يزعل او تخرب اي علاقه اي اي بس كولي
رسل : دنكت راسي ومعرف شسولف لاماني عدنا هاي اهانه اذا منهي عليها ويصير هيج
والله بنيتي معرف شسولف
اماني : باوعت على ملامح امي الي ماتتفسر وبهتت ملامحي طارت فرحتي واني كَلبي من شفت امي هيج ملامحها بيه كسران نغزني
-احجي ماما مناسبه منو هاي حجيتها بقلق واني لازمه اديها
رسل : (بخيبه امل ) بنيتي اليوم حنه حسام
اماني : باوعت لامي بصدمه مدا افهمها شنو تحجي عقلي احسه ماكام يفرزن الكلام شنو وشنو
باوعتلها بكل برائه وكلت امي قصدها حنتي اكيد
-ماما قصدج اليوم حنتنا اني وحسام
كلت هيج واباوع على امي مدنكه ومحجت شي وخالة سهام شهكت وكامت تبجي
سعاد : لا يابنيتي حنتج شنو هاي حنته حسام وهو باجر عرسه
اماني : واكفه اريد استوعب الي دا يصير ما جاي افهمه
-ماما شنو دا يصير ترة ماجاي افهم شي شنو حنه شنو عرس لعد شنو نهوة حسام يريد يهيني لو شنو
رسل : (بخيبه امل ) والله يبنيتي الظاهر هيج
اماني : دام تعرفين هيج ليش هيج سويتي وجبتيني هناااااااا ليشششش
سهام : لا يخيه لاتحجين هيج لا اهانه ولا شي شتكولين
رسل : لعد شيكولولها هاي بسلامه
اماني : اباوع لامي واني كَلبي احسه انطعن مدري شنو الي صار بيه دموع مابعيوني اريدهن ينزلن ماكو من الصدمه
باوعت لمرت عمي مدنكه راسها باوعت لرفل وتمارة توهن طبن للغرفه رحت يمهن
اماني : (بضحك) رفللل تمارة تعالن اسمعن امي وامجن شيحجن كالن حنته حسام اليوم ههههههههههههه ادري اليوم خطوبتي وتريدون تسونها مفاجئه الي موو
رفل : كسرت كَلبي اماني واخوي مايستاهل هيج وحده ترغبه ورة الي سواه وياها بعدها تعشكه باوعتلها وعيوني متروسات غضب على هذا الوضع
-لاحبيبتي اليوم حنته وباجر يزوج غيرج
اماني : احس كلام رفل جمرة ونحطت بنص كَلبي باوعت بصدمه لكل الكاعدين يعني شنو ليش نهة شنو معنى الي سواه
اذا نهة ليش هيج سوة حتى لو رفضته مو نحب بعض احنه لازم يحاول الي يحب يسوي المستحيل على مود معشوكه
رفل : ردت اماني تكره اخوي لان صدك كسرها
-ماحبج اخوي جان يضحك عليج
اماني : باوعت لرفل بصدمه رحتلها وصرت يمها صحت
انتييييي شجايييي تحجيييين من جنت صغيررة هو يهواني شنو الي اختلف هسة هاااااا
رفل : باوعت بعيون اماني بخيبه لمعه الحب الي بعيونها لحسام تكسر الخاطر ورة الكسرة الي سواها بيها هاي اخخخ يحسام حتى لو تريد تقهرها مسوي هيج بالبنيه
اماني : عقلي احسه وكف ماكدر استوعب اكثر من الي اني بيه
رسل : كمت ولزمت اماني من اكتافها
-محد يستاهل تنقهرين على موده بنيتي
اماني : بعدني اريد اسولف وجان تجي بنيه معرف منو هاي طبت للغرفه
-خالة راح يبدي الجوبي ترة
سهام : اي خالة ادري
اماني : عفت الكل وطلعت ماصدكت الي يحجونه اي ابد ماصدكت مامعقولة هذا الي يحجونه صدك معقولةةةةة
حب طفولة وتالي نهايته هيجج
هاي شبيه ومنو يكول اصلاً صدك جان ينتظرني
افكاري صارت متناقضه ومشاعري هم تناقضت بين الحب والكره معرف شسوي
البيت خف من النسوان كلها تريد تشوف الجوبي
واني ؟ اني اريد اشوف حسام اي اريد اشوفه معقولة فرحان خاف مجبور خاف ميريدها خاف وخاف وخاف طلعت الف عذر لحسام
صعدت واني كلي امل اشوف ملامحه حزينه مقهور مبين عليه ماعاجبه اي رد فعل يبين منه انو ماراضي
صعدت وحرت مين اشوفه اذكرت السطح اي السطح باوعت الكعب كلش عايق حركتي كمت نزعته وذبيته يم باب السطح من انزل البسه
صعدت للسطح والسياج مال سطح اطول مني ضليت ادور شنو اوكف عليه لكيت سطلين حطيت واحد بطن الثاني ووكفت عليهن بدون ماانتبه لنفسي مفرعه ومافوكاي شي
بس يلا محد يشوف كلها ملتهية والبيت اظلم حتى النسوان تباوع اكيد مابين
باوعت واني عيوني تدور عليه بين الشباب لكيته لازم راس الجوبي ومصطفى على حده يجوب وهو الضحكه شاكه حلكه شك
ضحكته شكت كَلبي وهو مكيف ويجوب ويهز وفرحاااااان
صابني الجمود هنا ماعرف شنو الي صارلي احس شي ولطخني على راسي حيل باوعت وعيوني انترسن دموع بس ماريد ينزلن
اباوع وهو فرحاااان ايييي يحسيييم
فرحان بكسر كَلبي يبن عمي
عساني ميته ولا اشوف الي جنت اتمنى اعيش وياه لاخر نفس هيج يسوي بيه
ضليت اباوع وعيوني مغوشات من الدموع مكدر اشوفوو ومكدر انزلهن عقلي يرفض انزل دمعه عليه
وكَلبي ينزف من الداخل رفعت مبايلي اصور هل لحظات فيديو حتى اذا كَلبي حن مثل كل مرة اشوفه سبب كرهي اخخخ يكَلبي كل مشاكلي منك
احس مصطفى لمحني ضل يباوع عليه نزل راسه عاف الجوبي وراح على المطرب مال جوبي مدري شنو شاوره ورجع هو لزم راس الجوبي لان حسام مدري وين راح
سكت المطرب شويه ومبين راح يغير مود الطرب ماله بعدين بده من جديد
جان يكول
-فدوة لهل طول الراهي لمن تمشين
-عيون الناس ماترحم لاتنصابين
-تدرين انتي على كَلبي وشكد تسوين
-تدرين انتي على كَلبي وشكد تسوين
-تسوين عيوني ذني هل ذبلانات
-فدوة اروح لغاليتي وعشر فدوات
-فدوة اروح لغاليتي وعشر فدوات
-لطارف شعرها يروحن فدوة البنات
اماني : اباوع لمصطفى مكيف وفرحان ويجوب وية المطرب يكول اليوم حنته هو
بعدني صافنه وجان انجرر ليورة وكعت
اخخخخخخخ شسالفه هو هيج الي ينزل
حسام : بعصبيه وهو صاك على سنونه شعندجججججج هنااا
اماني : شفته هذا حسام ودست على كَلببي ودموعي بهل لحظه اختفن كمت انفظ بنفسي من التراب
كيفي وين مارايد اوكف اوكف انت شنو يخصك اباوع عليه بعدم اهتمام وتكبر وهو من عصبيته عروك ركبته مبينه كلها وعيونه يجدحن نار
حسام : اني شنو يخصني
الي يخصني راح تمسين شرف عائلتي ويكولون احد بناتنا تباوع ومفرعه ومطلعه مفاتنها للزلم ولو ميشرفني هيج نماذج
اماني: باوعت عليه بكبرياء وشنوو يعني اريد ادور عريس وازوج حالي حالك
حسام : ههههههههاي اي ماشي بعدج ماشفتي شي من المذلة يبنت عميي
اني الرائد حسام وانرفض من وحده مثلج خلكه بنيه لاندمج على الساعه الي جيتي بيها للبصرة الا اخليك تتوسلين بيا وتركعين يم رجليا حتى اعوفج بحالي
لزوج وعيش حياتي واخليج معلكه لانج للسمه ولانج للكاع
اماني : (بكل ثقه) ماعاش الي يذل بنت محمد ال ***
حسام : نشوف منو مايكدر يذلها
اماني : نار بكَلبي مكدرت اتحمل تصرفه الزفر وياي وشلون مكيف يزوج واني بنار كَلبي هنا كمت لا ارادياً تفلت عليه ترست وجهه تفال لزمني من ايدي لواها وره ضهري
حسام : هههههه واندمج على هاي الا اخليج تعنسين يم ابوج ياكحب* ياقليله الادب والتربايه ردتها تصير فوكاج بالطيب هل بت بس الظاهر ماتمشين الا بالمذلة انتي
اماني : حمددلله بابا رباني افضل تربايه واحسنها بس قهري عليك يا ابن عمي من عمي تعب بتربايه واحد هتلي مثلك وماعاش الي يذلني وخصيصاً هيج نماذج
كلت هيج وجان كفخني راشدي فر وجهي فر بيه
عفته وطلعت من السطح ركض اخذت حذائي ونزلت للحديقه الخلفيه مال بيت عمي محد بيها بس كراسي ومي وببسي وكومه شغلات
كعدت جوة نخله واني احس كل هموم الدنيا صارت بنص كَلبي ليش هيج ليشش الي يحب هيج يجازه صفنت على اهاناته اليه وبعده كَلبي يهواه كمت اصيحح ودك على كَلبي من همداك يهل كَلب همدااااك هيج تذلني مذله هيججج
كعدت جوة النخله لميت رجليه لجسمي واني ابجي بكل قهر عندي اخخ ينار كَلبي شنو يطفيك اخخخخخ
اجيت اريد ارتوي بحبي مادريت حبي مسموم هيج ويأذي
... . يُتبع
رائيكم بتصرف حسام حبايب؟؟
وشلون الاحداث؟
قرأة ممتعه
jwhrltm