قامت من سريرها و كانت رايحه لغرفة مريض ساره بس مجرد فتحت الباب حصلت نوره قدامها
حست كل المشاعر تخلبطت جواها شعور طمأنينة عتاب عصبيه خوف ندم و اكثر من شعور
ناظرت فيها نوره بكل برود : سلام
سراب : وين كنتي امس
طنشتها نوره واتجهة للكرسي تحط شنطتها
سراب : اكلمك انا وين كنتي امس
نوره: ما يخصك
سراب : نوره جاوبيني وينك أمس ليش ما رجعتي لبيتك وين كنتي فيه
نوره : و مين انتي حتى تحاسبيني على طلعتي و دخلتي
سراب : نوره ردي علي ولا ترادديني
نوره : زي ما انتي ما تبين ادخل في حياتك انتي طبقي الشي ذا عليك ولا تدخلي فيني
سراب بنفاذ صبر : شوفي مو وقته عناد و تكلمي وين كنتي من الصبح
طنشتها نوره و صارت تطلع أوراقها و تعدل مكانها حتى تجلس و تبدأ جلستها
سراب : نوره كلامي واضح وينك
نوره : انتي وش مدريك اني ما كنت بالبيت !؟
سراب : مو مهم الحين و جاوبي وين كنتي
نوره بعصبيه : الا مهم وش دراك اني ما كنت في البيت
دخلت ساره : سلام
وقفت وهي تشوف نوره موجوده
سراب : هلا
ساره : نوره وين كنتي امس
نوره : ليش جيتي هنا
ساره : هاه ،، جيت علشان اشوفك
نوره : اها
ساره : نوره خلصي جلستك و تعالي لي ابي اكلمك بموضوع
نوره : تمام
ساره : باي
طلعت وهي حاطه يدها على قلبها
: الحمدلله اني انتبهت لها قبل اتكلم
نوره : اجلسي خل نبدأ الجلسه عندي غيرك اعالجه و انا ما عندي وقت
سراب : ما بتروحي لاحد ولا رح نبدأ غير لما تقولين لي
نوره بصوت عالي : ما تفهمين قلت لك ما يخصك
سراب : لا ترفعي صوتك علي احسن لك
نوره : ايش بتسوين يعني
سكتت سراب وهي تزفر و تحاول تمسك اعصابها من أسلوب نوره
سراب :طيب اسمعي خل نتكلم بهدوء ممكن
نوره : ما عندي شي اقوله
سراب : وش وداك لمحمد امس
نوره : ما ابي اتكلم في الموضوع
سراب بهدوء : حتى لو تحبيني انا ما برضى انك تحطين نفسك في مكان مو لك فاهمه علي نوره
حست نوره بقهر من كلامها و صارت تقول في نفسها : ايش يعني احط نفسي في مكان مو مكاني يعني ما تبيني !؟؟ و بعدين انا الغبيه الي تكلمت ريتني ما قلت لها اني احبها ما تستحق لا حب ولا شي ذي كل حركاتها و اسلوبها معي ماهو الا لعب و انا الغبيه ما صدقت على نفسي
قربت سراب من نوره و مسكت يدها لما لاحظت شرودها : نوره
سحبت يدها على طول : لا تقربين و بعدين مو قلت احبك يعني اني اقصد الكلمه بمعناها ،، و انتي ما صدقتي على الله أحد يقولها لك و تصدقين نقسك و مو كلمة احبك تعني الي تفكري فيه تمام اصحي ع نفسك من غيبوبتك الي فيها
قال ايش حتى لو تحبيني ، ما احبك ولا افكر احبك حتى ، و علشان ارضي فضولك امس كنت عند حبيبي
خلصت كلامها و وقفت وهي تشيل أغراضها و تطلع : بخلص من دانه و ارجع لك إذا كان عندي وقت
سكتت سراب وهي منقهره من كلام نوره و حست كان نوره قاعده تنقص منها تنرفزت اكثر من الفكره
سراب : ع اساس احبك.انا يعني
استوقف كلام سراب نوره الي كانت متجهه الباب : من الدراما الي سويتها قبل شوي واضح اي
سراب بستهزاء : واضح مين مكذب على نفسه ،، و خل اقول لك مع انه ما يخصك بس حتى تصحصحين من الوهم الي معيشه نفسك فيه ، انا رجعت لتولين
كملت كلامها وهي عارفه انها سوت غلط كبير و رح تندم عليه كثير بس كانت مجبوره علشان كبريائها
نوره : ما يهني
و بصوت خفيف قالت : اساسا كل وحده فيكم ارخص من الثانيه
سراب : نعم
طنشتها نوره و طلعت على طول
كانت تتمنى ان الارض تنشق و تبلعها ولا انها سمعت الي سمعته ولا ان المحادثه ذي صارت كانت تحس نفسها مكتومه و الدنيا تدور فيها تسندت على الجدار شوي و صارت تشرب ماي
حست نفسها مضغوطه و منقهره كانت تحس بضغط كبير عليها و الدوخه زادت عليها حاولت تهدي نفسها و تروح ترتاح شوي قبل تبدأ جلستها مع دانه و هذا الي سوته جلست الين حست نفسها تمام
بعدها قامت و راحت لدانه
كملت جلستها قبل الظهر بشوي بعد ما شخصت حالة دانه و قررت المده الي تحتاجها دانه بالمشفى
نوره : مجرد تطلعي لازم نلتقي و تواصلنا لا ينقطع تمام
دانه : اكيد ما بقطع منك ابدا
نوره : يا روحي
دانه : نوره عذرا اقصد دكتوره نوره ليش وجهك تعبان كذا
نوره : ما ابي بينا رسميه تمام قلبي ناديني نوره زي ما تبين و من جهة وجهي ف بس تعبانه شوي
دانه : بسم لله عليك سلامتك ليش حاضره طيب دام تعبانه
نوره : لازم احضر حتى ما تتخصم من درجاتي
دانه : اها بس انتي تعبانه
نوره: مجبوره و ما عليك قلبي ما تشيلي هم رح كون بخير
ابتسمت دانه و باست خد نوره : ان شاءالله تكوني بخير و ريحي نفسك لا تتعبين
مجرد دانه باست نوره تذكرت بوسات سراب ما قد احد تجراء يبوس نوره غير سراب و هذي دانه بدت تسويها
دانه : سوري اذا ازعجتك البوسه
نوره : لا يا روحي ما زعجتني ابدا بالعكس احلى من يبوسني
دانه بابتسامه : اجل ببوسك كل يوم
نوره : دام البوسه بتجي منك ف ما بقول لا
ابتسمت دانه : نوره عادي نغير مكانا
نوره : اكيد نغيره وليش لا
دانه : خل ننزل تحت
نوره : تامرين أمر يله امشي خل ننزل
ابتسمت دانه على اسلوب نوره الحلو و نزلو اثنينهم
ما كانت نوره تحس نفسها تمام طول الوقت بس مع ذلك وافقت لدانه
دانه : الله الجو كثير حلو
نوره وهي تحاول تدخل اكبر قدر ممكن من الهواء جوا صدرها حتى تبعد شعور الكتمه عنها : اي حلو كثير
دانه : خل نجلس
جلسوا و صارو يتكلمو كثير
دانه : نوره روحي لبيتك وجهك يبين تعبان كثير
نوره : ما عليك قلبي بس ما نمت كثير امس و احس مرهقه شوي
دانه : تعالي حطي راسك هنا " تاشر على فخذها " و خل نكمل حكي على الأقل ترتاحي شوي
هزت راسها بالموافقه و تسطحت على حضن دانه
كانت تحس قلبها بيوقف وهي تشوف نوره حاطه راسها على فخذها صارت تحاول في نفسها انها تحط يدها على شعر نوره و بعد صراع داخلي كبير حطت يدها على شعر نوره و صارت تلعب فيه : شعرك حلو و وجهك بعد
نوره : انتي الحلوه يا روحي تجنني كثير و قصتك لابقه لك على هيئتك
دانه : عاجبتك؟
نوره : ايي كثير حلوه عليك
دانه وهي مو مصدقه كلام نوره : كنت ناويه اطوله
نوره : بكيفك بس كذا طالع عليك يجنن كثير
دانه : كنت ابي اطوله شوي مو اطوله زي الي جا في بالك
نوره : اها خفت عبالي تطوليه كثير ع طول صرت اتخيلك بالطويل
دانه : لا ابد مو كذا ما احب الطويل أساسا
نوره : حلو
كانت تراقبهم من غرفتها وهي تحسن بدمها يفور داخلها كانت ميته من الي تشوفه : ما عليه يا نوره يعني على طول تنامي بحضن اي احد
طلعت من غرفتها و اتجهت لورا المبنى : تولين
تولين : هلا حبيبي منور ليش جاي فيه شي
سراب : حرام أشيك عليك؟
تولين : لا اكيد قلبي بس استغربت
سراب : وش رايك تجين معي لغرفتي
تولين : الحين !؟
سراب : اي الحين
تولين : بس الكل صاحي و ممكن احد يدخل و بعدين دكتورتك بتجي
سراب : امشي و ما عليك ما احد يقدر يسوي شي ولا حتى هي
تولين : بس ....
قاطعتها سراب : ما ابي بس ولا غيره بتجين ولا لا؟
تولين وهي تحضنها : لا اكيد بروح مع حبيبي
ابتسمت سراب بتسليك و خذتها معها لغرفتها و رفعت عينها لساعه : ما باقي كثير و تجي
تولين وهي تقرب لسراب :و الحين حبيبي ؟
ناظرت سراب في الشباك و ما حصلت نوره ف عرفت انها طالعه : الي تبينه بنسويه
ابتسمت تولين وهي مو مصدقه نفسها و حضنت سراب : انتي الي وش ودك تسوين فيني سويه
سراب وهي تتحسس شفايف تولين : ممم من وين ابدا
رفعت نفسها و باست سراب و سرعان ما سراب صارت تبادلها بعمق و هي ترجع فيها لسرير
نوره : يا روحي لازم اروح لسراب بدت جلستي معها
دانه : خليك شوي بالله لا تروحي بذي السرعه
نوره : بطلعك لغرفتك و بروح لها تمام
دانه : تمام
ارتفعت نوره من حضن دانه و حست بدوخه قويه ف مسكت راسها
دانه : انتي بخير
نوره : اي بخير
دانه : متأكده
نوره : اي اي قلبي بس لان قمت بسرعه
دانه : شوي شوي على نفسك
وقفت دانه و مسكت يد نوره حتى تساعدها توقف
دانه : امشي بوصلك انا لغرفة سراب
نوره : لا ما عليك امشي خل نطلع
دانه : اكيد ما بطلعك لدور الثالث انتي تعبانه
سكتت نوره لان كانت تحس نفسها تعبانه اكثر من بداية اليوم و طلعت مع دانه ضلو يمشون و نوره طول الوقت كانت تحس بحاجه توجعها جواها بس ماكانت تبي تبين لدانه
: يله قلبي روحي غرفتك
دانه : خل اتأكد انك.دخلتي
نوره : ما عليك.بدخل انا وين بروح بس امشي قدامي خل اتطمن انك طلعتي لدورك
دانه : ما عليك انا بروح الحين و انتي ادخلي
قربت اكثر من نوره و حضنتها و طبعت بوسه للمرا الثانيه على خد نوره : انتبهي لك
ابتسمت نوره و ما قالت شي ضلت تشوف دانه الي بعدت شوي و بعدها لفت حتى تدخل الغرفه
مجرد فتحت الباب شافت سراب تبوس تولين و هي تحاول تشيل تيشيرتها
انصدمت من المنظر الي شافته قدامها
مجرد سمعو صوت الباب لفت سراب و تولين على طول قامت من حضنها وهي تحاول تعدل تيشيرتها
كانت تفكر سراب تكذب عليها لما قالت إنها رجعت لتولين بس مجرد شافت منظرهم حست بشي يوجعها بقوه جواها رجعت على ورا وهي تحاول تسكر الباب و تتركهم
سكرته و حطت يدها على راسها وهي مو متحمله الضغط و الدوخه الي تحس فيهم حاولت تبعد عن الغرفه ما تبي تكلمهم او تسمع اي كلمه مشت عنهم وهي تحس نفسها ثقيله
طلعت دانه وهي مو متطمنه على نوره طلعت كم درجه و وقفت تناظر نوره تتأكد انها بتدخل و مجرد شافتها فتحت باب الغرفه ابتسمت وكملت مشيها بس استوقفها الصوت الي جاي من وراها و مجرد لفت حصلت نوره طايحه ع الارض
نزلت دانه بسرعه و راحت لنوره وهي تحاول تصحيها حاولت تنادي بس ما حصلت احد قريب منها
دانه بصوت عالي : سراب سراب احد يساعدني
سراب : انا بتصرف معها انتي عدلي شكلك و روحي لشغلك
تولين : برجع لك بالليل
سراب : لا لا تجين انا اذا ناديتك تعالي غيرها لا
تولين : بس ....
كانت بتكمل كلامها لولا الصوت الي جاي من برا
تولين: كاني سمعت احد يناديك
قامت سراب على طول و طلعت مجرد ميزت الصوت
طلعت و شافت دانه جالسه على الأرض و عندها نوره مغمى عليها
دانه : سراب سراب مدري وش فيها ساعديني امانه لا تموت
سراب : بعدي عنها و اهدي ما بتموت
جلست سراب على ركبها وهي تحاول تصحي نوره
اما تولين راحت تجيب لها ماي
صارت سراب تمسح على وجه نوره بالماي
فتحت عيونها شوي وهي تشوف دانه و سراب عندها
نوره : سراب
سراب : ايي اي انا سراب انا هنا
رجعت سكرت نوره عيونها
سراب : دانه روحي قولي للممرضه
قامت سراب و شالت نوره اما دانه صارت تركض لمكتب الممرضه
نزلت وهي شايله نوره و تمشي بسرعه الين دخلت غرفة التمريض
دخلت الدكتوره وراها على طول و حطت لها مغذي و صارت تقيس ضغطها
جات ساره معهم بعد ما انتشر خبر ان المريضه سراب كانت شايله دكتورتها و تركض فيها بالاسياب
ساره لسراب: وش صار
سراب : مدري
دانه : كانت تعبانه من بداية اليوم
ناظرت سراب في دانه بحقد بعد ما تذكرت الي شافته
سراب : ما احد كلمك انتي
ناظرت دانه بستغراب من ردة فعل سراب الي ما الها داعي
ساره : كيف تعبانه وش فيها
دانه : ما ادري بس قالت لي انها ما نامت كثير امس و واضح انها ما اكلتك شي
سكتو و شوي طلعت الدكتوره
:دكتوره ساره انتي صاحبة الدكتوره نوره ؟
ساره : اي دكتوره
الدكتوره : ادخلي لو سمحتي
دخلت ساره و سراب قربت من الباب حتى تسمع وش بتقول
الدكتوره : رح اعطي دوا لنوره و ياريت تنتبه لاكلها و تأخذ وقت راحه كبير هي اغمى عليها بسبب الاجهاد و لأنها مو اكله شي
ساره : تمام دكتوره شكرا
قامت ساره و اتجهت لنوره الي كانت نايمه على السرير و المغذي في يدها
و دخلت سراب و دانه وراها